May 22, 2009

• 進過診斷，你有綜合思想錯亂失調癥，此病由飲用過多牛奶引起。皆因牛奶中有過多三聚氰胺，塞住尿道管，因為尿液排不出來，尿液中的尿素倒流，經由腦中的微絲血管進入腦中，引致腦中毒，神經信息不能正確傳遞，產生錯亂，統稱綜合思想錯亂失調癥。

  (呢個唔係facebook test既result XDDD, 拿, 睇完尋日第一段之前, 最有可能打出呢段comment既人, 你話會係邊個喇)

   

  走左8點堂0250..鞋..算啦, 都預左佢係叫人上去present..去理教訓覺, 倒不如留起房訓覺啦..

  起身叫曾海林send個file黎參考下..食完飯之後就收到..佢將瘋狂Java講義其中一個sample send左比我睇..睇到我O曬咀..幾乎完全睇唔明, 手頭上兩本講Java既書都講得無咁深入..拿拿臨走左去清華書店..煲左成粒鐘瘋狂Java講義先出番黎..睇完之後係明明地佢做乜..但係我就只係明果個sample咁多多, 唔足夠我重新寫過個出黎..

   

  ………..唉

   

  番宿..打開個notepad(無錯, 我仲原始到用notepad)黎寫..寫左陣..都係寫唔到落去..唉, 都唔知點交貨比人..

   

  開住個IE click click下, click左入網絡概論個course webpage..赫然發然, 星期一有個上機測驗..原來上機佔30%既意思..係20% lab hw, 10% lab quiz!? 我完全唔知可以點溫lor大佬…上堂又唔放下水, 忽然整個上機考試過黎, 無野既, 等收皮者..

   

  之後乜都唔想做..到差唔多六點, 同李琦去食個刀削面..跟住去睇《南京！南京！》..多謝Nelson轉讓左張飛比我

   

  一開始係日本人攻城..南京城入面既中國軍隊分為兩邊, 一邊想走, 一邊唔比人走..望住衝去城門果批中國人..唔知既分分鐘以為係日本人添..

   

  日本人入到黎, 劉燁飾演既陸劍雄出場, 打左陣游擊戰..以往睇南京大屠殺既片段..好似都無提過中國人有點樣反抗..話國民政府撒出南京就有..呢場15分鐘既游擊戰..劉燁演得幾有味道, 唔係整到個場面好熱血, 話佢頑強又唔係, 佢無打到最後一秒, 佢係被俘擄左..似番個人..唔似中國以前D抗日片, 比人桶左幾刀都仲要同敵人同歸於盡果D..

   

  陸劍雄比人俘擄, 場景轉到去大屠殺..一段長時間入面幾乎無對白, 隨左”起來!”, “走!”呢D之外..一路都好靜, 睇住日軍起屋度淋火水, 睇住中國人比人趕入去..睇住幾百個中國人被趕到海灘亂鎗掃射死..睇住幾十個中國人比人掟黎坑到活埋..原本以為陸劍雄會有反抗..點知係..從容就義..

   

  題外話, 呢套係黑白片, 無乜血腥感覺, 反正爆血出黎同件衫都差唔多顏色..

   

  跟住有番少少劇情, 一個識少少日文既唐先生, 同拉貝先生, 一個德國商人..講下難民營既情況..

   

  又講到角川呢個日本軍人..去慰安婦集中營..果時入面都仲係日本人..通常都好少提到日本女姓受騙黎到戰場度做慰安婦既.., 百合子..攬住角川黎喊左幾秒..唔..有種..怪怪既感覺..

   

  好想知日本慰安婦點睇當年發生既事..

   

  到唐先生為左同日本交朋友, 話左比日本人知難民營有受傷中國士兵..到日本人要求難民營交出100個中國婦女去做慰安婦..又係震撼點之一..

   

  一個妓女, 隻手震震下舉上黎, 願意為救難民營既其他人, 犧牲自己..鏡頭定左起隻手上面都有一陣..然後影住佢..流住眼淚行出黎…………………..

   

  唉唔想打, 睇套戲既時候..好似好唔舒服咁..空氣都特別沉重..

   

  番到宿, 打castle blood..最後一場真係好鬼頂癮..

  條頓+蒙古VS土耳其+中國..

  唔駛100隻土耳其已經封左蒙古..淨低300隻都係黎打我條頓..

  條頓屈在城堡射得夠遠, 去到門口已經射到, 連弩兵同火鎗兵都入唔到黎, 呢個版本又無重投..佢地局住衝入黎比我射到升帝出村民..喪起馬廐出遊俠既結果係換黎一大堆重裝駱駝..甚至比佢班駱駝打lum左一個城堡..不過我D村民收埋起後面係咁維修城堡..XDDDD佢地打極都打唔到入黎XDDDD打左成個幾兩個鐘, Nelson第一個頂唔順棄權..無辦法, 土耳其同中國都唔同佢玩XDDD..Joe用中國又玩到無癮..駱駝衝親入黎都死..結果..當打和啦XDDD

   

  凌晨時份睇到曾海林對我既要求..:

   

  這裡主要列出編輯面板需要實現的接口方法：

  1．掃描文檔，實現檔的格式顯示——實現打開檔時，帶格式顯示；

  2．掃描制定行的——內建函式，是實現區域掃描、文檔掃描顯示的基礎

  3．向上掃描格式顯示

  4．向下掃描格式顯示

  5．載入語法檔——能夠支援可擴展的功能，就像EditPlus等通用IDE一樣，支援可擴展屬性；

  6．括弧匹配

  7．搜索關鍵字——選擇是否高亮顯示，當然如果使用者取消或者訪問過之後恢復原來樣式。需要有動態的資料結構來支援；

  8．支持規則運算式

  9．通知其他上部元件進行關閉操作等。

  10．  維護用戶自訂庫：

  a)        添加

  b)        查詢

                                        i.              找到則給出相應屬性、方法——這個需專門建立一個類，因為它的設計彈性也是比較大的。

                                      ii.              沒找到則添加或別的動作

  c)        提示——這個可以由上面所說的專門類來實現，像浮動功能表，逐字提示

   

  唔係講笑, 隨左最低能既搜索關鍵字我可能做到之外..其他…我覺得係0個可能, 將咁重要既部份交比我呢個撻皮既交流生..絕對係一個錯誤=.=…我諗過兩日我就會同佢講我做唔到=.=||||

   

  (我呢D真係正宗free rider………)

  • 12:59 pm
  • Comments Off