May 23, 2009

  • 今日 宜外遊

     

    拿講真, 星期六呢D日子..就算我留起宿度..工作效率都唔會高..

    (其實都係比個藉口自己者..唔想做Java, 唔想溫0234 lab..)

     

    第一站 National Arts Museum

    咩話? 你連798都無乜興趣做乜會去呢D地方!?

    是但啦..行下街者, 理得去邊丫..

     

    其實起東門搭814就可以直到美術館門口, 不過Benny話唔想搭公交..去搭地鐵..行到蘇洲街, 搭到去東四, 再行兩個路口先到..

     

    ……..

    媽媽:拿,比你食王老吉糖啦

    Candy: 你唔駛用糖塞住我個口喇~~~~

    我:嘩呢句真係唔落xanga唔得~~~

    媽媽面色一沉,目露兇光,面露殺機,小弟心知不妙猶其當時身處扶手電梯如斯危險之地,二話不說直往下衝,媽媽從後追殺上來,向我下盤猛下殺手!我心中暗想,氣門並不在小腿之上,為何媽媽只搶攻左腳!?猛然發然左腳鞋帶鬆脫,再不提起左腳恐有仆街之虞。逐以單腳跳行,卻再也避不開媽媽的殺招,幸而媽媽及時回復正常,小弟總算避過一次殺身之禍。。。

     

    (我唔打呢D無聊野就無野好打架喇…)

     

    媽媽真係呢..朝早坐起學一門口欄杆等佢地果陣..媽媽一黎到就想推跌我=.=|||

     

    美術館我真係唔知可以講乜入面有咩美術展算啦鬼記得咩

    DSC_0010

     

    入到去見到好多人起度影相影一幅畫都無乜問題, 但係用一部相機黎影一張相, 成件事我就覺得好有趣, 人地係用相黎留住某一個畫面, 表達某一種意思, 然後而家我用另一部相機, 將呢張相攝入另一個鏡頭, 原本果個畫面透過兩個鏡到去到一張相上面..原本張相, 仲係咪原本張相呢? 當一張相, 成為另一張相既一部份之後, 有咩變化呢?

     

    Eva將個頭sip左起幅風景畫上面, 然後叫Benny同佢影, 淨係影幅畫同佢個頭, 想做到..佢親歷其境既感覺..

     

    睇到Turner既唔知咩畫展, “透視學家”.. 由佢學生時期既畫睇到佢老年既畫..學生時期好似寫實D, 老年畫既野越黎越模糊, 好似得番一團光咁..又係好有趣..如果我將幅畫當做Turner所理解到既世界..一個..臨終既人睇既世界就係咁?

     DSC_0135

    上頂樓睇到有幅畫, 叫做..”受苦”? 唔記得喇, 畫中依稀有兩個人背對背企埋一齊..Benny就講起Saw既野..呢個trap..好明顯就係Saw IV最後一個trapXDDDD講起Saw呢個topic我又hi, arm V siu未睇又有興趣睇喎, 咁就梗係要同人分享一下我既興趣啦XDDDD

    DSC_0036

    DSC_0180.JPG

     

    睇完美術館之後就搵地方醫肚啦~Candy提議去V Siu成日講起既簋街食花家怡園..於是就搭的去啦~~A級衛生餐廳@@!呢排真係天口興, 個個待應都有露背and高叉@@..

     

    食左個八王鴨..? 咩霸王雞? 蓮藕釀糯米飯? 酒久韮咩咩鴨? 咩咩咩魚腐....唔係我哎餸, 唔記得啦, 總之碟碟都好食啦, 個人最愛酒久韮咩咩鴨, 面係腐皮, 中間有糯米飯, 底有乳豬@@..真係勁好食@@..

     DSC_0229.JPG

    DSC_0233.JPG

    食得好鬼滿足, 都係每人47.1

     

    原本Eva話想去三(?)味書屋既, 不過我地食得太耐, 原本陳冠中有個talk起果度..不過去到都完啦..Candy話想去食文宇奶酪, 梗係好啦XDDDDD

     

    107去到寶沙胡同行番轉頭就係南鑼鼓巷, 我地真係純粹為左文宇奶酪先去..V siu話佢今次已經係第6次食, Candy係第3次食..我先第2, 真係輸曬=.=|||佢地兩個都極力推木瓜奶..咁我梗係要試下啦..可惜排到去我果度剛剛賣曬..飲左V siu果杯一淡, 我覺得堅係有木瓜起裏面bor@@!!!! 間鋪得番紅豆雙皮奶..都唔知加D紅豆落去做乜, 我既食法係, 食曬所有紅豆先, 先再食雙皮奶, 嘩卡卡卡, 勁滿足..

    DSC_0236

     

    食完就走啦~~搭兩程公交番到黎中關村..去左中關村圖書大廈睇下書..又睇左粒幾鐘先走..臨走前比我見到個Matrix Boxset, 只售RMB200, boxset超靚呀>3<!!!!!超想買呀!!!!!(不過點解係6區既?)

     

    番宿坐陣, 去何賢記食飯..(好似keep住食野咁=.=)Nelson係咁比位人地入sosad

     

    話說有個待應拎隻大shao子黎比我地檯, 去到Nelson隔離..唔知點樣好大動作咁跌左個shao子落黎, 嚇親我地成檯..大家都笑話係比Nelson吸引到, 失曬魂..

    刺身: 可能下次佢就會黎倒瀉野, d e黎同你抹下

    Nelson: 嘩呢個情節咁熟既?

    眾人: 莫非你之前試過~~~!?

     

    夜晚V.siu download左黑幫有個荷里活同埋反轉豬肚是王子..拎左過黎38樓呢面睇XDDD

Comments (2)

Comments are closed.

Post a Comment

Recent Posts

Recent Comments

Categories