July 8, 2009
-
繼續尋日EMMEA group and ungroup function既搏鬥..我095x就番到去..搵埋iris黎幫我de下bug..de到102x..Kyle番到黎果陣咁arm就搵到錯左果個位, 佢一野就講到話係option既問題..
話說上手唔知點解會用text area黎做果個selection box, 咁話明係selection box, 梗係轉番用<select>架啦, 因為原本係text area, d option係就咁echo出黎..拿老實講, 我堅係知道<select>入面係要<option>既, 你比我寫既話我寫得出既, 但係改人地個programme呢, 就爭D喇, 而且佢個<select>同要用<option>既位相隔千萬里..就係果個<option>..唉..
諗住加左<option>呢鋪掂啦瓜..點知都係衰..衰乜Q呢!? 呢鋪我用左個幾鐘, 十一點幾先搵到….拎個my_group出黎果下事, 抄左code..錯左兩個字..錯左兩個字母..唉..
如果我真係明得曬段code既話, 一陣就應該搵到錯邊..唉..
拿拿臨cap埋圖..做埋D document..食飯..
同Kyle, why..行到去太古..食和民=.=..貴到呢..49加一..又唔係特別好食..今次fully utilized 左個lunch time, 140x先番到去..
一番去就交group and ungroup function同埋service order比上面..跟住著手研究下一個task..黎個認真係要靠自己做..(which is 我覺得單挑輸梗..)
挑左陣, D野彈番轉頭..原來service order張contract唔得, 我係就係跟住佢既requirement改曬, 點知佢既requirement只係適用於from某間公司既contract..有D位例如漏左ed, 都唔可以apply落去其他公司既contract度..低能!! Iris之前都問過我有無加If-else statement, 果時我以為佢淨係問緊其中一個位, 點知係每一個改左既位都要加if-else..
呢D咁低能既task..純粹係加if-else, 都加左我成粒鐘..一來起vi edit好麻煩..二來SignedCo, 先係串錯做SignCo, 再串做SigndCo, 先串做SignedCO..又做左一粒鐘..
然後..又有新指示..將group and ungroup function, 由呢個server抄去另一個server..?!另外果個Server無Samba..一係就用putty用vi線上改..一係就download落黎..改完upload番上去..麻鬼煩..
Vi真係好差lor唔該..有無vim架..無顏色點睇code呀大佬..粗體italic都比少少丫唔該, line number都無..IE又要低能, 某D情況下打錯左..佢連error msg都無, show個blank page過你睇, 好似見到error就發你脾氣咁..對住果千行code..真係..加少左個;都唔知點樣搵番出黎..
起80.25度抄, 我都抄左兩日, de D 低能bug都可以de我成個下晝, 真係唔話自己蠢都唔得=.=..今日放工前我抄好左一個region..不過都未抄完..iris又話要將service order既野抄去另一個server..不過..都六點鐘, 夠鐘放工..
一出到電車路就見到番堅尼地城既叮叮, 唔上真係好對唔住自己者, 2蚊由鰂魚涌番到堅尼地城, 呢D車你話邊度搵呀..
七點半去到士美菲路, 剛剛好開飯, 7A re U, 不過今次少左好多人..
我/豪哥/傑仔/Arthur/gag Ko/庭叔/班長/灰熊/嘍囉/陳開心..
講左一大輪今年AL既情況..竟然有人3A..(朱子峰..? 無記錯既話我係咪同佢補過CE Amath=.=?)..
都離開左中學兩年, 仲有D咁既聚會, 真係要珍惜下..
Recent Comments