January 14, 2010

• 聽日下晝三點...立法會又開會, 大家既高鐵可能會表決到...

  聽日下晝三點...如果好彩既話, 大家既GPA可能會公佈到...

   

  其實反高鐵呢個名真係唔係幾好, 有少少誤導, 而且有位比人入

  反貴價高鐵, 或者, 反”總站設於西九的”高鐵, 會清晰好多...

   

  Google可能徹出中國...

  聽收音機聽到個好有趣既問題, google點知中國hack入去果個account係屬於維權人仕? 莫非google自己都睇過果個account 入面既email內容?

   

  用八達通黎捉到掟鏹水狂徒, 好波

  老實講我覺得呢班人未必有咩特別動機所以做, 好可能只係貪得意, 見到人地掟下我又掟下, 見到班警察r爆頭都捉唔到人好似好過癮咁...(其實我都有咁既感覺XDDD)...joker簡直就係呢種罪犯既表表者

   

  早兩個禮拜人地問我係咪final year, 我會答: 我今年係final year, 下年又係final year...而家要改一改口喇, : 今年唔係final year, 下年係final final year...

   

  黎到(人地)大學生涯最後一個sem...上堂果陣真係好似無曬fd咁=.=搞到番學好悶添...engine math 2 我遲早唔上, derivative又唔識人, investment睇怕都係自己一個...唉唉唉...

   

  原來謝安琪今朝黎左HKU...點解我等到佢走左之後先見到張poster架...

   

  上engine math 2, 問番阿輝, 佢話尋日淨係教左2版notes...但係今日就教得勁快...已經講左十幾版咁濟...不過佢講得快定慢都無所謂啦...反正都係自己睇...如果唔係有其他堂要上...今日真係唔鬼想番...

   

  上derivative, 唔錯唔錯, 我覺得堅係學到野, 學下咩叫future期貨, option期權

   

  番.NET...咁arm d人番黎打DotA=.=...好, 打番盤先走

   

  番到屋企...做左一陣FYP...真係唔多想做...真係唔知做乜=.=...繼續全程投入去打xanga...前幾日仲話會好忙添...點知就係咁起度打xanga...

   

  截至2348, 我已經打左11,651字喇=.=....

   

  借問聲要幾多字先可以出書=.=?

  • 10:48 am
  • Comments Off