January 16, 2010

• 2010_01_16-17。轉莊camp。行曬成個馬鞍

  好似好耐無行過山咁...今日特登去行一行轉莊camp...

   

  我果莊去轉莊camp果陣...43莊好似無人黎跟行

  46莊去轉莊camp果陣...44莊應該都無人黎跟行

   

  但係47莊去轉莊camp, 就有我, debby, 同埋tiffany (!!!!)仲有43莊阿四(!!!)黎跟行

   

  犀利, 真係破曬紀錄...可惜...反而係46莊唔齊=.=...

   

  由於46莊唔齊人...今年只係分兩組黎行...我果組...有我, 阿四, lala, iris, sam...有邊個47莊呢...? 我都唔鬼記得...好似有Teresa, 阿添, 同埋Owen...仲有邊個..唔記得左=.=

   

  轉莊camp呢...我地expect係咩住大大個露營背囊行到死死下架麻...點知47莊有兩個人遲入黎, 所以大部份物資都比佢地搭車拎入黎...淨低行山既人幾乎個個袋都係行街size =O=...

   

  講起轉莊camp呢...45/46莊既經驗都係行到死死下...多謝44莊發掘左條鰂魚湖=>北潭=>畫眉山=>嶂上=>石屋山=>老虎騎石=>黃石既經典路線出黎...我一直都以為咁耐黎轉莊camp既路線都係咁樣=.=...原來唔係既, 不過都唔緊要丫, 咁正既路線, 不仿傳承落去

   

  不過呢, 45莊既人都行過呢條線兩次, 再行真係有D悶, 所以同ringo講左如果再係呢條線我地就唔會跟行, 直接起終點等大家...咁樣講一講, 佢就轉左條線去大金鐘...

   

  原定係: 大水井=>昂坪=>大金鐘=>黃竹洋=>水浪窩...即係馬鞍山郊徑轉入麥里浩徑...

   

  跟住阿四行山係學到野, 手頭上果份郊遊圖係2004年, 去到大水井見到information board幅圖同郊遊圖有少少唔同...係阿四提一提話i-board幅圖係2007年, 新D...

   

  係bor...平時睇board, 從來唔留意年份...

   

  睇住47莊個個都好輕鬆咁...得Owen個袋係露營背囊, 其他個袋同我呢個跟行既差唔多size...梗係輕鬆啦=.=...

   

  去到昂坪觀景台...Ringo話見佢地太輕鬆...決定加長條路線, 變成: 大水井=>昂坪=>大金鐘=>馬鞍山村=>吊手岩=>牛押山=>馬鞍山=>黃竹洋=>水浪窩...

   

  呢條線...尋晚去sit47莊會之前我都有同Debby同Ringo討論過, 原本都有話過淨係大金鐘無乜難度, 考慮下行遠少少去埋吊手岩/馬鞍山...但係佢地莊又無pre過trip...揀D有難度既都唔安全啦...唉唉, 呢單野真係AGM見, trip都唔pre...45莊既人有無跟住行真係咁重要=.=?

   

  在場人士...應該都無行過吊手岩...帶埋下莊行d自己未行過既路...始終都係唔secure...唔係話行唔行到既問題...而係個印象既問題...”自己都未行過都可以帶人行”...

   

  而且吊手岩係有難度, 呢樣我行之前就知...對普通行山人, 即係唔會特登向難度挑戰既人黎講, 吊手岩應該同吊燈籠, 蚺蛇尖係同一個level...雖然話得一兩個人係咩住露營背囊...其實...都係有d危險...

   

  唔...唔知啦...決定增長路線之後, 就拿拿臨衝上大金鐘...同吊手岩比, 大金鐘只係小試牛刀者...石屋山應該仲chur d添啦...加上大家個袋又唔係重...都唔係用左好多時間就上到頂

   

  起個頂度休息一陣, 順面望番轉頭, 睇下起昂坪玩緊滑翔傘既人...真係勁過癮@_@...一野跳出去, 好似完全唔駛理會吹左去邊度咁...

   

  大金鐘之後係落山, 轉落馬鞍山村...一大段又長又平既路...勁hae啦...大家都行得ok快...

   

  臨到郊野公園之前, 有條橋...隔離有間士多...一睇就認得出係”天生一對”入面林家棟搵果個神棍醫生既診所@_@...

   

  入去郊野公園之前...向幾個行山人士問下路...點去吊手岩, 佢一見到owen個大袋就話我地拎住咁多野...上去吊手岩好似唔係幾好咁=.=...又話時間已經唔早...之類...云云...

   

  不過我地都無理佢既advice...繼續行, 起郊野公園休息一陣之後就衝上吊手岩

   

  我知佢係難行, 但係我又估唔到難到已經有人釘左條繩起度, 比我地拉住上去wor...有兩三個位都係180度既小型懸崖...我真係鄧果d咩住露營背囊既人辛苦...我咩住個普通背囊都要出少少力水先拉到個人上去...佢地...真係...真係要比個叻佢

   

  又一次套用finance既theory, high risk high return, 經過一段ok有危險性既”路”之後...上到吊手岩頂, 望到既野真係好唔錯, 幾乎360度都望到曬, 係有少少位比馬鞍山遮左, 如果向西北望既話, 成個馬鞍山市中心, 遠到船灣淡水湖都仲望到, 果個位係唔講得笑既靚...

   

  我地企到去崖邊影相, 老實講我真係有少少驚會跌落山...果d位...同獅子山獅頭差唔多...真係一失足成千古恨既fd黎...

   

  過左吊手岩, 向牛押山進發...地圖話到牛押山頂之前有得轉向東南邊落馬鞍山...我地一路行...沿途真係見到一個三叉位...帶頭既人好直覺就行左落去...好似係47莊既terry好醒咁意識到行錯路...所以我地又行番轉頭, 派左ringo同阿四上山頂視察一下再作決定

   

  我地行錯果個位...如果就番當時我手上有既資料黎睇...我再諗一次都好, 都好可能會行錯, 果時我真係以為就黎到牛押山頂, 已經果條地圖無顯示出黎既路方向係正確, 而且又係不停向下...連等高線都arm埋...

   

  當時唯一我應該要諗到...但又諗唔到既point係...轉去馬鞍山條路, 應該係山脊位黎...呢樣野睇番地勢應該係睇得出, 果時我真係疏忽左呢樣野...

   

  好彩最後都無行錯到, 接近牛押山頂之後轉去馬鞍山...果時都四點幾喇...我地仲起688米高既地方, 真係要盡快落山先得...

   

  上去馬鞍山果下你都咪話唔支力...經歷左咁多段又上又落既路段之後, 上馬鞍山果短短100米左右既高度...真係有少少chur...

   

  去到馬鞍山...不敢多作停留, 拿拿臨落山喇...我地有幸起個咁高既地方欣賞到日落, 算係不枉此行啦...

   

  落山沿途都係大風到傻左lor唔該...我好少會話比大風吹到頭痛, 今次真係有少少...吹到眼水鼻水都係咁流...

   

  剛剛好落番去麥里浩徑既時候就天黑喇...

   

  由M077開始, 行到去M071就係終點...大家都開始鬆懈左...諗住條路咁易行, 應該包無死啦...點知就係出左事...

   

  行到竹洋路附近, Teresa收到個電話話BenBen唔見左...果時都未feel到有幾大件事...去到竹洋路口...Nigel沿路行番轉頭搵BenBen...見到我地包底班人...同我地講左個情況...

   

  大概情況就係...起轉出石屎路之前都仲見到BenBen...上左石屎路轉右, 行左陣之後就發覺唔見左佢...連我地包底呢批人都見唔到佢, 可以肯定BenBen係自己一個行錯左路...

   

  打電話話佢唔到, 佢又無walkie-talkie..., 如果BenBen唔知自己行錯左路, 一路向前行就大檸樂喇...

   

  我地包底呢班人開始部署點搵BenBen既時候, BenBen應該已經走失左成半個鐘...我同lala跑番去石屎路上黎, 轉左果條路...BenBen行錯既話, 都應該淨係起果個位錯架者...

   

  一路跑去搵人既時候...真係有d驚...好似從來都未見過行社既function有發生過咁既事=.=....so far都未見過有人嚴重受傷...(行山呢d野, 界損下手腳好閒者)...有人走失wor...如果起轉左果條路去到盡頭都搵佢唔到, 就真係唔知點算喇, 數番轉頭有成三四個分叉路口...

   

  好彩...狂奔左10分鐘之後起一堆街燈下面搵到BenBen自己一個坐起度...

   

  呢次轉莊camp, 真係次次都係有驚無險...

   

  帶番benben番去竹洋路, 好似已經係八點鐘喇...

   

  大班人一齊...終於平安到達水浪窩營地...

   

  Matthew, Sharon同Billy已經到左一段時間喇...到達營地之後...45莊可以暫時消失一陣, 紮營煮飯既野交番比46同47莊做啦, 我地45莊全體仝人同埋阿四行多兩條標距柱, 去到西沙公路水浪窩公廁附近既燒烤爐打邊爐...

   

  食食下見到46莊既人搭車黎到...食食下又再見到47莊既人搭車黎到...真係O曬咀...47莊果兩個人拎左四個營同兩大袋食物入黎...果時已經係晚上十點幾...

   

  45莊...打邊爐打到十一點幾...食到好飽飽喇, 再行番去營地...見到佢地仲煮緊野食=_____=上年呢個時候已經差唔多開始問問題喇...唉唉...

   

  真係睇到O曬咀...搞到凌晨一點幾都仲係煮緊野食...催佢地快D搞掂壇野快D開始...又好似好亂咁...唉=.=唔識comment...

   

  講番46莊...Ringo真係...笑死人=.=...聽46莊既人講話ringo黎到營地無幾耐就訓左...起好營之後就訓左入營...訓到12點幾...比Debby整醒左, 一醒果下凍到傻左...比左勁多件衫佢著...然後由幾位女莊員護送佢去47莊煮食場地...

   

  果個情況真係好笑到...

  女莊員1: 不如我比個暖貼你啦

  Ringo: 唔駛啦

  女莊員2: 唔得呀, 你一定要貼呀

  Ringo: 唔好啦掛

  女莊員1: (開始暴力對待)貼起邊度好呢, 呢D野要貼入D架喎

  女莊員3: 貼起件底衫度啦

  女莊員2: 係啦, 等我扯開佢件面衫少少先

  Ringo: 唔好呀....救命呀....

  女莊員2: 咦呢度有煲熱辣辣腸仔起度喎...

  (西按：嘩果煲腸仔我真係見到都唔想食)

  女莊員1: 快D拎黎比佢食啦, 佢成晚都無食過野喇

  女莊員3:不如比多件衫你著啦, 你好似仲係好凍咁喎

  Ringo: 得架喇我夠架啦

  女莊員2: 唔得呀! 你一定要著呀, 你睇下你, 個咀唇仲係咁白既!

  女莊員1: 喂果邊有熱朱古力喎, 拎杯比Ringo啦

  女莊員3: 點呀你有無好D呀

  Ringo: .........(震震震震震)

  女莊員1: 呢杯野無糖既, 邊度有糖可以加D比佢呀

  女莊員2: 呢度有呢度有, 成大包添呀

   

  佢地企起Ringo身邊果陣, 一時婢女咁服侍, 一時阿媽咁強權, 一時老婆咁溫柔...能夠得到三位女莊員(橫跨45~46莊, 而且係在場年資最深, standing order最高既三位, 歡迎各女莊員對號入座)既噓寒問暖...無微不至, 咁體貼咁窩心既服務, 我諗當今世上唯有Ringo一人...

   

  我地偉大既45莊丁主席, 企起隔離, 只係得小高子同小西子陪住睇呢套鬧劇

   

  Ringo, 你執到啦 XDDDDD

   

  擾攘左好耐好耐...搞到兩點鐘先有時間黎一次mass comment...差唔多兩點半先開始轉莊camp最重要既部份...

   

  對話內容就唔起度講啦...

   

  今年我巧叻叻架喇..., 10個人入面我只係訓著左兩次...其他時候都保持住半清醒狀態, 雖然都唔係問左好多野=.=...

   

  其實呢...我覺得轉莊camp呢個function有必要改革一下...通宵咁傾計, 相信46莊對上咁多莊既人都試過...係有幾咁chur...係有幾唔inefficient...問到最後幾個人根本就無精神問落去...如果大家可以keep到好精神咁問...兩日一夜轉莊camp當然係最好既形式, 但係this is not the case...將來...會唔會考慮下改為兩日兩夜既遠足露營...即係星期五晚就出發...一晚問一半人...po ng possible? Fe ng feasible 呢?

   

  今年由凌晨兩點半開到第二朝差唔多九點...差唔多啦...根本46莊再花左少少時間教下47莊一D camping skills...我地45莊幾個人企起後面討論d繩結問題...真係今日先知原來ringo都係黃膊...(即係童軍instructor...), 47莊有一個steward又係instructor @_@...

   

  搞左唔知幾耐, 終於走得喇...

   

  全部人都搭車去到沙田先走...我同debby跟住46莊起沙田新城市廣場食野飯食埋生日蛋糕先走...(Olivia, jimmy生日快樂!~)

   

  幫某人交條匙去太子某補習社...驚見該補習社門口一張疑似補習名師既poster有某人既大頭相XDDDDD

   

  行去旺角等人...原本諗住唔番屋企...就直踩到今晚...不過...原來...人地又未到, 最終都係放棄左, 番屋企沖個涼訓覺訓到七點幾先再出門口

   

  再番去旺角...行旺角...我諗大部份人都係行下商場機鋪K鋪...雖然旺角書店係多...行書店既始終係少數人...不過又咁講, 比我行旺角, 我最想行既應該都係書店..=.=

   

  起鏹水街見到有個人怪人舉住個”我愛祖兒”牌, 意思大概係向容祖兒求婚...之前上網都聽人講過佢架喇, 不過今日見到佢都係嚇左一嚇=.=...

   

  去到旺角都係去食大家樂...好似食SU can咁...我諗都無乜幾多個HKU人會同意呢種做法XDDDD

   

  睇左一套戲...Seraphine (中譯: 花開花落), 一個1864年出世既法國畫家...平時係一個普通既僕人...夜晚會自己係咁畫畫, 到1912年, Uhde賞識佢既作品, 開始幫佢起呢一方面發展, 但係1914年WWI爆發, Uhde作為一個德國人要離開法國...1927年佢再番黎法國, 起一個畫展入面見到Seraphine既作品, 於是又搵番佢, 一路佢起美術界創出輝煌成就...1930年經濟大蕭條...Seraphine唔知係咪接受唔到無人買佢既畫呢個打擊, 痴左線...住左幾年青山之後就死左

   

  呢D幾乎只係起油麻地百老匯電影中心播既電影, (IFC會播兩日)...我都唔預自己會識得欣賞架喇...起去完轉莊既瀕臨崩潰狀態下我都可以唔訓著, 堅持睇曬成套戲已經係個創舉...

   

  起法國既凱撒大獎入面, 呢套戲獲得最佳女演員, 最佳電影, 最佳音樂, 最佳拍攝...=_____=....影評人既眼光, 同藝術家一樣...對於普通人黎講, 真係難以理解=.=

   

  通常同fd去街都要講下野, 但係同某d fd去街, 我可以好安心咁全程唔講野, 咁樣係一件好事定壞事sosad?

   

  之前起facebook見過一篇文...最尾有一個point , 好似exactly就係講緊呢樣野...話咩你可以對住佢唔講野而唔會feel embarrassing既, 先係堅既朋友=__=

  • 10:59 am
  • Comments Off