January 18, 2010
-
終於通過左高鐵撥款...
老老實實, 作為一個消極既人, 我覺得拿拿臨比佢通過左算喇...反正, 無論抗爭幾耐都好, 最終都一定會通過, 如果拖得耐既話, 到時造價又升升升...咁咪仲衰...所以...實際D諗, 已經有班人用左唔少effort, 好積極咁表達自己反對既意見, 已經足夠喇...起呢個制度下面根本改變唔到乜野...再阻住政府做野...盞浪費更加多既錢...
唔知幾時又會搞多次零三七一出黎=.=
聽到曾蔭權話立法會通過左...就代表大部份香港人讚同起高鐵...真係聽到燥燥地...係咪大部份人讚同我唔敢講...反正無人做過全民普查...燥既係...果個邏輯關係...果個”implication”...
經過轉莊camp之後...身體結構性缺水, 尋晚已經好唔尋常咁起番屋企之前飲左盒十字牌果汁酸乳, 今日再連chur兩盒朱古力奶...都仲係覺得有少少口渴...
行完轉莊camp條路之後, 只係大約消耗左600mL既水... 雖然係冬天行山...我覺得我飲咁少水都真係好過份=.=...
所以我成日話, 如果有一日呢個世界無曬水, 我應該係最遲死既果幾個%既人...
番到.NET...比人問候下GPA幾多..
.通常呢...同其他科既fd講自己GPA...聽到既回覆都係帶有小小羨慕...不過起我班CE同學入面...”哦...幾好啦~”...下一句已經係...
”今個sem肥仔差唔多要裸跑wor~~~”
“咦原來Barry都要祼跑wor~”
“Bryan呢? Bryan差邊科A唔到呀?”
注: 爆4者祼跑係今屆CE既傳統
所以話我既GPA係幾咁不值一提, defer engine degree對我個hon絕對係有百利而無一害
上SE...繼續好抽象既討論...連second law of thermodynamics都拎埋黎講=.=...最後先開始講少少what is object, what is class...好抽象好抽象
晏晝打左場DotA...超勁@_@...今次用Sniper真係超水準發揮@_@...有上個sem尾final完左...Barry個fd...Peter黎玩...佢仲要係人多果邊...我果team 4個打5個...真係打到最後一秒先分得出勝負!!! 勁緊張刺激...我果邊3個人打到入去人地屋企...我1個人起屋企守住...人地5個衝曬入黎...其實都守唔到架喇...妄想可以拖慢一下...結果係我連續buy back左兩次=.=...如果我多d slow下人地可能就我地嬴架喇...我地爆果下...對面都係爭幾十血就爆...呢場真係輸都輸得開心
上IP...繼續半睡眠狀態...Bryan而家每次上IP都要食住朱古力先上到...XDD
去university bookstore, 想買FINA0301 Derivatives本書..”Fundamentals of Derivative Markets”.臨買前見另一本同一個作者出既”Derivative Markets”, 上堂都聽過話作者係有另一本書比Master level既course用...我手痕拎黎睇下...驚見內容同Fundamentals果本一樣, 相異之處只係少左幾個chapter...再睇真d, 呢本加長版, 係FINA0402 Mathematical Finance...which is 我準備下年take既course既textbook...即刻...停一停。諗一諗...
最令我猶豫既係...詳細版係出到2nd edition...2006年出版...我feel到...起呢一年之內, 呢本詳細版都會出埋3rd edition..
Recent Comments