January 21, 2010
-
26日正常五區總辭, 梁家傑, 陳淑莊, 黃毓民, 梁國雄, 陳偉業...
呢張名單真係星光熠熠...之前我好似話佢地起碼會輸一個...而家可能要收番...雖然我唔係好buy五區總辭呢個行動, 都無理由唔投比Tanya架~~~~
今朝mid year review... second examiner 係N. Wong...睇黎上年佢都係伙拍Philip Pong...雖然佢唔識問我Neural network既問題...佢會問我...”Last year one of Philip’s students also worked on your topic, what is the difference between his work and yours?”...我都未諗到點答...好彩philip搶先一步幫我答埋...
“Your system does not consider the economic or political factors, do you think it is still reliable?”
呵呵, 我不嬲都覺得呢個neural network虧虧地...已經諗好左答案
Present完, 落.NET溫下書...溫定FINA0301...無人同我一齊讀既科...真係要努力D...而且呢個course真係出名難...
溫到咁上下, 11點之前去SU can食個早餐當食晏...
出去周圍行下, 行到去開心公園, 見到民主牆咁多野睇咁睇下...一睇, 差唔多睇曬全部文...
又到學生會撼莊既時間...估唔到丫下, 竟然有人林莊...林莊之餘仲要比人揭發唔知點樣拎左千幾蚊文具...又係咁比人插連資詢大會都唔出現...
開始睇到有D厭, 先唔好話果D係咪事實, 反正公說公有理, 婆說婆有理, 我只係唔多想見到民主牆上面有咁多攻擊...無論果D指責係真係假好, 呢個都唔係一個好現象...
然後咁arm有政政學會請左鄭家富, 黎廣得同邱誠武黎講野...起呢D公開場合當面對質, 黎廣得話係第一次...
政政學會個topic開得幾好, 個重點係擺起...”究竟呢次事件入面, 公民參與既程度如何”...
擺去錦上路定係擺起西九, 一樣可以比人話官商勾結
擺起西九, 會令果度交通更差...講真我對呢樣野無乜concept
669億...我諗一個唔係留意開政府用錢既數字既人都無乜概念...最令我明白669億有幾多, 係”1/4個政府年度財政預算”, 而唔係”可以全資資助xxxx個大學生既學費”, “可以飲yyyy杯starbucks咖啡”之類...
工程設計上既問題...普通市民根本都唔識評啦...
公民參與程度...我諗99%既香港人都係近呢幾個月先有留意高鐵者...但係...學鄭汝華學柴九哥講”人生有幾多個十年”, 按局長既講法, 原來十年前已經開始講...不過一直都只係流於概念上既討論...唔知係有實際建議不過唔拎出黎講定係真係無呢? 到07年真係有少少實質建議...資料又唔夠...同西鐵平行咁去定係開獨立通道呢樣野都已經轉過軚...
聽多一陣...都feel到其實唔會有咩結果...呢面話”政府既文件要等到09年先公開出黎, 最重要果part甚至係過埋公聽會先公開, (根本就係想抺殺公眾參與既權利)”...果面話”其實高鐵呢個concept十年前已經提出過, 坐落起西九站呢個proposal更加係07年已經提左出黎...”
唔知喇, 呢個...唔需要聽任何一方既證供, 作為一個小市民, 我的確係呢幾個月先有留意到...你咪話我唔夠留意香港時事lor...
一路聽, 一路有個on.cc既記者黎訪問學生, 問題好簡單, “你點睇陳巧文?”
你點睇陳巧文?
幾好丫, 一路以黎學生比人既感覺都係政治冷感架啦, 隨左政政, 學生會既人之外, 有幾可會有人發表自己對政治既睇法? 講下PCCW呢排打算申請搞免費電視令到股價急升幾毫可能會有多D人搭嗲...Tibet人權問題wor...陳巧文唔提起既話都唔知會唔會有人留意到...陳巧文的確係raise左唔少大學生對政治既認識既...(雖然可能都只係好少好少...)
聽呢個論壇聽到我連engine math 2都走左...
去行社counter坐左陣, 再去上FINA0301...
又short 又long 又put 又call 又forward 又option...老實講, 我唔覺得LE7入面會有好多人立即聽得明個Dr. 講既野...實在係太煩啦wor...一時間邊分得6樣野丫...
上完堂, 去CYC 103搵Tsz Hang一齊研究下...究竟點解佢既gradient做黎做去都係0.5, 而我既gradient做黎做去都係0.7
睇左陣, 比佢發現左, 我計gradient既方法, 係將actual data同predicted data既位置掉轉左...
假設t, t+1, t+2, t+3, t+4...呢五個時間既恒生指數係1000, 1001, 1002, 1003, 1004
而家我個方法predict出黎既恒生指數係998, 999, 1000, 1001, 1002
起predict t+1之前, 我會話比佢知t果一刻既恒生指數係幾多
起predict t+2之前, 我會話比佢知t同t+1呢兩個時間既恒生指數係幾多, 如此類推
即係話, 起我個system predict 出1000呢個數之前, 佢係知道t同t+1既值分別係1000同1001
我初頭既argument就係話呢個system predict 個directional change predict 得好準, 因為actual 既指數同我predict出黎既指數都係increasing, (甚至, 連升幅都一樣, 雖然數字上係有少少誤差)
但係, 人地paper measure system accuracy既方法係
明知前日同尋日係1000同1001, 個system就估下一日係1000, 即係估佢跌者
尋日係1001, 我估聽日係1000, 實際上聽日係1002, 同actual 既index比較
個directional change係100%錯曬
我同Tsz Hang既唔同...主要就係呢D...佢將t+1既predicted value同t既actual value比較, 我將t+1既predicted value同t既predicted value比較...
唉...諗落, 又真係無奶油同t既predicted value比較既, 呢個system唔係活起自己既世界, 係活起呢個actual world架麻...唉...
我會犯呢個錯, 唔係因為我真係覺得要同t既predicted value比較, 而係我打code手勢差...d variable 名set得唔好搞到掉轉左...由上年十月開始錯到而家喇...唉...
真係好灰lor...坐到五點幾...離開PC lab...我化悲憤為食量, 先起Panash買個貴得黎真係幾好食既煉奶飽黎食...再去聖羅蘭買個菠蘿奶黃包黎食...真係柒到pk lor...我幾多年無食面包呀? 都唔係好耐者, 拎起果包果陣我都有諗, 點解呢個包無紙既?
點解我會覺得個包無紙架...食左一半之後, 我細心D再望一望個包先發現張面包紙lor頂
一個人柒開真係有條路
妖
Check下email, Deutsche bank send左封email黎
“The standard of candidates applying has been exceptionally high and we regret to inform you that...”
得喇, 唔駛睇
今日真係柒到無朋友
Recent Comments