September 11, 2010
-
[2010_09_05 – 行社跨13莊boat trip function]
[2010_09_11按: 遲左咁多先打xanga…because this week happened too much…]
早在今年年頭行社春茗時歐陽已經提過每年都有一次boat trip…呵呵, 終於等到了
歐陽佢地話會八點鐘去到西貢買野…話最好八半左右去到惠康幫佢地拎下野…咁我都八點鐘去到西貢啦…不過唔係買野…係食個早餐先者…
嘩幾耐無試過8點入西貢…搭左全日第一班113直到彩虹轉小巴入西貢, 準時到達
剛剛起麥記坐低…就見到…李思捷@_@...跟住仲見到…火星人@_@...死火啦火星人叫咩名=.=?真係辛苦佢地咁早入黎拍天天天晴…
0830, 我/4/lala就過隔離惠康睇下點啦, 無參與買野食既過程, 淨係參與做搬運工人…
43-47莊代表出席既有: 4 / debby / west / ringo / lala / Hilda / jacky / terry / theresa, 原本owen都話黎不過又甩左底, 30個去船P既人入面有4~5個唔係行社, 24~25個人入面有9個都係近5莊既人~!
對上幾莊, 我認得而又有黎既…Patrick, 大J, 歐陽, Lydia…今日再識多個34莊既…俊!...比較少蒲頭既41莊都有人黎…同佢講過幾句野不過唔記得佢叫咩名=_=
繼起早兩日開sem飯朱華添反問我: 乜你唔係46莊架咩? 之後今日Lydia起碼頭話記得我係46莊…認真sosad, 42莊既佢有黎睇過45莊既counter架~!
廿幾個曾經上埋同一支莊既人行埋一齊, 都幾amazing…睇落去我地之間好似無乜關係, 全憑一個soc, 將年紀相距甚遠, 有d甚至未見過既人拉埋, 雖然唔識…但隱約間會覺得大家有種共同語言, 有種講唔出既親切感@_@!!
0920左右上船, 目的地係…”蠄蟧灣”, 相信大家都唔知起邊架啦…我之前都無聽過…係起糧船灣西南面既一個沙灘, 上年開船P開到有人溺斃既大蛇灣就起隔離=.=…
google map都搵唔到呢個蠄蟧灣...特登cap埋右邊既地方出黎方便認...白腊大家(唔, 我呢度既大家係指行社人士)應該識啦...仲想講下個北丫頂, 如果大家有機會行鹽田仔, 沿住海邊行去以去北丫頂睇下, 都幾靚
剛剛上船, 影番張相先
差唔多1030左右就去到啦, 我地係第一艘船到, 所以可以起最近岸既地方停泊, 然後自己游大概一百米左右就去到沙灘…即係呢, 我諗…我游到掛, 不過我認我淆底, 起碼都要攬住一樣浮水用具先游過去…
Ringo同jacky走左上上層跳水落黎, 猛話好玩, 叫其他人都跳=___=
遠處咪有個人訓起藍色浮床上面既, 果個係ringo, ringo既右前方就係我@_@
玩下數字波閃避球…嘩卡卡我玩閃避球通常玩到最後都仲起場入面架xD
然後就自由咁玩下水啦…玩玩下個灘開始多人…(到中午時份果度有超過10艘遊艇@_@)…於是我地又游番去船
43-47莊既人攬住一條長條形水泡, 女生再各自攬住一個水泡…都唔知游左耐先游到番去=.=
未夠12點上番船, 又未食得飯, 又係時候玩下UNO…上上層玩…話輸200分就要跳一次水wor xDDD
船家煮既食物出乎意料之外地好, 雞粥好好食, 又估唔到會有兩盤海鮮, 我諗呢個就係要收成330蚊既原因啦…
食完之後休息左陣…就去玩香蕉船@_@...我/4/lala/ringo/debby上快艇先, 不過每次香蕉船得3個人玩, 第一次係4坐前面, lala中間, 我後面…
嘩對上一次玩香蕉船係小四去泰國玩, 勁深刻, 因為我好記得跌落水之後, 我比我家姐龐大身軀壓住左=____=然後飲左幾啖水=.=….
今次呢…最起碼我無用個口飲水先=.=…d水要由個鼻度衝入去我都無辦法…船家第一次fing我地果陣我地真係完全無意識control隻蕉, 一下就fing左落水…=.=…
上番隻蕉都幾難, 真係好靠臂力…lala上左好耐都上唔到=.=…
第二次, 我地三個人都好有意識, 轉左既時候識得踩住右邊…轉右就踩番左邊, 有兩三次爭d跌都無跌到…不過當船家有心fing你果陣真係無可能擋到, 呢次跌落水我醒目架喇…我背向水面咁落…唔知點解都係個鼻入咁多水=.=
今次又係我上番隻蕉先, 大力一扯, 連隻蕉都反埋cum住左我, 爭d又飲水=.=..
玩埋第三次, 支力啦, 好夠皮啦…換比ringo同debby, 佢地又真係玩得幾勁wor…fing左好多次都唔跌~!
玩完, 番番大船, 飲下食下野…就過番去海灘玩…又係數字球….果個時候有好多其他人起個灘度…有時d撈埋一齊我都唔知…掟個波果陣掟中隔離d人=.=…咁就輸左一次…咁通常輸左一次就好容易比人做, 輸埋第二三次…
結果同歐陽出黎dem大懲罰…佢話”兩個男(或者兩個女)既攬埋一齊碌落海”, 我心諗, 都係好似大長碌咁者…無野既…兩個男既玩大長碌, 除左gay左少少之外都acceptable…點知我完全錯左, 佢呢隻係車tie式既碌法…
首先係我訓起個灘度, 個頭指住個海, 即係垂直to coastal line la, 然後歐陽企起我個頭上面, 彎低身捉住我對腳, 又叫我捉住佢對腳…然後佢成個人向後一訓, 我成個人比佢拉起左…唔知大家想唔想象到=___=
我應該要拉起埋佢隻腳既…不過果下真係…太過突然…完全反應唔切, 加上無論係身形力度邊方便都好我都無可能及得上歐陽啦=___=…真係玩到我O曬咀-__-我都拉佢唔起, 結果呢個人肉車太已經散散地架啦, 我都唔知歐陽點樣做到, 我無乜點出力, 佢都可以拉住我再轉到個圈...搞到成頭成口都係沙...
又玩下閃避球…玩到夠啦…又游番上船…今次都係我+4+lala呢個配搭…三個人一張浮床, 都唔知游左幾耐=___=…游黎游去好似都無郁過咁…
上番船, 猛咁食薯片補充番體力xDDD, 然後坐起船尾睇歐陽/Patrick練習跳水@_@...真係好犀利@_@...成隻海豚咁, 自己抛高個水泡, 自己跳出去穿過佢跌落水...@_@...見佢地玩得咁開心好多人都跟住出去跳~
個個人都番番艘船之後….開始沖身啦…不過ringo同jacky話臨沖身之前要跳多次水先=___=…debby又話跟住跳…原本我都麻麻地想跳架者…即係呢, 我又唔覺得跳水呢個活動特別好玩…不過上到去見到佢地三個都企左出去…咁咪…跟住跳落…到我爬左出去, 果度既位其實唔多, ringo同debby入番去等我同jacky跳先
跳之前望下個高度… 乘風航最後一次跳果個高度咁上下者…即係驚唔驚? 我驚呀!!!!!! 即係都有一層半樓咁高啦…望落去個心真係跳得好勁=_=…雖然係好X驚, 數到1,2,3果下都係自自然然向前行一步直插落水…
都係個鼻入水lor…撞到個鼻入面好鬼痛=.=…身體其他部份又無乜感覺, 証明我落水都落得唔差xD
跳左落黎之後…起個海度望番上去睇debby 同ringo跳, 等極都等唔到佢地跳落黎=___=…算=_=…
跟住就真係完啦~艘船開番去西貢碼頭…
呢個時候就梗係要瘋狂影相啦@_@
睇住呢張相, 唔Q知個身份都好明份啦...呢張相我好似仲差4個唔識...
呢張行社既旗, 真係幾靚, 聞說係34莊某莊員既媽媽整既@_@....
之後再去西貢既滿記食糖水…我第一次黎西貢既西貢滿記食糖水!~!~!~!~!~!~!我都應該講左好多次話要黎呢度食架啦~!~!~!~!講左咁多年終於有啦~!!!!
Recent Comments