September 24, 2010

• 東宮西宮之十大九宮

  娛樂/intelletual+analytic 成份都極高...其中4/7好似頭條新聞既嘻笑怒罵100倍加強版, 2/7係真係有message想話比觀眾知, 等我地睇完之後, 唔係得啖笑咁出番去...仲有1/7係比導演自由發揮...

  東宮西宮既八重奏...次次都有, 不過近幾次講d野都差唔多, 雖然係第一次入場睇東宮西宮, 佢之前既演出, 有部份我都起youtube睇過, 佢地已經連續幾次重點咁講公務員制度...

  http://www.youtube.com/watch?v=Jo-DJ1llkTw
  呢個係東宮西宮七 香港公務員之死亡筆記 既八重奏, 真係強烈推介比大家聽...講既野有一半同今次都差唔多=.=...聽完堅係學到野

  香港公務員係實行通才制, 即係...做果個部門既官員唔需要係果個專業出身, 例如邱騰華係環境局局長, 但係佢本身就無任何同環境有關既專業知識, 1981年起香港大學文學院畢業後就加入政府做政務官, 每兩三年掉一次職, 做到而家...其間有機會修讀既進修課程就只有...流於空泛既"公共行政管理", 所以...管環保既唔識環保, 管教育既唔識教育, 管交通既唔識交通...

  套劇用左近期好興既inception...老實講, 我之前有段時間都以為停車熄匙可以好有效咁改善到空氣質素, 所以邱局長先要訓身去宣傳...後黎都有唔少團體講過, 停車熄匙可以改善到既...真係得條毛咁多...唔知邱局長係幾時潛植左呢個意念入我個腦度架呢@_@...而減低車輛起道路上造成既空氣污染, 最有效既方法係減低路面車輛數目...

  不過呢, 呢樣野又唔似係環境局可以做到...起某d繁忙既道路, 例如怡和街, 當中有高達40%流量係巴士做成...運輸署成日都話重組巴士路線架啦....不過呢d issue一落到區議會, 一聽到話要合併路線/減少班次肯定嘈嘈閉...所以講左咁多年, 都仲係得個講字....明明電動車既技術已經好熟, 就連HKU EEE department都整左個垃圾電動車出黎, 十年前開始年年open day都拎出黎呃班中六七學生黎參觀....外國既electric vehicle更加common....不過政府都係無意欲引進呢d技術....

  (咦...我越講越遠添...)

  講番公務員系統....胡恩威另一個想raise出黎既point係...香港缺乏做政策研究既組織, 政府無一個長期做研究既機構, 次次有事既時候, 都係成立一個臨時調查小組 / 跨部門合作機構 / 進行資詢... 全部都係好短暫既研究工作, 缺乏一個宏觀, 有方向式既政策研究...我諗呢個都係政策容易傾斜既原因? 例如房屋政策, 房屋委員會轄下係有一個策略處, 不過呢...呢個策略處好有可能都係由唔係做開房屋政策研究既AO黎做"研究".....

  政府應該要比小市民高瞻遠觸一d, 問到你既時候應該即刻比到答案啦...而唔係..."我地會展開為期3個月既資詢期, 再進行詳細既研究, 而且會另外委派國際顧問公司寫報告....(下刪一千字)"....你睇下上年特首起施政報告提到既慳電膽方案, 起今年施政報告仲有幾個禮拜就出爐既時候, 終於研究到話要取消....(當然, 都唔可以抹殺當中既政治因素既....取消慳電膽資助方案就梗架啦, 不過一propose出黎就即刻取消...似乎柒左d...起事隔一年之後先話黎取消...都係笑大人個口架喇...算係無咁柒咁lor...)

  (er? 我又講遠左...)

  講到房屋政策, 香港既房屋/土地政策一向都係畸形架喇....大家如果有留意開, 或者開始諗買樓既問題, 應該會發覺到d騎呢既地方...

  ...........

  咩話? 你發覺唔到? 香港地產商本身已經囤積左好多地, 一手地產市場已經係extremely unefficient, 地產商要控制樓市價格話都無咁易; 然後強制拍賣既門檻由九成降低到八成, 方便大財團收購小業主產權; 上述兩項影響既都係有錢/有物業既人...你覺得唔關你事? 咁講下公屋...領匯上市又係笑話, 盧少蘭上訴到終審都要阻止領匯上市, 當年佢比人鬧阻住發達, 而家見到惡果啦, 個個公屋商場既小商戶都比人趕盡殺絕, 後悔喇d人....領匯上市唔係最核心既問題, 最核心問題係點解房屋委員會要分拆領匯上市? 因為房屋委員會無錢. 點解房屋委員會無錢? 因為公屋租金咁耐以黎都無升過....er...咁講唔係幾arm, 公屋租金係有加過, 不過政府派糖果陣又免左兩個月租金, 抵消番加租...房委會無錢, 搞唔掂, 最終就要賣野....

  再講d買樓問題, 唔知大家呢排有無聽到發水樓呢個term...發水樓即係話....你買樓既時候, 發展商claim呢個單位有成400呎, 實際你入去個單位度, 只會度到300呎...仲有果一百呎起邊度呢...?散落左起好多唔同地方, 例如...lift啦, 後樓梯啦, 會所啦, 電梯大堂啦, 停車場啦, 平台啦...等等等等...早幾個月既調查發現部份發水樓發到100%都有...你以為你買緊果間屋真係1000呎? 認真度一度, 你住緊果度...可能得600呎ja...

  又講下公屋問題...早一個月我入左兩次天水圍d公屋...見到個好奇怪既建築物: 停車場...公屋居民有車? d車仲要多到泊停車場? 公屋居民咁富貴可以買車架咩? 咁富貴點解要住公屋? 公屋富戶呢個問題...自從停建居屋之後...幾乎無改善過, 當初推出居屋, 就係用黎接收呢d公屋富戶, 呢d人去左居屋之後, 就讓番個公屋單位出黎比真正有需要既人...而家無新居屋, 公屋居民缺少左一個向上流動既渠道, 唯有留起度霸住間屋...咁搞法, 住起深水po籠屋既人...真係唔好意思喇, 唯有繼續住起個籠度多陣先喇...

  作為一個....有知識, 有承擔既公民, 係咪應該要...多d了解一下呢個社會發生緊d咩事? 你將來結左婚都可能會想搬出去住掛? 房屋政策...你係咪要多d留意下先

  所以小弟強烈推介進念十二面體...起黎緊11月12-13日, 香港文化中心大劇院演出既"樓市怪談"!!!!!

  進念十二面體成立左好耐啦, 東宮西宮係佢地其中一個好出名既社會劇場系列, 樓市怪談係另一個系列, 05年既時候做過一次, 專講香港樓市畸呢/詭異現象....雖然我無睇過05年既樓市怪談...不過....進念十二面體本身係信心既保証, 胡恩威又係信心既保証, 加上樓市係一個...幾咁貼身既問題...所以大家都去睇下啦!!!!

  (唔...? 你係咪覺得我忽然好hard sell? 有原因既...)

  太陽伯伯

  今日去CEDARS度拎CRE既exercise去影印, 咁arm有個女仔都話要影...就一齊去左太陽伯伯...每次講起太陽伯伯呢...我都會話...傳說太陽伯伯見到靚女就會...語氣好D,收錢又會手鬆D...

  其實呢個都係傳說黎架者...係咪真係會平D...就唔知啦....不過有部份女仔聽完之後好似會對呢個傳說念念不忘...

  小弟有兩次同女仔去大陽伯伯影印既經驗, 兩次都比同行既女仔問......"佢有無收平到呀?" / "佢語氣有無比平時好D呀?"

  ER.....其實...你想我點答你呢....?

  炒飯

  原來前日我Day off既時候許鞍華黎HKU搞左個座談會, 講炒飯, 真係...蝕左添...

   

   

  • 11:59 am
  • 5 Comments