October 3, 2010
-
屯門良景邨=>軍車路=>下白泥
如果唔計由白泥村行去海邊果少少, 全長4.3公里, 短短地好易行(except其中5m)無記錯既話應該約左呢位朋友成年, 原本話年頭去, 跟住話reading week去, 跟住話暑假去, 跟住話開學去xDDD
唔舒服/天氣唔好/忽然有事...嘩卡卡卡, 起十萬九千七個唔去得既理由之後, 終於搵到一日可以去啦xDDDD一年前只係識得搭車入去...呢一年間發覺有得行入去, 條路又唔係長, 就梗係行啦...而且, 今日係有白雲無藍天, 揀今日入白泥本身已經係.."錯誤的決定"...去之前都知道今日唔會睇到日落...所以, 將個重點由睇日出改成行山, 成件事就變得有聊好多...如果要我比幾十蚊搭車入去睇一大舊雲..我真係唔會想去sosad...
最快最方便應該係搭960, 一程車就去到良景邨, 不過真係好鬼貴, 成廿幾蚊...用學生優惠搭港鐵去到兆康站轉輕鐵真係...平到爆炸...
1358我仲企起西環山市街, 1503已經去到兆康站, 真係快到爆
大概1530去到良景邨西南面既軍車路入口啦...開頭段路斜斜地, 同龍虎山晨運徑差唔多, 哈哈, 行開山都覺得有少少索氣...
有白雲無藍天, 個天又灰灰地, 行到上頂望到既...係一片堆填區同堆泥區=_____=
白泥呢個咁靚既地方...旁邊竟然係堆乜堆物區..真係好...唔match lor 唔該
落左山就睇唔到太陽架喇...趁起山頂好望多兩眼=___=
究竟係咩路咁危險呢? (我真係唔識Trespassing呢個字=.=)
上面兩張相都係行過左危險路段之後回影...相既右邊係一個大峽谷相信大家都睇到, 左邊其實都唔好得幾多...係無右邊咁worse lor, 右邊可以一跌就跌到落底, 左邊...咪好似玩sir滑梯咁, 是但一邊叉錯腳既話...都可以係咁先...
各位就咁睇相可能會覺得...條路都ok闊丫, 唔係咁難者? 闊係闊, 如果係平路既話, 勉強夠兩個人行添, 不過!!!條路係向左斜=__=...and成條都係浮沙碎石=___=...
同行友人係著住短褲, 要慢慢跪過呢條路....係跪...見個fd跪到好似跪玻璃咁先過左呢段路, 真係有d唔好意思添=___=...
上面張相...條路既盡頭有一家大細起度...企起個起點, 猶豫緊唔知點過去=__=...
帶左塊CPL出黎, 友人問係咩黎...
好physics咁答, 係"用黎filter走diffuse reflected 既unpolarized light", 用人話黎講, 會令張相顏色鮮艷d然後友人好不屑咁話, 咁咪即係photoshop
哈哈, 呢點我就唔係幾同意喇
攝影...係用光既藝術, 處理, 或者話玩弄光線先係攝影最大既樂趣所在, 任何數碼處理都唔係攝影(except由RAW變成JPEG呢個無可避免既過程)
曝光補嘗? 即係唔識打燈者
復古模式? 用(physical)filter都做到啦不過又無可否認, P mode 揀快門+光圈+ ISO, 白平衡呢d技術...真係...好好玩
photoshop可以瞬間做到CPL既效果, 但係...CPL係對光既處理, photoshop 既filter....唉, 做過integrated project就feel到, 所有photoshop既filter, 講到尾, 都只係一堆matrix manipulation, 我會欣賞諗到呢個algorithm既人既聰明, 但同光就無乜關係喇...
器材派規條第五十三：數碼後期是無聊的，是對攝影本身的閹割，是對器材裝備的侮辱，但不得不去做。
"咁你同果d人話割雙眼皮唔係整容, 隆胸先係整容有咩分別者?!"
即刻窒左一窒...割雙眼皮係咪整容? 削骨係咪整容? 隆鼻隆胸先係整容? 咩叫整容?
整走d多左既野唔係整容? 整d原本無既野入黎就係整容?
唔知點解沿路地上面都有好多呢d好整齊, 寫得ok靚既字, 而且唔係亂寫架wor...有好多係白居易既詩詞=__=...連收筆果d位既色都好實...
右邊最高應該係圓頭山...呢邊唔知仲算唔算係青山腹地...
沿路有部份都係呢d路, 唔覺意真係會冼到pk...
來到稔灣路，正當我們心裏高興著，想著下白泥村到底是怎生樣子，轉個彎駭然發現...
三隻昂首豎耳的黃狗並肩而立，攔在當路！
若是鄉郊地方用來看門口的狗，不會只有三隻，莫非在這看似毫無隱藏地方的馬路上，暗中還埋伏下大批看門狗？如是流浪狗，見了這麼聲勢浩大的行山隊伍（兩個成年人！！），遠避之唯恐不及，哪敢這般大模大樣的攔路擋道？難到竟是獵犬，沖著自己而來？
凝神打量三條狗：最左一隻毛色較淺，應該比較年輕。第二個又高又肥，便如是一座鐵塔擺在地下，口中咬著一塊大骨頭，明明這舊骨已經再無肉食，不知仍然咬著有何用意？最右邊一隻看似病狗，雙目似睜似閉，尾巴微微擺動，竟是沒將這一隊二人的行山隊伍瞧在眼裏。
左邊兩條狗倒還罷了，這病狗定是個難纏的勁敵。傾刻之間，遠足(及寵物)界許多軼聞往事涌上了心頭：一條甩毛黑狗大鬧黃石碼頭，偷走了遊人帶來燒烤的豬扒，倏然間不知去向；一隻美麗可愛的迷你貴婦狗打倒了十大惡犬之首的西藏獒犬...越是貌不驚人、漫不在乎的，越是功夫了得，江湖上有言道︰「真人不露相，露相不真人。」
瞧著這條閉目擺尾的病狗，HKUSU行社第四十五莊資訊秘書、「地圖之鬼」(嗚謝45莊Fin Sec提供稱號）阿西不由得深自躊躇起來，不由自主的伸手去摸剛剛在山上隨手檢來的打狗捧...(氣, 用黎打狗既樹枝都叫打狗捧架啦)
(....唔....作夠喇....原本我仲諗住作話自己駛出第36路打狗捧法「天下無狗」...勁力所至，便有十幾條惡犬也一齊打死了，所謂「天下無狗」便是此義，棒法之精妙，已臻武學中的絕詣。)
呵呵, 哈哈, 歡迎估下打狗捧法以外既地方係抄邊度xDDDD就算我講明係抄金庸既, 都唔係咁易估xDDD
去到下白泥村, 先起士多食個餐蛋面...16蚊炸!!!(雖然無菜..)超級抵!!! 然後沿住稔灣路行...原本我諗住行到鴨仔坑先轉出泥灘...不過行左10分鐘都唔夠就見到有位轉出泥灘, 而且有好多人...應該都唔會錯架喇...
轉落泥灘, 行到最出, 望上個天, 一片灰濛濛, 個太陽都唔知去左邊...ok, 可以放番低個頭
望下海邊, 唔...沖上黎既海水都幾污糟=___=...(點解我講到白泥好似咁差咁既=.=...)
坐起最近海邊既一舊石, 周圍望下...
果時未夠六點鐘, 應該仲潮漲緊...所以坐低一陣之後我就話..."個水位應該會越黎越高, 我地坐緊個位一個鐘之後就會比水浸左"
哈哈, 我無估錯呀...不過就蠢左無留意附近d人做緊乜, 原本附近都有七八個人起度嘻嘻哈哈咁影緊相, 不過走下一個走下又一個...我仲諗..."丫, 點解佢地咁快走架呢"直到六點幾, 忽然見到d水沖到好近自己腳邊...望下身後面...發覺已經比水包圍...自己坐起高石上面所仲未浸...呢個時候一定要sip水先可以番去岸邊...在水中央...咪就係呢d lor =___=...
我帶左拖鞋, sip水行都無乜問題, 不過就辛苦曬同行友人...著住波鞋踩落水啦@_@...
咁既天色, 其實...真係...無乜好睇=.=...
搭小巴出番元朗...去元朗我例牌去食下B仔涼粉既...兩個人食下面呢碗野, 其實真係食唔曬=___=...都係食曬d生果就算...
Recent Comments