ChEuNgChIHiN's Xanga Site

← Previous Post

川龍=>(扶輪公園自然教育徑)=>荃錦坳=>(甲龍古道)=>雷公田…全長3km都無…超頹

唔錯唔錯, 一講就成行, 效率極高

去川龍當然係飲早茶, 不過今日係平日, 無乜人去, 果度d點心都無心人食, turn over 得慢結果無得食新鮮野, 麻麻…同埋…人數太少, 都唔食得太多…都唔知點計錢, 行去收銀果度…老闆娘諗都唔駛諗就話58蚊…一早計好左=.=…

飲完茶, 爭d就行左去大帽山=.=…其實如果有帶地圖既話行下都無妨, 我好似未試過由川龍行去大帽山xD

扶輪公園自然教育徑, 全長800米…連呢d咁短既路徑都比佢名佢, 有少少odd=.=…只不過係棟左幾個教學牌…話比人知呢棵係咩果棵係咩…

甲龍古道…今次真係柒左, 起管制站就行左入去…其實, 應該沿住荃錦公路行多陣, 過左巴士站左邊就係入口…但係我左起管制站入面兜左個圈先出番黎=.=…

成條古道都不停下降…又好在佢係慢慢咁斜落去, 行左好耐都覺得好似無行過咁=.=下次(一定有下次!!!我一定會去多次呢間公司!!!!!)試下行甲龍林徑先

去到雷公田轉左就到今日既目的地…農場鮮奶有限公司

http://www.openrice.com/restaurant/sr2.htm?shopid=13688

成個openrice入面, 我諗都無乜幾間食肆好似呢間咁勁, 唔係勁在多好評, 係勁在無劣評, 一個都無..
(你唔好搵果d根本無人去評既食肆黎compare=.=…話曬呢間野都有接近100個食評, 都無個劣評wor!)

先食燉奶, d奶味勁到呢, 我食左一啖之後, 連fd都話…feel到d奶味湧緊過黎…14蚊一碗既燉奶…唔差過澳洲牛奶公司, 但係平人地4蚊wor…(亦都遠人地好多呢=.=)…fd食既薑汁燉奶, 有少少苦…唔多鐘意…哈哈, 食奶呢d野, 我係唔容許有其他味道沾污…奶就奶, 所以飲奶食乳酪食Frozen Yogurt 我都係食原味!

食完燉奶再飲500mL鮮奶…真係未試過飲奶覺得咁thick=.=…5啖之內我已經comment左一句, “呢盒奶好肥”…奶脂味特強, 成個喉嚨好似比d奶封住左咁@_@...even之前已經食左燉奶, 應該已經習慣左果種味, 依然吃不消...飲奶飲到要停一停, 唔係因為飽得濟, 而係覺得d奶味太強, 強到我頂唔順=.=|||

呢個時候, 隔離兩三枱人仲要叫餐蛋面…嘩果下感覺真係so shit, 成個環境濔漫餐蛋面味, 油煙味, 吸入呢d氣體本身已經有d難受…喉嚨仲要有濃烈到飛起既奶味…任何野都非常concentrated…果個環境如果一直係咁落去, 我覺得我會窒息死=.=…

我唔係批評呢盒奶, 以奶黎講, 佢絕對及得上蒙牛剛剛打入香港市場, 仲未溝水既味道, 甚至勁過佢添…作為一盒奶, 佢將佢最應該有既特質完全發揮左出黎~! 唔知係咪我飲正一盒exceptionally 濃既奶…openrice竟然有人話d奶淡=.=|||
(咁同3.6日本北海道牛奶比較如何? 拿, 認真, 我覺得3.6…好普通, 買盒維記都同佢差唔多lor…)

呢盒奶, 用左我18分鐘黎飲…

飲完食完, 去玩羊…果度圍欄入面有幾隻羊…我起出面meng草餵佢…幾鬼得意…不過我好驚佢會連我隻手都食埋…我唔想成手羊口水出番去=.=|||

果度d羊, 幾唔好老脾, 我以為羊係好乖架添…點知又寸, 又揀飲揀食…果堆草我都係起同一個地方摘出黎, 佢條條都要聞一聞先, 聞過唔arm味既就另埋一面, 對眼仲要瞄一瞄我…好似串我話”咁難食既草就唔好拎黎啦”咁樣…

隻羊又唔知自己核突wor! 超肥, 係超級肥!!! 個肚腩超級大!!! D毛又要黑色既, 唔靚!!!

果度隻隻羊既眼都係…好似一個mc格, 用鉛筆起正中間畫一條粗黑線=.=|||

初頭我都係用草餵, 後黎有幾個細路問老細拎面包條黎餵…效果好好多, 隻羊如果見到d面包條就會去食…問題係…d羊真係好蠢…(定好懶?)有d面包條起佢頭頂飛過, 跌起身後面都唔食…唔知係蠢到睇唔到定係懶到廢是另轉身食=.=…

D羊咁蠢可能係因為佢地撞得多sosad? 有幾次條面包條跌正兩隻羊中間, 其中一隻羊即刻擺左個戰鬥格出黎, 提起前蹄, dup低個頭, 用佢無敵鐵頭功撞向另一隻羊, 撞到bump一聲…撞左落去之後仲要鬥力…真係同d牛打交既方法差唔多….真係估唔到, 原來羊都係咁暴力

但, 我feel到呢個方法…真係會撞到個頭好痛痛=.=…嬴左條草/面包, 輸左個頭, 為咩呢~.~

全場得呢隻羊係白色

雷公田都幾近菜園村, 由石崗搭51去石崗菜站, 8個站就到…搵日再去飲奶, 去埋菜園村, 實地視察一下菜園村究竟搞成點…? 其實由十一月開始政府已經可以合法地強行迫遷, 而家政府耐唔耐都會有d人騷擾菜園村…