December 11, 2010
-
- 呢個可能係史上最搞笑, 深夜打電話嘈醒人既理由
“頭先我講個電話呢, 最尾果句係粗口...”第二朝係要考試=.=
- 都話MIS溫黎無用架啦…final exam出咩? 份卷full mark 60…
What is cloud computing? (5 marks)
Give TWO advantages and TWO disadvantages of using cloud computing infrastructure (10 marks).
要溫架咩? 根據Ada平時比我地做既case studies, 溫十次都唔會溫到cloud computing, 所以呢15分我幾乎全部用自己既common sense黎答… - Which of the following is used to uniquely identify an entity in a table? 唔好意思, 我屈左機
- Year 4既分數…真係唔多care, Raymond都係咁諗…
”其實都知道, 而家個分對將來, 影響唔係真係咁大”
“係lor, 其實…我都係靠個engine degree食者” - 今吉野家個火鍋真係要早d去, 八半去到已經無得食牛, 得番煙肉食…
- 41莊既info sec十二月頭番黎借野…指出…行社嫂房門口果張雪山相…原來只有一個係行社莊員=.=…
- 慣左樣樣野都諗一陣先答, 好耐以前已經開始係咁…
- Bird逼Jude面對自己個傷口逼得太緊...所以Jude就會由原本好似仲有少少開放, 變成收埋曬, 而且有d暴燥, 想趕走人, exactly落閘放狗....諗諗下我都曾經發生過類似既事...其實Jude真係需要好似Bird呢d咁既人, 所以, 雖然Bird execute既方法真係好煩好煩, 有時我都想自己身邊有呢d朋友
- 梁祖堯: 我覺得Michelle好抵死…Ringo 同Michelle起台中間講緊野果段, 我企起台邊等出場架麻, 我次次到果個位都覺得Michelle 好抵死…Ringo已經比曬位你…而你都仲要唔show佢, 明明果d就係你需要既野, 你話係咪抵死丫
: 咁個女仔未嬲完丫麻…原來咁就係抵死!
“未嬲完所以繼續ignore個男仔” << 對於我黎講…都幾難理解, 因為…小弟太少討厭/嬲一個人, 嬲已經少, 要經歷”未嬲完”呢個狀態就更加難…
"其實Jude係...雌雄同體....丫...咁講都唔arm, 呢種愛既關係係超越左性別, 係無性別, 唔係話因為對方係男仔/女仔所以我會有呢種反應...唔係我地用開"戀愛"呢個term可以describe到, 不過無其他字可以用...都係要稱佢為"戀愛""
- 某觀眾: “我真係好鐘意Eric果句…”我鐘意你唔係因為你係男人…係因為你係Jude!”
愛其實就係咁簡單, 愛一個人唔係因為佢有乜野乜野條件, 唔係因為佢高/佢有愛心/佢溫柔…唔通…將來如果又咁arm見到一個人又高又有愛心又溫柔, 就鐘意佢咩? 唔係架麻, 鐘意一個人, 係因為佢就係佢!Counter argument: 愛就係咁? 有朝一日…唔再鐘意一個人, 亦都可以用同一個原因? “因為你就係你! 所以我唔再鐘意你啦!”
續問: 愛既反面就係恨, 如果愛真的很簡單, 那麼…恨, 應該是一樣的簡單吧?
- Bird真心想幫Jude面對Eric既問題, 呢種就係愛…?
- 其實”愛”呢個字, 同”鐘意”呢個詞語, 應該唔係interchangeable
- 點解”戀愛總是平靜地意外身亡”要叫做”戀愛總是平靜地意外身亡”? “其實我地係諗左個劇名出黎先…繼續創作…如果…作完之後解釋番轉頭啦…當然我都知咁樣解釋唔好, 不過咁樣講住先啦…戀愛, 既意思可以唔係咁狹窄架麻”
- 有d觀眾既問題好academic… “你係搵出自己同角色一樣既地方先丫? 定係….?” <<我都唔係好明佢問乜, 然後梁祖堯解釋左一大輪”inside out 同outside in”…呢d係咪演釋理論…就係APA教既野sosad?
- 丫…講左咁耐, 我好似都無提到, 我係去左聽”戀愛總是平靜地意外身亡”既演後座談會
-
小龍真係好得意...梁祖堯現實中做人都好似做劇咁...答完一條問題之後, 覺得自己其實都唔係好清楚, 會即刻皺曬眉頭咁諗 - 有個海洋公園熊貓飼養員寫左comment: 其實安安佳佳唔係一對, 盈盈樂樂先係
- Bird生BB果陣, background screen有段動畫…係有好多高樓大廈好似火箭咁升曬上天…有觀眾問呢段片係咩意思…”所有野升曬上宇宙, 好似有種…重新黎過既意思…”
“丫, 題外話, 我第一次望到果d大廈飛起既時候, 其實我係諗起一套咸片, 一套好經典既咸片, 叫做”深喉”, 片入面個男主角去到最興奮既時候, 係用左一段火箭升空既片象徵…你地有無聽過”深喉”呢套戲?”
Deep Throat 係1972年既戲, 當年美國有22個洲都禁止播映…
咁…命中注定我愛你第一集既床戲係咪抄深喉xDDD?
- Ringo 同Michelle呢類情侶越黎越多, 呢度係指女性係以強勢存在起一段關係…之餘, 男方通常都係…有諗法都未必會講出黎, 要等人同佢講果d…唔…唔…唔…唔…
- 講真, 堅係唔明, 點解會起呢部機login到, 另一部機又login唔到wor
-
特登去左西環尾既一間士多食飯, 食下果種古舊既味道...斷估呢間士多年紀大過我...好似由70年代開始到而家都無變過樣咁...碟飯唔錯, 幾平幾抵食, 又送例湯超好飲...唯一問題係...超級多烏蠅=.=...我食住飯隻烏蠅都夠膽飛埋黎...好惡...我食完碟飯, 推隻碟出少少拎杯奶茶入黎, 3秒內就有隻烏蠅飛左上去幫我食埋佢...西環尾變得越黎越快, 自從高逸華軒/泓都/加惠台呢類豪宅進駐西環尾之後, 果帶開左越黎越多高檔野, 例如呢間士多既左邊同右邊, 一睇就知唔係平民會去既地方...呢d咁舊咁核突既士多好快就會全部消失…唔知你會唔會覺得可惜呢…?
- Ok, 我收番我之前襪視account既言論, 小學數同中學數同大學數都無乜分別, technique既level唔影響知識本身
-
黎到大學入面既第二個account course, 讀緊既連A-Level都不如...我認真戥A-Level同大學都係讀Business既同學可憐, 比$42100黎學一d中學已經學過既野, 唔覺得好唔值架咩? 話說小弟Year 1 take果個circuit course, 教Y-Delta Transformation, Nodal / Mesh Analysis, 全部都深過A Level Physics, 抵過讀business好多 - ok我認我葡萄人地ECON1001/ECON1002/ECON2102/BUSI1002/BUSI0027通通都起A-Level學過曬, 上黎屈(我)機
- 講起唱K, 你有咩回憶? 好話喇, 小弟第一次去唱K既時候仲讀緊幼稚園, 第二次係同屋企人去, 正式意義上既唱K係第三次, 會考回榜之前果晚…
以下xanga節錄自2005_08_10
「十二點開始唱K…這輩子第三次入K房…
第一次是若干年前婆婆生日，第二次是若干年前跟媽和姐去…我唱「好心好報」，「好好戀愛」…全部都唱唔到T.T…方力申太高喇…」
shit, 原來曾幾何時我覺得方力申d歌難唱!?
- 近二十年既K歌…通常都同失戀相戀苦戀單戀畸戀有關…每個人心入面可能都有一兩首覺得(曾經/現在/永遠都)好match自己既歌...有d熱門既例如「後來」, 「原來你甚麼都不想要」...如果要揀兩首歌出黎…我揀「好心好報」, 同「刻不容緩」
- 其實唱K唔一定係為左抒發情路上任何崎波折者…, 不過我都明白…如果個個人都似我咁, 純粹將唱K等同大班朋友娛樂方式之一, 同踩單車/BBQ無分別既話, 咁唱K呢個topic都無乜野好講
- 唱K係咪真係有助抒發? 假如有一首愛情歌真係好match個狀況, 唱多幾次, 有咩正面影響? “人持續 獲得糟蹋亦滿足” << 好似呢d歌咁, 假設我真係鐘意比人糟蹋, 鐘意比人待我薄情, 鐘意比人虧待…一路唱我會好有同感, 某程度成為一種認同, 反而會更加由得自己比人SM…真係好事咩? 不過呢, 呢個問題應該怪首詞…唔關唱K呢個活動事…
- 可能因為未出黎做野啦…如果起K房飲酒, 成件事又會唔同左….
- 將唱K發大成research topic, 由social science既角度黎分析…老實講, 我真係聽唔明, KTV同capital有咩關係, Karl Marx 再生又可以用咩Social Theory理解唱K? << 咁樣既分析真係有意義?
- 現場聽香港輓歌, 真係正到…正到癲左!! 勁歌金曲式既串燒歌, 不過去到更盡, 每一句轉一首歌, 串左40幾首歌一齊…五年前陳浩峰已經起東宮西宮唱過, 之後改過一兩次, 今日再聽, 又唔同左!!
有d歌真係出奇地咁match, 例如
由這一分鐘開始計起
死性我不想改 如我沒有你的愛
我慢慢的心淡 付清賬單
做隻貓做隻狗
就擊倒我麼又例如(大家可以試下一路睇歌詞一路哼番首歌出黎xD)
好心一早放開我
怎知一拍便會散
統統不要好過
明明我不應再揀
為繼續而繼續“其實, 根本就係同一首歌黎, 所以d歌詞你鐘意點溝都得…大家番去可以試下”16號愛人x好心分手x戀愛大過天x下一站天后, 好而溝架ja”
又, 其實咁樣都幾可悲...
- “以前唱K, 臨比人cut, 會唱十分十二吋, 之後進化左, 會唱勁歌金曲; 而家又轉左啦, 轉做狂串樂基兒”
我仲以為會係情歌王添xDDDD, 佢地又幾好野wor, 真係知道唱K既習慣…”一定要cut左古巨基提你走火通道既廣告!!”"以前唱K唱到好似要分黨分派咁, 大聯盟獨家試唱既歌起GreenBox唱唔到..." << 嘩你個例子唔好再舊d? 不過而家開始無呢個問題啦~~~K-Net起12月18日就會正式營業, 到時可以合法咁唱陳奕迅既新歌, 謝安琪都會番番黎, 唔駛再受Neway既氣!!!
- 其實大部份時間我都唔係好知個show想個乜
- Talk show =/= Drama, Talk show 其實唔需要用咁大地方黎搞, 去lecture room可能都差唔多…我對Drama既理解係…一定要故事性強, 要連貫, 按呢個解釋, 東宮西宮/樓市怪談都唔係Drama, 就連孔雀男與榴槤女都唔係, 嚴格黎講我feel唔到果個係故事…所以我先猛話失望, 話要睇林奕華既遠大前程黎平衡番…可惜撞左Management Accounting Mid term…好彩後黎又有機會睇番戀愛總是平靜地意外身亡, 算係滿足番我對睇Drama既慾望
- 我真係有幾秒諗過, 會唔會睇睇下個show, 會暫停一陣, 轉去直播諾貝爾和平獎頒獎典禮現場…
- 中共唔比劉曉波去拎諾貝爾和平獎, 呢種曲線激發大家愛國民主意識既方法, 真係非常之好…真係…曲到圓呀! 姜瑜為左要令全世界都識得劉曉波, 可以話係在所不計, 咩野都講得出, 黎吸引大家注意劉曉波既貢獻, 其實, 美瑜講既野真係無錯
「偏見和謊言站不住腳，冷戰思維不得人心。」<< 超中point!!!
「一些人的圖謀是不會得逞的。」<< 超中point!!! - 頂…拎支C調笛出黎, 一睇, 笛膜孔附近多左條裂痕, 我屋企既竹笛都唔知有邊支係無缺憾既=.=
- 起嘍囉既聳恿下, 報左2011渣打半馬拉松…(呢排忽然多左d位...比人後補報名)實行聽收皮…小弟上年跑10K都跑左71分鐘, 半馬=71x2x1.1=156.2分鐘, 假設小弟再不濟d, 加多20分鐘…180分鐘內勉強都完成到掛, 之不過…半馬仲有checkpoint限時, 即係話指定鐘數前去唔到指定checkpoint就自動收皮, 唔駛繼續跑…=.=…其實我真係好X淆底=.=
- 呢個可能係史上最搞笑, 深夜打電話嘈醒人既理由
Comments (1)
都話d字核突你仲要影仲要放上來!!! 你影張冇字既得唔得
btw, "睇" 即係睇得啦, 唔使做..
"必睇" 即係一定要做.
我記得仲有個"勁" 係因為我覺得個answer真係好勁
Comments are closed.