December 22, 2010
-
北潭凹赤徑大浪坳蚺蛇坳大灣咸田灣西灣西灣亭
一條classic有難度有風景有長度既一日路線…第n+1次黎行喇, 預計呢個假期仲會黎行第n+m次..
同個網友黎行山…原本諗住大浪坳直入咸田灣算, 不過網友話可以挑戰下難度睇下靚景, 我心諗反正時間多, 就算去到發覺行唔掂, 番轉頭落番大浪坳都夠時間…就上左蚺蛇坳…
見佢行得都幾辛苦, 但無嗔過wor, “無野既”, “我ok既”, 就ok左, 淨係幫佢拎左個袋, 犀利
一分耕耘一分收鑊啦, 如果又難行又無景睇真係搵鬼行咩, 淨係蚺蛇坳落大灣呢段已經值回票價啦
如果唔係話要番屋企食冬至飯, 真係可以挑戰下蚺蛇尖, 或者出長咀xDD
仲起239米高既山上面已經望到大灣有個好大既圖案, 好對稱…諗住係合多人之力畫出黎啦…點知落到大灣淨係見到一個人拎住支竹…仲畫緊…真係神人, 個圖案有成幾百米長wor…落到大灣之後睇唔到成個圖案, 因為真係大得濟=.=
起大灣用貝殼砌左好多字出黎xD
MERRY X' mas 10
呢張認真唔錯, 咸田灣蚺蛇尖都入到鏡, 加埋我望去遠處懶係型咁xDDD
--
溫度風力太陽天色樣樣野都無得彈, 揀今日黎行山真係無錯既!
不過今日有個問題係…平日…西灣亭=>西貢既小巴得三班=.=…最遲班車係1615…果個時候仲起咸田灣…以3既接收能力, 好難起西灣亭call的士…原本我都諗住要出秘技…據Terry主席多年行山經驗, 起入口左邊條樓梯, 行上20級就會有個位收到電話…如果秘技失敗既話…就…用多extra一小時行出去北潭涌sosad
(其實係我蠢者…一早應該起西灣士多用固網電話打出去call的士=.=)
又好彩呢, 西灣士多個老闆咁arm今日都出去買貨, 又咁arm我地果個時候去到士多食豆花…佢話我地可以每人比10蚊佢, 佢由西灣亭車我地出西貢…!! 梗係答應啦!!! 原本搭小巴都要15蚊, 就算call到的士都要每人40蚊…而家10蚊出到西貢真係勁抵!
除左我地兩個人, 仲有六個…大學生一齊搭呢程順風車, 計埋店主一家3口, 10個人塞入一架van仔, 明顯超載=___=
丫仲有, 另外果6個人係每人15蚊…但係後join既我地只係每人10蚊xD, 又賺左xD
--
丫, 又有, 我越睇隻傑保倫真係越cutie, 越睇越似wor!!! 如果我都打斜個頭黎睇…就唔會覺佢對眼都係斜xD 真係多謝曬xDD
Recent Comments