December 26, 2012

• 為左快D推低下面個post
  雖然只係訓左一覺咩事都無發生過都上黎求其打D野

  1. 呢排想讀Master of Statistics, 而且而經同同事J提起過, 亦同唔少人提起過...同佢地講唔係我想揚開曬比人知...而開越多人知，我淆底唔讀既機會越低=p

  2. 有同事想讀Master of Finance, 好心打開番個external harddisk睇下搵唔搵到野比佢睇下...睇睇下搵到豪哥send比我既stat notes, 果時收到都無認真睇, 尋晚一睇...就想講粗口
  開始唔明白FBE開埋D垃圾econ theory / corp finance course為乜...真心覺得所有要計數既econ / fina courses唔應該存在，直接take個stat course就ok, 反正大學既ultimate goal 係想培訓做research既人材，讀曬成個講investment course但根本唔識stat, 隨左出黎講句「...投資者應注意証券格價可升可跌...」仲可以做咩？

  3. 強積金委員會果D廣告...有幾個公仔扮行山，有D條路好斜，有D條路好迂迴，有D個山高D...意圖用呢幾幅圖黎解釋咩叫投資有風險，要選擇識合自己既portfolio...
  究竟阿婆睇完明唔明呢？

  4. 上個禮拜趁得閒... 合併曬D強積金戶口去匯豐果個...多得政府派過6000蚊入強積金account, 同上年做intern既時候供過1個月...計埋教公文式果幾百蚊供款...夾埋都有接近一萬wor...

  5. 之後仲合併埋個人戶口...原本係兩間銀行三個戶口，個個戶口都有張卡真係幾鬼煩...cut曬D account之後連銀包都輕左

  6. 下年升級埋個戶口之後，起番果間銀行開信用卡...cut Q埋東亞果張先...

  7. 同女朋友既聖誕大餐...係自己買左兩罐gas兩個爐頭去APM買塊雞扒一包意粉一包意粉醬同其他配料去公園自己煮黎食...雖然呢堆架餐既價錢夾埋都夠食餐好豪既...都係覺得自己煮係好食D既=p
  另，如果有人想借爐頭可以聯絡小弟=p只要唔好整壞就得...就算入左沙都唔緊要，你買番個新既比我就ok啦

  8. 起台灣買左兩本O Reilly 既書，一本係Learning Javascript Pattern, 一本係Javascript Pattern...早幾日去大澳渡假屋拎埋去睇，等人等左成兩個鐘，睇左唔少...真係學到野wor...果D咩that = this既問題, var 唔var既問題, function有無名既問題, variable hoisting 既問題...之前上網都睇過...不過呢本好似係明D =p

  9. 原本仲想買本O Reilly CSS既書...但果本竟然係2006 edition...結果買左本台灣書...其實台灣書真係幾好架...話說小弟初中學HTML / javascript都係睇台灣書=.=

  • 10:05 pm
  • 2 Comments