行社48莊1st function 衝峰48

西灣亭=>西灣山=>睇魚岩頂=>長岩頂=>罾棚角咀=>長岩頂=>浪茄仔=>浪茄=>東壩

Function 名同個function真係無乜關係sosad

0645起身, 0748去到彩虹站, 0815去到ABC茶餐廳, 0835集合, 我都算係咁啦掛…好彩我無撻皮者, 點解而家d參加者咁好個個都咁準時既=.=??? Hilda 九點黎到, 連最後一組都出發去小巴站啦=.=|||

出席是次function既上莊/上上莊/老鬼包括…
west / Hilda / Sidney / iris / terry / owen
嗚謝sasa陪我地等巴士

不過Member咁準時唔代表可以早d出發, 無小巴無的士…點都要等到九點半先有下一班車入去…點知今日鬼咁多人入西貢, 九點半果班車裝唔到最尾果組…好彩西灣亭小巴老細臨時調動左架旅遊巴黎一次過清曬西貢麥記門外既長龍…但係旅遊巴只可以載我地到北潭涌, 之後都係要落車轉小巴, 好彩我地坐得夠前, 係第一批轉小巴既人

10點過少少先入到西灣亭, 落車之前仲見到ho ho lam影緊相, 落車之後就唔見左佢地=.=… abby yankee組應該係第一組出發啦…kelvin 組最遲出發, 因為要等遲到既菁菁? 佢…都遲到得幾嚴重=.=….聞說0855左右仲起中環=.=? 結果105x先黎到西灣亭…好貴…一個人搭的士入黎…

west / Hilda / Sidney / iris / olivia / master joe / terry / 菁 / iris’s fd = Ida 係最後, 1054, 出發既一批人, terry堅持行左邊上山再落山既路..=.=…好啦好啦…個人唔多鐘意果條, 又窄又多草, 下面果d又闊又hae咪幾好sosad

起吹筒坳見到kelvin 組上山無幾耐, 菁就追番佢d仔女先啦, 淨低既人繼續hae, 小弟每次行過都要講一次, 登西灣山(1202)途中回望一尖四灣既景色, 真係…全西貢最靚既就係果個位!

聞說ida都幾勁, 著高爭鞋行釣魚翁, 小弟自問最終極都係著拖鞋, 但係高爭鞋又真係更勝一籌, 係一個我永遠都reach唔到既level, 佢今日仲要無訓覺黎行, 犀利, 犀利

不過最後都係比我/Hilda/Sidney/Olivia/master joe撇甩左, 起西灣山追番kelvin 組…然後小弟再撇甩左hilda/Sidney =.=…連續追左幾組, 追到clement組附近, 同thomas一齊行, 先發覺佢個袋…真係重到爆炸, 黎day trip 咩個露營袋, 帶左4L 水黎, 話說小弟做蚺蛇尖PIC都無帶咁多水, 而且佢咩住咁多野仍然可以穿於唔同組之間, walkie都唔駛用, 直接行去問佢地夠唔夠水, 小弟真係甘拜下風…

一路追到去睇魚岩頂先追到人仔組, 小弟又係著converse黎, 起睇魚岩頂落黎真係好驚sin到pk lor…又, 我見到thomas咩住個牛龜咁大既背囊飛左落山…

等西灣亭小巴果陣都知今日多人行山架喇, 點知去到長岩頂附近仲見到幾十人行緊山, 果度條路本身就窄架啦, 仲要雙線行車, 真係…逼到呢…

去到長岩頂下面條溪先追到abby / yankee 組=.=…

果時係一點半, hae左超級耐, 等所有組所有人黎齊曬之後, Kelvin 再介紹下d老鬼
“現場最老既老鬼, 西!”
well…

Clement 組有個member唔係好掂, 行到嘔, 真係嘔左d野出黎…

who is the best choice to lead that member back to 東壩 directly?
A. West
B. west
C. WEST
D. Any one of above

ida都唔係好頂得順, olivia又想撻下皮, 於是加埋iris / master joe 一行六人, 無出罾棚角咀, 就轉右去左浪茄仔

起浪茄仔真係hea到呢…我無聊到起度掟石頭, 搞到個個跟住我一齊掟=.=…淨係掟石頭我諗都有掟左差唔多半個鐘=.=||…

Hae到我地以為有行社既人落緊黎先急急腳走…(其實唔係=.=..) 去到浪茄之後繼續hae…真係超級hae=.=…睇住人地玩滑翔傘玩左4次…又嘗試liu d 蟹出黎, 食下糖, 填下questionnaire 望下個海…

hae左可能超過一粒鐘…直程等到hilda / sidney都黎埋先走…果時yankee / abby組都差唔多到啦, 為左唔好同人爭的士…我地拿拿臨上東壩先…

講番果個行到嘔既member, 佢嘔完之後其實無乜野, 沿路都行得好正常, 剛剛嘔完果陣有d面青口唇白, 去到浪茄之後面色都紅潤番

番東壩途中睇到日落, 我地梗係企定定咁影啦, 影日落既唔只我地幾個, 隔離有個好pro既阿叔都影緊...

hilda用佢新買既NEX5想同我地影合照, 但係礙背光, 一係影到人背景白曬, 一係好似剪影咁
最簡單既方法係落閃, 當然會搞到好核突
另一個, 靠數碼處理, HDR
hilda 去問果個阿叔應該點影...阿叔話後簾同步, 又學到野喇@_@...

去到東壩(1815), call 的士...我地call果架的都未到, Thomas call果架已經黎左, 話時話, 我睇唔到thomas幾時過黎, 真係好神出鬼沒...佢call既的士係for 三個早走既member, 但係果時d member未到, 結果比我地搶左=.=|||真係唔好意思...其實如果個司機肯等一分鐘就可以比果三個member坐架喇...

出到西貢食飯...我地食完飯...佢地先出到黎, (2023)見到Jenny / kelvin 剛剛落車, thomas仲要遲過佢地...真係辛苦曬佢, 留守起東壩兩個幾鐘幫member call 的士...

小弟拎左張7-11優惠卡出黎比大家買雪條食...食完之後hilda 既然將佢條雪條棍插入我個口度=.=||||仲要插得ok深=.=||||果下真係有d驚=.=||||

overall黎講個function好似都幾smooth, 無乜大問題...(或者有我都睇唔到啦...我都無落組=.=)
關於搭車既問題, 西灣亭/東壩的士都唔係我地可以完全control既野
路線真係唔錯, 西灣山/罾棚角咀/浪茄都值得去
有樣野要讚既...組同組之間真係keep到個距離wor, 唔會太遠又唔會太近...睇魚岩頂咁小位, member又要影相, 又要唔好阻到後面果組上黎...
人多真係好, 分到五組出黎..組組都有組爸媽... 

uncertainty and information, 明一半唔明一半...
下晝既macroeconomics analysis直程走左

原本想揀張靚d既poster貼出黎, 不過睇完套戲之後覺得, 呢張poster先match番套戲既feeling
香港用果張poster係Natalie Portman化靚妝既樣, 但係太靚, 太完美 (佢根本就無咁靚!!), 只有一條裂痕唔足以表達到陰暗面, 同果種恐怖
呢張poster... Nina對眼紅紅地, 即係佢暴走到一半, 但係又木口木面, 無乜表情, 介乎white 同black swan之間, 最match到Nina control 唔到自己進入black swan mode既狀態

我睇戲都幾投入, 女主角壓力大到爆燈既時候我都好似感受到佢種壓力, 睇到個人dull dull地

"然而導演只對妮娜的美色虎視膽膽，一己私慾竟然漠視其他學生實力，高調地欽點她為女主角白天鵝"
"加上她對湯馬士的攻勢欲言又止，結果被對方每天惡意批評；與此同時，隊中勁敵莉莉（美娜古妮絲）有意無意猜心挑釁"
"妮娜為了演活黑天鵝，竟孤注一擲，把這份心理狀態融入角色之中，挖掘出自己內心潛在的陰暗面，一發不可收拾"

影片介紹咁樣寫, 我覺得簡直係誤導, totally worng

導演虎視擔擔Nina既美色? 我唔敢講Thomas 第一次強吻Nina係生理上比Nina seduce到, 定係由頭到尾都係一個test, 就算果次真係比Nina挑逗到...Thomas之後帶Lina 番屋企但係乜野都無做到, 咁樣叫虎視擔擔佢既美色? 真係想咸濕佢既話, 就唔會叫Nina番屋企自摸, 而係一黎就fuck her la...而且起某次練習中, Thomas 問男dancer do you want to fuck her? 好明顯就係fuck唔落 (聞說果個答no既男dancer係Natalie既老公xDDD?) 

漠視其他學生實力? Thomas 一早講左Nina is the best choice for white swan, 唔揀佢只係因為佢無black swan既特質, 但係Nina 咬Thomas果下好清楚話左比佢知, Nina都有佢既陰暗面, 係爭在誘唔誘發到出黎, 有實力做white swan, 有potential 做black swan, perfect technique, then why not Nina? 仲有仲有, 佢點樣"高調地""欽點"呀=.=.....

完全唔明咩叫對Thomas既攻勢欲言又止lor...隨左搽曬唇膏果日佢再無seduce過Thomas啦

Thomas果d係批評, 但唔係惡意, Nina揣摩唔到Black Swan既心理狀態係事實, Thomas一直都係鬧佢呢樣, Nina 自摸只係起到個頭, 直至Thomas摸佢, 佢似乎都係釋放唔到自己...Lily 果d"挑釁"一定唔係有意lor, in some sense Lily比drug Nina食都係為佢好, Lily都睇得出Nina係放唔開自己...而且套戲無講Lily刻意seduce Thomas令佢做到alternative, 佢係有咁既能力, 而且Thomas 都話有alternative係正常不過既事

Nina 唔係主動挖掘, 而係起極端tensed既狀態下, 無意間睇到自己既陰暗面, 佢唔係特登令自己有果d幻想, 幻想完自己同Lily "扑野"之後, 發覺自己有連自己都唔知道既一面...Nina知道左, 但係不見得Nina識得利用陰暗面...Nina幻想桶死Lily之後, 能夠演出完美既Black Swan係因為佢仲活起幻想之中, 但佢唔係主動令自己活起幻想, 或者話, 呢個暴走mode唔係起佢控制範圍之內, 佢只係幸運地起演Black Swan之前暴走...正常mode既Nina並沒有刻意將呢個狀態融入角色, 如果佢有能力可以刻意融入到, 佢就唔會咁stressed la...

果d影片介紹, 簡直係reduce 套戲到"劇團成員為飾演White/Black Swan而明爭暗鬥, 女主角為左打敗勁敵不惜步入魔道"... 同聶風為左打嬴絕無神而步入魔道一樣, 如果套戲只係呢個level, 唔會有咁多項提名...

Natalie Portman真係超正, 完全feel到身為一個舞蹈員對藝術既執著, 由執著衍生出黎既恐怖, 由恐怖帶出既完美...乖乖女/意圖,又淆曬底咁誘惑thomas/害怕其他人取代佢既地位, 都係比內在既野, 都完全感覺到又唔覺得過火
(2011_02_28按: 熱烈慶祝Natalie Portman憑Black Swan獲得今屆奧斯卡最佳女主角獎)

講開恐怖, 套戲真係有d恐怖, 第一次出現幻覺已經覺得好痛=.=...相信大家冬天都有試過指甲下面甩皮, 一mi呢...成條mi左出黎, 流曬血咁...導演成功咁將呢種痛magnify左100倍=.=|||| Beth狂插自己個口 / Nina番屋企廚房見到Beth / 夾爆阿媽隻手都幾恐怖, 恐怖到我隔離果個人大聲哎出黎不突止仲要wu低身cum住對眼=.=...

呢套戲不得不提既一個場口, 就係Nina playing Black Swan果陣, 雙眼通紅, 剛出場果陣只係一個普通舞蹈員既服飾, 行出黎之後背部既傷口開始長黑天鵝既翅膀出黎...其實上一次幻覺Nina已經生左條毛出黎(btw拔毛果下又係有d驚=.=|||), 一路跳, Nina一路變成一隻黑天鵝, 過程自然流暢, 最後成個人變做一隻天鵝咁跳, 超正, 真係超正

---

Game Theory - 海盗問題

原來唔係過半數先accept proposal, 而係剛剛50%就會accept proposal...不過呢d 係rules黎架者, 唔影響我既分析方法

---

拎住袋雞蛋仔起北角碼頭坐左兩個鐘, good good good

alternative investment..
mathematical methods of economics, 教到macaurin / taylor series, 我原本唔expect佢教到呢d架wor=.=...我好懷疑一個無math底既人take呢個course學到幾多野lor, 呢個course似做revision多過傳授new knowledge...=.=...

tutorial 派番quiz 1, 即係prove matrix inverse formula果次, 竟然有8/10, 明明我唔記得左transpose個matrix, 所有indix都掉轉曬...個grader好似睇唔到我錯左呢樣, 仲話我應該係"lack some concret steps, basic concepts anre shown correctly"...我完全發揮出pure 果種屈數精神, 根本就唔知點解arm, 總之知道佢arm就屈左落去先=V=

然後...4點鐘...去簽約...

U公司office分佈起好多棟大廈..中上環有at least 三group 寫字樓? networking event / interview / 簽約三次去左三個唔同地方

成個過程好快完, 最後問佢起邊度開工..."開工前兩個禮拜會通知你架喇"
問下未來同事
"我都有問呀, 佢話番上環lor"

=.=||||||
歧視我既sosad

原本諗住簽完約之後番hku聽財政預算案論壇, 有練乙爭, 余若薇..., 不過又比膠津捉左出黎食飯, but 時間not fixed=.=..唉=.=...結果番左屋企, 剪下頭髮...hae下, 搭叮叮出銅鑼灣, 睇下人文公社...睇下佢d禁書表sosad

1. 中國影帝溫家寶
3. 李鵬六四日記真相
7. 新太子黨
10. 大江大海1949

"新太子黨"果個series既書出左好耐, 而且好多本添, 細個行過書局見到呢d書...我成日諗究竟有咩人會買=.=..大個左先明白, target未必係香港人=.=....有幾多個香個人會care中共第六代即係習近平之後既possible 掌權人係邊個=.=?

原來大江大海1949都係禁書, 唔...都係既, 咁detail 描述長春圍城, 共黨理應唔比呢本書出版=.=..

同膠津搭116去九龍城食野, 成日人講話果頭好多好野食, 今日先第一次去...食左個咖喱牛/羊飯, 真係唔錯

---

 

香港史無前例大型戶外聲光裝置
城寨歷史披上科技新衣
九龍寨城公園變身
別開生面的戶外聲色秀
一次絕無年齡限制的藝術新體驗

五光十色的霓虹燈，可說是香港這個喧鬧匆忙的城市的寫照。不過，聲與光，色與影，如果在特殊的環境裏變成活的「雕塑」，就可變成洗滌心靈的藝術。香港藝術節首次呈獻大型晚上戶外聲光雕塑展覽活動《聲光園》，此別開生面的感官藝術展，曾於英國多個知名的植物公園舉行，大受公眾觀迎，今次移師香港舉行，將在極富中國色彩園林設計的寨城公園築起一個五光十色、如夢如幻的聲光美景。

九龍寨城是香港最具歷史價值的地點之一，早在十五世紀已被中國官員徵用，十九世紀末英國驅走中國官員後，寨城成為三不管地帶，形成獨特的地域文化。這狀態維持至1994年，香港政府將寨城清拆，改建成公園，保留了某些建築物與特色。

英國著名裝置藝術家，在仔細考察香港各個公園的特色後，決定於寨城公園發展這個獨一無二的聲光影經驗。他們率領一群專門從事聲效與表演的藝術家精心策劃《聲光園》，獨特的影像、聲音與光綫的投射及運用，二十多個別出心裁的設計，置於充滿歷史風情的寨城公園，科技與大自然融為一體，藝術家又會在現場為觀眾提供一個獨一無二的夜行經驗。

source: http://www.hk.artsfestival.org/tc/prog/48/

---

一個久違了既combination重現人間
西/膠津/Anna/Polly/Florence/C/E
呢個xanga有幾耐無試過將呢幾個人名擺埋一齊@_@...

我真係唔明點解一d人對外間世界可以如此缺乏觸覺, 我同膠津就企起紅綠燈下面, 望住果幾個人落車行過黎, 當佢地仲企起遠處果陣我已經話, "唔係咁Q下化"...
行到一個suitable 既距離我對住佢地揮手...呢d認真係目中無人喇...
鑑於我企起一個轉角位, 轉彎果下真係無可能睇我唔到, 我無壓低聲線, 意圖寸佢地"唔係咁都睇我唔到下化"
行到距相20cm既位置都聽唔到我講野, ok I lose

膠津因為d無Q聊既理由...(well...?)繼續留起巴士站...

節錄一段對話

:喂? 豬豬牙
:點呀BB

我只能驚嘆接電話果位既應變能力...

:我想嘔呀
:唔緊要, 你嘔幾多我同你食曬佢

如果呢套係電視劇, 如果呢兩個係男女主角, 一定會出事lor唔該, 特別係當其中一面係咁desperate(疑似?)想出pool

---

都係講番聲光園, 入場已經九點九, 得番45分鐘, 起個接近黑曬既環境入面, 有好多用燈砌成既裝置, 配上節奏樂, 幾有趣

講多無謂, 去相

呢個係入口無幾耐, 樹上面掛左好多用光管(定螢光棒?)砌成既字?

呢set野真係好簡單, 九龍寨城公園本身就有好多舊式建築, 條友只不過係用唔同顏色既燈放大d窗紋

用光砌出黎既留聲機, 現場仲播緊音樂, 旁邊風車既光暗會隨住音樂大細聲調較光暗

呢張影得好核突, 一個湖上面有好多條會噴火既gas喉, 噴gas發出既聲音都有rythme, 好鬼過癮, 加上湖面水面如鏡, 每次噴火都好似水面水底一齊噴咁!

呢個sem日日都番九半/十半, 鑑於小弟習慣一兩點先訓…搞到個人成日都好眼訓…

原本以為今日fixed income mid term, 仲等我上個禮拜溫左咁多…而家入唔到webCT真係…連幾時mid term 都check唔到…(明明我記得上個禮拜check過話今日midterm架!)

上uncertainty and information..講incentive-insurance trade-off 既empirical studies, 好難…真係好淆呢科=.=…

下晝繼續打之前未完成既AGM xanga…已經五千幾字=.=||||…

夜晚溫mathematical methods for economics…越溫越覺得唔對路, 原來呢科都唔簡單=.=…

 

---

 

我既未來同事好有趣xDDDD

Alternative investment, 好似教我地點做hedge fund manager咁…果d investment strategies超practical可惜一般人唔會做到=.=|||

ECON0702 Mathematical methods for economics => ANBD3001 Advanced Angry Birds
original version 有15個world, 其中一個仲係coming soon, 我差world 5就爆機喇xDDDD同埋…我已經搵到10隻golden eggs…繼續努力尋找中…

Macro tutorial, 今次我prep好曬無懼任何問題

買飛

起講我買咩飛之前, 我第一樣留意到既係, 蔡楓華復出既演唱會, 竟然三場都爆滿@_@...

小人三國, 今朝10點先開售, 我4點去到通利, 最平既學生票竟然賣曬=0=…起我躊躇緊買C好定K好…連C都比人買埋, shit, 有無咁好賣呀…
29+1, 呢套真係好屈機, 第七次公演都仲係咁full…陳鈺龍話呢套比最貴都仲得…佢都唔淆, 我無理由淆佢架xDDDD正價320蚊學生得八折@_@...折完都要二百六十幾蚊...

跑完渣打半馬兩日, result released
00:49:41 跑完半程
02:43:39跑完全程

今朝右腳膝頭仲有少少關節痛, 但係夜晚沖完涼之後兩隻腳乜事都無喇~!
可能因為我真係跑得太頹xDD

 

start with a breakfast in KFC.
塊蛋好乾, 條腸都好乾, 堂食既奶茶大杯過外賣既好多好多, 不過食早餐唔知點解真係幾開心, even唔係幾好食xD

西寶城條登山扶手電梯逢星期一朝早九點至十二點進行定期檢查…尋日跑完馬拉松之後我最擔心既野就係今日要行樓梯番hku…好彩我去到果陣佢只係檢查緊第一截…趕到尾班扶手電梯sosad

其實今日都唔算好痛, 話曬尋日跑完之後, 起維園門口拉筋, 起巴士站拉筋, 沖緊涼拉筋, 食完飯拉筋, 訓上床拉筋, 坐起度拉筋, 企起度拉筋, 斷斷續續拉左幾粒鐘筋…

(話就話唔係好痛, 其實都有少少gut gut下=.=)

上fixed income, 拎部iPod Touch出黎想上網, 上唔到, 諗住…CC WLan成日都虧架啦…無所謂…咪專心聽書…落堂, 去312諗住print野, 驚見連portal都login 唔到…

而家…除左cs d lab, 我搵唔到另一個地方令我有hku學生既感覺=.=..

上完fixed income tutorial, 搵嘍囉拎番我部電話=.=…然後去310…用嘍囉既printing quota print埋成本economics of contract xDDD 唔該曬xDDD

上macroeconomics analysis, 完全無聽過書…

 

渣打馬拉松2011 - 半馬拉松 21.09公里

風褸同電話都交左比嘍囉寄存, 廢是拎住咁多野跑啦...

Starting point @ 尖沙咀 @ 0915

前面開始左一陣...我企果度都未開始行...慢慢去到起點應該係幾分鐘之後既事, 但係開頭果500米都好似百萬行咁, 根本跑唔到=.=...情況要去到1公里個牌附近先有改善

3km左右好似已經同嘍囉失散左, 大家講好左...不見即散xDDD

5km都未到已經有水站, 比10公里賽事好既地方係...有energy drink @_@...不過太大包....飲太多野既話會搞個肚long long下, 會跑得好辛苦...所以我飲左幾啖就無飲...心諗咁快掉左佢又好似唔係幾好, 但又無理由拎住佢跑, 結果都係掉左=.=...

6km附近先見到嘍囉, 原來起我前面...

年年馬拉松都有d超騎呢做型既人黎跑, 例如今年見到star war黑武士...超勁, 戴住面具跑lor=0=...

荔景之前就要U turn喇, 果度其實7km都未到...但係d人見到回程已經好興奮起度哎=.=..

上年跑10km用左70分鐘...跑到6km左右過左水站已經開始行一陣=.=...今年算係有進步啦=.=..過左9km既牌先行, 行左10秒又繼續跑...11km之前行既時間應該唔超過1分鐘...

11km牌 @ 奧運站下 @ 1034 (total time used: 79 minutes)

但係唔知點解計出黎個時間仲慢過上年, 79分鐘先跑左11km...明明我係跑得快過上年架wor!!!! 呢個時間...跑前面果批人呢個時間已經差唔多跑到番終點=.=...

跑步...唔係唔夠氣, 係腿部肌肉唔夠勁, 光有肌肉而唔訓練下佢係無用既...11km牌之後跑得越黎越慢, 越黎越多人超越我=.=...其中有一兩個靚女...真係...分分鐘我小腿都粗過佢pat pat, 但係佢地對腳成條柴咁都跑得快過我=0=....

西隧口之前有好多工作人員派按摩膏, 小弟都去要左d試下, 茶左落小腿, 感覺唔錯...

13km @ 進入西隧 @ 1050 (total time used: 95 minutes)

16分鐘先跑/行左2km, 好明顯入西隧之前已經慢左好多好多=.=...

入左西隧無幾耐又有人派按摩膏...今次小弟想卒下大髀, 奈何小弟係著長褲去跑, 要卒大髀就要插隻手入褲long...ok不雅, 不過為左大髀著想, 不雅d都要架喇...

14km @ 西隧途中 @ 1058 (total time used: 103 minutes), 維持住8 minutes 1km...

15km @ 西隧出口 @ 1107 (total time used: 112 minutes), 9分鐘先出到黎, 我覺得自己算快架喇, 跑開既都知西隧出口既長命斜係全個馬拉松最攞命既地方...10個有8個都係行出去, 唔知同行山有無關係, 小弟都係行者, 但係行得快過大部份人, 甚至及得上跑緊既果一兩個人=.=..

出西隧之後都不見得輕鬆好多, 要上干諾道西天橋, 平時搭5X 好快就過, 今日覺得呢條路真係好漫長...

18km @ 金鐘上橋位 @ 1134 (total time used: 139 minutes), 27分鐘先行完3km, 無錯, 係行, 小弟已經reduce到快步行既階段, 真係好Q支力...

19km @ 會展 @ 1143 (total time used: 148 minutes)

20km @ 馬師道天橋 @ 1153 (total time used: 158 minutes)

入左市區之後跑得幾開心, 因為沿途都有好多人打氣@_@...個個都係三唔識七但又睇得出佢地好落力咁哎加油, 又有好心人遞蕉出黎睇下有無人食=.=...果個場面都幾感動, 唔怪我阻住佢過馬路之餘仲咁支持@_@...

Goal @ 維園 @ 1201 (total time used: 166 minutes)

shit 原來我係跑得咁慢=.=... time limit係180 minutes, 我再慢d就disqualified sosad...

(2011_02_22後按: 原來半程只係跑左49:41, 但全程就跑左02:43:39...全程個時間同自己估計都差唔多, 但係半程點解差咁遠既?)

我諗嘍囉快我3個字左右啦sosad...我電話起佢度...不過都廢是搵佢拎電話, 果個時候淨係想快d番屋企..

番到屋企無幾耐, 有親戚打電話黎...話上黎打牌=.=...由於事出突然, 真係好難搵夠腳比佢...雖然4點鐘開到枱...其中一個打到六點半就走左, 我都已經走上床扮訓覺(其實都真係訓左陣)諗住避開唔駛打啦...點知六點半之後都係比人捉左落黎sosad...

小弟採取守勢, 寧願唔食糊都唔好出銃...雖然小弟輸嬴都係由老豆出錢, 輸佢咁多都唔係幾好既...

唔知係技術有進步定係手風好左, 連續兩鋪九章落地都係清一色牌面, 嚇到上家同對家拎到我d牌都驚到震唔咁打出黎, 其實我真係無心食糊架=.=...牌面好勁咁, 入面...根本未齊章...我就預左無得食架喇, 不過我牌面大得濟嚇到人地寧願棄糊, 廢是輸比我=0=...

我都一樣, 有幾鋪都係寧願棄糊, 都唔想出銃, 幾小都唔想出...所以小弟今晚成績唔錯, 唯獨是有一鋪打到一半, 求其打隻發財出去都出銃, 對對糊打要只係打到一半...點估呀..真係無辦法...

守左好耐, 又出左一鋪銃, 之後竟然有錢嬴番@_@... 情況係咁...小弟混一色對對糊牌面九章落地, 此時檯中尚未有東, 小弟手上有一隻東...上家摸左隻東番黎之後都躊躇左好耐...打唔打好呢, 結果打左, 小弟心諗...都係好事黎既, 都打到尾喇, 打東真係幾危, 比佢試一試反應都好, 點知小弟又摸左隻東番黎, 一對東, 叫糊添, 就係叫一隻東 @_@...果一刻我就知道呢鋪我食硬喇wakakaka, 我渣住兩隻東, 檯面有一隻, 隨非做十三么架者如果唔係拎住隻東都無用, 所以有東既人一定會打出黎, 果然比我食左混一色對對糊仲要碰arm風有5番@_@...小弟好無大志架...5番已經好開心架喇...

點知之後仲有...又係咁, 九章落地清一色牌面, 就等碰一隻3索/西, 點知我老豆單吊西又摸左隻3索番黎, 食硬佢啦xDDDD 可惜既係我食我老豆糊都唔會有錢分, 更worse既係...佢仲要幫我抽埋水=.=...

之後果鋪又係...九章落地清一色牌面...唔知點解我d牌面總係咁好, 而且呢鋪做得好快, 更加開心既係呢鋪我真係做緊清一色, 叫雙飛3萬/6萬添, 唔知點解我老豆咁勇都係打隻6萬出黎...唉...我真係唔想食我老豆清一色lor=0=...食佢大家都無著數, 等自摸機會又好似渺茫一d...原本我仲以為佢係廢是我食d長輩糊仲要食咁大所以鬆章比我...後黎問番...原來唔係+.=...

今日採取守勢完全係無心既, 但係打出黎表現唔錯wor, 打牌...最緊要唔好蝕錢者, 等到真係有機會...咪食lor...

咦...今日講左好多打牌經添=.=...

膠津生日快樂

ECON0706 Uncertainty, 真係難到呢, 嘍囉話呢科有0250 feel, 真係差唔多架喇…

上堂就實聽唔明架喇, 好在上網搵到本書落黎, 真係要print print佢先得

Lunch都好多人, Sidney / sam / jimmy / benben / terry / ringo / debby / me, sam同jimmy唔好咁燥啦xDDD雖然無乜囡囡但係有8個人丫xDDDD約食飯真係唔易架…

呢個sem缺乏動力讀書, 所以要花多少少錢, 製造一個容易讀書既環境, 第一步係買書, 上次已經買左fixed income既textbook, 今日再print埋macroecon analysis 本書…

上macroecon, compare with uncertainty, macroecon真係…is nothing….

係呢年既學生特別鐘意行山? 點解47莊/48莊d活動都咁快full既=.=? 48莊擺左一個禮拜counter, 1^st function已經full左=.=..
定還是少左人住hall, 所以多左人玩嫂既活動??

小弟今日嘗試進入Main Library, 借閱早前預約的Strucutre of Economics...然而Main Lib入閘機不願打開它的閘門...到出面的counter問

"唔係我地cut你service, 係academic office cut你service"

先去行社counter旁邊的academic office問, 心裏明白這是FBE還未接收我的問題, 但為免解釋太多, 簡單說Main Library不讓我進就算了, refer到Knowles 九樓...小弟詳細解釋了自己的情況...得到的回覆跟FBE那邊差不多...

"而家唔係Faculty office或者呢度可以幫你解決到問題, 因為你係HKU第一個起academic year 中間咁搞法既人, 而等academic board開會approve, 佢地approve左之後就會出信比我地同FBE做野...而家你催邊個都無用架喇, 等下啦"

哦, 想不到小弟的case竟然上升至board level, 真是...滴汗...

--

上alternative investment, 就黎有1st assignment, 好淆
上mathematical methods of economics, 訓曬覺...

--

夜晚去聽張維良既笛子演奏會...比想象中差一d=.=...

漸弱果陣氣聲好明顯, 同埋...吹高音果陣, 好似聽到成支笛起度震緊, 不過呢個係笛既問題...仲有, 唔知係咪小弟聽錯, 牧民新歌後面d雙吐有d1999既感覺=.=

佢揀果d歌都比較平淡, 三首古曲, 仲要吹簫, 個人認為簫既變化無笛子咁多...佢吹得無乜問題...(唔...其實都唔係), 但係古曲本身就係...比較悶

後黎轉番用笛子吹行雲流水 / 牧民新歌 / 萬年紅, 呢d歌最容易attract 人地耳朵, 就算唔識音樂既都會聽得出 "咦!! 點解佢可以吹成分鐘都唔換氣既!?" , "嘩好犀利呀!! d音密到呢!! 我講野都無佢咁快!!"

聽掌聲既分佈就知d人係聽緊首曲, 而唔係聽緊果個人既表演, 我係黎睇佢表演,  唔係黎聽果首歌, 如果因為呢首歌好好聽而拍多d手, 咁係對表演者既...侮辱

如果話聽到表演者既技術好高超, 所以拍好多手, 都...唔係幾好, 技術呢d野, 有認真下苦功練十年其實個個都差唔多, 至少小弟唔會分得出先, 曲祥果d一分鐘200下雙吐例外...

點樣演釋, 處理一首歌先係重點,  呢d野真係好難學番黎, 要靠自己領略當中神髓...同樣係大師演釋, 印象中李鎮吹牧民新歌就吹得好d, 無辦法, 李鎮係蒙古人, 佢唔駛吹已經比到種草原既味道人=.=...

Fixed income 1^st inclass quiz

Uncertainty and information…

呢個sem, 科科都咁惡啃, 當然再惡啃都唔夠之前既project chur, 但係以一d普通讀書course黎講, 今個sem既fixed income, uncertainty都可以獨當一面=.=

落堂同嘍囉去Derby West食飯, 唔錯唔錯

晏晝番屋企開始打AGM既xanga, 各位放心, 呢次xanga有排都出唔到街

睇左陣網上小說

夜晚同嘍囉由西環開始跑曬成條域多利道…原來唔係跑左好多, google map話得6.6k=.=||||短到咁=.=

今日由一個好豐富既SU早餐開始, 其實真係無乜特別, 對於我呢個讀緊第4年既人黎講…更加係見慣見熟, 不過唔知點解, 今朝食早餐既時候都覺得好幸褔, 有種霎時感動

上FINA0605 Alternative Investment, 唔錯唔錯, 呢排教緊hedge fund, 真係學到人地玩緊乜野財技可以鎖定profit…@_@...

不過之後ECON0702 Mathematical Methods of Economics就收左皮喇, 1^st in class quiz, 10%, 30 minutes只係答一條問題, show that the inverse of a non-singular matrix A is (adjont A) / det (A)

條式簡單到連AL pure 學生都識, 不過小弟真係從來無深究過計inverse條式係點黎, 上個星期上完tutorial之後我仲講笑咁同Sam哥講: 我連matrix inverse點計都唔記得左

其實都唔係講笑, 我真係唔記得, 要唔知點樣計下cofactor, 計下minor, 同埋transpose…我係即場試番計inverse個方法出黎lor唔該=.=…可惜, 我唔記得左要transpose 埋先係adjoint…結果我淨係屈到diagonal 既element全部係1, 至於其他element 點解係0我就寫唔出喇…

10 minutes之後, lecturer話: if you have finished, you may leave now. 即刻有半班人走左, 到最後5分鐘成個lecture room得番唔夠10個人…

呢次真係收曬皮, 呢d course, 我估100分A+, 99分A, 98分A-, 97分B+, 96分B, 95分B-…小弟斷估今次呢個test最多得5分, 即係我呢個course個grade係upper bounded by B-…

是X但, engine grad左之後GPA真係於我如浮雲, 3^rd hon 咪3rd hon

Lunch期間起行社counter prep ECON2114 Macroeconomics Analysis tutorial, 所謂既prep, 其實係抄緊solution… 撞正今日tutor逐個逐個check下, 雖然我真係唔知自己寫緊乜, 總之就呃左今次既participation mark番黎

上上下tutorial U公司打黎, 話confirm我既nationality, 同埋需唔需要permission先可以起香港工作, 以一句”We are preparing the offer letter for you”作結

Yes!

之後去教0706 assignment 1, 順便同個prof. 講下我呢個咁騎呢既情況…即係未add到科又上緊佢堂, 當係知會佢一聲先, 因為…係FBE個馬小姐叫我咁做=.=…

然後去main lib 溫FINA0804 la…聽日有in class quiz, 但係我真係完全唔X識…個情況仲慘過今朝既0702…鞋…

夜晚同exchange-mate食飯…阿Liu推介既杭州酒家真係唔錯, 雖然係貴d, 但物有所值

Nelson又放飛機…仲要衰到連我同阿Liu個電話都唔認得…你換左電話都可以入番落電話簿架者…SMS黎問我係邊個sosad x 9999

AGM過後, 我隻耳仔develop左一個比AT, 或者李氐更犀利既力場, 隔絕一切響鬧裝置既聲響…
點解電話既鬧鐘唔係一直響到我禁停佢架…我已經set左兩個鬧鐘都可以唔知醒=.=

所以今朝走左兩堂fixed income securities…
教到term structure喇, tutor一開sem已經講明呢課係成個course最難, 我都唔去上=.=…

番到hku, print番tutorial question剛剛好趕到去上tutorial…

然後繼續print 野, print左fixed income securities 本textbook既solution出黎, 終於用曬我起EEE lab既printing quota, 我諗呢世人我都唔會再入果個lab喇

上macroeconomic analysis, 完全無聽書…

話說上星期五上uncertainty既時候見到d人交張紙比lecturer, 先驚覺…原來assignment 1係上星期5 deadline=.=…我同嘍囉都係見到人地交功課先知要交…

研究左好耐都唔識做…

小弟乜都唔識, 淨係識google, 好彩比我google到d solution落黎…

而家凌晨1245, 仲有好多野做

聽朝有mathematical methods for economics 1^st quiz, 佔10%, 未溫過
後日有fixed income securities 1^st quiz, 佔唔知幾多%...

同埋仲要prep 聽日macro tutorial, 個tutor都幾harsh, 話上堂唔答問題就唔當participation…

走左三個禮拜堂既後果…逐漸浮現喇…

 

原來小弟個xanga真係幾值得reference下

上年hold AGM mark低左時間, 今年可以用黎compare下…所以, 今年都記低番AGM 個時間啦, 不過今年係近幾年以黎最長既AGM……唔知邊個咪話想行社學習下天文嫂既…聞說天文嫂既AGM的確係去到星期日深夜=.=?

2011_02_11
1835 Start
1927 Terry finish “briefing” the amendments on constitutions
2000 Dinner time
2045 resume, 刀上行人start
23xx Sleeping time

2011_02_12
1142 蕪澗道
1258 Lunch Time
1341 resume, continue on 蕪澗道
1346 Adventure ship
1446 Information Day
1624 澳遊威尼斯
1755 Firework trip
1910 O-camp
1930 Dinner Time
2025 Resume, continue on O-camp
2337 Ramblers’ Mission

2011_02_13
0231 Oversea trip
0352 Pub Sec
0439 Stewards
0605 AOB(3C)
0636 fin report skipped, 5 minutes break
0641 year Aim of 48^th cabinet
0723 衝峰48
0927 東坪洲
1033 3^rd function
1127 4^th function
1229 Information day
1315 O-trip
1400 O-camp
1515 Ramblers’ Mission
1601 Oversea Trip
1652 Pub sec
1753 Steward

之後無再mark時間喇, 七點半左右開始AGM, 通過曬d議案先, 八點食飯, 2045 resume, 11點幾先開始internal evaluation, 情人節凌晨先完曬所有野

番過黎既老鬼(指45莊或以上既)包括: 37莊左輝, 42莊Patrick, Chloe, Anna, 43莊Ivan, 4, Terry, 45莊Debby, 西, Matthew, Sharon, Billy

以往既AGM通常去到星期日六七點就完, 完左仲趕得切去食SU can dinner…今次遲左咁多, 主要係O camp同RM camp耐左好多, 小弟落莊果年, O camp問左兩個鐘, 果時已經覺得超級耐, 今年AGM話比我地知, “沒有最耐, 只有更耐”, 問左成三個鐘都有…RM又係咁, 深夜時份其實無乜台下會眾, 主力係Ringo同Debby…兩個人已經足夠問兩個幾鐘=.=|||

同埋function 比以前多, total 10個, 突左個oversea trip出黎, 44/45莊好似都係得9個function, 而且其中一個係informal trip…

O camp問多一個鐘, RM問多一個鐘, oversea trip新增一個鐘, Terry 講amendments on constitution又多左一個鐘, 夾夾埋埋已經多左4個鐘=.=|||

Terry ar Terry, 講野真係唔駛repeat咁多次=.=||||有時呢, 講左個重點出黎大家已經明白, 例子真係唔需要咁多, 更加唔需要詳細解釋你d例子…

講下我記得既野啦

Constitutions
(a) and (e) 定係(a) to (e) and (g)? 行社既executive committee 有咩post係必需? 淨係有Chairperson同fin sec就夠? IV / EV / stewards / pub sec都唔駛?

刀上行人
其實已經連埋之後幾個function黎問, 關於起facebook禁左attend就當applicants既問題, handbills 無乜用但係都照派既問題, 集合果陣塞住左條路; e會e左d唔知乜野…

第二日朝早去左維園拎渣打馬拉松既野, 差唔多四點先番到黎…

澳遊威尼斯
ex-co遲到, PIC遲到, PIC買refreshment? 根據網上某xanga記載, 是次function既route其實唔係幾吸引…

由於PIC唔起度, 其實問黎都…

(小弟今日再comment下啦, 成條route經過既地方只有分流有d睇頭, 但係其實都唔係真係咁好睇…)

Information day
Ringo真係問左好耐關於AJ莊員介紹果度…係, 47係有責任, 不過45某人同46某人都有責任既…比左個tump 47踩=.=..

Firework trip
Doris果有人起所有人出發曬之後先黎到…呢個point唔知點解問左咁耐; Nigel 既朋友分組又有問題…係, 呢兩件事的確係帶出communication方便係有問題, 但係…唔需要問咁耐lor我覺得, 有時d野…唔需要問到咁detail其實已經可以比comment 48莊聽下

O camp
問左超級耐steward既物資分配, 問左個半鐘咁濟…Debby又唔係好gur咁遲先通知佢做組媽…如果有一早開o camp e 會, RM仲會唔會有O camp既問題? 同埋campfire 又係問題啦…

小弟都真係有做得不足既地方既, 果支133mL既火機火水小弟的確係起O camp之前已經見到, 不過小弟好似無好強調話一定要買大樽啤酒裝火水…同埋, ringo最後撕爛自己件衫, 結果都撻著左個fire, 証明果支野都做到野…問題可能係出現起碎布上面…小弟提佢地拎碎布, 但係又無講係咩碎布, sasa拎左兩張檯布黎, 可能無用綿做既衫咁好燒都係問題?

小弟見過最champ既campfire, 係小弟form 1果陣, 睇自己旅既venture 點campfire

一個木檀, 佈滿曬白威士 (即係縱火狂徒必備用品), 倒曬火水, 然後用角鐵砌個炮彈架出黎, 點著個火球發射過去, 一take過成個木檀燒著曬

我諗重點係白威士同火水啦…唔知白威士係咩? 自己google啦

(謎之聲: 47莊搞campfire之前你有無講呢堆野比人聽?)

RM
同e會講既野幾乎一樣, 無帶營釘呢個依然係重點問題, 物資分配又問左超級耐, 仲有henry帶遲入既member入黎行錯路既問題... 同以往兩次RM一樣, 呢個需要多次pretrip既function, 起pretrip方面總係會出d問題…

呢個我仲想講講…
44莊主席: (聲淚俱下) 我地pre夜行果陣…得三個人…
45莊IV: reading week 連續pre左三次trip, 有莊友問我, 得咁少人去, pre黎做咩者
46莊IV: 汲取左上兩莊既教訓, 而且我唔想太harsh / chur我d莊友, 我地人多先去pretrip
(注: 結果係連PIC都行錯路)

我諗45同47有d似, 45 pre左11次, 47 pre左8次…45 pre多左係因為頭果兩次pre既地方最後無揀到…計番實際有contribution既pretrip都係8-9次…就算次次pretrip都黎齊人, RM呢個function都要pre好多次架喇, 呢個function既nature就係咁, 何況pretrip唔齊人…又, 由於時間所限, 一定係暑假先有時間pretrip…暑假pre-trip / camp既1st priority 又會比左o camp, RM有少少二奶命, 當大家著眼點都係一開sem就黎既O camp, 暑假果陣大家總會有少少忽略左RM…以為之後仲有時間, 但係, 老實講, 開左sem, 特別係year 2 sem 1, 又有幾多時間pre?

暑假期間47莊…要消失既已經消失左, 就連core都有人撻左pretrip…呢個唔係一個IV可以解決到既問題…d人唔黎就係唔黎, 呢個時候就睇得出大家既priority係點, 一個人既priority係點, 其他人好難改變…

可以有咩方法? 好老掉牙咁講一句…同心 。合力 …

Oversea trip
比一個熟人禁住黎搶sosad… CEDARS funding proposal…

Pub sec
Benny唔起度, 係好事定壞事? Debby 鬧AJ既專題介紹鬧得真係好激動…網頁究竟有幾有用? 原來時光隧道塊board係Eirene design wor…

注: 45莊既AJ同O-trip都係我地最proud of 既野wakakakaka

Stewards
O camp同RM已經問左好耐stewards 喇…不過大家都仲有好多貨, 小弟作為info sec都係問番同地圖有關既問題, 有兩三幅地圖都係46落莊時候話有但係47上莊時候話無…真係呢…年年都唔見咁多地圖…小弟都幾心痛…

3C
其實係2C, Debby話有野要問下…

要讚一讚48莊既…以往幾年AGM新莊好似都無問過問題, 今年Yankee有問下”咩叫OSA proposal”, Clement更加係佔左oversea trip 1/3既發問時間, 如果唔係主席hold住既話睇黎佢真係有排問…更加犀利既係…Clement話check過地圖櫃, 有一幅47莊話有既map佢地搵唔到=.=…

由於時間關係, 今年朝早無左去CYM食早餐呢個環節, 改由主席抄左個麥麥送餐單落黎比各位填寫…等左個半鐘先送到黎=.=…

由於主席真係太眼訓既關係, 主席只能夠hold會hold到新莊既第一個function, hold hold下都hold到訓著左, 所以交番比主席位比Terry做, 然後小弟就坐埋一二面訓覺喇=.=

醒番果陣已經camp到夜行…

聽到阿4一個好有趣既comment:
佢地份year plan, 咁詳盡既, 好似去得架la wor

小弟諗諗下, 阿4又arm wor
45莊上莊果陣year plan入面連RM都無, 當然呢個都係一d歷史問題
46莊上莊果陣, year plan係AGM期間臨時印=.=…
47莊上莊果陣, mock campaign果份year plan真係經典到呢, 用五張A4紙砌成既一個table

黎到今日48莊上莊, Henry既問題係, 點解你個equipment list入面無xxxx既?

係一個進步

按agedna原本想camp左新莊既EV先, 但係一camp到果part EV既情緒已經有d unstable, 所以轉為camp pub / stewards先

以往兩年我都無乜寫camp新莊既野…今年…夜晚十點幾camp到3C果陣…好重火藥味

Sorry果時我好眼訓, 其實無認真聽大家講既野…

同樣係EV…
某人問…點解year plan上面同佢prepare比佢既果6個point咁似, 之類
結果都係喊左

今屆EV要承受既壓力呢…真係…好大…

45為46開設EV既時候, joint U camp應該係重點? 無year plan…行社第二個EV, no need to mention, 黎到第三個EV, 大家都寄予厚望, 44莊一早同45莊講左要求EV有year plan, 等左3年, 今年終於有喇

但係呢d前無古人既year plan, 真係, 唔知可以點嘔出黎…台下會眾王崑同學都話”EV…其實真係好難define”…所以寫得好定唔好, 無人會怪你…

某人比comment果陣唔知點解忽然好激動, fing曬手…”有時阿邊個真係十下十下…jkas;fjkg;jkle;jkl;jkl;點整到者!”
某人…”係呀我係十下十下, 我十下十下到凌晨用兩個鐘幫下莊準備埋EV 既year plan…”

未到internal e, 某人已經率先流出第一滴淚

到IV同chair…

Ringo對老鬼呢個身份有d執著…雖然我無聽到IV之前講過乜野黎, Ringo既語氣都係好重…”如果你地係唔尊重老鬼既話, 老鬼亦都唔會有心機番黎出席行社既活動, 之後你地唔會再見到老鬼”

(2011_02_16後按: 呢陣火藥, 黎到今日, 忽然加強左添)

聞說新莊聽到呢度既時候, 都幾燥下

到internal evaluation…難得今年有好多新莊留低聽野, 可惜今年既內容同以往唔同…今年internal e 仲有少少AGM既感覺…大家仲係…略嫌有d formal 咁答問題同comment人地…比起以前唔夠放…

(餘下部份請參看Facebook note)

同嘍囉食tea既時候撞到Iris
: 我到而家都仲覺得件事好唔真實
X 2 x 3 x 4 x 5 x 6 x 7…
番到屋企check下email, 竟然見到U公司既online assessment test
Wtf?
application form都交埋而家黎叫我做online numeric and verbal reasoning test “to finalize your application” =0=????

Send個email問下HR, 佢幾乎係即刻覆番我, 叫我ignore番果封email
每次同個HR講完野之後, 個心都會踏實番d…

上alternative investment / mathematical methods of economics
後者真係越上越有驚喜, 今日連堂原本諗住上一堂走一堂…聽聽下竟然唔想走, 讀左咁多年數忽然先明白partial differentiation 既奧義… 雖然engine math I 係A+, 但果時考試其實我都唔知what is Jacobian?今日聽佢講兩講竟然明左@_@...

呢科個tutorial 真係好恐怖呀…我未見過一個tutorial 會有學生爭住答問題=.=|||
大家勇躍到…答問題係要預約架lor sosad…第一題已經半班舉手, 抽唔中果d…”好啦你答第二題啦”

“今堂無participate過既唔緊要架, 下堂優先比你地”
sosad

真係犀利, 農曆年假完左到而家我都無走過堂!!!!
係咪好犀利!!!!
注: 農曆年假只係完左兩日

去University Bookstore買書
今次…好似係小弟第二次起university bookstore 買書=.=???
第一次係Year 1 買Introduction to Accounting 本textbook, 果時真係on99以為書一定要買…
第二次應該就係呢次? 係Frank J. Fabozzi 既Bond markets analysis and strategies, 承惠306蚊

我覺得每科都有d textbook係值得買既, CS黎講, MIT出既Introduction to Algorithms簡直係必備啦, 我買左本大陸影印版, 不過上年竟然用一餐tea賣左比人; 另一本值得買既係Database 既textbook, 小弟都有買架, 不過離開北京之前廿蚊人仔賣左比人=.=||||而家諗番都幾後悔, 呢兩本書真係唔應該賣…呢兩本都係practical 同theory並重…出黎做野當reference book用都得

Finance如果要買textbook呢, 推呢本bond markets同McDonald出既Derivatives, 讀得finance既, 最想都係做equity research / trading desk / hedge fund manager之類既野者.. wealth management / portfolio formation  呢類真係…可能係小弟對要見客既工都無乜興趣者, 如果要考自己既眼光, 不如做trading仲好啦…

可惜小弟take唔到Mathematical Finance, 如果唔係…實買埋McDonald本書

呢排生活有d乏味, 所以去書店行下

余宗明既書”聽歌睇戲看小說”, 幾有趣… Compare and contrast “Avatar” and “Matrix”
主角同樣係脫離原有既世界, 換上另一個身軀去另一個”世界”, 唔同既係…Avatar主角係由殘酷既世界去美好既世界; Neo係由美好去殘酷…Avatar主角…當係莊周夢蝶丫, 定係好似毒男打三國無雙, 現實世界唔係高大靚仔有型於是投入虛擬世界千人斬?

王迪詩既…孔雀男與榴槤女都出書?! 而且好似幾好賣添=.=||||早幾個禮拜已經見到, 果書疊書棟到ok高下, 今日見到竟然得番幾本?!?!?!??!?!?!?!?

我唯一諗到既possible buyer係果d識得王迪詩而無入過場睇劇既人

睇完書番屋企放低個袋…又去跑

唔知係我數錯圈數定係睇錯時間, 點解我計到60分鐘10公里既=.=?

拿我知道跑開既人黎講, 呢個時間直情係慢添啦, 但係我唔係跑開架lor=.=…上年跑渣打好似都跑左70分鐘=.=…

 

開學啦~!

農曆年假咁就過左…

今日感覺好似開sem咁, 開sem以黎今日係第二次番星期三=.=…

上fixed income securities / uncertainty

前者上堂既時候聽得明, 但係心裏知道其實呢科都係靠自己死做爛做

後者上堂既時候已經唔多明, 就算搵到本textbook, 發覺本書只係用一頁紙黎講我聽左半個鐘既野..更加唔明…

Lunch同Debby食飯, 食完之後齊齊玩iPod Touch既monopoly=.=…

番嫂房hae到夜晚…

約左Y公司既老細同intern 2號出黎食飯…

嘩…

如果話國際面包係神級, 咁呢d應該係六道以外既野…

飲到3點果陣已經知道聽日無可能準時, 所以已經send 定SMS比sidney / Hilda 備案話會遲到=.=

4點幾訓到食野先比人叫醒…一點鐘由屋企出發去大佬屋企, 大佬既suggest route係樂富轉shuttle bus, 不過小弟比較懶唔想轉咁多次車, 所以113=>208, 起九龍維景酒店轉, 都係一個鐘就到

九龍塘果d屋苑, 真係第一次入…@_@...

西 / Hilda / John / Iris / Jacky / Sidney / Jimmy / Sam / Benben

去到佢地都差唔多打完邊爐…接住落黎既時間…全部都係deal boy deal girl  三國殺打牌=.=…

唔該曬兩位咁賢良淑德入得廚房出得廳堂既女莊員洗曬d碗碟xD

副deal呢, 都幾唔平衡…Angelababy + 周秀娜 / 李家誠 + Bill Gates , 配上彩虹收租(double租金@_@)真係一招置人於死地=.=…係比monopoly deal 更加屈機=.=…

打牌, 雖然無打錢, 但我都有比心機做大牌架…可惜=.=…我既牌面太明顯, 九章落地全部索子, 手持4隻都係索子, 叫一隻二索, 三隻比Jacky 扣起一隻比sidney扣起…注定呢鋪清一色與我無緣…

Iris 女麻女麻整既芋頭糕/蘿葡糕堅好食!!當然仲要加埋大佬既巧手先得啦xDD
果d糕真係好足料, 無食錯既話…好似有瑤柱起入面@_@?

最後將兩副deal boy / deal girl 撈埋一齊變deal boy girl黎玩=.=…

去又一城食飯, 個個都話番屋企食=.=…

得番兩條友=.=… window shopping, 打下機, 氣墊球?!

晏晝比中拉左出黎…反正佢都無野做, 就比我拉左去灣仔買跑鞋=.=.. for黎緊渣打馬拉松

<< 我呢d咪係正宗臨急抱佛腳既人, 仲有十幾日就渣打馬拉松, 今日先黎買鞋

起灣仔/銅鑼灣就街hae, 食下tea…落下機鋪(不過唔打機sosad)…

搭叮叮番去創聲打機…去大家樂食飯…

中走左之後杜國熙就黎…之前已經約左今日去蘭桂坊…

1^st round: 啤酒

何文津x杜國熙x西 @ Oyster @ 蘭桂坊

2^nd round: Long Island

3^rd round: 3 shot 唔知乜鬼野

快速, 連續飲3 shot, 都幾係野, 感覺上仲勁過一杯Long Island…所以何文津話走既時候我話不如送埋佢走…再拉埋杜國熙去打左陣機…等到6781黎曬已經係一個鐘之後既事, 但係酒氣未散…叫左杯Baileys都唔敢飲住…叫左杯Bloody Mary比6781…不過佢頂唔順, 同佢交換

4^th round: Bloody Mary

我認真地覺得血腥瑪莉係幾好飲

唔係話唔可以飲落去, 不過我又唔想搞到自己咁=.=…同埋飲酒真係幾鬼貴=.=

 

繼續拜年…是日目的地西環村

一半時間用黎同長輩親戚吹下水…吹得耐, 吹到有d悶…吹左幾年都係果d topics=.=…

去睇下兩位同輩親戚點樣…竟然…溫緊書=.=||||下學期剛剛開學者, 咁快就咁搏盡=.=…

無諗過佢地會傾咁耐, 仲等我帶定銀彈, 諗住起德褔買下野…點知去到德褔都差唔多夠鐘…想打鋪機都唔得…

年初二睇戲真係幾貴, 如果唔係我都唔會走到Megabox睇…今日幾好彩, 剛剛去坐到果班shuttle bus最後兩個位…入到場又剛剛開始@_@..

上次睇借東西的小矮人之前, 比呢套戲個trailer吸引到我呆左…=.=…

Disney之前套魔法奇緣Enchanted 真係幾鬼好睇, 認真地覺得佢d歌舞都係正野, 故事好簡單, 偶爾笑下都唔錯…呢套都係咁, 可惜卡通人物既歌舞始終無真人既歌舞咁好睇…同埋, 我諗Angelababy同余文樂既中文版唱得好極都唔會夠英文版好聽…

隻馬真係好鬼頂癮, 一出場就實有笑點…隻馬叫Maximal=麥師武,Gladiator既男主角都係用呢個名, 而家比隻馬用左=.=…真係笑左=.=…

睇番配音員既list, 原來Michelle…er…即係邵美君就係巫婆既配音員…@_@...舞台劇既演員真係成日踩過界
(睇完戀亡之後淨係記得角色名但係唔記得演員名sosad)

睇完戲, 食埋飯, 去淘大搵糖水食…咁多間鋪, 竟然得一間糖水鋪which is 許留山…更加估你唔到既係, “芒果賣曬”

無芒果既許留山叫咩許留山? 收檔啦=.=

 

大年初一, 拜年

年年都係咁, 其實去到人地屋企, 我都係負責坐同食only…=.=|||
今年飲埋一支已經開左一日既紅酒…

照舊先入粉嶺再去沙田…起人地屋企打麻將=.=||||唉我真係無諗過要落場打=.=…個人對打麻將無乜興趣…

小弟既牌藝真係有限…好彩番數不設下限…人地高手過招下下都三番起糊我真係唔識做牌=.=…不過我又真係好犯賤, 明明雞糊都食得又要學人做牌sosad

開頭都係輸多嬴少…點解唔係自摸…三家都要輸錢架=.=…唔係淨係出銃果個先要比架咩? 即係叫人鬥快食雞糊架者sosad…

好彩後黎食左鋪混一色對對糊@_@...其實我都唔係好識點計番...混一色三番, 對對糊三番, 我仲要碰左白板夾埋係咪應該7番@_@?不過果鋪只係計左我5番=.=

如果今日去到呢鋪混一色對對糊就完咪好lor…點知伯娘後黎自摸清一色仲要有正花, 真係輸到一棟都無=.=||||

打完牌食沙田強記雞粥, 燒乳鴿…歸家去

今年真係過肥年喇, 家姐唔起香港, 小弟唔需要”利是接管”都接受曬所有家姐持有既利是@_@..

乜著V領著褸唔扣埋好爛仔feel咩sosad

杜國熙番左黎…今次佢真係番黎喇@_@...我呢個朋友都算唔話得sosad, 十點幾call我…隨傳隨到, 去麥記坐左陣再去西環尾既酒吧坐…搞到今朝有d眼訓=.=

上alternative investment, 唔錯唔錯, 當係prep埋CFA...計埋呢個sem 既fixed income, CFA就爭ethics未讀過=.=...不過CFA d野比較qualitative...有take過course都只係幫得少少

(唔, 小弟都係講下者, 小弟無意報考CFA...)

mathematical methods in economics, steve ching 真係解釋得唔錯, 但我真係好懷疑...一兩堂既時間, 講得再好, 有無可能教明曬d人咩叫continuity / differentiability...果時上pure我都搞左好耐啦...

落EEE lab hae, 起facebook見度有人share Deal Boy and Deal Girl @_@...好吸引@_@...上埋macro econ之後...同Sidney 去左旺角花市xDDDD佢買水仙我買deal xDDD

鞋...唔上堂既後果, 就係連lecture取消左都唔知...枉我今日咁準時...(其實遲左10分鐘, 不過相對於上個禮拜連學都唔番黎講, 好左好多架喇), 去到個lecture room先發現無人...

番去EEE lab hae 下, print 番成個月無print過既notes=.=....同埋又打比FBE既Ms. Ma問下有無同我搞add drop既野, 由上個星期五打電話打到而家...都仲係聽到"The Mail Box is full"...=.=|||| 如果佢唔幫我搞add drop既話我呢個sem起碼炒兩科=.=...Theory of International Trade今日要交assignment但係我淨係上過一堂, Asian Financial Institutions我都無上喇...

print print下notes, 收到權寶兒HR打黎既電話....唔, 有關呢個月搵工既xanga, 詳細都係睇另一篇總結啦...

according to Macroeconomics 既一d basic theory, 人係guided by consumption smoothing motive, 所以當expected future income increase, "one can increase his current consumption, despite the fact that one's current income remains unchanged, by reducing one's current saving"

今日我簡直係呢條theory既完美示範

買左件幾百蚊既褸@_@

已經連續兩個月無regularly咁打xanga…

同下下下莊去pretrip, 係48莊第一次pretrip
48齊莊 / Terry / BenBen / Benny / Hilda / 我 / suen choi gun / Hilda’s fd x 2

西灣亭=>吹筒坳=>西灣山=>睇魚岩頂=>長岩頂=>罾棚角=>長岩頂=>浪茄仔=>浪茄=>東壩

聽到睇魚岩頂同罾棚角, 真係諗都唔洗諗就決定要黎呢次pretrip, 行埋呢兩個地方, 小弟已經將西貢東沿海一帶既路全部行過曬@_@...西貢東仲爭大枕蓋/牌額山/大蚊山/東心淇未行過….不過呢幾個地方我都無乜興趣…

上次黎西灣山已經係year 1暑假黎pre o trip, 果時我話過…登西灣山, 係飽覽一尖四灣既最佳位置, 今日真係要重覆一次…真係超靚…

起西灣山個亭見到有兩隻日本人帶黎既狗打交=.=…大狗一口咬左落細狗個pat pat 度=.=…好彩無流血=.=…

睇魚岩頂其實唔係尖lor, 應該係大刀屶既type, 即係山脊超窄, 叉錯腳既話兩邊就係萬丈深淵=.=…比大刀屶更worse既係, 大刀屶真係太危險所以政府設置左扶手, 但係睇魚岩頂名氣無咁大, 又無大刀屶咁窄, 所以無呢d設施, 行起上黎真係仲驚過大刀屶…

落山既時候Shirley起前面真係有點慢, 忍唔住落去教佢sir落山…結果=.=|||

罾棚角, 真係幾危險

不過我地坐得幾崖邊都好, 都唔夠下面幾位人兄危險, 詳情請看下圖

起一個vertical cliff, 徒手攀石; 去到海蝕洞門口仲要起無任何安全設施之下跳左過去…

去到罾棚角…見到咁既情況之後, 我第一個反應係: 我地應該起果度睇住佢攀石既情況, 如果發生咩事即刻打999; 真係唔係講笑, 果d位一叉錯腳就跌落海, 一跌落海就沖出南太平洋, 分分鐘連條屍都搵唔番…用五個字黎形容果堆人, 就係”一直在玩命”…好彩果條友無事ja…

睇住果班人爬落去, 睇住佢起海蝕洞門口想跳又唔想跳, 終於成功跳左過去, 我地成班花生友都歡呼拍手, 以示支持xDD

浪茄仔過浪茄果條路…其實可以好易行, 但係Terry起前面選擇爬岩壁, 小弟捨命陪君子=.=…
如果蚺蛇尖係60度, 如果鹿湖峒係70度, 果個岩壁最陡峭處應該有80度…淆曬底=.=想搵條草meng下都無, Terry仲搞笑到放左條繩落去, 固定點起岩壁上一株小植物, 後面Benben都未出力扯果條繩, 果棵野已經比佢連根拔起=.=...

去浪茄之後都無乜特別...六點幾先出到東壩, 呢個時候竟然仲有五六架的士起東壩等客, 真係辛苦曬各位司機大哥...不過呢, 想踩多幾轉都唔駛咁快架=.=...西貢萬宜路時速限制係25, 司機大哥踩到80=.=||||有好幾下我真係驚架車會失控衝落萬宜水庫lor=.=|||

去到西貢...食埋飯先走...九點幾先番到屋企...

(Interview既detail…另外寫啦都係…)

2011_01_17 night

(朝早counter strike group discussion)
(afternoon ML phone interview) 

番到嫂房, 見到Lavender都起度, 佢話佢今日就走la… Ho Ho Lam起facebook 開event原本諗住聽晚farewell 佢既, 不過無人join=.=…

不過又咁Q, 果時嫂房有唔少人, yankee, Kelvin, abby, Sidney, henry, 我, owen, 計埋lavender都有8個人, 於是哎pizza番黎食…

期間…收到ML既電話, 通知我星期3去assessment center @_@...

食完之後仲用youtube黎唱K添xDDD Lavender唱歌真係幾好聽@_@...

之前開msn conference Sidney suggest過拍段維他奶既”Stand By Me”既片送比lala…原本大家都好唔firm係咪真係要拍…不過…有我support Sidney!! 今日就拍左3段…包括opening scene, 坐樓梯唱”日記交換了…” 同埋我同Kelvin爆門唱”你 你的真摯使我沒疲累” xDDD

2011_01_18

尋日Interview完之後好似比人淘空左咁, 雖然只係坐定定…但係…都好似消耗左好多energy咁…個人長期處於緊張狀態…真係好支力, 所以訓到12點先番學校

起嫂房等到4點, 一有人就比我捉去拍片…Sam+樂+John / Jerran+菁+朱華添+人仔…拍左兩段之後去上AFI…再番嫂房見到Thomas+Terry, 又拍埋xD

夜晚…成晚都prepare 聽日既interview

2011_01_19

(morning to afternoon ML assessment center)

In完五點幾…SMS hilda搵佢拍片…不過佢睇唔到個msg=.=…到佢睇到都差唔多放工…

等hilda期間收到U Bull Shit既電話@_@...叫我reserve 26/27@_@...

等到hilda之後…第一件事係去左玩太鼓同拍拍機=.=…創聲終於引入太鼓啦…感動T_T…創聲係距離小弟最近有得打太鼓既地方=.=

拍片, 先起四季門口研究左一陣, 然後用IFC做背景拍左幾次, 覺得太大風於是轉左入室內…又拍左好多次…

然後番hku諗住幫olivia+iris+sasa拍埋…

搭30X番hku途中收到某位ML interviewer打黎既電話, 呢個…係改變一生既電話!!!

原本諗住去Swire 食飯, 點知去到已經山門…唯有起pacific coffee買條energy bar同steamed milk, 平時我好少會咁樣買野法, 相信呢個係…果個電話對我做成既第一個影響=.=|||

番到屋企好快就訓覺, 都係果句啦, interview完之後真係好支力…而且好肚餓=.=…條energy bar都唔飽既+.=

2011_01_20

難得我朝頭早番學校上堂..mathematical methods in economics=.=.

下晝, Really Bull Shit phone in 完之後…就開始剪片啦…上一堂AFI…番去嫂房補拍番大合唱既scene…然後去群眾小炒王食飯…同埋睇

我的快樂時代!!

19個行人一齊去睇!!!

浮誇, 時代曲, 今天等我來, 大人, 暴殄天物, 忘了歌詞, 第五個現代化, 謊言, 隨意門, 幸褔摩天輪, 天公地道, 最後的嬉皮士, 打得火熱, 陀飛輪, 人工智能, 不來也不去, 時代巨輪, 夕陽無限好, 反高潮, 美麗有罪, 最佳損友, 阿士匹靈, 孤獨探戈, 單車, 我甚麼都沒有, 與我常在, 他一個人, 葡萄成熟時, 明年今日, 瑪利奧派對, 傷信, 如果這一秒鐘你跟我講你不愛我, 我的快樂時代, K歌之王, Shall We Talk, Crying in the Party, 富士山下

Total 37首歌, 真係…陳奕迅演唱會都未必有咁多首!! 有d歌唱左但係個list又無, 例如黑擇明

有興趣呢套劇…完全係因為呢句: 唱盡陳奕迅Hit歌! 由我的快樂時代唱到一絲不掛, 釋放叛逆激情!

真係對呢套劇無乜concept就黎睇…出乎意料之外咁好喎@_@...(雖然一開始乜都唔做就唱歌…悶到我訓著咁濟…)不過呢, 如果唔熟陳奕迅既歌去睇可能會無乜feel, 37首歌入面小弟得兩首唔識xD

究竟係歌, 定係故事先係本體? 有歌先定有故事先? 點都好, d歌真係好match劇情…

用人工智能黎諷刺政府請番黎既AO只不過係機械人
用黑擇明黎勸一個想跳樓既人番黎
用最佳損友黎描述…發現自己朋友係差人既感覺
抗爭失敗時唱葡萄成熟時

睇完劇, 番到屋企又繼續剪片…windows live movie maker真係好廢, 剪一段長片佢ok, 但係我係將10幾段分開既片合番埋, 佢就唔ok喇…10段片之後佢就猛咁輕機…剪到兩點幾果陣又睇訓wor, 剪到我都無心機等…訓覺算

2011_01_21

起身又剪片, 不過呢, 用自己部機真係剪唔掂, 開左阿媽部機黎剪…剪到1點幾兩點搞店左…番hku跟嘍囉一齊上macroeconomics analysis…

夜晚送lala機…起hku等到八點幾先走…

Jacky走得太趕啦, 搭90B落車果陣漏左部電腦起架巴士度@_@...

成日都好眼訓, 去送機…小弟既主要任務都係播條片比Lala睇者@_@...

我無諗過會整喊人架wor @_@...

2011_01_22

Interview左成個禮拜, 連埋剪片, 真係支力到爆燈…拍低埋lala睇片既過程, 如果淨係影lala又好似好悶咁, 想用畫中畫既形式embed條片落去…又搞左一大輪…用windows live movie maker係唔會做到lor, 好彩sidney之前send左個power director比我@_@...

起身, 食個飯, 剪完片, 訓覺, 起身食晚飯, 然後又訓覺…