高流灣-->蝻蛇灣-->蝻蛇坳-->蝻蛇尖 -->米粉頂-->長咀-->東灣 --> 大灣-->咸田灣-->大浪坳-->赤徑-->北潭坳
集合: 9:00a.m.黃石碼頭(逾時不候)-->乘9:30a.m. 船
結束: 6:00p.m.前,北潭路乘巴士散水
(嗚謝羅主席安排)
以下呢條先係實際行左既地方, skip左蚺蛇灣同長咀, 加左短咀
http://web.hku.hk/~ccwest/map2.bmp << 按此看大圖, 超高resolution ar!!!
唔知邊個話我去之前應該用小畫家畫幅圖比大家睇下先...而家後補番啦xD
九點鐘黃石碼頭, 即係八半要去到西貢巴士總站....約左八點西貢早餐團…即係七半上彩虹小巴…六九之前一定要離開西環…
於是我較左五九鬧鐘…因為呢個鐘數呢個天氣, 一起身…碌半個鐘床咪算少Lor…
訓得果兩個幾鐘又話要起身行山, 仲要係咁chur既山…我起facebook留左comment話今次唔會著converse行…以示…對蚺蛇尖既尊重?!
朝早交通暢通, 比預定時間早15分鐘到西貢…唔等喇, 自己食早餐先, 尋日執部機執到3點鐘好肚餓, 開左openrice出黎睇…真係有少少衝動去新興飲早茶…可惜得自己一條友, 唔多抵食…如果有人呢個時候話肯陪我去我一定去+.=…
West / Lala / Hilda / Iris / Jacky / Sidney / Terry / Benny / Ben / Jerran / Hilda 同事 x 3 / Lala 中同
Terry起馬料水上船, 其餘14個人都係黃石上…有d人由鑽石山飛的入黃石, 有d人299轉96R=__=…大家入黎黃石既方法都好貴=__=…
今日無人帶hardcopy 地圖, 好彩高流灣碼頭有幅超級大既郊遊圖, Benny影低左…
10點出發, 出發之前起小弟起果幅圖督出今日既路線, 大家睇到嘩嘩聲咁…大家之前個著眼點都係個尖,似無留意到呢條線既長度…高流灣=>蚺蛇尖=>咸田=>北潭坳已經15公里, planned route 加埋長咀, 起碼加多3km…夾埋都接近18km…
47莊pre過高流灣, 高流灣至蚺蛇灣一段水管路兩旁雜草叢生…Benny同Ben都反對水管路, 建議經巫屋直線往南行…雖然會miss左蚺蛇灣…我又無乜所謂, 反正蚺蛇灣唔係我此行既重點…有心去蚺蛇灣既…不如下次蚺蛇灣=>千溪海岸=>米粉咀連走…仲正
沿途我都無乜睇地圖…even我入左幅map入iPod Touch…xD…所以行錯路都係靠Benny同Terry指正番xDD辛苦曬兩位~
落船無幾耐有隻狗跟住我地行…隻狗有狗鍊, 而且好乖, 明顯有人養…佢開頭行得好精神…行到轉入蚺蛇坳之前既空地就頭dup dup, iris貢獻左個杯, 我貢獻大約300mL水比佢…第一次見狗飲水飲得咁快…有人跌左張蛋糕紙落地, 隻狗即刻走過去連紙食埋=__=|||
空地上蚺蛇坳既路雖然唔斜, 但小弟就唔多鐘意行密林…好麻煩…
丫, 我地起空地上蚺蛇坳咪行錯左路既, 睇番地圖…果條路雖然長少少, 但係起個小山脊上面行…應該會行得舒服d=__=…
起蚺蛇坳休息左陣…大家見隻狗咁慘都比d野佢食…點知隻狗咁揀飲揀食, Jearrn比半個紅豆包佢…佢聞一聞就走開左…狗唔食紅豆架咩!?
唔好比呢隻狗咁楚楚可憐眼神呃到, 連紅豆包都唔食...唔食紅豆都食個包丫!!浪費食物!!
跟住係今日最精彩既一段, 蚺蛇坳上蚺蛇尖, 前半段仲難行過後半段…特別係落大灣個路口前面一段, 幾乎係垂直咁爬上去…完全係力既表現…過左路口之後反而易行左…
今日唔只我地登頂, 沿途起碼見到兩三組人都上緊蚺蛇尖…有d都幾搞笑, 每一步都要教點行…
”隻手擺呢度, 係喇, 企定個人先, 試下提隻腳上黎踩呢舊石, 唔係呢舊, 再上少少得唔得?...”
有人誇張到成隻手成隻腳都震曬=.=…
雖然係第4次上蚺蛇尖, 對尖上既景色都無乜印象…
第1次上蚺蛇尖, 係2008_02_11, 大風到連個人都吹得起…天色又唔係好好…
第2次係2008_04_04, 蚺蛇坳以上全部都係霧, 勁多蟲飛唔睇路亂咁飛, 勁恐怖, 好似biohazard咁, 0風景, 上頂1分鐘就落黎
第3次係2008_04_06, function on day, 上到頂猛咁影合照…跟住就落番黎=.=
(其實仲有兩次pretrip 意圖登尖不過失敗左=__=)
北面望到塔門, 赤洲, 東坪洲; 南面睇到大灣咸田灣; 西面遙遙相對石屋山, 又睇到大浪凹至蚺蛇尖既一段婉延山脊…超正
iPod Touch真係犀利, 咁靚既大灣同咸田灣都可以影得咁差
長咀+東灣
塔門+高流灣
食左條兩朱古力…飲左幾啖水, 然後發覺連隻狗都上左蚺蛇尖=.=…今次有Jacky比水佢飲
Hilda其中兩位同事起蚺蛇坳附近狂抽筋=__=…結果無上頂, 起蚺蛇尖下面打橫行過去…Hilda姐呢次真係望尖輕嘆…
蚺蛇尖往東走, 有3個頂, 起第1個頂附近有3隻牛跟住我地尾…都幾驚…雖然我好明白隻牛其實仲驚過我地…Jacky有一下叉錯腳, sin左一下, 畫過地下既聲音嚇到隻牛即刻走開=___=…第2個頂係米粉頂, 即係我地同Hilda分道揚鑣既地方…
<< 明顯呢兩隻牛係對住我衝緊過黎...
米粉頂之後Terry轉左, 其實都ok, 雖然我原本諗住直行, 咁可以睇住Hilda佢地起東灣山之前轉右確保佢地唔會行錯路…然後我地可以直行東灣山或者起山腰過…
幾個決擇位都係經山頂定山腰既問題, 山腰係路長, 但勝在易行…所以揀左行山腰…
轉左, 再轉右, 直行一段下岥路…去到一條小溪…
呢條溪我一定會記住佢=_=…大家都無睇地圖…例如起呢條溪度…地圖都mark得好明顯, 起條溪度有個三叉位, 一面出短咀, 一面沿山腰去長咀…
我一馬當先, 跨過條溪爬上另一面…which is 通往短咀=___=||||但係果時個個都以為自己去緊長咀
過左條溪上番頂隱約見到一個突出黎既半島, ok大起伏…
“長咀唔起應該有分叉路架咩…?”
“東灣起邊?”
“ban去東灣條路起邊?”
雖然有問呢幾個問題, 但係我無拎幅地圖黎睇=.=…往長咀途中右邊應該望到東灣…我地登短咀途中右邊都有個灣…果時我都肯定果個唔係東灣架喇…我估係比另一個咀遮住左東灣架者, 而且東灣過後的確係仲有一兩個唔出名既灣…
後黎睇番地圖, 果個係沉船灣…
登短咀途中見到呢個牛頭骨...唔知腐化左幾多年呢@_@...
短咀有三個頂, 我地去到第二個頂就停左, 真係行唔到落去…(後黎睇地圖…第二個頂右邊應該有路去第三個頂…)
好開心咁起果度影張相, 諗住可以同人講…”我去過長咀喇!!”
點知出番黎之後, 行左陣…終於望到東灣…見到東灣隔離有個半島突出黎…
“(指住兩個島)阿西你睇下!!”
“咪尖洲同大洲lor”
“尖洲同大洲係比長咀包住架麻!! 呢個先係長咀!!”
!@#$%^&*()(*&^%$#$%^&*(*&^%$#$%^&*()(*&^%$%^&*(
真係要講粗口…
竟然…完全忽略左…尖洲同大洲呢兩個咁重要既地標,如果我地起長咀既話, 有乜理由會望唔到尖洲同大洲!?
企到長咀入口先驚覺我地剛剛去果個係短咀…
=____=|||||
唉…7係7左d…不過算啦, 咪當係意外收鑊…短咀呢d地方…平時都唔會諗到要去既…但係長咀…我一定會去!!
之前RM camp深夜諗住帶人夜闖長咀不過時間所限折返東灣, 果次我無落東灣,係起東灣後面既草坪搵路上山, 雖然方向係arm, 條路就唔多易行…今次經長咀入口落東灣, 先知東灣盡頭都有路上山
行去大灣途中, 天黑左七成…氣溫急降, 就算行住山都熱唔起個人@_@...
唔知點解Sidney可以咁遲先拎兩盒罐頭餅出黎…超好食呀!!!行到咁Q支力既時候真係食乜都好食!!!不過lala就唔好彩喇, 有一ped醬好似雀屎咁滴左起佢額頭度xDDDD
去到咸田灣安記士多已經係七點幾既事, 起呢度會合番Hilda, 佢話佢都係剛剛食完個面一陣=.=…真係ok慢=.=
去過咁多次咸田灣, 我都係食海風…今次係第一次食安記, 1個字貴, 炒飯要48蚊, 隔離海風賣緊40蚊; 雙併面28蚊貴過隔離1蚊; 不過勝在廁所靚又有電視睇, 老細都幾搞笑…(Sidney同Jacky你兩個都好花心呀!!)
老闆話見到有人帶住隻黑狗with狗鍊黎到咸田…應該就係跟住我地上蚺蛇尖果隻狗, 隻狗唔知係咪嫌我地行得慢得濟跟左另一批人走左…我地問老細隻狗點…
“應該都要做流浪狗架lu~” sosad…
黃石碼頭94尾班車開2135, 我地1945離開咸田, 要行6km先去到北潭坳, 拿史物夫定律話比我地知要行1.5hr, 仲未計上落, 而咸田到北潭坳係上多過落…所以呢段路都唔可以太hae咁行=__=…
最後2115去到北潭坳…
行左11個鐘=____=…
Recent Comments