尋晚我插陳奕迅唱錯”雋”字之後...即刻有人留offline msg比我...再有人起facebook留comment話, 呢個字的確係可以讀做另一個音...係”吮”...鬧錯左添==.=...

起.NET同chilam講起既時候, janice起隔離話...佢首”粵語殘片”都有類似問題, 其中一句”像褪色午夜殘片”, 個”褪”字, 個個都讀開”退”音, 但係Eason唱出黎係”Tun色”, 原來Tun先係正音bor @_@...

我樓下果間”西環蒲食天下”開左喇...個名...好有霸氣! 呢間野淨係夜晚開門, 好似係任食打邊爐, 位位150...食到咁貴唔知有咩特別...有無人(特別係會起HKU做野做到好夜既人)同我一齊去試下呀~!?

同Bryan講野...真係可以知多好多野...即係...學術上既唔駛講, 政經話題佢有時都會同我講下...

例如講下佢手上既portfolio=___=...

”呢排最賺錢係隻上海金荗, 地產股黎”...

“你唔怕兩會入面會有消息傳出黎推lum樓市咩?”

(我覺得我呢個回應真係好meaningful, 相比起其他果D”唔”,”哦”,”係咩”之類)

“唔怕既, 上海個樓市唔會lum, 上海唔可以lum”

例如上個月講下台灣立委補選

“國民黨輸曬wor...得番1席”

我略有聽聞過...不過其實我唔知立委係咩黎, 更加唔知點解無端端要補選...更加唔知藍綠陣營有邊D基地...咩桃園/花蓮/嘉義...邊個係藍色邊個係綠色...平時唔睇亞洲周刊既話...真係唔知點講呢D topic

例如講下湯家驊

“其實湯家驊講既野真係好on9, 即係呢, 政治人物講on9野都無乜特別, 但係佢講既野真係特別on9, 唯獨是係今日佢講既野又幾有point wor”

例如積極不干預

“我覺得政府真係唔應該資助咁多...應該由番市場自己調控”

有時呢D topic...就算搭唔嗲, 聽下都好既, 如果將來有機會同其他人講番呢D topic, 就可以搬字過紙, 懶係知好多野咁XDDD

呢幾晚既夢唔知點解特別深刻...

大前晚發既夢係...同一個fd行街...行行下見到解款員做緊野...我個fd貪得意拎起左佢擺起地下既鎗...個解款員好似睇唔到咁...唔知點解我又無阻止佢咁樣做, 行多陣街之後問佢做乜要拎人地支鎗, 佢話, 無呀, 玩下之麻, 跟住後面就有警察出現, 問我地做乜拎住支鎗...然後好似警匪片咁追左我地9條街@_@...

前晚發既夢係...見到credit Suisse 叫我去interview多一次=___=我feel到我起個夢入面都淆曬底...更加慘既係...in in下我唔知有D咩急事要番屋企...再番黎個interview已經完左...跟住嚇醒左...

醒左之後我仲要起度諗...死火喇...mis左個interview添, 點算好呢...諗諗下, 諗住番學...因為夢入面係星期2...但係現實係星期日...我諗左陣, 究竟今日係星期2定係星期日呢? 究竟係頭先發緊夢定係而家發緊夢呢@_@? 好有莊周夢蝶既感覺...諗左好耐, 起度諗...明明我剛剛著曬suit跑去credit Suisse...點解而家一D都唔支力架呢...?

唉唉, 講起credit Suisse...點解等左咁耐都未有消息架=.=...

同起遠處既嘍囉msn左陣...佢話佢有7個IS既同學都有i-bank offer...當中有阿邊個份@_@...

Feb 26去in既...之後既10日我都無乜諗過credit Suisse...諗住好快有result...但係等到而家都未有...上個禮拜又收到email叫我再等下...唉唉唉, 等待既過程真係...好痛苦...不如痛快D了結左我算啦...

講到i-bank 既intern...software engineering某個groupmate...竟然得到果份月薪39,000既UBS intern...(你無睇錯, 月薪39,000...好可能你/你/妳/你地既grad job 5年之後都無既人工=.=)

今日上另一個subclass既FINA2802, Arbitrage Pricing...

解釋下先, 咩係arbitrage呢? 即係話可以起無風險既情況下獲得利潤, 通俗D但又唔係好exact咁講即係無本生利...例如...你由李家誠既秘書口中獲得第一手消息, 知道左佢有急病入左醫院, 病到就死喇, 咁你最好沽定大量長實既股票先, 第二日佢一死左, 股價大跌你就賺到笑喇, 呢個過程係無風險既...因為你知道佢一死左股價100%跌...

但係呢, 呢D arbitrage既機會係有如曇花一現, 稍縱即逝既...因為佢入醫院呢個消息好快大家都會知道...然後個個都沽...一有沽壓...股價就跌, 股價一跌咁呢個arbitrage機會就消失啦

獲得人地未有既information係arbitrage既一種, 有時...你見到有derivative mispricing都係arbitrage既一種...

“The case is just like... a girl finding a boyfriend. If there exists a handsome, rich and young boy in the market, this arbitrage chance would be taken up by some girl immediately. So the boys exist in the market must be risky. They must be rich but not young or handsome but poor.”

上software engineering... du-path...乜鬼野黎架...d(i)u...

夜晚做FINA2802 Project 2...Financial product Development – HK Small-Cap Equity Fund...都唔知點寫個report...唉=.=

過左mid term...即刻撻左皮...

今日聽左一絲不掛六七次都有...個mv真係太正喇...

聽多幾次陀飛輪...發現陳奕迅繼n年前果首天佑愛人”不肖(原字: 削)我對生命倦戀”之後, 又唱錯字, “蕭邦的算(原字: 雋)永”...削同雋呢兩個字, 唔係咁難者下化, 我從來都未聽過有人會咁樣讀錯法...

仲要成個studio都無人發現, 真係神奇

用左成個下晝黎做FINA2802 Project 2 Excel果part...其實...應該1個鐘之內就可以做完...不過我做做下又搞下果樣...做做下又搞下呢樣...結果就做左勁耐...

其實呢part真係無乜野做...我諗呢個report都係靠吹水多...唉唉, 但係又邊度黎咁多水吹丫...都係聽朝去問下tutor先...

成晚都起度hae...乜都無做過...唉...

深夜開始睇Fourier Series / Fourier Transform既notes, 上年讀2201既時候, 我D Fourier Transform都幾熟, 而家都有印象...至於無乜用既Fourier Series就...真係唔多識, 原來可以有咁多野搞, 用黎solve partial differentiation都仲得...真係煩到嘔

幾個月之前, 拜年果陣我比左幾首王菲既歌阿媽聽...留低左個引...呢排佢成日唱”我願意”同”愛與痛的邊緣”=___=...其實D拍子唔係咁難數者...唔知點解佢唱親愛與痛的邊緣都會快左...

佢之前成日話唱歌之前一定要搵到份譜先...老實講我覺得有時...”勁歌金曲”, 或者”中文金曲精選”果類歌書既譜都唔一定arm, 無論拍子定音都係, 唔駛好識音樂都睇得出有錯啦...

其實, 反正都已經有首歌起度, 聽10次...都聽左入腦, 如果每次唱果陣都諗住呢個位要後半拍入...呢度有個休止符果度係三連音...我覺得會好痛苦lor=___=

我老豆都講得幾arm, 亞視真係輸曬比無線...上個禮拜亞視高層圍內打官司, 即刻搶曬報紙頭條...無線真係連官非都唔可以輸比亞視...亞視得查懋聲同蔡衍明...之前或者係聽過佢地個名...加上呢排有國內多間企業肯企出黎...用條大水喉撐住亞視...明明就係大新聞黎, 分分鐘亞視先係香港既CCTV...但係連呢單野點都唔及志雲大師犀利...人地比廉署查一查...各大報章紛紛報導, 直情要出埋號外添...

好難想像BEF既人係點樣生存...科科都有mid term, 某D科仲要有唔只一個mid term...呢排起forum聽人地話GPA = 3都仲有可能second low =.=? 堅定流架...

year 1 sem 2既時候我好嚮往人BEF/BBA(A&F) d人讀既科咁簡單...不過只係sem中間有呢個諗法, 個grade一出就會好慶幸自己係BEng...是但起CSIS/ELEC 1字頭抽一科出黎, 同BUSI/FINA/ECON 1字頭抽一科出黎, ELEC都一定難10倍100倍...但係個grade都好好多lor=___=

等我ECON上腦先...marginal return of 溫書in ELEC都係好steady既, 但係BUSI/FINA/ECON既marginal return就decrease得好快...臨到尾既marginal return直情去到0添...即係點溫都無用...

當然, 今日果兩科FINA mid term...我都未去到marginal return = 0既level...

先係1100有FINA2802既mid term...之前做份sample mid term簡單到死, 搞到個人有少少飄飄然, 不過我都有拉番自己落地球...知道佢份mid term都應該無咁好死...

果然, 20分一條question...問我揀邊個portfolio好...我諗佢expect我要計完數再寫字掛...?

5分叫你State an asset that has an expected return lower than risk-free rate. 15分問...It seems that this asset contradicts to the statement “high risk high expected return”. Why are there still rational investor invest in that asset?

寫字寫到扒起度...咁arm呢堂我上左兩次, 印象都okay深刻, 完全唔係靠溫書溫番黎, 真係靠上堂聽書

前面D mc問左勁多關於correlation coefficient既野...呢D踩正stat同fina條界既野...都係唔係幾arm我...我認我唔熟...

考完, 食完飯, 落.NET溫書...機都未開完, 出面響火警鐘...咪出去睇下咩事...諗住好快就會有人黎熄番個鐘啦...10分鐘之內有幾架消防車黎左...走左入CYC睇下咩事...聽講係漏煤氣定咩...前後等左差唔多半個鐘先有得入番去...

下晝3點考FINA0301 mid term

16條mc, 其中1-8係3分@, 9-13係4分@, 14-16係5分@...我都幾鐘意呢個Dr.做事既作風, 前面果D低能mc真係唔應該值咁多分, 起碼有3條mc唔識...不過mc呢樣野好在有得撞...

A.      Increase 4.6

B.      Increase 4.0

C.      Decrease 4.3

D.     Decrease 4.0

假設4個choice係咁, 憑你有限既知識, 你只係估到答案係increase唔係decrease, magnitude你就計唔到喇, 比你撞, 你會撞邊個?

我撞B, 因為佢set左另一個decrease既magnitude同佢一樣...作為一個出題目既人, 起呢條題目上面, 計數係一個考點, increase/decrease都係一個考點, 我唔會想一個只係識得計value而唔識得判斷increase/decrease既人咁容易就拎到呢一分...所以, 計arm value之後仲要起另一個位陰一陰你...

如果佢出得再陰濕D, 出到Decrease 4.6既話我就投降啦

講到好陰謀論咁...呢D只係小弟做左咁多年mc得番黎既經驗者, 且看小弟推測有無錯...當然如出卷果個人真係好人到只係想考你識唔識計個value, 咁我無野好講  

後面5條question...5條都幾有信心...作為一個負責任既lecturer, 無理由將兩日前先教完既野拎黎出mid term者係咪, 所以我都無乜擔心過佢出swap...淨低果D topics, 其實我都唔完全ok, 有唔少minor 位我都係唔清唔楚...好彩佢唔會問好多陰濕野...

考完, 去IP lab, 將兩段mid sem dem既code upload上網...番歸

尋晚某下下莊approach我, 叫我起行澗果日做helper, 1-on-1咁照顧一個(亮哥上身)西人=___=...估唔到, 身為上上莊都仲要咩呢D responsibility上身sosad

考完兩個mid term...鬆一鬆先...

睇左Lady Gaga新果個Telephone MV...

Beyonce最底線既MV都係全祼不過遠距...其實乜都睇唔到...呢個MV呢...一開頭已經要打格仔=.=...睇番wikipedia...話係Paparazzi MV既續集...諗落...又好似係wor@_@...拍MV拍到好似電視劇咁=.=...

Lady Gaga D野...都係果句...所謂fashion 所謂artistic我通通唔識欣賞, 擺隻蝴蝶擺個電話上頭做裝飾...真係理解不能...其實D歌我都唔係好識欣賞...都係...見咁多人聽...咪聽下...

Download左陳奕迅隻新碟

陀飛輪...係唔錯...不過之前起youtube已經聽得太多, 而家再聽無乜感覺=.=...ok好聽, d詞ok有意思...但係...

但係都唔及一絲不掛比我既震撼@_@!!聽係聽個前奏我已經覺得我會愛上呢隻歌@_@...音樂正之餘...上youtbue睇埋個mv...果個即場畫沙配番陳奕迅既動作...更加正!!!好match佢D歌詞.....不過我始終唔會對only related to 愛情既詞比咁高評價...欣賞佢既詞...要結合埋個mv黎講...

對上一首令到我咁有震撼感既係Crying in the Party...不過唔知點解呢首一D都唔hit=.=...曲正, 詞更正...我覺得將來...總會有一日, Crying in the Party既詞會中曬...

尋日有人問左我一條IQ題...話係某HKU lecturer上堂講既, 聲稱係JP Morgan既phone interview問題=.=...(個人認為JPM phone in 應該唔會問呢D野=.=):

There are two men, two women and two condoms. How can they use the condoms so that every pair can have sex with other one?

Sex must be M/F, not homosexual

我等緊你個答案呀`~~~!!~~!!~

衝FINA2802 project 2

尋日bryan起.NET忽然問大家信唔信有神...

其實呢...作為一個人...我覺得呢D問題係要諗下...如果唔係呢...就好似條死魚咁, 連最基本既求知慾都無...(不過我都唔否認, 我開始讀書讀到成條死魚咁...)

曾經諗得太多, 諗到而家唔想諗, 好撻皮咁接受左一個我覺得會令自己好過D既答案...就算喇...其實呢個態度都幾唔應該...不過...呢D腦力總係會有耗盡既一日...過多三五七年或者...呢D curiosity又儲番番黎之後...就會繼續諗

Bryan都ok強調佢係無神論者...

(搞gag: 不過Bryan本身就係一個counter example)

又係尋日, 食及弟粥既時候, 見到有條腸粉...同檯有位阿叔叫左碟粉腸...果時我都起度諗腸粉同粉腸既問題...咁arm今日又有人講起XD

如果我講”豬腸粉”, 咁好容易理解

如果我講”腸粉”, 究竟係白色一條條點甜醬果D丫, 都係豬既腸?

書面既話, 係好難理解

根據小弟做左廿X年香港人既經驗, 如果係講出黎, 應該係咁樣理解:

“腸”呢個字有兩個音, 一個係”長”, 一個係”搶”

當讀成”搶”果陣, 意思就係白色一條條...

讀成”長”果陣, 就係指豬內臟

粉腸同腸粉其實都係一樣, 純粹係讀音既問題...

兩種用法入面, 都有一種係通用D既, 粉”搶”, “長”粉

以上只係小弟愚見者, 有錯請指正sosad

我空虛。我寂寞。我凍

呢句名句...中學既時候聽何明講過, 我記得果時佢話係蔡楓華唱既...今日我又講左一次呢句...講完之後, 想查証下...原來係出自林憶蓮1986年既一首歌”放縱”

呢排真係讀書讀到空虛寂寞...又加上呢排天氣真係有D凍...

悶到發癲...除左讀書打機之外真係無做過其他野...好難想像呢D生活仲要延續到下年...

又係尋日...

同某朋友講到呢個問題...又係搵番出處, 搵到以下呢番說話

錢鐘書曾給夫人楊絳寫過這樣一句浪漫又體己的情話：絕無僅有的結合了各不相同的三者：妻子、情人、朋友。可見夫妻感情之琴瑟和諧，比齊眉舉案更令人稱讚。楊絳如是說：“我認為三者應該是統一的。夫妻該是終身的朋友，夫妻間最重要的是朋友關係，即使不是知心朋友，至少也該是能做伴侶的朋友或互相尊重的伴侶。情人而非朋友的關係是不能持久的。夫妻而不夠朋友，只好分手。”

今日番去上左10分鐘engine math 2, 見証崔sir教完fourier transform

上兩堂software engineering...繼續見証大家發夢同訓覺...

星期3走左果個FINA2802 tutorial, 今日補番...

派番project 1喇...起果一箱projects入面搵番自己果份出黎真係唔易

Tutor都幾犀利, 佢真係認得我...我唔駛同佢講我叫咩名...佢都識得起果箱野度幫我搵番我果份出黎...”梗係啦, 成科得你一個係呢個major” =___=

85/90...聞說仲有10分係由Alex比...所以最終係幾多分...都係唔知...

呢個分...好滿意啦...雖然有唔少人滿分=__=...不過一路搵...都見到唔少人幾低分=_=

呢排學人食夜粥, 唔係果D夜粥...我真係夜晚去食粥...朝早已經食左碗及弟粥+蘿白糕...夜晚再食生滾牛肉粥+蘿白糕...

及弟粥呢樣野...我好大個先知係乜=___=...及弟即係豬雜, 今日碗及弟粥有豬潤, 豬腸粉, 豬心, 豬肚...其實...我唔係特別鐘意食豬雜, 只係為左食雲曬佢咁多種粥...

食食下, 同檯既一位婆婆比錢走人, 比果陣講左兩句...話”你地D豬潤呀, 唔熟架, 食落有腥味架!” 聽到我窒左一窒...碗粥入面起碼仲有兩舊豬潤...咁食唔食好呢...

夜晚...原本唔想又食蘿白糕既...今次我特登講話”11蚊既炸兩”...點知...無炸兩...

Engine math 2已經教完Fourier transform...去到下半部prob and stat喇...明明我應該去番上堂既...不過都係FINA0301要緊...真係聽唔明...已經上過既堂都去再上一次...今次聽明多少少currency swap...

Swap呀...聽落好似好簡單...對於一個初心者黎講...要睇明D式都唔係咁易...

早兩年financial crisis...成日聽到既CDS...都係swap既一種, 全名叫credit default swap

唉唉, 起google度搵到另一個FINA0301 subclass既course webpage...有份past mid term paper...唔知點解可以簡單成咁...尋晚我都左做我呢個subclass 既past mid term paper...D mc一D都唔簡單...條條都要諗既...好彩我11條arm 10條...XD不過D long questions就真係收曬皮...

落堂去.NET...

原來尋日開始google map香港區都有street view喇, 其實英美果D地方有左street view好耐...係港澳區先咁落後...以後大家想足不出戶而睇曬香港全地圖實景既話...就可以去google map啦~~~真係超正~~~~真係強烈建議大家去http://maps.google.com.hk玩下, 起左邊果條控制scale既bar, 上面, 有個人仔button, drag佢落去地圖一D藍色左既路就得~~超好玩~~~~

話佢全地圖又誇張左D既, 作為一個經常行山既人, 我特別留意佢cover左幾多郊野地方...答案係幾乎0...因為google map cover既始終係車路...車去唔到既地方就唔會有相...例如大霧山咁...去到近頂果個閘位就無得再上...西貢如是, 頂多去到北潭涌管制站就無喇...

郊野公園呢D又真係騎呢左D...我都唔expect佢有, 但係嶼南路, 東涌道, 羌山道, 大澳道通通欠奉...呢個我覺得真係唔ok...

如果有日有fd話想去白泥睇日落, 但係唔知邊度落車既話, 而家可以好容易解決到個問題喇...起google map 度已經可以事先搭一次架車先...認路勁方便

丫, 白泥, 尋日我特登去三聯搵下有無新出版既書, 講下鳯凰徑08年之後改成點...搵唔到, 反而搵左另一本講點樣由屯門良景村行山路, 經過操炮區去下白泥...而google map 竟然寧寧舍舍有呢條路...(可惜無street view =.=)

起.NET做左FINA2802 份mid term sample...真係簡單到暈到...我覺得應該有大量學生可以拎到>95分lor=___=...我勁頹咁做都88分=___=...真係...唔知想點...

衝個FYP衝到頭昏腦脹...衫都唔著就上床訓覺...呢排興裸睡...

今朝0855一醒, 突個頭出黎, 嘩頂乜咁鬼凍既, 縮番個頭入去, 走左堂2802 tutorial, 11點先再突個頭出黎...番去上2802 lecture...其實真係唔應該走tutorial, 雖然話星期五可以補番...話唔定佢今日會講下mid term tips架麻...星期五先聽就遲啦...

同膠津食完飯, 去CYC103繼續諗FYP同埋溫0301...

特登去CYC103...都係想撞下gary/tsz hang...

果然比我撞到gary...唉唉, 真係say番聲sorry先, 我唔記得左原來約左reading week 星期三果日番黎103傾下FYP...我以為係星期一...果日其實我都起HKU架...不過起IP lab 寫assembly code寫到天昏地暗...通埋頂打DotA添sosad

今日又見philip...匯報番大家既工作進度...gary用SPSS做到ARIMA喇...不過結果麻麻...麻麻仲好, 如果好過neural network我咪收得皮? Tsz hang用唔同種類既sinusoidal curve...又升又跌又有Noise既sinusoidal curve黎試個neural network...

我就犀利喇呢鋪, 簡直係吐氣揚眉...philip鄭重咁話我今日講既野可以起份FYP report度開一個single chapter專講...

真係多得我上年既一個無心之失, 再多得我早幾個月錯誤咁發現呢個錯誤, 再多得我早幾日唔知點樣忽然醒目左, 發現到我曾經錯誤咁發現呢一個錯誤...我起碼試雲左三種計gradient 既方法, 仲要逐隻逐隻compare下, 又拎埋D result一齊講, 點解呢隻gradient 方法會好D...點解呢個gradient計出黎咁...

Philip比我地睇果份paper...用既gradient...真係depends on the situation...未必係最好既方法...我差唔多...可以好低層次咁literature review下人地篇paper(既其中一段)@_@...

唉唉, 諗住做到今日可以停工...點知佢仲未玩夠, 今次我要做...試下predict over 1 day...試下predict 10 days之類...呢D展望將來既工作...唉...下次24/3見佢...下次見完佢之後...就只淨番兩個星期寫report...我諗我都係要開始寫定introduction先架喇...

真係ok淆黎緊果兩個mid term=.=...

走左1802 tutorial...為既係上另一個subclass既FINA0301...今個星期六就mid term喇...佢都未教完swap, 但係又要考wor...所以早d上多幾堂0301先...不過早d上都無乜用...聽佢講都係聽唔明...佢一早起張膠片度寫曬所有equation...一拎出黎大家就猛咁抄...一路抄佢又一路講...剛剛抄完佢就收番埋張膠片, 完全無聽過佢講乜野...

點搞呀...swap呢課真係無乜頭緒...

上engineering and society, wtf果part講完喇, 到S. Ho講Law果part...我遲左入去...一入去就聽到佢叫人唔好叫佢做ass hole=.=||||條友都幾識搞gag...講得都幾有趣既佢...不過我掛住溫書無理佢...佢最衰既地方係...真係用足兩個鐘黎講書lor...六點先走得...

Bryan問左我一條Morgan Stanley written test既IQ題

A開鎗係100%命中, B開鎗係50%命中, C開鎗係25%命中, 開鎗次序係C/B/A/C/B/A..., 你會suggest C開鎗射邊個? 目的係要令到自己成為survivor

(提示: 你個腦第一個浮出黎既答案...應該係錯既...)

遲D得閒既時候...我試下寫番個詳細D既argument出黎先XD

七點半去到cwb...事前我都無問過...原來今日得咁少人黎...得女子組, 同我同刺身=.=...睇黎都係地點既錯...阿liu唔好唔開心啦xdd要一班讀中大既人...黎cwb食飯...真係難d sosad... Joe 同Nelson都係原本話黎跟住話唔黎...Eva直情唔記得左...打電話比佢先起屋企出發黎...得我同刺身同阿liu係準時到...

今日無黎既人就蝕左喇...終於有機會試到媽媽既手勢喇xddd佢整左盒豉汁蒸排骨黎@_@...好食@_@...如果唔係我提既話大家就會食埋Eva果份啦XDD

媽媽真係可以去教家政啦~~妃排, 我記得我都有問過我老豆, 妃排同普通排骨有咩唔同, 隨左貴d同好食d之外......都唔記得仲有咩特別....豬肉既名...真係有好鬼多...例如仲有腩排啦...梅頭, 水展....後面兩個好似係用黎煲湯? 唔記得啦~~~~

其實我對煮野食都有d興趣架....

起沙嗲王食到十點幾先走人...

番屋企狂衝FYP...繼前日細心拆解各個令到我個trading strategy既原因, 今日再發現多幾個cases出黎, 我做緊既野係解釋緊點解個neural network會賺唔到錢...lor...唉, 我諗fyp呢d野, 從來無人話一定要成功既下話? 我研究到佢點解會失敗...都算係一個成果丫sosad...

做到兩點幾三點先訓... 

今日講D野好亂...因為我做FYP做到個人好混亂...我自己睇番都覺得好亂...

娛樂政治化...

謝安琪同TVB張合約完左之後, 就過左去有線玩D唔知咩節目...又爭D出席亞洲星光大道2做嘉賓...TVB高層知道之後非常震怒, 唔單止封殺謝安琪, 連佢老公都比人封殺埋

起大陸落黎果D人...加入左支聯會之後...咪又係永世無得番大陸...比人叫佢做CCTVB真係無錯...

再係咁搞法TVB都唔知仲有咩人用...親生仔始終係親生仔, 契仔條氣唔順自然會比人挖角...1千萬簽去有線...睇下到時TVB會唔會叫親生仔出黎講波....不過有線今次咁惡...駛唔駛無線自己再搵人出黎講波都成問題...

無線平時惡到咁...起世界盃呢件事上面...有線雖然係好霸道...似乎都無乜人幫無線講番句說話...可能大家覺得平時無線做得壞事太多啦...雖然有線做得唔arm...都唔想鬧有線, 實行以暴易暴XDD

亞視就...其實...不嬲都覺得世界盃唔關亞視事...佢今次出黎講咩鵲巢鳩佔...真係聽到人O曬咀...完全唔知佢想講乜

其實亞視又駛乜外購咁多劇番黎丫...由旺旺集團入侵亞視...到而家又告上法庭話唔知邊個邊個唔理董事會決定賤賣債券...咪仲好睇過XX艷陽天...情陷夜中環...一於叫班大老細走上台前, 拍番套亞視風雲...我夠膽講, 就算柴九番生都輸比亞視XDD

我對藝人既私生活無乜興趣, 但係對呢D大公司既處事手法就好有興趣...

政治娛樂化...呢個比較直接D

...呢排肥媽話考慮參加五區總辭補選...白姐姐又話要參加補選...

...應該都係D有勢力人士唆罷佢地出選...肥媽呢D振臂一呼, 有千千萬萬個菲籍姊妹為佢投票...雖然話都唔夠公社黎...起碼都叫做有一定票數先...用肥媽呢D擺明同公投議題無關既人出黎模糊左個議題...比起召喚隱形左派參選係更高一籌...

以下幾句...錄自...林忌既每日一膠...

以下的數字只用作參考提醒之用，純粹屬於作者的一廂情願，各位大可一笑置之，或者加減幾年來乎合自己的實際情況。

「林忌版中女感情警戒線」

女性初次拍拖的警戒線： 21 歲

女性維繫一段較長感情（1 年以上）的警戒線： 25 歲

以上言論不代表本xanga立場XDDDD

林忌講既野都幾激, 有時...睇佢quote出黎既事實之後...淨低既野都係要自己諗清楚D...沈旭輝同呂大樂既論戰...都比佢插左一輪...呢下真係有少少滴汗...

今日...上左FINA0301同埋CSIS0278既tutorial...起IP lab做左一陣FYP...起度研究自己既trading strategy點解表現奇差既時候...卒之比我發現...

真係犀利, 早排咪話FYP發生左個嚴重錯誤...

剛剛發現我嚴重錯誤理解左呢個嚴重錯誤...

有3個measurement...A/B/C...只有A/B arm用...satisfy到B已經足夠...philip都係要求B...而我第一次做果陣, 就做左個C出黎, which is the most useless one...後黎我意識到我做錯左喇, 我知道我做緊果個唔係B...我發現呢個錯誤果陣, 仲以為自己做左A咁X醒...

喇, 我而家卒之發現到個問題...then...?

真係犀利, 我起呢個問題上面, 將可以錯既野都錯左一次...

FYP count down: 29日

唉唉, 學gary話齋...要個neural network 做到preceisely 咁估到聽日幾多點...根本就係impractical...而家係估到呀..估到成ped屎咁...如果一早好似gary咁做升跌咪幾好...

如果連一個小小既undergraduate都可以...唔駛話好準, 少少準確咁預測到聽日個數字...咁果堆ibank trader仲駛食飯既...?

越做越灰=.=

估升跌都估唔到啦sosad...佢估出黎個gradient...用measurement A係0.44, 用measurement B 係0.46...0.5都唔到, 即係話, 個neural network估佢升既話, 就即係跌市機會比較大, 個neural network 估佢跌既話, 就應該係升市機會比較大...

犀利喇, 呢個neural network最犀利既地方, 就係佢錯得太緊要, 大家只係同個neural network背道而馳, 理論上長遠黎講就賺到錢喇...但係個rate of return 分分鐘仲低過risk free rate...

頂...等左咁鬼耐...credit Suisse都係未有消息...想reject我咪reject我lor...駛唔駛等咁耐呀...

今日收到一封credit Suisse send黎既email...見到果陣真係嚇鬼死我...點知, 一打開, 佢話...話唔好意思...咁耐都未通知你...如果一有最新消息就會同你講架喇...云云...

今日要講既野...其實仲有好多...午飯同晚飯時間分別比兩位朋友征召左出黎...比人地盡訴心中情左好耐好耐...其中一位朋友...講左好多我唔expect我會聽到既野比我知=_=...兩位朋友都千叮萬囑...唔...

有時D野, 你值得知既, 你就會知, 你唔值得知既, 問黎都無用

不強求, 一直都係我做人既原則

Facebook見到37莊歐陽r人去佢地21/3既活動...幾個options...

1.      鎖羅盤...2. 西流江...3. 紅石門...4. 彌勒山 << 最後呢個0興趣

鎖羅盤呢個地方...聞名已經...想去好耐架喇@_@...呢D地方真係...人多先好去, 一黎d路勁亂, 二來......如果時運低見到污糟野...人多D都無咁驚丫麻...

西流江同紅石門...之前都無聽過呢兩個地方...即刻上網search下...估唔到香港仲有D咁靚既地方...我係未聽過個名既@_@...不過難度應該好高...又係好值得join下...

如果唔係果日有下下莊既行澗function, 我就會r人去join佢地果個架喇XDD

"西流江同埋紅石門我都好有興趣去呀@_@....不過果日係47莊既石澗function...都係下下莊優先...

另外....去鎖羅盤條路而家好似封左...所以...如果大家真係去既話...check清楚D先啦~~

鎖 羅 盆 村 由 2009 年 7 月 1 日 起 封 閉 其 私 人 土 地 範 圍 內 的 路 段 ， 因 此 各 通 往 鎖 羅 盆 的 遠 足 路 徑 將 受 到 影 響 ， 敬 請 各 遠 足 人 士 選 擇 其 它 郊 遊 路 徑 。

http://www.hkwalkers.net/pathinfo/images/photo/Plan_10000_cropped_+_line_4_900.jpg"

(上面係我post起果個event既comment=.=)

原來鎖羅盤村條路永久封閉左...咁以後點入去=.=?

仲有...兩年前果次黑色暴雨...將大嶼山好多路都沖到爛左...(之後我地仲要去左pre-trip!!!!)...果次之後, 石壁郊遊徑成條封左...唔知路面情況點呢...如果真係好worse既話...之後行完鳯凰山...就只可以選擇落昂坪, 或者東狗牙...中狗牙同西狗牙都係接駁石壁郊遊徑...落到去如果行唔到...都唔知點算=.=

漁護署好少可會永久封閉一段路...歷年黎封過既, 應該係得93年山泥傾瀉之後, 梧桐寨主瀑之散髮瀑一段...跟住就到08年封左石壁郊遊徑...同埋鳯凰徑第4段...

無聊起wiki禁左入Saw VII既entry...喜見LionGate公司終於收手, “It is the seventh and (tentatively) final installment.”...有些以為永遠不會再見到的角色, 如Saw I的Dr. Gordon...有可能在終章回歸@_@...

花了很多腦力...終於看懂了duration是啥...

整個晚上都在看有線電影台...如果真的有這麼多時間, 昨天就該跟去47莊pre-trip...

熟我既朋友...或者會知道我心口好多一粒粒...好似暗瘡...但又唔係好似既野...自我有記憶開始...果D一粒粒已經起度...細個睇過醫生話...無野既, 大個就散架喇...聞說我老豆後生果陣都係咁既樣, 同樣地, 自我有記憶開始, 佢心口都無D咁既野出現過

歷年黎老豆阿媽對我既評語...除左熱氣之外, 都無乜其他兩句...因為熱氣, 所以生暗瘡, 所以食飯會咬親條脷, 所以喉嚨痛, 所以夜晚會訓唔著, 所以乜乜物物...幾乎全身既疑難雜症都可以歸究落熱氣呢個問題...我心口果幾粒野都唔例外...

我有理由相信我對中醫學說...一直抱有懷疑既態度, 完全係我老豆阿媽做成既=.=...我唔知真正既中醫係點...不過, 我斷估唔會好簡單咁話...”生暗瘡? 熱氣lor”

頭先講漏左...我自細被灌輸既概念, 唔單止係”if 熱氣then 生暗瘡”, 仲有既係”if生暗瘡 then 熱氣”, 簡潔D黎講, 即係話”熱氣if and only if 生暗瘡”

起我接受中學教育之前我都已經覺得呢種講法係有D問題, 我接受唔到...一種without 任何intermediate step既推論...就算, 熱氣if and only if 生暗瘡呢個statement係arm既都好, 你唔prove比我睇...我都係唔會buy佢...

直至到...

form 5 bio...話比我知, 吸食油份過多會令到皮膚分秘過多油脂, 更加容易阻塞毛孔形成暗瘡...

我老豆...話比我知, a food is hot air if and only if it is cooked in a very high temp.

通常cooked in a very high temp...都要落多D油架啦, 如果唔係...咪loan lor

於是我build up到個關係...: 熱氣=>多油=>隔塞毛孔=>生暗瘡

咁我先buy左熱氣=>生暗瘡呢個statement...(留意, 我只係buy左佢if part, 讀過pure既朋友應該知道...仲有only if part係opened to be proved-.-)

又不過, 起我用呢套理論說服左自己, 熱氣=>生暗瘡之後...我老豆又有套理論, 話雀仔平日起天上面飛, 曬太陽曬得多, 所以都係歸納為燥熱既食物, 食得多都會熱氣...(同樣道理, D魚起海入面游水游得多, 係寒涼既食物)

咁即係話, 食得多乳鴿既話, 都會生暗瘡? 呢個我又唔明喇...真係...應該搵D讀緊中醫既朋友解答下小弟既疑難

講到離左題...講番今日先

每隔三五七年總係會有D野刺激到我阿媽夾我睇下醫生, 問下咩事...呢排有咩事刺激起我阿媽條筋...就唔講啦, 總之今朝就比佢夾左去睇中醫

話說呢個中醫都起西環服務街坊好多年, 應該係我認識既第一個中醫...以前阿媽成日都會去果度執藥食...

油脂粒, 都唔係第一次聽呢個名啦...

“無野既...你平時多唔多飲奶架?”

“多呀, 我勁鐘意飲奶添呀”

“咁呀, 以後飲少D啦...奶呀...有好多果D脂肪架, 芝士呀...果D, 都食少D啦, 可能你食得太多呢D野...身體無咁快排到出黎...呢D野個個體質唔同既”

嘩真係呢...呢個中醫比我既感覺好西醫...全程無講過咩熱氣, 咩濕毒, 咩邪, 咩燥, 咩風之類既野...唯一建議就係叫我少食奶類製品...

唉唉唉, 奶製品...唔駛好熟我既人都知我勁鐘意飲奶食芝士架麻...起北京果年我真係飲奶飲到癲左...好彩番到黎香港...奶貴, 買唔起, 呢排都飲少左好多喇...

另外又執左七日中藥叫我食=___=...

【本報訊】以八優會考成績、讀大學數學系二年級的十九歲男生，涉於去年六月在港鐵太子站車廂內，露出陽具摩擦少女臀部而被捕，被告早前被裁定一項作出有違公德行為罪成，被判一年感化令 。

被告承認學業成績優異，入讀大學後自我要求提高，形成壓力而犯案，現時已報讀一減壓課程，以正視自己的問題。

曾為會考八優一良狀元的 20歲中大數學系男生張文浩（圖），去年 6月 6日中午，在一列長沙灣開往旺角的港鐵車廂內露出陽具，磨擦並弄濕美少女臀部。他早前被裁定有違公德行為罪成，昨於觀塘裁判法院判刑。裁判官溫紹明同情被告遭遇，相信他因學習壓力過大而犯案，輕判感化 12個月，更以過來人自居，指讀書壓力比工作或夫妻相處等壓力，是小巫見大巫。

http://www.youtube.com/watch?v=pGDE7JKvwnk&NR=1

【本報訊】香港浸會大學男生乘搭巴士時輕撫前座女乘客腋窩，昨在觀塘裁判法院被裁定非禮罪名成立。他獲兩名相熟太平紳士親撰求情信，其中一人更曾獲頒銀紫荊星章。裁判官溫紹明指被告「唔知發生咩事，好哋哋做呢啲行為」，故索閱心理專家及感化官報告， 4月 27日判刑，批准保釋，但揚言打算判監。

稱九年未出夜街　說法牽強

被告任康翹（ 21歲）修讀浸大石門校園中心的環境保育副學士課程，其父母為工程師及會計師，開庭前與兒子握手及拍肩以示支持。被告最終罪成，父母難掩失望之情。裁判官直指，22歲女事主證供可信，反而被告透過家傭聲稱九年來未出過夜街，說法牽強，而事隔一個月才索取屋苑及快餐店影帶，圖證不在場，卻恰巧系統故障或錄像已刪，「可能確認咗冇先至問人攞，都唔出奇」。辯方求情稱，曾是游泳健將的被告，獲兩名相識多年的太平紳士撰寫求情信，分別是姓林的大埔區學校校長及曾獲頒銀紫荊星章的姓梁工程師。二人均指他品性純良。事發於去年 5月 25日，被告於觀塘往沙田的 89C號巴士上層，多次從後用手輕掃事主右腋窩。案件編號： KTCC7571/09

http://hk.apple.nextmedia.com/template/apple/art_main.php?iss_id=20100303&sec_id=4104&subsec_id=12740&art_id=13780906

裁判官溫紹明同情被告遭遇，相信他因學習壓力過大而犯案

VS

裁判官溫紹明指被告「唔知發生咩事，好哋哋做呢啲行為」

唉, 我都唔明, 讀asso無壓力架咩? 拎JJ出黎射濕人地...判感化, 輕撫人地格lar底就判監? 係咪摸格lar底仲嚴重過射濕人地先? 無理由者? 真係好難唔令人地聯想起...之前D名校生就無事...無業游民就出事既案例...呢個都係一樣者, CU拔尖就得, BU asso就唔得...

雖然話...家傭聲稱9年黎都唔出夜街呢個說法真係幾牽強...唔信咪算lor...唔會因為被告既說法唔誠實...而判重D下化? 咁不如直接判佢miu視法庭...定...作假證供之類果D算喇...

所以話...讀asso既同學! 加油呀!!!! 入到U既話...非禮女仔都無事架!!!

番屋企...溫書... 

FINA2802...D野...真係唔難

FINA0301...D野...真係好難...

果時揀Finance黎讀, 話貪佢計數多, arm我wor...計啦計啦, 而家0301課課都計數...偏偏我就讀到唔多開心喇...咩duration of a bond...睇到我頭暈都feel唔到佢想講乜...

之前仲好口響咁話...year 4 take D Mathematical Finance, fixed income 食蕉核T 黎玩下, 而家諗諗下, 呢D科好似都係讀唔過...一個人讀真係太辛苦...可能走去take 番D吹水科算...0301 呢D core...可能仲有D想避但係避唔到既人起度...04字頭果D...有心take先去take架麻...去到...仲唔比人屈死=.=?

如果0301同1003有住同一個C+收場既命運...唉...

因為一集新聞透視, 忽然度度都講起中女呢個問題

呢個堪稱男女平等既年代, 隨左生理上既不同...男女應該真係一樣, 婚姻問題理應唔例外...但見到新聞透視淨係講中女而唔講中男, 就知道男女始終係有唔同...

其實我只係起SU can斷斷續續咁睇左半集新聞透視, 都唔好知佢點講...應該...都係女人太強...男人唔咁高攀, 女人年紀太大...女/男人唔接受姊弟戀...

如果, 如果呢個社會真係對男女一視同仁...無話女人唔可以位高權重...(女百萬富翁人數好似超越左男百萬富翁啦@_@)

如果, 如果雙方都覺得唔需要有小朋友...(反正二人家庭係大趨勢)...

如果, 如果男人唔好堅持要妹妹仔唔要姐姐仔...

如果, 有咁多如果, 中女就唔係問題喇...

愛情...婚姻呢D問題...真係長講長有

愛情...都係subset of 人生者...所以...愛情都係平平淡淡D好...轟轟烈烈果D...我驚我心臟負荷唔黎...

平淡平淡平淡...

今日又食粥, 生滾滑牛粥+蘿白糕...聽到人地哎蘿白糕走豉油...先如夢初醒...發覺蘿白糕有豉油呢個parameter...立即跟人地哎走埋豉油...即刻好食左! 本身佢舊蘿白糕已經有唔少糊椒粉架啦...仲要落豉油...真係...

番去上software engineering...make-up class...我都唔明佢點樣教唔切...object-oriented analysis, object-oriented design都講完, 今日講software testing...根據佢sem頭果個syl, 只係差一個topic未教=___=

上完堂...去.NET打左兩鋪DotA...一次geomancer, 一次death prophet...明明我尋晚自己起屋企玩用geomancer屈D電腦屈得好開心...今日...輸曬=___=...

落IP lab... Bryan話想開始做埋core requirement 淨低既部份...好丫~越早做完越好...一齊睇左陣spec, data sheet...佢就走左喇...今晚佢又phone in google...祝你成功呀Bryan!!

講起interview.... Credit Suisse明明話一個禮拜內通知架麻...到今日都唔打電話黎...唉唉唉...決定左reject我就send封email黎啦...

去SU can食個飯...番落IP lab 溫investment...溫到11點先走...

我完全唔明, 點解, 我朝早七點訓覺, 朝早十一點半就起醒左, 而且, 訓唔番

更加吹脹既係, 我ok精神lor

去到晏晝溫左陣derivative...溫左陣...溫到差D訓著...我就知道今日不宜溫書

於是走左去睇Liar Game sosad...之前睇Season 2睇到Episode 7...今日睇埋Episode 8/9...

原來拍Liar Game Season 1果陣, 甲斐寫既漫畫版, 走私遊戲係仲未寫完, 所以Season 1最尾幾集只係用左走私遊戲既框架, 實質玩法有少少唔同左...黎到Season 2...可能拍果陣只係寫到感染遊戲...所以第4回合下半場...要抄番原著既走私遊戲...起Season 1 無用到既橋段...可以用番出黎=___=...正面咁睇可以話班編劇環保, 負面咁睇...明班編劇無貨啦...

其實...等多陣先拍都無話唔得架者下化=.=?

用兩集交代左一個...漫畫用左差唔多20回先完成既遊戲...濃縮到極點, 仲要加插Liar Game既番外篇...即係秋山讀書時候既事...將佢睇穿prof. 心意既能力交左比葛城...

我都係唔明...秋山最後比番舊金葛城...有乜咁重要...

3月6日...日本就會上欺詐遊戲電影版 - Final Stage...百度已經有人貼左最終回既遊戲規則...又係玩投票...不過係終極複雜加強版=____=...同少數決有個明顯分別既係...遊戲結束後選手不能有任何金錢交易...即係封殺左少數決入面form team嬴左分獎金既方法...有趣有趣

如果香港戲院上既話我一定會入場睇...睇下你班編劇有無人地作者咁好頭腦寫到呢D極度食腦既劇本出黎...(斷估都唔會好得去邊...)...衰在無線無上過欺詐遊戲...全港淨係得有線早兩年上過season 1...邊會有院線買過黎丫...可惜...

比何文津r左去食飯...食扒王之王

一路以黎同佢食飯都係咁架喇, 有佢講無我講...唔係佢唔比我講, 係我慣左唔講野者

佢開始重覆咁話要搞盤生意/網站...之類既野出黎, 而且都幾有諗頭, 做音樂轉介...雖然唔係好專業既生意頭腦, 起碼夠詳細咁分析左而家個市況...

撐佢, 呢D野我永遠做唔到出黎...追求平淡既人生...唔會想搞咁大壇野出黎...我係好安心打工既人=___=

你話我無大志我認架

番HKU...做IP...尋晚睇明左Bryan果段assembly code...佢實質點寫我已經唔記得喇, 留番個框架起個腦入面...然後自己慢慢寫番出黎...謝銘黎到之後教埋我點玩下個CRO用黎check signal...

五點鐘, 去見SE tutor... interview下佢地, 問下佢地對個system既requirement...全程我都無出過聲=___=我覺得...我D groupmate真係太勁=.=|||| Keith/Bryan/Iris/偉明~~~加油~~~!

SE完左又番去IP lab

做到夜晚...食完飯繼續搏殺...於晚上九點幾...完成左IP mid sem evaluation...

其實都幾簡單, 不過我有source睇住梗係咁講, 如果要我由頭到尾自己寫出黎既話...我真係唔相信我會做到=.=

寫我唔係唔識寫, 但有d細微位...我永遠唔會留意到...

我覺得...我越黎越明白, 數學能力較弱既人...讀數學既感覺=___=一黎做左之後, 真係唔知自己錯邊...二來...果種...無力感sosad

而家只係過左mid e...其實做左既只係好少...學識左個I2C signaling...可以initialize 個camera...set下brightness...同埋用VHDL...起個mon display D低能pattern出黎...

同最終完成品, 就爭左SRAM呢個橋樑...同埋個extension part sosad...不過真係唔得閒理住...跟住落黎就要溫mid term先

謝銘黎IP lab果陣帶左個SU餐蛋面黎食...食完之後將碗湯罷起部CRO隔離...Bryan番黎野搞部CRO果陣唔覺意撞跌左碗湯...成碗湯(cup住蓋既)反轉跌落謝銘部mac book pro度...漏左少少湯出黎, sip左入個touch pad度...跟住個touch pad就虧虧地啦@_@...

好少見謝銘個樣好凝重咁樣=__=

Bryan夜晚番左hall...差唔多12點又番番黎...好快就搞掂埋個VHDL part...

跟住開始打DotA...先黎1場5VS5...對面又chilam 熊仔又KC earthshaker真係唔知點玩=___=...再黎1場5VS4...雖然我果邊係多人...都係好難玩...我hae揀左Death Prophet...真係好fragile...通常一比人stun / slow / 圍住就收得皮, 我又唔識買野...事後睇番guide...先知要買bloodstone / 冰甲=___=

之後bryan話教我用geomancer=.=....

好啦, 我宣佈, 黎緊呢幾場, 我一係用death prophet, 一係用geomancer

跟住又同bryan同謝銘打一場...

打完都四點幾...謝銘話食早餐...我就提議去新興早茶

早起year 1, 我地三個都仲係住緊hall既時候已經話要約出黎食宵/早茶架啦...等到今日終於實現到喇...

五點鐘行到落西環...又係搭寶翠園既lift XD...估唔到卓記5點鐘就已經開左門@_@...

先去新興, 再去埋祥香園...新興既流沙包, 果然係好好食!!! 祥香園既熱奶茶, 果然係好好飲!!!

三個人...坐埋一齊, 講下經濟, 講下將來打工...一路講野我覺得我地呢檯開始有少少工作中既男人味XDDDDD

送埋謝銘去搭904...七點鐘先番到屋企訓覺...一星期通左第二次頂!!!

一起身...去卓記食粥白粥, 一碟炸兩, 覺得唔夠喉, 再叫碗碎牛粥, 再埋油炸鬼, 都只不過係20蚊

憑我呢排食粥既經驗...最好食既粥...有白粥, 生滾牛肉粥, 生滾豬潤粥...當中以白粥價錢最低...性價比champ曬...

油炸鬼...食落都幾heavy...炒面...太乾...而且同炒米一樣, 除左面同米之外, 都無料到既...

所以...卓記既perfect match係白粥+炸兩...最適合早餐時候

午餐既話...平食...可以要一碗生滾粥配任何食品...例如炒面...貴食既話可以要隻咸肉”種”...

早幾日跑完渣打之後都有去食粥, 果次我原本係想叫個即造炸兩試下有幾好食既...11蚊咁貴wor...普通炸兩只不過係區區4蚊...點知我叫左”即造炸兩”之後佢又聽唔到前面兩個字, 拎番碟普通炸兩黎...好彩同檯另一個人識得哎...”脆炸兩”...果然係要等一段時間先送上黎@_@...真係大碟好多@_@...包住油炸鬼既腸粉亦都多好多...豉油另外上添...very good! 炸兩最怕佢太咸...而家食乜都驚佢太濃味...連食碗碎牛粥我都會嫌佢咸得濟=___=

今朝其實我都係哎”脆炸兩”先...點知佢又係拎左普通炸兩黎...頂=___=

睇黎呢個即造炸兩平時真係好少人叫..

之後既時間...都係起IP lab / .NET / SU can度過...

其實d VHDL code...尋日已經寫好, 不過唔知點解唔work之麻...自己做左陣都係唔知點解唔work...叫偉明幫我睇睇...一陣之後佢就見到我...未assign個25MHz既clock=___=

我都唔明...點解可以犯D咁低級既錯誤...

不過更正番之後, 仍然唔work...

等到阿輝都做到clock既時候, 佢走黎問我VGA display既CK係乜...我隨口答佢話唔駛理...點知認真一睇, 係要理架喎, 呢個clock先係feed比個display架麻...我低能到自己開左個clock signal...但係又無feed比display wor...

Feed埋, 即刻得左...

搞左我差唔多4個鐘, 我自己乜都無做過, 反而係起其他人既幫助之下搞店左..

唉...寫C++/Java...就算犯左低級錯誤...都無VHDL咁難debug...有時D野自己錯左就係錯左, 就算我同我段錯左既code愛到天荒地老海枯石爛而且立下山盟海誓非君不嫁非卿不娶...相信我都係唔會搵到佢既錯處...因為...愛係盲目既...愛會令你...將一段code既缺點變成優點...嗚呀!!!!

六點鐘去.NET傾下software engineering 既project...

之後同Bryan去SU can食飯...再番IP lab...抛棄舊愛, 轉投assembly code既懷抱

好彩有Bryan一段接近完成既code可以參考下先...要由頭build up段code出黎我覺得真係好難...今晚睇明左佢之後...聽日嘗試用自己既能力嘔番曬D野出黎...

11點半番屋企...打下xanga...做埋0301既assignment...0219先熄機訓覺...

呢個fd唔錯, 名都唔駛改, 佢本身個名...係連我都會成日唔認得, 唔需要再另外刻意改名去等人唔認得=.=

₠ 西．underpants．塵．越南 說:

 orz=.=

 無乜

 我既dream life係做一個平凡人

s 說:

 有冇得解釋既?

 都未聽過有人既dream係咁既

₠ 西．underpants．塵．越南 說:

 為左追求一d野...而去做另一d野去fulfil佢...搞到成個人生都好...忙, 好煩

 或者我個人天生就係歸於平淡型

 呢排我成日去食粥

 食左好多碗粥之後

 我覺得白粥係最好食=__=

s 說:

 做平凡人都要為左追求一d野而去做另一d野去fulfil佢既.

 乜做人唔燧用你有既野去換你冇既野既咩?

 係

₠ 西．underpants．塵．越南 說:

 但係會追求少d咁lor...

 我淨係想娶個老婆....打份夠我三餐既工...組織一個小家庭...完全無風無浪咁過呢世

s 說:

 XDDD

 我笑左....

 娶個老婆組織一個小家庭咁緊要咩?

₠ 西．underpants．塵．越南 說:

 其實...可能唔駛都得添

s 說:

 嘩咁你既人生做咩?

₠ 西．underpants．塵．越南 說:

 不過人老左...無個伴既話...真係好慘

 所以都係有老婆好d

s 說:

 你老婆既function 係咁haha