上海、杭州、千島湖、九咆界、黃山七天值豪華直航團
價錢：成人（佔1/4房）: HK $1503 + RMB 1800
航空公司：中國東方航空
出發日期：2010_01_04（僅此一團！！）
對象：香港大學學生會行社45至46之莊員
行程特點
1.住宿酒店：保證四人入住中國名牌連鎖酒店，或山村小鎮賓館，並不保證有熱水或電力供應。
2.名山探究：本團特別安排團友乘索道上落黃山，觀賞北海景區之精華景致
特別安排觀賞黃山東海景區（全港獨家！），即電影「卧虎藏龍｣之取景地方！
3.豐富美食：特別品嚐中國八大名菜之徽菜，首選推介燉農村土雞煲，即劏即煲，有普通燉雞之粗糙感，使你真正領略徽菜之獨有風格！
4.晚上娛樂：特別參觀內地名KTV品牌，讓團友大展歌喉
5.全新景點：本團特別加插九咆界，浙江省新興景點，全港獨家首創旅遊地點！
天數 | 膳食 | 住宿 |
1 | 午餐：航機上；晚餐：望湘園** | 布丁連鎖酒店西湖分店 |
2 | 早餐：KFC；午餐：餃子；晚餐：杭州家常菜 | 皇庭快捷連鎖酒店杭州學院路分店 |
3 | 午餐：小紅帽餐廳；晚餐：千島湖邊風味（保證全餐廳只侍候本團團友！） | 千島湖邊？賓賓館*** |
4 | 午餐：農村風味菜；晚餐：千島湖特產（魚頭餐） | 千島湖邊？賓賓館 |
5 | 午餐：湯口鎮夢都酒店；晚餐：湯口鎮不知名餐廳 | 湯口鎮夢都酒店**** |
6 | 午餐：團友自備；晚餐：老街第一樓 | 火車 |
7 | 午餐：麥當奴；晚餐：南翔饅頭店 | 不適用 |
**：怕辣者或遇有周期性不適者，請先參考醫生意見
***：不保證有電力供應
****：不保證有熱水供應
第一日：香港à飛機直航上海à南京步行街à【望湘樓】à火車直達杭州
第二日：杭州à【KFC】à西湖（漫步觀賞西湖十景之？）à西湖博物館à人來人往歌詞無獎競猜時間à中山中路觀賞（毫無）特色商店à【風味餃子宴】à新華路àKTV娛樂時間
第三日：杭州à旅遊車直達淳安縣à【小紅帽餐廳】à乘坐K004路公車直達旅遊碼頭à乘坐遊艇遊覽千島湖（梅峰島，猴子島及五龍島）à【千島湖邊餐廳美食】à新安大街（自選項目：SOS Disco狂歡）
第四日：千島湖à九咆界觀賞九條瀑布à【農村風味菜】à續九咆界à【魚頭餐】à維多利亞KTV城（自選項目：爭cushion；大話骰）
第五日：千島湖à坐船至深渡（大約4小時）à村巴至歙縣（沿途細聽周杰倫，陶喆等流行歌曲，車程約半小時）à旅遊巴至黃山腳下湯口鎮（車程約兩小時）à【夢都大酒店徽菜】à黃山東海九龍瀑à【徽菜】à遊覽湯口鎮並購買手信à深夜sharing時段
第六日：湯口鎮à經雲谷索道上黃山à白鵝嶺à飛來石à光明頂à【午餐自備】à蓮花峰（若此峰閉峰，將直去百步雲梯）à百步雲梯à鰲魚峰à迎客松à王屏索道下山à參觀黃山市科學蛇類動物研究所à黃山市中心à老街à【老街第一樓】à乘坐通宵火車至上海à深夜sharing時段
第七日：上海à【麥當奴】à長樂路遊覽特色boutiqueà【烤海鮮小吃】à【南翔小路包】à晚機直航回港
朝早八點半起身...訓番..九點鐘又起過..
原定計劃係Ringo八點半番到HKU處理一下莊務, 然後番去瑪麗會合Debby, 搭0930由鴨利洲開出既A10..都預計到Ringo未必趕得切...但係就估唔到連Debby都爭D上唔切架A10..汗...
出門口之前睇左陣yahoo新聞, 睇到話中國北部受風雪影響, 天津個機場直情關閉...好彩我地唔係去長白山者...如果唔係都唔知飛唔飛到添... 好彩上海都唔算好北面, 新聞話係有霧..會有雪或者有雨, 影響都唔算好大..
之前睇新聞又話昂船洲大橋開左之後, 港島區既A車會改道...點知都唔係既..
去到機場, 見到中國東方航空櫃位對面好多人, 又有now/有線既記者起度做緊訪問...好似好大件事咁...
去到登機閘口...個職員一見到我就講普通話...我即刻長嘆左一聲...
唉.............我唔係真係似mainland下化=.=...Ringo同lala起隔離即刻係咁笑...Debby隔左陣先識笑.......
好彩, 後黎証實到, 果度既職員, 見到黎登機既人都係用普通話開頭先既
1245起飛..食飛機餐..一個好有驚喜既飛機餐, 呢個餐竟然有Häagen-Dazs雪糕!!!!好好食呀~~~!!~!~!~!~~!~!
呢程飛機都幾悶...後面兩位女士坐到訓著左..我係咁打Field Runner..之前玩hard真係玩極都玩唔嬴, 一轉做easy就嬴左=.=
Day 1 – 上海
1245起飛, 搭兩個鐘頭多D, 落機已經係3點幾...lala真係悶到傻左...指住個太陽話做乜個月亮咁大個...
上海並唔係我地呢個團既重點, 大多數去過上海既朋友都話上海無乜野好睇, 我地研究過之後, 都認同呢個點...所以我地只會起上海稍作停留
去到上海第一件事就係搭機場大巴去上海南站, 買夜晚去杭州既火車票...
跟住搭地鐵去人民廣場...上海南站個地鐵站名真係好搞笑lor...叫做上海南站站=.=...
沿途見到一間Dairy Queen...真係...頂, 起北京大學住得太耐, 小西門一出去就見到Dairy Queen, 見慣左, 搞到我以為香港都有...真係...shit=.=...又比人話係mainland sosad
人民廣場站一出黎就係南京步行街, 同王虎井大街真係一模一樣...甚至可以話, 仲長過闊過多野睇過王虎井lor=.=...但係呢D咁繁華既街道...睇得多就覺得無乜野, 而且條街係連鎖店居多, 起香港, 北京定係上海睇都係一樣...
不過一場黎到, 咪慢慢行下影下相咁
天文台話今日上海應該係7度左右, 夜晚應該再凍D, 但係我著既衫同起香港十幾度好似都係差唔多...一件藍色少少毛既衫打底, 一件長衫面衫, 加件啡色褸...其實行街果陣真係幾鬼凍下, 可能真係好似debby話齋, 我唔係唔凍, 而係慣左凍者=.=...我隻手真係長期處於結冰狀態...
行到步行街既街尾, 大概係一個地鐵站既距離...就入左個商場, 上去最頂果層食望湘園, 揀呢間黎食純粹係因為本旅遊書頭果兩間介紹既食肆其中一間就係呢個...我見到係湖南菜都話要小心辣架喇...不過又真係估唔到Ringo食辣野既反應會大成咁XDDD
叫左四個菜
口水雞
秘制串燒蝦, 上菜既時候係用一張aluminum foil包住(想講錫紙, 但係錫紙唔係用錫造, 係用鋁造, 講鋁紙實睇唔明, 所以講英文正確D), 然後上菜員用刀界開張紙, 打開果下真係香到呢~~~呢碟串燒蝦真係正野, 好濃既咸辣味, 做得好既地方在於蝦同辣既完美結合, 而唔係食蝦點辣椒油果種味道...佢既辣椒蒜頭粒真係好好食, 真係辣得好好食!
十里香牛肉, 食呢個菜簡直就係treasure hunt, 果d牛肉堅係好食, 而且堅係好辣, 但係碟野真係太多辣椒, 多到係遮曬成碟菜=____=...到食完走果下其實我都唔係好sure究竟我地食曬d肉未=.=...
風味串串兔, 老實講, 食落同豬肉真係差唔多...都唔知兔肉同豬肉有咩分別...
以下係成餐飯既合照
其實食兔肉同食狗肉我覺得差唔多者, 兔仔都係竉物...
唔...都係無得好講, 食唔食狗肉...純粹係emotion既問題...不過學lala話齋, 大陸好多狗都係偷番黎既寵物狗...呢D狗肉...就真係唔係好建議食喇...
睇得出Ringo食呢餐飯真係食到好痛苦XDDD我地行街果陣都著左唔少衫, 一開始食辣野呢, 除下一件除下又一件...Ringo食到成頭大汗, 額頭上面既水珠真係黃豆咁大粒XDDDD, 除到得番一件Tee都熱成咁...大家個咀都係食到紅曬腫曬咁XDDDD
食完飯, 都唔係好飽, 因為食辣野真係好開胃, 樓下就有地鐵站, 我地唔搭, 係要行番轉頭...睇下食乜野好...明明行過黎既時候係見到有D野食, 不過到真係去食果陣就好似搵唔到, 淨係起老三陽果度買左幾件糕點...同埋比ringo起麥記買左少少野食...因為頭先果餐太辣佢真係食唔到XDD
搭番地鐵去上海南站站...登上K287, 2100開車, 由上海南往南昌既班次, 我地會起大概22:55, 起杭州東落車, 里程係167公里, 硬座票價RMB25...途經松江同嘉興
原本想搭夜D果班K8404, 係2357先開車, 0153到達, 諗住可以起上海玩耐D...點知果架車得番站台票...shit...不過早去都有早去既好~今晚可以訓多D~
上車之後...坐法係Debby/Lala/我/走廊/Ringo咁坐...可憐既Ringo同我地隔開左...不過佢一上車都訓著左啦XDDD...成程車都係咁比人抽水話我係mainland=.=...真係唔比人抽都唔知大家抽水能力咁高...
呢程車好多人買站台票, 特別係嘉興站, 好多人上黎企...就起我隔離有個年輕人, 企起我隔離企左好耐, 瞄準我地3個都係細細粒...企到終於忍唔住...一個pat pat壓落黎, 3張凳變成4個人座=___=
架火車都幾嘈, 根本都聽唔清楚D廣播講乜...係有一個廣播重覆左幾次, 話第12卡車有人急病發作, 問有無醫護人員起架車可以去幫一幫手...應該係起嘉興去杭州東既時候發生...唔知果個人頂唔頂得住呢一個鐘呢...
11點落車, 杭州火車站個樣都幾頹=.=..仲以為杭州呢D大城市個火車站會ok大添...話曬杭州市都係浙江省省會bor...
一離開個火車站就成堆人衝埋黎問駛唔駛酒店搭車之類...煩到hihi=.=...就起火車站對面就有十萬九千架的士...做乜我要搭你D來歷不明既車...
目的地係杭州布丁連鎖酒店-西湖分店..., 地址係杭州曙光路外東山弄5號...呢個地址真係差唔多識背==.==...不過個司機好似唔係幾知咁...駛到去外東山弄之後特登慢駛, 成個車5個人10隻眼(計con同眼鏡有18隻)眼一齊起度搵...其實我見到係5號已經諗...剛剛駛入條街果陣見唔到, 大概都係等到駛出條街果陣先見到啦掛...
點解會揀呢間酒店呢~?純粹係起kuxun.com見到, 睇過客房既相好似幾唔錯, d裝修幾特別, 又唔係貴, 於是就揀左呢間...可惜去到既時候無曬標准間...我地又死係要1間房only, 於是就開左間家庭房比我地...好似係RMB150蚊左右...
入面有一張碌架床, 睇落幾靚, 奇怪在佢上層係單人床, 下層下雙人床...
呢個都算喇...個廁所, 連石屎牆或者木板隔離住都無...只得幾塊磨砂玻璃...呢個種間隔方式起天津格連豪泰都見過一次...不過果時係全男班無乜所謂...今次再經典D既係廁所無門...而個門口仲係對住張床...間房又要超級細...就算唔係有心望...都好容易唔覺意瞄到入面...
所以呢...一入到去...放低左行李之後, 我同ringo就出番去等...好在出面有部iMac起度可以玩下...又真係估唔到咁high tech...而且連香港網站都上到, 立即check一check portal email睇下批左45 credits未, 順手上three.com send個SMS番屋企報下平安
一路等, 一路睇下酒店大堂既promotion...其中一張令到我都幾O咀...學生黎book鐘點房有特價...=___=如果香港有呢D酒店出現既話...係咪應該會有一堆團體出黎鬧爆佢地=.=?
兩位女士既梳洗速度都比我expect既快@_@, 好事黎既, 唔駛我起出面等咁耐, 朝早起身又唔駛等咁耐...根住兩位女士出去等...我同ringo入去搞掂啦..
真係呢...我expect呢D連鎖酒店會有沐浴露同洗頭水供應架麻...呢D都無...都算喇...連漱口杯都無...=_____=...我幾乎係含住個水龍頭黎刷牙=.=...
大家都沖曬涼之後...就要諗下點分床...我諗我真係訓慣左上面=.=..起屋企係, 起北大係, 黎到酒店我都係揀番上面=.=...
雖然間房係有暖氣, 都有少少驚朝早起身會好凍, 所以著多左件衫黎訓...點知...夜晚係熱醒左我lor=.=...個暖氣真係好勁, 長期噴住上格床, 熱醒左之後我直情掟開張被咁濟...不過, 原來果個時候訓起下面既三位朋友凍到傻左...唔知點解部機聰明到向上噴暖氣向下噴冷氣...訓最近床邊既debby話凍到塊面唔知點樣話XDD?
Day 2 – 杭州
朝早七點幾起身...第1位應該係lala, 起個漆黑一片既房間入面...我同ringo都未訓醒...去廁所都唔駛咁多顧忌啦? 第2位係Debby...第3位到我...Ringo好明顯就係最遲果個...真係哎極都唔醒...直至我地扯開佢張被=.=...
正式出發啦~杭州西湖先係我地旅行團第一個有心去既地方~~!拎住尋晚起酒店買既地圖, 自己搵路行去西湖啦~~~
由外東山弄行去曙光路, 再行去楊公堤, 然後過對面就係岳湖啦
西湖附近其實有幾個湖, 幾乎都係痴埋一齊, 西湖係最大果個, 另外有北里湖, 岳湖, 西里湖同南湖...
起睇到真正既西湖之前...先遊覽下外圍既風景先啦~~~ d樹雖然係全部枯曬, 但係又有另一番美
咩叫波平如鏡? 咪就係呢D lor, 個倒影真係靚到呢
呢張相睇落真係好似日落....明明我就係朝頭早影既, 不過唔緊要啦, 靚就得啦
西湖最出名既當然係西湖十景啦, 我地由岳湖入手, 第一個見到既係曲院風荷...不過呢, 老老實實, 我地冬天黎, 鬼睇到咩...不過呢, 唔睇荷花, 淨係睇下庭院樓閣, 睇下波平如鏡, 都堅係靚野黎既
穿過岳湖行到去蘇堤...終於見到西湖喇...真係好大...大到Debby用字始終離唔開個”海”字=.=...你話靚呢...我又唔係好覺...可能因為我地去果陣有D霧...
行左一陣大家已經嗔肚餓, 於是向北行...向果D疑似有餐廳既建築物行去...沿途有個船夫向我地sell...搭佢果艘舢舨遊覽西湖...我地就話食完早餐先再番黎, 反問佢附近有乜野好食XDDD佢一答就答KFC=___=, 都好既, KFC夠平
一路上又有一個伯伯黎...同我地傾計, 問我地係咪遊客, 之後就話願意做我地既免費導遊, 仲拎左篇文出黎比我地睇, 話係起網上面搵到講關於佢既野...不過我地都係驚驚地, 唔知佢信唔信得過...就謝絕左佢既好意...
去到KFC...九點半左右啦...d早餐都差唔多賣曬...買果陣我仲起度諗...有乜理由咁早就無曬架...直到差唔多10點果下, 佢地轉午餐牌..先醒起大陸既早餐時段比香港早一個鐘完...我地食完早餐唔夠, 再立即叫多四件雞黎食=.=...
一路食野大概一路講既都係hall既話題...四個同樣都有住hall, 又上埋同一支莊既人坐埋一齊...話題都係離唔開呢兩樣野架喇...另外仲會講咩? 講下大家對愛情既睇法lor...其實我真係唔明點解呢個topic會咁熱門=.=...
食完KFC我地再戰西湖, 碼頭搭船去小瀛洲睇三潭印月...呢個洲都幾得意, 洲入面又再有四個湖, 好似個田字咁, 真係有路既地方得好少好少...
一路搭船見到有湖面之舟
島上面再細分做幾個景點, 我心相印亭...我地好似相都無影就走左=.=? 有個門口..寫住竹徑通幽, 個名幾靚...不過我地又係起門口影左相就走左=.=...
呢個島要介紹既地方真係有好多...可惜我地只係得手上一本旅遊書...淨係知道”建有一座九轉三回, 三十個彎的九曲橋”...連三潭印月呢個名係點黎都唔係好知=.=...
番黎check下wiki都無乜資料, 大陸旅遊景點都係上百度百科會有多D野睇...先知道”池外小造小石塔三座, 謂之三潭”...我地好似係見到有石塔...不過我真係無細心睇過lor...
起果度周圍行下, 影下相, 就搭船去西湖另一邊既景點, 花港觀魚
呢個天氣去, 花就無乜喇, 魚就真係大把, 夾夾埋埋應該有幾千條錦鯉起度, 剛剛行到去望到果下真係以為自己去左紅海咁=.=...咁arm有人起果度喂緊魚糧...全部魚集中埋一齊...真係幾amazing=.=
雖然我講到好似個個景點都睇唔到應該要睇既野...我地行都都幾開心丫, 純粹當佢係一個公園黎睇, 呢個公園真係好靚好唔錯啦, 漫步湖邊, 吹下水, 影下相, 已經好夠啦~
又有兩張波平如鏡既相
由西湖南門行番出去...有個路人又走過黎問我地係咪遊客, 問下我地去邊...我地果時係打算行去中山路既...佢就話要行成粒鐘先到...叫我地過對面馬路搭巴士...好啦~聽下人地意見啦
一去到個巴士站呢, 真係驚為天人, 真係好先進, 呢個站有八架巴士, 站頭有個dot matrix display寫曬呢八架巴士最快幾多分鐘後黎到, 距離幾多米等等, 起我地等巴士既時間, 驗証左幾架都係準架!!! 北京都無咁既服務, 杭州竟然做得咁好!!
沿路經過西湖十景之一既雷鋒夕照...初頭聽...真係以為係”學習雷鋒好榜樣”既果個雷鋒...呢個景點...話明係夕照, 其實應該係夕陽西下先黎睇...不過...算啦, 其實都無乜特別
落車果個位又係西湖十景之一, 柳浪聞鶯...都唔知咩黎...
沿住南山路行下, 旅遊書話有好多特色酒吧同餐廳...不過無用丫...我地又唔係肚餓, 未到夜晚又無理由入吧者...慢慢行...行到一間西湖博物館, 連本旅遊書都無介紹過...見佢外形咁靚就入去睇下啦
果然無入錯, 應該係新起既野, ok詳細咁介紹番西湖呢個地方, 雖然無做過功課就黎呢個trip, 去個博物館睇番都學左唔少野(but我而家都唔記得曬)...
睇睇下見到堆操流利香港話既遊客入黎...真係有種他鄉遇故知既感覺, 成班香港人企起一個掛左好多head phone既展覽地方...齊齊研究一張擺左好多水晶球既設施究竟係點樣野...究竟左好耐, 終於知道佢真係好似一個水晶球咁function=.=...要用對手碎下佢禁下佢...個水晶球中間就會有畫面顯示出黎
行完博物館之後, 繼續沿住南山路向北行, 行到去西湖天地...無乜特別, 係入面有好多間食肆咁樣, 個湖中間有頭金牛...第一眼望落去, 真係差D以為有隻牛就黎浸死XDDD
出番黎繼續沿住南山路行...可能行得耐, 有D悶, 大家想唱下歌...
“朋友已走 剛升職的你舉杯 到凌晨還未夠 用盡心機拉我手”
下一句係咩呢究竟?
“纏在我頸背後 說你男友有事忙是藉口 說到終於飲醉酒”
呢度都唔難, 跟住就難喇, 究竟係”情侶會走”, 定係”誰也會走”, 定係”時間會走”?呢...Debby話係”情侶會走”, 比我ban左...點知原來佢先arm...
“剛失變的你哭乾眼淚 前來自首 寂寞因此牽我手”
原來真係咁樣接落去...我發覺我對呢首歌真係了解得唔夠深入...明明就係好鐘意呢首歌...竟然都get錯左...
“除下了他手信後 我已得到你沒有 但你我至少往後成為了蜜友”
到副歌大家都唔會錯架喇...但係XX會走真係好confusing, 咁arm呢個時候經過間KTV...”不如今晚唱K lor!!!!”=___=
經此一役, 我諗我真係會記得呢首歌既歌詞架喇
由南山路行到解放路, 由解放路行到中山中路...係起上海機場拎到小冊子介紹既一條特色街道, 相就真係幾靚既, 但係去到...真係覺得毫無特色lor唔該...由朝行到晚, 你都咪話唔支力...一路行一路話支力, 想食野, 但係講完之後又繼續唱歌...唱奇洛李維斯回信, 唱男孩像你, 唱啜泣, 唱告解...唱唱下又唔記得食野...於是又行左好耐好耐..終於頂唔順, 四點幾求其入左間食餃子既餐廳坐低休息
求其叫左個餃子餐...每人食左少少...然後打開幅杭州地圖, 研究下隨左西湖同埋南山路之外仲有乜野好做...睇左好耐, 終於搵到喇, 去新華路行下...
臨出去之前...Debby換左副con...佢換落黎果副con直程係有D恐怖...有一層白色既野起面架lor=__=
新華路係咩黎架呢? 我都唔係好清楚...好似話好多野食, 去到見到有間食杭州家常小菜, 好似好平咁, 就入左去, 見佢咁平, 就好豪氣咁叫左六個菜
干鍋包心菜 – 煮既時候落左少少醋, 上碟果陣仲有舊火起下面燒住, 所以好快就蒸干曬D醋...我地食得太慢喇...搞到有幾條菜loan左=.=..
炸雪糕 – 呢個真係幾out of expectation, 真係整得幾好食!!! 外脆內微硬(以雪糕既standard黎講), 外熱內凍, 好矛盾既感覺!
風沙雞 – 我起北京食既風沙雞真係好好食架lor...呢度...完全無味既
咸蛋芋頭 – 咸蛋炸南瓜我就食過...炸芋頭, 差唔多啦, 唔好太咸就好喇
串燒牛肉 – 都無肉味既...
唔記得咩魚x4 – 好咸...
食完飯之後吹水吹左勁耐...又係圍繞番莊友既問題...真係講到無野好講喇...連邊個最靚仔靚女都要講埋...=.=...
問題黎喇...邊個係45莊最靚仔? 邊個係45莊最靚女? (謎之聲: 唔係唔答debby下化?!) 邊個係46莊最靚仔? 邊個係46莊最靚女? (謎之聲: 得, 大個心入面有個答案就得架喇)
又講到ringo睇人好準, 於是debby就叫佢講下覺得我地點...
“阿西...好神秘...即係呢...明明佢自己係有意見...但係佢見人地講左相反意見既話, 佢就唔會出聲”
“佢係...深思熟慮既...”
好, 阿西好神秘呢個topic, 後續
食完之後...去邊好呢...頭先咁想知道人來人往既歌詞究竟係點...於是就去左同我地距離最近既一個KTV...麥哥時尚KTV
我地真係求其揀架ja wor...點知揀左間勁野...一入到去...真係可以用金璧輝煌黎形容...真係唔講得笑咁靚, 起香港好似都未見過咁靚既K鋪...可能真係我見識少啦...呢度收費都好貴呀...夜晚9點後一個小包廂好似係94蚊...可以坐4-5個人...用香港standard黎講係平...但係用起北京既經驗黎睇...真係唔平=.=...
反正夜晚無野做...都要唱架啦...(其實跟本就係大家想唱...除左lala之外XDD)...同北京K房(死火, 我開始用北京, 而唔係香港黎做比較=.=)差唔多, 牆上面又係有一個控制器, 用拼音黎點歌...d歌真係ok齊喎, 想點既廣東歌全部都有~!
一唱就唱左兩個鐘...lala一首都唔唱...淨低3個人瓜分兩個鐘頭好似都唔係好夠喉咁...不過算啦...聽朝要一早起身搭車...唱K又貴...兩個鐘好走喇
之前已經研究過, 去皇庭快捷連鎖酒店學院路分店已經夠比較近杭州西汽車站...上到的士之後, 個司機車左我地去九洲賓館, 話又近西汽車站, 佢又識個老闆可以同我地減下價...
去到果間賓館呢...我同ringo問價就480, 個司機一開聲就去到200...睇一睇間賓館, 得兩間房著左燈...個司機又猛話穿過條隧道就到西站...猛話點好點好...雖然我唔熟杭州, 點睇我都唔覺得果個地方可以一穿隧道就到西站...個酒店大堂又昏昏暗暗咁...
番上車同debby同lala傾下, 都咪喇, 都唔知係咪黑店黎, 都係去番我地plan左果間酒店
皇庭快捷連鎖酒店, 可以話係呢六晚入面, 最正果間酒店! 亦都係最貴果間, 要成2百30蚊咁濟呀...
兩張床, okay大, 我同ringo一張, lala debby一張...
間房夠大, 夠多socket位, 又有風筒, 暖氣好足! 正呀~!~!~!!~
第三日 – 千島湖
今日起身第一二三位究竟邊個打邊個呢, 我都唔記得喇, 淨係知ringo一定係最遲起身果個
Check out之後即刻搭的士去西站...去千島湖既車都幾密...半個鐘有一班, 我地去到時間剛剛好有車出發...
臨上車之前睇到個指示牌話...由杭州去屯溪既公路因為大雪, 全線封閉...即係話...黃山市呢排落雪落得好勁呀~~!!!yes~~~~!!!!雪勁好睇丫~~!~!!~!~~!不過...可惜丫, 我地唔係今日去黃山
搭成兩個鐘車先去到...梗係訓一訓覺先啦~~~
沿途已經見公路兩旁都係雪...落車果下真係覺得凍到傻左...
睇完google地圖先黎都係唔夠用, 原本expect一落車行兩步落就到景區...點知望下左望下右, 都仲係條街黎既...
是但, 搵間餐廳食個飯先...條街咁長...行極都搵唔到間arm心水既...行左一半又行番轉頭...搵到間小紅帽餐廳...求求其其就一餐...食左個炒飯, 鐵版飯, 煲仔飯, 幾條羊肉串...D羊肉串認真麻麻, 都無肉味既...
臨離開餐廳之前問左下d職員, 究竟係點去景區架呢? 原來仲要搭多程K004巴士去旅遊碼頭...
唔知幾講起酸奶呢個話題, |a|a話食完飯之後一定一要去supermarket買酸奶, 作為奶類製品既粉絲我梗係讚成啦, 咁arm 小紅帽隔離就有一間超市, 存貨量得好少, 經我地一輪搶購之後, 好似買曬佢D奶咁...起我同|a|a既極力推介之下ringo同debby都買左唔少黎試下...仲影左張全家幅添~!
買完奶, 就搭巴士去旅遊碼頭喇~明明條路都修整得幾靚, 至少睇落係幾靚先...唔知點解都可以將我成個人chok到飛起...
一落車就有個女人黎撩我地搭佢既船...話果個鐘數, 所有遊覽千島湖既大船已經開曬...只可以包起細船去...我地梗係...聽住先, 入去睇下售票處係咩環境...果然...一個遊客都無...售票處對出就有一大班男人起度...我到而家都唔sure佢地係咩人=.=...佢地講既野, 同門口個女人講既差唔多...
我都係唔係好相信, 但係見到售票處上面塊玻璃寫住尾班船係1300, 真係唔到你唔信...睇下果班男人遞過黎既牌, 話如果要自己包起一個小遊艇, 最少6個人, 每人150蚊...
呢個時候, 簡直係上帝打救...竟然有一pair情侶咁arm黎到, 又發現左已經無曬大船呢個事實...如果佢地仲想繼續遊覽千島湖, 唯一一個方法...就係同我地夾船啦~
每人150, 另加入場費60, 每人210蚊埋單, ok~!上船~!
艘船細細架, 又幾過癮, 開起上黎都幾快, 最多坐得8個人
第一個島 – 梅峰島
梅峰係全個千島湖最高既地方, 企起峰頂可以睇曬成個千島湖...今日黎真係無黎錯, 因為尋晚落完雪黎, 成個島都鋪曬雪, 真係勁靚
落船行一陣就去到搭索道既地方, 其實唔搭都得既, 雖然話係最高點...最多咪百幾二百米...行上去好快者...但係...無謂阻住果pair情侶既時間啦...我地要一齊上落船架麻...咁就付出左RMB40...
呢度既索道係...比較吊吊fing(丫...唔好意思..講左粗口添...)係下面有條鐵可以long下對腳...坐上去就唔好亂咁郁喇...如果唔係盞跌落山...
上到山頂, 個景的確係唔錯, 係有d天陰陰咁...不過唔要求得咁多架喇...落完雪唔通天朗氣清咩...
家有喜事2009都黎過千島湖取景, 其中小敏介紹千島湖比古天樂聽果個位, 應該就係梅峰個頂
(唔知我講緊套戲邊度? 即係呢
小敏: 這個是猴子島, 這個是蛇島
古天樂: 咁果個係咩島?
小敏: er.....讓我找找看...
古天樂: 我知啦! 係唔係”搵唔倒”呢!?
小敏: .............
古天樂: 唔好意思...我比較鐘意搞爛gag)
果度既欄杆都鋪曬雪...可以起上面寫字...Debby寫左個好型格既”Ramblers”出黎...|a|a見佢寫得咁過癮, 起隔離又寫一次...不過寫左”Rambers”...相信大家起facebook都已經睇過果張相XDDDD
果時我起後面行黎行去...其實都算係睇住|a|a寫...見佢寫完個b字之後, 隻手指竟然係起中間而唔係起上面/下面...我心諗...”唉, 浪費曬之前既心機添”...寫呢D字都唔易架...|a|a係一下一下咁督出黎, 唔係好似我咁撻皮寫字...我覺得一下一下督出黎應該係靚D既...
諗住佢寫寫下會知錯...點知又繼續寫落去...咁無辦法喇...命中注定呢張相成為佢上莊一年以黎最大既污點...各大老鬼已經起facebook明言”AGM見”XDDDDD...呢個錯誤比起佢起RM trip行錯路影響更加大XDDDD
隔離有Debby寫番個正確既Ramblers出黎
寫完字, 影曬相, 就搭番索道落山喇
之後兩個島都無乜特別...
一個叫猴子島...島如其名, 成個島都係馬騮咁lor...個島...都唔知有無haking podium咁大...成個島都係粟米粒...d馬騮掛住食野都唔係好得閒理我地...同起香港見到果望到百佳袋對眼會發光既完全唔同...算係可以近距離咁接觸一下d馬騮...係唔摸得佢者
兜左個圈, 明明我地六個人都有望過最尾果隻最樣衰既馬騮, 唔知點解果隻核突馬騮淨係對住我e起棚牙...完全唔知到係友善定係惡意既表現=.=...
睇完馬騮島就去另一個更加垃圾既島=.=...五龍島
聽個名好似好X勁咁...其實就係將幾個無關係既島, 用橋連埋一齊...一落船就見到一條狀元橋...話係用黎紀念唔知邊幾個宰相...即係...唔知係無心定故意咁整到條橋起空中diu diu fing(唔好意思我又講粗口添), 然後比8蚊行一轉來回...戇居到震...橋下面有另一條路, 同樣行到去狀元橋既盡頭...奇石島...
呢個島真係犀利喇, 原本我以為呢個島上面真係有好多天然奇石...點知所謂既奇石都係起第二度搬過黎既...是但搵舊石黎...話佢係一隻”雙頭怪獸”...老老實實, 你話佢似狗好, 似鳯凰好, 起碼都似一隻大家都知咩樣既動物丫...似隻怪獸...我是但執舊垃圾石黎話係怪獸都得架啦...無D誠意...
起狀元橋底行番去...叫做...嘉年華島? 唔記得喇, 整到成個島好似嘉年華會咁, 但係所有攤檔都收左=.=...完全無停留過就繼續行喇...
行到一條幸運橋...shit...我完全睇唔出條橋同佢個名有咩關係...
黎到雀仔島...有一舊大石...刻左十二生肖同十二星座既相沖相剋...再行入少少就係好似海洋公園個雀島天堂咁, 意思不到既係, 佢竟然比我地行入去個巨形島籠度...又係可以親手摸下雀仔既時候
D雀仔有少少靈性, 好似知知地邊度先係出入口咁, 有一隻雀仔企定起出口處等我地...可惜佢鈍左D, 我已經特登開門開耐D睇下佢識唔識自己飛離呢個監獄...可惜...真係可惜...起我閂埋門果下佢先有所動作...
跟住都無乜特別...你見我平時幾咁無聊既野都會打落xanga...但係黎到呢個島真係無乜野好講...咪就係...雀仔lor...
同我地一齊黎果pair情侶...行到都唔想行...直程無入黎睇雀仔就行左落下一個島...仲打電話黎想同我地講添...我地四個人得debby有電話...佢地打比debby果陣...我地直情無接電話添=.=...
離開雀仔島, 前面就係一條魚樂橋, 上面有幾個池塘...勁多魚起入面...呢度D魚又係識得認人, 遠處望去既時候d魚明明係散開曬, 我地幾個一行埋去, 所有魚立即掉轉魚頭游曬去我地呢邊...勁得意, 連續行左三四個塘都係咁樣
橋既另一邊係鎖島...成個島, 幾乎可以掛到鎖既地方都掛左個鎖起度
得喇, 呢個島講完喇, 一個咁垃圾既島, 我真係唔想講咁多...而且果pair情侶行得比我地更加快...我地...debby同ringo都話會起後面停起度影下相...果pair情侶真係直行直過...後黎仲打左幾次電話黎添...
上番船, 就走喇, 可能因為我地黎到比較遲, 可以行既島都唔多...不過呢...行左咁多島, 隨左梅峰島有d睇頭之外...其他真係不去也罷...
番番去旅遊碼頭...見到碼頭附近有間酒店...就諗住入去問下價啦...點知圍住佢兜左兩個圈都搵唔到個門口...卒之比我地搵到另一間”大酒店”喇, 點知一入去, 係飯店黎既...
同個老闆娘講話我地想搵酒店...佢就帶左我地去一間佢相熟既賓館, 雖然係叫賓館, 我覺得都幾試正丫...
賓館個負責人係個...小妹妹...嘩卡卡, 我終於有資格叫人地做小妹妹喇...要知道...我同ringo起呢個團入面...都係小弟弟黎架炸 
, debby姐姐同|a|a姐姐唔好蝦我地丫
知道個負責人係小妹妹係之後既事, 講番間賓館先, 起初佢話今日有個團黎左, 成間賓館full曬, 講講下唔知點解又話有兩間房比我地...帶埋我地入去睇下, 都ok丫, 起碼有兩張床先, 雖然係細左D...開價100蚊一間房...真係好鬼平=.=.
睇千島湖邊問酒店呢, 原意係聽晚黎住既, 今日只係黎睇定先...我地原定計劃去番市中心住一晚, 聽朝起出發去九咆界, 番黎就起千島湖邊住, 因為去黃山果艘船就係起千島湖開出
同小妹妹講完我地既大計之後...企起隔離既飯店老闆娘就話...自己打的去九咆界好貴, 仲即刻同我地打個電話去問...話單程已經要230蚊...小妹妹又拎起佢地酒店轉介旅行團介紹果d牌比我地..話跟果D團, 每人160蚊包車費來回連入場票云云
開始有D誘惑添...d誘惑仲要陸續有黎...飯店老闆娘又唔知點樣搵到個fd, 話可以車我地去九咆界, 來回200...比起的士個價錢平左一半都唔止wor @_@
嗚呀~!小妹妹又出招~!佢忽然話老細批準左, 可以再平d咁比兩間房我地, 160蚊就得喇...實在係太平啦!~!~!!~~!~!~!~!~!老實講果時我真係心郁郁不如叫兩間房算啦...
不過商量過後, 我地都係要左1間房就算...諗住佢一間房唔會平比我地...點知仲有終極驚喜...80蚊一間房...嗚呀~!!~!@@!
結果我地接納左佢地既意見, 起果間賓館訓兩晚...而且託飯店老闆娘個fd車我地去九咆界...為左報答人地既好意...我地就去左果間飯店食飯...
真係犀利, 呢個淡季時期...間飯店真係可以一個客都無, 連燈都唔開, 電費都慳埋, 我地一入到去先開番曬比我地...
食左個蛋炒飯, 茄子, 青菜, 回鍋肉, 係呢個團屹今性價比最高既一餐飯...個蛋炒飯係濕濕地, 都幾好食丫...d茄子條條都咁細條...
食完之後...就搭K004去番市中心...起番今朝上車果個位附近落車, 穿過超級市場既底場, 黎到一個文化廣場...有上百個妹妹姐姐姨姨嬸嬸婆婆麻麻跳緊唔知咩舞...
Ringo同debby影左幾張相之後...我地加入去佢地跳舞既行列...又唔係好難ja wor...我仲記得點跳, 大致上可以分為三個部份
向左前踏一步, 向右前踏一步, 向左前踏一步, 向右後踏一步, 向左後踏一步, 向右後踏一步, 踏呢六步既同時, 要fing起踏步果隻手, 踏呢六步既方式要有少少生硬感, 即係踏步果隻腳要伸到直一直, 向空中踢起一定既高度, 唔郁果隻腳都要企直...然後係...
向左踏一步, 向右踏一步, 向左踏三步 (呢五步...兩隻手要起腰附近打圈圈)
跟住呢下難喇, 左腳向前半步, 右腳向前半步, 然後左腳向前踏, 同時轉身180度, 隻左腳踏落地果陣個人已經轉完身...然後左右掉轉做一次, 右腳向前半步, 左腳向前半步, 然後右腳向前踏, 同時轉身180度...做完呢兩下之後個人應該番去原位...然後由頭黎過
嘩卡卡卡, 無人教過我地, 但係我地全部都識曬啦XDDD
Repeat呢幾set舞步左n次...終於跳完...我地繼續周圍行下...
行到一間超級市場, 入去行下...debby同ringo各自買左一個足球鉛筆刨...
D職員真係超撻皮lor...起度睇24集韓劇”想結婚的女人”...
行一陣, 見到一個食肉串既鋪頭, 又叫左串黎試下...又係無肉味既...
行過中國移動, 又入去睇下有無電話卡賣...我地由第一日開始話要買張電話卡黎傍身, 買到今日都未買到=.=...(其實係買到最尾果日都未買到=.=)...見到果度有電腦可以上下網...就順手check下portal email睇下批左45個credits未...又send左SMS番屋企...
行過adidas...debby入去買左對襪...係黃山專用=.=
今晚真係悶到痴左線...由街頭行到街尾, 由街尾行番轉頭, 跟住又行番轉頭, 轉入橫街睇下, 又轉番出黎...行左好耐好耐...最終有個決定, 就係猜包剪dup...輸左果個去搵個路人黎問下邊度有酒吧
我都唔明, 4個人一齊猜, 有乜可能咁好彩, 一鋪就玩完, 3個都出剪, 我出包架...
問左個後生仔...佢指左我地去一間叫做SOS既disco...入到間disco之前都覺得有D唔妥, 人地個個著得超輕便...係起d強勁音樂下面fing 黎fing去果D fd..我地四個都著曬羽絨...四隻糉入去fing...都係唔好喇, 盞影衰香港人...而且果度D音樂真係好勁, 隔住度門我都覺得佢可以震聾我...
於是出番黎, 入去KFC坐下...研究下有乜野好做...果時好似先九點幾十點都未到...研究左好耐, 又決定出去問下人邊度有酒吧
問左兩個女仔...指左我地去一個叫做”維多利亞”既地方..話附近會有酒吧云云...我地搭的士去到長途客運站落車...再沿路慢慢搵下...依然搵唔到酒吧...就入左去”維多利亞”睇下...
個門口寫住”KTV娛樂”之類...入去之前我真係有D驚, 會唔會係有成班囡囡黎服侍飲酒猜枚果D=.=...
問左價錢, 280蚊一個包廂, 不限時, 直至打烊為止...果時差唔多10點喇...1點半打烊...我地聽日仲要一早起身去九咆界...結果...入到去...又走番出黎...
結果都係要番賓館喇...呢晚真係唔知做左D乜...
番到賓館大堂, 見到小妹妹起度玩緊電腦, 原來係睇緊大內密探零零狗...我地去到果陣佢係睇緊07:00...ringo真係吹水能口..(唔係能手), 吹左勁耐水...就係呢個時候知道小妹妹係89年出世=.=
吹完水...我地走果陣時...套戲已經播到去53:00=.=...
差唔多吹左成粒鐘先番房...
通常洗手間呢D地方都係女士優先...先係|a|a...跟住係Debby...
跟住到我...已經黎到第3日, 我3日都無屙過屎...真係唔係幾得...布丁酒店個廁所真係唔得, 尋晚皇庭快捷雖然係好得, 但係nature無call我...今日雖然nature仍然甩call...我諗我都要主動call一call佢
Call完佢之後...就沖涼啦係咪...就起我除低左條牛仔褲, 連底褲都除埋果下
噗! (其實無聲既, 我形聲下, 刺激D者)
忽然之間熄左燈, 由條門lar我見到成間房都熄左燈...
“咩料呀?!”
起一片漆黑之中...都唔得閒搵番條底褲出黎喇, 是但著番條面褲, 起褲袋拎部電話出黎, 開個電筒頂住當, 出去睇下咩事...
“ringo! Ringo! 醒下啦! 停電呀!!!”
“得...啦...我知...呀...” 一把好微弱, 好似就死就死既聲...發出左幾個字音之後...Ringo又訓到好似死左咁...
我同Debby拎埋電筒出去好似探險咁...發覺連出面既走廊都熄曬燈...睇黎唔只我地一間房既問題...仲聽到賓館大堂個電話係咁起度響...
番番入房...我同|a|a同debby討論下究竟係咩事...忽然間ringo起身...
“咦?! 咩事停左電既?!”
接住落黎係成間房既慘叫, 估唔到ringo既睡眠能力真係咁高...
算啦, 雖然係停左電..雖然係無沖涼...唔緊要啦...我地都照訓喇...反正凍到咁...d衫著到勁密實又帶曬帽, 個身可以有幾污糟丫...無得沖涼都唔係大問題...停電搞到無暖氣供應似乎仲慘D...起果D得幾度既天氣...得一張被...暖氣真係好重要架麻...
我地將兩張床拍埋左...由左至由既次序係Ringo, Debby, 我, |a|a...兩個人一張被...
原本都相安無事, 諗住可以好快訓著...無端端Debby爆笑左出黎...話聽到Ringo既吞口水聲...話佢吞口水吞到勁大聲...跟住Ringo又笑...我同|a|a又笑下佢地笑...笑極都笑唔完...笑到終於靜左喇...忽然又係Debby爆笑出黎...真係笑到好鬼辛苦...完全訓唔到覺lor唔該...
第4日 – 九咆界 + 維多利亞
起身第一句Debby就起度猛哎話凍...無辦法啦...無暖氣...真係可以差好遠...
我地明明約左飯店老闆娘個fd八點鐘...我地遲左少少出去...我仲有少少驚會比個司機燥我地底添...點知...佢遲左差唔多廿分鐘先黎到...果架車...黃咁咁到呢...
Ringo趕住要寄postcard...所以叫司機車左我地去郵局先...Debby又跟埋佢去郵局睇下...番黎既時候我地就多左個首日封...
接住落黎係兩個鐘唔停既車程...搖搖下...搖到全車人都訓著曬咁濟...臨到九咆界果陣又個個都醒番曬...起果個神智不清既狀態下面講野, 係比較難聽得明, 尤以lala更甚...佢一句野要講幾次debby先聽得明=.=...
於是大家起度討論發音既問題...
“Lala果D唔係懶音, 不過佢講野真係好懶...d音一舊舊咁...”
於是topic又轉左去懶音度...嘩卡卡, 我真係好鐘意呢個topic
簡單一句如: 我愛你, 如果唔係話考緊你有無懶音既話, 我相信90%既香港人都會講錯曬呢一句入面既三個字...
有好多音都係好難發, 例如”難”字都好難...
講完懶音仲要講埋正音...
我, 你, 李, 里, 難, 連, 年, 間, 北, 筆, 恒, 痕, 橙, 產, 五, 捷, 躍, 糾, 彌, 佢, 任(姓氏), 韋(姓氏)...
隨手已經列舉到一堆大家經常讀錯既字...有d係懶音問題, 有D係正音問題
九咆界, 呢個地方係出發前兩日先加落去既, 因為加左千島湖既關係, 瀏覽千島湖相關資料既時候見到九咆界呢個新興旅遊地點...睇落唔錯, 一於黎試下
落車果個地方叫做上西村, 司機好似就係果條村既人...一落車之後有隻好大既狗圍住佢走黎走去...隻狗勁乖勁得意...個司機指左條路比我地行之後就走左, 但係隻狗就繼續跟住我地...有時仲行得快過我地添, 好似想做我地導遊咁樣
睇下相先
而家淡季...(淡季起我地呢個團入面真係一個critical point...去到邊度都無乜人)...剛剛落完雪黎...超正, 起我地踏上條路之前, 路上既雪係一個腳印都無...嘩卡卡, 我地係呢條雪路既第一個用家~~~
一線瀑, 真係成條線咁, 平時已經係一條線, 而家冬天, 叫佢做一絲瀑都不為過=.=...d水真係少到呢...呢個都無乜特別
一線瀑隔離有張凳, 遠影過去真係好正
第二個瀑: 龍喉瀑, 呢個有d睇頭, 起一個凹左入去既地方...可惜我無帶相機出黎...唔知點解我帶黎果D蓄電池咁鬼廢lor...影兩張相就收皮...所以我都廢鬼事帶出黎...果個凹左入去既地方暗暗地...開長時間快間, 就可以影到個瀑佈成片白色咁樣, 而且唔會光得濟...我想象到個效果應該幾唔錯@_@
再行上一條...ok高既瀑布, 無牌介紹個瀑布, 但係就有牌介紹瀑布隔離既小黃果樹=.=...呢個bu pu真係幾靚架我覺得...香港果個梧桐寨瀑布都係得15米高之麻...我起呢度見到既瀑布應該唔只呢個高度...相信我番到香港之後都無乜瀑布可以impress到我...
繼續行, 夫妻瀑, 兩條異常對稱既瀑布...
行到最頂, 龍頂瀑...呢兩條瀑布都無之前睇到既咁勁...而且...瀑布睇得多都無乜感覺...
落番山既時候...起夫妻瀑前...我同lala一組, debby同ringo, 雪球大戰@_@
呢D好似睇電視劇或者電影先會見到既遊戲...我地真係拎黎玩...唔係講笑, 掟左左真係好辛苦架...我地好興瞄住人地個頭/塊面黎掟...後黎覺得遠掟好難中, 玩近戰, 一野拍落塊面...一覺唔好彩d雪跌左入件衫, 咁就真係凍到hihi...
落番去上西村...途中見到一隻好有趣既鴨, 企左起一條獨木橋上面...唔知佢係咪唔敢行, 其實我地黎既時候已經見到佢架喇...諗住佢會有能力行番過黎, 點知到我地行完上半個九咆界落番黎佢都係企起果個位
搵番個司機, 佢指左我地去其中一間農家食飯...
其實都唔算好農家, 果個地方係農村, 但係係好似西貢果隻, 附近會無端端有間靚靚大屋...我地就係去果D地方食...正宗住家農家菜...菜牌都無個...我地淨係叫佢劏隻雞, 求其整幾個菜就ok...
隻雞...真係即叫即劏, 起我地面前劏添...我唔係君子, 所以唔會遠庖廚, 望住老細同隻雞放血...呢個時候...老細隔離有隻雞起度走黎走去唔知做乜...老細起條雞頸界一刀之後, 就放低隻雞起河邊...
隔離隻雞起勢咁啄條雞屍...
我唔係雞, 理解唔條佢既行為...我可以隨意interpret
我諗起起youtube睇過既一段片, 講起大陸一條馬路, 有一對狗男女...(丫...我應該用好d既字) 有一對狗情侶, 隻狗女過馬路既時候比車撞到, 就死...隻狗仔起隔離不停哀嗚, lam隻狗女, 好想佢起番身...我起初用左同一個interpretation去理解果隻雞既行為
啄啄下, 佢啄到條雞屍跌左落河=___=, 一個佢啄唔到既地方...
老細出黎繼續處理隻雞, 拔毛等等...然後拎番去屋企門口, 起地下放低個針版就斬件...呢個時候隻雞又再出現, 又圍住條雞屍乙水乙水轉...果時我係咁起度諗, 究竟呢隻雞想做乜野呢
直至個老細行開左, 我見到喇...
老細一路切雞都有D肉碎留低左...老細一行開左, 隻雞幾乎係即刻飛過去起勢咁啄...啄唔停果隻...連雞屎忽都啄埋...發覺自己啄唔到...於是又吐番出黎...隔離隻狗行過見到有野食, 又食左佢
忽然之間我對果隻仲生au au 既雞有種厭惡感...
等左好耐...終於有飯食...一個炖土雞煲, 一個炒雞腰, 一個炒清菜...
個土雞煲...d雞肉老到呢...勁難趙...老細既刀法又比較差...切到一忽忽好散咁...好似淨低放曬d骨落去咁...無乜肉食...不過個雞湯底又真係唔錯既...老細放左勁多舊薑落去, 飲完之後勁暖胃
個雞腰...(定係雞腎? 定雞乜=.=?)...太咸喇...個炒清菜就幾好食...
另外, 仲有個白飯, 多水到呢...好似食糊仔咁...真係頂唔順果個口感, 後黎我索性倒左d雞湯落去當湯飯食
一路食, 老細隻狗係咁圍住我地四個走黎走去, 有時又會企定定望住我地, 好似想喊咁, 好似等緊我地施捨d雞肉比佢食...起初都唔想比佢架喇...但最後真係敵唔過佢楚楚可憐既眼神...=.=
埋單130蚊, 負責比錢既debby比到127蚊既時候搵極都搵唔到散銀, 老細話就咁算啦@_@
食飽飽, 去九咆界既另一邊繼續行, 仲有四條瀑布可以睇...
下九咆界...比我既感覺同香港郊野公園真係好似=.=...連d扶手都似lor...
行完之後我淨係記得其中兩條瀑...龍門瀑...都無乜水架喇已經, 最後果個迎客瀑直情無水添=.=...
沿途經過一條秋千橋, 即係...每一步都好似踩落個秋千度咁樣, fing fing下...如果企唔穩捉唔實既話就會跌落下面條河...真係行到我有d緊張=.=....當然, 呢條橋唔係一定要行既, 就起隔離就有一條實木橋...我同debby同ringo都玩左秋千橋啦...就係lala一個做逃兵=.=...
繼續行...有一個地方有得玩秋千...係堅係玩得既秋千...係堅係蠱惑既秋千...秋千果塊版係可以郁架lor唔該, 我一坐上去即刻嚇左一嚇, 個人好似即刻向後墜咁...即刻靠隻手拉番個人上黎...好小心咁搵arm個平衡點先開始玩...
我玩完之後到debby玩...
佢一坐上去, 同我一樣成個人向後墜, 比我更加慘既係佢隻腳唔夠長, 無辦法從地面借力...向後墜到一個情況係...已經無可能憑對腳夾番個人上黎, 但係隻手仲係捉住條繩捉得好車既...果時我同lala同ringo應該都係起隔離睇住...無人有意識要去幫佢...我諗...大家都覺得佢會拉得番個人上黎掛
點知唔係...我覺得佢直情係放棄左拉自己上黎, 突然既鬆開左手...成個背脊撞落地下...好彩果到地下都算平, 如果有尖石既話, 果個高度跌落黎我覺得已經足夠錐斷佢既脊錐@_@...
不過大家唔好諗得咁恐怖, 現場睇果個畫面真係會覺得好好笑...跌左落地之後Debby唔係即刻有反應, 保持住兩隻手兩隻腳指向天...簡單黎講即係四腳朝天既姿勢...而且一臉錯諤...
繼續行, 行到另一個地方, 又有條橋, 有條睇落唔係好穩陣既橋...橋面仲結左少少冰添...真係好容易就會sin到pk...我地過左橋之後debby提議我地行番落條橋度影相...果個位真係幾靚既...佢起橋盡頭set好左部機, 10秒之後影相果D野之後, 一禁制就跑過黎...我地四個都行過果個位, 都知果度sin架喇..不過10秒之內要黎到...真係要行快兩步先得...
佢pk個情況係...左腳係中樞足, 右腳踏前, 落地果下企唔穩, sin到隻左腳飛起左, 果個情況下單憑左腳已經挽回唔到跌勢, 反而係比隻右腳帶起到一齊飛起左...情況有少少似搭飛機果陣...跳救生梯果個跳法...兩隻腳飛起左之後...pat pat猛烈撞擊落橋面...完全可以想象到果一下係有幾痛sosad
好彩佢起身起得快, 影相果下只係影到我地扶起佢果下XD不過...佢咁慘就唔好post呢張相出黎喇...post張靚架啦
行到盡頭, 葫蘆灣, 呢個地方, 我呢世都記得
英雄, 李連杰同梁朝偉起腦入面打交果個場面, 咪有個湖既, 我覺得我地見到果個湖比英雄入面果個湖更勝一籌...果種水既顏色真係靚到你唔信, 雖然我係親眼睇到, 我覺得我眼前既湖靚到就好似係假既咁...果種湖水綠, 完全既靜止...所謂既青山綠水, 就係描述緊果個地方...綠水!!!! 唔係金寶鐘果隻, d水真係綠到好靚呀!!!!
果個湖真係太impressive, 已經永久保存左起我個腦入面...
我地真係超幸運lor, 淡季黎, 成程無第二個旅客起隔離, 如果夏天黎既話, 一黎影相好麻煩, 二來d景色一定會比人破壞曬...我覺得就算有機會再黎...都好難好難再睇到已經保留左起我個腦入面既果張相...
成個九咆界, 甚至我可以話成個團, 最impressive就係呢個湖
睇埋呢個湖之後, 九咆界就睇曬喇, 可以搭車番淳安縣...又係訓足全程...
落車之後...求其搵左間餐廳食...
千島湖有咩出名呢? 魚頭, 唔知點解間間餐廳都有得食魚頭, 仲要係賣到鬼咁貴, 尋晚飯店老闆娘都推介過比我地, 200一個wor=.=...痴線...
魚頭真係咁出名...唔識下又好似有少少可惜...於是我地都係叫左一個黎試下, 要左一條兩斤幾重既魚, 煲左個魚頭湯, 魚身用葱油整...另外加碟菜, 加四個飯, 整左支千島湖啤酒, 呢餐飯就係咁多...
魚頭呢...唔係唔想食, 而係我地都唔係好知點食, 我已經盡量夾左d黎食架喇...魚身呢...比較多骨...不過都幾好食...老實講我覺得碟菜先係最好食...(如果唔係我地都唔會咁快清曬碟菜啦...)支千島湖啤酒都唔錯, 幾好飲
食完飯之後, 幾乎都無討論過, 我地就去左維多利亞KTV, 即係尋晚問過價, 猶豫過最終放棄左既...娛樂場所?!
尋日去都無咁多人...可能因為夜啦...今日上左一層之後...見到八個小姐, 著住條有少少性感, 露膊既紅色長裙...一齊躹躬講”歡迎光臨”
然後, 再有一批著住白色裙既姐姐...好似準備入房咁=.=...
唔緊要, 果d服務唔關我地事...我地要左最細果間包廂...話就話最細, 起香港K鋪黎計起碼算係大房...比8-12個人坐果種size...而我地只係得四個人
收費280, 無限時(直至打烊), 一坐低就送果盤, 送nuts...佢個果盤, 係起酒吧比成舊水先買到既果盤...真係勁大個...咩水果都有少少咁樣
黎維多利亞呢...老實講唱K唔係重點...黎屙屎先係...酒店果個廁所真係臭左D...之後去黃山我都唔expect會有好廁所...所以...趁有靚廁所, 立即解決左先...
呢度既人真係好好服務, 起房門口帶到我去廁所門口, 然後起廁所門口等我出番黎, 再帶我番去房門口...@_@...香港幾時會有咁既服務@_@...(有時我起香港唱K去廁所之後...會唔記得番邊間房sosad)
Lala死都唔肯唱...無辦法...我地咪玩下遊戲...玩下大話骰咁...輸左既懲罰係唱一首歌...我同debby同ringo反正不嬲都唱緊架啦...嬴同輸都無分別...但係lala就唔同喇, 平時唔唱架麻...輸左就要唱wor!! 咁梗係做佢啦!!
我做lala上家...下下都哎到鬼咁大, 我又唔怕比佢開既...佢開多幾鑊, 總有一兩鋪出事wakakakakaka, 而且ringo會跟據我第一次哎既野...黎幫下我XDDD嘩卡卡卡
Lala輸左幾多鋪話? 6鋪=.=? 我都唔係好記得...廢事佢咁難做...輸3鋪唱1首, 明益你啦XDDD
輸到佢唔係幾好老脾, 用曬成間房既cushion黎掟ringo, 掟完ringo就掟我...
Ringo幾乎係一D反抗都無...我就...唔會認輸既, 比人掟完點可以唔掟番轉頭!!!!
唔...大戰左唔知幾耐
唔...好支力...
後期都係得番ringo同debby係咁唱twins既歌...
我地真係唱到佢打烊先走...搭的士番賓館...果個小妹妹負責人都訓左覺lu...唔知係咪我地番黎嘈得濟又嘈醒左佢...尋晚停電停到而家都無搞番掂, 只係局部恢復番電力, 小妹妹幫我地搵過另一間大房
拿拿臨沖涼...拿拿臨訓覺啦...
原本我地熄淨走廊燈, 不過debby話想熄埋佢...但係有一段長時間都無人肯起身熄...最後lala好抵得諗, 起身去搵個燈制...搵極都搵唔到...反而係我呢個仲訓起張床上面既人, 望一望隔離張檯仔上面幾粒制, 隨手一禁就熄左...Lala上番床之後一腳就踢左我落床...話我做乜唔一早熄左佢...我真係成個跌左落床lor唔該=___=估唔到佢果腳真係咁狠=.=....
哼哼, 我份人好均真既, 比人踢左一次落床, 我一定會踢番你落床!!!
(講笑者)
不過起搶被途中, 唔知點解我真係迫左佢落床XDDD sor ar XDDDD
第五日 – 黃山市湯口鎮
其實同無訓覺都差唔多...我地好似兩點幾先訓...但係四點半就起身啦...果時我地以為去黃山艘船係六點鐘開出...又加上我地距離個碼頭有少少距離...所以要咁早起身...
我好似係第一個起身? 我唔明點解呢間賓館自己係無牙膏架啦...我之前日日都係用人地既牙膏架麻...第一個刷牙又用唔到人地既牙膏...結果今朝無刷牙XDDD (拿! 除左我之外, 我記得仲有人無刷牙既!!)
今日開始full gear, 意思係將所有著得既衫都著上身, 著得既褲都著上身...無記錯既話應該係5件衫兩條褲...因為...真係估計唔到黃山有幾凍...我地帶咁多衫黎, 都係為左登上黃山者
著好曬衫之後我又訓番, 直至其他人搞掂曬...出發!
真係唔好意思啦小妹妹...今次真係要嘈醒你黎退房...
行出馬路, 真係無曬人...向住小妹妹指既方向一直行, 行到盡頭果然係有個碼頭起度...
不過係一間未開既碼頭...果個時間係5點45分左右啦...我地都O曬咀唔知點算好...起碼頭門口徘徊左一陣, 見到一兩個唔關事既人行過...之後...終於黎左個開門既阿嬸...話比我地知..去黃山既船, 原來係6點半先開=.=...
唔緊要啦, 都係戇居左半個鐘者...呢個時候Ringo話耳水唔平衡有D頭暈...順便比佢休息下咁啦...
艘船都幾大, 我地坐上層豪華D...船費34蚊...都幾貴...因為船程真係好長, 我地要搭4個鐘頭船先去得到=.=...
上層座位分開8節, 每節都有兩張面向對方既凳...(中文太差...我好似表達唔到我想講既野添=.=...), 中間有張檯...張檯好鬼過癮, 可以前後兩邊拉長...見到入面有個好似好複雜既mechanical system咁...(最驚嚇既係, 打開張檯之後仲會見到有曱甴爬出黎...)
明明話一上船就訓覺架麻...尋晚訓得果兩個鐘邊夠呀...唔知邊鬼個拎左副啤牌出黎就開始玩..
以輸200隻為上限...開頭果兩鋪都係我嬴架...不過之後就好似一直無嬴過咁濟...20鋪之內我應該比人雙炒左3次...拿, 我認其中有一鋪係我比人技術性擊到...炒一次我心服口服...但係另外果兩次呢...我真係...無語問蒼天...鋪牌爛到...我真係...唉...
100隻之後...我同debby數字上遙遙領先...lala同ringo起60隻左右爭持不下, 最令人感到意外既係...起kitty屋企輸左8隻雞翼既lala似乎係技高一籌果位...
當我比人雙炒第4次, 去到170隻之後...大家唔知點解發曬力追曬上黎...起我輸夠200隻果陣...lala / ringo竟然都去到176 (定186隻?) 平頭...
跟住玩左一鋪UNO...不過以太少人玩, 唔夠刺激作罷
之後...大家真係訓覺啦...
我想講...平時我都係一個比較醒訓既人...加上船上面有人起度播小沈陽既二人轉...雖然一D都唔好睇...偏偏佢把聲就係鑽左入我個腦度...真係訓唔著lor=.=...
直至果段二人轉播完...先有機會訓下...不過我都係訓下醒下果D
搭左4個鐘頭船, 終於去到深渡鎮...
我地個plan係...去到深渡鎮, 就搭的士去黃山市中心...或者黃山景區架啦...點知深渡鎮呢個地方...連的士都無...一落船之後, 個船家猛咁催我地行快D...果時都唔知咩事...佢話前面有架車去shè xiàn...shè xiàn wor...都唔知咩地方黎, 行到去果架車既門口...shè xiàn = 歙縣...都係唔知咩地方黎...
問下周圍D人, 如果想去黃山火車站, 應該點去...佢就話去到xī xiàn汽車站再轉其他車...好啦...我地十下十下就上左果架小巴
唔知自己起邊, 亦唔知去緊邊...負面d睇...果陣時我應該係覺得傍徨既...但係...我又覺得幾開心喎, 有少少歷險feel=.=...加上果架小巴播既歌真係好in...竟然播菊花台, 播明天我要嫁給你...播酷愛既普通話版@_@...我覺得...住起果個窮鄉僻壤(好似有D貶義, 但呢個係事實)既人應該一首都未聽過=.=
十下十下, 去到xī xiàn汽車站...一落車就有人問我地係咪去黃山...又話咩有fd咁arm想去...又有個司機有車就黎開去之類...好有呃人既感覺...呢個時候...有個正義既朋友出現左...話如果係去黃山既就入去汽車站買票, 唔好上果D人既車之類...嘩...跟住佢地兩條友呢...好似想開片咁...
買去黃山既車票...咁arm果時就有車開...
上車debby同ringo坐起前面...我同lala坐後面...車上面有一個check飛收錢既女人...ringo同佢傾左陣, 話比佢知我地係想去黃山之類...距離比較遠...我聽得唔係好清楚...佢好似係比左d suggestion我地既...不過上車之後我就訓下醒下訓下醒下...唯一記得既係...架車真係好chock...有一次chock到lala飛左半個身出走廊, 撞到bang一聲=____=坐起前面既人都另轉頭望XDDD
呢程車差唔多又搭左兩個鐘...差唔多1點鐘...無端端比人叫落車...真係無端端...ringo話係聽左果個女人既suggestion...
一落車...有個女人起車門口等我地咁...
真係犀利, 去到大陸個個地方都好似有人等緊做你生意咁...
佢帶左我地入去佢間夢都酒店...個名係好好聽...不過內龍...好麻麻...果個女人就係老闆娘...同我地解釋左好耐...如果想遊覽黃山既話應該點...
原定計劃係起度食完飯之後, 就即刻上黃山, 起山上面訓一覺, 然後第二朝睇日出, 繼續行, 之後落番黎...但係呢...老闆娘就話, 山上面既酒店都好貴好貴, 如果要住平野既話, 就真係得張床, 無暖氣無得沖涼之類...
同我地之前上網睇到既資料有少少出入...果時我地有少少猶豫...暫時決定起佢果度食左個飯先再算...
好味, 一個金華火腿蒸水蛋, 一個回鍋肉, 一個唔知咩筍, 仲有碟炒清菜...我都唔記得幾錢, 總之就好平好平, 又幾好食
食完之後, 果間酒店既另一個男人黎sell我地, 話可以介紹我地去另一間三星級酒店, 經佢地訂可以平D...云云...我地話唔駛住, 睇下呢間cheap cheap夢都係點情況先...叫左個老闆娘開間房比我地睇下...又ok喎, 於是就要左夢都間房...又接納左老闆娘既意見, 先去睇下黃山東海, 睇下九龍瀑
九龍瀑...又係瀑布...尋日先睇左一大堆黎...老實講我真係無乜興趣...不過果時都下晝三點幾...上山真係上唔切...因為五點幾就天黑...
呢個國家4A級旅遊景點...我行完之後都真係無乜印象...
“咪又係一堆瀑布之麻”...我地一路行...幾乎都係直行直過...當行香港D郊野公園咁行...直至行到最尾, 最大最長果兩條瀑...先駐足欣賞一下...果個係卧虎藏龍既其中一個取景地方...不過我都未睇過套戲, 去到都無乜feel...中間有個龍心潭, 的確係幾靚既...如果唔係尋日去過九咆界...我應該會讚得佢好勁下..
來回兩個鐘都好似唔駛...話都無咁快就行完九龍瀑...
番到酒店...Debby先發覺自己唔見左件衫=___=聞說仲要係阿匯買比佢架添...同個老闆娘又傾左陣, 佢提議我地跟團行黃山...如果自己行既話好難預時間...又無人介紹之類...起老闆娘既慫恿下...我地又報左個團...承惠每人一百七十幾蚊=.=...又起果間酒店買左套裝備, 話係用黎套起鞋底,
果時先五點幾...真係無野好做...起湯口鎮行黎行去都無乜野好睇...連佢最熱鬧果條街都ok頹下...
先起超級市場買左聽日上黃山要食既野先...聽老闆娘話山上面既野食好貴好貴好貴, 所以都係自備乾糧好D...同埋又買定左少少野食, for 今晚深夜sharing時間用...
是但搵左間餐廳, 食下黃山既特色野...鐵版毛豆腐...我又唔覺得好好食...另外食左個唔知乜野炒蛋...咸到hihi...完全擺唔到落口...另一個茄子煲...又係咸到...d送都未食曬就走左...
然後去另一間超級市場...見到有D徽州特產...買左d當係手信啦...
就圍行黎行去...都係無乜野好do...於是就番左酒店...開曬薯片冰紅茶...開始深夜sharing時段...
其實深夜sharing都唔係第一晚架喇...日日都有少少sharing時段...不過今晚特別長咁...大家share左D乜野...就唔講咁多啦...同我自己有關係既...可以透露少少既...
(好似係延續番杭州夜晚果餐飯...)
“我覺得你真係好神秘....”
“下? 有無咩例子?”
“er...我覺得你神秘...係會後會之後既事...果時你話你無企出黎做RM PIC..”
“哦....係.....”
諗番轉頭, 原來自己初初上莊既時候, 係咁唔夠決心? 點解我會咁架呢? 我呢D無乜實質工作既人...其實更應該咩多D function黎做...偏偏我只係得一個day trip function...
當然...去左exchange, 想做都做唔到RM PIC啦...但係...AGM果陣時...我又鬼知會去exchange咩...其實呢...講到尾...都係自己問題...唔...唉...可以講既野...其實上年會後會我都已經講左...唉...
今日好似無乜做過野咁...花左半日黎搭車...夜晚又無野好do=.=...
D人係要搶被架lor唔該=___=
第六日 – 黃山
約左司機七點半起酒店門口車我地...我地0715先去到酒店餐廳...食個餐蛋面...個面真係好普通...唔知點解我都會覺得超級好食=.=...
七點半落到酒店門口...個司機都唔準時既...初頭我以為係一架旅遊車兜曬成個湯口鎮咁多間賓館/酒店(之前去華山都係咁)...所以覺得佢遲少少都acceptable...點知...佢係一架的士黎接我地@_@..真係估你唔到呀下...一上車個司機就比左四頂帽同埋nametag我地
一車車到去黃山雲谷索道既入口...已經有成班帶住黃色鴨仔帽既團友起度聽緊導遊講野...去到仲要另外比索道錢, 又收左六十五蚊...入場票果度...導遊同我地即場買學生票...要我地交出學生證先...個導遊一睇......哦...xiang gang da xue...
之後個導遊都係用”xiang gang da xue de xi wei tong xue”黎稱呼我地=.=...
先去搭索道...索道/纜車/吊車我搭得多, 好似呢條索道咁既款我真係第一次搭...無得坐架lor唔該...半層巴士咁大...我諗唔多過10個坐位...其他人全部要企...好似話一架吊車可以載到30~40人...架車都ok逼下...好彩我地係最遲上車果D, 企近窗邊可以睇下風景...
睇住下面既苦力咩住d勁重既野...無睇錯既話好似成張檯咁搬上去...行路上山...我即刻諗起阿亮起proposed year plan入面propose過既function...人坐。我行。行上昂平360=.=....
落車果個位, 叫做白鵝嶺...好似已經係海拔1千6/7百米...黃山最高既蓮花峰都只不過係1864米...我地真係要再上升既高度真係好少好少...
一落車就有人問我地影唔影相...其實我地個個都拎曬相機啦...我都唔知佢問黎做乜...不過果時無野做, 因為一架車裝唔曬成團人...等緊後半團既人上黎既時候, 就睇下佢地影出黎既相...
真係唔睇都無咁燥, 張張相都係用photoshop執出黎既...是但搵個藍佈景影完之後即刻就key到落去...咁我做乜要搵你影者=.=...我自己上網搵張相影都得啦...正當我地對住佢地既sample 指手畫腳既時候...大罵佢地無厘誠意既時候...佢地都仲係要過黎sell=.=...
等左陣, 終於等齊人, 不過仲要等下導遊介紹下黃山...黃山以奇松、怪石、雲海、溫泉四絕著稱...奇松好易睇到...一陣會講到...怪石呢...怪唔怪, 各石入各眼啦...我好似淨係留意到飛來石, 其他都無睇到...雲海...鞋...臨走前睇倒少少咁啦...溫泉, 算吧啦...
「五嶽歸來不看山，黃山歸來不看嶽。」黃山係勁到呢個level喎...真係要落足眼力睇下
等左一大輪終於開始行...一黎就向光明頂盡發！
行左一大堆樓梯...尋日起酒店買落果套防sin裝備完全無用...起成堆叔叔伯伯嬋嬋婆婆中間行...速度真係比較緩慢...
不過慢有慢好, 因為我地更加慢XDDD我地行山唔會拎好大個袋, 為左方便行動, 我地四個人既物資全部擺曬起ringo個campbag度XDDD真係辛苦曬你啦ringo XDDD所以ringo都行得ok慢, 又加上debby同ringo都要喪影相...無辦法啦...都要等埋佢地
行到電視台附近...好似話果度起緊一條新既索道...起好之後會係全中國...唔知最高定最長既索道...起果個位仲可以望到飛來石...
起一個岩石平台上面...有一塊ok高既石企左起度, 果舊石個底部唔係好大, 接觸面唔多, 就係唔知點解奇奇怪怪零零舍舍有舊石企起果個位...見佢咁特別, 就比個名佢, 叫做飛來石...
我地望果個位都ok遠, 好似由彌敦道頭望到彌敦道尾咁樣...真係好細粒...我zoom到盡6X都係好細粒=.=
繼續行, 行到一個位停低, 又聽下導遊講野, 望遠處有舊石好似觀音定乜野咁...距離太遠, 聽唔清楚, 亦都無興趣聽=.=...
又繼續行, 去到光明頂...海拔1860米, 唔知我之前去華山有無行到去咁高既地方呢? 如果無既話, 呢個就係出世以黎踏足過海拔最高既地方...去到又無乜感覺...好似無乜特別咁...都係睇相算啦
呢張相我影既, 我覺得真係超級正
果個位已經有人留左支國旗起度方便人影相, 有咁順既野我地梗係唔執輸啦XD
果度仲有個指示牌寫明今日睇到雲海既機會率係幾多, 睇到日出既機會率係幾多=___=勁搞笑...
起果度影相影左勁耐, 影到我地成團人都走曬=.=...
落左一大條樓梯之後, 就去到一間餐廳, 又見番個導遊, 原來已經係午飯時間...我地拎番尋日買左既蛋糕出黎食...同埋...我又開埋最後一支酸奶黎飲XDDDD...雖然之前影相影左好耐, 起呢個食飯位我地又剛剛好追番D時間, 完全無浪費過XDD
食完飯...又比個導遊撇甩左...我地行得真係太慢=.=行下行下其實都唔係好知自己行左去邊...不過見到遠處仲有D戴住黃色帽既人就知無錯...
沿途見到有橋夫用橋抬人上黎...坐橋果個真係舒服到呢...睇下價錢, 又唔係好貴炸bor@_@...100兩個人? 唔駛好有錢都afford得起...不過我會有少少驚d橋會爛lor...用竹既橋...chock多兩下都變彎...
一路行...都唔知睇到D乜...不過d景靚呢個就真既
行到一個位, 棟左個牌, 叫做百步雲梯...起果度停左一停...ringo話比個袋我咩到上去先轉番比佢XDDD 好啦, 都無理由要佢一個人咩足全程...就幫佢咩下
諗住都係得100級者...不過都真係行到我索曬氣...
我地帶黎既所有衫褲鞋襪都係為登黃山而設, 我著左六件衫兩條褲黎登山...我耐熱耐寒能力都算高架喇, ringo lala debby行到光明頂已經除左幾件...我係黎到呢條百步雲梯真係頂唔順, 熱到爆炸lor...仲話咩1-6度...呢個溫度其實我都唔係幾妥佢架喇...有乜理由黃山山頂會咁暖架...大帽山都係咁上下呢個溫度喎大哥...
Ringo同debby起後面又行左鬼咁耐先上到黎...後黎問番佢地...話停左起中間傾計wor=____=吹脹...
我同lala休息果個位...就係上蓮花峰既...不過唔知點解呢排封左唔比上...蓮花峰先係黃山最高點呀...哎...
果度仲有個小食店...貴到喊, 10蚊3條腸...又見到有個牌寫住住宿幾錢...好似都係200蚊左右...個價係acceptable既...睇個牌...都知, 的確會係好似酒店老闆娘咁講...真係得個床位果隻
亂咁貼D相先
等到人齊, 繼續行...唔知行多幾耐...就去到王屏索道站喇...果度就係我地走既地方...不過未夠鐘, 繼續向前行多陣...去睇送客松同迎客松...
送客松都無乜特別...好似話06年既時候, 原本果棵送客松死左, 而家果棵係另一棵黎既...
迎客松就堅D...睇落好似一把半邊遮咁...果個位直程起埋欄杆比人排隊影相=.=...我無理到佢...自己搵左另一個唔影響到人地既位影XDDD我覺得都影得唔錯丫...
迎客松後面仲有個大雪山, 真係好鬼靚...
我地爬左上去迎客松附近一舊大石上面影相...用個雪山黎做背景...當debby, ringo都影左之後...輪到lala la, 呢個時候有兩隻馬騮起山邊斜坡爬上黎...真係藝高人猴膽大...果D位真係行錯步都跌死猴...
佢地爬到上黎之後...又唔肯走...無辦法, 我幫lala影果張已經有隻馬騮做背景...幫lala影完之後掉番轉黎影, 我爬前少少讓番個相機位出黎, 點知隻馬騮完全當我無到, 繼續爬上黎...
咁寸咀既馬騮我都係第一次見, 為左個張相, 果時我諗, 無理由淆隻馬騮底者下化, 我向前踏多半步...微微裝兇諗住嚇走佢
點知佢e起棚牙, 起曬鋼咁, 仲要怪叫...後面成班人叫我小心D, 唔好惹佢, 好快D落番黎之類...
我都係唔心息, 退番半步, 釋出少少善意...但係隻馬騮就得勢不饒人, 步步進逼, 向前踏多步, 並且保持佢既態度...好似想打我咁...
好lor, 你擺個咁既款出黎, 咁我唯有落番黎lor...結果就係我影唔到果張相>_<
落番黎, 諗住走啦...點知當另外果隻馬騮都爬到上舊石果度之後...佢地兩隻情到濃時, 忍唔住拍番套馬騮強狂插馬騮蓮...(改篇自芥蘭強狂插菠菜蓮, 唔好問我點解芥蘭一定係強菠菜一定係蓮=.=)...阿強既身法真係快到無人能及...衫都唔駛除, 說時遲那時快已經爬左上去...旁觀者無不嘆為觀止...阿蓮好似未準備好阿強話黎就黎...起度放聲大叫...真係唔知係呻吟定係哀叫...
對animal sexual behaviour有興趣既朋友可以聯絡小弟, 雖然阿強身法係快, 我部相機都唔慢, 片我都拍埋, 有16秒足本版本...XDDDD
影曬相, 要走喇...就行番去玉屏索道...臨行前竟然見到雲海開始形成, 見到山峰...又未到峰既位開始有d白霧咁上下既野...而且越黎越濃添...我相信起果度等番一兩個鐘, 應該真係見到雲海架...可惜丫...比個導遊猛催話要走...
落番山...行去搭車之前經過一間中國郵政...入去睇下郵票, 明信片之類既野...果疊黃山明信片真係靚到飛起, 連我呢個平時0個購物既人, 明知買番去好有可能會後悔, 都買左一疊...心入面起度呃自己話...有機會既話, 可以寄下比同學架麻...
(不過...根本就唔知道D同學既地址=.=)
跟住就上番旅遊巴...去左D強迫要參觀既黃山市科學蛇類動物研究所...唉=.=...都預左要黎呢D無聊地方架喇...入去好似上lecture咁, 同你介紹下蛇有咩藥用價值...仲拎左個蛇鞭標本黎比我地親手掂下=____=
都幾核突=.=
跟住又有杯蛇X酒...48度...應該係我呢世人飲過最烈既酒...真係好似飲熱水咁飲法...一飲落個肚, 完全feel到d酒流到去邊度...雖然係勁細杯, 都飲左我幾分鐘先飲完...
飲完酒, 又有人過黎做下足部按摩...其實...真係按摩得好求其下...求其lin幾lin就話按摩...
成場廿幾個人...又真係有成廿幾個按摩師wor...而且仲要有曬制服, 個個都係著adidas既褸出黎...adidas...好貴架起大陸@_@...幾百蚊件...1/4個月既人工...呢個研究所竟然買得起咁多件adidas証明佢地都幾有錢...
呢間野隨左賣蛇類中成藥之外, 仲有賣寶膚靈
“從前呀, 寶樹堂的人有一個很殘忍的表演, 他會先燒紅一條鐵鏈, 然後徒手拿著他, 然後立即拿寶膚靈出黎塗一下...現在已經取消了這種表演了...但寶膚靈的確是很有效”
按摩下, 飲完酒, 又幾好訓wor...坐坐下就訓著左, 矇曨間聽到間sales好落力咁向debby同ringo sell緊寶膚靈...
估唔到, 我訓醒之後, ringo就買左一樽...成百幾蚊=_____=
上番旅遊車, 送我地番到酒店門口, 呢個黃山團就結束喇
託老闆娘幫我地搵左架的士, 一車車到我地去黃山火車站...4個人80蚊, ok啦, 果度車程唔短架...搭旅遊巴都要成粒鐘先到...起碼都六七十公里...沿途睇到日落...真係幾鬼靚
搭左粒幾兩粒鐘先去到火車站...一落車又有人過黎sell野...sell餐廳=.=...sell可以寄存行李
拿拿臨去買火車票先...有兩班車都去到
K8420, 1915 - 0939
K784, 2211-1032
原本想搭K8420, 早D去到上海玩多D野丫麻...不過呢...呢架車...竟然無曬卧鋪...咁就算啦XDDD我不嬲都唔讚成坐12個鐘...由北京坐10粒鐘去呼和浩特我都想喊...加上...聽聞屯溪老街都有D睇頭, 於是就買左K784既卧鋪...不過都無得連埋一齊訓lu...
都幾貴, 要成一百七十幾蚊...Debby黎到買火車票既呢一刻正式宣佈破產
買完火車票, 剛剛sell野果個人仲係死心不息咁跟住我地...煩到喊...
是但上左架的士, 去老街...一上左的士ringo就嗔笨喇...話點解唔寄存行李呢?
對唔住我真係完全無諗過sosad...我個袋太輕喇sosad
估唔到黃山市會有條咁熱鬧咁繁華既街, 我覺得連杭州都比唔上呢度咁繁榮...名牌商店多到好似香港既7-11咁...李寧既隔離係nike, 隔離係adidas, 斜對面又係李寧...會唔會多左D呢=____=
我知我既衫係少左D...但係都唔駛局我入去買衫下化sosad....
行左陣, 搵到酒店老闆娘推介過既老街第一樓...好古色古香...個金漆招牌真係閃閃生輝....
成個團黎講, 呢餐飯都算係食得最有氣派, 貴得黎好食, 又最舒服既一餐喇...之前餐望湘園食辣野食到好刺激, 之後食小籠飽又要成腳濕曬咁食...
叫左個燉雞煲, 一個炒菜, 一個炒飯, 一個唔記得叫咩名既小食...
個燉雞煲睇落真係好大個...點知...有3/4既空間都係呃人既....係用黎long起上面個細煲=.=....算啦...呢個雞煲係幾好食既...應該話呢餐飯overall黎講都真係唔錯...
另外仲要點名讚一讚佢個靚靚廁所...我又起度辦左一辦大事
食完飯之後...Debby去廁所...Ringo去梳洗...原因係...預見到今晚無得沖涼先面....所以要先起呢個靚靚廁所解決曬所有問題先...
都唔知佢地係咪約埋既...去完廁所之後......等左勁耐都未落番黎...等到幾乎有D燥...抬頭一望, 見到佢地坐埋一邊傾計=____=...完全ignore我同lala=.=...
食完飯, 繼續行...老街, 基本上行左一半就得...反正果堆鋪頭買既野黎黎去去都係果D...一係文房四寶, 一係東北三省果D俄羅斯商店, 一係茶葉...一係小精品....d精品店賣既精品都係一樣架lor=.=...
徽另一樣出名既野...係文房四寶...老街賣既毛筆, 最大枝果枝, 真係用黎做掃把都嫌太大=____=
行過一間專賣用竹mi同鐡線kiu出黎既小動物...真係幾靚幾得意既....果個藝術家拎起條龍, 扭比我地睇, 話點扭都唔會爛...就算擺落背囊度都唔怕壓爛...仲即場扭比我地睇...又真係無呃我地wor@_@...
Ringo同debby睇到對眼發曬光咁...即刻問話買兩條龍要幾多錢...原本話開價4x蚊一條? 見我地兩條就話80蚊...我地未講野...已經自動降價到70蚊...
黎到呢個殺價時候...應該開價幾多? 其實開50蚊都不為過...不過ringo同debby似乎真係覺得貴D都值, 唔想殺到咁盡...話不如開60...我同lala話...開60既話, 佢還番65比你就deal架啦wor...ringo話ok...咁...咪ok lor
點知一開60, 老細即刻deal左...
“哎, 柒左添呢鋪!”
60都即刻deal, 即係話就算講到50蚊都無問題啦=____=
佢地兩個行得好慢, 去到間間鋪頭都要睇一睇咁樣...我同lala好多時都係直行直過=___=
就係咁, 我地分開兩批行...我同lala行到去老街尾再行番轉頭搵佢地=.=...
大家企起老街中間...研究下影相既問題...
起果個咁黑既環境下面呢...我成日都覺得, 用全自動既相機真係好難影到靚景又影到人...通常auto情況下都會開左閃光燈...於是快門勁快...只會起張相見到個反曬光既人...但係個景又會勁黑...
不過又有D機可以影得唔錯...
我通常都要自己較下...快門慢D, 隻手定D...ISO可能高番D...盡量唔開閃光燈...通常都可以影得幾靚既~~~
行完老街都仲有D時間...多到可以行番去火車站
雖然唔係好識路...不過我地都無行錯過, 順利去到火車站....勁準時上車@_@
2211...開車...大陸既卧鋪...慣例都係2230熄燈....鞋...上車無幾耐就熄左...
Debby / Ringo / Lala / 我咁樣坐...Lala話寫明信片...起無野do既情況下...又拎左部相機出黎玩下....研究下起果個幾complete darkness既環境, 只有一支電筒既情況下...點樣影到人之餘又影到佢做緊乜野...
真係好難架...如果就咁用一支電筒, d光源會太集中, 成張相就只係得一個地方光...之前睇書學過, 可以用一張薄薄既紙巾遮一遮, 個效果已經可以好左十倍...我用左一個透明筆袋黎遮, 果然得左...
然後就係擺位既問題, 個火車係咁震震震, 白手要開1.幾秒快門而唔震根本無可能, 所以要借助火車上面既檯同窗邊...又要打燈又要搞arm角度, 真係幾難
玩完相機...又到深夜sharing 時段
1.我認我係會自殺既人, 呢度我既意思係指, there exists some case that would drive me crazy and commit suicide... 但係你唔好問我果個case會係乜野...另, 原則上讚成安樂死
2.做左廿年人, 暫時都無乜野真係令我極端地灰丫...老實講暫時我都覺得我人生尚算幸褔, 道路尚算平坦, 算係無乜阻濟
3.我覺得...神...is the first reason.
4.拍拖呢樣活動, 堅係要用錢既....
原本係兩個兩個咁傾...後黎搵到另一節床位, 咁arm下面兩格床都無訓, 就比我地佔據左用黎吹水...
“我又唔覺得拍拖真係要用錢wor...如果真係鐘意對方既, 只要起埋一齊, 做乜野都會好開心”
電台節目呢個位呢...雖然真係好好笑...同時我都覺得有D無奈lor=___=
“喂你好, 張先生, 請問你有D咩想分享呀?”
“我分享d野...唔arm聽架wor...”
“唔緊要啦, 分享下先啦...”
“我講五區總辭你地arm唔arm聽丫”
我真係唔覺得在場會有人有興趣講呢個話題=___=結果又比人焗住講...其實, 起果個鐘數講呢個話題咪盞搞到人訓著...
真係要催眠既話...我大把催眠話題sosad...討論下大家做人既原則...
(以下呢堆話題並無起火車上提出=____=只係我諗到我會講呢D野者..)
將一個人既外在修飾全部除去之後, 究竟會淨低咩野?
我人生...暫時都未搵到意義, 真係混混噩噩咁存在...我既存在或者同一舊垃圾無乜分別...可能從人地既角度睇, 覺得垃圾都可以再造, 都有佢存在既意義...但係一舊垃圾自身未必feel到...係外在既...內在既我都唔知做緊D乜...
係, 我係混混噩噩...不過我比大部份混噩既人有一個優勝既地方, 起碼我認識到呢個事實先...
(2010_02_05按: 穿越一下未來先, 而家有感而發, 想將幾日前同莊友食飯既感覺講下)聞說阿Tiffany去完旅行番黎之後對人生有種新既體會...係對”開心”呢個問題既探討...
做人為乜者? 我答你唔到人生的意義係咩都好, 起碼都答到你”為開心”lor...
點樣尋開心呢? 開心...要起出面搵...定係起入面搵呢...?
(又黎喇, 又有D聽到厭既說話)知足常樂, 呢四個字真係至理名言...人既慾望永遠唔會滿足到...與其從外間尋找事物黎不足...倒不如自我調較一下心理...
有少少消極, 亦都有少少令我撻皮...衰D講句, 我就黎將呢句說話扭曲做”只要較低條底線, 個人咪好易滿足lor”...某程度上都錯唔曬...
底線起邊度...又sip及其他人生觀喇...唉, 想得太遠
一個人既生活態度...隨左愛情觀之外其實仲有好多野講既...不過唔知點解行社...d人特別鐘意八掛人地既戀事者sosad
講左陣五區總辭...ringo同debby都話訓覺先...留低我同lala繼續講...
其實...黎睇我xanga既人...有幾多個知道進念二十面體係咩黎=.=? 我就咁諗...都諗到六七個人會知既...不過我諗都係唔會多lor...
有機會真係要睇下東宮西宮...
原本再傾耐D都仲得...點知好快架車就埋站, 有個人上黎話要訓我地坐緊果個位...咁我地就番番之前果個位傾啦...一個票務員行過...有少少阿媽教仔既語氣咁問我地點解仲唔訓...
好lor...咁我訓lor...
第七日 Last day – 上海
都未訓夠...就比D歌嘈醒左...普通歌都無咁容易吸引到我注意既, 偏偏佢播中樂, 仲要播吹笛架添...笛都算喇....你播D 三五七梅花三弄我唔熟既都好, 偏偏播D我熟既...attract左我...無喇...訓唔番
1032到達上海...大家起火車訓左一晚之後, 只好學張學友唱一句”髮型又亂了”...訓火車唔知點解特別對髮型做成嚴重影響...之所以上年我番黎mock camp下莊果陣, 個頭可以令人咁impressive就係咁解lor...我地只不過搭左12個鐘火車, 個頭都搞到咁, 我由北京搭番黎香港要成25個鐘, 可想而知有幾worse...
一落車, 先去麥記坐低食下野先...大家自從落左車之後都唔敢除帽...因為個頭真係唔多見得人...唯獨係我...因為頭髮比較短無呢個問題=__=..Debby同Ringo嚴重到話要去搵Salon洗剪吹下lor...原本諗住佢地只係講下...點知真係付儲行動...好彩佢地搵唔到者=__=如果唔係等佢地果陣都唔知做咩好...
離開麥記之後, 見到遠處有間郵局...就入去等各位要寄名信片既人處理一下...無野做既我企埋一面見到...2010上海世博會既廣告...原來已經去到預售門票第三階段...而家買係平D架...
揭果本上海旅遊書揭左好耐都唔知去邊好...最後見到長樂路好似幾ok咁bor...就搭地鐵去到黃坡南路站...
呢條長樂路有咩特別呢...? 我地係見佢有好多特色boutique...特色商店先去...不過呢...一來今日落雨, 去到個人已經灰灰地...去到果條街我又唔覺得好好睇bor...
入左幾間鋪頭睇, 都覺得D衫真係貴得好緊要...入左間便利店買下野飲...參觀下上海某公園既公廁...(後黎check番google地圖, 原來果個係叫做延中公園...)
(編者按: 真係越寫越頹, 寫到呢一度已經係2010_02_06既朝早...等緊AGM開始...唔知做乜好...)
忽然見到對面街有個地下商店城, 就走入去參觀下, 近門口有間野個店員係廣洲人黎既, 識講廣東話...Ringo同Debby好興奮咁衝左入去睇衫...呢個人...好似係我地成個團入面遇到唯一一個識得講廣東話既人=.=?
我覺得...由佢開口講廣東話果下, 就已經注定佢會做得成Debby同Ringo既生意...Debby就犀利啦...破左產都仲要繼續買衫...
繼續行...老實講我行多陣都唔係幾想行=__=隻鞋又入水...件羽絨又索水=__=...d boutique我又無乜興趣...條街又真係好鬼長...成3公里咁長=___=
行過一間鋪頭...係我唯一一間記得清楚既...入面有條好長好長既運輸帶, 將d衫不停咁來回間鋪頭既第一二層咁轉...個裝置好吸引我既眼球...其實有D衫都吸引到我既眼球...不過一問下個價錢...走lu~
都未行完條長樂路...就轉左去常熟路站...搭番地鐵去黃坡南路站...再周圍行下...
途徑少林足球其中一個取景既地方-上海時代廣場...即係...吳孟達第一次見到周星馳既地方...? 我地都唔執輸...起果度耍下功夫影下柒相...
繼續行...去到一條有好多海鮮燒烤既街...見到有燒烤龍蝦...好似好吸引咁, 就是但入左一間食啦...
D待應既服務態度都幾差...十問九唔應咁...但係入到去又話無龍蝦食wor...好彩其他野真係幾好食, 我地點左幾隻扇貝生蠔...金菇香蕉, 全部都好好食~~~~
食完第一間之後好似唔係好夠喉咁...因為無得食龍蝦...於是去左對面一間同類型既店鋪...問明左有龍蝦食之後先入去...點知間野其實都係無龍蝦食既...佢只不過去隔離鋪頭買過黎=___=
D烤龍蝦同我地想像中差好遠, 以為係烤一隻大龍蝦比我地, 點知係一斤好多隻小龍蝦...同平時食蝦無乜分別...d味道都差唔多...
(聞說ringo同debby因為食完呢D海鮮, 第二日番到香港就屙左一大輪)
繼續行...最終目的地係南翔小籠包...原來都幾遠...行左好耐, 一路問左好多人先去到...
南翔小籠包都幾寸, 一樓淨係得外賣...係普通鮮肉包...二樓有得坐, 而且食既野唔同D, 又貴D, 例如蟹粉小籠包咁...三樓最貴, 食物再高級d...例如魚翅蟹粉小籠包
我地去左二樓食...一樓要排隊都預左架喇, 只係估唔到連二樓都要排一排隊先入到場...直到我地坐低買野食, 點完菜之後先知原來每個人都有最低消費...高達RMB60...結果我地叫左一籠蟹粉小籠包 (RMB60), 一籠組合A小籠包 (RMB65)...一籠普通小籠包 (~RMB55), 以上一籠有6個包...另外再叫左每人一個灌湯小籠包(22@)...
其實呢...d蟹粉真係少左D, 食左入口都feel唔到有蟹粉既...真係要自己Liu開個包先睇到有少少橙色既野...個組合A小籠包好似幾好食, 不過我都唔記組合A用左咩材料...
最尾果個灌湯小籠包...d湯真係熱到癲...但係佢又比條普通ok粗既飲管我地, 第一口飲既時候真係辣到個口爛左...嘆凍左好耐...飲落口...第一啖就覺得, 嘩, 乜咁重胡椒/薑味既? D味好濃...濃到其實我覺得麻麻...飲曬湯之後, liu開個包黎食...嘩, 入面, 無料到既...
一句講完, 我覺得呢個灌湯小籠包認真麻麻...
食埋呢個最後的晚餐, 就要走喇...搭的士去番中央廣場站, 再搭地鐵去龍陽路站, 再搭磁懸浮列車7分鐘去到機場...真係快到癲, 兩分鐘就由0km/h加速度最高時速300km/h...
起機場個櫃位見到東方航空唔知點解好多班機都延誤定取消左...唯獨係我地番香港班機無受影響, 真係好好彩
最後呢日起上海真係好鬼hae=__=
我地比較遲黎登機...要兩個兩個咁分開坐...
後記...
呢個團, 都幾正, 真係去得好開心~~~
去既地方好
上海唔好講啦, 上海唔係我地黎既目的...杭州西湖堅係靚既, 雖然我地黎既季節未必好arm...最起碼我地唔駛見到一大堆遊客...而且, 冬天有冬天既景睇丫...千島湖...雖然係垃圾, 係一個剛剛晉身為5A級垃圾旅遊景區, 都要黎一黎既, 等自己死左條心...以後唔駛再黎都得...九咆界, 呢個係意料之外...黎之前都有D擔心呢個地方無料到...結果反而係最surprise既地方...夜晚唱K呢個附加活動的確唔錯XD...黃山...如果可以唔跟團咁行可以再好D...可能係因為之前對佢期望太高, 上到黎反而覺得無乜野...不過, 點都要讚下, 堅係靚既...
團友好
呢四個人既配搭幾好丫, 搭的士唔會人多得濟...勉強可以一間房就算, 而且四個人都唔係果度麻麻煩煩好多要求果個type...大家都係okay隨意, 唔會介意咁多野...又, 四個人都算係體力充沛, 唔駛行下停下行下停下咁
同埋呢... sharing 時段係隨時出現...搭火車有, 臨訓覺前又有...呢個團都算係加深左我地四個人之間既認識~
(我咪有條問題無答到既...我有答案既...不過我自己都唔係好相信果個係答案..如果有機會出黎飲下酒, 嘗試下灌醉我睇下我會唔會答啦XD)
日子都幾好
完全無煩惱, sem break呢個時候...我連FYP都抛諸腦後~~~~
而且RMB1800+HKD1503~~~夾埋都係HKD3500左右...呢個價錢好acceptable啦...又保留左再黎上海既機會, 華東我地都未行曬, 起碼仲有蘇州南京無錫等等都未行過~
仲有~~穿州過省既感覺真係好正~~上年exchange果陣去旅行只係去一個地方, 跟住就番黎, 今次唔同喇, 由淅江省去到安徽省~~~覺得自己去旅行好似升左一個level咁~
我要踏遍大江南北呀~~~~~~~~~
Recent Comments