番左HKU...全日都係同Lala, Debby, Ringo講下去旅行既野...
按目前既行程黎睇...我地會去好多唔同城市...但係每個城市都係走馬看花
以單獨一次旅行黎講, 其實唔係幾好
但係保留左我之後再去既可能性
好似...哈爾濱果D, 連雪鄉同...亞洲之窗都去埋...再去都無乜意思...(或者話...睇下同咩人啦...)

由一點講到六點...再落銅鑼灣恒隆...意圖book酒店...當然係失敗收場....

再去沙嗲王食飯吹水...一吹就吹到十點幾十一點=_____=

又講下尋晚做左d咩先…

某某人…走上黎打AOC…真係…吹脹…

又唔係成玩, 下次不如我跟佢玩civilization算…

起拳擊日既早上…同親戚飲茶

(謎之聲: 用錯字添…唔得…要光速逃離地球…)

我呢d二打六, 只需要physically exists, 就得啦

不得不欽敬某人…能夠起post-doc既level依然文理雙全…

跟住去Kitty屋企玩...由於時間尚早...先起中環創聲打左鋪機先落香港站...join左Debby先...去到青衣站再join下莊...

第一次去...係起青衣坐浩賢架車去...
第二次去...係968=>264M...呢個搭法真係貴到傻左...

今次去...起青衣上264M...

今次真係勁多人...

43莊代表有阿金

44莊代表有Sally, Kitty

45莊代表有Billy, Debby , West, 浩賢

46莊代表有Ringo, Lala, Hilda, Iris, Jacky

最驚奇既係連47莊都有代表...Tersea, 兩個Martin

打下Wii...打下麻雀...鋤下Dee...cum下綿胎...

真係要搵機會同Lala鋤下Dee先得, 好似好易嬴咁...嬴左就有專人燒雞翼...唔錯唔錯

下次真係唔可以咁懶就咁將d野食擺起個網面上面燒...咁做法...只會為個爐增添多一舊燃料...

根據上次去Kitty屋企既經驗, 我係唔適宜同Sally, Kitty, Billy果個Level既人打牌...

去埋今次之後...呢個list要加埋Ringo同Jacky...

個個食糊都係七八九番咁食...度度都做清一色...仲要係自摸果隻...

Debby坐落去果下注定要蝕錢=.=

打到最尾果幾轉...如果抽中其他家做緊果d花....自己又叫緊糊...出面又無乜果隻牌...棄糊又唔甘心...真係好難決定...

多謝浩賢車番我地(莊或以上)出荃灣XD

起荃灣食埋糖水先搭小巴番屋企, 超正, 轉到入荷蘭街XDDD

今晚搭呢班小巴...真係...幾體驗到小巴司機既合作精神

我起荃灣上車, 係唔駛比錢住...佢車我地去到葵涌, 叫曬我地落車上前面果架...然後架車去到荔枝角, 又停左起度等客...係等後面架小巴...放其中一個乘客上黎我地果架...雖然我唔係好知咁做為乜...總之就反轉左我對小巴既睇法, 我一直以為一個小巴司機...行一轉載幾多客就賺幾多, 原來唔係架bor, d客係可以share架bor, 而且係有一套system咁share...搞到好似變左綠van咁...

是日聖誕…

這類普天同慶的日子 – 宜 – FYP 開工

其實好似都係乜都無做過咁…成日就係咁起屋企hae…

講番尋晚做左d乜野先…

起24號呢個咁平安既夜晚…

我出現左起一間灣仔既教會…因為…要陪阿媽去…

問題又黎喇…點解阿媽要去呢…因為某D人起果度bor…

有趣有趣

我xanga都應該提過…有d人總係缺乏抽象理解既能力…

以下係好簡單既三段論

所有貓都食魚

我食魚

所以我係貓

好容易就睇出個謬誤起邊

但係如果話

所有A都係B

C係B

所以C係A

幾乎係一模一樣既論調, 換左做ABC之後竟然就唔識

事實係, 因為知道我並唔係貓, 所以知道佢錯, 而唔係意識到個logical flaw…

然後問佢, “點解男女平等?”

佢列舉左一大堆男女不平等可以做成既問題…但係…用例子去解釋並唔係一個constructive proof…而且…佢提出黎既例子, 只適用於”一個有男女平等思想既人VS一個無男女平等思想既人”…唔需要番去遠古時代, 就起呢個時間, 呢個世界, 某d地方…女人心甘情願地認同男女不平等既講法…

男女平等 is always true. 你話呀?

【明報專訊】4天逾60萬點擊 盼吸年輕人來港

一年前，香港學生林氏兄弟憑結合打機互動元素的自編自導短片《電車男追女記》，在香港YouTube上打響名堂。一年後，他們獲香港旅遊發展局邀請，拍攝有日本《死亡筆記》影子的《宅男最後的120小時》短片，進軍台灣年輕人市場。結果，這奇招在台灣取得空前成功，短片上載4日，便取得逾60萬次瀏覽，不少台灣人還嚷覑要來港過聖誕。

《宅》繼承《電》的元素，只是影片主角變身成台灣宅男，在西門町意外遇到聖誕精靈送他一本「孤獨筆記本」（Lonely note），限他在5天內追到指定的女孩，否則就孤獨一生。主角遂隨精靈到香港，同一時間邂逅活潑的香港女孩Nami及文靜的台灣留學生珊珊，玩家可自行選擇追求哪一位女角及故事發展。

周星馳式笑料 加台潮語

為軟銷香港，「大腦」林氏兄弟──慧韜、慧韡將故事場景發生在不同景點，既有浪漫的山頂，亦有刺激的主題公園，還有蘭桂坊、廟街、馬場及昂坪 360等。為了迎合台灣市場，兩人亦加入「擘腿」等地道用語，旅發局亦提議他們加入當地人甚喜愛的「瀨尿牛丸」等周星馳式笑料。短片一上載，果然大受歡迎，不僅點擊率爆燈，亦引來當地大量傳媒報道、博客轉載，大收宣傳之效。

借「小周慧敏」製造話題

短片成功，背後亦有賴精確計算。旅發局台灣辦事處處長王萬民說，故事早已設有兩位女主角，當中一個來自台灣。他表示，挑了有「小周慧敏」之稱的大學生陳匡怡，除其形象健康，亦因看中其美貌能製造話題。

為讓短片在上載幾天內，能火速熱爆網絡，該局亦特別在facebook上設計了「宅男指數」測驗及賣廣告，以「疑似周慧敏復出」為題，引起網民注意。王萬民說，該局亦同時做了些分析，才決定將短片上載成為YouTube哪類型片段。他解釋，要在娛樂類別中成為瀏覽量之冠，每日至少要有逾2萬次點擊，但若要在電影類成為最熱門片段，每日只需8000次點擊，據以往經驗所得，該局有信心將短片放在電影類上，便可成為最熱門片段，加速網上傳播。

有台灣網友已留言，希望來港過聖誕，更笑言希望像主角在聖誕樹掛上黃絲帶後，便能遇上美女。王萬民說，從當地業界資料所得，聖誕來港旅遊的預訂已爆滿。據旅發局資料，台灣訪港客群58％是年輕人，當地互聯網滲透率是亞洲第2高，facebook的增長率逾兩成，也是全球最快，加上費用較在電視賣廣告便宜，像是次宣傳只花了少於30萬港元，故他表示日後肯定會繼續以網上平台推銷香港。

《宅男最後的120小時》短片網址：
www.youtube.com/watch?v=f58Ns8go-Ro

我覺得上兩集好玩d

小小總結

一、
有無神, 不能被驗証...所以, 我覺得無論我選擇成為一個有神論者定係無神論者, 都只會係基於一種信念

我覺得呢個世界, 如果有神既話, 會有希望d, 所以我會選擇成為一個有神論者, which is a 非理性既決定...呢個"非理性"既意思...唔係話我明明可以理性解決, 但係選擇左一種感性, 直覺式既決定...而係話, 呢個問題無理性存在既地位

如果勉強要搵一個解釋, 可以話...無神論者既oppotunity cost 比有神論者既大

不過...起呢個問題上面搵解釋係毫無意義, 因為, 繼續proceed落去既時候, 一定會有把聲音係出黎challenge個信念, 唔係pure, 係有d好material既factor推動緊

二、
人死如燈滅?

同上面既問題一樣, 無法驗証...

我會選擇...相信人生只係一個中途站, 純粹係因為會令自己會好過d...

三、
何謂神?

The first reason.

神係咪全能全善? I choose to believe that it is.

如果神唔係善良既話, 咁跟住落黎既討論亦都毫無意思, 因為一個非善既神唔值得相信, 同樣地, non-rational

四、
"點解善良既神, 唔發揮佢既大能, 停止世上一切慘痛事?"

慘? 你覺得死老豆死老母斷手斷腳又聾又盲又啞好慘咩? 一個小朋友, 病左, 老豆老母比苦藥佢飲, 個小朋友心諗, 點解善良既神要迫我飲苦藥...咁慘痛呢...

小朋友解釋唔到, 人亦都解釋唔到

(高登模式啟動)d耶教徒, 一話"人解釋唔到", 就屈曬機啦, 駛乜討論者

邊個話所有野一定要有解釋?

係都要我比個解釋你既, 得丫,
"飲苦藥, 對你好丫"
"死老豆死老母斷手斷腳又聾又盲又啞, 對你好丫"

真係對你好bor, 不過你唔信之麻

五、
人係軟弱既, 我話既

作為一個無神論者, 有乜野可以support到一個人..做人既原則? 點樣可以確保到, 呢一刻既原則, 下一刻唔會collapse? It is impossible. 如果一個人既原則唔係originates from一d forever既野, 一定有佢collapse既一日...

未必人人都會有對呢種collapse既恐懼...或者話...大部份人都係去到自己collapse果一刻先識得驚...唔知道collapse左之後仲可以依靠d乜...如果能夠抽離少少, 我相信人人, 立即都會有呢種感覺

咁d原則可以originates from乜野呢? 最簡單, from the first reason, which is God

信唔信神, 其實都係一種原則
所以呢, 一相信神, 所有野立即build up; 一離開左, 所有野立即collapse

六、
Copied from Sophie's World
"Is there nothing that interests us all? Is there nothing that concerns everyone - no matter who they are or where they live in the world? Yes, dear Sophie, there are questions that certainly should interest everyone. They are precisely the questions this course is about.

What is the most important thing in life? If we ask someone living on the edge of starvation, the answer is food. If we ask someone dying of cold, the answer is warmth. If we put the same question to someone who feels lonely and isolated, the answer will probably be the company of other people.

But when these basic needs have been satisfied - will there still be something that everybody needs? Philophers think so. They believe that man cannot live by bread alone. Of course everyone needs food. And everyone needs love and care. But there is something else - apart from that - which everyone needs, and that is to figure out who we are and why we are here."

我認, 我懶, 我係搵神黎當做一個answer

七、
我係有一個theory background, 但係缺乏personal experience

八、
做研究, 係base on 一個faith, 就係..."This world is understand-able, explain-able"...做研究, 就係要相信, "The answer exists", 我就係缺少呢種信念, 所以...做研究都係唔arm我

搞極都搞唔到ARIMA, d=1既情況…

落街剪左個頭…比膠津撩左去佢mini度打左一鋪DotA=.=…估唔到尋日起.NET打左兩場就搞到佢上左癮=.=

夜晚係北大exchange-mate re-U

食餐飯…越南野…d普通小菜, 都可以食到每人138蚊埋單…可想而知我地真係叫左好多, 好多, 好多碟送…食到勁滿足=3=

去下尖東海傍影相, 去下海港城…個門口睇…食人花=.=…去下糖朝食豆花…

88蚊一桶豆花…其實我覺得…係有D貴=.=…

Benny/Eva/Kenneth… send番d相比我丫~!

晨早流流…去飲早茶…唔係HKU凌晨三四點去飲果D…真係十點鐘去飲果D

地點係蓮香, 作為一個起中西區長大既小朋友, 今日先第一次去蓮香

果然係好有懷舊風味, 仲係停留起推車仔既年代

某d特別搶手既點心, 有如曇花一現, 剛剛起點心房出黎, 未去到大廳中間已經比人拎曬…要搶點心, 食果樣呢樣, 所有野, 就起你搶唔搶佔到位果一瞬間決定…比人用pat pat 阻住前進既你…注定食唔到果架點心車既食物…

我同膠津同陳鈺龍…食完之後…去膠津mini hae下…

上網搞左好耐好耐, 先買到avatar 既戲飛, 真係貴到爆炸=.=160一張…

番HKU…番103…我用黎run fyp programme果部機比人熄左, IP lab如是…

算, 去.NET…同膠津同陳鈺龍打DotA=.=|||||

打打下…又見到Bryan番黎, 咁就梗係join埋啦XDD

夜晚…起屋企做FYP…先唔理hidden layer = 30 neurons果D simulation…最多呢幾日起屋企唔停咁run架者, run唔曬又唔駛死既, 麻煩既係, 要學識ARIMA…再學識用MATLAB黎run ARIMA…

搞左成晚, 終於run到ARMA喇…但係一diff佢一次, 想將佢變做d =/= 0 既ARIMA…d result勁差lor…

我而家既理解係, d=1既ARIMA, 即係比每日收市既升跌佢…然後估下一日既收市升跌…

直接咁估升跌幾多點wor…

唉唔知, 都唔知係咪自己run錯

凌晨時份起度睇Liar Game…睇番漫畫, 睇到第四回合預賽完成…我覺得…感染遊戲…係繼第二回合-少數決之後, 最正既一個, 秋山同橫屋既正面決戰, 好有tension! 先有橫屋起測試round引誘其他人加入佢果邊, 秋山好簡單咁話會同其他人form group已經瓦解左呢個攻勢…再到秋山用resonance呢個原理黎fake曬全場人, 比橫屋一眼睇穿, 起一個perfect timing出黎拆穿秋山既局, 完全破壞秋山既形象, 再用直既憐憫之心..疑似奠定左直既敗局...

橫屋無法肯定頭巾男曾經係感染者呢個事實…令到秋山起第三回合…簡直可以話係絕地反擊…真係嘆為觀止…

一睇睇到凌晨三點…呢d終極智力對決既遊戲, 真係無得頂

比起死亡筆記, Liar Game多左份真實感…始終Death Note既rules…都係好唔realistic…

大前日開始run既neural network…

最慢果個, run左58個小時先run完…仲要加多extra一個鐘頭黎run番D有問題既case…

用左咁Q多時間, 又不見得個效果好好, 同我之前run幾個鐘果D都差唔多=.=

著手研究ARIMA究竟係乜東東, 多謝豪哥仗義相助…加上強大既google支持, 似乎最主要既部份我都搞明左…聽日可以試下寫MATLAB既code黎玩下

夜晚又打左場DotA…=.=…5VS5

KC用SA真係好chur…

比冷生拉左出黎, 原本話睇女生殺人宿舍, 點知落左畫

改睇魔幻聖誕頌, 點知無位

原本同行者仲有數人…有鍾生, 有幾個唔識既聖lu師弟

起知道無位既果一刻, 只有我一個人係on the way

亦都因為係咁, 得我一個出左黎

鬼咩, 無地鐵丫麻, 梗係要早D出門口, 約左0950起金鐘, 我0923先落到樓…其實係遲左…好彩我miss左一架電車, 再miss左一班5B, 先上到後面既43X, 先剛剛0949去到金鐘

同冷生兩條友, 由金鐘, 行番去中環IFC, 兜左無數個圈, 等埋鍾生黎…由IFC行番去灣仔…

食齋, 好似話原因係…小高會出黎, 不過最後又無出到

都唔錯, d齋菜幾好食, 不過係貴左D…唔駛你落肉仲收我咁貴…

起電腦城兜左兩個圈, 又行番去金鐘…然後搭車番HKU…=____=

參觀下wor…

咁咪就圍行下…咁arm膠津又無野做…又上埋黎…起SU can食下野吹下水咁

冷生真係犀利, 食完飯, 仲可以食三次tea

從冷生口中得知好多聖類斯既近況…

將會由一個…將sine讀做sin既老師…接任做校長?

剛剛有個中二學生, 打到個代課老師成面血, 踢埋人下陰之後, 報警話比老師禁錮…

又聽左少少秘聞…

同親冷生出黎, 我個咀果日就會變到圓一圓…

番黎HKU…順便…就搞搞FYP d野…前日start既果四個neural都係以20粒hidden neuron做1st layer…仲有最後四個…係要用30粒hidden neuron黎做1st layer…之前果四個network都咁chur我部機…呢四個終極最chur, 我交左比EEE既lab…同埋IP lab…希望唔會有人多手黎熄鬼我部機啦…

打尋晚xanga果陣都唔記得尋晚做左d乜…而家忽然醒起…尋晚去左土豆睇Liar Game Season 2…睇到第四回合…真係太屈機啦…完美洗牌呢個concept…起我自己洗牌時候都有閃過…但係…點會有人真係可以次次都完美洗牌架=____=…都算喇…憑洗牌結果推導番原本副牌既次序…It is impossible! 動態視力又係屈機野…好似第二回合果種需要高度智慧既競賽…完全無曬=.=

大將戰…果個唔識轉既俄羅斯輪盤…真係強烈建議, 以後各大小campfire / O-camp可以將大將戰加入成為base game / check point遊戲之一

番到屋企, 睇下前日開始run果4個neural networks run成點…有兩個run完…睇完有線套戰狼300之後番黎再睇, 第3個都run完, 第4個run到195/199…

希望今晚可以熄機訓覺=.=

成日都係…等待個neural network…尋日開始一次過run四個neural network, 同樣係用20個hidden neuron做1st layer…分別再於second layer有5/10/20/30粒neurons…

昨日1430開始run…run到今日1430, 最快果個都只係去到一百四十幾…

四個neural fully utilize 左我粒CPU, 每個neural network用左半個core…

呢一日…十下十下…就過左

題外話, 今日又打開番本Sophie’s World黎睇

番左HKU…同冷生hae左陣…跟住去Knowles搞搞張U card..又估唔到wor, 可以即刻整番張比我, 又唔駛收錢…跟住仲要去EEE同CS既department講…等佢set番我access d lab 既權限…

之後既時間...隨左落去水街食飯之外…都係起.NET打DotA…

初頭未齊人果陣, 拉左Barry個fd黎玩…真係好鬼勁=.=…打左兩場6打6, 兩次我都係用vengeful spirit…

第一次同果個mainland同team…, 佢用Tinker…嬴得超輕鬆=___=…

第二次…mainland用跳跳虎…不過係對面team……呢場真係打得超激烈…我果team d人又唔係特別勁…不過唔知點解勁有team work…成日去埋伏人地, 通常都成功添…非常合作既情況下, 連跳跳虎都殺埋…比我執埋佢把+250 damage=.=…勁淆底=___=…佢地又invoker又anti-mage咁…要直接攻入去真係無乜可能…唯有打爆曬三條lane變Mega Creep取勝…

打完呢鋪勁有滿足感

食完飯番黎無左mainland…

繼續6打6…(多左邊個我都唔鬼記得喇=.=)

我用毒雀用到買到兩把butterfly=.=…而且係買緊第三把添…學阿樹話齋, 呢鋪好有tension…打到最後…我果team係就黎變Mega Creep…對面team係靠Richard 一路打到入中間, 如入無人之境…無人趕得切番黎=___=…真係估唔到係咁樣end game=____=

呢幾場大家玩得咁鬼high, 其實真係應該save低個replay lor XDD

成個.NET得番我地12個人起打機…真係好正好正好正好正好正好正好正好正好正好正好正好正好正呀!!!!!!!!!我覺得其他大學都未必會有個咁正既lab ar XDDDDDD!!!!!!!!(好hyper添=.=)

尋晚又好似考2302之前果晚咁…碌左好耐先訓得著…

考java…

好彩, 份卷夠淺, 起碼淺過上年果份先, 少左d陰濕野…

北大果位老師果然係講得好, 如果比我重新學多次java既話我真係唔會用eclipse, 真係要由notepad開始寫…最多用notepad++喇…eclipse真係太方便…方便到今日寫layout果陣…我係要諗個syntax係點架lor…

竟然仲要諗syntax呢D咁低層次既問題…

最尾果條廿分…好似好多人唔識做咁…就咁將個single thread既programme轉做multi-thread…咁樣值15分=.=? 點比分架=.=…

成個場, 計埋坐隔離考緊唔知咩科既果D…阿樹係第一個早走, 根住係輝仔, 根住係我

原本諗住可以跟住阿樹入st johns食免費飯架麻=.=…點鬼知佢咁早就走左

無辦法, 上左Bryan間房坐下…

機緣巧合, 睇左一篇起亞洲周刊寫既文, 評論龍應台本大江大海1949…見到呢d評論, 我連fuzzy notes都掟開左, 即刻睇左先…

犀利…睇呢D書, 都仲可以將自己抽番出黎, 考慮番龍應台既背景, 考慮番佢寫作既動機, 然後話佢角色上有矛盾…睇呢D文學…我永遠唔會有呢個層次=__=

多謝Bryan既字母湯意粉

考Fuzzy Systems and Neural Networks

我花左勁多extra effort去背既fuzzy systems and neural networks, 幾乎係廢既, 今日起份卷上面寫既野80%都係基本功…成份卷120分, 幾乎100分都係翻炒…其中ANFIS簡直係exactly一樣…枉我tip佢會出neuro-fuzzy既其他部份…枉我背得鬼咁辛苦…唉…入場之前我仲好口響咁話”如果佢出ANFIS既話, 我一定唔做果題!”, 結果都係死狗咁要做ANFIS…果題實在太好做=.=…最尾果條fuzzy inference…就係因為…我見到個…從來未見過既字…咩max-min inference…都唔知乜鬼黎…嚇到我淆左唔敢揀…

起.NET溫緊書...

真係唔溫都唔覺...原來java...都有咁多野可以溫...

唉=.=...臨埋門呢下先對java 失去信心=.=

java蠶食左我好多ram....搞到連fuzzy / NN都有d唔記得...

兩個字: 收皮

起<6既英明領導之下, 我地聖類斯邁向新時代~!

98年成功爭取躋身英中行列....不過又有咩用呢? 唔夠lvl就係唔夠lvl...

起度唯有講句, 小弟有幸起佢仲係英文中學既年代畢業...

且看...來年升中派位既時候, 樓下既補習社仲會唔會將st. louis 擺去"本社以下同學獲派位至以下名校"既表...

【本報訊】中學教育語言修訂方案明年推行， 1998年以來的英文中學名單出現轉變。昨日出版的新一輯《中學概覽》顯示， 11所英中因未能取錄所需的優秀學生，被迫「降呢」做中中，當中近半數是單性學校，包括中西區傳統名校聖類斯中學。但同時有 18間中中全級達標，成功「升呢」躋身英中行列。扣除已轉為直資的英中，官立和津貼英中數目回升至 111間。記者：倪清江、夏志禮

修訂方案列明各校去年及今年平均每取錄 29名成績位列全港首四成的學生，才可在明年中一起開辦一班教學語言不受限制的自決班，一般定為英文班。 1998年母語教學推行時定下的 114所英中，扣除已轉直資的 10所學校外，餘下的 104所英中，有 11間無法在明年中一全開英文班，有關學校昨均沒有回應。

18間中中「升呢」英中

其中創校於 1927年的傳統英中男校聖類斯中學，只有數學和科學可繼續全級以英語授課，其餘科目則分班或分組以中文或英文上課。記者昨以家長身份致電該校，但職員說不知道詳情。記者又以家長身份向其餘降呢的英中查詢，九龍城男校陳瑞祺（喇沙）書院表示，有半班部份科目將以中文授課；深水埗女校德雅中學稱明年四班中一，將設三英一中。黃大仙聖母書院和屯門妙法寺劉金龍中學都是女校，同樣無法全級開英文班。此次降呢的英中尚包括 07年出過 5A高考狀元的沙田天主教郭得勝中學，明年有一班要以中文授課，校方稱為「英語輔導班」，避免標籤學生。香港升中人數近兩年銳減至約 7萬人，位列全港成績首四成的學生人數相應減少，因此部份英中難以達標，沙田區是學生人數減少的主要區域。此外， 18所中中符合全級轉為英中，令英中實質增加 7間，回升至 111所。這批新晉英中主要在有人口增長的新界區，以有 4間的元朗佔最多。
譚伯羽中學堅持用母語

觀塘中華基督教會蒙民偉書院是新英中之一，副校長陳志強昨表示，校方 1998年前以英語教學為主，由於當年認同母語教學，故沒有上訴爭取繼續以英語授課。他表示，數年前新生已主要屬 Band 1，校方兩年前已籌備轉為英中，包括每周有三日早會使用英語、設英語中心和英語教學支援小組。他對學校轉制有信心，「作為老師，有咁好學生，有乜擔憂！」屯門區有兩所上榜中中，在《中學概覽》易走眼。其一是順德聯誼總會譚伯羽中學，前教育統籌局局長李國章 04年到該校派發會考成績表，以褒揚該校堅持母語政策，校長何奇韜昨回應時證實，該校有資格以全英語授課，但為支持母語教學，仍決定大部份科目以中文教授，只有三科使用英語。同區的馬錦明慈善基金馬可賓紀念中學，《中學概覽》說明只有英文科以英語授課，其他大多是分班或分組。不過查該校網頁顯示，該校有資格全級五班全用英語授課，只有校方自資開第六班的中文班，以集中教導較遜的一批學生，但《中學概覽》沒有列明。
11間英中「降呢」中中

區域：中西區
學校：聖類斯中學
區域：油尖旺
學校：官立嘉道理爵士中學
區域：黃大仙學校：聖母書院
區域：深水埗
學校：瑪利諾神父教會學校、德雅中學
區域：九龍城
學校：陳瑞祺(喇沙)書院
區域：沙田
學校：聖母無玷聖心書院、天主教郭得勝中學、九龍塘基督教中華宣道會鄭榮之中學
區域：屯門
學校：妙法寺劉金龍中學
區域：元朗
學校：元朗公立中學資料來源：根據《中學概覽》資料分析

18間中中「升呢」英中

區域：東區
學校：港島民生書院
區域：將軍澳
學校：景嶺書院、將軍澳官立中學
區域：觀塘
學校：中華基督教會蒙民偉書院、梁式芝書院
區域：黃大仙
學校：保良局何蔭棠中學
區域：葵青
學校：保良局八三年總理中學、東華三院陳兆民中學
區域：荃灣學
校：寶安商會王少清中學
區域：屯門
學校：仁愛堂田家炳中學、馬錦明慈善基金馬可賓紀念中學、順德聯誼總會譚伯羽中學*
區域：元朗
學校：元朗信義中學、元朗東華三院盧幹庭紀念中學、聖公會白約翰會督中學、中華基督教會基元中學
區域：北區
學校：田家炳中學、東華三院李嘉誠中學*

部份科目以英語授課資料來源：《中學概覽》、學校網頁及有關學校

凌晨1點...同chilam同bryan打左鋪DotA...
跟住都唔知自己做過D乜...就到左四點...

比chilam chur 住黎問...不過又真係學到野既...之前都係做past paper多...其實只係識做...唔多明
無乜認真順住份notes黎睇...

溫書溫到凌晨五點幾...我都同阿媽講左話我會好夜番...
叫佢用番鎖匙鎖門, 等我可以用鎖匙起出面開但係佢唔記得左...用鐵閘另外果個鎖...
我起出面開唔到...六點鐘去到屋企門口, 發覺無門口入...又唔想嘈醒屋企人...
就去左24小時麥當奴坐下...繼續溫下書...食下早餐咁...

坐到七點幾...頂唔順麥記D冷氣....就出去周圍行下...
經過間機鋪...見到佢寫住八點開門...果時又七點幾...
諗住起附近再行下, 八點鐘入去打機, 打到九點鐘左右屋企人醒左就番去...
行行下行到去電車總站, 見到一架就黎開出既叮叮, 目的地係筲箕灣我住堅尼地城...

要知道...由堅尼地城開往筲簊灣既叮叮係好罕有, 一日好似得果幾班係朝早某個時段先有, 細細個已經想試下由叮叮最西邊既總站, 搭到去叮叮最東邊既總站兩蚊就可以消磨我個幾鐘頭, 抵過打機好多, 於是就上左車我覺得應該唔會有幾多個人會好似我咁無聊...

咁樣搭法=.=為左紀錄低呢件事....架叮叮去到每一個站我都影一張相堅尼地城總站

吉席街(北街)

堅尼地城海旁(荷蘭街)

堅尼地城海旁(皇后大道西)

德輔道西(山道)

德輔道西(屈地街)

德輔道西(水街)

德輔道西(西邊街)

德輔道西(東邊街)

德輔道西(皇后街)

(轉到入上環喇)干諾道西8號

德輔道中(禧利街)

德輔道中(機利文街)

德輔道中(租庇利街)

(中環)德輔道中(畢打街)

德輔道中(雪廠街)

德輔道中(銀行街)

金鐘道(美利道)

金鐘道港鐵站

軒尼詩道(軍器廠街)

(灣仔)莊士敦道(分域街)

莊士敦道(盧押道)

莊士敦道(柯布連道)

莊士敦道(菲林明道)

軒尼詩道(杜老誌道)

軒尼詩道(堅拿道西)

軒尼詩道(波斯富街)

怡和街(百德新街)

高士威道(信德街)

高士威道(維園正門)

英皇道(興發街)

英皇道(永興街)

英皇道(木星街)

英皇道(炮台山道)

英皇道(北角道)

英皇道(書局街)

英皇道(電照街)

英皇道(健康西街)

英皇道(健康東街

英皇道(渣華道)

英皇道(芬尼街)

英皇道(柏架山道)

英皇道(船塢里)

康山道(太古港鐵站)

筲箕灣道(太古城道)

筲箕灣道(太康街)

筲箕灣道(太安街)

筲箕灣道(海富街)

筲箕灣道(南康街)

筲箕灣道(柴灣道)

筲箕灣總站...比前面d電車阻鬼住曬=.=

搞到我十點幾先番到屋企=___=

番左.NET溫書…

其實都唔係真係溫到好多…print埋00/01/02果D past paper黎睇, 同G.Pang果D真係好唔同…真係需要動腦筋, 真係要有番少少慧筋先解答到…

起.net入面真係完全唔會知時間過…hae下溫下…就已經到唔知幾點=___=

深夜時份既音樂時段…開個youtube黎聽下二胡/小提琴…

機緣巧合, 聽到Paganini No. 5 in A minor…即係比人移植左去竹笛果首…

無窮動=___=

中樂有樣好…聽個名大概會知係乜…even未聽過都好…無窮動真係無窮咁動=.=

仲有兩科未考…今日已經頹到呢…

下晝溫左陣Java…

考試果陣無eclipse幫手…真係要自己記得frame.getContentPane().setLayout(new FlowLayout());呢D咁既野…大細階都唔錯得, 都咪話唔煩…

睇下past paper…都咪話簡單, 總係有好多好細微既野…平時無留意…一問中就hihi

派番java assignment 7…shit…扣左十幾分…有d requirement無留意…無做到…唉唉=.=…今次有成19個人無交assignment lor=.=…可想而知呢份野有幾chur…

尋晚打DotA用Stealth Assassin…今日打DotA用Phantom Assassin…

兩隻都係…細個好麻煩, 一大個就好屈@_@

夜晚起度做埋曬d無聊野=.=

訓緊覺既主角唔會驚乜野?
馬騮變大笨象, 老虎變成豹, 豹變成老虎, 大笨象變馬騮, 你會問邊一樣?
起美國邊一個洲, 肛交係犯法既?
如果我係邊個, 就真係太吸引?
為左學術界邊一個獎出發先算漂亮?
乜野可以發出金色既光?

一路沖涼, 一路諗埋曬D咁既無聊野=.=

Lindsay Ride決戰1004

唉…Baniel…又話Product Develop Cycle後面果幾張slide係用黎出mc既…?雖然我記得你真係講過話會抽其中一個stage黎深入咁問…唉…10分呀…Give three strategies to be used in the mature state…

Intensive promotion, intensive distribution呢兩個我都吹中左…pricing strategy呀…錯曬…呢10分…我寫既長度同下面5分問fad既長度係一樣lor=.=…呢10分真係凍過水…

要知道…BUSI d科…10分已經唔知幾多個grade…Baniel d mc, 跟本就係送分…真係書都唔駛讀都可以識答…唉…=____=

去公共圖書館hae…等埋lala補完習一齊去買機票…

睇多次天龍八部個結局…之前已經睇番王語yin去搵長生不老谷…今次睇埋蕭峰佢地去到雁門關之前, 交代定降龍十八掌比虛竹, 同埋送多幾條女比段譽…

加番呢段落去係因為…蕭峰起雁門關一死, 咁丐幫既絕招咪失傳lor! 呢個flaw存在左幾廿年…先比金老更正番=.=…同埋加插多左一段段譽同虛竹既對話, 啟發番虛竹…點解身為一個和尚, 可以咁安樂咁番入俗世!? 呢段都真係幾重要…因為夢姑…令到虛竹將過去廿年既佛徑全部抛諸腦後? 真係咁易放得低? 不過呢…果段對話, 太多佛偈, 真係睇唔明…

其實…我都係唔明…點解要設定到王語yin個結局咁樣…

睇多次阿紫同蕭峰起南京既對話…好似比以前識得欣賞金庸既文字既功力…以前真係唔識睇呢D野…

天龍八部長係長左D, 不過劇情真係正到…蕭峰由一出場就比人老屈…好簡單既一個懸念都可做到咁吸引…段譽果部份…, 好”越”語殘片式既…”原來我既愛人係我同父異母既親細妹?!”…如果覺得金庸既功力只係咁多, 就太睇少佢啦! 段延慶同刀白鳯呢一段…真係…真係…!!!!!!!14個故事(唔計越女劍), 呢個位真係最富戲劇性…明明段正淳搞婚外情….好普通…刀白鳯搞婚外情, 都好普通, 但係兩個撞埋一齊…真係…嗚呀!!!!

差唔多七點先起西環上5B…去到銅鑼灣都八點=.=||||去到學聯旅遊, 見証住佢熄燈山門既一刻…好彩起另一間都搵到平既機票…1503來回香港上海…仲平過由深圳出發=___=

黎到買機票呢一刻, 先可以firm, 真係成團=___=

去沙嗲王食埋飯先番屋企

一check email…

“Please be informed that in addition to the normal graduation requirements of the BEng degree programmes, students in double degree are required to complete 57 credits of business courses during their study for BEng Degree.  You are not allowed to proceed to the BBA degree programme if you have not completed the 57 credits of business courses.”

11月尾send email問FBE係咪真係唔可以比我year 4 36+36咁讀…點知係engine faculty覆番我, 答案係唔可以

即係話, 我而家有兩個choice

Choice 1: defer

Choice 2: sem 2 take 45 credits, FYP + IP + Engine math 2 + Software engineering + Derivatives + investment + management of information system + engineering and society, 然後summer sem take management account I…咁我就可以趕得切拎engine degree之前砌夠57個business credits

我明明記得engine faculty有規距係就算overload, 最多都係42, 但係我做IP果陣問K.W. Tse, 佢又話呢個係佢管理範圍以內, 如果我GPA過3, 可以比我讀到45 credits…

不過呢…當然, 我一定會搵日番去faculty office同佢嗌交…點解死都唔比我year 4 overload者T^T…

同老豆講話我會去上海旅行, 即刻比左堆人民幣我@_@

2302

訓覺之前發現, 呢一科, 應該係第一科, 我係由屋企出發番大學考試…

(1007唔算啦…果D係鬼考試)

我確實係淆左2302, 見我碌左成粒鐘都訓唔著就知

起呢度多謝3個CE part 2, 一個係mingo, 尋日同佢一齊睇左其中一條tutorial, 講ripple counter既, 今日有一條20分幾乎同tutorial一樣

另一個係Dominic, 多得佢臨考前問一問我input minimization果度, 係點樣打交叉, 我睇真D notes, 原來don’t care VS 1/0係唔駛打交叉, 怪不聽尋日我起.NET苦惱左咁耐都做唔到, 今日出左10分

第三個係miles, 答左我”impedance is only effective to transient signal”, 今日出左5分

所以話同人一齊溫書係好有用, 超級有用

Q1, 全部都係chapter 2既野, 好彩我呢課都差唔多背左90%...真係不得不用個背字=___=…20分入面…係差CMOS VS BJT, high capacitive load呢4分0個印象

Q2, Quine McCluckey minimization method + input minimization, 仲要出到勁簡單, 20分

Q3, logic hazard + function hazard + VHDL, 係差其中一part 3分問我用曬NAND 黎implement 果個circuit有乜好…

Q4, noise + serial termination, 頭果8分背書就識, 後果5分多得miles教過, 中間2分自己識, 仲有5分…問transient 時候, 起resistor前後, 同end of transmission line 既voltage係點, 唔識

Q5, ripple counter + delay, 差最尾果4分有d唔sure

唔識+唔sure = 4+3+5+4 = 16, 再扣多少少careless, 80分應該有掛?

份卷真係淺得出奇…出曬最容易果D野lor…隨左serial termination之外…我真係有D懷疑果D超勁既mainland係可以100分

之後時間, 全部都係泣零凌舍 – 媽劇亭

行落街, 轉過街口, 行多兩步, 瞄一瞄企起簷蓬下既警察, 果一下我就知道佢又會黎check我身份証…例牌第一句又係問我讀緊書定做緊野…

答左佢之後, 成個態度即刻唔同左

好似幾好傾咁, 明明比佢check完之後仲同佢傾多幾句, 問佢如果想入去警察入面同電腦有關既部門要點做…

“都係去左學堂先啦…出黎做一兩年野, 做下XXX(幾個我聽唔明既字母)…先有機會掉去果D專D既部門”

唔…

番HKU…全日都係溫貳叁零貳…

去搵P.C. Chui, 佢又唔起度……起IP lab溫到十點半…竟然巧遇miles番黎放低個袋, 乘機問佢一條我諗左幾日都諗唔明既tutorial…比佢點明我果下, 真係立即茅塞頓開…

Impedance 只係對transient current 有效!!!!!!

不過crosstalk果幅圖…連佢都唔明=.=…

起IP lab入面對住塊白板起勢咁畫, 真係幾有用

朝早番HKU交marketing plan…唔…我寫果個promotion strategies, 自問都幾垃圾, 好在有位讀LLB既組mate…執到成份野靚一靚先交…能夠再為呢份野盡一點綿力, 都算係等自己好過D

呢排好多人影grad photo…星期日呢D時候, 更加係一家大細咁黎影grad photo…

其實我一直都唔明…一個人grad, 做乜要拉埋屋企人去大學影相…屋企人都算喇, 連大姨媽二伯公三姨婆四表姐都拉埋黎影又…我覺得有D奇怪…

經過開心公園既時候係咁左閃右避…廢事比人影入鏡…

繼續姨勞姨屍異衫靈異-跌卒吐屍時丼啲山埃…

睇左半場東亞運開幕儀式…

其實…搞咁大壇野, 究竟有幾多人睇緊? 唔計香港人既話我諗都應該唔多…果個日本記者都話日本人根本就唔留意東亞運啦…

叫李克勤黎唱飛花…我真係諗唔到有咩關係=.=|||||不如索性唔駛佢唱…

睇多陣之後直情唔想睇

1月…真係清袋

華東七日團

話時話…黃山果個團真係好貴…不過如果唔包團既話無人介紹又硬係爭少少

2302, 底已淆

尋日溫左成晚marketing, 今日溫左成個下晝2302…