May 5, 2009
-
早幾個禮拜又重睇左少少笑傲江湖..忽然覺得自己都可以寫武俠小說入面既打鬥場面..因為..真係黎黎去去都係果幾種..例如:
阿西一劍平平指出，直指對方胸前
起碼可以有3個後果..
第一個係, 阿西係個小角色, 話平平指出, 就真係平平指出, 而且通常都係”中門大開, 顯然學武不久”或者”胸前要穴盡露”之類
第二個係, 阿西係同主角可以打番四五百個回合既勁敵, 呢個時候, 平平指出可以係”看似平平, 其實隱含36種變化”或者”看似毫無變化, 其實後接3招殺著”, 於是主角”不敢怠慢”, 或者”劍走偏鋒, 側身避過劍招接以一招白虹貫日”或者”主角一怔, 奇怪對方絲毫沒有理會自己的攻勢, 暗想對手可能是個勁敵”
第三個係, 阿西其實係武學大宗師, 平平指出就可以係”劍氣籠罩主角全身36個大穴”, 於是”主角不得不向後退避”或者”主角大驚, 立時駛出XXXX(必殺技), 若阿西不回劍自救, 勢必兩敗俱傷, 果然阿西劍勢略減, 主角雖然逃過一劍, 卻已狼狽萬分”甚至”其實勝負已分”
第一個後果..好多小角色都係咁..
第二個後果, 最典型係傻姑, 三招火叉可以嚇走李莫愁
第三個後果, 應該係一燈果個type, 一陽指就係果D可以”籠罩全身三十六個大穴”既武功=.=|||
呢排成個北大都有D疑似蒲公英既物體飛過, 特別係三角地, 十足十睇電視果D漫天風雪既畫面, D白色種籽起空中飄下飄下, 都幾靚, 不過真係多得濟, 多到..好驚會吸入肺=.=
今日..day off..全日做野..
晨早十一點幾去學一食左個飯, 食完就拿拿臨衝去機房做lab..點知佢今日又有乜Q比賽, 又係封左半個lab, 淨係半個lab都上唔到網..尋日助教答左我問題..想上網睇番都唔得..結果..0 work done, 番宿..
聽到謝維愷話佢地間房..起今朝凌晨五點半比人爆左入房, 偷左八百蚊同四張飯卡..好驚添..謝維愷間房就起正我隔離..雖然話我個櫃鎖左..但..但..條鎖匙就起檯上面=.=|||鎖左同無鎖都無分別..鞋, 住慣HKU既hall, 邊會咁留意呢D保安問題丫..
兩點幾, 拎埋notebook去多次機房, 撞正佢地比賽食飯時間, 可以上一陣網..做左一陣lab..鞋..做呢D, 仲衰過做acm judge, 做judge都起碼有個output比你睇下, 至少都知道自己個output係乜..做呢個lab, 呢output都無, 只係等佢最後顯示”成功”或者”失敗”..連續睇左十幾次”失敗”真係好鬼灰..連自己錯乜都唔知, 可以點改者..
做到三點幾四點..想send個email比助教問下, 點知果陣又上唔到網, 我又無帶手指..唔知可以點樣傳個programme落部notebook度..唯有等佢比賽完畢啦..呢個時候就開番部notebook搞搞個ubuntu..
真係唔好意思, 尋晚起xanga度爆左咁多粗添..
今日睇明左apt-get呢個command究竟係乜東東..再發現到, 原來自己個sources.list入面全部都係香港網站, 所以想download任何patch都會去左香港網..諗住自己改改個sources.list..改番去上大陸網就無事啦..點知又唔得..唉..灰..
等到四點鐘, 比賽完左, 唔知點解都係上唔到網..跟住機房條友走黎同我講話就黎上堂, 想趕我去另一邊機房..麻X煩..
搵到每個acct起server既drive..將個programme擺左上去..然後去機房另一邊..開另一部機繼續搞搞佢..
搞到五點幾, 番宿休息下, 唔知點解番到宿, ubuntu就connect到去台灣既server@@..然後一次過update左300樣野, 可以用sudo apt-cache vpn..搵到關於vpn既programme..enable番ubuntu內置既vpn function..終於可以起ubuntu上VPN啦!!!!
夜晚去一品小籠..食完八點幾又去機房繼續做..正當我做到有少少頭緒既時候..佢話閂門Lor頂..唉..
番宿, 休息下, 同nelson捉下象棋, 十點鐘去打下羽毛波..
十一點幾番宿, 執執個0234 programme, 再send比助教問下..鞋, 我覺得我都係唔會做得切架喇..星期四晚點交呀..我到而家1個task都做唔到..3個task分別係stop_and_wait, go back N, 同埋selectively resend..唉唉唉, concept好簡單, 實際implement出黎, 真係..吃了屎的programmer..
唉唉唉, 聽日刺身同Benny去食前門23..唉, 如果唔係後日有mid term又要交lab..唉, 我都會去啦..唉, 好Q憎做lab呀..唉, 做lab做到好灰呀, 唉, 無fd一齊做lab真係好灰呀..唉, 開始想放棄呢個lab, 唉, 但係呢個lab佔左成個course 10%, 唉, 我豪唔豪得起呀, 唉, 點算呢, 唉..
Recent Comments