ChEuNgChIHiN's Xanga Site

← Previous Post

尋日PCCW phone interview既過程..比我private左

尋晚凌晨終於都submit左FYP topic
按次序:
Dr. Philip Pong - Application of Machine Learning: Stock Index Forecasting
Dr. N.H.C. Yung - Virtual investment portfolio
Dr. K.P. Chow - Password Cracking using PS3
Prof. V.O.K. Li - Campus Tour System
Dr. W.T. Fok - Route Information System
Dr. W.H. Lam - The development of navigable geographic information system and digital map for real time traffic information systems
Dr. V. Tam - An Integration of the Wii Remote with our MSRA-supported COMPAD project
Dr. W.T. Fok - Robot Ambassador
Dr. Lawrence Yeung - 24 Game
Dr. N.H.C. - Yung Watermarking algorithm for mobile phone
Prof. F.C.M. Lau - Personalized Font
Dr. K.S. Lui - Routing in Meshing Networks

有D iPhone application, interactive learning application呢D好似都幾好玩咁, 但係..自問創意不足, 毅力有限, 特別係呢D需要自己鑽研programming技術既topic..都係唔係好arm我..揀stock index forecasting / investment portfolio純粹係為左配合番另一個degree, 將來比人問起, 你有無嘗試過將兩個degree既知識結合埋一齊? 起埋都吹到兩嘴.. campus tour system睇落係幾有趣既, 4個人一組1CE+1IE+1EE+1EComE.. what the fuck既route information system..開正我果範啦..vincent tam個Wii remote都唔知咩黎, 不過揀得vincent tam應該無死既..下面果D基本上都係亂咁揀架喇..

今日..下晝..睇下HKU既2401 notes..罕有地, 以呢個course既知識黎講, HKU係教得多過PKU..因為程教授用得太多時間起history方面, 而且花左好多時間去講計算機科學/工程究竟係咩科黎..起我讀左年半, 有番咁上下基礎知識之後再聽佢講野, 真係獲益良多(純粹係從學習角度出發, which is not necessary useful..)

教到pipelining之後就無喇, memory都唔得閒講..程教授講就唔錯喇, notes就真係爭D, 溫書既時候都係睇HKU既好

成個下晝都係對住電腦多過對住本書..

五點鐘同kenneth, dennis, peter出去, 約左kenneth個mentor食飯..一直我都以為D mentorship programme係D垃圾programme所以無報過..今次有得ci呀kenneth試下, 又有得比人請食飯, 梗係去啦..

搭車搭左成粒鐘..呢度去郊區D車真係呢..一個巴士站同一個巴士站既距離真係遠到..夠由油麻地去到深水寶lor..做得mentor應該都係成功人士啦…呢個成功人士真係夠曬成功喇, 起北京郊區住, 起機場附近..有米到呢@@..簡直就係香港既錦綉花園..係有高爾夫球場既錦綉花園@@..

搭一程696, 轉的士入去..起會所落車..

入到中菜廳等個mentor起屋企行落黎..

Mentor叫做..錢關月嫦, 係1986年BA畢業..話說香港回歸十周年既時候, CCTV4搞果個回歸直播室都係搵佢上去做嘉賓..老公係Daniel Chin, Nokia 大中華區..既CEO?! 同場仲有個叫做Michal既人, 都係HKU alumni, BSocSci但係出黎係做船業, 做左廿年..做遍整個東南亞, 新加波馬來西亞越南泰國都係佢地頭..連老婆都係泰國人@@..

呢個sem增長左唔少見識, 為個人增添左少少國際視野, 同北大完全無關..係同我呢個sem接觸到既人有關..

錢生同錢太, 幾有趣, 一個engine一個BA, 兩個人講北京, 一個好statistical..”十年前中國既mobile phone subscriber只有八千萬, 今日, 已經有六個億”..一個好生活..”五六年前呢, 呢度D人都係lar埋口面, 呢兩年見到既人, 好似越黎越開心”..

錢生真係太強勁喇=.=|||負責曬全國既流動通訊既基建!?...”聽日要去上海食個lunch”..呢D句子起電視聽得多, 由個真人講比我聽真係第一次..”各位, 唔好意思, 我要去準備一個conference call, 要走先”

Compare北京同香港..北京人比較有文化氣息, 你睇北京連書店都大過人, 多過人, 多人過人..你睇北京既書報攤, 八掛雜誌唔多, 專題雜誌(係咪咁叫? 即係淨講車/電腦/音響/健身/育兒/美容/微電子/reader digest)就多到睇唔曬..北京既媒體欠缺自由..長期思想控制下造成創意不足(可惜我都係創意不足既人…)

講起船業, 都係business人既話題, 仲係undergraduate可以講到D咩丫..dennis都算犀利架喇, 無lar lar爆左埋”清朝漕運既發展”呢個topic出黎, 全場人隨左dead air之外真係比唔到咩反應佢..

對住三個HKU alumni, 三個久居外地既HKU alumni, 我地梗係要講番D近排HKU既熱鬧事件啦..陳一諤, 陳巧文..”大學生就應該要經歷下呢D風波”

臨走前, mentor送左比佢出既書比我地..”香港人生活在北京”, 我係直到拎起本書果下先知佢中文名係乜sosad..睇落本書先知佢network係大到@@.......張堅庭黎北京既時候都係靠佢@@.......

六點半過D去到..成11點先走..搭的番北大..番到去即刻開番場castle blood
條頓+日本+塞爾特VS中國+不列癲+拜占庭..
只係一個拜占庭都夠抽嬴我果邊是但兩個民族, 仲要加D長弓兵起後面亂箭掃射, 日本武士都還好, 勉強可以行到去..我D條頓, 隨左收皮之外..唉=.=