October 31, 2009

• 2009_10_28

  之後…番去HKU…起IP lab度繼續試下個LCD board…試極都試唔到…唯有send email比助教求救…

   

  六點半左右上去睇下下莊招下下莊…(呢句有D問題, 等我寫清楚D: 睇下 下莊 招 下下莊)犀利喎, 有成10個人黎左, 仲要係未齊人架添@@...不過呢, 從來無人話黎傾莊就會黎上莊…過往兩年都有例子…

   

  作為一個info sec, 叫人唔好上info sec, 究竟arm ng arm呢? 其實我都唔係好敢講…

   

  一個本身無乜information 既人, 做info sec就無乜意義啦, 好似我咁, 以為只係管地圖咁簡單, 去到自己比人AGM…臨落莊果下, 聽番41莊果個info sec講…”其實起呢個資訊爆炸既年代, 仲駛乜info sec丫, 個個上網click一click就知啦”

   

  所以…所謂既info sec, 都係做番一個普通莊員應該做既野已經夠…但係咁樣睇法, 似乎就好撻皮, 講到尾, 地圖都唔係咁難管者, 如果話要熟悉使用地圖既技巧…唔…其實應該係有責任去學既, 不過我接莊果陣, 都只係得42莊Edward黎講下forward / backward bearing…邊夠丫…一D實戰經驗都無, 都係同大家起山藝一級一齊學…學完又唔記得…好lu, 跟住我下莊又無info sec喎…直程唔駛flow 呢一part既莊添

   

  老實講, 黎呢flow比47莊既時候, 有關地圖果部份, 我諗都係比番我講會好D…=.=…唉…反正某下莊都claim自己唔識用地圖…=.=

   

  下下莊…!!!!

   

  成個上莊既過程真係…好有趣…參加過上(此乃adj.)莊既活動, 然後起上(adj.)莊既帶領下上(v.)莊…上左半年又行開左…唔能夠直接參與招下莊既活動真係好可惜, 好彩同下莊keep到個關係都唔錯…(其實我都無乜做過野…多得班下莊夠主動^_^)

   

  如無意外我應該都會繼續參加下下莊既活動…唉=.=|||…我真係好驚我連下下下莊既活動都要參加=.=

   

  究竟FBE幾時先覆我架T_T….

   

  睇完佢地招下莊, 落番去council chamber出面張木檯hae…Ivan同蘇老師起果度為16整緊紮作模形…超比心機@@...!!! 簡直係令人欽敬欽敬…老實講我就無咁好心機砌果D野喇, 要我真係用大碌竹黎紮我都已經唔係好願, 仲要我用筷子黎紮…打果d方結真係會打到眼都盲…咁細個結…細到要用手術鉗黎鉗住條線咁紮…起度再一次感激ivan同蘇老師對16既付出…

   

  Btw…係邊個擺粒禁釘上檯…我一野坐左落去lor=.=|||好彩粒釘係打橫擺架者…如果唔係…=.=|||

   

  Hae左陣又上番去睇佢地開e會…e rm…唉…我又未參加過rm, 又未搞過rm, 都唔知rm應該要係點…所以…全程無野講sosad…Debby你AGM果日要加油啦sosad

   

  E到十點幾先完, 先大家一齊落山道食飯…食波記…波記燒鵝瀨真係一絕!

   

  食完又去麥記hae下…差唔多十二點…又同Debby同lala上番HKU…

  2009_10_29

  番去HKU做乜野呢? 就係傾下12月尾…東北三省之旅…原本諗住唔駛傾好耐架者…點知…越傾越多問題…

   

  瀋陽, 其實, 究竟除左故宮, 仲有咩好睇呢?

  長春, 長影世紀城究竟值唔值得去呢?

  長白山, 係咪一定要報團去呢? 如果係報團…長白山又值得玩幾多日呢?

  吉林, 敦化, 咩地方黎架~?

   

  最簡單都係哈爾濱, 因為我去過=.=….唉=.=又要去多次, 不過為左長白山, 無計啦…

   

  長白山!!!!!

   

  (唔好expect我會帶人蔘返黎做手信)

   

  傾左4個小時lor唔該…學lala話齋, 起.NET入面…從來唔會覺得天黑, 好少覺得時間流逝…

   

  凌晨四點鐘…真係頂唔順呀大佬…去個旅行者, chur到咁樣…

   

  四點半先上床訓覺…較鬧鐘果下已經決定左, 九點半果堂3503…我走硬

   

  於是訓到11點先起身, 諗住去上IP啦…咁耐唔上堂好似好唔比面咁…點知去到KK LG105…無人既!?...shit…諗番上個禮拜收到果個email… shit!!!!

   

  上個禮拜收到個email, 話IP 果堂取消…話因為之後有2401 mid term…我又無睇清楚佢話取消果堂係今個定上個禮拜…結果上個禮拜果堂用左黎打DotA=.=…原來係取消今個禮拜既堂…

   

  我今日淨係得fuzzy同IP…兩堂都無左…番黎真係得個吉

   

  都唔係既…今日要見FYP老細…

   

  拿拿臨番去.NET…做多幾個testcase…懶係做好多野咁…FYP呢家野, 好impression marking架麻, 你有無做多好多野唔係重點, 重點係你比人既感覺有無做到好多野…

   

  講到咁…好似講到我好差咁添, 我真係做run過唔少set neural network先, test下邊D configuration好, 先再去run 1-99日day of window架, 雖然呢壇野未必係好有用, 但係有必要show比人睇, 呢三個禮拜我真係有做野lor…

   

  四點鐘…同danny一齊上去見philip pong…

   

  Philip都問得幾詳細…一個好重要既問題…我都有諗過…但真係唔知點解…點解number of day of window 由1變到99, 個gradient都係around 0.6左右? 老實講, 亂估都有0.5啦…好既result係應該遠離0.6呢個數…如果一直都係0.6左右真係唔正常…

   

  同埋…究竟應該點樣normalize d data呢? 例如1000日咁, 應該1000日同時normalize, 定係training input / training output / testing input / testing output分四次normalize?

   

  下次再見佢, 就要解決上面呢兩個問題, 同埋…搵到個best configuration出黎

   

  跟住去左IP lab…睇到IP tutor覆番我喇…但係解決到果個問題都唔代表得左…唔…因為一重要野未打xanga…都係花少少打左佢先…一打就成個幾鐘…跟住hae下hae下…等班CEian考完security既試之後…番去.NET…諗住一齊食飯先啦…點知又係DOTA==.==|||

   

  趕住有下場…八點幾都係上去SU can食飯…

   

  跟住就去睇Saw VI啦…comment下面我都寫左啦XD

   

  竟然有個睇曬頭五集Saw既街坊一齊睇, 真係榮幸XD

  • 12:52 pm
  • 3 Comments