February 4, 2010
-
我仲未去投票...學生會週年大選...
頭先一路沖涼一路諗...我選個學生會出黎, 唔會係用黎翻舊帳掛? 對我地可以有咩幫助? Beauty care week? 盤菜宴? 老實講我唔想我1年交140蚊學生會會費...係用黎搞盤菜宴lor...我相信比起搞盤菜宴, 應該有更多有意義既事可以做下...
講講下...好似想投反對票添=__=
又走左engine math 2...上左兩堂derivative...教到forward and futures喇...
期貨...仲難過期權...
唉...呢排, 真係乜野都唔想做
萬寧: 你點睇The Link私有化呢件事? (你唔知the Link係咩? 拜拜~)
HKIA: 你覺得我地個機場服務有咩可以改善既地方?
CUHK GIS: Please comment on the 五區總辭(in English) in English.
--------------------------------------
Derivative 衍生工具
衍生工具係咩黎架呢? 就係一D金融產品, 佢既價格係depends on 一D underlying asset... underlying asset可以係好多野, 股票, 指數, 甚至係粟米, 原油都得...
大致上可以分為四種
Forward contracts 期貨, 即係甲方同乙方之間簽一份合約, 定明甲方可以起若干時間後, 用若干價錢購買某asset
例如, 我係一個粟米農夫, 你係生產商...正常情況下呢, 粟米都係5蚊1公斤既...但係作為農夫既我, 怕佢會跌低過5蚊wor...跌低太低咁我賺咩呀? 作為生產商, 又驚未來粟米價格會升, 咁雙方就可以簽定一份forward contracts, 定明3個月後我一定要用5蚊1公近呢個價格黎賣比你...
如果3個月後, 粟米價格真係升左既話, 農夫都一定要用5蚊呢個價賣比生產商...呢個時候生產商就有賺喇, 因為佢可以用一個高D既價錢將呢D粟米賣番出去...蝕底既...當然係農夫啦...
第二種叫call options 認購期權, 如果甲方向乙方買入一張認購期權, 咁甲方就可以起一定時間內, 用一個指定價格從乙方購入underlying asset, 留意呢個只係一種權利, 唔係obligation...即係甲方買又得, 唔買又得
例如我向股票行買入一個認購期權, 起一定時間內, 可以用2.00呢個價(稱為strike price, 行駛價)買入PCCW既股票...起呢個期權既到期日, 如果PCCW既股票係高過2.00既話, 咁我梗係行駛呢個期權啦, 因為我可以用2.00呢個價買PCCW既股票番黎, 然後即刻用一個高過2.00既價格買番出去...個差額就係我既profit喇
咁如果PCCW低過2.00咁點算呢? 咁我唔買lor, 走lor
咁你會問, 嘩, 咁筍既事都有既? 咁我咪賺梗? 咁點解會有人賣call options比我?
係架, 係賺梗架...但係要留意, 呢個認購期權係要用錢買番黎既, strike price越低呢個call option越貴, 梗係啦, strike price 越低, 你行駛呢個期權既機會越大, 賺既亦都越多wor....賣call options既人都唔係低能既, 佢地會用Black-Scholes formula計過條數先, 先決定一個call option應該用幾多錢賣出去
Forward contracts 同call options最大既分別係, forward係一個obligation, 到期果日你一定要執行, 如果唔係我會斬你全家...call options就...起到期果日, 你鐘意玩就玩, 唔玩就算, 反正你一早比左錢我, 起我手上買呢個call options
第三種叫做put options, 認沽期權, 同call options幾乎一樣, 唯一分別就係, 起一定時間內, 我可以賣出一樣野...例如我買左一個put options, 可以用2.00呢個價賣出PCCW既股票...咁起呢個期權既到期日, 如果PCCW個價係低過2.00...咁就發達喇, 因為我可以即刻起市場上用低價買PCCW番黎, 然後用2.00呢個價賣比...賣呢個put options比我既人
第四種叫做swap...即係由一堆唔同行駛時間既forwards砌成...未教到...所以唔識...教到再講
聽日繼續
Recent Comments