April 22, 2010
-
12點比個鬧鐘嘈醒...拿拿臨起身番學校...CE part 2應該有人等緊enigne math 2 source...
行過勁過橋果陣真係大雨到暈低, 成個背脊濕曬, 成條褲又濕曬, 成對鞋都濕曬, 擔遮都無用...
一上到SU咁arm就見到iris...傾緊去邊度食飯...戇居到呢...我又行番落西寶城...
西寶城開左咁耐我都未食過元綠, 因為...食過既人通常都係比劣評佢...星期四既下莊飯局...係ringo同debby公開左之後既第一次莊公開活動xdxd?
上最後一堂derivative, 半個鐘教完chapter 13...斷估呢課唔會出多過1條mc掛=__=快速review完...乜tips都無...
去廁所, 除左對襪出黎, 拎去乾手機果度吹, 效果奇佳, 好快就吹到對襪乾曬@_@著番上腳勁舒服@_@...一路吹果陣一路都好驚有人走入黎見到我做緊d咁既事XDDD
嘩卡卡卡卡, 多謝F君同我去溜冰嘩卡卡卡卡, 我只不過係起msn 個人訊息隨手寫左一句...咁就有得去溜冰啦嘩卡卡卡卡...去圓方, 之前聽人講話呢度溜冰場係段分鐘計...原來係星期五六日先係咁, 星期四呢d時間...學生都係30蚊無限溜~~~~
成個場都係小朋友, 真係好小既小朋友, 小到四五歲果d...有d唔識玩既行兩步就p一次k, 但係佢地細細粒跌落地都唔會好痛, 起番身又好開心咁繼續玩...正是..."仆親都開心 每天都encore!"
嘩卡卡卡卡卡成年無玩過我d技術都唔錯, 好快take up 番...不過個feel同未名湖真係差好遠...果度可以向前跑好耐都未到盡頭...起呢個小小既溜冰場, 跑兩步已經由一個督去度呢一個督...
不過起呢度玩有另一個好處, 呢度有勁多小朋友黎上堂學溜冰, 剛剛入去果陣好似只係得我同F君係外人咁=__=...太細個既小朋友都係自己玩下, 有d大個d既, 10歲左右果d就真係學緊技術喇...點樣倒後行...點樣轉...
我企左起附近聽左陣, 嘗試下自己轉, 次次都係轉得一個圈就完, 又轉到好鬼頭暈爭d pk, 又要比隔離行過既鬼妹笑=___=...
唔練轉圈, 試下倒後行...我記得上次起未名湖臨走前都係練緊呢樣野...都幾好玩, 今次做到...原本個人面向前方, 向前行, 然後隻腳唔知點樣向前un一un...配合個身體唔知點轉, 可以chok到個人面向後方, 但仍然係向前行...係就係開到個頭...但係之後點樣keep得耐就...唔知喇...
喂呀仲有無人有興趣去溜冰呀~~~一齊去玩下啦~~~~星期五六日平價時段係0.6/minute, 貴價時段係1/minute...好抵玩架~~~另外加10蚊租鞋錢~~~~星期一至四都係30蚊無限溜~~~~~
溜呀溜呀溜呀溜呀~~~~~
5點玩到6點幾, 搭車番黎HKU...就起架30x上面收到一個既電話...
"喂我係代表?xjkla34打黎, 我叫XXajkl23, 想同你做個ajkl;2342jkl;asdf"
我叫佢repeat左3次, 先聽到佢話係bloomberg, 打黎想做phone interview"er...唔好意思呀, 我呢度好嘈, 可唔可以遲半個鐘打黎?"
"好呀"收線果一下係1842
即刻仆番去312想睇下bloomberg既資料...但係312又嘈又多人, 過番去311...搵番bloomberg係咩黎, 搵番我究竟報左bloomberg既乜野=___=
真係呢...成日都係咁, 證監會叫我去in果陣我連自己有報過都唔記得...呢次又係, 我知有報過bloomberg, 但係真係...連個title係咩都未搞清楚...
1920再收到佢既電話...
頭果幾句都係用廣東話既...真正開波就用英文喇
"Can you tell me why you would like to work in Bloomberg?"
standard到極點既問題, 好彩, 好彩我等緊佢個電話果陣直情將個答案用notepad寫好左, 佢一黎就問呢條, 我幾乎係讀比佢聽咁濟XDDDD當然, 要適當地加番少少lag落去...如果唔係好似背書咁真係唔係幾好...Question 2: (In english) 我見你話你去過北京大學exchange wor, 咁普通話應該有番咁上下啦, 可唔可以用普通話介紹一下自己呢?
呢個phone interview真係三文兩語都用曬, good 丫, 用普通話介紹自己, easy 汁啦, 講左一大輪, 講下自己叫咩名讀咩科做過咩intern...諗住休息一陣, 繼續講下自己上過下莊住過下hall...佢好似都聽夠喇...
"(In english)好啦, 我地既HR遲d 會聯絡你架喇"
@_@咁快就完啦!?@_@
放低個電話之後, 有少少...斬空氣既感覺, 即係呢, 之前JPMorgan既phone interview令到我對呢樣野真係有好大介心...咩3 strong points 3 weak points...呢d真係...搞到我呢, 聽個電話之前進入左一個都幾tense既狀態, 點知打黎淨係問左兩條...完全係...捉錯曬...放低個電話之後...有d唔知點既感覺...
上去SU can, 見到lala, hilda同ringo剛剛食完飯, 我個人係physically 坐低左, 但係mentally 都仲係唔知起邊...多謝ringo等我食埋飯先走XD...跟住番去312想做derivative last assignment...但係...真係好眼訓lor唔訓, 八點幾坐入黎, 坐到而家差唔多10點鐘...都唔知自己做過乜...
Recent Comments