April 28, 2010
-
尋晚...某人起我既supervision之下, 起msn入面冒認我同其他人講野, 中招既兩個人都好聰明, 好快就發現左呢個阿西並唔係阿西, 犀利XDDD
番到屋企...都好夜喇, 成兩點半就黎三點....
訓得好差...look 黎look去都訓唔著, 朝早發個夢又醒左...好似成晚無訓過咁, 但係八點半就起身...
朝早去左觀塘某商業大廈interview...
枉我尋晚走去溫SQL, 今朝起身睇番咩叫1NF, 咩叫BCNF, 今日既interview, 係1 on 1, 一個HR...HR呢...就即係, 咩technical 野都唔識...
"去PCCW做過咩?"
"你覺得你arm ng arm 做leader?"
"有無試過一group人做野既時候, 有分歧? 點算?"
"你對我地公司有幾多了解?"
"有無咩其他問題?"都係呢類問題...
"我地呢兩個禮拜都in緊人, 下個禮拜五之前...可能會有通知, 再黎見一見我地既IT manager"
我問佢其中一條問題係..."其實份工即係做乜...因為我見JIJIS果度得一句話IT trainee"
但係呢...問佢其實都無乜用...聽完佢既答案我淨係get到三個重點
IT support / crystal report / data management...都幾clerk...
我諗學下crystal report都好既, 好似好多地方都會用到...
唔, 臨尾加多點, 個HR...真係...人靚聲甜@_@...
番黎HKU, 搵derivative tutor, 真係搞唔掂呀...最尾果兩個chapter 完全唔知咩事lor, assignment完全唔識做...1200去到...起門口聽到入面有人問緊野...就廢是阻住人...諗住起出面等一陣先入去, 橫掂出面有位坐...但係等極都等唔到入面個人出黎...忍唔住走左入去...個學生係逐版逐版咁問=__+不過咁都好既, 我起隔離聽埋
等左好耐先輪到我問點做assignment...書既差問題真係出得好差lor...有一題, 係要refer番前面果題既information既, 但係又唔講wor...另一題仲衰, 直情比少左information, 根本無可能做到既....但係個tutor又話已經有人交左assignment...肯定有solution啦班人...唉...可惜我手頭上果個solution無呢幾個chapter, 唉唉唉
番.NET...憑住tutor比既extra information, 起碼叫做做到兩題先....根住...同偉明講下engine math 2點做...又打下DotA...唉, 真係衰, 今日打左兩鋪, 用左好多時間=___=
唔知點解今晚六點幾果個時候, cs個network好差, 連yahoo, google都ping, 唔到, 走左落IP lab試下上唔上到網啦...試試下....眼訓...起IP lab 拍埋4張凳訓下覺...一訓就訓左成粒鐘=___+
訓醒諗住去SU can食個飯啦...但係去到SU之後, 又眼訓到飯都唔想食=___+於是又番去IP lab...到差唔多八點半又比人召喚左去食飯...
深夜, 幾條友坐埋起IP lab...瀏覽一下...性事良品既網上商店...真係大開眼界=___=
Recent Comments