May 8, 2010
-
LAST ENGINEERING COURSE EXAMINATION
ELEC 1802 Engineering Mathematics崔sir一反過往6年既傳統, 竟然唔出Cauchy Riemann Equation...呢10分既complex analysis變左...mapping...好簡單, 將一個rectangle由z-plane map去w-plane...操作上勁簡單...不過呢...唔知有幾多人識個concept...
果part notes我無睇過, 呢段記憶係黎自...上年去北京exchange之前, 我無聊番黎上1802...果時聽落既野...
另外, 仲有exponential distribution既moment generating function, 如果唔係有上堂, 聽到崔sir話take t < 1/theta, 真係唔會識得in落去...
係咁多, 成個1802既course, 就係得呢兩樣野係上堂學番黎...
其他都係standard既題目...
成份卷, 有一part我到而家都唔明, e^x (0<x<pi), 點解可以express in Fourier sine series? Exponential function唔係odd function...點解...點解...?呢part 10分, 之後果part partial differentiation equation最終個答案就係果條sine series...失左兩個答案分呀...
Through out成個考試, 真係好多人去廁所, 我信有部份人真係去廁所既, 但係呢...另外果D就...
早兩日, 聽左某位考ELEC3203 cellular radio既同學既轉述, 佢地起LE考, 個場得一個監考員...成班year 3既人大家都係識既...出貓出到離曬po...忽然諗起當年Swire Touch camp完左之後, 某位EEE既大仙既一番說話
(節錄自2007_08_07 xanga)
「起HKU入面出貓好正常架啦。一到考試你會見到d人條褲特別多袋，一開考望一望份卷就要去廁所，臨收卷前又去一去。起呢d情況，個過程係點根本唔重要，最重要係你要A到出黎，或者唔好炒先啦。有d course讀黎真係虧ge，我識有個fd Year 1 讀果個English course..要交report，佢搵左個準備讀law ge 師妹黎同佢寫，d英文寫到好似Times咁，A曬啦～唔寫又點者，寫完你學到幾多野？你慳番d時間睇其他courses唔好？將來老細比左個project你跟，佢理得你係去偷去搶去賣身去買番黎丫，總之你搞得掂個project，做ge野唔好影響到間公司，佢真係話之你死。過程，重要咩？至少起大學考試呢個過程入面..你自己諗啦。」過程, 重要咩?
的確, 有好多人入黎都係為張沙紙者, 好似某d engine course咁, 讀完既野...會記得架咩? 1614果堆野, 有邊個記得, 有邊個仲會用番出黎? 小弟慶幸三年以黎無乜邊科話真係讀唔掂...讀得掂既, 梗係要靠實力, 但係...據小弟觀察, 力有不隷既同學係越黎越多, 特別係當engine放寛收生限制, pure math唔再係必備之後...
讀黎又無用, 又讀唔掂, 但係又唔讀唔得, 唔難理解點解咁多人出貓
(謎之聲: 讀黎無用? 讀書有時著重既唔係果個知識點, 而係你既思維, 起理解既過程入面你會學識果種思考方法, factual knowledge, method你會唔記得, 但係一個methodology, 一套logic, 會永遠embed起你個腦入面, 你讀既時候可能唔覺, 但係當讀書讀得多, 日積月累沉澱落黎你就會feel到架喇)
(上面呢套說法, 係好多年之前, 我起mini forum同人講到...究竟一個form 5學生讀math黎有咩用既時候, 講過既野... 但係人越大, 越係補過好多學生之後, 越係發現到...有好多人真係永遠唔會feel到beauty of math...遑論embed甚麼甚麼思維入個腦度...)
或者...會有人challenge話...其實邊會讀唔掂丫, 假假地都入到黎HKU, 渣極有個譜, 平時肯花心機上堂多d問下問題, 有乜理由讀唔掂...我都認同既, 起碼大部份course都應該係...
不過, 當一個investment既expected return真係太低既時候, 真係好難吸引到投資者...
原則上..唔會認同出貓呢種做法...
但係實際上...我覺得都可以體諒既...=__=我所有engine course都讀曬啦...我唔係講緊話呢年...我undergraduate生涯既engine course已經全部完成...
Recent Comments