May 16, 2010

• 今日睇到單新聞...話西貢西灣...有兩間士多既人因為生意問題釀成流血衝突...所謂生意問題, 其實黎黎去去都係搶客仔者...下次經過西灣真係要留意下=___=特別係如果有大班人既話...如果大班人都入左同一間, 另一間肯定會燥到上心口=___=

  另外, 呢單案, 唔知點解係交比黃大仙警署負責=__=我諗極都唔明...而家西貢無警署咩=.=?

  又...上forum八掛一下關於E公司既狀況...睇到佢請grad job既人工...
  U grad, 11K............
  U grad入行一年後12K.........
  要OT到癲左, 星期六日都要帶番屋企做...
  “E公司一定唔好apply”

  哦=_____=

  但係間野, 明明係好勁至係格...連www.gis.com呢d網址都比佢買起左...

  可能總公司同分公司...始終有好大分別...

  去左佢內地分公司既網站睇...招聘30個system developer=___=||||

  其實呢, 小弟一路對grad job既要求都唔係好高...
  12/13K都滿意...
  不過近排見到各位畢業同學...呢個又>30K, 呢個又接近20K, 果個又點點點..
  真係=___=有少少壓力=___=
  好彩...我唔係同現CE part 3一齊grad者sosad

  其實呢, 功能組別呢個問題...我無話好深入好深入咁研究過
  如果問我, 無功能組別係咪一定好過有功能組別, 我都唔敢100%咁講話係
  功能組別呢樣野究竟係從根本上已經錯, 係由頭錯到尾丫, 定還是, 係我地implement得唔好, 可以慢慢修正落實既方法?

  我而家見到既係, 功能組別入面有班垃圾起度, 廿蚊張係一個例子, 黃宜泓係一個例子, 當然, 就算成個功能組別都係由垃圾組成, 都唔可以由此conclude話功能組別無存在價值

  我認我可能係接觸得太多讚成廢除功能組別既資訊搞到我有咁既諗法...又, so far, 我想搵d理據, 比我支持留低功能組別, 我又真係唔係好搵到, 通常都係好簡單咁一句”可以提供獨立及專業意見, 有利各界均衡參與”云云...要反駁呢D理由, 網上面大把, 而且附有大量實例, 想再搵反駁果D反駁既理由, 好抱歉, 我真係未見過...睇果d功能組別議員發言, 有d會過份simplify左個問題, 然後輕輕一兩句廢話帶過...無認真回應過人地既問題...如果你認認真真寫篇文出黎, 同我講下功能組別點解值得保留, 又認認真真反駁下人地廢除功能組別既原因, 重點係認真, 千祈唔好叫譚惠珠出黎同我講野, 學尹光話齋 “同你講野氣都曬”...我係會聽架lor...我覺得, 好難怪我而家唔支持功能組別架wor, 我真係搵唔到支持既理由起邊度

  普選
  通常唔讚成普選既人都係話, 普選唔一定會選到個好既凸手出黎...無錯丫, 但, 我覺得普選個重點從來唔係話要選一個最好既人出黎, 重點係比所有市民一個參與政治既機會...政治即係...”管理眾人之事”, 意思唔係話眾人淨係比人管理, 眾人應該都有份參與管理呢個過程

  但係又會有人質疑, 香港人夠唔夠質素去普選呢?
  哈哈, 我唔知
  年年都有民建聯開選舉機器黎車d選民去投票...

  不過呢, 我係投理念, 唔比香港人實踐下, 永遠唔會進步

  所以今日去左投票, 投左比陳淑莊
  投之前我都有諗過下, 好唔好投比大專2012...果位梁同學

  講真, 我覺得果位梁同學係我起潮商小學讀書時候識既梁同學...又係新移民落黎, 又係大我兩年, 個名exactly一樣, 樣又咁鬼似...小一小二, 呢兩年既全級第一都比佢拎左lor...我果時都幾唔憤氣有兩個大我幾年既人...又讀多我幾年書既人黎屈我機...

  (注: 當年潮商小學, 一級只有一班...)

  佢地參選, 都係想幫手啟動五區公投者, 又唔係真係想當選, 當選左佢咪仲麻煩...唔駛grad咩真係...而且我又驚d人會唔知點樣解讀投左落去大專2012既選票, 所以都係投番陳淑莊穩陣d...

  • 10:37 am
  • 1 Comment