June 4, 2010

• 0748起西環尾上小巴, 0758我竟然企左起波斯富街, 呢個價值10蚊既小巴果然唔講得笑, 西祥街已經轉上四號幹線, 一直都無位停, 最早落車都要去到維園兜番轉頭起世貿...

  咁早去到我都唔知做乜...起Burger King食個早餐, 番到公司去個廁所, 玩左陣接龍, 都只係0845...

  10xx過左去問清楚個manager即係要做乜...開工第4日, 終於feel到自己入正題, base on manager果個已經有兩個tab既plug-in, 加多兩個tab比佢, 用黎show script同埋flash既link...一路做做做做做...其實都係研讀Manager已經寫好既code, 適當咁copy and paste番...然後改改改改

  Lunch同碩果僅存既兩位女teammate食飯...黎到Y公司4日第3次比人問我有無iPhone...講起iPhone, 我尋晚搭地鐵番屋企果陣, 企起兩排凳之間, 兩邊12個人入面起碼有5個人係用緊iPhone / iPod Touch...痴線, 淨低仲有個應該係HTC...真係通街都係用智能電話...

  食完飯之後...佢地帶左我同solon去12樓玩足球機@_@...自從form 2/3之後我都好似無玩過, 估唔到今日玩番都仲係咁順手XDDD

  1415番去繼續做...1500左右其實大致上寫好架喇...接住落黎既1個鐘都係用黎de一個細到無人有既bug...1630 solon率先成功研發成功, 我同佢其實係independent 咁做既, (就好似Newton 同Leibniz各自發明differentiation咁), 做出黎都差唔多, 佢分享左佢剛剛de到既bug比我聽, 估唔到, 咁q, 我又係比同一個bug kick住左...

  一個s, 既大細階...浪費左我成個鐘...

  嘩我即刻乜都唔理撻番陣皮先, 咁arm呢個時候manager過黎睇下我地做成點...見我地初步ok就講下之後仲要點做...話要比user configure下呢樣果樣之類...撻多陣皮之後...繼續開工...

  六點半走人, 同陳鈺龍去江仔記食碗腩筋河先去維園, 六四燭光晚會...

  大概1930入場, 坐起第4個足球場...

  左面鈺龍兄起度上mini, 右面有高登人起度上高登...網民真係無處不在...

  大會估計有15萬人出席, 同上年差唔多; 警方估計有10萬人出席, 係21年以黎警方估計人數最高既一次@_@...

  有咁既數字都幾喜出望外, 話曬上年係20週年, 又有陳一諤, 呂志偉等人曲線喚醒香港人關注六四...今年就只有警察強搶民(主)女(神) (我勁鐘意李卓人最尾講強搶民女呢四個字XDDD), 中大校方以政治中立為理由反對擺放新民女像...觸發香港人既事係無上年咁多, 但係人數竟然都拍得住上年...係咪証明香港人應該足夠認識六四, 唔需要再有咩事件先觸發到去出席燭光晚會?

  老老實實, 我唔敢話我知多好多關於六四既事, 我最多都係睇wiki, 睇下星期X檔案, 新聞透視, youtube 新聞片段等等, 趙紫陽本改革歷程我都未睇過...或者有人話, 呢D媒體未必夠中立, 反映唔到事實...不過呢, 我又見到另一個事實, 就係中央從來唔敢提六四, 六四之後都唔敢企得好硬咁話自己無錯, 只係一路逃避問題, 早幾日立法會開會, 講到六四議題, 全部建制派議員都唔起度, 直至投票果刻先番黎...

  點解佢地要逃避? 因為佢地知道佢地理虧, 佢地既論點站不住腳, 佢地只係用高壓既權力控制住, 佢地不堪一擊, 佢地抵擋唔到平反六四既聲音, 佢地心知六四終有一日會平反

  六四歌曲入面我最鐘意自由花：
  忘不了的，留下了不死意識，深深相信始終會變真某年某夕；
  如此訊息，仍賴你跟我全力，加一把勁，將這理想繼續在尋覓。

  都知道六四呢十年八年來都未必平反到架喇...起碼等李鵬死左先啦, 出席燭光晚會, 我覺得主要唔係為平反, 係傳承...提醒下一代發生過六四呢件事, 比起平反本身更加有意義...果班學生死左就係死左, 平反左都唔會反生...藉住呢件事黎教育下一代更重要~

  2011年6月4日, 星期六晚, 約定你

  出番記利佐治街, 又聽到長毛哎”曾蔭權”, 然後市民哎”仆街!” XDDD

  去世貿打左兩鋪jubeat, 跟住鈺龍師父打, 真係要哎一聲師父, local play如果我唔係跟住你既話都唔知點過果d level 8既extreme歌XD

  • 11:59 am
  • Comments Off