November 1, 2011
-
hku真係幾鬼正, 成日請到d正既speaker黎講野
兩三個禮拜前請左梁文道黎講香港既藝術界
佢話(應該話, 係根據我既理解, 佢話)...
如果有人要批評香港既藝術文化, 梗係話香港既係文化沙漠, 無人識欣賞/重視藝術
香港叫做artists既人, 係容祖兒, 唔係艾未未 (某位朋友既xanga都提過@_@)話說馬會有次托佢搵藝術家整馬既雕塑
梁文道搵左堆人番黎, 馬會問應該比幾錢好...
佢開左個數, 馬會果邊覆..."下, 但係我地諗住比五千蚊ja wor"
"人地要間studio要工具材料, 都未計人工, 你淨係比五千蚊佢?""我輸起阿仙奴度既錢都唔只五千蚊啦!!!"
(相信大家仲記得八月尾果場曼聯VS阿仙奴....)聽佢轉述一次大陸裝置藝術家既會議
一睇就知香港既藝術家係兜mou過大陸既藝術家好多
而且大陸既藝術家一上台, 可以滔滔不絕咁講好多fine art theory
而香港既藝術家係: 唔, 呢件野幾好丫因為起大陸搞藝術真係賺到錢
賺到錢既其中一個原因係...大陸有好多metric去量度一件藝術品
按住個metric去做, 唔難反觀香港, 就係因為香港既文化藝術係咁唔發展
所以先容許好多非主流既野出現
而文化藝術最有價值既地方, 可能就起果D非主流既野入面香港容許文化工作者以業餘性質創作, 比到佢地既空間反而更大
如果同大陸人講, "呢個詩人...係渣巴士既"
個大陸人肯定嚇到下巴跌左落地, , 偏偏香港就係有呢D人
鄧阿藍, 有睇開香港獨立媒體既話應該有睇過佢既報導
話呢個詩人係渣巴士既, 其實唔係好arm
應該話, 佢係一個渣巴士又識得寫詩既人
(雖然我唔識得欣賞佢寫既野sosad)講完藝術界呢個現象, 可以即時套用落音樂界
"之前好多人話香港既樂壇全部都係情歌, 搞wang曬個樂壇"
正正就係個樂壇比人搞wang左, 先激發起咁多underground band
The Pancakes, ToNick (上年有首Last Christmas好紅)=======
然後尋日請左梁家傑黎講野
講外傭單官司
"基本法第二十四條係話, 外籍人士如果想申請香港居留權, 要先乎合兩個條件, (1)起香港連續居住7年, (2) 以香港作為永久居住地; 呢排單官司係講野, 外傭來港工作既時間, 算唔算satisfy到第1個條件"
呢度只係講緊申請資格既其中一個條件, 就算政府輸左官司, 就算班菲傭就算真係起香港住夠七年, 佢地証唔証明到佢地會以香港作為永久居住地呢...?
"葉劉呀, 有d建制派話...消息人士話香港有12.5萬個菲傭起香港住左7年, 然後又話假設佢地帶埋一家大細黎, 就乘4啦, 一家四口丫麻, 五十萬外傭湧港係咁黎既; 注意, 消息人士, 我地唔知果個係邊個, 亦唔知佢點數出黎; 第2, 12.5萬個菲傭起香港住左7年, 但佢地係咪連續住左7年呢? 你問葉劉佢都話答你唔到"
而家法院處理緊既果幾單外傭案, 佢地堅係以香港作為永久居住地, 連仔女都有香港身份証喇, 一家大細都起香港, 但係, 香港有幾多個咁既外傭?
"法院好清楚自己既權力去到邊度, 判斷一個人有無居港權呢個係入境處既事, 呢個行政既權力法院唔會干涉, 林文瀚法官拒絕左政府既暫延執行令, 因為呢件事根本就唔需要法官批準, 入境處鐘意既, 隨時可以要你等357年先覆你都得"
Recent Comments