July 1, 2012

• 七一

  原因？當係李旺陽啦...

  我無諗過大家咁快就哎CY落台
  雖然我對呢個人無乜好感，亦唔係好信佢會做到D咩野出黎

  或者佢真係會做得好呢...或者...
  如果佢做得好，我唔會理佢有無誠信...
  雖然大家直覺覺得...無誠信＝唔會做得好...

  關於有示威者衝破封鎖線...
  可能係唔係幾好既，民陣開頭同警察個plan應該唔係咁
  但係見到附近既人一個一個頂唔順
  又暈又嘔，真係有需要快D疏散人流
  警察睇唔到呢D人所以唔明白...
  唯有...同果D因為遊行而受影響既道路使用者道個歉啦
  一年，得一日七一者

  Facebook流傳住幾張相，係D車／警車比人貼曬貼紙插曬旗...
  行過見到果陣都覺得唔係幾好...插旗都算喇，D貼紙好難mi架麻...

  遊行完去睇煙花

  遊行之前已經諗，其實我都唔係好覺得回歸...um...成為中華人民共和國既一部份係咁值得慶祝既事
  （唔...我開始對「回歸祖國」呢D term有懷疑喇...都怪我睇得太多高登，唯有用住D扮無立場既字眼）
  去睇煙花好似有D唔係好對得住自己既立場
  慶祝七一煙花，同以前起維園示威區隔離搞嘉年華會差唔多
  如果我去睇煙花，而唔理煙花既意思...會唔會有...梁文道〔其實不明白〕入面既問題...?

  strictly follow呢個logic既話，遲D國慶煙花我都唔應該睇lu...

  • 10:19 am
  • Comments Off