[2010_08_31 – Last Day of Internship in Y!]

昨日local team meeting, manager作出修正, 說今日稍後時間負責HTML5 sharing的並不是小弟…呼…雖然說就算真的是小弟負責, 不見得小弟會很緊張, 或努力準備, 橫豎是最後一天, 撻皮是必然的…不過manager仍然問我有沒有興趣做這次sharing…我是耍手兼擰頭, 旁邊的supervisor說…”我負責也沒所謂”, 呵呵

今早回到office, 放低斜袋, 便拿出相機到處影相…pantry, cube, 魚gong, 通通給我收進SD卡裏...還有時間慢慢烘花生醬多士...沖咖啡

11點...解釋一下Hack Day website的運作給同事A...做得最差的地方...當然是我hardcode了比賽名次...而不是save在database裏...老實說, 每個category都有自己的名次, 又要假設每年category數目不同, hardcode部份資料是必然的了...就看hardcode了多少, 我懶, 幾乎100% hardcode...同事A也無可奈可, 整個website就是這部份的code不能reuse...可能要交給下年度的intern負責了xDDDD

1245...Team farewell lunch, 鳯城酒家, intern免費@_@...

lunch之前已經想...該買甚麼樣的散水餅/散水朱古力...原本想在gourmet買一盒高檔次的朱古力...不過...teammate宴請的這頓lunch...也不是便宜耶...每人接近100...加上知道今晚的farewell dinner更是價值不菲...(雖然不是同事付款...), 把心一橫, 去了Sogo 下面的Godiva買朱古力, 12粒Truffle價值三百一十個大洋, 幸好solon有銀聯卡9折, 打折後279, 每粒朱古力價值23.75=___=...

回到office, 拿著朱古力跟每位同事來個合照...剩下了兩粒朱古力, 幫kendrick送到legal department...呵呵

剛送完朱古力, department weekly meeting又來了...等待team meeting期間...稍微修改一下hack day web site, 然後到team meeting, 看看supervisor presnent HTML5=__=...我猜韓國和台灣那邊的人多半也不是在聽...

1730, 與其餘4位intern...跟HR來個exit interview...唉, pulse結果還是爛尾了, 真的還要花時間上去嗎=.=?

關於part time 的問題, 自己team是沒有的了, 另一team提供了大量part time空缺...於是跟那邊的manager談了一會...

唔...er...um...我看, 好像不太適合...

farewell dinner, 伊呂波, 事有湊巧, 上年P公司Internship last day lunch也是伊呂波...一個最普通的lunch都要90...dinner...呵呵, 哈哈

這盤肉, 價值250大洋...的確是好味到飛起, 特別是右上方兩粒牛肋骨, 看過無數個飲食節目, 說甚麼"呢舊和牛...入口即溶", 我想...就是這感覺了~!

埋單, 10個人, 總共27xx @_@...貴到飛起@_@...

飯後到了恩平道...某樓上酒bar...supervisor大談"玩"

"同學, 你有無同學有去"玩"呀"?
quote住玩呢個字, 就梗係唔係玩AOC玩iPad玩game啦...當時既環境係...一大班工作中的男人...加一位女同事...所以"玩"的意思...是...
"唔...我諗無掛"
"無~!?我就唔信喇, 佢地玩左你唔知者~~~!"

"拿, 醉酒分四種, 一種係嘔, 一種係訓, 一種係發癲, 一種係斷片"
"咩叫斷片?"
"斷片即係...咩都唔記得!"

"Dragon-I 呢, 好多靚女, 真係最多靚女就係呢間, 不過全部都好假, 氣氛好怪, 你(not saying to me la ok)唔會鐘意去, 不過去見識下都好"

"你講左咁多, 你係咪都去過先"
"呢個你咪理, 總之我講既野都係真既"

唔...雖然有女同事在場, 說到這些topic大家都...無甚忌諱
"入到去果間野, 4個入去, 坐低咪變8個lor, 你鐘意咁又得(隻手做一個...捏泥膠既動作), 或者咁又得(隻手上下chok)"
我看不懂...想找個人釋去我的疑惑, 剛巧那時有眼神接觸的就只有女同事
"下? 咁即係點呀"
"....即係上下其手lor!"

"拿教精你啦, 同女仔去飲酒, 叫杯Baileys比佢, 易入口丫麻, 飲下一啖飲下又一啖, 唔覺唔覺就訓低左架喇"

無言....

在地鐵站門口一別, Y! Internship 正式完結...

---

 

三個月的internship...

回顧一下, 學到甚麼呢...?

技術上, javascript + PHP 又進步了一點點, 用於build up Firefox add-on的XUL...老實說, 太specific, 沒甚沒大用途, 而且我也不是真的很懂...HTML5似乎才是最大得著, 不過...也只是略懂一點canvas, 和transition...

處事上...個人沒甚麼體會...倒是聽了一堆辦公室政治...

cc, bcc
"明明我都send過email同老細講話果度有d問題, 佢又話無事無事, 點知大老細一睇就話出事喇, 大老細走黎同我講, 話呢part有問題wor, 咁我諗, 佢話有問題果part係老細做既, 咁老細應該唔會錯掛? 咁我梗係要攬住老細架麻...點知...真係錯左...拿, 其實, 如果, 我一早cc左比大老細, 咪乜事都無lor~!"

還有...industry中...programmer的一些感概...

[2010_08_28-29。行社47莊O camp pre camp @ 東龍島]

人地11點就搭船入去...我呢...果個時候仲起屋企訓緊覺...難得有個星期六唔係唔訓下化!? 我抱住呢個attitude 生活左好多年xDDDD同埋...成個禮拜都無同阿媽食飯@_@...去埋pre camp真係=___=

呢d時候都係要有個人遲入既...如果邊係邊個拎麻繩入去xDDD?

要搭4點半既由三家村開出既船...一點鐘既時候一同老豆阿媽講話今晚去camp, 立即風雲色變, 轉瞬傾盤大雨=___=...我望到都呆左一呆...咁係咪即係叫我唔好去+.=?上網check下, 只係香港西面落雨, 東面仍然陽光普照, 收到sasa電話叫我買野飲入黎, 順便問下佢, 你果度天氣點? "曬到熱死wor" =.=

1點半剪完個靚頭, 拿拿聲番屋企洗一洗, 然後衝去水街買麻繩, 平時買開麻繩果間鋪今日竟然無貨, 轉去五金鋪買, 等左勁耐先拎到一球出黎..."22蚊丫唔該", wtf? 麻繩球要22蚊咁貴? 我記得..明明...以前係12蚊ja wor...

搭叮叮去到上環買五支飲料...重到pk...去到三家村碼頭...好似得我一個去東龍島咁既=.=?成個上層我一個坐曬@_@...落船見到lala/ringo/iris由遠處跑過黎=___=走三個黎番一個=.=....

去到campsite得hilda同sam哥起度, 其他人去曬pre treasure hunt...三個人玩左左幾鋪Monopoly Deal...玩到五點幾先等到佢地番黎...原來佢地都r左好多helper黎pre camp wor @_@...犀利犀利...果時45莊pre o camp有幾多莊外人..? 好似得一個=____=...

番到黎就開始backwoods cooking, 上一次親身參與backwoods cooking就係仲上緊莊果陣黎東龍島pre o camp...上年去46莊既o camp我都撻左皮啦...完全無幫過手, 今日繼續撻到飛起...坐埋一邊都唔知自己做緊乜...

Terry有條rule, 話gas爐淨係可以用黎煲水...當聽到另一邊有人用gas爐黎煲飯佢都"jip"左聲, 好嗤之以鼻咁...唔...的確, 正宗既backwoods cooking係咩gas都唔用, 甚至連炭都唔用, 自己執枯枝黎燒, 不過呢, 呢個type既backwoods cooking係full day function...

睇住佢地用兩個炭爐, 一個長期比隻雞occupy左, 另一個炭爐, 竟然係用黎煎蛋, 起炭爐上面用煎pan煎蛋, well, 呢個係backwoods cooking crossover camp cooking, 新潮到我去左咁多次露營都未見過...由煮熟食物既角度黎講, 一樣得, 不過由backwoods cooking既角度黎講...

What is backwoods cooking? 以下係小弟既理解...唔用gas唔用煲唔用鑊唔用pan << 呢度係指起屋企見到果d...backwoods, 照字面解我諗係"番去森林"? 即係咩架餐都無啦...所以呢, 我覺得起炭爐上面用煎pan, 倒不如用番gas 爐算啦, 我明白短時間內backwoods cooking真係無可能煮到餐夠10個人食既飯出黎, 所以用gas 爐煮其他野食係可以接受....只係, 起backwoods cooking果部份, 不如做番正宗少少啦, 一個爐用左黎燒雞, 淨低果個爐...可以考慮下用黎煲飯丫, 菠蘿飯好椰青飯去, 或者燒面包又得, 想食蛋既整薯仔蛋橙蛋又得....咁先係ultilize到個炭爐lor...我係咁諗

到campfire, 見到佢地拎黎果兩塊木板我真係呆左...果兩塊板係...用黎起貨倉運貨, 墊住貨物既木板...全部用釘釘住左...

正當我同BenBen睇緊果塊木板既時候, 營地另一班人既leader走左過黎...

"我想問下你地...係咪想campfire?"
"係呀..."
"咁...首先我想講呢, 起郊野公園, 燒烤爐以外既地方起火係犯法既, 另外....你見到我地d營咁近你起火既位置, 我諗都唔係幾好啦"
"唔...我都明...其實...(我想講話雖然我想玩campfire, 不過就算你唔走過黎話我地都好, 面對果塊木板我真係唔知點起火)"
"其實呢後面我地仲有個燒烤爐, 我地好快就用完架啦, 不如你地搬去果邊丫"
"哦...我諗唔駛喇"

backwoods cooking完, helper去洗碗果陣, 同佢地傾左陣, 好彩...令到佢地放棄左塊木板, 轉買木條...如果唔係...都唔知佢地點起釘點鋸木板...

其實都唔駛咁擔心話未試過起火既...放火者, 有幾難?

無火, 都唔緊要既, 練住campfire song先lor...

每一次玩大學入面既campfire我都要講一次, 大學學既campfire songs同我起童軍學果d係唔同既...例如New Friend Found, 大學叫Changing Partner,14454 114454 / 14454 671121, 前者係大學版, 後者係我起scout學既, 前者單調刻版, 後者個音樂感強10倍, 又例如Go Round and Round the Valley, 大學係用左個...我覺得好怪既半音..."round and round" 呢三個字都係半音...你話我先入為主都好, 總之我就係唔buy大學版...仲有咩呢...One Elephant, 我記得呢首係有音既...不過我自己都唔係好記得點唱...

(話時話...One Elephant...小弟做venture果陣, 有次帶住16去西九龍11個campfire...就係出黎lead One Elephant =.=.....感覺好差=.=...因為果時我都唔係好識d音, 都係rap出黎算...)

果時scout去campfire 唱咩架呢...睇番2005_07_31既xanga...
"唱下bumble bee, seven steps, 好童軍, suitors, go round and round the valley x2, new fd find, edelweiss, one elephant, singing in the rain, put your left in, fee fly flow, love grows under the wild oak tree, when I was one, auld lane syne咁…（咦=.=？我做乜up曬ｄ歌名出黎…）"

14首, 同行社都差唔多啦, pre camp 唱左11首....

大學既campfire song...通常都有好多現代既元素, 例如成吉思汗, 超人的主題曲, 狂歡之類...scout一定唔會有...

老老實實, 你問我邊個正宗d我一定話係scout果d, 大學生好似係學唔足d campfire songs所以搞到咁lol
(例如Suitors!!!!咁好玩既campfire song都無!!!!仲有Eleweiss...咁經典, 3歲小朋友都識唱...唔知點解又唔係成日有!!!我唔明點解咁多人做唔到Eleweiss既掉轉左右手版lor!!!!仲有呀!!!! 以上兩個係動作好玩, My Bonnie既走B版, 錯一兩次都好啦, 有乜理由成日錯架!!!XXXXX XXXX, XXXXX XXXX, O XXXXX XXXX my XXXXX to me, to me. SO EASY!!!! 以上呢個係腦筋急轉彎....仲有...Love Grows Under the Wild Oak Tree....呢首..勁好聽!)

練完campfire songs, night walk...原本Terry話起營地後面出發去蟾蜍石, 嘩, 小弟黎咁多次東龍島都未聽過營地後面有路去蟾蜍石...
Owen: 如果d member起果條澗度仆低咁點算先

結果改番好似45莊條路線咁...經水管上, 中途轉去蟾蜍石...不過今晚Terry Map失靈, 帶錯左路, 早左轉去蟾蜍石...行左條唔係路既路...雖然最終都係行到去蟾蜍石, 不過就行死左部份helper咁lor...

蟾蜍石, 真係....成個東龍島最值得去既地方...小弟係咁覺得...夜晚定朝早, 果度個景都係咁好睇~!~!~!~!~!~!~!~!

night walk完番黎就訓覺啦...入到大學慣左去露營唔入tent訓...當年form 2黎東龍島露營, 個隊長就係走左去山崖邊附近張凳做露宿者...衰在我唔鬼記得左果個位, 今次蠢左,起草叢邊既亭度訓, 多蚊到飛起, 朱華添同我一齊訓...訓左陣大家覺得唔掂, 佢拎支蚊怕水黎噴...噴完, 都係唔掂, 我縮左兩隻手入件衫....我feel到d蚊係隔住件tee都針到...=___=...又隔左陣...我拎左條長褲出黎, 著住佢....又隔左陣...我拎左件長袖衫出黎, 著住佢...又隔左陣....我拎左件衫出黎包住個頭....又隔左陣....天光啦...

what the fuck? 我有無訓左一個鐘?

六點半就起身齊齊煮公仔面...Terry同Owen真係同大自然融為一體, 竟然可以訓到七八點...直至我地去叫佢先起身@_@...

hae左好耐, 直至到我同owen話要拆營...曾幾何時我好唔鐘意拆營...又污糟又麻煩...今時今日...唔知點解覺得係easy task...有得起呢d時幫下手, 咪幫lor...煮飯洗碗我都唔做已經覺得自己好衰仔...=_=...

去沙灘整竹筏...Terry做開instructor, 梗係比佢教算啦, 四方編結wor, 好話啦, 小弟中三就先識...(身為一個童軍竟然去到中三先識, IT IS A SHAME)...我都想鬧自己好懶...乜都無幫到手....之後隻竹筏, 小弟一落水就踢到舊石, 果下我真係diu自己diu左幾十次...無病下化=.=....一落水就奶野....難得東龍島d 水幾靚, 淺灘又無乜石, 頂....咁正既地方, 竟然一黎就損手爛腳, 望一望傷口既深度, ok I lose, 我唔落水lor, 真係好唔開心=(...無得落水玩=(...

又見到好多人黎放狗, 目及女之餘, 仲可以目及下(狗)仔....d狗真係勁好玩, 有一隻狗勁鐘意玩波, 喪追住個波唔知做乜...我地d人走出去同隻狗玩馬騮搶球...隻狗做馬騮做到不知幾開心=__=

講番隻竹筏先, 我覺得大家都紮得好快, 可能就係因為快得濟隻竹筏咁快就散左...因為"bite"左既既係, 我都無研究到隻竹筏死因究竟係咩...總之到時...隻竹筏就一定要堅固d啦~!

搭兩點鐘既船走...番到三家村, terry叫左架貨van黎運物資番hku...得我同owen跟車....因為得我同佢係順路番屋企=___=

終於有機會見識下新soc房, 科橋二樓, 起科學館果邊個門口入, 左手面第二間房就係, 聞說間soc房係三soc share, 但係入去我淨係見到行社既物資, 正呀~!位置好, 又夠大間, 以後落堂無野做隨時過黎過下日晨~!誇張d講句, 真係起果度訓都得丫~!

將來百週年校園起好之後, 老實講未必好得過而家呢度, 兩年之後, 成間HKU既中心會向西移, Haking變成中閘, 科橋呢個位置更加佔盡優勢, 去邊度擺counter都咁方便, 可惜, 我諗到時都唔輪到我地話唔搬啦...

2006_07_15 - 33rd Is. Coy. + 99th HKGVSU Campfire, 小型假火campfire, 我expect一個真火campfire最起碼要搭到呢個樣出黎

呢張係16th HKG 65th Anniversary Campfire 果個假火, 話說當年校長唔再比我地玩真火, 於是砌左呢壇野出黎, 雖然個火係假既, 真火既campfire搭法其實都差唔多

呢個係...2006_05_13 - Join Backwoods Cooking with 31st Is. Coy, 某組既燒雞裝置

同上, 係某組preprocess 隻雞既方法, 個人認為係叉得最好既一隻雞

2004_02_28 - 7th Is. RGSU Campfire, 佢地個火都幾大....雖然已經燒緊, 大概都睇到個形係點樣

另外仲有幾段video想share下

http://www.youtube.com/watch?v=gDRN4CR0F-I << Go round and round the valley, 男mc hold果個版本就係我學既版本...女mc...都唔識唱既=.=

http://www.youtube.com/watch?v=osyFGT--o6Y&feature=related << New Friend Found (Changing Partner), 留意"And we walk to the right"既音高...
http://www.youtube.com/watch?v=zd6UrsgiEIc&feature=related << New Friend Found (Changing Partner), hku既音...

http://www.youtube.com/watch?v=Ia0PWf6uvzk&feature=related << One Elephant, 不過都係rap版=.=

[2010_08_24]

team meeting...

: 阿West下個禮拜二會share下佢做HTML5做左d乜

!?......咩料呀?!....仲等我諗住撻埋intern最後既一個星期, 竟然臨尾果日叫我share HTML5 !?!?!?!?!?!??!?!

唔...不過呢, 根據往績, 我有理由相信班韓國佬同台灣佬係會粒聲唔出...由得我對住個mic 9 up...

[2010_08_25]

臨放工前一個鐘收到街坊F既SMS, 問睇唔睇The Expendables首映... 又李連杰又史泰龍又阿洛舒華新力加又呢個果個...全部都係佬黎...其實有親史泰龍既戲都唔乜駛諗, 咪就係係咁開鎗...同打交....直到完場...本身對套戲就無乜興趣, 不過見係首映...(有得睇首映好似巧威威咁^_^)同埋又唔駛錢, 咪睇下...不過要等到9點鐘...無壞丫, 我一路血戰個Purple Your Day Web edition到八點, 走去Pantry食幾塊餅再飲幾淡水就過灣仔...

起會展睇, 唔...我係今日先知會展都有Theater, 仲要ok大...九點鐘去到排隊, 首映禮呢樣野係不設畫位...門口附近整左塊用黎比名星到場時候影相既牌, 現場仲有用黎貼起手臂既貼紙...當然, 係名星先貼得...

可能小弟對娛圈真係太唔熟, 睇黎睇去都唔知貼左貼紙果d係咩人...街坊稱果堆長頭髮, 短裙, 大眼, 染髮為"名媛"...

另外仲有好多化左妝既女士...

: 嘩黎睇首映都化妝?
: (望一望)....係中環番工果d人者...準備定一陣去蘭桂坊
: 番工都要化咁勁妝, 真係...
: 但係我好想好似佢地咁化妝番工vor!!
: 你無試過咁番工法者, 番慣左一定覺得煩...
: 咁又係

套戲, 無乜野好講啦, 連李連杰都係渣住鎗周圍射....主角永遠係屈機既....一輪轟炸聲後主角獲得勝利並抱得美人歸, THE END. 劇情? 算吧啦, 就好似周星馳咁, 係鐘意睇既, 周星馳做乜都好d人都鐘意睇, 我諗史泰龍都係差唔多

呢晚...番到西環都無食飯, 第二朝起身, 著住條27褲頭都覺得有d鬆=___=

[2010_08_26]

原本今日要去探訪老人院架喇, 不過鑑於過去三日, 每日都有一個intern確認感染手足口病, 為免探訪老人院既主力軍全部帶住口罩出席, 索性壓後呢次community service到十月...到時呢...就唔關intern事啦啦啦啦啦啦啦啦

[2010_08_27]

部相機終於黎到啦, 從wenis手上接過一袋獎品, 成件事好似都好兒戲咁

行貨賣緊$2080, 小弟願以$1500出售, 附送相機袋及4GB卡, 100%新, 歡迎議價

Noel 上星期四last day, 10個intern一齊影左好多好多相, 又咁q起27樓撞到張堅庭又影左張@_@....呢個禮拜先後有Selina/Iris/Kendrick染病所以提早terminate internship...根住今日到Charles Last day, 下個禮拜兩日得由原本10個intern走淨5個...其中4個都係CUHK既=___=

早左少少走, 仆入去天水圍睇Acyl既Drama....

"矮瓜釀茄子", well, 事實証明呢個gag連師奶都會get唔到, 如果一定要我為呢個gag比一個分數, 我希望個分係...100分

團五選拔衰左, 哈哈, 唔緊要, 再接再勵

成個禮拜都無打xanga…起呢度黎講都幾罕有, 唔係因為去旅行bor…純粹係無時間/支力得濟唔想打…對上一期有咁既事發生應該係住hall果排…

呢個禮拜…好高消費=___=…

[生日準備系列: 2010_08_17]

先係有星期二晚…放工之後過去尖咀同46/47莊食飯…拿, 果晚呢, 落到鬼死咁大雨, hilda同john放工即刻起鰂魚涌搭地鐵出黎, 六點鐘既時候仲同同事A研究緊Hack Day 既網頁, 用Swfuploader真係做唔到落去, 用番最傳統既方法算…知道可以頹做, 即刻開心到放工走人…問題係…果日我無遮wor…落到公司門口又走番上office搵遮…再衝番去地鐵站…真係呢…有遮都濕曬…

果日個plan…原本係點架呢? 諗住iris/henry/terry/jacky等等等等人起hku做好張生日卡, 七點鐘拎到去地鐵站, 然後由hilda引開lala, 等其他人有充足時間寫好祝褔語…咁就唔駛起生日正日先寫...咁就無咁suprise啦麻係咪? 點知呢…hku果邊整唔切張卡, 等到七點半都未黎…

同hilda講電話果陣臨尾佢仲要扮多幾句: 你遲左咁多!! 快d黎呀!!之類, okok 果時有我/john/sam/jimmy/sidney起尖沙咀地鐵站比人鬧遲到xDDD

等到1945都等唔到…聞說hku果邊係1915先上970…不過張卡就未做好…Sam哥發起要去左花園餐廳先…

等到齊人, 都差唔多係八點半既事啦…如果早知今日係整唔切張卡, 就唔駛hilda帶住lala行左咁耐iSqure, 又唔駛我/jimmy/sam/Sidney/john踎起尖沙咀B出口背上遲到既污名仲要做隱蔽青年咁耐…(驚起hilda帶走lala之前發現我地~!)…又唔駛hku果邊趕頭趕命啦xDDD

話時話, 尖咀間花園餐廳真係唔錯

[中同再聚系列: 2010_08_19]

嘍囉終於起德國番黎, 都唔係好覺佢去左成年添, 一年前原班人馬起同樣地點食左餐farewell飯…話都無咁快又番番黎…同樣係遊食吟嚷, 同樣係西/中/津/嘍囉…

: 最大既錯事, 就係無做過錯事
(你女朋友應該唔會睇我xanga架可xDDDDD)

由德國番黎, 變左啤酒專家…Guinness…黑啤, 麥味同啤酒花味都好重, 第一次感受到鬼佬涼茶既真蒂所在, 真係好在涼茶feel, 果種啤酒花既味起口腔後邊…歷久常新…

唔…仲有講左好多野, 但係都不宜起度再講…個個都話要…三緘其口xDDDD

[小同再聚系列: 2010_08_20]

咁arm好起中同聚完之後一日小同又有聚會, 我好似都有幾似無去過=.=?

15個人...小學畢業十年都仲約到咁多人出黎, 犀利

按正常升學途徑既話, 大家應該都畢業喇…customer service, building information modeling, audit, quality surveyor, electronic engineer…乜都有d啦…仲有d讀緊書…讀脊醫!? 喂喂三四十年之後我背脊有咩事比個八折我得唔得先!

仲有個名真係不得不提, 原來樹藝師既英文名係…horticulture…

: “你做緊咩呀?”
: “樹藝師”
: “(疑惑狀) 下? 英文即係咩?” << 外國番黎, 講英文好過講中文
: “Horticulture”
: “Hotty culture?! (大笑中) 係咪要Hotty先做得?!”

: “咁即係要做咩呀?”
: “檢查下d樹咁lor…”
: “點檢查呀?”
: “目測法lor”

政府話用目測法黎檢查d樹果陣我都唔係好信, 而家有個朋友咁講, 無得唔信啦~.~

十年無見過劉同學…今日一見番, 即刻有人考佢…在場人士叫咩名…佢都叫arm七八成架喇…係叫我果陣…”呢個係…池霖!”

嘩嘩嘩嘩嘩嘩, 小弟點擔當得起呢個名號…簡直係瀤瀆神靈!
XDDDDDDDDDDDD

下次真係去番中菜館啦, 坐長檯真係傾唔到計...

[2010_08_22生日慶祝系列]

1150去到西貢碼頭, 先去問下去橋咀咩價位...
"30蚊啦"
"如果有成十幾個人一齊搭, 有無折呀"
"咁呀, 20蚊個啦...你去橋咀定半月灣先?"
"你係咪去游水架先?游水就去半月灣"
hilda話唔游水...於是揀左橋咀
"你買我呢度既飛啦..." << 好似求緊我買佢既飛咁...

1200...同hilda同benben行下街先, 睇下d水上玩具...睇睇下sasa帶住張生日卡黎到...果個時候lala自己一個人起麥記食緊雪糕...係咪又以為我地全部人遲到sosad? hilda第一個寫完生日卡就去左麥記先...sam/jimmy寫完生日卡跟住去...我同sasa同john最後先去...分批去, 先唔會比人懷疑xDDDD

張生日卡, 真係犀利喇, 摺埋都有A2 size, 入面有個3D紙蛋糕, 同埋同LED扮既蠟燭@_@...不過呢...作為是日最大既surprise, 係要等到夜晚先拎出黎既...

起麥記食完野...坐起度...都唔知等乜...開頭以為係等jacky/terry/ringo...點知又唔係wor...

買左八張橋咀既船票, 比左160蚊, 買票果一刻我好懷疑, 究竟佢點知我應該起邊度上番船...問佢可唔可以由橋咀泳灘行去半月灣...
"唔得架! 行唔到去架! 無呃你架!"

聽到呢度...我都覺得佢呃緊我架喇...不過我又無乜研究過由橋咀行去半月灣條路...算啦, 橋咀灣就橋咀灣

十分鐘由西貢碼頭去到橋咀灣...分南北兩邊...揀左去南邊果個灣...鋪野坐低...諗住大家都會換衫落水啦...點知無乜人有行動...咁咪我去換先...就起我行緊去更衣室既時候...比hilda捉住左...行頭果一兩步以為佢密謀緊慶祝lala生日或者整蠱人既野...行左三步已經feel到佢要拖我落水=__=...著住牛仔褲你拖我落水=.=!? 算...以佢一人之力應該都無乜可能做到...不過民仔起後面跟埋黎...你知啦民仔咁大隻我邊夠抽sosad...見到民仔一步一步咁逼近過黎...原本我相信民仔係一個好人黎既!!!不過我聽到佢起度奸笑!!!好漢不吃眼前虧! 我大力一fing, 頭也不回就走左xDDDD

換完衫番到黎見到大家坐起度玩monopoly deal =___=黎到沙灘唔係應該要落水架咩?! 不過無乜玩具起手...就咁落水又真係on99左d...47莊起soc房度搵左張浮床出黎, IT IS AMAZING!!!! 行社有浮床!!!!!!!!行社有浮床!!!!!!!! 點解我一直都唔知?!?!?!?!?!?!

不過無bump...有人suggest等terry買bump...亦有人話問隔離借bump...不過咁arm果邊個bump比人用緊...要等十分鐘...

果鋪monopoly deal成七/八個人玩, 玩條毛咩=__=...咁多人點玩=.=我寧願試下吹脹張浮床...即係呢, 我唔係長氣, 見我跑渣打十公里跑左一半就開始行...就知有幾廢...不過要吹脹呢d水上玩具, 都唔算難, 難係難在要唔知點樣lin住個吹咀先吹到氣入去...開頭我吹左好多下都係曬氣...到後黎識得lin, 好快就吹脹左

吹脹左張浮床之後...梗係落水玩啦! COME ON! 有乜理由仲玩Deal sosad? 我拖住個野落左兩次水都無人show我=.=..到第三次終於有班男士陪我落水=___=...試下訓上張床度, 又真係幾ok wor, 不過太陽曬左d, 訓左上去都開唔到眼...

果個灘近岸既地方都幾多石, 所以起淺灘處都係著住拖鞋...著住拖鞋又好難游, 呢個時候最好就拖住浮床都浮板用...後黎發覺可以除拖鞋拎上手用黎撥水就讓番塊板出去xD

女士們...初頭話唔想濕上半身...不過想玩浮床好難唔濕埋上面架wor xDDDD結果hilda都係玩左陣就走左, lala就...攬住張浮床, 比一眾壯男拖左去深水...甚至過頭既地方@_@...攬住塊浮床...浮上水面既部位多左, 所以係難d店地, 對於唔識游水既人黎講驚嚇度更甚xDDD其實我去到果d位都好淆底, 不過...唔駛怕!!! 我地有識拯溺既Ringo起隔離!!! xDDDDD

玩左陣水, 又上番岸...轉場去橋咀北邊...先有lala, jacky同我去到...舊舊石都有殼起面, 唔著拖鞋真係唔知點行落水...jimmy第一個界到腳趾弓損曬...退出左...hilda好似都撞到隻腳...又退出...so 可惜...因為我地起果度見到好多, 係超級多海膽!!! 隨手就執到個上手玩!!!! 而且係超級大個!!! 成個手板咁大!!! 可惜無帶相機去...影唔到...

上去睇番Jimmy既傷勢, 好彩果度隔離就有first-aid...期間我地同個救生員嗔..."呢個灘...好多殼!"...救生員既回覆真係...精警...

"呢個灘唔係用黎游水架...係用黎放狗!"

有d堅持唔肯換衫既人繼續玩Deal玩UNO=.=...個個落左水既人企起佢地上面扭自己件衫..."落雨呀落雨呀" xDDDDD 不過佢地都係無乜反應...=.=...結果坐低又玩左陣UNO定deal...jacky果副防水既UNO, 唔錯

好喇, 黎到橋咀, 隨左落水玩下之外, 仲有另一樣必做既...係咩呢? 就係去連島沙洲睇下...我都好似有份話..."不如游過去啦!!", 真係好近, 而且可以沿住岸邊游, 心諗可以隨時掂地, 實無問題啦

幾乎全部人都落曬水, 女士們三個一齊攬住浮床游去...男士們就...自己黎啦, 諗住先游去近岸既地方, 點知越游到近岸既地方覺得越唔對路, 海底既岩舊舊都有蠔殼...前面既人都feel到唔妥, 停低左...我好好彩, 停低果個位都企得下人, 諗住扶住海底舊鞋著番拖鞋, 咁就出事啦...個個都界傷腳, 唯獨我係界傷手=_____=

上番岸...轉由陸路去lor...起淺灘度影左好多kai相...一路行...唔知邊個醒水問下幾點...一問之下..原來已經1745...拿拿臨掉頭走人...

執好曬野, 未夠1815我都去到碼頭啦...不過一直都等唔到船, 後join既terry/ringo/jacky都係搭藍旗入黎, 淨低既都係黃旗...等極都等唔到lor...一路都有d船家走過黎同我地講話..."佢地黎緊架啦~!"...但係等極都無..=__=...等到七點, 天都黑齊, 我打電話比黃旗個事頭婆...比佢鬧左一大餐..."唔係叫左你地六點三去到碼頭咩!? 你咁遲先打比我!?" wtf=.=....下次搭藍旗

去到西貢碼頭...hilda要走先...所以先送左第一輪禮物, bracelet同頸枕...同埋hilda三四個月前(我諗都差唔多有=.=?)準備既一盒維他奶xDDDDD

然後搭299去到沙田富豪花園落車...過對面禾輋村間陳根記大排檔...嘩呢餐飯真係超多人...

Tersea, John, Sam, Jimmy, BenBen, west, Debby, Ringo, Jacky, Henry, Terry, Benny, Doris, Lala...
(由Tersea 開始順時針數...我無數漏掛=.=?)

我一直都幾鐘意食大牌檔, even唔係好衛生都好, 就算間大排檔d野唔係幾好食...我都會想去坐下...是但食d野...大排檔既風味我諗真係好難起第二個地方搵到.....坐起大牌檔, 特別有身處香港既感覺=__=

食完飯, 有henry 速遞黎到既美心天使蛋糕...第二次食啦@_@...我都係覺得黃色果d糖甜得濟...淨係個蛋糕已經好好食

最後仲有個終極surprise, 就係果張終極大既生日卡@_@...

一個搞到咁大既慶祝生日活動連禮物, 小弟都係第一次見...@_@...

另外...今日帶左塊CPL出黎試下...朝頭早起車度試都得...去到沙灘試就唔係好得...睇黎係我影個方向有少少問題...
下面兩張相, 左面無用, 右面有用CPL, 個天係藍左, 而同d雲既contrast都高左...

[社會公義系列]

判Amina社會服務令果個官, 有人話出名係判得輕手既...果時都唔知有咩例子, 睇番呢段新聞有助平衡各位同呢位裁判官既感覺

輕判雪糕仔法官 守諾光顧打氣
(明報)2010年8月18日 星期三 05:05

【明報專訊】人稱「華哥」的流動雪糕小販朱仲華，持有合法牌照，去年底卻被食環署檢控無牌售賣珍寶珠糖果，案件聆訊時峰迴路轉，法官不但體恤華哥自力更生輕判罰款100元了事，更質疑署方﹕「就係因為咁嘅事就輕易告佢？有無考慮清楚？」

靠一雙手自食其力、賣冰凍雪糕飲品謀生的華哥，昨日如常在尖沙嘴鐘樓附近擺檔，對於昨日觀塘無牌小販老婦的遭遇，華哥說﹕「食環署好應該檢討下，前線員工亦應該變通一下，做口野唔好咁死板，亦無理由趕絕人。」他認為，如果阿婆沒有造成太大滋擾，食環署人員應該網開一面。

回想受審當日，裁判官溫紹明除了予以輕判，更為華哥打氣說﹕「唔希望檢控會影響你嘅工作，夏天行到熱，見到你會好開心，下次去尖沙嘴希望可以幫襯吓你。」原來溫官言出必行，之後果然親自探望華哥。

數周前的一個星期日，一名客人走到雪糕車前問道﹕「認唔認得我？觀塘法庭嗰個呢……」華哥細看，認得眼前人正是當日輕判他的法官大人，溫官更用5元向華哥買了一樽蒸餾水，並為華哥打氣說﹕「點呀？仲有無被食環署針對呀？賣雪糕好辛苦？唔好泄氣呀，要努力做口野！」日曬雨淋的日子當然不易捱，但溫官一句打氣說話，華哥至今不忘。

睇完段新聞之後會唔會有少少改觀? 覺得裁判官真係認為唔應該判Amina坐監...no matter what background she has?

[技術文章系列]

AJAX, 呢個...幾乎可話係近五年黎...完全顛覆左傳統web既技術之一, 1997年由Microsoft首先propose AJAX, 仲起Outlook Web Express用埋出黎...直到2004年Gmail既出現...點解Gmail可以打嬴其他email service? 我覺得...起碼有一半都係因為AJAX...好似到果個時候先有人意識到AJAX呢樣野係...幾咁強勁...Facebook又係, 呢類講求interaction既網站忽然通通用曬AJAX...想講既係AJAX面世左差唔多10年, 先變得popular...真係好可惜...

HTML5 / CSS3 / 快到爆炸既Javascript, 夾埋應該係下一樣顛覆網絡世界既技術...值得興幸既係, 起有fully support HTML5 既browser出現之前, 一眾programmer已經fully 意識到HTML5既影響, 而家已經一個二個爭住試下玩HTML5...連我老細個老細都叫我玩埋一份...

[Layman系列]

唔知道咩叫AJAX? 寫個長寫出黎大家都唔會想睇架啦...舉個好簡單既example出黎...

打開你個facebook, 去最底果度睇下, 應該會見到一瞬間既older posts條bar出現...如果你繼續向下碌, 就算你唔禁older post粒制, 隔一陣佢就會自動append左果page, 而起append果page既同時, 畫面係無閃過, 無變成空白再load番一頁出黎, 個網頁原本係無load到older post果堆data出黎既, 但係你碌到去果度, 個網頁知道你想睇果堆data, 先connect去database度拎比你睇, 呢個過程係無refresh過頁面... 起AJAX面世之前, 你禁落older post粒制, 好可能會成頁消失左, 然後成頁重新load過出黎, 一黎等得耐左, 二黎見到個畫面閃左一下, 又要自己碌番落去真係好annoying

[番工點滴系列]

Hack Day website, 真係做完啦, 過兩日可以交比同事A做code review, 拖左咁耐, 就係因為Flash 唔support session in non-IE browser, 呢個問題唔係話無辦法解決既, 不過起大量constrain之下我放棄左, 用番最傳統既<input type = 'file'>就算...

Purple Your Day... HTML5 version? 我真係諗唔到點做...一個甚至唔屬於web2.0既"地方", 用HTML5? 隨左搞大耐勁浮誇既"animation"之外真係唔知做乜好...

 

唐山大地震, 電影

睇完之後友人問我覺得點, 我答左唔算催淚…隔左陣之後, 我諗番, 其實都幾催淚, 應該話呢套戲無用盡到佢催淚既quota, 有好多位佢大可以唔cut住, 由得觀眾喊多陣先…唔知係咪馮小岡好人唔想觀眾喊得太多, 雖然有少少怪, 都cut左…

我無喊…不過都…差唔多架喇@_@...如果佢d鏡頭唔係咁樣cut左真係會標眼水出黎@_@...

救家姐定係細佬, 呢d位…真係天意弄人…一路睇戲…一路都有睇緊大江大海1949既感覺, 呢個決定…直接決定左三個人接住落黎一世人既命運…

唉…

D廣告真係…好督眼督鼻…

張靜初真係好正…

唐山大地震呢類既電影…中國有一部, 都嫌多…

汶川大地震, 玉樹大地震, 無疑係天災, 但係無咁人禍配合下, 唔會死咁多人…okok貪官你話地震避無可避…呢一個point其實都可圈可點, 汶川地震前幾個月已經有科學家預測到, 不過…又大概係因為”穩定壓到一切”既道理, 呢d消息比人封鎖左…okok, 我明白唔想造成群眾恐慌, 故且當你好心做壞事…但舟曲泥石流呢?!…係天災定人禍!?

睇完有線d新聞之後, 我可以99.99%肯定係人禍

30年之後唔好比我見到有汶川大地震/舟曲泥石流之類既電影上映, 我第一個唔睇

睇完…食碗粉, 又係同Acyl去打鋪Jubeat先…Jubeat Knit…唔…好貴…好貴…6蚊鋪…

由銅鑼灣行到灣仔天地, 睇左好耐書…Acyl比左本”再見不再見”我…唔…果時無入場睇到, 而家睇番本書當補番數…睇第一頁, 就呆左…

SOLO = SOLITUDE + LONLINESS

One day, I asked,
“Do you know the difference between loneliness and solitude?”

Someone said,
Loneliness is a negative feeling. You feel that something is missing.
Sometimes it is about people and sometimes not.
You can still feel lonely when you are being with people.

Solitude is a state of being alone without feeling lonely.
It is a time of peace and reflection.
It is a positive and constructive state of being alone where you can provide yourself wonderful and sufficient company.

Loneliness is something imposed by the others.
Solitude is something you choose.

So I added,
It’s not the loneliness nor the solitude we share.
But the stories we told about someone we care.
When my heart is beating but flying to nowhere.
How they fill my mind and bring me to the air.

起一班人入面, feel到既孤獨比起自己一個人果陣feel到既孤獨…更加深刻…或者話要起一班人入面先會feel到真正既孤獨

又…solitude係咪即係…安於獨處? 安於獨處=/=自閉…無錯, 我唔需要有人陪住唔等於我唔鐘意有人陪住…

睇住本書, 嘗試建構番睇緊獨腳戲既感覺出黎…

可惜我睇得太快, 有d要細味既感覺我miss左…

最起碼都勾左我d童年回憶出黎, 話說我小三轉到新小學果陣, 識既第一個朋友…小三完左之後就走左, 果時我當正佢係我best friend架…佢去到加拿大之後都有寫信比我@_@...果下真係超感動, 果封信係我人生中第一封收到…真係一封信既信…雖然講既野都好睇B, 而家睇番仲會有好窩心既感覺…

夜晚….苦戰探訪老人院之powerpoint…

原本諗住今日去白泥, 不過新界果邊有驟雨, 今日唔去應該都係正確既

白泥, 睇日落, 齋睇好似有d唔夠喉, 梗係想影低佢…諗起benny塊偏振鏡就覺得好有趣, 好想買塊黎玩下, 奈何小弟手中果部DC仔, 邊有可能裝到filter, PowerShot series係有外置鏡頭, 但係個外置鏡頭都係無得裝filter架lor ==.==都唔知咩鏡頭黎…

不過就算有得裝, 行貨買果支鏡都要一千蚊多d…唉,

好羨慕身邊買左女朋友1號既朋友, 呢排仲要出埋N前度5號…同埋E-PL1 !!!!

唉=___=…死火, 一夜之間我覺得自己上左癮, 我想像到將來當我有錢之後, 買完smart phone之後我就會跳落攝影呢個無底洞度…行山加攝影, 呢個配搭係好應該架lor…我真係好lun羨慕人地去咸田灣影到d咁靚既相番黎…

我去果度, 人地又係去果度, 有乜理由人地d相靚咁多丫!!! 好lun唔gur架麻!!!都話唔到比人知我去果個地方有幾靚!!

丫, 講起smart phone, 而家真係通街都係, 搭地鐵, 左邊同前面條友都係用緊iPhone, 右邊用緊Sony Ericsson Xperia 10…

iPhone 4同Android都好hit…究竟邊個會嬴呢? 早兩日happy hour果陣同事都討論過…

“梗係Android啦, open source既野…真係有無限support”

“我覺得就iPhone 喇, Android好係好在度度都用得, 但係弊病亦都起度, 版本問題都唔多講, 由1.6, 到2.1, 2.2, 到黎緊2.3, 太多啦, 而且好多機既hardware根本跟唔上, 有d graphic野, OS support係唔夠架麻, 要硬件上support先得, 你寫隻game出黎, 原來係呢部機玩到果部機玩唔到,咁就死啦…”

“由programmer既角度出發, 梗係Android好格, 不過我地係要由user角度睇架麻, iPhone有咩好? 夠統一, 唔駛煩”

聽落又好似幾有道理wor, Linux好定係Windows好? 你睇個個programmer都用Linux就知啦, 係免費架…不過d人都係用要比錢既windows…唔…不過windows都應該收緊皮…香港真係越黎越多人用apple產品…按而家個trend…windows 真係會收皮…

---以上係今日1600之前打既---

1600之後, 望住個窗, 諗下今日下下莊會去pre煙花trip, 斷估係經港島徑第5段上畢拿山再落鰂魚涌, 真係無乜興趣…望望下覺得個太陽好charn眼, 明明今日新界就落雨黎, 唔知點解西環呢邊又無乜野…

日落呀…日落!!!!

我話左今日睇日落, 就今日睇日落!!!睇日落一定要去白泥架咩?! 而家西環無日落睇咩?! 西環都有, 係你地班人唔識欣賞者!!!

坐言起行, check下今日日落時間係1856…我1800出門口, 搭5號去到摩星嶺總站, 行落海邊個亭, 再爬去岸邊…

老老實實, 爬出去果下真係有d淆底, 果d位叉錯腳真係會sir落海=___=然後第二日新聞都唔會登添=__=果d位sir落海真係唔知邊個會睇到…

爬左上舊大石度, 我預個位真係剛剛好, 有個好大既浪cum過黎, 都剛剛好cum唔濕我

影左好多張相…

影完相之後…去邊好呢…? 行番上域多利道…見到971個站, 就諗到廟街既煲仔飯…呢個時候M47黎到, 就上車去中環搭地鐵…

一路行一覺得唔憤氣, 明明應該可以影得再靚d…去到中環地鐵站, 借部電腦黎上網check下dcfever旺角間鋪起邊…即刻就去買左塊CPL @_@...Hoya出既53mm CPL都要230蚊=___=…我拎左部相機出黎, 個sales一睇就話以前係有個接駁器可以固定個filter…可惜而家賣曬…不過唔緊要…

買完過廟街食個煲仔飯, 再去澳牛食個茶餐, 勁滿足, 先番屋企

今日番工…起meeting中度過…10點鐘比人捉左上去開會@_@...要執一執個internal site…

1130…我話開既, community service meeting… 所有與會者都係intern=_=

隔離cube果兩部iPad 3G+Wifi黎到啦@_@...

1600…同supervisor入房1 on 1 review下過去幾個月=___=10分鐘完成

1730…香港區既終極老細請engine department去happy hour @_@!!!!好貴lor…雖然唔駛自己出錢不過都唔敢叫d太貴既野飲, 一杯Long Island 要$90 =____=…其實我真係幾想叫XDDD不過隔離既同事叫極最貴都係$60既Sangria… 我都係叫杯$65既Sex on the Beach算…

終極老細連我個supervisor都唔識, 証明佢真係完全唔識d engine 人=___=…飲飲食食到七點半先完全算水…大部份topic我都搭唔到嗲…其實就算arm我搭嗲既topic我都應該唔會搭…

“以前起regional果度做, 好興放工就黎呢度, 過左happy hour之後就落蘭桂坊, 到凌晨兩三點果度開始靜喇就轉去洛克道, 玩到五六點, 出番灣仔食個早餐, 然後番屋企訓覺”

我真係好鍾意同事A果個…”咦你睇緊傲慢與偏見呀?”既開場白黎識女仔xDDDD

起果度食完飯, 番到屋企又要食飯…

然後夜晚落街同A&F傾左陣計

行入去荷蘭糖水, 果時店入面得三檯有人, 入門口果下已經spot到最近自己果張似乎就係目標…於是擔埋凳行去, 見到一個背影同一個正面, 個背影係似架喇, 不過個正面就真係好唔似, 我諗自己睇錯左, 爭d放左張凳落去, 行前多兩步, 望下其餘果兩檯…又真係唔係喎, 再望番隔離呢檯…望呢個正面…唔識既, 望下另一個正面, 又arm wor! 再望番另一個正面…原來真係arm wor!!!!

係F變化太多定係我隻眼真係有問題呢=.=?

上年好似都係呢個時候收到RBS既… career talk…聲稱GPA > 3.3既人先好報…@_@...

今年…既grad job 爭奪戰…亦都靜悄悄咁開始啦@_@...打響頭炮既係…珍。街…

小弟有個策略上既問題, 由於小弟既特殊情況…係2011既graduate既同時, 又係2012既graduate…理論上我grad job同intern都報得…咁你話喇…報邊個好? Intern競爭係咪會細過grad job…?

唔…

今日係第二次suspension period, 科fixed income securities 比人TN左, 唔緊要, 反正太chur既科我都唔想take…經歷過derivatives之後, 我諗我對quantitative finance都未必有興趣=__=…其餘course一律TW/TA…唯獨是BUSI1003 Introduction of Management of Information System仲係TS…呢個情況下…好容易會比人TN埋…BUT!!! THIS IS MY CORE COURSE…唔take grad唔到, 如果真係比人TN左既話我真係要去爆faculty office…

暫時放低hack day個site…準備後日present…

karma, 唔知大家記唔記得呢個字...(唔係前邦民女! 果個係kama!) 我識呢個字係因為早兩年, Sharon Stone用黎呢個字黎形容四川大地震, 香港媒翻譯呢個字做"報應", 觸動全球華人既神經, 口誅筆伐Sharon...搞到人地急忙出黎道歉, 話karma呢個字係中性既, 意思係因果循環, 用佛謁黎講, 係"業", "萬般帶不走, 唯有業隨身"就係呢個業...其實意思同報應係差唔多, 不過報應呢個字又真係有d貶義...無既, 方便某d記者大做文章者...

(唔...記者朋友唔好鬧我呀, 我唔係話你地一定會, 而係話記者業界入面真係有d人會咁做者...)

然後今日見到呢段新聞

【明報專訊】一雞死，一雞鳴。近年多間大型瑜伽中心倒閉，當中欠債逾億元、涉及1.3萬名會員的Planet Yoga，其位於中環分店原址現正裝修，將再開全新瑜伽店Karma Yoga，近日不少Planet Yoga舊會員收到通知及邀請，參加本月的簡介會及試玩。

我諗個老闆...好可能唔係華人, 如果佢記得Staron Stone用過呢個字比人鬧到一面屁既話, 我諗就未必會用呢個字...起Planet Yoga原址裝修本黎就已經比人一個好壞既聯想, 仲要叫間新鋪做karma, 隱約係話比消費者知, 因為Planet Yoga既消失, 所以有Karma Yoga既出現, 呢度既關係唔只係用番果個鋪面既關連...而係, Planet Yoga執笠係一個有預謀既計劃...(唔...我好陰謀論添...), 再嚴重d, 如果我係Planet Yoga既消費者, 仲會覺得佢諷刺緊我起Planet Yoga既損失係自己拎黎, 係我既業, 而唔關Planet Yoga事...

過往幾個月夾夾埋埋都有兩三間大型/小型既Yoga公司執笠, 希望各位消費者可以從中汲取教訓, 唔好再跳落呢d prepaid forward度...經驗話比我地知, Yoga公司既prepaid forward係有好大default risk...讀過歷史之後都係要中個頭落去, 如果真係咁唔好彩又執左, 老實講, 我唔會可憐呢d人

[曬命系列]

Supervisor今日走過黎話…我同solon壇野都做得八八九九…(其實我都係等人比feedback我…睇下個toolbar有咩要改), manager就話比部iPod Touch我地…將某個低能app轉做用HTML5寫既web

於是@_@...今日開始@_@...我個位多左部iPod Touch @_@... with iOS 4 installed @_@...公司有wifi, 拎住佢可以無限上網@_@...今日開始@_@...我同其他同事一樣@_@...都可以拎住部iPod / iPhone 去開會啦@_@...

Lunch同同事食飯…唔…好耐無同過佢地食飯…所以雖然答應左同intern食都臨時甩左底xDDD朝頭早玩完iPod Touch, Lunch time就見到某同事部iPhone 4 @_@...係小弟首次親眼見到iPhone 4 @_@... retina display果然屈機…

”其實用開iPhone 3GS果陣已經覺得個mon好清架啦, 不過一望過iPhone 4呢…就覺得…原來可以再清d!!! 再望番iPhone 3GS就覺得…O…”

[消費系列]

唔知點解屋企整好地板, 我唔見左三條面褲, right, 兩件事好似完全無關係咁…不過我覺得真係有關, 雖然我唔知係咩關係

果三條褲, 我用左299+150+178, 起過去一年內添置番黎, 而家一次過唔見曬, 好野…178果條褲唔見左都算, 反正褲頭大得濟(無錯, 29褲頭對我黎講係大得濟)…另外果兩條都幾arm身, 唔見左…真係好傷呀…

[技術文章系列]

成日話Flash好chur resource, 又唔secure, 又呢樣果樣之類…chur resource呢個point要係寫OS既人先有資格講, security既問題…好似我呢d新手有排都唔識…今日我只係親身feel到一樣…騎呢問題

話說hack day個site…用左swfupload黎處理upload file既process…早兩日起ini度加左行野落去, 強迫要login左先可以入去個site…問題黎喇, upload file既時候都需要睇番session_id, 而flash就好蠢好蠢咁…唔識得將個session由呢一頁pass落下一頁, 呢個問題…影響曬所有non-IE既browser, 幾年前已經有人提出, 不過Adobe到而家都唔肯加落去, 唔知係咪同microsoft有d咩特殊關係…

Ok fine, flash 唔識pass session id, 理論上我可以through URL pass過去, 雖然係好唔secure, 不過我係apply落一個internal site, 應該無乜security issue…當然啦, 如果個site係public既, 呢種寫法就有d危險…

現階段我只可以記住用URL黎pass variable會有security issue, 實質上可以點avoid, 我都唔識…

公司考慮得太周存喇…連Apache都可以自己fine…丫唔係, 直程係coarse tune過黎, 將session呢個功能徹底移除左…搞到我要另外裝個session, 經公司coarse tune過既session似乎有部份功能係disable左…搞到我都係用唔到…

初頭以為session_start(); 咁樣好簡單, 問下個同事點解要block Q曬session, 佢就話…一般人都係session_start();完就算, 其實咁樣做…係容易比人…唔知點樣搵到個session_id出黎? 然後所有login 期間內既data exchange都會比人睇到曬, 所以係唔prefer用session

哦

聽完我會記住, 但真係唔多明=___=

同埋我又唔明另一樣野, 唔用session, 個server點樣記得我login過? 唔通公司又咁犀利…寫左另一套野出黎代替?

今日巴士司機有工業行動, 大概係因為人工太低啦…所以今日按章工作, 架巴士要埋站埋到正一正先開門, 乘客上曬車之後等10秒先開車…原來巴士公司一路都有呢d指引, 平時係巴士司機靈活變通者…佢今日就算蠢左, 乘客都吹佢唔脹, 因為根據指引佢就係要咁蠢

忽然諗起呢排d新聞, 好多政府職員都鐘意按章工作…即係…個病人送到醫院詢問處都要打999,係跟足指引做野; 警署門外100米有人劈緊友, 途人衝去同警署個reception講, 又係要打999, 又係指引; 又, 一個阿婆起康文署轄下公園, 跌左落個水深40cm 既池, 就黎浸死喇, 保安員話自己無學過拯溺所以唔落得水救人, 又係跟住指引做野

咁我可唔可以話其實政府職員係under一個長期工業行動?

唔知今日d巴士司機會搞成點, 所以電車轉地鐵, 都幾快wor, 而且夾埋都只係$4.4

呢幾個月黎第一次搭地鐵, 終於拎到報紙喇…拎左份頭條同AM730睇下…嘩乜AM730薄咁多既=.=?

繼續hack day website…99%完成喇, check埋邊個係login user之後我真係諗唔到仲有咩exceptional case會發生

Lunch用曬我地hack day賺番黎既百佳50蚊禮券去買壽司食XDDD不過…就梗係食唔飽架啦xDDD 396蚊食10個人wor, 有乜可能xDDDD

真係shit, 之前代表intern send左email比人話出席個community service, 搞到而家做左contact person…=___=…要諗去老人院做乜野呀…好煩呀…

續尋晚電力既問題…原來係電錶房fuse燒左…睇一睇, 再整一整, 750?! Wtf ?! such a simple work worth $750!? 同人重裝windows都係收300者! 裝條fuse要收500!? 有250蚊係檢查費wor…檢查電腦都係收100者…嘩呢d真係好賺到呢, 大家唔好讀電腦啦, 改行讀水電裝修啦不如

睇完inception之後發d夢都騎呢d, 唔知係咪有人想植入唔知咩思想比我

發夢自己結婚@_@!!!不過同Cobb一樣...我一直都睇唔到自己老婆咩樣...反而見到外父係邊個...=___=.....起身諗番個夢, 自己都O曬咀

是日intern聚, 番左兩個幾月工第一次有咁既function…1400大圍火車站, 我1350去到隔離間大快活食菜膽雞湯飯…我expect既係菜膽雞/湯飯, 點知係菜膽雞湯/飯…個菜膽雞湯真係核突到呢…你好難怪我鐘意大家樂唔鐘意大快活架wor…

食完番火車站…去左A出口, SMS問其他人起邊又唔應我直至我打電話比佢地=_=…

之前起YM開conference傾就個個都話黎咁濟, 點知得番五個…

Charles / wenis / ivan / Kendrick / west…

1430先開始踩, 大圍大埔大圍…呢條路都真係踩到有d厭…

一路都無乜特別…到回程…四個男仔踩起前面遙遙領先, 原本我都想等下後面架啦, 不過前面既topic真係幾吸引, 真係無得唔聽xDDD

生物海素, 真係…犀利, 一個團體之所以為一個團體, 就係因為呢個團體有一d共同經歷/語言係外人唔明白既…我地隨左lunch之外都無乜共同經歷, 係生物海素呢個term, 真係犀利, 令到我首次覺得我活起一個團體入面

不過就搞到wenis自己一個踩左去城門河既另一邊啦~.~…sor xDDDD

番到大圍 , join 埋simon, 去沙田督波…第一次入snooker 場督@_@...嘩卡卡卡起碼我可以正正常常咁督到個波…入唔入到…對我呢個新手黎講係另一回事啦! 六個人, 起差唔多兩個鐘既時間內輪流督, 我係第4個開齋既!! 而且我入左2粒!!!! 我覺得第一次就有咁既成績, 算係咁啦~!

督完波再去KFC食個靚雞, 散水

番到屋企…我見到個無用既switch開左...個 switch係designed for 電熱水爐既, 不過我屋企係用煤氣熱水爐...所以個switch係無駁任何electric appliance...唔, 咁我見到佢開住左, 雖然無駁住電器, 但係我都習慣左咁息左佢..息左佢之後我又諗, 佢係咪真係無駁電器架呢? 多手又試下開番佢, 點知一開, bop, 跳左制...我老豆出黎, 拆開左個switch, 拔左兩條live wire 出黎, 用防水膠布封左個頭, 然後去推番總制, 但係全屋依然係無電到…出去電錶房睇, pak番制, 都係無電到, circuit breaker又無再跳制啦wor, 即係無short circuit…

唔…係咩事呢?

INCEPTION, 下面有劇透, 未睇戲既請迴避

一開頭已經好有matrix既感覺, Cobb比人推落浴缸度醒番, 然後出面個timer夠鐘再醒番, 夢中夢…呢套戲實現左當年Matrix一個theory: matrix inside matrix…邊個話Zion就係real world?

同matrix一樣, 導演將建構dream world既人稱為architect… Ariadne進入夢境之後輕易可以改變果個世界既物理定律…TOTALLY THE SAME AS MATRIX

有d唔同既係…Level 1夢境死左, 會番黎reality…while in matrix, die in anywhere is dead @_@..

套戲用到Mc Escher 果條永遠行唔完既樓梯, 真係一個可以玩到好大既點, 不過…後面只係用過一次, 我覺得…有d浪費=___=…

http://de-bondt.eu/image.axd?picture=2009%2F9%2Fmc_escher02.jpg

而且Mc Escher既功力絕對唔只一條樓梯:
http://cg.scs.carleton.ca/~luc/MCEscher-Belvedere.jpg

睇到中間我已經諗番轉頭, Cobb一開始起日本建築物入面見到個老頭…但係到套戲中間都無解釋過…就知道果度有d野@_@...果然…臨尾淨係影Satio拎起左支鎗, 但係唔講佢有無開, Cobb個totem又唔知有無停到…既然導演係要留白, 大家都無謂諸多猜測, 自己覺得係點, 就點, 正如胡斐究竟有無斬死苗人鳯, 唔重要…

This world is not real呢個概念…成日都有,  通常有呢個概念既故事都可以做到好大, Matrix係, 連倪匡本”玩具”都有玩過呢個concept…所以我一直都覺得倪匡眾多本科幻小說入面, “玩具”係最好睇果本…或者應該咁講, 最遠古既, 莊子已經有夢蝶呢個concept

習慣左呢個concept之後, 套戲就變到好似…無乜特別, 套戲最爆既地方就係個concept…..如果話同Matrix比…好似話拍Matrix I既時候根本無諗過拍續集, 所以呢, 單單以一套戲黎講, 可以話Inception仲正過Matrix, 當然啦, 如果拎曬成個Matrix series黎比… MATRIX IS THE BEST FOREVER!!!

夢中夢呢樣野呢,  我都試過…套戲其中一個正斗既地方係…導演將夢中夢呢個concept發揮到淋漓盡致…

入場之前原本諗過…如果inception可以拍到好似matrix咁勁, 就會買佢個boxset…不過呢, 見佢有個open ending, 就算啦…睇多幾次盞搞到自己執著於搵番導演既暗示出黎…

之後同ACYL去打左兩鋪jubeat…打打下…隔離個人忽然hi我…係form 6果陣其中一個補習學生@_@...

去美心食個tea…之後無野好做…就去左睇小弟消費xDDD起UNIQLO買左條窄腳牛…再過Time Square 對面間人民公社睇左陣書…應該話吹左陣水會好d…再去Delay No More hae下…番屋企…

陶傑, 蔡澖, 金庸, 古龍, 林奕華, 黃霑, 湯禎兆, 呂大樂, 胡恩威, 梁文道, 練乙爭, 林行止, 西西…
淨係睇呢堆香港人寫既書, 都唔知要睇到幾時
Shakespeare, Charles Dickens, Jan Austin, Plato, Aristotle, Karl Marx
今日提過既作者好似唔止以上兩列=.=?

同d睇書睇得多既人講野…真係需要多d background knowledge=__=…

由於家中地板工程有點延, 今天賦閒在家…早上九點開始…95%時間都看著電腦, 餘下5%時間用眼角不經意瞧一瞧客廳中的裝修師父…

看透mini/yahoo/facebook/xanga後, 轉戰wisenews, 想到數週後有幸看到Daisy Wong 首套擔當編劇的舞台劇, 在wisenews search “蘭開夏道”…連Daisy Wong在AM 730的短文都找了出來…逢一三五刊登的短文, 當然沒一週在信報刊登一次的蘭開夏道好…信報wor, 信報wor!!! 有時小弟會盲目崇拜, 信報刊登的, 就算是一督屎, 都香過星島登出黎既一督屎.

逐個逐個點擊, 感覺很不爽, 直接去了她的blog 看…這個呢…是繼CK的人在中環後, 第二個我會花上一整天時間看的blog…btw…已經好久沒到過人在中環…

其實Daisy Wong也是人在中環, 說不定CK跟DW在中環碰過無數次面xDDD?

好同意Daisy其中一個觀點…如果用六成時間已經有七成分數, 用盡十成時間才有十成的分數, 我會選擇前者, 餘下時間讓我休息一下好吧…所以小弟的IP 只得B+…連個A range都沒有, 間接把first hon都丟了xDDDD

人生本來已經苦短, 怱怱數十載都不留一些時間給自己, 臨死前一定會後悔

自稱女人的她…是否如他所言…實屬未知之數, 一個女人, 有沒可能將身邊朋友的事都放到一個…我想有數以萬計的人觀看的專欄? 正如他自己所說, 中環沒有秘密, 寫得如此清楚, 如果屬實, 隨意抽一篇文出來, 恐怕有數以百計的中環人都知道作者是誰…寫得越是真實, 越是虛無…

看得久了, 換一換口味, 大江大海1949

把第一部重新看一次, 看這些書, 太沉重了, 一次過讀完怕會承受不來

留在家中, 並不是完全有自己的時間, 下午花了兩個小時幫手清潔...要不是天文台說這幾天都下雨, 我應該有足夠時間找個朋友去白泥看日落@_@...

Shit, 我好恨我點解無精神病…

如果我有性暴力傾向你咁幾好呢…咁我就可以隨便捉番一兩個女警, 姦完再姦, , 姦完之後仲要等個女警拉我, 拉到番差館之後呢, 比我再姦多一個女警, 咁呢, 檢控官應該唔會charge我強姦罪, 而係charge我襲警, 仲要唔知點解唔駛charge我姦第三個女警, charge我襲擊一兩個女警就夠啦

裁判官仲會話, 因為阿西有精神病, 係病人唔係壞人, 判佢監都未必有用, 判監係可以安撫到公眾, 但係就會摧毁阿西一生,  所以判社會服務令同罰款就得啦

然後我既代表律師會出黎同傳媒講, 阿西已經知錯, 希望公眾專重法庭既判決

2010-03-06 8A中大生港鐵露械判感化 官寄語錯誤中學習
【明報專訊】望執教鞭、會考獲8優的中大生在港鐵車廂內「露械」，並以陽具觸碰女乘客的臀部。中大生早前經審訊後被裁定作出有違公德行為罪成，昨被判感化一年。裁判官勸勉被告， 「出色嘅人」同樣會犯錯，希望他能在錯誤中學習，重新站起來。

2010-04-28 巴士非禮少女　被發現後逃脫　再遇事主被擒浸大生判囚
【記者梁康然報道】香港浸會大學男生涉於深夜乘搭巴士時，輕撫前座熟睡女乘客的左腋窩非禮，卻因手指卡住座位而當場被人發現。男生逃離現場，惟兩日後在巴士上再遇事主就擒。涉案男生昨在觀塘裁判法院被裁定非禮罪成，裁判官溫紹明斥他被定罪後仍堅持事主認錯人，毫無悔意，認為感化令無助被告改過，決定判被告入獄21 日。

2009-01-04 美孚查滴水被戶主下體撞臀　女督察遭非禮狂奔19層樓
【本報訊】年輕食環署女督察隻身造訪住宅單位，調查冷氣機滴水個案。詎料男戶主未理女督察身穿制服執行職務，竟趁她開窗檢查之際，用下體頂撞其臀部，又將她一擁入懷。女督察大驚之下打算奪門逃走，卻被男戶主阻止，並遭熊抱。暫委裁判官溫紹明直斥被告罪行嚴重，性質形同襲擊正在執行職務的公職人員，更涉及性暴力，即時監禁最為合適。

注：以上三單案既裁判官都係同一個人

知唔知呢三單案, 比左咩教訓我地? 就係呢…如果唔係8A三大學生, 督人地格lar底要坐監; 如果唔係8A三大學生, 用JJ頂女仔要坐監; 如果係8A三大學生, 恭喜你, 立即獎你一出街用JJ頂女仔既機會~!

你可能會話: 喂人地浸大asso wor!!!!(唔, 睇另一份報紙寫佢係石門校園), 學歷咁低梗係要判監啦, 如果我都係讀degree咁點先!!!!

2010-04-27 城大鹹豬手囚半年　泳池內非禮 粗眉成罪證
城市大學一名來自內地的男生，涉嫌在校內泳池侵犯兩名同校女生，在水中用「鹹豬手」向兩女摸胸及撫摸大腿。涉案內地男生否認兩項非禮罪，又指女生是認錯人。案件昨在觀塘裁判法院審結，裁判官認為女生認人證供可靠，清楚講出色狼是有一對粗眉及偏白皮膚，遂裁定涉案男生非禮罪成，重判入獄半年。

注：呢單案係另一個裁判官

真係唔好意思, 呢個城大學生一定無良好背景喇, 佢唯一既特點就係來自內地, 如果佢係內地高考滿分, 又或者如果佢有良好背景, 佢應該係”一時錯失”, “初犯”, 結果”輕判??小時社會服務令

新問題：主席，我而經考完AL同CE, 無機會做成績優良好學生啦, 良好背景可能仲有d機會, 我無犯過法, 警察平時都唔會check我身份証, 父母又唔係黑四類而且係無產階級, 我算唔算良好背景?

2010-08-04官指背景優良 富家子醉駕大膽車僅社服
【本報訊】繼包致金姪女判刑受質疑後，昨再有一宗醉駕案亦被指輕判。上市公司豐德麗副主席兼鱷魚恤非執行董事唐家榮之子唐俊德，單靠「打機學揸車」，早前飲酒後揸大膽車接載佳人，結果失控撞的士。唐俊德早前承認無牌及醉駕等五罪，裁判官昨判刑時指被告背景良好，學業成績彪炳，相信只是一時錯失犯案，加上屬初犯，輕判他接受一百五十小時社會服務令、罰款一萬二千元及停牌一年。

2010-08-05 包致金妻曾駁回襲警上訴
David Webb昨撰文指出，不能接受包致金姪女以患上躁狂抑鬱為由抗辯，又不滿裁判官阮偉明於判詞中，將包致金姪女有良好的教育背景視為輕判原因。他重提○九年姚志成於警署中掌摑警員一案，當時被裁定襲警罪成，原判監一個月，但裁判官考慮到姚無犯罪紀錄，又帶病在身，改判入獄十四日。姚志成其後不服上訴，於今年六月底被包鍾倩薇駁回。

同樣係起警署掌摑警員, 姚同志就唔好彩啦, 坐左14日監, 包同志就好彩直程無比人charge, 只係charge佢起街外襲警

一直都有鬧開警察選擇性執法, 經此一役, 要鬧多樣…裁判官選擇性判刑

立法機關已經形同虛設架喇, 成班功能組別起度護航
執法機關已經唔係比人第一次鬧警字兩個口
司法機關而家又比人鬧埋

Hong Kong, where are you going?

http://hk.news.yahoo.com/article/100516/4/i1ff.html
沈旭輝 - 假如功能組別議員是部落酋長——非洲人做到的，香港人做不到？ 5月17日

http://hk.news.yahoo.com/article/100613/4/ilsr.html
博艾敦（Adams Bodomo）、司徒薇﹕回應沈旭暉先生的文章 ——〈假如功能組別議員是部落酋長〉 6月14日

http://hk.news.yahoo.com/article/100804/4/jisb.html
沈旭暉﹕我們的部落．我們的正面歧視 ——回應博艾敦先生 8月5日

有趣有趣, 5月中, 五區公投好熱鬧, 任何同功能組別有關既新聞我都有睇下, 不過大家既觀點其實都差唔多, 泛民同建制派既理由其實一早已經聽過曬, 聽得入耳既人其實一早已經聽左, 再睇既...其實都唔係好影響到...

果時見到有人用非洲黎compare with 香港既政治環境, 好新既題材, 即刻click入去睇下, 雖然唔知非洲係咩情況, 就咁睇落去都幾得意...係第一次聽到沈旭輝呢個名

到六月, 見到有人回應佢篇文, 咁咪睇下, 有reply on 專欄係好平常既事, 但係呢, 成日都有d情況係睇到個reply, 但係根本未睇過原本, 齋睇reply都唔知做乜....難得呢次我有睇原文, (仲要記得少少原文講乜野!!!), 梗係click入去睇下啦...不過呢, 都係果句, 由於根本唔識非洲, 完全判斷唔到邊個人講野先arm

到世界盃開鑼, 相信大家都有睇過下沈旭暉寫既文...雖然大家未必記得....例如佢寫"黃興桂與全球化", "烏拉圭足球, 小國掘起", 仲有講西班牙既加泰羅尼亞...先深層次了解到皇馬同巴塞既世仇, 除左係沿自世仇, 有更加多複雜既情感係黎自地方同中央政府既抗衡

睇波睇到呢個level, 係咪即係覺得自己升左級先

今日睇到沈旭暉reply on reply...犀利, 雖然稱唔上筆戰, 兩位都係學者, 講野都好謙厚....好睇在於大家都係有備而黎, 附以大量舉証, 哈哈

話佢地謙厚, 係因為見識過林忌同健吾既筆戰...林忌真係處處寸到盡...

張宇人早兩個月有寫過文講最低工資既問題, 相信有好多人都有大量comment, 但係礙於報紙呢個媒界...唔容許人地有即時抗辯, 就算一頭半個月之後登番個抗辯出黎...都唔記得左人地之前寫過d乜啦...連個目標人物都唔知會唔會睇...但係呢...如果真係有細心睇人地寫既野, 而又咁好彩睇到個reply就真係正啦....係有一個月時間準備, 經過深思熟慮之後既發言, 係兩個人最深層次既對決~!

希望多d機會睇到呢d...報紙上既對決xD, 比起即場辯論更加好睇xDD

---

 

下晝四點, supervisor send左封email出街, 話我整果個toolbar有beta版比大家測試下啦@_@...另外...果個無限年期使用既hack day web site亦都做好...唔...淨低落黎既就係下星期五present 點整firefox plug-in =___=

Lunch同supervisor既manager食飯@_@...hack day工作人員@_@...

一門

呢個set加埋個白飯, 要90蚊...(定百幾蚊?)=___=

厚燒玉子, 呢間野既名菜...差唔多40蚊食隻蛋=__=, 不過真係好好食

壽司lunch set好似要90蚊...

今日提早左一個鐘走…因為屋企地板整緊野…要起媽咪走之前番到去…

然後因為一d事, 搞到聽日要take一日leave, 拿拿臨裝番YM同HR講…

“All leaves should be notice 7 days before.”

無既…鬼叫我係intern…屋企果兩個番緊perm既梗係大D~.~…雖然話係intern, 都唔應該突然間take leave者~.~呢個我都好明~.~…雖然 even我突然take leave都唔會對公司有任何影響~.~…不過~.~…唉~.~…總之最後都take左leave啦~.~…

我呢d小朋友又邊到有權力say no丫~.~…

~.~…

過去幾日真係好漫長

星期一晨咁早起身送家姐機…夜晚仲要去食吉壽
尋晚I day 完左, 同46莊既人食下飯…有得攜眷出席既人都攜左出黎@_@
wow@_@

玩左一大輪UNO, 食埋飯, 出黎我請食糖伯府…$288 @_@...

成一點鐘先番到屋企…

今朝…一起身, 牙都未刷, 幫老豆搬左個雪櫃出黎…騰出黎既空間用黎比人鋪地板=_=…

同d HR開下會, 講下黎緊探訪老人院做咩好…=____=

全日都起度改Hack Day website, 要改到…只需要做minimum change, 就可以成個網頁搬比下年用~!後年用~!大後年用~!

好眼訓, 真係好眼訓

Btw, 今日最後一屆會考放榜, 有親戚有幸成為最後一屆會考考生@_@...

而家既xanga好似變成隔日一次咁=_=

唔...好眼訓, 所以打出黎既野都好混亂

chi lam hapi b day

also

Liu~ Hapi B day~~~~:)

 

時間係1100…已經聽到房出面有裝修聲, 我發覺我都幾犀利, 起d電鋸聲鑿地聲中依然訓得著

時間係1200…再唔起身就遲硬到啦…雖然最終我都係遲左…打開房門, 就見到條裝修師父拎住個電鋸鋸緊我房門口既地板…ok, 我山番門…

等到佢鋸完, 去一去廁所先爭取時間衝出去, 時間係1215我先落到樓…唉唉, 呢個時候我唔應該搭101…搭去地鐵站可能會好d…1217上101, 1310先上到紅磡東鐵…成粒鐘…shit…然後1354先去到落馬洲=____=

不過都還好, joe同liu係1341去到, 我同eva都係遲佢一班車者, 真係q到呢, eva起上水出一出先, 入番黎竟然上正我坐緊果卡…臨出閘前唱一唱人仔先, 起關口唱錢, 果然係搶錢, 我比200蚊港紙, 竟然唱得167.36, 即係100兌83.68, 出面應該有大概86或更高啦…

Liu竟然仲記得書展爭我25蚊@_@...如果唔係我真係無錢番香港xD

話說…有人以為係約左一點鐘, 然後遲左唔知幾多…好彩我地原本係約一點半者!!!!

過左褔田之後就變左個路痴, 東南西北都唔識分, 唯有靠joe帶路啦…去左會展中心站上蓋既商場食韓國野…我地去得太遲, 去到都差唔多兩點半, lunch set都無得食, 散叫左好多碟送, 都係40人仔@_@...

<< 留意右方, 全部都係播緊唐山大地震=____=...80蚊一張飛都場場爆咁濟...

<<少年宮站門口

事先完全無Plan過黎深圳做咩好…至少我無Plan過xD, 搭左地鐵去少年宮, 行下書城…不過行過果d地方既書都無乜邊本arm睇…Joe問我鐘意睇咩…我都未答…唔知邊個就幫我答左周秀娜=_=…我又接住講話我已經download左本寫真=_=…話題就帶走左…

我鐘意睇咩書呢…1. 散文, 2. 戶外活動esp行山related, 3. Philo related, 4. Science related, 5. 影相related

少年宮果個書城…都唔係之前行過既深圳書城既…睇黎深圳又多左個書城=_=…呢個書城都幾無書城feel…擺書既地方分散曬既, 中間有好多食店/休閒區, 似一個以書店作為主體既商場多d…

<< 有咁多地方比人坐, 好丫, 起碼d人唔駛就圍mou...

<< 行行下見到有間鋪頭賣乳酪雪糕之類既野...超好食, 特別係酸奶味, 不過都幾貴, 呢三條..."屎"...夾埋要成14蚊人仔
不過果度既人毫不猶豫, 一支就支一大堆出黎...

呢張相既色真係幾靚...因為...今日真係好好太陽, 太陽光係特別適合用黎影相

行左一陣, 至少我感覺上只係行左一陣就六點鐘+_+…搭地鐵去購物公園唱K=_=…4個人唱2兩個鐘…原本可以開細房99蚊搞掂既…但係細房無曬要開中房, 135蚊4個人…是但啦=_=…

起香港都好耐無唱過K…陳奕迅隻新碟都無唱過…

“梁靜茹好靚呀”
“下?.....”
“唔係掛…佢係d歌好聽者…”
“哈哈, 可能係因為佢d歌好聽, 搞到我覺得佢個人都靚d”

真係wor, 我都覺得梁靜茹幾靚, 不過平心而論佢個樣真係幾普通, 係聽佢某d歌聽到個人好開心之後望落去, 佢好似真係靚左咁…例如呢…”暖暖”呢d歌, 真係正能量全爆發, 聽到…我呢d灰底既人係會有少少好怪既感覺…

佢d歌…都算係多元化…即係呢, 容祖兒唱黎唱去都係慘情歌, 唱左十年都係…梁靜茹就會有d係開心情歌…暖暖, 小手拉大手, balance番…雖然佢好似都係慘歌多d =_=…

唱完K, 去褔民站…食小肥羊…不過食小肥羊之前有個好重要既任務~!買酸奶~!今朝我同阿joe都講過話今日一定要買到酸奶番香港xDD我之前番大陸都有咁樣講過, 不過講左幾次都無成事…今次終於買到啦~!...起褔民站間人人樂買左酸奶先去去小肥羊

都九點幾架啦…都仲要等15分鐘位先有得食=__=…深圳既小肥羊真係太犀利=.=…一路等位一路有爆谷食, 有象棋玩=.=…

唔...多謝某人比個咁既夾我夾起d頭髮

每人食左78蚊人仔…飽到呢…要左個蕃茄湯底, 好好食, 叫左一碟好un既牛, 一碟好好食既牛(A級定特選牛), 一碟ok穌既羊(羊腿), 一碟好好食既羊, 菇類拼盤, 半份皇帝菜, 半份冬瓜, 一碟魚滑, 一份油麥菜, 三串羊肉串..

佢有個上菜速度保証…話落單之後5分55秒內一定送到上黎…佢又真係做到wor @_@...

今日成日…都有d…”傻豬”, “BB”出現…唔…係一件好事黎既, 起炎熱既天氣之下聽下呢d詞語的確有助降溫…不過呢…如果遲下天氣凍d既話…阿joe你可以唔好用咁多呢d term sosad…今日無nelson起度, joe 係咁捉兩位女士講錯野~.~….嘩卡卡阿Joe你經此一役, 比人扣曬分啦~!

食完都十一點幾…地鐵都收左, 就廢是搭的士去羅湖, 去左皇崗口岸, 見到有直通車番旺角就上左, 不過要成42蚊咁鬼貴…我記得落馬洲果邊係有專線小巴通宵番旺角架…不過唔記得收幾錢, 後黎過左關睇番, 發覺係22蚊者…加埋7蚊皇巴士都只係29蚊…我搭果架直通車, 過左關之後都係要等車架lor…真係…等到燥左…以後起皇崗通宵過關我一定唔搭直通車…

途經新田公路果陣仲見到279X…果時都0030喇…我講左句…”嘩乜呢架九巴咁夜仲開緊既, 唔知係咩車黎呢”, 隔離果個人話”拿你記得番去check下, 我會睇架”

唔…279X, 粉嶺粉和墟ó青衣鐵路站總站…我地見到果架應該係0010由粉嶺開出既尾班車

去到旺角仲要搭14蚊小巴番西環…今日既交通費真係貴到爆炸…

西環=>紅磡, 9.8; 紅磡=>落馬洲 31.3; 皇崗=>旺角, 42, 旺角=>西環, 14…= 97.1, 淨係搭車都搭左100蚊=__=

 

呢幾日好似都無打xanga…

[blog competition 獎品系列]

30/7呢…即係上個星期五…一班intern 10人去左稻香飲茶…因為個blog competition我拎左第四名有部相機做獎品既關係…要請食飯…不過我都只係拎左100蚊出黎者…其他都係佢地夾番…諗番轉頭果日我真係應該哎多d野食…我講明淨係比100架麻xD, 呢個係fix cost, 我叫得越多送先越抵…XDDDD…蠢左添

難得10個intern齊曬, 睇黎有人請食飯呢個誘因真係好大…即興玩左鋪killer…比人話我做mc做得好=_=

(that's why 之後我上番46莊gmai話l請食飯....因為...我諗我既票源一半黎自intern, 一半黎自行社...無理由請左intern唔請行社者xDD)

(我好似仲答應過某d人有獎既話會請食飯=___=)

錢財係身外物, 有筆橫財黎到同大家share下...大家開心都好既...

諗諗下...大學三年以黎, 我真係三年都有請人食飯....而且每次金額都唔細=____=...即係呢...例如, Year 1生日果次...明明係我生日, 反而係我請左4個人..(計埋自己5個人)去食放題@_@!!!

我預見到呢個月我請食飯既金額會超越year 1果次=_=...

[送機系列]

原本30/7既早上呢…家姐就要飛走啦…29/7既凌晨呢…好夜都未訓…原本佢係0900飛, 點知班機有delay, 推遲到1800先飛…搞搞下班機直程cancel 埋=__=

好差=_=

然後30/7又以為31朝早有得飛...之不過班機又話無位…又推到2/8=___=

於是2/8朝早五點半就起左身送機...chur到暈低...今次一別佢真係有排先番黎...好sad .......真係好sad ......以後漫漫長夜都唔知點過:(.....xDDD

[番工搏盡系列]

上個星期, 我將個page checker既code真係執到超靚仔, supervisor臨時話加落去既function都做埋, 仲grep定曬d javascript 落黎方便佢之後send比server check...真係...無野可以挑剔啦, except我既EXTREMELY BAD and NOT OBJECTIVE Programming style...執下呢d野都幾容易, 所以上個星期好撻皮

今個禮拜唔同喇, 2/8, 0920番到公司, 同事A話不如wrap up 好hack day個site, 寫得generic d, 等以後每年都可以用番呢個site (!!!!即係話我真係會留低d asset起Y公司!!!!)...不過呢, 一條友design曬成個site, 真係...有d壓力, 不過呢次真係一次絕佳既機會比我體驗"一個PHP programmer由頭到尾build曬一個site, 連graphic design同database design都要做埋"....仲有呢...同事A話要搵人present下點整firefox plug-in, 呢兩件事都係13/8 deadline...

好..再之後...hr話我之前作果個introduction to each interns although full of creativity, but too informal xDDDD 發回重做, 要寫過篇formal 既Introduction, 無既, 所謂formal...即係要比d standard, classic野佢...okok

然後3/8...又收到個email, intern 要自己準備埋個community service既內容...

原本以為八月會無乜野do, 點知last month先係最杰撻撻...

[休閒系列]

30/7...Friday Feast @_@....

1/8...趁住一家人仲齊整既時候...我出錢去左Pizza Hut食飯...245蚊@_@....

2/8晚與友人共聚吉壽, Acyl, 中, 津...呵呵, 哈哈, 大家最可以暢所欲言, 就係呢d時候

另外...2/8又走去買左兩件衫wor @_@....

丫...30/7去左天比高睇Acyl處女演出@_@!!!!!xanga已經打好左...不過未得閒放上黎...

(而家時間係3/8, 0944, 地點係Y公司...因為今晚又出街食飯...呢排都唔多得閒打xanga...所以起開始所有工作之前...清左d xanga 先xDD)

好榮幸比Acyl邀請左去睇佢起天比高劇場5既第一次成果展…一放工已經即刻搭967X, 1817上車, 1940到去到天恆村=__=…似乎搭西鐵會好d…

落車之後搵間七仔買兩粒電芯, 應該去停車場B Wing但係去左A Wing, 臨入場前又比人話我遲到, 要等一等先

結果係我一入場Acyl果team就落台, wtf, 咁唔好彩佢係第一team上台=_=

睇埋之後4 team, 大概想像到佢黎呢度係做d乜野既=___=…呢個月黎都只係聽佢起msn講下做緊乜, 其實聽完都唔多明, 黎睇一睇明好多…are those called 實驗劇場? 成班人由原本乜都唔識, 上左一個月堂, 自己編左4至5分鐘既舞蹈…係”舞蹈”…好難想像點樣自己編隻舞出黎…

睇完分team演出, 仲有一大班人既演出…好彩無miss到呢個…

不過由老師編既舞, 往往係難明d, 之前學生自編自導自演既, 雖然係流於情情愛愛, 起碼知道佢做緊咩先…大師編既, 唔…抽象d掛?

跳完之後主持人有叫人share下…我都有諗定講咩…如果咁不幸比人督左出黎既話…
“下次成果展幾時? 我諗要mark低左先…即係呢, 雖然我唔識欣賞呢d舞蹈, 不過我feel到我個朋友呢排好比心機練呢d野…我見到佢平時完全唔會表現到出黎既一面@_@!!”

我會話我覺得佢地既動作好靚, 但係藝術如果唔講當中既情感或者意思…就唔多完整…將一種舞蹈reduce到純粹係肢體動作, 線條美既話…係浪費左表演者既心血….所以起我明白舞蹈家既意思之前我唔會lup亂話”佢跳得好好睇”…

我咁睇者, 舞蹈係會有感情貫注入去架下化? 如果唔係同AV有咩分別?

當然, 我咁講又唔係抹殺左表演者起技術上既努力…無技術上既support, 個表演都係唔好睇既…只係話…藝術既ultimate都係情感, 舞蹈/音樂/歌聲/畫都只係一種載體, 要throughout咁欣賞藝術真係要明白ultimate既意思先得

But..衰d講句, 跳舞對於我黎講就係一班人起度fing手fing腳, 如果意圖由果d fing fing我令我明白一個人既情感/意思 sorry, 我真係唔會明=___=…點樣fing下手腳黎表達出自己對夢想既熱愛, 對理想既追求呀=____=…我好想明, 不過真係唔明…如果能夠match番音樂既歌詞會好好多…

……………………….

(按: 以上係幾日前打既, 而家係八月4日, 又補多幾句)

藝術既舞蹈係咁, 不過有d break dance, hip hop, 鋼管, 椅子呢d舞又完全係另一套, 前者講求節奏, 後者係性感…relatively speaking 都係表面d既野...係挑起緊人對節奏同…女性胴體既美既…共嗚?!(唔…我都唔識點講…我都好想你分享下…點樣可以由其他角度/更有深度咁欣賞呢d舞蹈…)

我諗個情況就好似”人體藝術”同”女優貼圖”既分別咁上下…(不過呢個例子又極端左d, 在下無意貶低其他舞蹈..)

又有d雙人舞, 我諗講既唔係比觀眾欣賞既程度都係次要, 兩個人之間既交流先係重點…

[時事系列]

導遊阿珍單野...又好難怪個導遊既, 團費低到咁, 收610蚊, 真正入旅行社既袋既仲要得200蚊, 旅客黎到唔買野好難怪個導遊姐姐會燥底

問題既根源唔在於個導遊, 雖然話個導遊都唔係好arm...不過大家一味話佢..都無用架...

希望呢, 大陸既旅客睇完呢d新聞就醒醒定定, 唔好再報呢d超低團費既購物團, 反正團費果度唔比, 黎到香港都係要比, 咁點解唔比貴少少報個純玩團, 然後黎到香港齋玩呢..

只要無人報超低團費既團, 就會自自然然咁消失架啦...

不過, 講就咁講啦, 相信未來仍然係會有大量, 極大量既人報果類團黎香港旅遊, 真係遲早爆大鑊

大浪西灣單野, 政府出招圈地, 暫時解決左, 不過呢...呢個方法都幾無賴...雖然我讚成政府咁做, 但只係因為之前無做好, 而家無辨法之下, 圈地係唯一選擇...

無端端叉隻腳埋黎話要納入發展審批地區圖, 你屈曬機啦, 一早又唔納入, 等到我話要起野你先嘈嘈閉...

[番工點滴系列]

今日幾乎無做過野…全日就係起YM度hold左個會, 傾下起intern pulse account度寫咩好... 我propose寫下大家既個人介紹, 逐個逐個咁comment下...一講就講左成日=___=

臨放工之前做埋check css果樣野..原來九巴個網頁/Mozilla都仲有用expression @_@...

比同事A捉左去..話下個星期要present下點樣寫firefox plub-in...真係..滴曬汗..=___=

早幾日公司有人拎左個搖搖番黎玩, liu起左我條癮話..說我中學果陣有一排都好迷搖搖架...到而家我都好proud of 我曾經做到其中一招高級招式..魅影魔法XDD不過而家唔記得曬點做啦...上去遙遙fan club個網頁睇..越睇越想搵番個搖搖黎玩..果時儲左好耐錢, 買左個港版超速水龍..成90蚊一個架!!好貴!!

不過今日放工去買左個更加貴既@_@...150蚊一個Raider...@_@...