警告: 以下連結只適合Google Chrome 4+, Internet Explorer 9 beta+, Firefox 4.0 beta+
用緊Internet Explorer 8 既你開黎都無謂, 因為玩唔到…用緊Firefox 3.6既會覺得好怪...
http://i.cs.hku.hk/~chcheung/taiku/taiku.html

紅色係Z, 藍色係M, 記住打鼓果下係有早無遲, 中線一過左灰色既中線再禁都無用

我有寫另一個版本係跟番首歌個beat, 而唔係好似而家random咁出架…不過果個有少少問題…玩住呢個頂住檔先啦XDD

Hack Day完左之後仲有少少善後工作…要起網頁度show番個result出黎…Category B既第3名竟然係我個太鼓@_@...打嬴左強哥個video tagger, 士丹利個”讀”新聞@_@...

研究番當日點解會有人upload唔到野架呢…明明set左max_upload_size係50MB…唉…今日再睇, 唔記得set埋max_post_size…唉…搞到有好多人upload左幾次, table入面多左好多dummy entries…要逐條逐條研究下…

今日番番去做條page checker toolbar啦…唉唉, 做埋d野都幾廢, 之前都提過, 係要check下個網頁有無用到d obsolete 既css, 例如behavior / expression, behavior係Internet Explorer獨有既垃圾, 起以jquery / Dojo出現之前, IE有behavior的確係方便好多既, 但係Internet Explorer 8 出世果陣講明normal mode係唔support behavior, 連Microsoft 都唔要就知呢個垃圾有幾垃圾…

我既工作就係要寫個programme搵曬呢堆垃圾出黎…要搵垃圾, 先要學識呢堆垃圾…好無奈…竟然要學d唔會再有地方用到既css=___=

呢排番工都眼訓到極點…

0700, 打開雙眼, 望一望手機…”唔…係咪要番工啦?...唔係wor…番工唔會0700咁早…唔…究竟0700起身係做乜野架呢…”諗左陣…”哦…今日要去東坪洲…”…果種心情係先抑後揚, 抑在於…又要去曬…揚在於…我由上年暑假講到今年暑假…終於去到東坪洲~!

0800…旺角東站C出口外…有個阿嬸走黎問路…”請問你中旅社點去呀?”, 果時我係背對閘口, 面向新世紀廣場, 我就話…”應該係左邊wor…”…佢: “乜唔係呢邊咩?”, 手指住新世紀廣場, 我正想加句話唔係, 佢就唔理我行左去新世紀廣場…

典型既例子, 問問題只係想尋求confirmation, 會自動filter左佢唔想聽到既答案, 呢個例子可能你聽落覺得好低能, 但係…其實好多人成日都係咁…

剛剛處理完呢個阿婆就比人大大力拍我膊頭…Liu真係唔驚認錯人架wor=_=…
“你唔怕拍錯人架咩?”
“哦…唔怕啦”
“哦…都係既, 你咁__, 拍錯左都無所謂啦”
“係lor 係Lor XDDDDD”

=_____=

0819去到大學站, 仲有時間食個美心同買支水先行去馬料水碼頭…原來Liu同學同丁同學係同事@_@...

90蚊東坪洲來回船票…我諗應該算係香港境內最貴既船票啦….成日都加價, 5年前只係70蚊炸…

一程船要搭成差唔多個半鐘…相信亦都係香港境內船程最長…不過有人一齊去…時間都好快過者…吹下水, 玩左兩鋪Monopoly Deal, 去船頭影下相就到…

碼頭附近d水真係幾清

尋日上網研究過東坪洲…知道臨到碼頭, 起艘船繞過東坪洲北面之前可以見到斬頸洲, 果時艘船已經好近個洲, 所以同斬頸洲成一直線既時間只係得幾秒, 要從海上影到完全斬甩左既斬頸洲, 就要捕足到果幾秒

遠攝斬頸洲

落船, 按網上面既攻略, 我地唔轉左順行東坪洲郊遊徑, 改為轉右逆行, 因為可以避過人潮…無謂去到一個景點見到十萬個人一齊影相啦…到時都唔知影景定影人…十萬個又誇張左既, 不過睇艘船既載客量, 無300個都有250人…

事實証明向右, 即係碼頭=>長沙灣=>洲尾=>斬頸洲=>龍落水=>難過水=>更樓石=>亞媽灣=>碼頭呢個路線係正確既, 沿途同我地爭影相既人真係無乜

東坪洲係香港國家地質公園東北園區景點之一, 上年九月向中國申請列為國家地質公園, 今年再向聯合國教科文組織申請成為世界地質公園…呢個洲的確係有條件成為世界級既公園既, 爭就爭在政府既配套設施不足….不過自從上年開幕以黎, 政府應該做緊好多野搞緊架啦…過多兩三年就真係會成為世界級公園

 就算唔係去睇地質, 齋睇景佢都嬴曬今咁濟, http://www.focp.org.hk/HK88vote/tc/, << 2006年由郊野公園之友會同漁農自然護理署合辦既香港十大勝景選舉結果係:

1. 大浪西灣
2. 東坪洲
3. 天水圍濕地公園
4. 萬宜水庫
5. 浪茄灣
6. 山頂
7. 大澳
8. 印洲塘
9. 梧桐寨
10. 鳯凰山

Wakakakakaka, 今日黎埋東坪洲, 十大勝景既頭八位我都去曬啦…(shit…仲未去過鳯凰山), 大浪灣拎第一名係實至名歸既, 真係諗唔到香港有邊個地方可以打嬴佢…重點係…東坪洲嬴曬萬宜/浪茄/山頂/大澳呢d熱點!!!!東坪洲嬴在咩呢? 好多靚景都係有山有水…我諗就係東坪洲獨有既特色岩石啦

雖然話萬宜水庫附近有破邊洲, 印洲塘有荔枝窩…但係六角柱岩同果d唔知乜岩…係咪無東坪洲既頁岩咁好睇先~!東坪洲一個龍落水已經大殺四方啦~!連個名都型過人, 而且個名堅係改得好~!我唔係geog人/earth sci人, 都覺得龍落水呢個位…勁正!

哈哈…high左添, 都係講番今日個trip

碼頭轉右, 先經過大塘灣同長沙灣…已經見到頁岩啦…全部都係三角形, 打斜由地下伸出黎, 好得意…附近石灘既石…全部都好扁平, 好識合片石用, 可惜我唔識=___=…

過左C2312一陣就見到間士多, 話說坪洲上有好多士多都有房出租, 30蚊個人, 可以過一晚夜第二朝睇日出, 黎到呢間士多都見到唔少人起度…

呢間士多個招片真係夠曬詩意

過左士多之後, 我見轉左都有條石屎路就上去睇下, 條路應該係行得既, 如果唔係後面果個人著住短褲我已經衝左入去, 不過…好彩我無咁樣做…因為應該係轉右出沙灘=___=…我真係唔expect無端端有支標距柱(C2311)督起沙難隔離lor=_=

頁岩

唔覺唔覺, 連續過左兩支標距柱就去到斬頸洲

呢個洲原本係同東坪洲連埋既, 不過唔知點樣受到擠壓, 壓左好多條裂隙出黎, 一個一個浪撞埋去撞到爛曬, 於是形成一條峽道…黎到呢d地方呢…我一諗就諗到呢個位好適合用黎拍三國演義, 通常d軍隊起下面行過, 上面敵軍就係咁dum石頭倒油射戰落黎, 於是全軍覆沒既位=_=

起呢度影相影左好耐…

跟住又出發, 起一個估你唔到既地方Liu冼低左=__=…雖然成褲都係泥, 不過睇落都唔覺…呢條褲真係正野, 本身係白色底色然後有d一dat dat黃咁咁既野, 睇落去好似泥, 加多一兩dat泥上去都唔覺…極適合行山經常sin低既人@_@!

去到龍落水, 呢個景點真係型到呢, 好多個白色三角形, 好整齊咁由地面斜出黎, exactly就係龍脊咁樣, 龍落水有個漁農署既兼職員工解釋…佢話造成咁既地貌係因為果d白色既岩石有好大部份係silicon (準確d講係silicon dioxide, 即係quartz, 即係石英XD), 石英既防侵蝕能力比佢附近既黑色石頭高, 所以隔離d黑色石頭凹曬佢都無事

巨龍在我腳下~!

佢仲話其實龍落水唔單只起龍落水呢個位見到, 龍落水既背脊係橫跨曬成個東坪洲…於是我幻想到有成條龍訓左起東坪洲@_@...

可惜今日行唔到難過水, 我之前以為每日既潮汐都行得, 不過聽佢講完先知係要一個月入面既大潮汐先行得…沿住海邊行你都咪話唔過癮!

丫, 講下難過水呢個名先…初頭睇呢個名可能會覺得…果度d水好唔開心…之類既意思XDD但係難過起呢度係作動詞用, “好難行過呢度既水”, 所以叫做難過水…唔好get錯XDDD就好似鑽石山咁, 鑽係作動詞用, 鑽開d石咁解

唔行難過水, 行番山路去到C2304更樓石…正, 果時得一批後生仔影緊相, 等左陣佢地走左之後就得番我地兩個人起度任影~!

海邊有好多頁岩, 然後無端端有兩舊好大, size差唔多既石突左出黎

海景超靚, 勁好風, 今日有太陽但係唔太曬, 因為有唔少雲, 呢d天氣黎行山本身就正到飛起, 有風又有景, 又靜, 除左perfect池之外真係無第二個形容詞…起果度…我諗坐左差唔多成粒鐘都有

我企起左邊更樓石影過去右邊樓石

180度全海景

係咪勁好feel先~!

龍落水果個兼職明明話更樓石都有佢既同事…但係我地黎到, 淨係見到易拉架個袋, 見唔到個人…

離開更樓石之後, 行兩步就去到東坪洲營地…雖然好細, 不過我幾有興趣起果度露營, 我諗夜晚坐起更樓石都係好正好正好正@_@

行到亞媽灣, 見到前面有兩個著住紅色衫, 同頭先個兼職…裝扮差唔多既人迎面而黎…行近d…見到佢係Tse Wing Wah同學@_@小學果隻@_@...係咪起中大讀緊geography and resource management@_@?佢就係負責起更樓石做講解員既兼職…有成七十幾蚊per hour, 又幾好pay wor, 有得做我都想做下

過左亞媽灣又見到一列士多…去左…”毛水清”, 應該係人名黎既, 食左碗腸蛋面, 18蚊炸!!!!分分鐘平過市區茶餐廳, 起郊野公園既士多有乜可能做到呢個價錢!?汽水8蚊罐, 夾埋都係26蚊…簡直係…超值~!~!~~!~!~!~!~!~

上網睇船期話1715先有船番香港, 但係果時兩點半都未到=___=…hae左好耐…hae hae下聽到隔離有人話三點三有船…拿拿跟佢地走出去碼頭睇下, 去到碼頭問船家又話要四點幾…好失望=___=

番去個亭又無曬位…結果去左廁所門口坐…頭先唔記得讚東坪洲個廁所…呢個廁所既外形係非一般既靚lor…因為碼頭附近無乜平地, 所以政府用左好多d木樁砌左個平台出黎起廁所…外面睇真係完全唔係廁所feel…有少少世外桃園feel=___=…(有世外桃園feel既廁所, 問你死未)

坐起個廁所門口玩Monopoly Deal…

差唔多四點鐘走番去碼頭排隊…四點鐘上船…但係上左船之後等左好耐都唔開…起碼頭附近徘徊左40分鐘先起航=____=

番到馬料水碼頭都係六點鐘, 時間尚早…去埋書展都仲得

搭火車去到紅磡…食左火車站入面間美心express…老實講, 我真係鼓起勇氣先行到入去美心…因為美心個朵真係太差啦…不過見呢間美心特別靚, 連個餐牌都電子化左, 對佢都有少少期望…點知…哎左個咩咩扒大蝦餐之後…交埋飛…廚房入面先走個人出黎同我地講話…

“唔好意思呀, 呢個賣曬啦, 不如轉第二個丫, 拿我地有咖喱牛, 粟米魚, 豬扒蛋”
“咁…我要豬扒蛋啦”

30秒後
“唔好意思呀, 原來我地今日無豬扒蛋呀, 咖喱牛同粟米魚, 你想要邊個?”

Wtf? 果陣時七點鐘, 你乜晚餐都無…做乜鬼生意…算…比47蚊當買個教訓…

搭111過海去書展…差唔多八點先去到…

書展呢…其實都係黎行下架者…要睇書唔駛黎書展睇啦, 有兩本獵物, 一本係大江大海一九四九…一本係金子旅港行記…前者呢…上年9月18日聽完新書發佈會我已經話要買啦…不過又想等書展睇下有無硬皮版, 今日証實係無既…所以…軟皮版都係買左先

金子旅港行記, 呢本書…真係…真係不得不佩服日本人深究一樣事物既精神…日航前副總裁黎香港行山, 行完之後覺得好impressive, 番日本寫左本書介紹香港既行山路徑, 漁農署見佢本書寫得好, 翻譯番做中文起香港出版…本書提到好多典故…我諗就算香港人都無乜幾個知道:

“山頂西邊的高山有一條張保仔古道, 以往是海監視海上情況的據點, 後來清政府派軍隊在港島北岸駐紮和鎮壓, 張保仔於投降, 其後在1822年去世, 漁民慶祝天下太平, 所以硬頭山改名太平山”

太平山呢個名既由來…好似聽過下, 但係大東山英文名既由來就真係唔識啦…大東山附近明明係用黎睇日出, 點解會叫做Sunset peak架呢…?

“至大東山英文名的由來, 其實是與以日出著名的鳯凰山作比對, 因為居住在港島扯旗山的英人黃昏遙望大嶼山, 正好看見夕陽在大東山沉落, 因此稱之為Sunset Peak”

梧桐寨3, 大刀屻/大金鐘/釣魚翁/鳯凰山4, 蚺蛇尖5, 船灣淡水湖郊遊徑+5(在夏天極危險), 以上係金子對香港各名山既難度評分…

睇下金子點描述船灣: “以一天行畢18公里來說, 堪稱香港最艱苦的遠足路線”, 所以話…行過船灣淡水湖郊遊徑既你! 妳! 你! 妳! 妳! 同我!真係好叻仔!!!

講番書展, 除左上述呢兩本之外我都無乜目標, 原本諗過去地政總署買地圖既…最終都係無買到…

同行既果位朋友雖然唔係毒男, 但係對一班靚模既寫真都非常有興趣=___=…去到靚模個檔口, 睇緊寫真既女仔真係唔少過男仔wor…有無人可以解釋比我聽…女仔睇靚模寫真做乜=.=?

老老實實, 香港班靚模, 又唔係話靚過日本班AV, 又唔係露曬全部, 我有心睇咸書/咸片既點解唔上網睇先? 買一本Angelababy既寫真要成百幾蚊, 仲貴過我買本大江大海一九四九…單係一本寫真, 真係無理由買…所以由我既角度出發全部靚模都可以收皮, 除左周秀娜

周秀娜出左隻3D碟, 同行既朋友一入書展就話要睇周秀娜…隻碟…呢隻碟玩角色扮演…成為觀眾既老婆, 同觀眾一齊去法國度蜜月…呢個idea真係champ, 比到毒男既幻想唔再單單係硬照咁簡單, 扭身扭勢開埋聲叫你做”老公”…係咪嬴左先, 就算睇日本AV, 人妻系列, 佢用日文哎我做老公都聽唔明啦…而且, 就算我真係識聽日文, 聽一種second language似終無聽番廣東話咁好…

《恐懼鬥室》獲封 最成功恐怖電影 創健力士世界紀錄
(明報)2010年7月24日 星期六 05:10

【明報專訊】美國恐怖電影系列《恐懼鬥室》（SAW）將於10月29日推出3Ｄ製作的大結局，並率先創下紀錄。《健力士世界紀錄大全》宣布《恐懼鬥室》系列是史上最成功的恐怖片系列，成功擊敗一眾經典恐怖電影如《猛鬼街》和《德州電鋸殺人狂》等作品。

首部《恐懼鬥室》電影在2004年萬聖節期間推出，由詹姆斯溫（James Wan）執導，僅用18天拍攝完成，之後相繼推出5部，每年都是在萬聖節上映。據發行人獅門娛樂（Lionsgate）公布數據，《恐懼鬥室》系列已在全球票房賺得7.3億美元（約57億港元），售出3000萬張DVD。健力士主辦當局周五在加州聖迭戈Comic-Con動漫展向電影公司進行頒獎儀式，由健力士世界紀錄總編輯格蘭德（Craig Glenday）親手頒獎給製片人。

擊敗《猛鬼街》 製片人震驚

《恐懼鬥室》製片人博格（Mark Burg）表示，對於《恐懼鬥室》成為「世界上最成功的恐怖電影系列」，他「仍然感到震驚」，因為它擊敗了《黑色星期五》、《猛鬼街》、《月光光心慌慌》和《得州電鋸殺人狂》等經典巨作，這是對電影演員、劇組和發行公司合伙人的有力證明」。

《恐懼鬥室》講述一個叫做Jigsaw的高智商連環殺手，已身患癌症垂死，但他想教會人們生命的意義，於是為自己的目標設下一個個死亡陷阱，稱之為「遊戲」。Jigsaw會用錄音或影片告知遊戲「規則」。他用怪誕又恐怖的殺人方式去傳遞一個意味深長的道理：「大部分人活著都不知道心存感激。」

推3D結局篇 揭所有疑問

由凱文格勞特（Kevin Greutert）執導的最後一集—— Saw 3D: the Traps Come Alive，講述一群在竪鋸的死亡遊戲中存活下來的倖存者聚在一起，形成一個自我幫助的群體，然而群體的領導者卻有著不為人知的秘密，本片將出現11個恐怖解密機器。博格說：「在每一部《恐懼鬥室》電影中我們都留下一些懸念，在大結局中我們將回答觀衆心中的一連串疑問。」

博格又透露，製作人是在拍攝續集時，決定構思一個延續7部電影的漫長故事，因此在今年的大結局後將不會再拍，包括副產品和前傳。「我們已經完成任務。我們不想做打過多比賽的拳擊手」。

路透社

 

---

 

我再三四五六七次強調, 我鐘意睇Saw既primary reason係佢既佈局, secondary先係恐怖...其實恐怖本身都唔知有乜好睇...無端端做乜要嚇死自己....套戲又真係會睇到個人好鬼投入既...明明只係個角色受緊苦...會睇到自己都緊張埋一份...而且佢個懸念真係做到100分...成日咪會有人懶醒話..."一睇就知個結局係點啦", 睇Saw既話, 我諗真係無人講得出呢d說話...如果話...要由恐怖呢樣黎comment呢套戲, 咁佢都係做得非常之出色既...

...我一定會買Saw既Boxset....而且要比少少耐性等下, 睇下會唔會有ultimate collection之類既野出現....

如果有朋友想由Saw I開始睇, 可以聯絡小弟...我隨時可以陪你由Saw I睇到落Saw VI...從旁解述埋都仲得XDDD

 

2010_07_22

Y公司Hack Day 2010, 斬日2010

等小弟介紹下Hack Day先…係Y公司既傳統黎既, 唔單止香港係咁, 其他地方既office都會定期搞一次hack day, 等Y公司既員工發揮佢地無限既創意同技術…今年香港既Hack Day分為三個Category…

A: Advertising, 任何幫到公司賺更多廣告錢既方法, 評分準則係…要有創意, practical, monetizing power, 一定要有prototype先可以參加(至少賽前係咁講)

B: Mobile/HTML5, 任何用到HTML5既野均可參賽, 要有創意, have fun, practical, 同樣, 一定要有prototype先可以參加

C: Technology Research, 簡單d黎講即係吹水, 可以吹一個你覺得可行既plan, 唔需要prototype, 但係要有數字support

邊一個category都好, 一定要夠精簡易明, 因為每人只係得2分鐘present

頭兩個Category既冠軍獎品係iPad 16G(3G版)一部, Category C既獎品係…HTC WildFire @_@...獎品上會有咁既分別都好易理解既…A係半吹水半technical, B完全係technical, C完全係吹水…

九點鐘番到去…hae一個鐘, 同事A十點鐘召喚我同solon上去27樓既conference room佈置場地…貼下poster, 吹下波波, 搬下檯檯凳凳咁…一整就整左兩個鐘…

然後Manager A上黎視察下情況, 仲買埋飯盒上黎, 又慳左一餐

3點鐘kickoff, 要周圍r先有人上黎睇=___=…

有同事S share下HTML5既新鮮野…同事S都幾stimulating, 之前聽完佢講Grease Monkey之後已經好有衝動做d野出黎…今次聽完佢講HTML5之後…我真係做左d野出黎@_@...

4點鐘呢個時候, 得我/solon/simon同kendrick起27樓傾…其他人都仲做緊野…我propose用HTML5整隻game出黎, 例如撞磚之類, 點知上網一search mini game已經見到有人做左=__=…copy and paste人地既code黎參賽就唔係幾好啦…

跟住我就諗到…不如整太鼓啦…

Solon同simon都無乜理我=___=…呢個時候其他人開始黎到啦…wenis+iris propose既野practically 係做到既…不過似乎實用性唔大…Noel好耐之前已經提議過執一執mobile page個layout… simon覺得都ok於是同佢認真研究下…selina/Charles/noel之後又另外propose左d business plan出黎…

呢個時候出面應該係黑色暴雨警告緊…原本諗住對我呢d室內人士無乜影響, 點知就係因為黑雨, 外賣唔送貨, 搞到我連個dinner都無左, 要摺埋起conference入面食無限量供應既薯片/汽水=__=

我見無乜人理我個大鼓…就自己做~!我好少咁有衝勁去做一件事, even我一開始已經覺得自己唔會做到=__=無錯…我個人係對自己無乜信心既=__=…HTML5…都唔知咩黎既…完全未用過…24小時之內要整個work既野出黎=__=…

整game, 重點係<canvas>…整左一大輪, 整到一個波識得向右郁…但係想整兩個波呢…就唔識喇…因為果時我係consider 一個canvas係一個object…我知道個方向應該係…每一個波都係一個object…無奈小弟javascript 既OO真係好差…唔識寫…咁arm solon又話識wor, 就交左比佢做

然後研究下wenis+iris提議既, 起yahoo image search, onmouseover一個thumbnail, 會彈個box出黎, 入面有張原圖同廣告…整左好耐, 整到差唔多十點鐘, 唔知點解個ajax係都get唔到原圖條link…死因不明…

起我做到放棄之際, solon竟然…真係做到…將我個programme…”物件化左”…!!!!!對於我黎講簡直係最重要既一步!!!!

九點番工, 做到十點都仲起office…番左成13個鐘頭工…諗住執野走啦…charles就麻煩d, 要落番去12樓放低電腦, 點知落到12樓發覺已經鎖左門, 番上去27樓…就起果短短既幾程lift時間, 連27/28樓都鎖左門@_@...好彩, 唯獨是21樓未鎖=__=

起棟大廈入面游走左好耐, 直到2245先真正離開棟building, 好彩呢個時候已經停雨…去糖街食個面…正確黎講我只係食左個白粥…吹左成個鐘頭水, 2345先散band

2010_07_23

番到屋企都12點幾, 沖埋涼hae下都差唔多一點鐘…睇番solon段code, 雖然佢段code有bug, 搞到一個波波都出唔到黎…好彩係一個de得到既bug…de完之後我簡直進入大直路, 花左兩個幾小時, 加番d靚靚圖片落去…播埋歌, 有得較埋速度, 將原本好odd既紅色圓點換番做太鼓個頭落去…

已經見到…太鼓既雛形…喇!!!

做到四點幾鐘, 覺得咁做法都係唔係路…都係要訓一訓先…臨訓前又做多幾次backup, 正式上床已經係0430

鑑於hack day進行中, 我好似當正奉旨唔做野咁XD…平時0735起身, 今日就0835先起…無計啦, 訓得太少真係會死

起身, feel到自己完全未訓夠, 不過受到太鼓既刺激, 大腦今日成日都係處於亢奮而疲倦既狀態…

差唔多十點鐘番到去, 得solon/simon/kendrick起度…dem一dem比佢地睇, 嘩卡卡卡卡卡, 都叫做見得下人既…可憐既solon尋晚都做到兩點鐘…就係de佢自己個bug…

十點幾…同事A同同事A先帶埋早餐番黎, 全部都係麥當奴…哈哈..是但啦…

同事A/同事S/Manager A見到個太鼓都…wa左一下…令到我…沾沾左一瞬間XD

朝早加埋太鼓既聲效落去, 即係…打鼓面會bum bum 聲, 打鼓邊會pak pak 聲果d...整埋之後都幾似一個真既太鼓喇…唯一唔似既係…果d圓點出現既時間同隻歌係無關係既…其實要hardcode 曬所有時間落去都唔係唔得既…但係…hardcode一首歌…我諗淨係呢個step都要24小時lor…所以放棄左

Lunch有外賣pizza hut…參加hack day真係超正wakakakaka, 包曬早午晚三餐XD

食完lunch之後…託同事S幫手, 將個太鼓加左落yahoo 首頁度, 做header, 好似前排google search上面有個食鬼咁, 即刻型左XDDD…又起同事S既協助下改良左d聲效既reaction time…

做到呢到…我覺得…都夠啦…當然可以improve既地方仲有好多啦, 例如有人話…打中鼓果下, 紅色個圓點要識得放大fade out…我都想做到=__=…不過canvas入面既object唔係可以隨便加css既野…如果得既話…一句jquery就做完啦…

3點鐘…開始多人submit hack…唔知點解submit左20個hack之後, 個php就開始虧…搞到d人upload唔到野, d人一upload唔到呢, 就會禁多幾次, 搞到個table入面多左好多dummy既entries…

唉, 又係死因不明, 呢次真係好樣衰lor…成個site都係我負責…而個site…竟然唔知點解死左, 搞到連presentation 個order list都有d問題…搞到hack day present既時候個run down極唔暢順, 而且評判手上個list同計分員手上個list好似唔同…唉呀…頂…點解會咁架…

都係唔講呢d…講番d hack先, 好多hack值得講…

Selina + Noel: yahoo 旅遊既頁面…其實真係幾差…selina講得都幾尖銳XDDD”XX頁YY頁ZZ頁都做得幾好, 點解就係旅遊呢一頁做得咁差架呢~?” 即刻全場嘩然XDDD 然後就propose佢地果個類似google earth 既頁面, 一個識得轉轉轉既地球…原本想叫我地呢d tech人implement出黎既XDDD不過要識得3D咁轉…我真係無concept點做=___=

Noel’s idea + simon: mobile 頁面大改動, 可以自己調較新聞/娛樂/電影/既位置…不過都係較上較落者…同埋set每個div顯示既entry數量

Charles + Kendrick: Y! Education…其實我無聽到佢地講野…sor

Ivan: 自已寫左個flash出黎做prototype…main point係在於佢講既…offline做既野, 一online就會即刻sync番@_@....

Wenis+Iris: Y! image search, onmouseover會放大張相同有ad

West: 太鼓(不完整版)…重點係只有用過HTML5, 而無用過FLASH…

同事S…真係好神, 雖然我知佢只係搵library番黎做, 但係都不得不讚佢神…起搜尋bar下面整粒制, 禁左會彈個手寫板出黎…佢既特別之處係可以自定義公仔, match番落d字度, 例如定義一個囧樣就係胡杏兒, 之後佢畫一個好核突既囧樣出黎, 又真係可以match番去胡杏兒度wor @_@...我應該amaze既係, 果個library既learning and recognizing power…

最後呢…由Supervisor同同事S既手寫版hack獲得iPad, 吉沢明步拎到HTC WildFire…
(原本我有記載埋得獎同事既hack係點樣...不過...有人話我咁樣post埋出黎好似唔係幾好...又比我delete左...總之我要強調, 我覺得我d同事真係好神!!!)

由上個禮拜三開始準備(個網頁), 參加, 到今晚終於完喇=___=

成件事入面…最神奇既地方…我竟然整左個我自己覺得ok靚既網頁, 同埋…一個80%完成度既太鼓出黎~!之前真係完全無諗過做到@_@...

番到屋企…雖然真係攰到暈低…都繼續研究個太鼓…研究下d圓點可唔可以跟番首歌既beat出黎, 初頭諗住都係hardcode一個array落去者…點知做落有另一個問題, 個網頁要load隻歌, 我原本set左autoplay, 即係load完即play, 所以每次play既時間都唔同, match唔到上面果d紅色圓點出現既時間…後黎我轉左做一開就preload, 直至我禁制先play歌同出現圓點, 唔知點解仍然係有一個random既timelag起度…今次開機同下次開機既timelag可以唔同…雖然今次我做到d圓點係match番曬首歌, 但係下次就會一律delay左半拍=___=咁點玩=____=

所以…現階段都係由得佢random咁出現圓點先XDDDD隻歌變左做background music XDDD

[番工點滴系列]

一朝早研究firefox究竟係點樣睇css架呢…可以用咩getStyleSheet…再咩Rules黎睇…我既task係要令firefox搵到style sheet入面既behavior / expression…不過最弔詭既地方係, firefox根本睇唔明呢兩樣野, 所以firefox既css parser 係會自動ignore左呢兩樣野…結論係…用firefox native睇style既function…係唔feasible…

即係我又要用getElementsByTagName…呢d最原始既方法黎做…

Lunch叫左pizzahut外賣自取@_@...

下晝係all-hands meeting, intern無得出席…我以為其他同事係compulsory 要去架添, 原來唔係, 同事A留左起度繼續做野…不過成層21樓…應該都係得番唔夠10個人架喇…其他intern好開心咁走曬去玩…我同solon就跟住同事A繼續搞hack day 既野=_=…

做到七點先走…跟同事A去惠康買野食for hack day…(葡萄適+杯面) x 30 + (朱古力+糖+薯片) x 無限…起惠康一次過消費左940蚊…應該係我見過起惠康入面單次最高消費=__=

趕得切八點前去到Time Square 13/F, 洞庭樓…係米芝蓮有點名讚過既食店之一@_@...不過其他intern無留位比我同solon lor...結果同同事A坐左去search marketing 果枱...

庭湖四冷碟: 洞庭蝴蝶鮮魚/湘汁毛袒雞/瀟湘牛蹄跪/川湘蒜泥麻仁白肉
湘西四季豆豉香辣蝦
碧綠鮮玉帶
湘江砂鍋雲吞雞翅
北京烤填鴨
洞庭豆酥鮮魚
上海鹹肉蒸百頁
北菇扒時蔬
德園花素蒸餃
金陵驢打滾
衡山三元妃子茶

呢到既菜唔係一碟碟咁上…起上台之前, 碟菜送到去每一檯附近, 有專人分開佢做12碗再拎上黎…我地直情唔需要自己夾送@_@...

呢碗翅真係有d料到...我夾住果堆都係真翅黎...而且唔只我夾住果D咁少@_@...

不過一夾果下我又諗起有人反對食翅...唔...如果有得揀, 我都會揀唔食翅...比另一樣好食既野我都得...不過...都上左枱...咁咪食埋佢lor XDDD

Y公司真係幾唔話得, 每個quarter都有一次類似既dinner? 前題係業績唔錯就得...超正@_@...

[番工.滴系列]

卒之比我做完個Hack………………………………day網頁

我有兩部server機可以用, 今朝唔知點解死左其中一部…是但…總之做到就得啦…set server果d野…真係完全唔識, 同事A自己寫左個.conf檔出黎include落去就解決左d問題…超犀利..

起我做完個網頁…supervisor又走左過黎, 話page checker toolbar 有新function要加落去=_=…check下css有無用到”behavior”或者”expression”, 有既話就要媽叉佢…

Internet explorer真係好鬼騎呢…整乜鬼behavior者…係都要標奇立異…

http://hk.promotions.yahoo.com/standardlife/vote.html
login 入Yahoo account, 然後投票比我pls XDDDDD
每日都可以投~!

選情告急呀而家…上個星期我排第3架…幾日無拉票今日跌到落第7…

夜晚…成晚都淨係打xanga =.=

[龍應台系列]

孩子你慢慢來, 呢本薄薄既書…曾經企起書店極速睇完佢…雖然成本都係龍媽媽同佢兩個仔既生活鎖事…但係都好好睇, 我從來都唔知咩叫”好細膩咁描寫情感”, 我估啦...呢本書就係呢個type…今朝有機會又睇一次…有時會睇到會心微笑, 有時會…好似切身感受到一個媽媽既感覺…so good, 睇完親愛的安德烈睇番轉頭, 好似睇緊前傳咁..

[番工.滴系列]

早兩日起屋企試過做upload, 今日番去, 用localhost試下個網頁, 都upload到, 就証明係server setting既問題, 之但係server 既野…我唔識set架喎…

先用php_info()睇下setting, 証實左, 唔知點解我起php.ini set左upload_files On之後, 佢見到既global / local setting都係Off…我就真係唔知點搞…等同事A解決…

呢個時候番去做下條page checker toolbar...徹底解決左check死link時候有時會死左既問題=__=...再執一執靚d code...現階段黎講就算係做完喇...

[放工系列]

同chemix食譚仔, 我挑戰下譚仔1小辣, 成功左, 雖然真係幾鬼辣, 都算係acceptable range之內, 我諗我食多幾次譚仔小辣之後就可以挑戰下一個level...譚仔中辣喇...

小弟神邊都有幾位神人朋友...有時同佢地傾計傾得多, 都會搞到自己心頭高左...今日又同一位非三大既朋友傾左陣計...只可以講句, 街口三姑同街尾六婆聽到你話"噹噹U"之後會係咁讚你叻仔都唔係無道理...

fresh grad人工, 你話應該幾多?

對話A
"果份工...得15K炸喎"

對話B
"你話我expected salary寫幾多好呢...?"
"8K啦..."
"會唔會低左d呀"
"咁9K喇"

對話C
"去果d fund house做analyst好好pay架"
"幾多?"
"12K wor!"

唔.......你係邊個type?

食完譚仔我提意食澳洲牛奶公司...上次去我都未食佢個炒蛋, 今日一食, 果然抵佢長期高踞openrice榜首位置, 10秒內送上一個有蛋汁既炒蛋, 堅係好食~!

兩條友無乜野好做, 我有話去溜冰架XDDD不過比人ban左XD
又走左去打機...1鋪太鼓, 好多鋪Seed II同GVG next....我呢d高達新手呢....都係黎交下學費架者...

番到屋企都11點半...唔甘心咁快訓覺...打下xanga先...打打下同人msn下...

對話D
"成世做developer都係唔係辦法...所以我諗住考埋CFA"

哦...

[3800+字長篇系列]

尋日成日摺埋起屋企…試左整upload個function, 屋企一試就得左…睇黎都係我改人地個library改得太多啦…星期一朝早番去一定要整到!!!

講下番工既得意野先…Y公司真係好free…員工交到貨就得…我個supervisor (唔, 咁樣叫佢最好)早兩日番工都起度玩搖控直升機lor=___=起office入面玩lor唔該, 跟住吸引左成班人黎睇佢玩, 然後尋日, 另一個同事都帶左佢部搖控直升機番黎玩=___+玩到勁開心=___=

玩完直升機…做左一陣野, 臨放工又拎左個Mario cart出黎玩, 係REAL Mario Cart, 唔係打機, 然係真係有架玩具搖控車, 有賽道, 最犀利既地方係佢連食左個波波出特殊技既功能都移植落遙控車度…個搖控手掣會定期抽獎, 可能抽中星星/磨菇/龜殼之類…抽中某d物品之後真係可以撞開人架lor !!!超真實!!!超好玩!!!!

尋晚msn conference, d人見尋晚落咁多雨就話第二日唔會去pretrip, plan好曬唱K碌ling好似當正實唔駛去咁…=__=

其實呢, 我一路都覺得取消pretrip機會好低, 首先呢個日逼近香港個強烈熱帶氣旋已經登左陸, 雨量之會越黎越少, 就算係尋日都係得番好少時間落雨…其次係, 通常pretrip呢家野, 如果唔係起身果下見到落雨都唔會取消…如果起身果下見唔到落雨都取消既話, 之前已經取消左啦…之但係要起身果下見到落雨, 真係好難…所以我其實都幾有信心會pre到trip

RM camp pretrip…
北潭凹=>牛湖墩=>赤徑=>大浪凹=>蚺蛇凹=>大浪村=>咸田灣=>西灣=>西灣亭

搭地鐵既時候睇到個廣告...王迪詩進軍舞台劇...孔雀男與榴蓮女, 寸爆香港精英的癲狂喜劇...哈哈, 有趣有趣, 如果大家都係用月薪黎measure一個人既成就既話, 王迪詩本身...都算係香港精英...睇佢寸爆自己? 有無人有興趣一齊去睇睇~?

http://portal.michaelc.org/inews/online/20100717-hkej/file363.htm
不過此xanga面世之日...應該都無飛賣喇...

今日幾乎係無人遲到…犀利犀利, 我0825去到彩虹站已經見到Benny/BenBen/Nigel, 呢個時候Theresa 已經起上面等緊小巴, 0840 lala黎到…0843 Terry黎到已經係最遲果個, 只係遲左13分鐘@_@!!不過sasa約個時間又真係...0830彩虹, 0850西貢...真係...好難做到=__=唔知Hilda同Henry起西貢等左幾耐呢XD

原本以為有得行蚺蛇灣, 呢d偏僻地方難得會有人去, 所以都幾開心…後黎知道原來cut左呢個point搞到我有少少失望, 不過今日條route都比到驚喜我wor @_@

出發啦~!

北潭凹=>牛湖墩=>赤徑

呢段路都無乜特別, 有得上牛湖墩叫做幾好啦, 原本我以為係沿住麥徑行, 咁就真係悶到嘔lor…牛湖墩呢個山無乜特別, 係好sin...特別係尋晚落過大雨黎...果d黃泥, 平時天氣熱, 乾左之後就好鬆, 踩上去好易碎/散/甩出黎...今日濕左, 係就係唔碎唔散唔甩, 不過仲衰, 濕左, 突起一舊舊咁, contact surface area都細左, 超級sin...每一步都要認真少少咁行, 行得快既話真係好易pk...一路我都一話好彩自己唔係著converse黎...真係正正經經咁著行山鞋!

高塘口

常言道上山容易落山難, 牛湖墩落赤徑就最demonstrate呢個說話既精粹所在...even係碎石路, 當sin緊落去...起碼都feel到係一格格既動作, 因為石仔係一粒粒既...唔會一下就sin低...但係呢種泥路呢, 由你feel到sin低, 到完全失平衡果下真係...快過眨眼...sin低果下, 通常已經帶動全身肌肉, 特別係腰部......做左一個惹人發笑既動作之後, 唔知點樣扭番正個人, 就會企番穩...好多時都唔知自己係點樣企番好個人XD

赤徑=>大浪凹

先起赤徑廁所...沖一沖身, 無錯, 我上到牛湖墩頂之前已經除左衫...雖然上個禮拜去完東龍島之後曬傷左, 而家仲甩緊皮...不過無緊要...呢段路有樹蔭, 無妨...呢段路全程石屎, 本身係好簡單既, 不過唔知點解大家都好肚餓, 手軟腳軟咁, 段路又有少少上斜...行左比我expectation長既時間先去到大浪凹...

大浪凹=>蚺蛇凹

見到一班小童軍經過大浪凹行出赤徑/北潭凹...隨口同個領袖say個hi, 佢話佢地係九龍21st...唔...唔知咩黎...淨係見到果班細路咩住個50L既背囊...真係鄧佢地可憐...我唯一一次既遠足露係3月, 都熱到死左...今日係7月, 我無著衫都熱到死左...今日既天氣係濕熱, 熱既情況下會出好多汗, 但係d汗又蒸發唔到...汗係出左好多, 不過完全無助散熱...呢種感覺真係差到飛起...班細路仲要比個背囊cull住...完全唔知點散熱...隔離有個阿叔等班細路走左之後就狂鬧班人無良 心..."如果班細路起度出左事咁點算呀! 打999都趕唔切入黎啦! 出左事既話...3分鐘就3分鐘! 3分鐘行去邊?!"

起度休息左好耐...由於Terry一早黎到...已經休息夠, 無聊到起度帶麻繩鏈=___=

真係呢...連我都唔係幾願意起呢度上蚺蛇凹, 目的地係咸田, 明明向前行一陣就到大浪村, 我地竟然要先上蚺蛇凹再落番黎...要知道呢段路都無野遮頭, 果時係1240...曬到呢...好在一路上都有風, 而且開始望到咸田灣同大灣, 有靚景睇下, 精神為之一振~!不過面對猛烈既太陽...我都係用件衫遮位右邊膊頭...無謂要佢再受UV之苦喇...

認錯左蚺蛇凹, 哈哈, 好柒添, 仲話自己黎過n次, 蚺蛇尖南脊落黎會遇到兩個三叉位, 第三個先係蚺蛇凹...話明係凹就梗係凹左落去...果度有塊好大塊既坑渠蓋...認住佢...

蚺蛇凹=>大浪村

呵呵, 哈哈, 嘿嘿....

全日精華所在, 我完全無expect過今日會有d咁既路...that's why今朝出門果陣我仲會諗converse好定行山鞋去...相信呢段路亦都out of 大家expectation...RM果然係RM, 每年RM pretrip 都會有d chur到爆炸既路段...

蚺蛇凹轉往東南既路口, 門口有隻大蜘蛛看守住, 話比我地知, 已經好耐無人入過呢個盤絲洞...用支樹支liu開個蜘蛛網, 展開我地今日歷險之旅~!

[小說mode]

"我同Benny去果邊探一探路先", Terry說, "地圖話條河既右邊應該有條路"...於是Terry同Benny離開大隊, 只消兩三步腳程, 二人的身影消失於叢林深處...
"那麼我們繼續沿溪走吧.."我提議...大夥兒都沒有反對...我們走 石澗這一條路, 雖然說不上好走....至少比叢林好....
走了好一陣子, 還是沒見到Terry回來..."Terry! 你起邊呀~?"...林中傳回一把聲音...卻沒人聽得到他說甚麼...隔了一會...我們再喊一次"Terry~!!!"...竟是沒有聲音傳回...
-- 節錄自"大浪村歷險記"第18回, "分裂"

沿住山岥走, 這邊的路著實很難走下去, 危機處處, 各人都不敢張大嘴巴說話, 唯恐一不小心把整個蜘蛛網都吞到肚裏去....大家小心翼翼, 慢慢移動著...森林中只有我們踢到地上枯葉的聲音, 你也許覺得枯葉磨擦時發出的"沙沙"聲很悅耳, 可是這一刻眾人都沒興致細聽流水聲, 蟬叫聲...大家心內都是煩燥不安, 只想快點離開這個鬼地方...
-- 節錄自"大浪村歷險記"第12回, "危機"

這下可難到了阿西, 前方是一株長滿倒刺的植物, 給刺上了...肯定比死更難受, 右邊是5呎高的懸崖, 左邊是一個最少半米高的蜘蛛網, 上面有隻色彩斑爛的蜘蛛靜心等待著.......那裏有路可走? 蜘蛛和阿西形成一種強烈的反差, 一個待在網中, 好整以暇, 等待獵物自投羅網, 一個是心急如焚, 四周搜索著出路......時間一分一秒地過, 阿西實在是無計可施, 決定兵行險著, 扶著崖邊的一棵樹轉身跳下去吧...可是阿西沒想到這棵正面皮光肉滑的樹, 背面竟然隱藏尖刺, 一手扶了上去...
-- 節錄自"大浪村歷險記"第15回, "陷阱"

"大家吃吧!" Hilda從背包抽出一個密實盒, 裏面是清涼蜜瓜...在這個四處陷阱的地方食蜜瓜, 口裏是甜得很....
-- 節錄自"大浪村歷險記"第16回, "停頓"

雖然大家都走得累了...很想好好休息一下...但叢林絕對不是適宜休息的地方...我們只坐了一會...就忍受不了大量蚊蟲繞著我 們...只有不停移動才可"區"趕它們...sasa站起來, 鼓勵大家繼續前進, 卻沒拿緊當時唯一一幅地圖...讓地圖掉到石澗裏....
-- 節錄自"大浪村歷險記"第29回, "迷失"

"前面有間屋wor~!"前面的Terry興奮大喊著...眾人聽到立即精神為之一振! 阿西更是急不及待, 從路旁抄小徑迅速走到白色小屋之下...Lala從後跟上, 應該是被小屋吸引著, 忍不住要抬頭看一看...卻沒留意到頭上橫枝的尖刺, Lala一抬頭...一聲尖叫畫破長空…
-- 節錄自"大浪村歷險記"第35回, "終點?"

正當眾人以為已經離開叢林, 脫離險境, 咸田士多在望, 腳下忽然一軟...竟是來到一片泥水地! 一踏上去, 眾人都吃了一驚, 一下子沒能回應過來...錯諤間只見水位越升越高, 這種地方, 越站得久, 越是泥足深陷, 再也抽不上來..."別停留! 要麼就向前走, 要麼就永遠留在這裏!" 我們把心一橫, 也管不了自己所穿的鞋到底會不會入水, 眼望前方就這樣衝過去...過了第一片泥水地, 還有第二片, 第三片泥水地...每一步的感覺都差極了...記得上次東龍島Henry食的繽紛樂嗎? 兩者的質感應該相差不遠...
-- 節錄自"大浪村歷險記"第39回, "深陷"

條路起邊?

What da shit!

大浪村=>咸田灣

咸田灣, 老老實實, 我覺得仲靚過西灣同浪茄, 所以我都幾興幸魯連海係買起西灣而唔係買起咸田灣...買起咸田灣間士多既話我真係...一定會去示威...因為...咸田灣間士多係我既!!!!有錢既 話我會頂起咸田灣間士多黎做!!!起果度過d世外桃園既生活!!!!!

起海風士多食下野...引黎一隻好可愛既狗既注視...果時我食緊個朱古力蛋糕...仲比左舊佢食添...比左佢先醒起狗食朱古力會中毒...

47莊既男人

咸田灣既獨木橋, 又靚左少少

47莊過隔離大灣示察營地...話見到一大堆人開緊party...播音樂播到超大聲...而且有一大堆比堅尼女郎@_@...

咸田灣全景

咸田灣=>西灣

置身於咸田灣之內…睇唔到咸田灣既全部…係要起咸田灣同西灣之間個山…望番轉頭, 先可以欣賞到咸田灣既全部, 三面環山, 而且山勢連綿…雖然我唔識, 不過我都幾肯定呢咸田灣呢個地方風水一定正爆

唔...我影得唔好, 主角好似變左做望魚角添...

Facebook 果個保護西灣既group約好左今日去西灣視察環境…我地一去到西灣佢地就埋黎同我地講野…哈哈, 我一早就join左果個group啦…

入去入面個工地睇下, 見到政府擺左個牌起度話係政府用地…我唔明wor…又話果度係私人地方…點解又會有牌話係政府用地既…?

起西灣既士多食左碗5蚊既豆花先繼續行

西灣=>西灣亭

呢段路…行過12345678次都有…唔講喇

同lala講下47莊個oversea trip…黃山…又講到千島湖…講到大江大海…

唔…千島湖係一個人工湖黎既, 係政府徹走曬果度既人然係灌水落去…話說有人係會搭船去千島湖…搵番祖先既墓地, 約莫既位置黎拜祭…不過果時去千島湖個導遊好似完全無介紹過…完全ignore左千島湖既歷史…

搭的士出番西貢, 食埋飯就走喇…又係果間泰國野=.=

大家行山行到手腳捐曬...最下面果條la, 有個名堂...叫做...lalala!

番到屋企, 裝BB100既師父已經上到黎…由佢上黎開始計, 佢都搞左成粒鐘先搞完…哈哈, 我有BB100用啦~!

繼續研究IE css既問題…想set table既background做半透明, firefox做到, 而ie就會連table上面既字都變埋半透明=___=…too bad…

然後研究upload file既問題…研究左成日都唔知點解唔work…明明已經入php.ini set番upload做ON…

4點鐘有hack day briefing…r埋其他intern落黎一齊聽…睇黎大家都係想玩category c多過其他…都係既…technical既野, 我地點夠果班做緊野既人抽…反而係一班business 既學生起category c可以憑presentation skills抽嬴曬…

5點鐘聽上年hack day得獎者黎講下Grease Monkey點用…

太邪惡啦=___=…Chrome 4.0內置左Grease Monkey, 如果我整左段script出黎…係有惡意既, 要inject入人地個browser度偷資料, 咪話都無咁易!?

差唔多七點先走…

番工番到個人好支力…搭車番黎係咁訓著…

晚上一錘定音, 99蚊轉過去HKBN BB100, 簽30個月約, 因為係由navigator轉過去, 首6個月免費

[番工.滴系列]

尋日執好左網頁既外貌, 今日拎到server之後開始搞server side既野…寫果幾行php同mysql statement都唔難, 難係難在要適應一個新server…條path長到咩咁…而且我個account又login唔到, 下下sudo都要人地過黎入password=__=煩到喊…

差唔多六點, 負責hack day既同事A話我知…用IE睇個site會有問題…主要問題係…IE睇css唔係好識睇opaque…又唔識睇input[‘submit’]呢d…搞到有好多css都死左…麻鬼煩…

三四點左右, 其實我都未整好個網頁…就已經比人放左出黎用=___=…完全無考慮過中文coding既問題, 第一個人用左中文teamname, 即刻有亂碼XDDD…好彩ivan咁arm起附近, 佢一出手即刻幫我解決左…

不過今日都做到七半先走呀…番Y公司咁耐, 今日最遲走, 仲遲過個office入面其他人…

[番工.滴系列]

番左咁多日, 第一日唔係做果條tool bar…後面負責Hack day果位同事叫左我同solon幫手搞下hack day既野…第一件事就係build個web site出黎…連頁面都要自己設計埋…身為programmer既我當然係對呢樣野唔在行…不過都搶住黎做…搞到solon朝早唔知做乜好..真係唔好意思XD

做左成日, 做得好開心, 因為我覺得個網頁真係幾靚, 係衷心地覺得個網頁靚…可惜係公司內部野, 唔可以起度公開出黎…不過我都留左個copy起另一個地方…有興趣睇既話可以msn小弟XDDD

成個網頁都係用notepad++做出黎, 嘩卡卡卡, 隨左處理圖片果陣要用一用photoshop之外…

開心完一輪之後望住個網頁又有少少灰, 大家會覺得個網頁靚, >50%係因為個background同banner, 再黎就係個排版….呢d野, 咩野都唔駛識都識得欣賞…但係後面upload果d page用到既programming就無人會留意喇…至少行外人唔會留意…

一個submit/upload button, 我寫左幾多個javascript function黎check validity, 寫左幾多行PHP將d 資料塞番入個database度…呢d野…無人會留意…鞋鞋…

聽日upload個site上正式serve之後, 又要做番條toolbar…條toolbar仲係有一個…唔知幾時先會出現既bug…de呢度神出鬼沒既bug…真係煩死…

[做個盡責公民系列]

http://hk.promotions.yahoo.com/standardlife/vote.html

如果大家知我叫咩名既話…就去投下票啦XD

[恭喜系列]

恭喜獲得H公司1 year placement offer

[番工點滴系列]

番到公司…睇完蘋果再睇信報…好似好悠閒咁XD

一個朝早, 我終於知道點解…一個明明有dead resource link既網頁都可以完整顯示出黎…firefox真係太聰明啦…一個html include左兩個style sheet, 兩張style sheet對同一個block都有定義, 搞笑既係, 比較接近某個block既style sheet既定義…係連結左去張死圖度…所以我個page checker會detect到有死link…但係Firefox醒到識得去另一張style sheet睇埋…所以張圖照樣load到…

研究左好耐…研究完之後過去問manager confirm下…証實左我原本個logic係arm, 怪就怪Firefox真係醒得濟…

仲有potential既問題係…有d網頁係onready之後仲會load野入黎, 好多dynamic野, 會搞到我個check死link既function有error…同埋…某類型既ad係stamp唔到既…

四點半, through video conference dem左比台灣同韓國既teammates睇…

1^st stage finish.

“做完”個toolbar…(之後應該仲有手尾跟…)…manager叫我地考慮下參加個hack day… …真係幾想參加…要起Y公司入面揚名立萬, 呢個係最佳機會!!!

但係我真係無貨………

Advertising / HTML5 + mobile / technology research…

雖然好appreciate HTML5, 對住呢樣野真係好頭痕…唯有期待Firefox 4/ Internet Explorer 9可以大幅度增加支持HTML5…同埋solve曬果大量既bug…

其實一路都好似起呢度叫錯左, manager其實唔係manager, 係technician者…不過我覺得technician呢個名真係唔係好Match…真正既manager…無expect過我同solon咁快就做好d toolbar…technician好似都唔知叫我地做咩好先叫我地參加hack day…

我果個cube入面既另一個同事就係負責搞hack day, 見我地無乜野做又比左d野我地搞…”寫一頁用黎比人起hack day upload file啦, 你識唔識做?” “er…見人地做過lor…不過自己就無經驗”

跟住即刻比左個SWFUploader我…@_@...做都唔駛做=___=…跟住又幫下手切下poster之類…

隔離technician走過黎見到…
“嘩叫個intern切poster!?
“將來見工人地問…你起Y公司番intern做咩呀? …切poster lor!”

唔係笑緊我, 我覺得…佢地堅係認為intern唔應該黎切poster…所以咁樣笑?
咁我又幾開心wor…好多公司既intern都係做雜工…我都係intern者, 切poster會比人笑係咪即係佢地睇得起個intern =.=?

“咁…呢d野總要有人做既”, 我咁答

[番工點滴系列]

Facebook都講過架喇, 不過我都係要講多次…Y公司…真係超正, HR上個禮拜話因為世界盃決賽既關係, 今日可以11點先番工, 呢個已經正到飛起架啦…點知尋日收到老細SMS, 話我地team可以1點先番!!!!

咁既老細你話邊度搵丫…吹脹既係, 我1點鐘番到去…都係無人…d人好似差唔多兩點先番=___+

今日…將原本ad stamping既功能改良少少, 以前係條條link都會stamp一次, 而家就係…同一個ad, 有幾多條link都好都係stamp一次…嘩卡卡, 用左少少javascript既特性…

Ad flasher果度又改良左少少, 屬於同一個ad既會一齊閃…

跟住又發現左count external domain果度有個bug…又加番Show internal / external links既checkbox落去…

最後發現左…grab個absolute Link番黎果part…都係做錯左…唉唉…呢part好麻煩

聽日就要dem比人睇啦@_@

[技術文章系列]

如果想知道一個array入面有無某個entry, 起C++入面通常都係for-loop search佢出黎...
但係起 javascript, 真係幾屈機, 因為array既index係乜都得...
今日寫左幾行:

var checked = new Array();
然後每逢有一個新entry黎度: checked[entry] = new Object();
呢度entry既type 係乜都得, 反正javascript就無type既概念
然後, 當我想知道某個entry黎左未, if (checked[entry] != null) , 搞掂
sooooo convenient

javascript既array自由度好大, 本身就設計到成個hash table咁, 超好用

要認識到一種language 既特性, 先算係開始了解一種language, 如果我只係將C++/Java既concept搬過黎javascript, I do not think I “know” javascript…

47莊O camp pre trip

2008_07_13, 2008_09_07, 同埋2008_09_13…應該都係45莊O camp pre trip 既日子, 47莊同我地一樣都係去東龍島…起我莊期內最後一次出席既pre trip 就係09_13果次…自此之後就消失左, 今日重遊舊地…有d感觸....更加sad既係2008_09_13-15果幾日既xanga我真係忙到打唔到...今日再黎, 有種補完既感覺

話說07_13果次, 43莊阿甘都有黎, 而且好幫得手…嘩卡卡, 今日我都係以上上莊既身份黎, 不過完全無幫過手XD…都唔知有乜好幫, terry咁勁, 識曬成個東龍島啦XDDD

0900起油塘站A2出口等, 我諗住我0850到應該係第一個啦, 點知iris仲早過我@_@...今日真係超多人黎pre trip...west / iris / hilda / sam / jimmy / terry / thersea / benben / benny / henry / owen / 朱華添 / terry’s fd / thersea’s fd...等齊人, 等去齊廁所, 已經係0935既事, 剛剛好趕到0950由三家村碼頭開出既船

先經士多行去燈塔睇睇…番去士多之後佢地話要去沙灘睇下…我就…咪搞喇, 反正都去過, 留起士多食左個餐蛋面, 20蚊, 勁正喎, 竟然送左兩條菜比我@_@...係性價比極高既一碗面@_@...

不過飲品就好貴喇, 汽水8蚊, 寶礦力9蚊, all 樽裝飲品11蚊…我黎之前成身只得一支葡萄適, 去完燈塔番黎之後, 得知要上直升機坪, 同埋感受過天氣之後, 買左罐寶礦力, 即刻consume左, 再買支果粒燈, 出發

呢個燈塔上到頂真係幾好景

去到營地…無乜特別, 留過太多次, 周圍既境物都太熟悉…起炮台附近兜個圈就上山喇

呢張相, 我覺得真係好唔錯XDD...有d隨意, 有d 即興, 更加自然
呢個地方向下行既話會見到噴水岩...幾得意架...不過我地咁多人去...就算啦...果度落去條路好窄

THE VIEW IS SOOOOOOOOO GOOD.

計埋我form 2黎camp果次, 今日係係我第5次黎東龍島啦…但係我黎咁多次都無上過直升機坪, 南邊果段石屎路就行唔行都罷啦, 北邊由營地上山頂既路我都未行過…就算ignore天氣呢個因素, 果段路都係需要少少體力既…加上今日”太陽出來了”, 我地個個都”好似雪人融化了”, 體力瞬間融化…

沿途有位阿姐跟住我地行, 做埋我地camera…我諗佢係怕一個人行山啦…我地咁大棚人有個互相照應都好既…初頭睇佢年紀都有少少驚佢會頂唔順…老實講, 今日咁既天氣行山, even只係上升200m, 好短既路程, 已經足夠chur死10個平時慣左坐office嘆冷氣既OL…不過行落見佢又幾ok咁wor

“氣! 我後生果陣不知行過幾多呢d山啦”
原來係行家, 失敬失敬

景係唔錯, 不過…都係果句, 呢個天氣真係忌行山

多謝Thersea既冰菠蘿+Hilda既冰西瓜

離開燈塔之後…我已經除左衫…一路到走先著番…所以沿途我都係曬住全身咁上山@_@...散熱能力極高, 代價係散水都極快…水呢個都唔緊要, 今日我補充左既水份已經比平時多好多好多, 行山開始計我飲左寶礦力x1, 葡萄適x1, 果粒橙x1, total 一點幾litre @_@...我只不過係由11點行到3點半…4.5 hr consume 左1.x L, 即係話如果行full day既話今日我起碼要飲2L…(熟我既就知我真係好少會飲咁多水XDD)

水唔係問題, 曬傷可能係一個問題, 我只係上山既時候唔著衫唔擔遮, 大家應該留意到我到左頂之後, 都有少少淆, 擔住遮落山…

同大佬唱住歌咁落山…黎明粉絲真係黎明粉絲, 連K-100主題曲都識唱=___+
http://www.youtube.com/watch?v=KjNYzuVtobA << 美味情緣
http://www.youtube.com/watch?v=yqu60IT_Nwk << 美味天王 主題曲Mamma Mix
http://www.tudou.com/programs/view/BonwGYkLlg0/ << 十萬噸情緣

東龍島呢個地方搞O camp…有咩要留意呢…?
1. Campfire 既木點運入黎…?
2. Campfire 選址
3. 果個沙灘一來好快深水, 二來好刮腳, 落水一定要著布鞋…

其他…都係一個普通營地者, 或者話比起灣仔更加好, 汽水餐蛋面呢d野距離5分鐘就有…飲食完全唔係問題, 營地旁邊有充足水源…有廁所…幾好丫…呢d都係好technical既問題...

其實我著番衫...都ok ga......

[影評系列: Exam (中譯: 血聘) / Cube (台譯: 異次元殺陣, 港譯: 心慌方) / Cube Zero ]
成日都起屋企, 睇左3套戲

Exam…真係so shit, 原本約左人睇既…不過搞搞下又睇唔到, 搞到連張換票証都浪費埋…好彩起香港上畫之前我已經download左套戲…

抱住睇Saw既心態黎睇, 呢度講既Saw唔係血腥, 係佈局, 我從來都係話, 睇Saw係睇佈局唔係睇血…局係有, 但係似乎唔夠嚴謹, 角色同角色之間…無一種hidden 既relationship起度…(妖, 我真係Saw II上腦), 而且角色之間既interaction同最後勝利者之所以勝利…好似無乜關係…

所以睇完反而有d…The Mist既感覺, 背景唔係重點, 結局…都唔係重點…如果話呢個black magic 式既問題係重點我會比呢套戲-100分=___=

重點落起7個人既interaction之中…不過我又唔覺得特別好睇=___=無乜驚喜…可能係我對呢套戲太大期望…

candidate 4真係蠢到無人有, 白人遞卷上去比佢試果陣我就知道佢會出蠱惑…同埋一開始就foul左個廣東人…真係sosad…

根住睇Cube, 一路以黎睇過唔少Saw既影評, 有好多comment都會拎Cube同Saw比較…所以…身為Saw既fans, 要睇下Cube…

同Exam一樣, 成套戲都係起一間房入面拍完…我特別鐘意呢d只有一個場景既戲, 因為無特技, 無靚景, 劇情is the only selling point…仲有一個共通點係, 成個故事幾乎唔需要任何background, 只需要知道時代背景已經足夠

Cube, 都係講人, 或者macroscopic d黎講, 係用緊一個Cube黎形容呢個世界…有一日你張開眼睛, 起呢個世界出現, exactly the same as the characters opened their eyes and found them inside the cube. 唔知自己點解起度, 起度為乜, 邊個擺我起度…套戲更加適合無神論者睇…因為果句”Big brother is not watching you.”…一般人睇呢套戲應該覺得…一定係有個神秘組織幕後操控住個cube, 有個唔見得光既陰謀, 之類, 傳統影片好人同壞人之間既對決

但係呢套戲好似無左一半咁, 無一個external 既壞人, 無一個終極大佬要fight…again, 六個角色…六個截然不同既性格…人先係重點…人呢個因素, 似乎比起曲折離奇既劇情更加精彩…

戲入面既世界都好奇怪, external to the cube既地方…一係completely dark, 一係completely shinning white…好抽像…完全係比觀眾自行賦予任何解釋…

另外, 小弟自問數學唔差, 不過都唔多聽得明片中果位major math 同學既explanation…

睇完Cube, 夜晚再睇佢既前傳Cube Zero…其實已經係Cube Series既第3集, 我skip左中間果套Cube 2: Hypercube, which is preceded by Cube in timeline…

一套cult 片拍到黎第3集, 唔容易…雖然有多左對Cube以外既世界既解釋…反而distract左我…唔係好知佢想講乜…

[新聞點評]

有義工去到猴塘溪...跌落水浸死左...rip...
話說升form 4果個暑假我都去過猴塘溪...不過果時淨係露營...無乜留意過果度條溪點樣...
原來果度係咁危險...好彩果時無落水玩過者...

話說遇溺既人...係小弟某朋友既朋友, 都係吹笛既人...rip rip

猴塘溪+灣仔係呢世仔唯一一次玩過既4日3夜露營...曬+熱到hihi...我成日話曬到耳仔都甩皮就係呢次...
第一日係領袖叫PL搞 既...哈哈, 如果出左事既話, 真係唔知點算...

東部華僑城果單野...太空迷航呢個機動遊戲我都玩過...好彩我玩果時無出事者@_@...

政府一拉拉左11個人, 包括項目負責人, 操作員, 維修員果d...老實講, 我覺得能夠發生咁嚴重既意外...
應該唔係操作員疏忽可 以導致到...下面班馬仔有人貪污...個project manager又係咪一定會知道呢...?
我總係覺得呢11個人只係比人拉黎祭 旗....

[番工點滴]

上晝CBE team project review例會…講到intern部份時候, 我果part…比manager講曬XD我都唔駛講野XD…solon果part就要佢自己講番…因為下星期2就要起engine meeting 大會dem曬比所有engine人睇, 仲要through video conference dem埋比位於韓國同台灣既同事睇!?

所以PM想我地事先dem一次比佢睇先, 下晝3點

3點去左meeting rm dem…其實都係manager同我dem埋…不過佢一路dem一路make ge explanation, 其實有少少同我做既野係唔同…不過後黎都比我靜靜雞改番XDDD

Manager要求做既野, 我都做左95%架喇…爭兩樣, check死link果度其實我唔sure timeout會點樣處理, 究竟係exception, 定係有唔同既readyState / status? 我搵唔到一個會timeout 既server黎試…第二個問題係…ad stamping果度, 我要用兩個方法打孖黎先可以完成呢個task, 兩個方法既重覆處理部份既結果會有少少怪…manager拍曬心口話會解決…但係我就未諗到點做啦…

不過呢兩樣野, 就算唔改都無乜所謂既…影響不大

一切就等下星期2既demonstration, 可以話係我呢次intern既mid-term examination…

丫, 有樣野真係要講下, Y公司真係無得頂, 鑑於下星期一凌晨係世界盃決賽...公司比我地星期一遲兩個鐘番工@_@!!!!

[生活記趣]

放工去左同46莊食飯…jimmy同olivia同46莊終於同檯食飯啦, 食飯之後去左九龍公園打乒乓波=___=我地真係健康到飛起…打完波之後連阿澄都黎埋@_@...可惜今日就係Ringo唔起度…46莊難得有機會齊莊(除左仲起北京既jacky XD)佢都唔出現~.~怪不得各個莊友都話唔知邊個係張X健…

卒之有機會去食澳洲牛奶公司食奶…

搭地鐵走既時候…黎左架荃灣地鐵…不過無位…佢地唔上, 所以中環地鐵黎到既時候我同jimmy都唔上…再下一班荃灣地鐵黎到…唔知點解佢地又唔上…下一班中環地鐵黎到…我慢慢行去上車…行到仲有3步先到車門之際…度門要關上啦!!我一個箭步衝左入去…遺留左可憐, 而孤獨既jimmy起月台上面…

真係sor=___=…

中山-開平之旅

參加者: 香港大學學生會行社45莊46莊47莊
Billy / Debby / West / Ringo / Lala / Hilda / John / Iris / Sidney / Sam / Terry / Theresa / BenBen
日期: 2010_07_01-2010_07_02

呢個trip呢, plan左好耐好耐架喇...我地先後派出多個莊員前往旅行社視察, 取得資料後...文字化之後全部比上gamil比各位投票...選出最後五強之後由Hilda姐一錘定音, 揀左呢個由中旅社開既開平團,

暢遊：世界文化遺產～開平馬降龍碉樓、岐江造船公園、赤坎古鎮、玉湖風景區、DIY世博飾品展
品嚐：五星級中山香格里拉酒店［自助日本料理］、融合養生滋補美食［原隻乳鴿燕窩煲翅養顏 宴］
住宿：五星級中山國際大酒店

團費: 518 + 保險: 39 + 小費: 100, 總消費: 657

尋晚睇完世界盃番屋企...上下網...搞下呢樣果樣...差唔多兩點鐘先上床訓覺...
臨訓覺之前其實已經feel到小小急屎...不過都係訓覺緊要...搞到黎緊呢個旅行...成日都頂住頂住咁XDD

兩點訓到六點過少少起身, 0710要去到紅磡火車站...真係早到呢...得4個人會起紅磡站出現, 其他人都話起沙田上車...呢4個人分別係我 / iris / debby ringo..後面兩個人又係遲左少少...不過都okay, 因為差唔多0730先起紅磡開車...

領隊話我地呢組人係最大組架喇, 成團人都係得39個團友, 我地呢組一組已經13個人XDDD

去到沙田之後...淨係見到46莊既人…又等左陣先見到47莊…哈哈真係唔好意思, 要成團人等我地呢組人…

架車去到上水仲要載多批人先走…

去落馬洲過關…我好似係第一次經呢度過=.=?以前次次都係經羅湖…個關口好似好爛咁…好多地方都裝修緊…

過左關, 起關口等左陣個導遊…好快就行左上旅遊車…唔…真係唔好意思啦導遊, 我真係好眼訓…所以無乜聽過你講野…

“以前係四個邑, 而個多左個…所以變左五邑”
“呢度呢, 起緊條鐵路, 半個鐘可以由呢度去到果度, 果度去到果度, 呢度去到呢度”
“廣東有三寶, 陳皮/老薑/禾旱草”
“中山呀,有神灣菠蘿, 有荗生香蕉, 所以又叫水果之鄉, 又係傢俱之? …”

起呢d訓緊覺既時候, 真係無乜野可以發生….

搭車搭左唔知幾耐, 去到玉桂山風景區…

呢個風景區呢…有山, 有水, 有魚, 有RMB1蚊包既魚糧…hilda同iris買左包黎玩…個個都睇住佢地玩…

影張相, 行個圈, then go

離開個風景區之後聽到…”因為呢, 由深圳去開平太遠喇, 所以中途比呢個地方大家落一落車行下架者…其實呢個景區唔係重點黎既…”

唔…咁都好D…呢個公園連入場費都唔駛收就知有幾…

都係睇相算啦…

上番旅遊車, 搭車去食飯…中山唔知乜鬼十八風味宴…聲稱有十八道菜…

1. 湯渣2. 湯 3. ?魚飯 4. 咸魚 5. ?魚 6. 雞 7. 鵝 8. 蜆 9. 豆腐 10. 蝦 11. 生菜 12. 冬瓜湯 13. 芋頭??煲 14. 豆腐花 15. 果盤 16. 餐包 17. 粉絲??炒??

仲有一道菜唔記得左, 我淨係list個食材, 而唔係list個名出黎, 因為…做法真係最普通果隻…我最多話成餐飯…既份量真係amazing 地多lor…我地一檯11個人都食唔曬…不過導遊話我地已經係咁多檯入面食得最多果個XD

張相用左美肌mode, 影出黎真係覺得大家都靚仔靚女左!!!!

丫, 講下點解係11個人先, 因為正常1檯10個人, 咁我地組有13個人, 所以理論上有3個人要坐過隔離檯…起without discussion既情況下, 大家心中有數Ms. D同Mr. R比人掟開左…原本Theresa黎到都無位坐架喇…夾硬都比佢坐埋入黎…

食完飯去下一個景點: 馬降龍碉樓群

http://zh.wikipedia.org/zh-tw/%E5%BC%80%E5%B9%B3%E7%A2%89%E6%A5%BC%E4%B8%8E%E6%9D%91%E8%90%BD

被聯合國教科文組織評定為世界文化遺產之一, 都叫做有少少睇頭既

碉樓群…係指19世紀末20世紀初, 美國加拿大實施排華政策之後, 大量海歸回國, 又因為20世紀初開平好多土匪, d人番黎之後起既屋既外牆都帶有外國特色, 但係內龍就係本土裝修…外牆既裝飾真係令人一睇就覺得係來佬貨, 咩古羅馬拜占庭巴洛克時代既建築風都可以起果度睇到

我feel到, 如果我係一個熟悉建築風格既人, 果個地方應該係我既天堂, 好可惜我唔係, 咩建築都好, 我淨知佢係歐陸式建築=___=

又搭左差唔多兩個鐘頭車先去到…先”車遊”左一陣…車遊真係…起架車入面望左望右好似做頸部熱身運動咁…特別係…成車人一齊做既時候, 都幾搞笑…

“金山阿伯 南洋客 無一千都有幾百”
導遊repeat 次10次以上…

車遊完之後, 就落車行下喇…一個無冷氣既景點…一個起密林之中既景點…一個熱到爆燈既景點…

“呢間培英書院, 就係果時海外番黎既人捐錢出黎起既”

“呢個更樓係比男仔入去先既, 女仔無得入架, 果時d女仔比人捉左去都唔理架啦”
“下點解既?”
“咁個更樓無咁大丫麻, 救得呢個就救唔到果個啦..”

“個更樓係呢一帶入面最高既建築物黎架啦, 邊度有賊仔入黎都見到…見唔見到牆身有個窿仔起度呀, 果個係鎗口位黎架, 見到有賊仔黎到就射死佢…如果係一大班人攻入黎呢…咁就要搞個鐘call人黎啦”

參觀左其中兩間屋…兩間屋都係有個名堂既..不過我都唔多記得喇…乜廬物廬咁la…入面既裝修, 同我鄉下間屋都幾似, 擺設都似…係再舊d咁lor…

“考下大家啦, 中間呢個窿係用黎做咩架呢…? 一來係用黎通風啦, 二來係, 你知啦廣東成日落雨架麻, 發大水既時候就可以用中間呢個窿吊d家俬上上層…同埋..你見佢條樓梯咁窄, 都知無可以經樓梯搬家俬上去啦”

真係熱到痴線…熱到我都唔係幾想行…見到有窗邊就行埋去吹下風算…

天台果層…曬到暈低…行兩步, 兜個圈…落番去lu=.=

知道行完兩間屋之後就走得, 我同L好快行番上旅遊車…冷不防後面原來有人…=_=|||

上番車, 去赤坎古鎮…

“大家有無睇過東山飄雨西關晴呀, 馬德鐘用單車載住佘詩曼踩過一欄建築物呢, 就係赤坎古鎮喇!!”

哦

呢個景點應該係specially designed for 香港既團友=.=? 可惜我無睇過呢套電視劇

都幾amazing既, 呢個地方仲好似五六十年代咁, 一列建築物, 一條行人路, 一條河…行人路兩旁擺左好多攤檔, 真係exactly 起電視入面見到果d街咁樣…奇哥同寶珠姐大概就係起呢d街度拍拖…

我地起條橋上面影左張相, 可惜Billy呢個時候走左去爆石XDDD影唔到…其實我都想去廁所好耐架喇…不過我又唔想去核突廁所…點都要忍到去夜晚果間五星級酒店先去!!!!

就係咁我又要忍多兩個鐘既車程…好彩成程我都好眼訓又唔多覺…

沿途風景都幾靚

間酒店起中山市入面…叫中山國際大酒店…聽個名好似好勁咁…er…實際上都好勁既, 假假地都係五星級…不過我地起旅遊車度望出去, 一望係望到一間好charm既Shangri-la…後黎發現係旁棟果度…外牆有少少殘舊既酒店…即刻失望左XD

問題又黎喇, 我地13個人, 每兩個人一間房…單丁出黎果個就要同另一組單丁既人一組…一直我地都淨係留意到…起旅遊車入面坐起Theresa 後面, 我隔離果個橙色衫既男人…當我地幻想到要同佢同房…一度做成恐慌XDDD

好彩呢個人係同領隊同房…我地單丁出黎既BenBen係同另一組單丁既人同房…

食飯之前去爆一爆石先…嘩呢一爆…頗有石破天驚之勢!

食飯既分組形勢…男子組一檯(嘩卡卡卡卡卡奸笑中)…女子組一檯…
女子組果檯成日都細聲講大聲笑=_=

晚飯唔錯, 係縮水版日式放題…話佢縮左水係因為…有d食物係not open to 旅行團例如燒帶子…想食多隻鹽燒海蝦都話無…又成日漏單…吞拿魚直情未解凍=____+

起旅遊車聽導遊講過酒店附近有條步行街..食完飯我地就去行下啦…導遊都提過話果度會有細路黎sell花…叫我地千祈唔好買…買左一個其他就會洶湧而上之類…其實就算導遊唔提我地…我地都唔會買…

我地一行13人…都真係有細路夠膽過黎lur我地買花…唔知係咪Hilda姐個樣特別甜美啦XDDD個細路一黎就lur住佢…講唔夠幾句佢犀利到抱到Hilda隻右腳…拖行左佢一兩步都唔肯放…喊曬咁哎咩”你不買我媽媽會>…”之類…其實我都唔係好聽得明…

Ringo: 你再不走我就打你啦XDDD

我地唔會打佢咁衰既…三個男仔夾手拉開左佢…個細路都好識do, 見我地出力拉走佢…佢都自己走開左…

行中山步行街, = 王府井 = 上海南京步行街 = 尖沙咀…nothing to describe…行到盡頭之後行番轉頭…忽然留意到右邊有個中山公園…雖然條樓梯真係好長好長…雖然有人好唔願意上去…我地都係行左上去…

樓梯底有隻死左既娛蚣…行過見到有少少比佢嚇親…

呢個中山公園依山而建, 上到去個感覺同行龍虎山郊遊徑真係無乜分別=___=

行到盡頭落番黎又係步行街…

去超級市場買少少野飲, 就趕住番酒店睇世界盃啦, 八強賽事: 德國VS阿根廷…番到酒店已經開左波18分鐘…果時已經1:0…

鞋鞋…阿根廷果邊全部都係講個人技術咁濟…無d team work…德國果d先至叫有組織既進攻…

上半場得我/billy/debby/ringo睇波…沖個涼之後睇下半場, 好似全部人都去曬我同billy間房咁…呢d咪叫做雀巢鳩佔lor…我連自己張床都訓唔番=_=d人仲要起我張床上面…比人影埋兒童不宜既床照都唔理=__=…呢d叫做…旁若無人…

呢張床應該係我架~.~

賽前大家都係睇好阿根廷…不過睇到阿根廷既攻擊係何其薄弱之後都無乜期望…睇住比數由1:0, 2:0, 3:0, 4:0咁上真係…O曬咀…

Ringo好認真咁問Terry上莊半年有咩感受…結果比人群起而攻之=___=…話呢個咁輕鬆既時候唔應該問咁嚴肅既問題…

Sam哥一入黎就叫我唱大丈夫…唔知做乜…
我正式同ringo黎左一次高度上既決鬥, 我無懼挑戰, 不過輸左XD

呢個旅行團呢, 景點就無謂多講喇, 係夜晚呢d時候先係增進友誼…

玩左鋪UNO, 玩左鋪三國殺…嘩…真係頂唔順呀大佬...淨低既人一路玩第二第三鋪三國殺, 一路睇埋巴拉圭VS西班牙…開波之前我已經頂唔順訓著左…

起佢地玩第3鋪三國殺之前又比人嘈醒左=__=

又聽到Billy推左一個泰式按摩既電話…

第二朝八點起身落去食早餐…hilda問番billy尋晚個電話既事…承認左個電話係佢打既…

真係sor XDDDD其實係我propose出黎既XDDD尋日朝早當仲係得我/iris/debby/ringo既時候我就propose話由我扮打電話比sam哥”喂? 先生, 要特別服務嗎?” iris話左比hilda知之後…行緊步行街既時候hilda就prep緊點樣扮果d電話…”先生, 你要按摩服務麻, 我們有本地的, 泰式的…” XDDDD…結果fake左billy添XD

真係好眼訓XDDDD

食完早餐, 去造船公園…去到真係odd左…除左有兩個以前留落黎既造船裝置…無野睇…

反而係有班人起度聽住歌扮曬行cat walk有d得意…我睇唔出呢個活動有幾好玩, 就係扭下pat pat, fing下手fing下腳咁行…行黎行去都係果幾個動作…果班人又行得好鬼開心wor…

好快又上番遊旅車訓覺…

去左個”小數民族村”…我地都未落車已經有個”小數民族”上黎介紹自己…果時我都信信地佢係小數民族既人…佢既廣東話真係好標準, 標準到…我認為廣東省之外既人無可能有果種口音…

“係果隻政府叫我地咁做架…你地一陣買番隻番去啦…好啦而家你地一隻二隻跟我落車入去啦”…永遠都係用隻黎做量詞…話說我小一某位同學都係咁…

要跳竹舞入場…佢明白根本無可能要成團39個人個個都跳入去, 所以跳左3個之後就話我地淆底, 叫我地起側邊行入去算…聽下佢介紹雲南既小數民族, sell下民族手工藝品…

當然仲有重點, sell茶葉…番大陸旅行得多, 發覺如果要夾硬為一個地方創造賺錢機器, 一係茶葉一係藥材…雖然地方唔同, 銷售手法幾乎一樣…都係坐入一間房, 比幾樣野你試下, 跟住勁hard sell..

不過呢個”少數民族”算係比較別, 想用遊客既愛心…”你地買完茶葉之後, 有淨既錢我地會捐番去比山區小朋友用黎讀書”, 老老實實, 我連佢係少數民族都唔係好信…點樣信你會捐比山區小朋友…

好, even你真係有行動, 真係捐番去…我捐10蚊番去, 真係落到小朋友手上既, 1毫子都唔知有無…

姑勿論佢所有野係真定假, 姑勿論大家知唔知/有無諗過所有野係真定假, 總會有人起呢d場合買野…上番旅遊車之後聽到坐我後面果排既女人, 每隻茶葉都買左一罐, 淨係果幾人已經消費左500蚊…同一時間有3/4個旅行團黎…一個鐘之內都賺左幾千蚊…=___=

咁樣計法, 好似…真係好好賺

我地都有民仔做代表買左罐茶葉…上番旅遊車之後佢地仍然唔放棄…追到上車叫我地買…結果lala又買左罐…唔知d咩梅…

蘆薈園…又係果d…特登起間屋出黎sell既地點…
“蘆薈牙膏, 有助預防敏感牙齒呀!” 借問聲你呢隻牙膏係咪舒適達面世之後先出+.=?
“蘆薈果醋, 你估下幾錢? 拿而家唔話你知住, 陣間番黎再講”
“蘆薈護膚霜, 香港都有得賣呀呢支”
“蘆薈噴霧, 呢支野勁啦, 可以祛斑, 保濕, 滋潤, 防曬, 美白, 抗皺, 賣緊百幾蚊支炸!”

果支噴霧佢話可以幫我地噴下, 作為一個classic既香港人, 有著數梗係要既前題下, 比佢噴左四下…噴完之後…唔…無感覺…

有得食既話我都想試下食

食飯, 中山石岐乳鴿…的確係幾好食, d皮真係脆既~!而且真係有肉汁~!唔會話燒到好乾…不過成隻乳鴿咁食, 真係幾麻煩, 我堅持淨係帶一隻手套, 右手用番黎渣筷子…咁先可以一路食乳鴿一路食其他送…

又上旅遊車, 我發覺真係差唔多每一次上番車都可以訓著覺…

下一個景點係…”DIY世博飾品展”…同世博根本就無關係…加呢兩個字入去純粹係呃人架者…飾品展…都唔知有乜好睇…

起個門口度勁搞笑lor…話有條”時空隧道”…短到咩咁

室外地方無冷氣, 個負責人叫我地抬頭望一望天花板…話個天花板寫左開門既密碼…咩”520”, “愛你一生一世”之類既野…要我地up中個密碼先會自動開門…

究竟邊個先係密碼呢?!

咪同佢玩下lor, 有人講左兩次都唔中…我前面果個男人燥左…”我好熱呀!!!”全場人都笑曬XDD然後再有人哎密碼, 負責人即刻開門比我地XD

個飾品展…有咩好睇呢? 係無野好睇…明明就係Swarovski既產品, 我都唔知點解佢可以砌得咁鬼核究..仲話用左好多粒唔知咩石砌朵玫瑰花出黎…懶神秘咁用張布遮住左…一拉開果下我真係O曬咀, 點解咁核朵既野都可以擺出黎? 旁邊竟然仲有團友走過去影相…OMG…

行左陣, 見到個好似教堂擺設既地方, 好似比人結婚用果D場地咁, 成間野最好睇就係呢度既…裝修=.=…

10分鐘都唔駛就行埋淨低既部份…果度d sales連sale我地既心機都無, 我地直行直過佢地完全無出過聲=.=

上車, 今次無訓啦, 我/john/hilda/iris玩左d低能game…

食完之後就上車, 番去呼和浩特..又要搭幾粒鐘車..大家都覺得之前搭車既時候訓得太多, 應該搵D野玩下..首先有Hilary提出既..___既遊戲..就係拎兩隻手出黎___係咁chok..嘩卡卡, 之前我都睇人玩過, 真係好鬼好玩XDDD Wincy好快就提出佢地UST既科大磁場..同一個玩法..不過D動作有D唔同..XDDD我都係覺得原版對手chok下chok下好玩D者XDD 

copy自我去內蒙旅行果次, 搭車途中我地又係玩呢個問題…我既test subject 1 係Iris…可惜, 我__既時候磨擦到張凳, iris一聽到聲就___…XDDD

呢個時候旁邊既lala都偷睇到個遊戲…所以…
“雖然你失敗左, 我已經get到點玩”
呢個時候我將視線射去Thersea…

Last “景點”係生物港入面既生物谷…聽到我有少少燥, 聽緊個導賞姐姐介紹果陣想傾下計都唔得, 一傾計就比人殊…聽得耐聽到唔想聽, 想自己行去下一個廳睇下, 又話唔比…

話就話係政府注資研究, 諗住佢講野會無咁浮誇啦…點知一黎就sell呢個生物電, “兩年之後丫, 我包保唔會再有人貼藥膏, 用咩代替呀? 生物電!”

如果話間野係私人公司, 我姑且聽下你鳩up (sor, 我對果個地方真係好反感), 即係好似頭先間蘆薈店我覺得都無乜謂, 不過呢度打正旗號做政府生意(其實都唔知係咪呃我…不過睇個勢又好似堅堅地), 唔該你就拎個正當產品出黎, 正正經經咁sell野…

“貼料電芯起皮膚上面, 等佢放d 隋性電子出黎”

聽到果陣…隋性, 即係inert, 即係noble gas果d野啦…果時我係諗錯左既…因為我真係當左隋性電子係noble gas…後黎諗諗下, 唔係wor, 佢係話隋性電子, 唔係隋性原子…電子點樣隋性呢…?

果日我諗唔明, 番到屋企比我諗到個英文係咩啦…inert pair effect…!!!

[沾沾mode]老老實實, year 1 major chem既人都未必識呢個term啦! Inorganic chem從來都係被忽視既一門…我都唔記得係邊個教識我呢個term啦…曾經有人解釋過點解Pb(II)比Pb(IV)更stable, 就係因為佢outermost shell 果兩粒electrons係inert既, 好難整得走…

不過呢d太近代既chem…太難啦…inert pair 呢個theory…係Scordinger equation之後既事, 高階黎讀甚至要用quantum theory黎解釋…

就算有隋性電子, 都係唔知點樣解釋果塊電芯可以取代藥膏…而且inert既野係tends to not having any reaction…咁咪更加幫唔到手?

有機會既話我真係想果d科研人員落黎正正式式咁解一次比我聽下

唔…講到science我會好興奮, 扯遠左添…

Billy一路聽佢介紹, 一路話佢好有睇緊”金珂啦”既感覺…
咩話? 唔知咩係金珂拉?
http://www.youtube.com/watch?v=kbMmfnXKpiA&feature=related
http://www.youtube.com/watch?v=AXWypFP1bJE&feature=related
http://www.youtube.com/watch?v=uOr9JXXfrkc&NR=1
絕對唔係惡搞=___=..

聽完電芯, 仲要聽田七=__+仲要賣田七…
“田七呢, 又有人叫做三七”

但係我好sure之前果個少數民族, 講過田七=/=三七…

又比人sell左一大輪…叫我地買d三七粉番去沖茶飲, 貴到咩咁, 一路上lecture既時候又唔比人講野…

上番車, 見到lala同Theresa玩緊___...超正XDDDD hilda仲要起隔離拍埋片…

(後按: 應Theresa既要求, 我特登download左個Premiere trial version落黎同佢打格仔, 注要唔係厚格唔係薄格, 而係一格, 明明就係佢話要用一個格仔框住個頭@_@...可惜大家睇唔到段片啦xDDDD)

黎到呢度…個團就完啦…送番我地去深圳皇崗/羅湖, 就解散啦~

搭地鐵去左唔知邊個商場, 原本諗住食鼎泰豐既…不過去到又搵唔到, 食左另一間…

食完仲有同大佬唱生日歌@_@成十幾個人唱比佢聽, 我地真係聲勢浩大啦XDDD

個團既景點認真麻麻, 不過都預左廣東省既短線旅遊係咁上下架啦...重覆又重覆咁, 真係至在一班人出黎玩開心下者~呢個目的已經完全達到左啦~!~!~!~!~!~!~!

澳門之行…W/S/J/H/I...2010_06_30 1930 - 2010_07_01 2130, 26小時 [超長系列: 6649字]

S差唔多一個禮拜之前發起呢個trip…應該係因為…原本諗住30/6 – 4/7既旅行泡湯, 要變成3/7-4/7…搞到有D失望(至少我係咁)…所以…我地個approach轉為重量不重質, 打孖黎旅行, 30/6-1/7, 2/7番工, 3/7-4/7又去旅行, 當然, 都係撻皮既旅行

澳門呢個trip…事前都無乜點plan過, 係有I好簡略咁諗過, 同埋S搵左間餐廳出黎…去得XD

真係sor呀…J XDDD…我以為晏晝請假呢個係講下架炸XDD不過有H出黎陪下你, 就算數啦XDD唔該曬J幫我地買左船飛先~~~~~同埋I/H訂左酒店先~~~~

搭金光飛航, 240蚊來回乙水仔船票, ok啦~, 買8點船票, 不過我地早到左, 起後補區果度排隊, 7點半班船剛剛好可以上埋我地五個人…又因為標準艙已經無位, 所以比我地上去坐豪華艙@_@...雖然得唔到豪華既出前一丁杯面+可樂既招待...起碼叫做可以比人行先一步落船丫~~

上出黎澳門係考完AL之後, 亦係小弟第一次去旅行…今次重臨澳門…其實…都無乜expectation XD…澳門有乜野睇丫…

搭船果一粒鐘好快就過謝, 嗚謝H提供e-zone.

起碼頭搭酒店車去到五星級Hard Rock Hotel, 果然係好鬼靚, 門口果個…疑似十幾廿尺既大電視?  點睇都唔係投影落去掛…

因為怕比人知道我地5個人一間房…所以H/I先去登記, 我地從後追上…唔該曬Mr. H同I出住訂金先XDDD

間房都好靚, 係個設計有d奇怪, 馬桶同浴室係分開既, 馬桶果間房就淨係得馬桶, 去完廁所想洗手既話就要入浴室…咁但係…如果浴室有人…點算好呢~.~?

安頓好之後都九點幾…趕住去食飯, 即刻落酒店大門截的士, 不過澳門既的士大部份都係裝四個人, 根據酒店門口阿姐, 全澳門既5人的士唔夠20架…所以等左陣之後我地決定行之前揀好左既餐廳…不過呢…行到威尼斯人門口就放棄左, 諗住分兩架的士去啦…好彩個司機又肯比我地5個人上曬去…

上左車之後司機又介紹我地去另一間餐廳…”海島船”, 我個司機講左好多次…都聽左做”海盗船”=__=… http://www.openrice.com/restaurant/sr2.htm?shopid=23964... 原來有好多人都係因為的士司機介紹而去左呢間餐廳!!!! 睇openrice既食評, 4個笑哈哈, 26個喊就知道間野有幾唔掂=__=飲杯水都要錢…得樽裝水無水喉水…再睇下個餐牌, 一個4人餐竟然要$1088?!

睇到呢度已經有少少被fake既感覺=__=…不過入左黎就算啦, 咁夜都好難搵野食, 叫左個炒清菜, 葡國雞, 葡式羊架, 西洋炒飯, 食左成421蚊, 貴到hihi, 雖然係幾好食…但係份量又唔係特別多…唔值果個價…哈哈, 不過係黎旅行, 比人老點下…都算數啦

葡國雞

燒羊架

總之大家以後去澳門, 如果的士佬點你地去”海島船”, 記得話”多謝曬唔駛喇”

食完之後想行去官也街再食過…起H口中果條”拉哥斯雞”問下路人點去, 點知一問就問著個韓國人=__=…再問另一個人…佢話要行成20分鐘先到=__+…

繼續向前行, 行到韶關街, 見到遠處既孫逸仙博士大馬路好似仲有幾間食店…就行左去睇下…不過大家好似都係無乜心水…反而係再見到遠處既…麥當奴=___=

I同H都係食雪糕…我同J夾份買個麥樂雞餐食…S自己買飽食…H真係…混醬呀!!!次次見到有醬都要撈埋佢…醬A撈醬B撈雪糕撈茄汁…真係oh my god…

食完麥記之後就周圍行下啦…沿住條大馬路行…行到去飛能便度街…周圍影下相…H起官也街買左盒綠茶大菜糕黎食…I真係犀利, 一but就but左落坑渠XDDD

行左一山仔, 落左去另一條大馬路…見到威尼斯人酒店既另一個門口…就走入去睇下…果然…好大好靚好豪華!!!

其實呢, 見到間賭場咁豪華, 大家應該諗到羊毛出自羊身上, 咁豪華既裝修都係嗚謝賭客提供架者…澳門用字好, 賭場係叫娛樂場, 娛樂係一個消費場地, 而唔係一個賺錢場地, 唔明點解會有人覺得可以起賭場嬴到錢…(black jack例外)…讀過probability就好應該知道…in the long run賭錢係一定會輸…

唔係話賭錢一定唔好, 只要心態正確就無問題…我入錢玩老虎機, 抱既心態同我去機鋪打太鼓/jubeat一樣, 入左落部機既錢, 就唔係自己架喇, 玩完就無, 真係一種娛樂…

雖然係咁, 我都唔會玩好多老虎機, 因為我唔覺有幾多娛樂, involve腦袋既成份係0, 技術含量係0…入去玩老虎機, 純粹係因為黎到唔玩好似好戇居(其實呢種諗法更戇居), 同埋老虎機注碼最小…

(提早講左添, 其實我無起威尼斯人玩過=.=)

真係純粹入去參觀, 入面除左有賭場仲有商場…大到咩咁…仲要懶係好似威尼斯咁有條河起度…真係好誇張…

我地由個商場行番落賭場…沿途問左一下個security點行…我地好清楚咁聽到果個security對住I哎”BB仔行呢邊丫~!” 全場人都笑到死左XDDDDDDD

BB仔呀~!!~~!~!~!~!~!~!~!

行左好耐先離開威尼斯, 因為真係好大好大…

番去自己酒店時候, 見到通道兩旁坐左好多…流鶯…唔, 小弟就無咁好文彩, 流鶯呢個詞係S提出…果時都十一點幾, 仲坐起度等生意…老老實實, 睇佢地一身打扮, 同埋揀既酒店就知唔平, 但係果個質素…真係…

番酒店, 沖涼, 睇電視…hae…聽下歌睇下戲…I同S去左樓下既賭場玩左陣…真係…玩左陣者, 已經差輸左六七十蚊上番黎=___=

唔記得H幾時講既…”屙尿尿”, 留意讀音係nil, 而唔係”屙廖廖”…哈哈, 自問對正音都有少少研究, 不過我都唔sure尿究竟係n定l…(後按: 番屋企之後上粵語審音配詞字庫查過, 真係n @_@)

睇左陣Channel V..聽左好多唔知咩歌..隔離唔知咩台播”猛鬼撞鬼”…陳年舊片黎…爛到咩咁=___=…不過我地都睇到卡卡卡咁笑得勁大聲…搞到兩點幾先訓…

真係…sosad到飛起, 臨訓前被逼同J影左張床照先有得訓覺…

第二朝, 我都唔知幾點起身…S好早就醒左, H問佢幾點

:下晝一點啦

唔係講笑, 我果時真係信架=__=根住仲起度諗點解大家仲咁慢條斯理架呢…?

疏洗完, checkout左…就搭車走啦…其實我都唔知自己去緊邊XDD淨係一路跟住I行就無錯啦XDD先係搭酒店車去威尼斯人酒店, 再轉酒店車去永利…

入去永利睇下…我唔明點解斜咩袋唔駛寄存行李, 但係背囊就要…

永利係呢個trip入面…唯一一間賭場check曬我地5個人身份証既賭場…証明我地五個人都仲係疑似好細個XDDD

行左陣…得知 仲有10分鐘有得睇門口大堂個表演…其實都幾無聊, 就係個地板裂開左, 下面升左條好突核既龍出黎, 轉左幾個圈, 噴曬煙播d懶緊張既音樂, 搞到成個show好似好grand咁, 其實…就係一個垃圾show=__=…

除左我地幾個人之外, 仲有一個內地旅行團一齊睇…佢地個個睇到拍曬手咁=___=…

行完永利, 過隔離MGM美高梅睇下…MGM好似淨係check I/S既身份証…哈哈

大家都覺得齋行唔玩唔okay啦…I身先士卒, 揀左部老虎機黎玩, 老老實實, 我未玩過呢隻老虎機…好似同我上次黎澳門玩既老虎機唔同既…睇下I點玩, 學下野先…

原來分1仙2仙5仙1毫2毫5毫1蚊 per credit既機…揀番買幾多條lin, 每條line買幾多credits…跟住禁制玩…係咁禁係咁禁…I入左1000 credits落去, 個approach係玩到900 credits就走=__=

I玩完到H玩…初頭我地都係玩1仙既機, 所以每次落注都好小, 賺都賺好少, 越行入去既機注碼越黎越高…不過果時我唔知=___=坐左起一部5仙 per credit既機, 入左張500蚊入去, 禁一下變左497蚊@_@...一注3蚊咁鬼貴既, 我禁到490蚊就走左, 我第一部玩既機…玩左3/4注都唔中獎…玩到燥左…

跟住去另一部機玩, 呢部正正常常, 3 / 4注就中左一次…玩到475蚊, 第6定7注既時候…神奇既事發生左!!!!

其實一路禁既時候我都無乜望住d公仔點郁, 我care係credits remaining…同埋bonous左幾多…直至到有一round 個數停左唔郁…我有d奇怪, 望番上去, 見到有三個”all about money”並排一齊閃閃發光…然後成個畫面忽然唔同左, 係咁有d金幣圖案從上而下咁跌落黎, 然後我credits既數目忽然之間跌到落0…然後strictly increasing!!!! 一路升升升升升升升升升, 升左好耐!!! 升到最後佢話我有$750蚊!!!!

我嬴左250蚊呀!!!!!!!!!

即刻禁錢走人!!!!!唔再玩啦~!!!!!!

嘩卡卡卡卡, 勁開心

然後睇下H玩, 睇下J玩…J真係好搞笑, 塞張20蚊入去…買左幾多條line, 玩一鋪成6蚊咁濟…賺左都cum唔番個注碼…玩左幾鋪就玩完…最後出番張1毫子既票比佢XDDD

呢個時候S自己一個人過左賭檯玩sic寶…都係輸錢收場…

大家玩夠…就走喇…

起MGM門口想搭的士去美心亨利餐廳…係S上澳門openrice 搵過, 話係好野黎既, 都係食葡國菜…賭場門口截既的士…通常都唔比我地5個人上車架喇…所以行到街角位截的士先得…嘩果時曬到呢…真係想企起賭場入面永遠都唔出黎…

截左幾架終於截到架的士肯載五個人…標都唔駛跳, 話收我地30蚊…其實都唔知有無呃人既…不過就算呃都呃得唔多啦…

間餐廳起正海邊, 個景唔錯, 望到回歸塔又望到條跨海大橋

一個白酒煮蜆, 一個燒牛月利, 一碟非洲雞, 一堆餐包, 仲有個葡國唔知乜野…唔記得啦…(按: 我打到黎呢度, 時間係7/7/2010晚上1045…), 呢間野同海島船價錢都差唔多, 不過…起碼有水飲先丫, 而且碟牛利同非洲雞都好好食…碟牛利…燒到個皮脆脆地, 有d乾身, 點番個燒汁濕一濕佢, 放入口一咬真係…好香口!! 碟非洲雞就…似係雪藏雞多d, 雞內無乜味, 但係個汁就超吸好食, 辣辣地咁勁惹味!

白酒煮蜆, 睇個樣都知唔錯啦~!

呢餐食左429蚊, 幾好啦~~~

然後由S帶路, 我地去左一間叫做金玉滿堂既糖水鋪…事前S已經講明話呢間糖水鋪可以食到我地嘔都得…果然無呃我地!!!我 點左個金玉滿堂撈($19), H點左個芒果雪山($32), I點左個芒果河粉, S點金枝玉葉, 仲有J點左個唔知乜野西米露? 再夾份點左個雪糕pancake…每一碗糖水都係大碗都飛起架lor痴線…

芒果雪山, 真係無改錯名, 有極級多大舊芒果, 下面有碎冰同糖水…我偷食左幾啖都覺得幾好食, 不過…如果連續係咁食好多啖…我諗會甜死=_=…芒果河粉…亦都係好似個名咁, 芒果同河粉…我唔明d人點解會諗到呢個配搭出黎=___=明明我係黎食糖水, 係飯後既甜品黎既, 反而有碟河粉!? 佢碟河粉唔細架! 係平時出街食乾炒牛河果d size!!I一見到碟野真係…即刻呆左XDDDD

最左邊果碗係芒果雪山, 白色好大碟既就係芒果河粉

個個都食唔曬自己果碟, 係咁叫人幫自己食d XDDDD

食完之後起間鋪既門口影左兩張相…之後S就走啦…佢要去廣洲join佢屋企人去佢下一個旅行團=___=…

呢兩張好似係成個trip唯一既五人合照...(幫人賣埋廣告添!)

我地就起金玉滿堂隔離條高樓斜巷行上去西望洋山…果時都幾鬼曬…H要開遮…J同我都係一樣…每次行到無樹蔭既地方就幾乎係用跑既速度拿拿臨過左佢 XDDD而且睇埋個街名就知, 又高又斜…雖然我地都係行開山既人…但係旅行既時候就無謂chur自己啦XDD

曬到傻左

轉右行入學校巷, 再上西望洋斜巷…又係斜巷=___=

行行重行行, (係喎!!點解我地無背過古詩十九首既?! 話說由上個禮拜45/46聯合莊飯後既發記糖水時段, 大佬已經係咁背書XDDD尋晚我地行緊威尼斯人附近既時候都有係咁背書XDDDD不停挑戰大家既記憶力…木蘭辭?! 燕詩!? 也許!? 聽陳蕾士的琴箏!? 念奴嬌?! 一剪梅!? 陋室銘? 習慣說!? 水調歌頭!? 滿江紅!? 你記得幾多!?)

行行重行行, 終於去到西望洋斜巷個頂…可以望到媽閣山/媽閣廟…起果度坐左陣影左陣相…轉個彎發覺仲有個主教山小堂未上…就上去睇下啦

呢個主教山都幾正, 最高點果度得一座教堂起度…周圍都好靜…唔知點解連遊客都無乜…呢個應該係旅遊景點黎架wor…除左我地4個人之外…就得兩個女遊客…著住條好low既 low cut…真係low 得好緊要呀…著到好似無胸咁…

拿唔係淨係我一個目及女, 在場四個人都有一齊目及架XDDD
“嘩佢條裙好low cut…無吊帶都著得到條裙…一定做左好多安全措施!”

其實我地都講得幾大聲…唔知果兩個女人聽唔聽到XD

我地坐左起教堂門口附近張長凳吹水…大聲吹到連教堂入面個入面個security都要出黎叫我地細聲D…果時先知道原來係可以入去教堂既…臨走前入 去望左一眼…無乜特別, 就係一間樓底特別高既教堂…入面竟然有個阿叔坐左起度

行番西望洋斜巷落去, 轉北行去西坑街, 行到去高樓街轉往東北行…沿途經過一間慈幼學校…先現原來我同I都係起慈幼開辦既中學讀書…即刻講番果時咩慈幼會來華百週年…form 2果陣又好似要作篇預法教育法之我見之類XDDD講到勁有共嗚XDDD

繼續行, 轉往西北行入鵝眉街, 行到盡頭轉往西南入李加祿街, 再行到盡頭去到河邊新街…我地都行左好多條街丫…呢個時候其實我地真係亂咁行XD

去到河邊新街呢條大馬路…搵到個arm既巴士站, 就諗住搭巴士去新馬路…然後行去大三巴~好彩我同I都去過果度附近…叫做認得少少d路…

行到亞美打利庇盧大馬路(個名好長=__=)就轉入東北去大街…起議事堂前地附近行下街…果時真係好鬼曬好鬼熱…熱到H哎住要入Bauhaus睇下 衫…其實都係想嘆下冷氣者XDD

行到7-11我去買下野飲…行到大三巴附近果條…係咩叫手信街? 勁多鉅記…係咁有試食…我地都買左幾個葡撻黎食~

幾經辛苦終於行到去大三巴…下面條樓梯!!!! 果時有好多人起度…有個團體起度搞緊個防止吸毒活動, 成堆銀樂隊黎到…

在場四個人H/W/I/J, W/I/J都去過大三巴架喇, 係H未上過去, 呢個時候H竟然話不如唔好上去, 走lor XDDDD我地呢d去過既人梗係話無所謂架, 不過我地大家都比H既懶深深咁impress左…黎到條樓梯都唔行埋上去…懶到咁XD!?

搵附近一對情侶同我地影張相…一影完之後另外三個人急急腳走左去陰涼位...留番我一個曬住咁幫番果對情侶影相XD...之後就上的士走人去新葡京啦…

大三巴後既路我唔熟…當我見到架的士兜左好耐之後, 終於去番亞美打利庇盧大馬路同大街交界, 我就講笑咁話, “嘩由頭先條大馬路行上黎, 竟然搭的士搭左成廿幾蚊…”另轉頭就見到I做曬口形咁話…”個司機兜路呀!”

我又唔知原來大三巴同新葡京距離唔遠…比我就行去喇…不過我地入面有個懶人起度…我諗就算話好近…佢都會反對行路XD

上次黎澳門係07年中, 果時新葡京都未起好…今次可以入黎參觀下喇…

我地第一次入到去…好似完全無消費過? 行左幾個圈, 行埋上去高消費賭檯果層…居高臨下望番落下面既平注賭檯…睇左好耐…如果我係賭場既security, 我一定會懷疑呢四個人究竟係咪幫緊人地出千…我有一次都見到個security好似想行過黎同我地講野…不過徘徊左一陣又走左XD

直至到我地見到下面個表演台有艷舞睇…就落番去下面果層…混入一堆麻甩佬入面睇艷舞XD

其實都無乜特別者…都係少d布者…(謎之聲: AV果D直情無布添la…)

睇左陣, 就走左…

起新葡京個大堂研究左一陣之後究竟去邊度好…不過研究完都係無結果…呢個時候J指住對面間葡京問同新葡京有咩分別…arm喇, 入埋去葡京參觀下lor

我記得啦, 我上次黎澳門玩既老虎機就係新葡京入面果d…入張20蚊紙, 禁10次制就玩完..呢個就係老虎機比我既first impression XD

葡京比起新葡京細好多, 真係細好多好多…好快就行完…果時我地諗到去金沙同漁人碼頭喇…於是問下security邊度有賭場車番碼頭啦…我都聽唔到個security答乜野…總 之答完之後用一個充滿懷疑既眼神望住H同I…話要check佢地兩個身份証…但係就無話要check我同J XDDD

由於聽唔明個security講咩…我地又行番去新葡京搭車…研究左一輪, 果度既水牌話要玩下老虎機, 然後同工作人員講想要賭場車票…先可以上車…於是四個人坐左落四部老虎機玩…由於果時唔知到係咪一定要消費過先可以禁番張票出黎…J同I好似都玩左一鋪 XD 後黎發現…原來根本唔駛玩老虎機都可以問工作人員拎, 同埋就算入左錢去老虎機, 都可以唔玩禁番出黎XD

(我記得啦! 我地就係呢個時候漏左張map!)

終於上到新葡京既酒店車番碼頭…我想講…我真係好眼訓…想架車行慢d lor…點知好似一合埋眼就到左碼頭咁…跟住上左金沙架車…去過澳門既人都知外港碼頭同金沙有幾近架啦…眼都未合埋就到左=___=

黎到金沙賭場…我/J/H都特登行慢d, 等I入去先, 睇下得佢自己一個入去既話會唔會比人check…我見到個security用一個充滿託異既眼神打量左I好耐架!!!不過最後都係無check到佢身份証 XD

我地入黎金沙, 係正宗運吉既, 4個人分別坐起4部老虎機度hae…hae左一輪
“不如走lor”

於是就走左…

漁人碼頭就起金沙隔離, 好快就到…上次我黎澳門好似都plan過黎漁人碼頭架, 不過果時話呢度地方高消費無黎度…今日一見…其實都唔係好高者

同香港紅磡個漁人碼頭差唔多, 都係無人無店鋪…乜都無…根本就係愚人碼頭...

一條起碼頭旁邊, 完全無人氣既步行街, 講完

我地由街頭行到街尾…覺得肚餓喇…想搵d野食, 又行番轉頭…行到半路見到間粵菜館好似唔錯…個侍應落足咀頭係咁sell我地, I又比佢果個食滿400蚊加38蚊就可以多半隻燒鴨吸引度, 就入左去…

幾本上我地成餐飯都係個侍應介紹…一開始介紹左個花膠魚翅湯…聽個名都知貴野, 一碗要48蚊…我地要左1碗試下…跟住要左個西芹百合炒蝦仁, 茶樹菇炒豬頸肉, 咕嚕肉…全部送都好大碟…呢餐唔錯~!食到好飽~!不過就食左成四百八十幾蚊…

沿住漁人碼頭條街繼續向前行…好hae好hae咁行…行到中間廣場附近見到有隊band起度表演緊…佢地都幾灰, 果度又無乜人行過, 行過既人眼尾都唔望下佢地…都唔知表演比邊個睇…

漁人碼頭行到盡頭有間機鋪…我地入去玩左陣…我玩左鋪太鼓…我/J/H玩左鋪單車機…原本可以四個人一齊玩架!!可惜第四部壞左…單車機都幾難玩, 狂踩單車單到傻呀! 落地果下我隻腳真係軟一軟有d企唔穩…淨低幾個銀比I玩左鋪Mario Cart…

玩完就走啦…行番去外港碼頭, 搭新濠天地既車番去新濠天地, 再搭乙水仔碼頭車…

好彩我地買左來回票者, 去到碼頭多人到爆…

等上船果陣見到兩個男人燥左哎交@_@...爭d大打出手...

話說我話過我自己每隔兩個月就比人check一次身份証…行番落去上環地鐵站果陣…我坐起樓梯個扶手sir落去
?: 怪不得你成日比人check身份証啦=___=…

1日2夜既澳門之旅至此完結…其實都係志在搵個地方周圍行下hae下者, 老實講澳門呢個地方有咩好睇丫…(我黎左兩次澳門都未去媽閣廟XD)…係一班人出黎he he ha ha hea下玩下, 開心下~!

個trip又唔係話好貴既...酒店每人198, 船票240, 三餐飯 = (421+429) / 5 + 486/4 = 291, 的士 = (26+30+26) / 5 = 16.4...總消費750蚊左右...(上面既計算好粗略...而且我都無收番大家最後一程既的士錢XD不過算啦, 反正我起賭場嬴左錢, 當請大家既XDD)

[政改系列]

2012年特區首長同立法會議員產生辦法都通過左喇…泛民正式分裂…真係呢…搞到黎緊投票都唔知投比民主黨好定投比公民黨好…

余若薇發言, 舉出番幾個中央政府出爾反爾既例子…近少少我地睇番曾蔭權都有好多野講過唔算數, 補選特首既時候佢信誓旦旦咁話會起任內解決普選既問題, 不過比中央一釋法, 即刻否決左2007年普選, 話要等到2012, 到2012喇, 又話要等到2017, 想問下timeline to 2017, 黃仁龍又出黎話中央政府無受權我地咁樣做…

無口齒既一定係中央, 一定係政府, 不過作為香港人, 我地吹佢唔脹拉佢唔長, 正如何俊仁話齋

何俊仁: 中央政府係唔會因為泛民既抗爭, 無論幾激烈都好, 而即刻比個時間表我地

民主黨既做法, 好聽D叫妥協, 唔好聽叫屈服…公民黨...係好唔甘心一次又一次咁比政府欺騙, 所以企硬要投反對票...一個社會, 係同時需要講求理想同講求現實既人既...鞋...

流肛華...甘願做走狗, ok, 我雖然未諗掂係咪要支持公民黨, 都唔想見到有人對公民黨作出一D不盡不實既評價, 學梁劉柔芬/張宇人果D講下廢話咪算lor, 咁樣攻擊人地, 仲要即刻比梁家傑反駁曬...

林公公都係, 好一句良禽擇木而棲...佢講呢句既時候我即刻諗到電影入面, 總會有d好人轉投黑暗勢力, 然後番轉頭同佢既前好人朋友抛低一句"良禽擇木而棲"就走左去, 最終收場通常會比黑暗勢力用左黎做擋箭牌慘死, 鬼唔望你都係咁...

毓民: 你地都嬴到盡啦! 仲要起度抽水!

所以我成日都話抽水唔係一個良好習慣

ELEC 2806 Integrated project – embedded systems B+

Expected, 無努力做好做extension part, 所以得條B+, 無辦法啦…鬼叫我真係咁唔鐘意VHDL…

ELEC 3802 Technical project B+

我呢個近乎research topic…比grade 既時候, 好就好在個grade只會within一個small range, 因為…research從來都唔一定要成果…但係比起真係整個product出黎既人, 我就有少少蝕喇…一個product做得fancy, 多gimm sick, 應該就會高grade? Research…B+, 算係咁啦

FINA 2802 Investments and Portfolio Analysis C

史上最差既一科, 不過, 都係預左架喇, 佢肯比我合格已經好好, 份exam吉左咁多分比佢都仲有條C比我…

FINA 0301 Derivatives B-

唉唉, 我諗我份final應該係衰最後兩條long questions架喇, 其他都無乜問題, 唔識swap係我衰, 係我無盡力溫書…

ELEC 1802 Engineering Mathematics 2 A

哈哈, 無左個+添, 我諗係條stat有少少問題…

CSIS 0297 Software Engineering A

打破左上年CE人既宿命, 奪A而回, 實在可喜可賀, 又一次証明lecturer同個grade真係好有關, 上年CE人慘死於George新上, 今年我同Bryan起T.H. Tse手上拎番兩條A, 爭番啖氣番黎!

Sem 2 GPA: 3.24

Cumulative GPA: 3.33

好野, >3.3, 起碼我仲有資格去報各大公司既grad job…

熱烈狂賀CE有七位同學一級榮譽畢業, C.H. Leung話得10%既人有1st hon, 睇黎係指成個EEE department只有10% 1^st hon, 諗番今年畢業既EEE人, 我諗大概有100個人, 即係得10個1st hon, 其中7個都比我地CE拎左, 嘩卡卡卡卡卡卡卡

(謎之聲: 咁你個hon呢?) 我未grad, 所以無hon, 唔駛再問我喇…

而家計到自己weighted GPA大概係3.5x, 下個sem take既科都幾難影響到我個WGPA…所以我engine degree wgpa係3.5左右架喇…哈哈, 有無first hon 呢? 咁就要08年入學既EEE同學…哈哈, 呵呵

不過呢, 無first hon都唔緊要啦, 我又唔係諗住要讀postgrad定點, 就算要讀, 有second up都夠啦…

真係sosad x 9999
某外人...嗯, 我仍然當佢係外人, 既一番好意, 將我買Mac book既夢徹底咁粉碎左...唔...唔緊要, 反正我不嬲都好隨意...我都ok滿意而家部Dell機丫, 三年以黎, 從無入過廠, hardware完全無問題, 我都幾proud of 呢樣野...而且Mac book 咁貴, 咪慳番...留比下年去grad trip lor...

是日番工, 早上驚見一封email, manager話以後每朝早都要有個morning report...可能會有PM在場...”to further increase the productivity”, 講得真係好聽sosad

又收到個tool, 用黎搵出一個page既所有advertisement...果一條長到飛起既regular expression...真係...再次令人感到rege既博大精深...用左成日就淨係借助條rege寫左個垃圾function出黎...

Lunch時得知reception有免費戲飛拎...可惜lunch完番之後已經派曬...

[下面乃政改文章]

中央綠燈, 政府點頭, 公民黨反對, 社民連反對, 梁耀忠, 何秀蘭, 李柱銘, 鄭家富都表明反對...

老老實實, 我開始認同民主黨既修正方案, 我既著眼點唔係起2017/2020有無得普選行政長官同立法會, 我唔敢對香港未來既政制有咩期望, 我怕期望越大失望越大, 所以當左唔得先

多左五席全港直選既立法會議員, 起2012年黎講, 我唔認為泛民有能力突破六四呢個比例, 而且原本起功能組別投左票既人係唔投得架麻, 即係一堆教師社工呢D投開比泛民既人, 都唔投得果五席, 泛民同建制派可能五五波...加上提名門檻未定...再加上泛民內部分裂, 真係輸多嬴少

所以短期黎講, 新增果五席, 對泛民無益, 對功能組別有益...所以...如果我著眼點係放起2020年之前, 我都會反對民主黨呢個方案

但係, 考慮到, 20年之後, 民建聯對公公婆婆既吸引力就會大大減低, 想象下而家既維園阿哥, 年約30(其實無咁大), 20年之後50歲, 會唔會比民建聯吸引到? 80後更加唔會撐建制派, 所以, 建制派既鐵票係買少見少, 死一個阿婆, 建制派就少一張鐵票...我咁講野好似好衰, 但呢個係事實...係我用詞不當

當泛民勢力抬頭, 逐步滲入功能組別, 就可以從內部瓦解功能組別...朝住呢個方向, 50年之內功能組別係咪會消失sosad?

我明白李柱銘果班人...爭取左民主咁多年, 係好想起有生之年見到香港有真普選...不過, 有D野真係急唔黎...如果李柱銘起度可能會同我講...其實佢已經唔急, 爭取左20年, 都只係行得一小步, 唔係我要求多, 而係真係進步得慢...呢個諗法, 可以理解, 但係...我諗我要20年之後先會親身體驗然後明白...

[下面乃技術文章]

晏晝...有個...mini lecture...由manager既manager主講...得我果team既人聽...題目係database...前一半都ok theory...後半越聽越有趣

MySQL有幾款engine可以揀, 一款叫MyISAM, ISAM stands for “indexed sequential access memory”, 另一款叫做InnoDB...

MyISAM係最初登場既engine, 亦都係令到MySQL一炮而紅既主因, 佢犀利既地方, 在於佢夠快, 僅此而已, 快到連ACID四個requirement都好似satisfy唔到, 唔support transaction...MyISAM有自己既indexing, 但係caching 就要靠OS做, 呢個亦都係佢輸比InnoDB既原因, InnoDB有自己既memory, 有任何既modification on table, InnoDB都會先將個table果一忽抄落mem度, 改完再擺番落去, 如果ram夠多既話, 速度係拍得住MyISAM...

然後demonstrate左一堆MySQL既function...係起command prompt度dem, 一向用PHP我都係用PHPMyAdmin搞掂, 任何操作都係through PHP=_=...所以desc, show呢類admin command真係0個知識...

由desc黎睇一條query既complexity, 有趣有趣

最後講到indexing既問題...”點解唔樣樣野都index曬佢呢?”
Level 1既答案係...要好多memory
Level 2既答案係...做insert既overhead會大左好多
Level 3既答案係...唔係個個field做左indexing都會有用, 例如true or false既field, 就算index左佢, 都未必係好有用...

最後仲話有功課=.=?...”拿你地番去諗下, 點為之好既indexing?”

番工番到好似上堂咁, very good

講完之後...manager既大佬問...”你地有無睇火影忍者架?”

我: 睇過幾集咁啦...
同事A: 睇過d既...
Manager: 有...你問黎做咩...

大佬: 無呀, 我鐘意睇者麻...

全場鴉雀無聲左一陣, 然後笑聲瞬間爆發

“起呢個moment你竟然問咁既問題?!”

大佬...下一句仲爆, 死撐話...”其實database同火影忍者真係有d關係”
全場昏倒...”咩關係?!”

“其實運用卓羅, 同memory management真係好相似”
。。。。。。。。。。。。。。。。。。。。。。。。。。。。

會後, 大佬同manager仲繼續講火影忍者既劇情問題...”打完九尾啦咩?””打完啦, 打緊佐佐啦”
同事A: 大佬果然係漫畫迷...
於是大佬繼續漫畫呢個topic...”你知唔知點解L要死呀...因為呢, 之後有兩本death note出現, 係two dimensions, L係one dimension, 所以接唔到落去...仲有呀, 點解尼洛要死呀? 因為後黎得番一本death note, 變番one dimension lor”

OTZ...
聽日出GPA, 小弟但求全pass, 於願足矣

呢排政改方案個show真係...幾好睇...上個月梁愛詩/范太個個都話唔睇好民主黨個修正方案, 呢排個個轉曬口氣話ok, 連帶自由黨民建聯通通無問題, 反而係民主黨內部某幾個人, 同埋較為激進既泛民反對...已經有好多小道消息話中央會點頭, 民主黨聽日開埋會, 99%都會支持...咁既情況下政改方案幾乎係有99%會通過到...

...都要聽下反對修正方案既人點解反對既...通常都係話...呢個修正方案缺乏前瞻性...”2012係咁者, 2017點先?” 就算係修正方案都無一條好清晰既路線起度...”如果都係到時先算, 咁同政府有咩分別?”...同埋區議員提名門檻係現階段無提及, 如果政府起立法階段出蠱惑...香港人就真係上左賊船喇...所以卿姐都話, 如果到時提名門檻真係太高, 佢會引咎辭職...

同埋同埋, 一個原則性既問題, 如果功能組別可以透過修改選舉方法黎合理化, 係咪即係話原有既30席功能組別都可以透過修改選舉方法...而千秋萬載永垂不朽?

民主黨呢個修正方案, 增添左太多太多變數...太難諗, 我唔識諗呢個問題...都係等高人諗完之後話我知...

呢個討論過程入面, 終於有突破性發展, 係值得開心既...但係...談判既雙方一直都係民主黨同中央, 特區政府可以話係無參與過...真係...都唔知點同人講香港行緊一國兩制, “根據基本法附件二, 香港人起2007年後如果要修改立法會選舉方法, 只要立法會通過, 特首轉交比中央備案就得”, 呢條附件我覺得...名存實忙...

題外話, 大家呢排對特首既評價都ok低...如果, 大家都有前瞻性一d, 想像下將來唐英年上台, 想像下唐唐以前係點講野, 就會覺得, 曾蔭權已經講得ok好架喇...

(唔...上述文字處處散出負能量...大家都係唔好睇咁多)

---

 http://mytv.tvb.com/news/newsmagazine/108103#page-1
新聞透視...買樓上車...

其實應該討論左...”應唔應該買樓呢?”先...早排同一個住緊半山公屋既朋友傾計, 佢既意見都幾一面倒

”梗係唔買啦, 公/居屋咁抵, 月租二千蚊炸wor, 你就算買左間私人樓...每個月都仲有成堆雜費要交啦...前排我棟大廈外牆清潔裝修完, 1毫子都唔駛出”或者...係有好多理由支持公/居屋既...我始終覺得, 自己有舊real asset起手, 感覺安心好多...或者呢個決定唔係幾rational...哈哈...唔知呢..

小弟比較好彩, 唔駛還grant loan...家住私人樓, 可謂無後顧之憂...細個聽到老豆媽咪話...供完間屋...聽落覺得無乜野...而家諗番真係覺得好神奇...點解咁快就供完間屋既!?

其實...每個月儲5000, 30歲前比首期唔難者下化? 當然係講緊天水圍上水粉嶺既盤...之後...仲係寡佬一條, 咪放租等人同我供樓; 有幸兩個人既...咪自住...兩個人唔會供唔掂掛...

---

星期五晚我覺得超眼訓, 所以破天荒, 11點半就訓左...點知第2朝, 10點幾就起身, 破天荒既早, 番工真係完全改變左我既生理時鐘...

Liu之前都問過今個星期六日得唔得閒...真係so shit, 比我推曬XDDD搞到今個星期六日都要摺起屋企XDDD星期六就...摺起屋狂upload相上facebook, 全部都係一路以黎用手提電話影既相, 由year 1 sem 2開始到近期既都有...搞左我好耐呀...因為我差唔多一半相都有落caption XDDD

原本話星期日CE人去踩單車既...不過呢...唔知點解又推遲左一個禮拜, 47莊又唔pretrip, 呢個週末真係做左正宗宅男...

(自慰中: 都好既...兩日唔出街慳番唔少錢, 而且呢兩日都真係曬到癲左...)

悶到開番個XAMPP黎玩...想試下整一個...識得分頁retrieve entries出黎既網頁...

夜晚開TVUPlayer睇世界盃=.=

[曾余辯評論系列]

主持人：以下一條問題是問特首的，市民問： 「煲呔，你的表演時間就快到，請問你和你的團隊為何當日（落區） 『雞咁腳』走？為何不直接向市民解釋你的垃圾政改爛方案？一句都無，你不斷叫人支持，市民連支持什麼都不清楚，如何支持？看見你們的所作所為，完全是獨裁專制，完全無表現任何民主的誠意，你的垃圾政改爛方案就肯定是騙人啦！」

曾蔭權：看整個問題的措詞表達，就知道香港真真正正有民主，真正有自由，向特首問這樣的問題。大家要明白到我和同事落區解釋時，我們畀幾十個記者圍住，這樣的情況下還要我們公開講出支持我們的理由。另外，余若薇和她們的同路人「夾埋」做狙擊手，圍住我們，人數很少，但聲浪很大，變相我們很艱難一對一向市民解釋方案，所以我選取自己的方法，好似上星期日，我自己跑到自己住過的區，見過一些舊街坊，逐張逐張解釋畀他們聽，究竟發生什麼事，為何方案那麼重要，為何通過方案那麼重要，這些機會我們已經做了，我們一定盡量盡量做，我同意我們需要向香港人解釋方案，今晚的電視辯論最主要的目標，就要讓我能夠完全解釋方案的好處，為何不通過方案後，我們面臨哪些問題，我相信、我很希望剛才問問題的人能夠得到答案。

凸手…上個禮拜我都凸左隻手出黎同你握手…可惜, 我隨左聽到簡單一句”請支持香港政改方案”之外就乜都聽唔到喇…由政改方案出爐果日開始…我聽到既通常都係好空泛既句子…”增加行政長官選舉委員會人數, 特首產生辦法既民主成份會大大提高” / “立法會議員民意基礎更加闊”, 呢類假大空既說說我同你講多幾句都得, 你連同香港人大膽咁講一句”特首係由一千幾百人選出黎”, 咁簡單, 咁既勇氣都無, 你咁樣都講唔出, 你叫做”盡量做”, “逐張解釋”?

曾蔭權：首先，我們見到，立法會它本身有它的傳統，香港立法會已經有一百六十七年的歷史，功能組別的議席有四分之一個世紀，如果這東西突然間改變，你知道有幾多的難處。剛才我同你講，任何的改變，都是需要得到三分之二的立法會議員的支持，就是四十票。這個是最難解決的問題。所以我們點解可以用最好的方法去做，今次我們的方案就是利用，雖然是功能組別議席，將直選的人、將直選產生的區議員，能夠入到立法會裡面。使整個直選成分去到 60%。傳統的功能議席成分到40%，這個是比以前更加好的方案，所以alfred 應該放心的。

聽到呢度其實我有少少心動, “將直選產生的區議員帶入立法會, 使直選成份去到60%”, 算係技術含量較高既混淆視聽…前句既直選係指區議員, 後句既直選係指立法會議員, 一個直選區議員, 經過一輪唔係直接關市民事既投票變成立法會議員, 咁樣都算係直選? 可以話呢個功能組別議員既民主成份較高, 但係話咁就係直選議員…似乎有點兒那個

余若薇：曾生，你說你為香港爭取了一個普選的時間表，但是這個時間表有無路線圖呢，有無普選的清楚定義？

曾蔭權：很清楚，普選已經由喬曉陽先生最近講得好清楚，必須有普及和平等的代表，實際上，在其他先進地方都是這樣，至於路線圖，我已經表達了一個路線圖，這個路線圖就是2012 方案，我們令立法會更加民主的議席，更加接近2017、2020 的普選。

余若薇：如果有路線圖，那時間表才有意義。你願不願意給一個路線圖給我們

曾蔭權：這個路線圖就是要通過2012 方案，令我們更加接近2017、2020 的普選，這是一個好清楚的路線圖。當然，有一些事情要解決，但通過這個方案後，就可以解決了。

余若薇呢條問題, 係必須要問; 可惜特首係必不能答…特首唔可以俎代庖定義普選, 因為普選係中央定義, 唔係特首定義…特首能夠答既只係執番喬曉陽既口水…曾蔭權既答案好清楚咁話到比各位聽…香港既政制發展, 唔係香港人能夠控制…唉講到呢度…真係幾灰

余若薇：特首你就不肯設現場觀眾，所以我就呼籲市民給點意見和提問給我。這個就來自一個中三的同學，叫做韋雪，她說她準備將來讀大學，她現在就要選科，又要報考公開試，她不明白點解政改這麼大件事，你作為特首告訴市民，2012 之後無得傾。你叫我們起錨，航線圖都無，如果我們去到海中間浮下浮下，如果到時去不到岸，點算？

曾蔭權：白紙黑字你都不信，好艱難，2007 年，我以為你是律師，你都明白到，人大決定講得好清楚：2017 年我們可以普選行政長官；2020 年，如果普選了特首之後，也可以普選立法會，這些是好既定的日子，這個正正式式是我們的目標了。

余若薇：特首，對年輕人就要講真話，現在不是信還是不信的問題，你有手指可以數的，特首選舉得兩次機會，2012、2017，立法會選舉得三次機會，2012、2016、2020，現在你讓我們行2012 這一步，如果立法會選舉呢，得返兩步，如果作為特首，以後我不傾，只是傾2012，人家中三的同學都識得要計劃，要有方向，你作為特首，點可以見步行步呢？

曾蔭權：最重要的是我們現在面對的，2012 如果方案行得到，這個剛剛好是一個中轉站，可以去到最後的目標了。現在最困難的、最矛盾的就是，現在一步都不行，根本就不想去。所有你之前批評的東西，全部都保存下來，所以人家覺得你，功能團體、功能議席，根本是「守護神」。

余若薇已經講左大部份質疑政改既人既心聲...2012只係增加選舉委員會既人數, 由小小小小小小小圈子變成小小小小小小圈子, 如果話2017就有普選, 豈不是要由小小小小小小圈子變成無圈子? You call this is a route? Do you?

個人估計啦...成盤政改方案根本唔係特首話事, 根本係中央, 見步行步既都係中央, 可惜呢個公開既秘密一定唔可以講出黎, 特首知道, 余若薇都知道, 特首知道自己只係一隻棋子, 余若薇知道起佢面前既唔係最後大佬, 但係呢場show都要繼續

This is 政治.

曾蔭權：我亦都想探討余議員你所講，可以取消功能議席，剛剛因為我沒有時間和你再爭論這問題，你現在解釋，你怎樣能在二○一二年，我們這一回合入面的選舉制度，怎樣能夠將你沒有功能議席方案解釋給香港人聽，最重要的是，你怎樣能夠說服立法會議員投四十票贊成票呢？

余若薇：特首我很高興你不懂做問我怎樣做，其實剛剛都提過Alfred 的問題，根本現時功能組別其實本地立法可以做，但你沒有做過，你可以取消公司票、你可以取消團體票，你可以合併某些人數少的議席，你可以有部分議席擴大選民人數，你可以表示誠意，你可以取消委任區議員，這個問題討論了很久，六成市民支持，你堅持每次要委任足一百零二個議員，我知你一定會說他們好有貢獻，但應該由他們自己去選，不用你和我們去選擇，但是你死都要「」住這個權力，用來威脅我們，你話不支持這個方案就不會取消委任區議員，你說這些手段是不是很卑鄙呢

曾蔭權：你亦沒有答到最主要問題，你究竟怎樣能夠可以將現時功能組別取消，而說服立法會議員通過你的方案，最重要的事你沒有講到點樣做法，實情是好清清楚楚，理論多多，實際上做唔得到，講就容易，做就根本做唔到，問題是當我們香港人浪費了一億五千九百萬補選，我相信我們浪費得起，但是你完全沒有新方案，你知道不可行，得不到立法會支持，你依然堅持要這樣做的時候，香港浪費五年之後，再浪費十年，我們實在浪費不起。

余若薇：特首我想你忘記了，今日是你來說服香港人，為何要支持你的方案，怎樣達至普選，你現在話我聽，功能組別我都不可以取消，那特首你可不可以解畀香港人聽，為何你叫我們增加多五個功能組別議席？是不是要我們倒退？

難得曾特首主動提出功能組別呢個問題, 我欣賞佢既勇氣, 佢有勇氣講出功能組別最大既問題...

“你究竟怎樣能夠可以將現時功能組別取消，而說服立法會議員通過你的方案”
”實際上做唔得到，講就容易，做就根本做唔到”

呢兩句點出左立法會最大既悲哀, 取消功能組別呢樣野本身就要起立法會入面通過, 即係要功能組別自己踢自己走... How? How? 根本就做唔到!!!!

曾蔭權：各位香港市民，政制爭拗折騰了香港好多年，因為政改牽動好多人的情意結，包括對國家的信任、對特區政府的信任、對我的信任，對民主理想的追求等等。要突破困局，所有香港從政的人士都要有承擔，站出來支持這方案。

二○○五年的政改已經被民主派捆綁否決了一次，社會付出了沉重的代價。如果民主派繼續為反對而反對，原地踏步就變成香港人的宿命。空談民主，拒絕向前走，不單民主無出路，香港亦無出路。

普選大家都認同，最緊要不是執著一些似是而非的理論，而是實際行出一步，令中央、特區政府、香港人、建制派和民主派都能夠向普選目標共同進發。

我已經爭取了普選時間表：二○一七年我們普選行政長官，二○二○年可以普選立法會。普選的大門已經打開，民主進程已經起錨。

我們要肩負的是七百萬香港人的盼望，我們一無所懼，可以走得幾遠，就走幾遠；爭取到幾多，就爭取幾多，把握最後一分一秒。

六月二十三日，民主派議員和全體立法會議員，你們支持政改方案，今日看起來，可能只是走出一小步，但從香港民主發展的旅程來看，歷史會證明這是一大步

香港人會記住你們所付出的勇氣。

多謝香港，多謝香港人，多謝大家。

"要突破困局，所有香港從政的人士都要有承擔，站出來支持這方案。"
"普選大家都認同，最緊要不是執著一些似是而非的理論，而是實際行出一步"
"我們要肩負的是七百萬香港人的盼望，我們一無所懼，可以走得幾遠，就走幾遠；爭取到幾多，就爭取幾多，把握最後一分一秒。"

政府官員識得講乜野? 結尾陳辭係讀稿, 但係你睇份稿寫左乜野出黎...上面既句子, 同中央春節晚會最後主持人大喊一句”讓我們, 為更美好既社會, 為更熣燦既將來而努力! 寫下我地20xx年新既一頁!!”有咩分別? 同樣係空白無意思, 純粹為左講一堆美麗而虛幻既詞語, 等大家有種熱血澎拜既感覺, 激情過後大家諗番轉頭, 只會覺得聽左一堆...唔知乜野

Overall, 成場辯論曾蔭權只係重覆番以有既論調, 正面黎講佢係以不變應萬變, 萬古常新, 負面黎講佢係毫無新意...如果佢以往既論調能夠說服到人, 就唔駛同余若薇搞場咁既辯啦, 民調出左, 話辯論過後支持政改既人反而少左...

所以, 一眾評論/專欄作家都話睇唔出特首搞呢場辯論, 究竟目的何在

---

早排有朋友講到”比鬼壓”既問題...笑點在於...
“淨係feel到(定係feel唔到?) 條J既存在!!! 真係好X驚!!”

然後我用林峰個tone解釋比佢聽, “比鬼壓”既成因係個腦剛剛訓醒, 未黎得切connect番去手手腳腳, 所以明明覺得自己舉起左隻手, 但係隻手又無舉起到

比左個咁scientific 既解釋出黎, 我expect個fd最底限度都會答: 哦, 原來係咁
點知佢話, 我都係覺得有鬼者
我有少少唔憤氣: 科學解釋唔到既野, 先用神鬼黎解釋啦
: 我唔信科學

如果係以前既我呢, 可能會嘗試搵一大堆理由出黎嘗試說服佢科學係可信既...不過我又無咁樣做...因為呢排明白到科學原來同宗教一樣, 都可以係信同唔信既問題...睇下科學哲學既書, 會話比你知, 科學都係建基於幾個axioms, 同數學差唔多...同數學唔同既地方係, 數學唔係話信定唔信, 因為數學唔係基於事實develop出黎...嚴格黎講我地係假設左某堆axioms正確, 然後先有而家既數學...

而科學呢, 就係一班科學家主觀意願相信一堆axioms, 如果真理存在, 而呢堆axioms是但錯左少少野, develop出黎既野就係與事實不符, 成套theory都錯曬

又咁講, 我都係果班選擇左相信axioms既人, 所以我都係科學既死忠, 係解釋任何事物既1st priority.

我有主觀地相信, 唔相信科學既人, 應該都唔係經格深入思考然後先決定唔相信, 不過解釋都無謂, 解釋呢樣野, 同向維園阿伯解釋政改方案差唔多, 連channel都未較番正, 講條毛?

---

同事A: 你有無睇矇面超人W?
: 下? 乜矇面超人都有W架咩? 我淨係知高達有W炸wor, 矇面超人我最多識龍騎...
同事A: 下你唔識牙, 呢排日本仲做緊矇面超XXX YYY ZZZ wor
: 哦

果然, 做technical 既女性, 同一般既女性係有唔同既=___=...

---

今日多左個task, 要develop一個tab出黎, check曬所有link/圖/css/js都無死到, 無404...上網查左陣, 都係用AJAX做, 睇下有無exception (錯domain) / status = 404...但係呢, 呢個方法都幾慢, 因為我做synchronous AJAX, 一個網頁閒閒地百幾條link/圖, 做百幾次ASJAX都咪話唔慢, 咁arm起我試緊既時候manager過黎...見到慢成咁...”話慢成咁, 唔得架wor, 你搞搞佢wor, 拿而家做另一樣野先”

下...可以點搞...?

---

Lunch同同事食飯...我諗每個禮拜真係最多同佢地食一兩次飯好喇, 次次都係貴野=___=去左世貿一樓...鮨...

一個set lunch 68...6件壽司/手卷, 兩個小食, 沙侓, 湯...賣相真係好靚, 而且壽司真係大大舊刺身, 細細舊飯, 又有好多款火炙壽司揀, 真係幾好食既...一個高級lunch set呢個價...都算係差唔多喇...