下晝開始試下做FYP果壇野…做左幾次neural network assignment 之後有少少輕視左佢添…一做落…大鑊喇, 幾個百training sample, 100~200個input node, 一train…就十幾廿分鐘…

Train到我訓鬼著左=.=…

夜晚…花左一整晚時間黎同尋日個programme debug…

真係…唉…我一路以為出錯既部份係training algorithm, 點知training無錯, 係塞個test input入去既時候錯…起一個double for loop入面, 我將個i打左做j…原本想打+=…但係就打漏左個+號…

Waste左我成個晚上, 只係用黎de呢兩個咁細既bug…拿拿臨send email既tutor, 叫佢唔駛幫我debug喇…

我仲要低能到係寫另一個programme, hardcode曬所有野黎驗証我果堆for-loop無做錯野…更加低能既係我連hardcode都打左野…唉唉唉…

睇下我果D CE同學, 幾粒鐘就搞掂啦呢d programme仔…我呢D…搞左兩個晚上先搞掂sosad sosad sosad sosad sosad sosad sosad

立即完成埋assignment 2既report…順手做埋IP lab 3既report…

D assignment都清得七七八八喇

晨咁早…(其實都唔係好早者)番去CYC LG205…做埋ip lab 3 part 4…搞多半粒鐘…睇黎就係d active high同active low既問題=.=頂==.==

拿拿臨搞掂埋個lab report…就開始做neural network assignment 2 part 2b… back propagation on C++

一做就做左成日…其實夜晏晝都大概寫完, run左幾次, 發覺有d問題…de完bug之後再試…個答案都係差好遠下…唔知錯乜so sad…做到好灰=.=

食完飯, 走番去CYC103 做neural network assignment…其實起屋企做都得…不過果度d機仲勁啦XD, 順便試下起MATLAB 2007a run個programme睇下會唔會快D…結果都係run左成800s…

做完part 1 number recognition 既report…跟住去幫膠津交功課…真係有D無厘頭…無端端走去main bulid起佢手上接過幾張紙又走番去CYC交, 交完又走番去main build話幫佢搬野…搬完又走番去CYC .NET…

綠茶neural network tutorial…唔該曬XD

起等麥小傑黎到既時候…梗係DotA啦XD, 特登開左個6 VS 6個map…我用Bone Fletcher…係幾好用既…不過我諗我都係唔識用…開左wind walk之後人地好難殺到我…但係憑Bone Fletcher既攻擊我又唔知可以點殺人=.=…

等齊人之後…(wow@@, 有成14個人@@...我諗HKU入面都幾難得有一科既人可以咁團結@@..)落去街市濠記食飯, 一黎就叫左三個蠔餅先XD, 叫三個係無錯既~第一個蠔餅一上, 10秒之內已經消失左, 第二個蠔餅上左黎…半分鐘都無埋, 只有第3個先係真正用黎用飯…

綠茶…蠔餅theory = game theory, 比個good你

每人35蚊, 成12碟送, 抵到爛左

跟住番.NET連開3鋪DotA…一鋪Broodmother…一用d近攻既…即刻唔識用…第二鋪用番Luna Moonrider…唉唉…明明係用得最多果隻架喇…最後都係用番Bond Fletcher…下次再玩既話, 我會用Vengeful Spirit 架喇…

仲有個問題係…有d係基本技術問題…有時單對單, level一樣, 見到咩人都好, 我通常都係走為上著=.=

尋晚十點幾訓覺, 訓到今朝十點幾起身…正!

是日…Reading week之始…我呢個好學生…梗係會好好利用…佢黎…

黎…

做功課啦係咪?!

CSIS0396 Assignment 4…模擬海洋世界既生物繁植…不過對於佢d evolve 既rule有d疑問…”當shark既數量大過seaSize既1/4, 就會死…”係咪指所有shark會同時死亡=.=?

ELEC3503 Assignment 2… number recognition… XOR…

前半部份做完喇…寫埋個report佢先…後半部用C++寫back propagation..仍然係未解決

前日行緊RM camp果陣…同sharon/lala/iris講到要去白泥睇日落…原本諗住今日又落雨又烏雲密佈, 應該都取消啦掛, 點知大家仲係一腔熱血要去白泥…咁就無謂掃大家既興啦…

1527我仲企起荷蘭街, 1627我竟然企左起元朗西鐵站, 香港鐵路網絡真係…要比個good你

我/Sharon/lala/iris/Hilda/亮…雖然大家都無遲到…但係等小巴花左好多時間…條路又長, 去到鴨仔坑落車…拿拿臨就衝落泥灘度。。。

我地抬頭望向西邊…正是…:

輕輕的我來了…帶不走一片雲彩!

連紅霞都無…淨係睇到一舊舊烏雲=.=

著埋拖鞋衝落水起勢咁影相

望到深圳灣大橋…真係好搞笑, 先係香港果半邊著左燈…但係深圳果邊又唔開wor…差唔多等多半個鐘先成條橋開曬燈…

行行下又見到有幾隻水母比海水沖左上岸…大家一見到都好興趣, 個個走埋去用隻手指督下佢, 個texture…真係好啫喱feel, 於是大家都仲手督下佢XD督完之後我地好好既, 付出…比海水整濕條褲既代價, 都盡量帶番佢去海中間…

不過有幾隻就無咁好彩喇, 起我地發現到佢既時候已經奄奄一息…於是…唔知邊個提議不如界開佢黎睇下…於是就界開左隻水母…我仲拍埋片添…你可能會覺得超變態…我睇就…反正佢成隻野都係透明, 感覺就係, 將一杯啫喱, 切成兩杯啫喱咁者…

切完啫喱就走啦…起下白泥個公廁沖一沖隻腳…咁arm好一出黎就有小巴, 勁好彩

去到流浮山落車…是但搵左間野食海鮮, 個老闆幾好人…我同佢講話可唔可以砌到餐飯每人100蚊…佢話…”難D喎”…”咁百五蚊呢?”…”盡量啦~入黎先講啦~”

其實都唔駛我地點送…

“蟶子arm ng arm呀?” “好丫”

“整條魚比你地啦~” “好丫”

“要蝦…定要椒鹽鮮魷好?” “鮮魷啦~”

“每人一隻扇貝啦~”

“另外…整多個生炒骨比你地”

“比碟菜你地添啦…菜心定通菜?” “菜心啦”

“送多個湯比你地!”

最後仲有橙食添…

我地叫左九個飯…你估下埋單每人幾多?

110蚊炸!!!!!!

唔係講笑, 上面每一個送都係好好食, 我完全唔expect到碟蟶子會有咁大碟…d鮮魷可以好食成咁, 海鮮好食都算喇, 連碟生炒骨都起碼90分, 呢間野真係要比個very good佢!

走果陣我好怱忙咁去間鋪頭門口換番對間converse…因為之前落泥灘換左拖鞋…結果唔記得拎部相機…好彩sharon幫我拎左者…不過拎左又唔話比我知,直到上左巴士之後, 我搵一搵個袋, 發覺無左部相機…開始有d騰雞…

隔離iris又騰埋一份…但係其他人又無乜反應…我倒曬成個袋d野出黎都搵唔到…直情要衝落車想番去間鋪頭問架喇…呢個時候lala先拉住我…跟住sharon起佢個袋度拎番出黎…

同上次佢地整蠱ringo…收埋部iPod touch一樣lor =.=||||

46莊Ramblers’ Mission…鶴藪露營

Iris約左第3組1030起大埔墟等…唔知點解我搭果d地鐵鬼咁順利, 一上車就開車…一落車對面月台就有車, 完全等都唔駛等…十點鐘過小小就到左…咁早去到唔知做乜…

出發既時候得兩個member…一個jenny, 一個george…

Peter/tim要考埋ECON1001 mid term先黎…Joanne搭錯車…

去左KFC等到11點食午餐…食完之後等埋遲入黎既人黎到, 計埋sharon同lala,一行9個人成1220先起KFC出發, 真係hae度呢…

鳯園路出發, 經鳯園, 到沙螺洞, 經平山仔, 到鶴藪

鳯園果然係勁多蝴蝶, 起鳯園路開始已經見到d, 入到鳯園之後好似行幾步路就見到又一隻咁…可惜從來無研究過呢樣野, 一隻都唔識睇=.=後面讀geog既lala同ecology既jenny就好似睇到好鬼high咁=.=

鳯園去沙螺洞要上少少樓梯, 係果度chur一chur, 除此之外成條路都好hae…有ringo作為我地既外援, 搭車直入鶴藪, 每個人需要拎既野都無乜, 我…帶左ex-co組既cookset, 加3支700mL水, 廚房紙巾, 膠杯膠叉…幾乎全部都係無重量既野XD行得勁輕鬆

但係沙螺洞附近又唔覺有好多蜻蜓…行過左之後好似都只係見到一隻…

四點幾已經去到鶴藪…

組仔女起營…我同debby/Sharon/四柄埋一面起度吹水XD不過之後阿四都睇唔過眼要出手相助XD

Debby係咁話要傾sem break東北三省團既詳情…講到好鬼high咁…

差唔多七點鐘先等到billy/ringo/matthew入黎…45莊繼承44莊Sally既傳統, 繼續起下莊既RM camp入面打邊爐, 大量既丸類同埋肉類, 連Jolly Sandy都有, Billy揀黎既野食都唔錯…

我打邊爐打到十一點咁濟, 放棄喇, 真係食唔曬, 不過仲有阿匯起度繼續努力…

去參觀下鶴藪個廁所, 睇下Billy化身占卜大師, 鋤兩鋪dee…同自己既莊友吹下水…

45莊既我/billy/debby/matthew坐埋一枱, 回望已經過左接近一年既上莊生涯, compare with 46莊…睇下人地he he ha ha, 我地就當正係一份job黎做…唔…灰番轉頭

最後有個深宵特別活動, First impression…男子組7個人, 有4個46莊, 女子組8個人, 4個46莊, 1個45莊, 就咁睇呢個組合已經知隻game應該改名做many impression…

羅列少少結果出黎…

Sam以高票當選為飛機男

Jackie被評為最有機會叫雞唔比錢…

Hilda應該開心死啦…最聰明+有氣質…

恭喜Debby成為最淫賤/最浦bar/最叫goose…

另外…Jenny大熱成為最喜愛女朋友, 証明左呢隻game仍然保留左少少first impression既特質…

玩完都差唔多3點鐘, hae下hae下, 差唔多4點鐘先入營訓覺

不過六點鐘就比Billy講長途電話既聲嘈醒左=.=…

死火啦, 唔知點解我發夢都見到d VHDL code…發夢見到要寫arm個programme先可以訓覺…勁慘=_=

差唔多七點…起身啦, 訓得果兩個幾鐘多d…

食個公仔面, 收埋營, 執埋野, 出發!

唔該Billy同阿匯速遞兩個ex-co營離開先…等我地拎少好多kg…

Sharon真係犀利, 因為露營會訓唔著所以尋晚番左屋企, 今朝又晨咁早番黎支持, 阿亮都係, 晨咁早入到黎同我一齊繼續行….

我地45莊…有Solid Five! Extra Six?! Legend Seven!? Miracle Eight…同埋Impossible Nine! 我覺得呢D名真係好搞笑XDDD

鶴藪, 九龍坑山, 大埔頭

鶴藪去九龍坑山條路都幾hae, 而且大部份時間有樹蔭…完全無問題, 我地逆行衛奕信徑, 所以九龍坑山完全唔成問題…

行完一次九龍坑山, 就完全明白阿亮點解成日話九龍坑好崩潰…一路行落黎我都暗暗心驚..長達3公里既樓梯…又一次証明無限樓梯既存在, 又一”一山還有一山高”既實例…好彩今次係逆走者, 完全feel到順行真係會訓低…行到最後修輯到好靚既粉紅樓梯…更加係行到盲目左, 行到個人無曬思想=.=..

落到大埔頭之後仲要larn去太和…食埋個飯先閃人…今日都幾好彩, 去到太和食緊飯果陣先開始落雨, 一路行九龍坑山都唔算曬…

成篇xanga都係以參加者既身份黎記敍…而非上(此乃形容詞)莊身份記述…足見…AGM我都唔會有乜野comment…反正…我都唔敢講一條rm camp既路線應該有咩property…

朝早Marketing唔駛上堂, Baniel尋晚搭飛機出發去日本旅行…

不過呢排日本打風…唔知Baniel會唔會出事呢sosad

起KFC用coupon食個lunch先番HKU做野…拎走個餐果陣心諗, 乜個餐好似少咁樣野咁既…諗諗下先醒起, 佢爭個薯格無比我…蝕左添

IP lab 3…今朝10點先upload lab sheet…因為今年update左…仲等我問chilam拎左source添=.=無用武之地…

分開4 parts…其實每一part都係抄下example既code…改下野就應該做完, 不過唔知點解都搞左咁鬼耐…2.5小時之內只係做完3 parts…唉呀…最後一part…搞唔掂呀真係…搞到差唔多七點都搞唔掂…

中間5點鐘果陣去左上java tutorial…完全無聽到, 純粹係去tick名同埋拎番份quiz…早兩日我咪起度講過點樣generate numbers in [3,7]既…原來我睇少左隻字…係generate INTEGER numbers in [3,7]

Ok I lose…

另外…

String a = “HKU”;

String b = “HK” + new String(“U”);

問a==b 係true定false…我以為b用咁既方法整出黎, 都係會起literal pool度搵下先添, 點知唔係…呢條, 真係抵我錯既…

另外一條…我連compilation error同run time error都分唔清, 抵我死…

仲有…由string變int果個function…我記錯左少少野, 都係抵死…

結果得89/100…頂頂頂頂頂頂頂頂…

差唔多七點既時候離開, 特登去睇下下莊1st招莊會…

46莊出席既人仲少過potential 47莊…=.=|||

健吾﹕周秀娜．瑤瑤．通識

【明報專訊】大學推出知識無限講座，第一期請來幼模代表周秀娜上陣，談的題目，叫《成功之路》。

台灣女星瑤瑤以一個小孩的樣子配上成人的身材，被傳媒追捧，她的廣告對白「不讓你睡」令宅男們由軟巴巴的蒟蒻變成興奮的「舉藥」，引發台灣不少小學生爭相模仿。有說她主持的電玩節目經常都要她把遊戲軟件放到胸前，而攝影師當然是知道自己要做什麼，就把鏡頭都剪到她的胸口，就引發不少小六女生在自己的網誌和社交網站自拍胸口乳溝照，公開上網向眾網友「分享」。引發教育界一些衛道之士的爭議，說瑤瑤應潔身自愛，要懂得尊重自己。

尊重自己？

四個好好聽，但是很難明白的字。什麼叫尊重自己？周秀娜被邀請到大學演講，分享成功之道。取名如此，是因為有人假設周氏是成功的。這很好，這很是香港的核心價值。銷量、市場、錢是唯一的核心價值，有錢的人是有多一點特權的，錢不可以買到快樂，但可以買走很多不快樂。錢是可以代替很多東西的。有錢可以去瘦身減肥、整容削骨，於是，自信自尊都回來了。只要有錢，就有人尊重。

成功的定義？

幼模的「成功之道」，放入大學這個世界去分享，就正是香港的核心價值——市場決定一切的延伸。今天，如果是北島老師加葉輝大哥談「詩在亂世的作用」，你想那些理學院的大學同學們會去看嗎？在大學講堂，有很多討論都是應該發生卻沒有的。如中國的NGO發展牽涉的公民社會效應對後京奧的中國的影響（借問聲NGO係咩黎？）、費孝通的社會概念於現今社會的通用性（費孝通呢個名，好似聽過...不過...唔知佢有咩學說...唔...我連續問兩條問題唔係話比你知我連google/wiki都唔識，我係要話，作為大學生既我（或者係你）係幾咁無知）、文學館的設立跟香港人即食文化的抗衡、中日關係是不是永遠的死結、環保工業觸發的商機及其社會道德問題等等。為什麼要請一個思路算清晰但是以出賣自己身材為主要工作需要的女藝人作「分享」嘉賓？對，因為她有收視率，因為她是一個香港的大學生在忙碌的生活日程中去抽時間觀看的人物，她有叫座力，她有震撼性，她只是一個幌子，叫學生去參加什麼學術研討會，好等主辦當局可以在年尾寫報告時說這一連串的學術活動叫好又叫座，與大眾溝通之餘又不失學術價值，可以引發同學思考云云。（真係比你看透世事，諗落，相信搞活動既人的確會咁樣諗。。）

這種活動，真的可以令人思考什麼叫「成功」嗎？即使我們得出的結案陳辭是：「錢不是萬能的，同學應潔身自愛。」會有用嗎？幼模的成功是什麼？她們學歷不高、掙錢快又多。她們的工作性質大多被視為簡單容易的，而且她們都善用自己應有的資源，母親給她們的身材。那麼，她們有多不尊重自己嗎？善用自己得到的，深知自己的弱點是什麼，之後善用自己的長處，不是一個很成功很正面的人生樣板嗎？（認為援交無問題既人，有部份都係持上述觀點...單睇後句，覺得無乜問題，但係套用落援交上面...唔...唔知呢...題外話，起呢個社會上，有一句說話，叫做...笑貧不笑娼）

問題不僅大學談不談幼模那麼簡單，而是在香港這個機器中，所有東西都是以成果主義決定成功的定義。我相信海辛是一個很不錯的香港文學家，但是當他窮得連電視都沒有辦法維修的時候，我相信沒有人會認為他可以是大學生的成功榜樣。因為，again，大學的成功，是由就業率和大學畢業生平均薪酬決定的。

試想想，為什麼香港搞通識教育說易不易，說難不難？因為香港的病，來來去去都是藏在幾個原因身上。你只要認知，自我是什麼，將來是什麼，成就是什麼，欲望是什麼，就可以回答很多問題。這不是什麼繁複的事，只是有些人不肯承認，社會上大部分人都不覺得邏輯辯證、常識和基本思考問題的方法有用而已。在什麼都是通識題材的世界中，其實真的不需要通識教育，因為扭曲的事情太多，時間都花在看真基本概念。深入的分析和了解？且看看各同學的慧根了。

NGO - Non Governmental Organization

(節錄自wiki)費孝通（1910年11月2日－2005年4月24日），著名社會學家、人類學家、民族學家、社會活動家，中國社會學和人類學的奠基人之一，第七、八屆全國人民代表大會常務委員會副委員長，中國人民政治協商會議第六屆全國委員會副主席。

真係…撻皮之極, 只係上左一堂neural network and fuzzy system…

就去左.NET打3鋪DotA…食個飯之後去103 hae到四點…去見一見philip pong…

講下黎緊要做乜…

大概黎講, 就係3503既assignment既強化版…

“拎800日data黎train個network , 等佢估第801日既值”

“如果用window式既方法黎拎network…個window最好應該係50日咁長, 你地…試下佢, plot個graph黎睇下”

番屋企…衝3503 assignment 2先…

話說今日…周秀娜起科大開talk…有個教授同佢傾下計…問到”有無諗過要梳理一下自己既過去, 有無想搵番自己?” 周小姐話佢唔明條問題, 比人登左上報紙

“梳理過去”? how? 我都唔多明, 咩叫梳理過去? 同自己整番個大事年表咁樣?

“搵番自己”… 如果一個人覺得自己無唔見到, 唔明呢條問題好正常者…

等我起度問你一句: 你起邊呀?

(唔答自己話起屋企/電腦前面/諸如此類既廢話)

或者電視劇一D, 當原先正直無比男主角比dark force牽引住既時候…女主角一句當頭棒喝: 以前既你去左邊呀!?

自己…仲可以係神鵰俠同楊過既分別…16年後帶上面具既楊過, 係一個鋤強扶弱既大人物, 除低面具之後, 係一個戇居居咁等緊小龍女既傻仔…

不過神鵰俠都無唔記得自己既, 只不過係, 帶左面具之後會好似人格分裂咁…萬一帶面具帶耐左, 唔記得左自己等緊小龍女, 呢個時候李教授就要出黎問一句: 有無想尋回自己呀?

……

老實講, “梳理過去”四個字, 對於我黎講, 真係好難明

1200先起身, 淨上一堂digital system design…

落堂去圖書館借下d VHDL既書…跟住去巴依食飯…何文津請XD當係報答我教佢做3503 assignment 1 XDDD去佢間mini hae下…起西環hae下…

臨近四點鐘既時候有諗過番.NET打DotA架…(上cinema既同學應該係4點落堂XD?)不過落左山就唔想上番去lu XD

又起KFC食個飽飽早餐先番學

Fuzzy system and neural network…忽然間教得好快, 話咁快就去到chapter 5

Digital system design…忽然間意識到, 2302 + 2401先係computer engineering既核心課程…

飯都未食, 就去左何文津間mini…好似做tutor咁教人做3503既assignment 1…佢仲有個fd起度…教佢個fd做仲好過教佢做=.=…

5點鐘去到上環同Eva食Tea=.=…佢話佢去完立法會…順便過埋黎…想叫埋kenneth黎架…不過佢又話佢有成堆tutorial要上…就圍行下…我記得荷李活道附近有堆大排檔, 當中有D係幾出名既…例如有間食茄牛通…不過叫咩名我又唔記得, 起邊又唔記得…

結果去左伊利近街, 果間玉葉, 食下牛腩面, 食下綠豆沙…

果碗綠豆沙, 真係要強力推薦, 真係…十個好食

食完, 竟然有文化到去行下中區警署…睇下d圖片展覽…

搭番車番HKU…去聽HSBC既recruitment talk…拿, 如果我無記錯既話, 以前HSBC請intern, 係GPA at least 3.4…今年竟然降低左要求到GPA at least 3.2~?! 可以諗諗喎

(諗下者, 以我既英文程度, 你估我會有行咩…)

都未聽完個talk, 就閃左去下莊既RM lecture 2…我果組得番兩個組仔出現orz=.=

同佢地去左泰國人海南雞食飯…

有人討論到…究竟邊個人最少去pre-trip呢? 大家…無乜討論過…好似已經有共識咁…

然後…有人打完場話, “Billy lor, past rep都算係我地莊架麻”

0000之前怱怱修改左一下3503份report…因為晏晝教人做果陣…先發認真咁睇左一次佢對report既要求=.=

朝早做digital system design既lab 1…

整一個circuit出黎, 要user按次序咁禁buttons先會觸發一d事件發生…

地點係CYC101…原來就係平時行入CYC, 抬頭一望就見到長凳上面果間房…其實都幾細, 夾埋得果十幾部仲係用緊windows 98既電腦, 平時斷估都無人起果度…我覺得…真係浪費左間房lor…

個lab...其實做之前真係無需要知道佢做緊乜…做lab…最具挑戰性既地方係, 起一個完全陌生既working environment下, 用最limited既resources(tutor, 垃圾電腦), under最limited既instruction, 去完成一個task…

完全唔sip及呢一科任何既知識, 話知你GPA 4.0, 起呢間lab入面係無用武之地…做lab講求既係香港人最推崇既其中一種能力: 執生

做完lab之後…飯都廢事食, 皆因今朝起西寶城新開間KFC到食左個早餐…hae下hae下去到global lounge, 入面有到會@@有野食, wakaka, arm曬

其實Global Lounge呢個地方真係幾成功, 我諗黎到香港大學既non-mainland, non-local應該都好鐘意果個地方…真係凝聚到一班學生起果度吹水…我諗如果當初HKU堅持起果度開酒吧既話, 效果可能仲好

入到班房…見到Kendra同Xavior…同佢地講話global lounge有野食, 即刻比我吸引左過去XD

繼續Baniel既marketing…其實, 佢真係有太多太多水…

跟住上BORE1007 Principles of Managements…真係悶到X街…我對佢教既野真係0個興趣, 今日既class activities仲要係低能到呢…”唔比講野, 排生日日期”…玩treasure hunt都唔想玩呢d game啦, 仲要我上堂玩? 好喇, 玩一次唔夠, 仲要玩夠五次…o my god…

跟住又走左java…去聽JP Morgan既recruitment talk…講野果條友真係好悶…悶到…keep住有人離開個lecture room=.=…

1710去到312…java quiz…佢話比30分鐘我地做既, 但係我1730就走左…臨走前問下tutor佢有無出錯題…話寫句statement用黎generate random numbers in [3,7]…我仲諗佢唔會考到咁深…寫左random() x 5 + 3算…臨交卷前問多次, “你真係要我比埋個7你呀?”, “係呀”…一時間諗唔到, 是但啦, 交埋, 但係其實我仲有10分鐘時間可以做

出黎行左一陣就諗到…random() / 0.99 x 5 + 3咪得lor, 頂…

去聽通識毅行個briefing…都預左我既groupmate唔會出現架喇…反正佢地上年都應該聽過…好彩起run run shaw度撞到lala/Hilda/iris者…其實我都唔鬼知道係去邊度聽XD

起王X武講堂..聽條友講下條路線係點…

老實講, 95%都係港島徑, 而就咁睇地圖我又睇唔出有幾難行, 除左係長左D之外

十一點幾就比人嘈醒...

-----我是分隔線-----

同輩中知道咩係computer engineering既人已經無乜...長輩中up得出computer engineering同computer science...真係第一人@@

-----我是分隔線-----

同陳鈺龍/津睇D-9 異形特區
劇情黎講...對我毫無吸引力...感覺上就係...透明光/真空密室之謎 + 藍血人 + 老貓...起每本抽少少出黎合併成一個新故事, 唯一優點就係無左衛斯理呢個咁黑人憎既角色...

主角中左外星科技, 變做半隻外星人, 呢下已經好有透明光feel
尋找解決方法...同尋找反透明光......
外星人尋求番屋企既方法, 同藍血人/老貓...
主角結局成疑...同真空密室之謎一樣...

主角同外星人既友誼關係...正如衛斯理同外星人既友誼關係=.=...

套戲前半段懶係紀錄片咁, 懶係現場報導, 搞到個鏡頭係咁左右fing黎fing去fing到我頭都暈埋=.=

朝早上marketing...Baniel真係堂堂都要強調一下自己係engineer出身=.=
成日都用高達黎做example...
成日都問會唔會太快..."Am I too fast?"

佢講野真係幾快, 但係佢水氣比較高, 真正到point既野...可能無乜=.=...

落堂之後同Ki/Xavior/Kendra去Swire can 食滋味意粉, 真係幾滋味

有機會既, 落黎西環既酒吧飲下野XD

----我是分隔線----

叫左陳鈺龍黎.NET print notes...番正我d quota都多到用唔曬, 廢是浪費啦XD
果時又未等到何文津食飯...咁arm佢呢排玩AOE版既DotA...於是開番隻Warcraft既DotA比佢玩下...
一玩佢就上左癮...

打完機, 落山道搵何文津食飯...

KOF... King of Fucker... 朋友, 你又多個名啦sosad

去左何文津水街新屋參觀下...以後要屈蛇, 有好地方!

走既時候見到番屋企既肥堯, 一齊去森記食下糖水...
再同陳鈺龍番.NET打機...真係...好癲lor...兩點鐘果下我已經禁埋熄機諗住走架喇...點知佢仲想玩...玩到我四點鐘先番到屋企訓覺呀...救命...

香港大學學生會行社四十六莊．行人任務．九徑山

十月一日, 隨左係國慶日之外, 仲係我八達通學生身份重歸之時, 如果無學生身份我就會搭960去屯門架喇...不過...既然有平地鐵搭, 就梗係搭地鐵啦

去到美乎站既時候剛剛走左一架西鐵, 要等7分鐘先有下一班...於是我就遲左7分鐘啦....

其實呢...我都係唔認得d組仔女...是但啦...介紹自己果陣我係話..."我係黎跟行架者, 大家唔駛理我" sosad

尋晚去過下莊既gmail睇下先, 話今日要著o camp tee去...咁咪著lor...去到覺得有少少。。。我又唔係46莊既人, 但係同佢地著埋同一件tee...Debby著左45莊o camp tee去...係Lor...點解我唔著45莊果件去呢sosad

屯門徑既時候三組都行得好近...開始上觀音山之後就見唔到其他組既影...因為有兩組都行番條正路...即係pretrip果陣原本想行條路...係我果組依然行條唔知咩路...不過唔緊要上觀音山係有d辛苦, 但係一路去到九徑山底都幾易行

由於遲過其他組到九徑山底既關係...班組仔女一鼓作氣就話要衝上山...987級樓梯呀...汲取左上次既教訓之後, 我決定慢慢行, 真係好慢好慢咁行...我地組都勁架喇...百幾二百級先休息一次, 印象中好似停左最多四次? 聽番其他組好似唔夠一百級就要停一停咁=.=... 組入面有呀Joanne, George同..邊個? 起大隊休息緊既時候繼續衝上山=.=....好強勁...

去到山火瞭望台...個個都死左咁樣...係Joanne仲係氣定神閒...犀利犀利...Iris帶備左冰菠蘿同冰桃上黎, 已經係要比滿分佢架啦...點知Ringo犀利到帶埋無核提子同...冰皮月餅上黎...O曬組...行山行到食月餅...

我繼續以一個嘉頓蛋糕頂肚, 另加一整支葡萄適...起一個無胃口食野既情況下, 真係唔錯, 確保唔會行到腳軟

起直升機坪教三點定位法...果個位真係好難做....淨係搵到大欖涌水塘條壩黎做..搵燈塔...又唔知起地圖邊度=.=...真係...幾鬼麻煩...之但係, 唔起果度做, 又真係無乜其他位可以做=.=

離開左直升機坪...一直行到一舊寫左"Yo"既石頭...都無乜問題...但係起果舊石衝落山之後, miss左個分叉位轉左去向北行, 唉唉, 雖然話係跟行者...都要知行錯左架...係去到某個位...有另一條叉路, 大家開始商量下, 呢個時候後面果組都黎到...阿四係跟住果組既, 話我地可能行錯左...不過我未聽曬佢講乜, 就跟番我果組行, 行左落山之後...真係唔係好對路...對講機傳黎話阿四果組行番轉頭...我果組就...我同Ringo研究左好耐...卒之locate到個位...再番番轉頭, 去Yo石落黎既分叉位...唉, 浪費左成個鐘頭都可能有...

諗住會比淨低無行錯路果組遠遠抛離啦, 點知又唔係wor, 佢地組真係休息得好多...我地組...真係行得ok快...好在起天黑之前都落到山...

可惜我果組個個人都話要番屋企/睇國慶煙花/番hall練波...無人留起元朗食飯...起架K66上面, 得我同Lala起千色店落車去搵其他組食飯, 真係灰到呢=.=

食完佳記甜品之後...我/Lala/Jacky/Debby/匯再去食多碗粉...吹下水咁...

overall黎講, 條路線唔錯, 對我黎講係有少少harsh, 但係又未到頂; 對普通人黎講應該係差唔多到頂, 有extend limit既作用...睇番其他組, 行完之後好似都幾熟絡咁

對於member黎講, ramblers mission係一個mission; 對於ex-co黎講, 亦都係一個mission, 係一個尋找下莊既mission...

黎緊鶴藪camp, form 2時候去過既一個營地...

真係覺得, 一班人能夠無端端坐埋一齊上莊, 真係, 幾有緣

如果上到一支大家都好搏盡既莊, 應該會好開心添

諗諗下, 尋晚起酒吧…大部份時間都係lala問問題…下次應該搵人問番佢…

唉唉, 我既生活真係太空虛, 空到連人地問我既興趣都無喇sosad

2302…講K map進化版, 果個咩Mc xxxxx method

跟住去還番本intermediate account比hilda…真係勁戇居lor…尋晚食飯之前幫佢拎左陣…拎拎下覺得攰…有見過果本書既人…都知果本書有幾恐怖架啦…就塞左入袋…一塞…就唔記得拎番出黎啦>.<…

去.NET…又打機…我都唔想打咁耐…但係出面落雨落到黃色暴雨警告…我好難唔留起.net入面打架喎…

夜晚…上網搵下Investment…Bodie果本既solutions…搵定先者, 遲早都要用…搵到幾個論壇都有, 但係都要夠積分先download得, 麻鬼煩…

0 work done…

Fuzzy and neural network… OET? Digital system design… PROM? PLA?

上完堂, 離開LE1果下聽經聽到樓上…香港大學學生會內務副會長既聲音…

走上去main lib門口睇睇, 係學生會週年辯論…”香港大學應開設酒吧嗎?”

各councilor 自己揀一個立場, 自己分開兩邊討論…當然無論結果係點, 學生會都唔會話即刻就開間酒吧出黎…

少少歷史背景

話說當年Swire Building最底果層重新裝修既時候, 大學有意起果度開間酒吧, 不過比當年既Swire SA嘈到拆天, 結果就變成今日既Pacific Coffee..

又…呢排有區議員因為成功爭取罷免般咸道開設酒吧…大肆宣揚過…

又…呢排St. John’s Collage入面開左間酒吧…

反方意見不外乎…酒吧做成既滋擾…資源分配等問題

正方意見比較…雜, 自由, 需求, 文化交流, 正面同反方交鋒既會反駁酒吧必定造成滋擾…

Council既投票既果係motion carries=.=…即係支持開酒吧…

辯論本身唔算好有趣, 最有趣既係最後台下觀眾抽成曉宜既水…

“開酒吧都有資源, 咁點解…補選開設票站會唔夠資源!?”

辯論既時候都有人講過, 今日主題係conceptual level, 唔需要考慮資源既問題…咁既情形下, 依然要咁樣講野, 真係服左果位著住藍色裙既姐姐仔, 抽水抽到…

抽水抽錯場合都唔緊要, 抽錯水果下大問題…原本阿邪都唔想比小宜答, 反正唔關辯題事, 不過小宜insist要答…”我又唔係選委會既人, 票站數量唔係我定”

都食左成個月花生, 老實講, 由年初學生會大選以黎, 到到而家, d花生keep住有, 今個sem一開學已經見到盧重匡好有殺氣…由CYM影印房入手, 慢慢入到關於重選呢個正題…睇住盧重匡同成曉宜你一招我一招…真係…奈何唔係成日得閒去民主牆睇住個走勢, 中間miss左少少…而家由陳一諤做seconder, 撐盧重匡重選…十月繼續有好戲睇

番去SU果邊食t當食飯, 咁arm撞到成班CE人…又係DOTA1001既時間…

打完機就去education library溫下書啦, 多得chilam介紹既補習…Form 5 Physics…我特登去溫一溫electric field, electric circuits, electromagnetism…

點知去到一坐低, 佢問既係mechanics, 有個車仔起斜板度碌黎碌去果D問題…O曬咀…爭D就比佢考起, 好彩佢係拎住Ken Chan notes黎問(補緊Ken Chan都仲要私人補習…咁補Ken Chan黎做乜?), 而Ken Chan notes下面又寫埋答案…都係對住答案解釋者XDDD

問完mechanics先問番電…去到electric circuits先無咁驚…

Form 5女…都幾寸下…問佢咩名…”唔需要知啦” sosad

“下次幾時?” “等我媽電話啦”

Okok, 有D做鐘點既感覺, 有需要既時候先搵我sosad

補完習, 番番HKU, 睇下莊既ramblers mission lecture 1

唉唉, 又做左組爸…睇下班組仔女plan路線, 真係一步一驚心…

大佬…我 + Ringo + Iris…老實講, 條路行得果一次, 邊熟呀…仲話要比member自己plan路線, 無野既, 到時大家一齊搵路lor…

上完堂…同佢地落大盛食68蚊, 75分鐘放題…呢個價, 大個預計到會有幾多野食啦…

2145食到2300…臨走前Ringo同Jacky猜枚, 以壽司代酒…Ringo真係好勁=.=次次都嬴咁濟…

我: “猜枚呢D野, 都係留番起酒吧玩啦, 西環尾有成堆”

Lala: “係咩? 咁要搵日去下喎”

我(隨口講mode): “就而家啦”

Lala(勁興奮): “好呀好呀!!”

我(心諗): 下…我隨口up架炸wor…

離開大盛之後Lala提議話去酒吧, 不過得Ringo應佢…原本Jacky都有d意思留低, 不過又走左…於是三個人向西環尾方向行…

行到士美菲路…

Ringo: 搭咩車走好呀?

Lala: 咩呀, 去酒吧喎

Ringo(o咀狀): ………下! 你講真架!?

Lala: 乜你覺得我講假架咩!?

果下…真係10個搞笑=.=

原本想去果間Kennedy Town Pier…即係上之同嘍囉/波/津去果間…好似逢星期四有cocktail特價…不過果間full左…去左隔離果間貴D既…成68蚊一杯…

吹左成兩個鐘水…都係圍繞45/46莊既野比較多…

呵呵, 唔係我八掛番黎, 不過又聽多左D野

通常D人話學programming都唔好學visual basic先, 因為visual basic係一種弱類型既language, 好多type casting 會自動做左....到學番strong d 既language既例如C既時候就會覺得好痛苦...

學寫MATLAB都係...唔識得將int睇成double....睇黎我都係比C++縱壞左...

今朝一拎個MATLAB programme比個tutor睇, 佢睇兩野, 就同我加番double個字上去....wtf....明明我train佢之前都記得轉佢做double...點解test佢既時候就唔記得左呢sosad

食完飯, 上網睇番Liar Game 第三回合既漫畫版…果然係複雜過電視劇n倍…電視劇將橫屋simplify度只係識得說服人地做叛徒, 同埋呃神崎直…等我整理一下我既思路…

Marketing…仍然係左耳入右耳出既狀態…

Management…唔………………(原來我上左management既堂!)

Java… 打潛艇既programme sample…

IP… “This course required you to learn it by yourself!!!”

六點去聽下莊既o camp e會….一個鐘就完左=.=…勁快=.=

1.      橫屋收買左南之國既菊澤, 所以連續四round橫屋都透視左南之國既走私額

2.      菊澤肚痛果一下, 同埋秋山將9111萬轉成9112萬, 成功推斷到菊澤同橫屋既關係

3.      之後南之國成功領先第三國戶口存款額, 首16 round完結

4.      秋山分析出, 原來best outcome係, 第三國存款低過對方, 用黎輸左個比賽, 咁就唔需要玩第4回合, 但係為左清除負債, 北國起南國戶口既錢一定要多

5.      第二日一早, 秋山玩盡曬張提款卡, 試下整花佢, 試下禁錢再存錢, 試下提款超過一億, 而且A君可以用B君既卡黎提款

6.      根據以上測試, 如果南國收買到北國既人, 南國就可以起北國銀行度禁曬所有錢出黎, 等北國叛徒將呢堆錢再存入北國in南國銀行既account度…因為本國銀行內既錢, 起遊戲完結後會分比本國既人…只要呢個叛徒唔叛完再叛, 咁果舊錢就肯定會屬於南國

7.      可惜起秋山講呢個必勝法出黎之前, 南國已經有三個人比橫屋收買左, 並且用同一個方法將d錢存入北國既account度, 北國起南國戶口既錢已經0左

8.      秋山親自出馬, 按漫畫既敍述, 讀者知道佢收買左兩個人, 北國既人知道自己已經嬴梗, 所以正常情況下唔會比秋山收買到, 所以秋山要呃佢地話北國根本無收買到南國既人, 因為南國既人一樣知道呢條Q, 北國起南國銀行禁出黎既錢並唔係起北國銀行度, 而係比南國既人收埋左, 根據電腦記錄, 呢舊錢依然係屬於南國銀行, 所以優勢仍然起南國…北國既人諗到, 如果秋山講既野係屬實, 咁北國幾乎可以話係輸梗, 所以答應背叛北國

9.      但係橫屋好快就發現到呢個事實, 於是捉左兩個叛徒黎玩prisoners dilemma…其中一個好快就爆響口, 但係橫屋對果個二五仔仍然有懷疑, 派出第三個原定將會被秋山收買既人會見秋山, 用黎確定二五仔講既野係真…呢個時候讀者會以為秋山既計劃已經失敗…但係原來秋山一早已經收買左第3個人, 南國就係憑住呢致命既第3個叛徒最終嬴左

10.  不過呢, 橫屋都唔笨, 佢諗到秋山可能由頭到尾都講大話, 於是就叫揪左出黎既叛徒扮未被揭發, 幫秋山運錢, 但係重點係…根本就唔係存入南國銀行, 而係成舊錢拎去北國…

11.  呢度仲要詳細解釋, 因為果叛徒3人組自從開背叛之後, 就再無轉投過北國…就算比橫屋知道佢地係叛徒之後, 仍然係背叛緊北國, 所以當橫屋自以為將計就計既時候, 叛徒之一係將計就計, 再將計就計, 起南國銀行禁錢出黎拎番去北國…咁呢舊physically 屬於北國既錢, 起電腦度就係屬於南國…秋山起呢一項工作上都做得好小心, 因為橫屋持有所有北國人既卡…咁長谷川(北國第3個叛徒)點樣可以禁錢出黎呢? 辦法就係起秋山之前接觸佢之前, 用磁石整壞張卡, 開過張新既, 壞左果張就…比番橫屋

12.  解釋到呢度, 南國係嬴梗架喇 (呢度嬴既意思係唔需要進入第4回合, 而且有足夠錢還債, 而唔係起第3國銀行戶口存款額較多), 不過橫屋真係好勁, 做左最後一個trick, 話要自己做曬所有走私者同埋海關, 表面上話驚北國再有人背叛, 實際上就係將physically起北國既錢存入自己既戶口, 再拎去走私, 因為南國唔想增加第3國銀行戶口存款, 所以一定會pass, 一pass左, 舊錢就係屬於橫屋, 所以橫屋account存款暴漲, 呢個時候無論最終結果係點, 個人黎計一定係橫屋嬴

差唔多解釋完喇…仲有d細節要講…點解秋山可以成功收買到三個北國叛徒呢? 就係因為秋山同神崎直願意放棄自己既賞金, 用黎幫三個叛徒離開Liar Game

秋山仲話, 起遊戲入面, 要嬴既唔係對手, 而係Liar Game事務所, 盡量唔好比錢佢地賺, 即係盡量做到和局…但係由於結果係橫屋身家暴漲, 而且Liar Game係一個零和遊戲, 如果勝出者唔願意分錢比其他人, 就即係話其他人就要背債勝出者嬴多左既錢債…以降低債項為大前提黎講, 秋山其實係輸曬

睇漫畫最難明既地方在於…先係秋山呃北國, 然後橫屋發現, simulate 秋山既諗法, 仲要simulate埋如果秋山講大話既諗法…跟住仲有南國simulate 橫屋如果發覺到有北國叛途既諗法…

尋晚臨訓覺之前除左眼鏡, fing 兩fing, 條框就斷左...個框係我起北大用左138人仔買番黎架...今朝食完飯就去西環尾建生眼鏡買過個框....承惠320.... orz.....

多謝chilam幫我解決左個java 問題

煲埋淨低果一半既欺詐遊戲...我睇左電視劇而無睇漫畫...雖然電視劇會dump下波鐘, 但係果d logic位會解釋得清楚D....(同埋戶田真係幾靚)

如果...將負債一億日元, 睇成一個trap既話, 欺詐遊戲同Saw...真係有異曲同工之妙....神崎直起第二回合敗者復活戰完左之後講既果番說話...正正就係Saw V....最後個女人諗到既point...雖然....普通人起Liar game既情況之下應該一早就諗到"齊心就事成"呢個道理....不過起利益當前....唔....

又要咁arm咁q.... Liar Game又係指定起一間房入面玩遊戲...真係好多方面都同Saw相似...

一次過睇完第三回合既感覺真係正好多, 之前睇漫畫版, 個個禮拜追...出得黎都唔鬼記得上個禮拜講咩啦....

期待緊下一季既Liar Game 電視劇....期待緊第三回合敗者復活戰...同埋第四回合@@

煲一煲wiki, 原來第二回合既minority rule game同game theory都有關係...真係吹脹=.=

夜晚再改一改MATLAB programme...終於識得train個network...但係佢又唔肯食番d test input...都唔知想點=.=

一個生活只有讀書既人...既星期六...係點架呢sosad

做埋0396個井字過三關...所有部份完成...隨左...readline果度仲係有個騎呢問題...星期一去問下tutor先...

neural network既功課...做到一半...唔識做...唔知點解佢死都唔肯train我堆data...同樣, 星期一去問下tutor先...

apply左ductsche bank既summer analyst programme...

apply緊moragn stanley既summer analyst programme...

打左兩鋪DotA

夜晚出去同刺身/kenneth/xie wei kai/東方食韓燒, 又食左一百五十蚊...貴到呢...

行經旺角Baleno, 買左條皮帶...鑑於早前起IP Zone買果條牛...都唔知點解, 我買28褲頭, 第一次著都arm...一放入機洗完之後...無縮水不突止仲闊左添...唔用皮帶cu住真係可以睇到半條底...

其實我應該可以搵番D有意義少少既野黎做下...唉...

最後, 梁姓既街坊, 牛一快樂

marketing... baniel真係print曬組組既合照出黎, 拎住張相黎點名問問題=.=
lunch同marketing既groupmate食飯...有趣有趣, 同management一樣, groupmate都係來自五湖四海..

management...我相信, 上完呢個sem之後, 我既整powerpoint既速度將會大大提升...

CSIS0396....又變左做DOTA1001...

java tutorial... assignment係井字過三關...tutorial做唔完, 拎到番屋企做...
基本上都完成架喇...就係read input既時候有D問題=.=...唔知點解一定要佢read兩次...即係拍兩下enter先可以正常輸入到...如果淨係read一次既話, 個programme就ignore我readline果句...唔知想點=.=..

朝早上左一堂Fuzzy system and neural network, 跟住去左.net打DotA=.=...一打就打到1200...連IP都走埋...

呢d生活真係...極端頹廢=.=....打完之後去食飯...食完飯又係番去.net打..打打下有人入黎上tutorial...於是轉左去103繼續打....=.=|||||

番到屋企, 做埋IP lab 2 report...開始做下Fuzzy assignment...

深夜時候...真係走左去download最update既DotA落部機度玩下, 死火, 我有D擔心會上癮=.=

番學之前…又係去北角…買下衫, 改下褲…

上次買衫, 係起北京大學買果件紀念Tee..買番黎之後覺得…真係好似一件校服, 係小學生著果D用黎上PE堂既校服…

再上次買…係咪應該數…起北京買羽絨?

上面果兩次應該都唔計……再上一次買衫應該係番公文式之前…即係…07年5月…

再上一次買衫, 應該係升form 7果次書展之前幾日, 即係06年7月…(就係黑色果件恤衫…就係前排跌左落街果件…)

(可以再數上D…應該係06年年頭買左一件黑白色格仔恤, 同黑色長褲…不過件恤…同樣係跌左落街…黑色褲…陪我去到北京大學, 去到佢生命既盡頭…都怪我著住佢黎打羽毛波同踩單車=.=)

我都真係好耐無買過衫-.=

好事黎既, 環保呀麻, 我記得睇唔知邊度講過, 每一件Tee背後都用左1.5公升既水黎製造…如果以我form 2拎到果件JTP既tee黎計…著到而家, 都著左成…數下先, 2002年著到2009年…都有成7年啦…

(下!? 咁耐之前既Tee你都仲著緊!? 我掉左十世啦喎!)

(er…係呀, 我個人…念舊丫麻…)

(JTP果件tee..著到我d莊友都認得啦sosad)

Queena @ O camp: 你又係果件Tee!!! 哦…不過條褲唔同左

Sharon @ 尋晚莊聚飯: 你次次行山都係著呢件Tee既!

(當時我既解釋係…呢件衫, 夠薄, 又arm size, 正呀!)

番到hku…上一堂2302…搞掂…

起haking podium…買左隻價值499既250GB portable harddisk…真係有D貴, 但係…harddisk呢D野, 我諗, 都係唔慳得…如果唔係…好似上次Eva咁樣就大x鑊=.=

星期一番hku之前去剪左個x頭…今日Ringo見到話…話唔敢叫我…話…

“阿西個頭…明明無理由咁柒架! 但係…行近D, 又真係阿西黎架喎!”

跟住去IP lab做埋lab 2 report…今年唔知係咪多左一條小問題呢? 我見source無果條問題既=.=…點算sosad

去.NET打dotA=.=…一打就打到六點先走…

夜晚…做backup做左成晚…而家我有兩隻portable harddisk用黎做backup, 哼哼, 我就唔信兩隻一齊死

Fuzzy system and neural network..

Backpropagation..應該差唔多講完啦掛…連個proof都講左一大輪…可惜落堂之後要去上2302, 無得聽綠茶開既fuzzy tutorial=.=

2302…我仍然係要重覆果句=.=雖然n個CE同學話2302唔駛上, 我都係覺得聽P.C. Chui講野好重要=.=

同CE part 2班同學仔食個SU飯…大家都好靜..乜野都唔講既=.=

去.NET印lab sheet, 拿拿臨去IP lab開工=.=..知道自己渣過人…都係早D開工好D…做到part 3…K.W. Tse話果part既code未教, 話可以等佢教埋先做…彩佢都傻…死都扯住個demonstrator教埋我做先走=.=

夜晚同行社45莊食飯…一食就就食左成晚, 反到屋企就訓覺=.=

上marketing, 終於見齊曬所有group members..

上management, 我發覺我地果group人一齊上堂真係好開心=.=開心得濟…唔知點解可以有咁多歡樂=.=…好少可可以上堂上到咁鬼開心=.=…

Thomas Ng真係呢=.=..問某人抽中個topic number係乜, 佢用廣東話答9, 佢死係要人地用英文答先應佢..

另外..話我地組既組mate黎自五湖四海BA+BSc+BEng x 2+BEF..自把自為咁同我地加多個groupmate落黎=.=..不過~無所謂啦~

Java堂..悶到用黎打xanga..

IP..聽Hardware description language..好似學左少少野

夜晚, 填Deutsche bank 既internship application form , 呢D form …真係永遠都填唔完=.=