前後夾埋好似訓得果四個鐘...又開眼既時候, 見到係0640...睇錯左做0830...於是就起左身...點知...起左先發現自己睇錯鐘...不過起左就算啦...都見到班組仔組女起曬身咁濟, 仲準備煮出前一丁..見佢地咁落力..無理由我仲起出面訓覺架...

不過我都好撻皮, 完全無幫過手整早餐...起佢地煲完10包丁面之後, 我只係食左一小碗, 跟住走去隔離組偷下腸仔食, 偷下阿華田飲..嘩kakakakaka

唔知點解我果組做野咁高效率...做組爸既我完全可以撻曬皮, 食完早餐自動有人去洗碗執野, 我係幫手收下營...就乜都搞掂曬

仲一早就出發去海下灣撻皮添...先起士多飲下汽水...跟住再落灣玩水...玩左陣之後..其他組都未到, lala媽媽就話開始教四方編結...嘩卡卡, 仍然係唔駛我做野, 有一個組仔好熟呢個結, 就搵佢黎demonstrate比大家睇, 我只係起其他人紮緊既時候做下tutor XDD

方結呢樣野, 可以話, 要注意既野都幾多, 但係實際整既時候我通常都唔理..

例如, 直起橫收, 橫起直收
例如, 雙套結之後, kiu果三個圈, 要內外內外咁kiu
例如, kiu果幾下繩, d繩唔可以疊高埋, 要平排起支竹上面

教完佢地紮竹之後...到吹脹個黑色垃圾膠袋, 其點先可以保持住佢吹脹左既狀態黎綁起佢呢==.==我一直都唔識, 不過咁arm又有組仔做到喎, 咁我就唔理啦xd落水玩下, 走去隔離組hae下, 同班莊友吹下水xddd直到佢地紮完先番黎一齊玩xddd

呢個竹筏環節, 都唔錯, 有得落水玩, 又真係ok好玩...given隻竹筏夠堅固既話, 我果組果隻好似玩左陣之後就甩左個膠袋, 玩多陣又甩多個...不過都算撐得耐架啦...阿亮果組隻筏就最堅秋, 用膠樽同竹砌左支"長"出黎...爬到勁遠=.=..

當四隻竹筏都散曬之後, 大家開始攬住d黑色膠袋玩飄流=.=....

玩到一點幾就散啦...大家執埋野上去沖身...member通常都比錢附近士多沖...我...就梗係出去公廁啦XD, 雖然無得兜頭淋, 但係我開住條喉, 然後用隻手禁住個噴頭, 起對住自己個方向漏個窿仔出黎, 射去邊度都得

沖完身, 番去幫佢地執下竹....四隻竹筏...睇班helper剪繩剪到傻左...

上小巴...番到西貢之後再成組食餐飯, 就番屋企啦

總結黎講...我呢個組爸好似無乜做過野咁XD...我到而家都唔係好記得組仔D 名XDDD

唔.....即係呢, 平時既xanga已經夠無聊...呢兩日既xanga, 感覺上, 比平時果D更加無聊=.=我又唔係認真講個camp玩乜, 又唔好係講自己講乜=.=...

夜晚晨咁早就訓埋

0645..起身..幾經辛苦, 0713終於出到門口..0730行到去Swire Building..

無人..尋晚Ringo仲話0715等=.=...”認真你便輸了”

等多陣..開始有helper黎喇, 原本仲諗住起Ringo番黎之前食個麥記早餐先, 點知都係趕唔切..不過好彩我黎時候買左兩支葡萄適, 一路行番黎飲左一支..預計到要起0進食既情況下進行大量搬運工作..

司機083x先黎到, Swire呢個咁騎呢既地方, 無swire人指示真係幾難入黎, 正常人都會一野衝左上橋..咁就..7左喇..

Jimmy起我地由soc房搬曬所有野落地下之後先至出現..唉=.=不過都好既, 有佢點算一下..

果架尾板貨車坐得果兩個人..(唔計司機..)..我同Ringo跟車..兩位helper就要自己搭車入黃石..真係慘..

其實跟車既..可能仲慘sosad..由於之前個joint U camp..因為八號風球中途cut左..有d campfire 物資/竹係起UST度..所以入西貢之前我地仲要起UST搬一搬野先..UST擺放物資果個”地方”..或者, 我稱之為一個山窿, 完全就係用黎拍戲既地方..好似成堆工業廢料擺起果個位..得我同Ringo兩個人起果堆廢料尋找番d竹同木出黎..熱到我連衫都除埋, 果一刻我完全變身成為一個搬運工人..從後趕到幫手既Billy同Sharon都睇到O O 地咀..用果架由SU借番黎既手推車, 將竹同木由LG4搬番落LG6..掉轉黎落, 等架車唔好飛得太快..我有幾下feel到d竹好似想插穿我個肺咁==.==

黎到UST之後, 改由Sharon跟車, (聽聞中途都有唔有問題..例如果架車過唔到北潭涌個管制站..明明Hilda就叫左海下士多個老細同我地搞..仲有..去到黃石要比錢司機架麻..成六百幾七百蚊=.=..)

我同Billy同Ringo自己搭車入西貢..成1030先去到..完全唔需要參加購買小組物資既過程=.=V..同ringo去麥記食個飽飽早餐, 再去惠康買支1.5L寶礦力..番到巴士站既時候剛剛好趕到1100既巴士

我果組個其中一個mainland無黎..另一個mainland夜晚先入黎, 我諗應該係唯一一組可以暢談廣東話=.=|||

上到巴士又round table多次=.=..不過我真係記唔到咁多名=.=||||

一路相安無事..入到黃石碼頭, 再入到灣仔..

搭船入灣仔真係好奢侈..由西貢出發, 5.8搭94, 再比15蚊搭船..成20.8..但係搭小巴入海下只係10蚊者..平左一半..不過代價就係行半個鐘..

肯比錢既話, 灣仔南真係..稱得上係一個豪華營..水源充足到連沖身設施都有, 個廁所近到一分鐘就行到去..星期日仲會有神秘商人出現賣汽水..

入到去, 第一件事係起營啦..我地行社唔係應該有好多營繩架咩? 點解無曬既? 點解要我地用麻繩既? (不過仲好..我其實一直都唔係好識用營繩sosad sosad sosad..用麻繩咪仲好, 營釘落唔到地既話, 拉去棵樹度就得喇, 勁方便)..同組有JJ, 有George兩位組仔..都好有經驗, 得啦, 其實都唔駛我教..只係..起一個無營繩既情況下..其實46莊既莊員識唔識點起架呢=.=?

兩個蒙古營, 一個A字營..是但啦..反正我都唔鐘意起個營入面訓..起黎都係比人用架者..

食lunch..我真係無咁好胃口食生命面飽=.=..食左一兩塊就算喇..都係飲自己支葡萄適好

跟住..有D時間, 又未開始mass game..就教下campfire songs先啦..老實講..唱左咁多年..真係..有D悶=.=..

教左陣..就去玩mass game..呢個活動..堪稱我最討厭既集體活動..唔係hold game / mc既問題..而係mass game本質低能..我真係未玩過好玩既mass game=.=..第一個game又係heart game..玩完之後我以趕牛/睇住D營為理由行開左XDDD, 點知番到黎都仲未玩完一個game..結果又要一齊玩打電話..打完電話之後mc一條常識題..我問左what is jiu yi ba..

“九一八事變（又稱瀋陽事變；日本稱滿洲事變，因中國東北舊稱滿洲）指1931年9月18日在中國東北爆發的一次軍事衝突和政治事件。衝突雙方是中國東北軍和日本關東軍。”

無人答到=.=..連mainland都答錯..答左盧溝橋..

當然無端端我都唔會識得拎九一八出黎問..係咁arm尋日聽完龍應台個talk, 食正九一八果日..

最後玩猜包剪dup夾衣夾..我都夾曬衣夾諗住玩架喇..但係見到自己班莊友全部都企埋一面唔玩, 就梗係唔玩啦XDDD

玩完mass game, 玩treasure hunt..好彩我唔駛跟組跑者..但係就要去一個舞雷公咁遠既地方做checkpoint holder..1608, 坐到1800..戇居居咁..

唔知點解我果組咁勁, 玩treasure hunt嬴曬@@..我更加估唔到..獎品竟然係要輸左果組同我地起backwoods cooking入面燒埋雞@@..作為一個組爸..我非常滿意..唔駛辛苦丫麻..之但係..燒雞呢個..簡直係backwoods cooking既靈魂活動, 竟然比左人, 又覺得爭左少少..我覺得呢, 獎品, 如果係一支冰凍2L飲料, 應該會開心D

而同我果組燒埋雞既果組..即係魚+queena+debby果組..就慘啦..要燒兩隻雞..

原本有多樣指定菜式, 又菠蘿飯, 又燒面包..不過olivia組媽話要撻皮唔整XDDD結果我果組既backwoods cooking淪為一個BBQ活動sosad..金菇呢D野..平時都會整架啦..唯一有d backwoods cooking既…得番薯仔蛋同洋蒽蛋=.=

夜晚差唔多八點..浩賢帶埋庄舒婷..同埋一支1.25L可樂, 六舊三文魚壽司卷, 一塊三文魚扒入黎..起果個缺水既地方..果支1.25L可樂..真係..好飲到呢..

庄舒婷黎到之後..開始要雙語頻道=.=..佢又係北京大學黎既=.=..忽然之間發現呢個世界好多北大學生=.=…

燒到半路..Ringo開始砌campfire個火..佢淨係帶一個helper過去西營地砌..過左陣我叫埋Sharon陪我出去睇下佢地搞成點, 老老實實, 兩條友出去行, 真係淆淆地底, 今日初一, 0月光, 望下身後面, 真係..伸手不見五指果種黑法..西南兩個營地之間明明相隔唔遠, 唔知點解就覺得行左好耐先到..

去到西營地, 見到Ringo砌個木塔..砌完, 推林佢, 又再砌過, 在場既四個人都只係見過人地砌, 無落手落腳砌過既經驗..都唔知work唔work..最大問題係, 砌完先發現..跌左支火水=.=..沿路番轉頭搵..幾驚搵佢唔到呀..

番到去, 叫d組仔女執好埋D野, 就行番去西營地campfire啦..見佢地用毛巾黎點火水黎燒, 都ok既, 個火都燒出黎個形都唔錯..

唱完campfire burning之後就比Ringo拉左用水桶去斟水, 我諗住用架車仔黎運水會好D啦..點知..起廁所運水番黎, 條路dun到七彩, 都未番到去西營地個門口都搖到無左1/4, 臨到門口仲要倒瀉水..結果又要番轉頭再斟過, 今次放棄架車, 兩條友一齊搬佢番去..我都懶得經過門口咁行番去, 穿過中間個樹林入去..不過都用左唔少時間..番到去都唱緊Go Round and Round the Valley, 跟住到Baby shark..跟住完埋..

事後聽Debby講話, campfire途中, 因為太大風太大火, 吹到燒埋一面, 搞到圍唔到圈圈..云云..

跟住到夜行, 又無端端比Ringo捉左去其中一個checkpoint..無聊到震左=.=..

夜行完成既時候都一點鐘lu..

番到去campsite, 煲埋浩賢帶入黎既兩包湯丸..吹左陣水..先走入個營訓覺..訓得一兩個鐘..聽到出面queena/billy/debby/薈打地鋪咁訓緊, 又咁arm果度仲有一個位, 就梗係走出去訓啦..聽下佢地圍插呢個o camp..插到差唔多天光先訓覺=.=.

剛剛去完龍應台大江大海1949個talk番黎...

1. 原本都有D猶豫買唔買好, 聽完之後, 覺得都係買左好

2. 遲D, 等我問下老豆, "點解...當初就只得你地幾兄弟...走左落黎香港既?" 先

3. 入左黎HKU咁耐, 第二次親眼見到徐立之真人

4. 為左去下莊個campfire practice, 加埋為左聽個talk, 搞到十點幾先食飯...因為...我真係好驚去到無位坐

---我是分隔線---

今日我同浩賢講..."之前果年有一個sem走左...今個sem, 當補番lor"

(比下莊見到呢句既話...係咪會chur死我?)

---我是分隔線---

其實, 我覺得, in some sense, 我大學既生活...想達到既野, 都達到喇

---我是分隔線---

聽日去下莊O camp...

---我是分隔線---

今日我delete曬所有SMS...因為...我有少少懷疑係大量既SMS搞到部電話咁慢=.=

Fuzzy system and neural network…睇明左back propagation, 好似都係不外如是者

星期四fuzzy後既一個鐘gap位, 例牌去103打Warcraft…

IP, 例牌…無心機聽書…

先搵到Theodora幫家姐交收一D野…再搵到陳鈺龍一齊食飯…CYM既飯, 老實講, 真係麻麻…跟住…去312 hae下, 指下比佢睇我個locker起邊…番去CYM行社個counter hae下…睇住人地食下tea…跟住去見Philip Pong

Philip W.T. Pong

BEng(EEE) HKU, Ph.D. University of Cambridge

Assistant Professor

Research Interests

Spintronics, nanobiotechnology.

Dr. Philip W. T. Pong received a B.Eng. in Electrical and Electronic Engineering from the University of Hong Kong (1999-2002). Then he furthered his education at the University of Cambridge and obtained his Ph.D. in Nanotechnology in three years (2002-2005). He was awarded full scholarships for both his undergraduate and postgraduate study. Since receiving his Ph.D., he has been working as a postdoctoral researcher in the Magnetic Materials Group at the National Institute of Standards and Technology, developing ultra-sensitive magnetic field sensor technology……..

其實佢係咪去physics department會好D=.=? 同埋我好似唔係好睇得出佢同neural network有咩關係…

同我一齊做呢個topic既仲有…Wong Tsz Hang? InfoE-III

“拿你地兩個, 一個做恆生旨數, 一個做美國Dow Jones, 你地傾掂佢”

“其實上年都有兩個Master Student係做緊架喇, 你地做既野呢, 就梗係base on 佢地既野再做上去啦”

“核心果部份呢, 你地兩個可以一齊做, 但係…你知啦, 兩個市場唔同, 一定要有D野fine tune一下, 果D就自己搞掂佢”

“我要求呢…12月, 寫好份report既第1個chapter, 連大綱我都同你寫好埋架喇”

“三個禮拜後再黎見下我, 兩個一齊見啦”

“呢排番去…學下用MATLAB寫Neural Network先”

番到屋企, 老豆又叫我去伯伯屋企set router set printer…去到…其實佢屋企就得果一部電腦係需要上網…整router黎把鬼咩…printer… download個driver都鬼咁耐, 得果50K / s…等到蚊都訓….download完之前…我都走左luXD 淨低果D, 氣, 其實佢D細路都form 4/5啦, 仲駛我去整咩…佢地都識架啦…

訓到十一點幾先起身....番黎上一堂2302就完...P.C.Chui話要補課wor...好lor...補lor....

行到開心公園見到donald...比佢扯左去上0230 tutorial=.=....上左陣...去食個tea當食lunch...跟住上knowles 9/F 交exchange report...

真係麻鬼煩, 上個月已經send左比佢架啦, 而家又話要交hardcopy...跟住又要唔話我知佢地搬左去Global Longe...入到去...搵到我要搵既人, 交左佢, 拿拿臨就想走啦...點知臨走前比最大粒果個捉住左我...問我寫左Thank you letter未...頂....咁鬼麻煩架...仲要指明係中文版既thank you letter =.=....

"遲d呢, 阿蒙生可能會黎visit HKU...咁到時我地會搵到學生去同佢傾下計, 可能會搵你啦"

..............................

唉, 算啦, 我去exchange已經叫做無其他人咁麻煩, 唔駛交咁多reference letter...又唔駛按金又乜又物...而且又受左人地錢財, 做番d野都應該既, 鞋鞋...

跟住番去312打DotA=.=......

六點鐘行社O camp briefing session....終於有機會一嘗做組爸既滋味...(上年engine O day都做過啦) (O day得果一日, 邊有癮架!), lala同olivia做組媽, 組入面有個有山藝三級証書既人@@....仲有兩個mainland=.=...

等到組組都傾曬所有野, 再執番去曬D檯檯凳凳, 都八點鐘lu...同ringo, la, billy, 亮落去西寶城食飯, 落到去咁arm撞到debby同匯(定薈?)佢地又係起味千拉面食完野=.=....起味千拉面吹水吹左好耐....直至到ringo話佢好似發燒=.=...

唔係下化=.=.....o camp onday 黎玩流感sosad?

巨爵做得好, 李氐力場都擋佢唔住, 打左咁多次風, 終於有一次打到唔駛番工番學啦~~~朝早四個鐘既lecture全部cancel...巨爵well done!!

一點幾出門口...去北角買左兩條牛仔褲先番hku...(點解要係北角..?) (係lor點解要係北角既?) (er...果度比較多掛...) (er...咁上次都係起果度買丫麻..)...淨係買牛都買左四百蚊, 我都真係好少可咁大手筆...

番hku...去312執一執java 份功課...尋日發現有d問題, 跟住去su can食個tea當lunch...再去T6聽Destche Bank既recuritment talk....我都係想報下intern仔者....不過又寫住咩GPA > 3.3, 頂你丫, 雖然我係爭0.04, 我都會照報既...聽左兩個staff既sharing...其實都無乜用...主要都係自己落去問下起IT and operations department做緊野果條友...不過我又諗唔到乜野好問...都係聽人地問下算...

最深刻既一句: Perl is everywhere.

(頂, interview果d野又唔見你聽得咁清楚, 聽埋d咁technical 既野都唔知做乜)

跟住去睇下下莊既counter...去312 hae下...番歸lu

成晚流流長...想試下寫隻8 queen problem既javascript game出黎...想試下用黎擺上facebook度...=.=

同尋晚加多一兩句...我又估唔到, 一d我講過既, 甚至連我自己都唔記得左既野, 人地會記得wor @@..

番到屋企, 聽到阿媽話佢收衫果陣, 支long衫竹斷左, 我果件成日著既黑色恤衫, 同埋深色牛仔褲, 已經隨風...飄到佢地生命既終點....再見喇!!!(狂哭中)

今朝嘗試同阿媽落三樓問下...見下阿戶主有無見到平台上面有我地既衫...佢話無....唉唉...

同阿媽搬埋支long衫竹番屋企...就番hku喇....

1130番到...先幫阿joe問下買samsung netbook既野...跟住去幫hilda 開counter....食個頹廢cym 油雞飯, 就去上marketing....仍然係果種感覺..好似聽左好多野, 好似有d道理起入面, 但係真係唔係好get到....

開始上堂之前搵夠groupmate喇....隨左ki同偉明...一個LLB..一個BA...仲有兩個BSc?

"engineering students can divide problem in to smaller parts, and finally become a point.... business students build up a bunch of problems from .... nothing! That's the difference~ haha"

我諗Baniel都算係能夠同時代表engineering同business student...

跟住上management....ZzzzzZZzzzzzZzZzZZZZZzzz...唔係個lecturer既問題, 我覺得佢present得唔錯, 我覺得完全係topic既問題...scienctiftic management, administrative management, contingency management, 6 principles, 14 rules....真係悶到抽曬筋嘔曬白泡...完全, 真係完全無興趣, 好難得搵到一個course, 我係要比-100個興趣佢...

跟住...又走左Java...無辦法啦...呢d course真係好難唔走...走左黎312打xanga...睇下course selection report...前排drop 1003 add 2802, 起add drop 完結之時竟然TW番我...!!!! Alex Chan教, 疑似唔錯? 我見阿四xanga話佢係"見過最好既lecturer"云云....

去上IP…呢個course…我諗同management差唔多, 真係對個topic無乜興趣, 死捱死頂左半堂之後, 頂唔順, 訓著左…

Pretrip

原定八點半入到西貢巴士總站, 相信下莊都意識到定八半呢個時間真係無乜意思, 起呢個無乜人會上八半堂既世界入面, 八半入到西貢, 比要求GPA爆4更加奢侈…

所以轉左九半, 不過九半仍然係對人類隋性既挑戰, 以我呢個西環人為例, 七半就要出門口…用左一個鐘搭113, 好唔好彩咁呢排特別多人入西貢沙灘(咁多人起西貢浸死都仲係咁多人去…), 成條西貢公路勁多私家車…你知啦, 單線行車, 一有紅綠燈即刻停曬…92號巴士好似有入無出咁, 等左廿幾分鐘先有車黎, 事後聽同車既lala講, 佢話起總站上車都要企lor頂…我等到白沙灣先有位坐…

0945先去到西貢, 同lala同屬亞軍, 真係犀利…原本話去麥記等下先, 不過太多人, 連埋iris移師至小巴站旁既茶餐廳…等到Debby, Hilda, Olivia, Sharon, 單同學, Ringo (排名已分先後)黎到..上11點開出既94.去黃石碼頭=.=|||

上次同佢地黎行灣仔好似話係定check point…今次好D, 係黎實地講下玩咩遊戲, 但係通通無得玩既=.=|||其實都係圍住灣仔行個圈…同埋講下night walk會點嚇人…

等我諗一次d check point 地點先…

灣仔南營地之一, 玩托水杯盤…跳!
灣仔南營地之二, 竹。坑。爬
灣仔西營地, 井字過三關crossover大電視
灣仔西營地之北, 路邊左旁空地, 飲管…轉!
灣仔南營地之東, 路旁…有勁大隻蜘蛛攔路既空地, 繩網運人

Night walk 嚇鬼熱點
灣仔西營地女廁
灣仔南營地雙渠…(頂我相信呢個真係勁恐怖, 根據Debby所講, 通常撞鬼既都係OC而唔係participants…)
灣仔西營地北, 路邊右旁空地, 沿繩行
某某某, 長竹crossover雞毛掃
某某某, 水鎗

無喇我係記得咁多者…

跟住出去海下紮竹伐…所謂既竹伐就係田字形, 加多四個脹左既黑色垃圾膠袋…咁就玩得, 比起當年我同樣係起灣仔/海下玩既竹伐簡單10倍=.=…九個方個, 雙套結x n, 搞掂=.=...睇住佢地出海…我都唔想落去架喇…廢鬼事濕身, 後黎又叫我拎條繩落去比佢…實情就想掟我落海, 哼哼, 我無咁好蝦既, 最終都係比我企番定定, 無事!

呢個簡單版既竹伐, 睇落都幾ok, 起淺水地方連救生衣都可以慳番

上左海下小巴之後就開始落雨, 非常好彩…唔落車, 直出到彩虹, 得番我同Debby同Ringo食飯, 又係去左牛馳灣鄉個牌入面果間大排檔, 出面狂風大雨, 我地坐起入面有安樂茶飯食, 真係幾好feel

聽Ringo講左好多佢地莊既野, 又聽Debby repeat下佢段情史sosad

兩堂marketing… strategic management…
分開做三個層面, 最底層marketing management, 就真係4個P啦, 上一級, 即係睇既野要闊D, 真係management level既人做既, 就係strategic management, 再上一級, 去到director level喇, 就係…咩話? 唔記得咩management喇

BCG matrix… aka Growth-share matrix… “呢個matrix淨係考慮growth 同share, 其實都無乜用”

上左兩個鐘, 都唔係好知自己聽左D乜…係聽左一大堆公司既營運例子…不過都唔係好get到個point起邊…

去swire building 二樓食下新開果間中東野
價格偏貴…但係又食唔飽…

同ki一齊去university bookstore睇下書…唔係佢講我都唔知MIT本introduction to algorithms出左3rd edition…起教dynamic programming, recurrences果兩課用既examples好似唔同左…仲有…作者都明白Fibonacci heap呢家野真係無乜人會教…

上1007…真係…得罪人都要講句, 我堅係覺得呢科係垃圾…
個powerpoint同學生手上果份都唔同既, 上堂猛抄猛抄, 得一半時間係聽佢講野..僅憑我果一半既時間, 我覺得呢科真係幾垃圾…完全唔知讀黎做乜…

走左一堂Java…無辦法啦, 反正我去到都唔係聽書, 不如起.NET hae下算啦

不過5點果堂java tutorial就走唔到啦…assignment 1 出爐, 好簡單者, 離開312之前已經submit埋

唉呢鋪真係奶野, 原本take左BUSI1003, 後黎諗諗下都係drop左佢take FINA2802…點知TN左…收皮, 可能都係等下個sem開sem先算

九半上neural network, 全程用matlab黎demonstrate perceptron learning rule / back propagation..

幾乎所有CE人都有take呢科=.=..上完堂又去左103打DotA=.=||||||

1140去上IP…我已經好努力咁聽架喇…都聽到一半既…

出番黎經過開心公園, 見到吳藹儀, 劉慧hing講野, 搞到我要企起果度一路食starbucks火雞芝士三文治一路企起度聽…topic係圍繞住內地維權運動…劉慧hing講野真係好有火…吳藹儀講野有D語重心長…唔..不過, 聽完之後, 都唔知可以做到D乜…中國內地既政治生態, 我最多..咪關心下..係咁多..

去.NET..又打左兩鋪DotA先走=.=…

途經三聯, 見到龍應台本大江東去一九四九出版喇, 即刻拎黎睇, 一睇就睇左一百頁..

“在那個年代, 任何一個決定, 都是可以影響一生命運的決定”

就算係我老豆阿媽都經歷唔到書入面描述既年代…最多只係聽到阿麻講果個年代走難點點點點…好似好簡單既兩個字”走難”隱含左唔知幾多個傷口起入面…

“沒有座位, 只好坐在火車頂上…年輕媽媽在車停下的時候, 放下兒子到火車軌兩三步以外的地方小解, 剛剛站起來, 火車就開出了…無論她怎樣追趕, 始終跳不上去…”

當然書入面唔係我呢D咁爛既文字…有D位真係睇到眼濕濕…

見到一本講下當今世代一D人既分類方法…例如毒男宅男干物女之類, 其中一個叫做草食男, 呢個都唔係咩新名詞, 早半年已經有新聞提過, 果時只係當係一D唔主動追女仔既人…

“日本某網站上列出了評定”草食男”的七大準則:

1.      更喜歡呆在家裏多於街外, 就算出街都會去安靜的地方如咖啡室

2.      心思纖細, 性格溫和, 不太有自己的個性

3.      每天的心情都是平穩, 沒有熱情及明確的目標

4.      對戀受態度不積極, 碰到適當的女生也會想到隨緣發展而不是追求

5.      對現時生活不滿意, 會慢慢等時間過去而改變, 而非主動尋求突破

6.      和其他人一起做決定, 例如吃飯, 多數是聽人意見而行, 不會有自己意見及堅持

7.      不想花時間和精力與人交往, 一個人也會覺得快樂, 熱衷於不需和人溝通的活動

如果你在上述最少三條問題中回答是, 你就是標準的草食男!”

按照上面既definition, 我都幾sure我係草食男喇咁

去到屋企樓下, 先五點鐘…估到阿媽訓緊覺, 廢是叫佢開門比我…於是起堅尼地城遊盪左一陣…行左半個鐘先發覺, 原來堅尼地城多左咁多我未見過既店鋪/地盤…真係死火喇, 越行越有種陌生既感覺…

黎緊國慶六十週年閱兵…呢排亞視新聞成日影住D士兵操練…老實講, 我寧願班士兵做第二樣野喇, 花半年時間黎訓練, 練到100% synchronous喇, so what? 簡直係浪費青春浪費人力物力…

凌晨四點幾比個電話整醒左...叫我幫兩個人報通識毅行...咁arm我個電話就擺左起床頭....但係..明明較左震機...點解我都會醒架呢...?

晨咁早八點幾起身, 為既就係九點鐘去到kk leung門口報通識毅行..都唔係話淨係同人報既...自己都想報...不過去到先知原來一個人除左自己之外, 只可以同多一個人報....唯有託排起我後面果個人幫我報埋啦...

可惜唔係坐起2號counter果個姐姐幫我報名XDDDD

總共要交600蚊報名費, 300蚊按金, 真係一q清我袋...

九點半報完, 但係1240先有堂上, 於是去左ip lab, cap番尋日無cap既圖....享受下一個人霸曬部機既快感xdddd

1240上2302...呢科真係要聽書lor....唔聽書齋睇notes既話真係完全唔佢做乜...(不過通常D CE人都話呢科唔駛理...)

上完堂走去lab hae下..等到陳鈺龍食完飯...去左IP lab...將chemix早兩日send比我本biochem既書塞入佢隻手指度...睇左陣佢D CHEM1002 notes...嘩卡卡卡, 根本就係AL physics XDDD 用到line integral黎解釋, 自問有能力睇問佢, 嘩卡卡卡

三點幾出發...去到中環覺得早得濟, 起中環街市隔離間地下機鋪打左鋪新版jubeat...一黎就打advanced 夏祭, A左, 最後一首打expert 夏祭....痴孖筋...完全唔知點打...

1629去到大學站, 剛剛好...同nelson/joe/eva去大埔買之後BBQ既野食....再搭番去中學, 再搭校巴去international house...真係偏僻到呢...

我/joe/nelson/刺身/eva/liu/candy/vsiu/benny/東方/rocky/nelson flatmate x 3

得三個non-CU 人起度...初度我幾驚要三條友自己落山呀=.=.....

果個位燒野食都唔錯, keep住有風, 一D都唔熱......不過係自己對BBQ呢個活動開始失去興趣...燒左四隻雞翼...兩塊豬頸肉, 幾粒丸, 唔燒lu....

老實講, 我對自己吉雞翼同燒雞翼既技術都幾有信心...初頭唔識吉, 就亂咁起雞翼底既肉吉入去, 盡量通過曬成隻雞翼起面既皮出番黎...慢慢學識左起兩舊骨中間sip入去....跟住慢慢烤....比少少耐性, keep住隻雞翼起火既最頂再高少少, 唔好掂到D 火, 十幾分鐘就應該食得

搭左最後一班校巴, 11點離開......12點幾先番到屋企, 眼訓.......

起開學期間入中大....真係...扣曬中大分, 逼校巴真係...好差=.=.....你起火車站等得校巴上去黎...我都差唔多由屋企行到番HKU lu XDD....同埋, 睇慢左HKU既hall.....覺得CU果間i house...真係好無人氣=.=|||||||

今日..都幾chur...

先上兩堂neural networks...講完最簡單果種perceptron....開始講back propagation....之前自己睇書淨係睇明左佢第一份notes既野....BP開始其實唔係好明...不過今日聽聽下...好似又明明地wor...

再上兩堂digital system design...上左一半之後專注力開始下降...一半之後好似都無乜聽佢講乜....其實...上落, 我覺得都ok既, 不過真係要聽書lor...notes真係廢廢地...

同陳鈺龍食個飯....去103 print lab sheet...三點鐘去ip lab...做第一個低能lab....比塊altera版你慢慢玩, 我feel到如果唔係計住曬分又成堆deadline既話, 呢塊版可能係幾好玩既....不過起有壓力既情況之下, 呢塊版就係我既敵人....

剛剛好起六點鐘完成曬成個lab 1, yo!

跟住去312睇chi lam上0320 electronic commerce既tutorial...tutorial做既野同lecture教既野, 0個關係=.=...set up 一個support SSL既apache server=.=....

1845先有hku出發, 差唔多1930先去到Sogo...差唔多啦....

我/chilam/claudia/jenny/添/莫亦行/King...去左銅鑼灣百里鮮打邊爐...猩猩後join...麥記..不過好快又走左...呢排小學re u得幾鬼密, 上個禮拜去左唱k...不過無去到...今日出黎打邊爐...下個禮拜好似又話出黎farewell...farewell邊個話=.=?

搞到0030先番到屋企...乜都無做, 訓覺lu

Marketing, Baniel 講明只要上足堂…class participation都有一半分..夠啦..又無assignment.. presentation臨尾先做, 加一份marketing analysis..好, 一個學期chur兩次就完

Management, Thomas Ng..我頂丫..上第一堂果陣..我完全唔明白D人起度抄咩notes..第二堂做group discussion果陣先明..睇番隔離果位同學, print左出黎既notes, 同佢上堂show果份竟然係唔同既..比我地download果份係要填窿窿..怪不得個個上堂都猛抄猛抄啦..

做完第一次group discussion之後, 無問題啦, 已經form 好左一group五個人

多謝偉明陪埋我同ki上1007 XDDDDD

Management個class participation就係..count 果D group discussion..即係上一個鐘lecture, 做一個鐘class activity咁上下啦, 所謂既activity就係discuss完做mc..真係廢到爆炸..第一次class activity, 就係分辨下..Planning, Organization, Leading and Controlling… (management functions), interpersonal, informative, decisional (management roles) 同 technical, human, conceptual (management skills)

我諗我get到佢教既野既重點, 但係我get唔到學呢D野既重點..
“重點係好緊要..因為無左重點會點呀, 個人會浮 (跌落地下狀)..(下刪一萬字)”

Why Study Management?
My answer is: because it is a core course for a BBA student.
(some more behind the words) If I have a choice, I would not choose to be a BBA student and take such kind of course..

Modal Answer is:
Most people have some managerial responsibilities, most people report to managers

上個星期同北大班人食飯, icy講起xie wei kai上management堂既情況
Lecture: Do you want to manage other people?
Xie: No.
Lecture: ha? No? You don’t even want to manage your girlfriend?
Xie: um…. No.
Lecture: That’s why you are managed by your girlfriend~

好一個lecturer..

上0396, 我拎左本neural networks出黎睇..睇到model 緊一個neural network, 一個識得做classification既neural network, given兩個linear separable既class, 點樣令到個neural network識得self modify黎adapt to the teaching examples.. 即係要搵出一個weighting space出黎..

睇到呢度真係吹脹左, 我完全估唔到vector space 既concept會起呢度用到..讀咁耐pure..真正讀到用番d vector space出黎真係第一次..

上Integrated project..上左四個鐘堂啦大佬, 黎到第五堂..好難再concentrate..

Reply from C.H.Leung

Regarding the double degree, since it is stated that you need to complete the required 57 credits of business/finance courses, you may need to extend your BEng studies so that this requirement is met before you graduate with your BEng degree.

Regarding the BBA part of the BEng/BBA double degree, it is assumed that you must start the BBA part in September. Hence it is necessary to clarify with the School of Economics and Finance whether starting in January is possible. I have raised this question to the Engineering Faculty Office, and shall let you have the reply when available.

之前我直接send email去問FBE, 佢唔覆我..唯有等C.H.Leung親自出馬幫我問啦..

FBE..做下好心唔該, 我唔想defer..

CE開學飯, 14個人去左旺角食沙嗲王, 再去網吧打DotA, 打CS=.=

DotA果D人同招我都未搞得清楚..又唔知買乜野合乜野..真係要搵人教教我先得=.=

CS就..算吧啦..我又唔係玩開既人..我覺得都係iceworld好玩過bloodstrike=.=

去一去exchange, 搞到成個study plan都好唔sure..番intern既時候又無乜諗過呢D問題, 到而家add-drop先黎諗好似..唉, 唔知, 聽到有d double degree人話唔要BBA..又動搖左我少少..不過我都無得揀..同埋..我仲未準備好成為一個final year student, 搵工果方面..好似有D後知後覺, 都係下年grad好D..

唉, 見步行步啦

BUSI 1002..我都唔係好當佢係BUSI course..

BUSI 1004 Marketing.. 呢個就真係喇..個人黎講唔係幾鐘意..做group project好麻煩.. 好彩揀左Baniel Cheung 既subclass, 已經算好架喇..真係估佢唔到..佢undergraduate係讀electrical engineering =.=||||

其實就咁講下, 好似都幾有趣既..

“點解女仔鐘意addidas多過nike?”

“維他奶個形像…起香港社會黎講, 一定唔係差先, 點解?”

我有興趣聽, 但係無乜興趣諗=.=

呢科同偉明一齊上, 咁arm 又有個CS double degree既人黎上..起搵pro-mate呢個問題上面都無咁煩, 咁Q果個CS人又有take 1007 Management..呢個sem既group project..既pro-mate應該都有著落喇..

尋晚上網睇過下business policy 同business law既course description, 我諗我應該會好憎上果D堂..但係呢兩個係core黎既..business policy果D仲要有成兩個group project..我呢..積極研究緊, year 4既時候同FBE講我唔要BBA, 我要BFin得唔得呀? 我呢D, 英文又唔係好, take埋D咁既course真係盞自殺..我寧願take 42 credits 既ECON / FINA 都唔多想take BUSI =.=..

下晝上1007 Principles of Management..唔知點解果種陌生既感覺仲強過我第一次起北大上堂果陣..可能係..起一個明明應該係熟悉既環境入面感到陌生..會更加強烈..

第一堂1007唔教書, 半個鐘就落堂..仲有成個半鐘都唔知點hae好..去行社個counter坐左陣..去department交埋intern report..諗住去su co-op隔離釘裝2302 notes, 等極都係有人用..

四點上Java..全程無聽書, 5點上java tutorial, 全程無聽書

星期一五上marketing + management + Java, 做個必屎人

星期二三四上Fuzzy system + DSD, 做個易叻人

我諗以後星期一五既時間都會特別孤獨..(蹲在地上畫圈圈狀)

上Fuzzy System...繼續講最基本既Neural Network...同Bryan傾開計, 聽到佢話今日夜晚會去Royal Bank of Scottland 果個..."function"? 唔...忽然有d後悔無報到...不過以我咁既gpa, 咁既experience, 咁既ability, 都係當參觀下長江大廈架者...

佢話曼大已經寄左成績表比department而無同佢講...要自己問department先知=.=.點解件事可以咁既=.=

落堂之後中間有一個鐘時間hae, 先去main lib print 埋份intern 既report 出黎, 寫左我成2800字呀...寫完之後都無心機執靚份野, 反正只係pass or fail....今日唔記得帶埋pccw寄黎果封hr letter...用黎証明我起果度番完兩個月工...聽日帶埋番黎影印之後先交啦..

跟住去左312, 見到Barry...同佢吹水吹左好耐, 講下黎緊grad左之後, 前途既問題...讀埋MPhil之後番大陸做?

唉唉...好迷惘...早兩日起eee lab 見到medic eng double degree既人, 好似有少少想拎完engine degree就算...唔...其實我而家都有少少係, take 埋d BUSI 1007 Principles of Management / BUSI 1004 Marketing 根本就係用黎拉低自己gpa...本身gpa已經唔係突出架啦, 仲要比呢兩科衰野咁樣拉一拉, 實行渣都無得淨...今個sem黎講, fyp同ip唔會計落gpa...即係話我只有fuzzy / java / DSD 三科可以用黎拯救gpa...危呀....呢個gpa 仲要用黎搵來年既intern架麻...(如果我唔grad住/讀落去/tran唔曬credits番黎sosad)

gpa唔夠高真係幾大問題, 你睇HSBC, RBS呢d, 請親人都話要gpa above 3.3 / 3.4...擺明就唔侵我玩, 黎緊GPA只會有跌無升..."唔得, 唔得, 點算呀, 點樣令隻雞變做鴨..."

跟住上ip...聽其他ce人講過咁多次都知呢個lecture廢架喇...不過第一堂, 都要上一上既...真係幾廢..

介紹Bryan比偉明識..真係搞到我滴曬汗, 夾起佢地兩個中間, 睇住佢地高手過招, 我想搭句嗲都搭唔到..

落堂去同鈺龍食飯..之後去CYC103 hae..用左Quad Core, 3GB ram之後103就係一個唔錯既選擇XDDD不過遲D等.NET重光之後, 相信大家都係會聚集番起.NET..

下晝無堂上就番屋企啦..勁頹廢..不過我feel到呢個只係暴風雨前既平靜..聽日上兩科BUSI, 下禮拜開始做IP lab..嘿嘿..嘿嘿..

香港大學呢排咩事..全部都係今日既新聞..

香港大學醫學院前院長林兆鑫承認公職人員行為失當罪，被判囚25個月。港大醫學院回應時表示，尊重法庭判決。

港大教育學院外籍副教授涉嫌在校內非禮兩女生，被判罪名成立，判囚9星期，罰款5千元。

香港大學一名文學院學生，疑因不堪考試壓力，導致失控，偷竊店舖物品，被判罰款3500元。

好, 第二日番學, 只係上一堂2302者, 特登早D番去312 print notes, 咁arm就見到chilam同janice起度hae緊..print完notes之後同佢去sit ELEC3401 Advanced Internet Technologies..呢科..之前我諗如我有無限時間同無限credits既話都會take..

不過聽到佢好似會花唔少時間講Quality of Service..對呢味野真係無乜興趣, 雖然起可見既將來佢一定會大行其道..起北大上左果兩堂關於QoS之後..夠喇=.=

跟住去上2302, 我發覺我真係好專心咁聽書@@..有團讀書既火紅紅咁燃燒!!!

跟住去李志雄搵李光浩..拎番上年借比佢既econ書同fina書..跟住過su can搵冷生食飯..順便拎番張U card..吹水吹到下午茶時間..見到chilam佢地黎食tea..就同佢地坐多陣..

跟住去左CYC103 hea..成間lab d機都換曬做Quad Core..=.=||||

其實真係幾唔公平, 我覺得..其實真係可以考慮下更換一下computer centre 既電腦, 或者開多幾個computer centre..好過將EEE lab 由Duo Core 換做Quad Core=.=..我覺得個效益增加會多好多..

番屋企..見膠津upload左以前D 膠片上facebook , 我又跟住upload左D..一up就up左成10條片上去XDDD連Form 5D時候既起壇片都有XDDD歡迎大家前往敝facebook瀏覽

是日九月一日開學日...

唔計暑假番去hku既時間...對上一次番hku我仲係以year 1 既身份...今次再踏入黎已經係疑似final year student...(一日北大未寄番張成績表番黎比我...交比department, 都唔可以sure講tran到幾多credit, 都唔可以sure講可以今年拎到engine degree..)

第一堂ELEC 3503 Fuzzy Systems and Neural Networks...好耐無上過全英文既lectures啦...希望而家聽番多d英文...遲下用英文做present會無咁甩cut啦...呢科係gpang教, 之前都未聽過佢個名..老實講丫, 如果唔係philip pong話一定要take呢科既話, 我都應該唔會take...不過睇落d neural networks 好似都幾有趣既....可惜....應該只係研究院入面先會見到...現實中都唔知有咩applications...

第二堂..ELEC2302 Digital System Design... P.C. Chui教...我聽過所有對佢既comment都係比較negative..所以我對呢科都無乜寄望...又加上佢係core黎既....其實都無乜好感=.=

上完堂之後...過去su果邊搵eva同kenneth...話說佢地起北大識既一位同學Diana, 同埋佢媽媽黎左香港玩, 話要黎hku參觀下...於是就黎左...佢地三個今朝上左呂大樂果堂唔知乜鬼SOCI...=.=...Diana話佢對港大既感覺係..."很有層次"=.=....意思係, 幢幢樓都好高好多層咁解=.=

帶佢地去山道間寶湖飲茶...飲飲下....Diana話叫埋Icy落黎...原來即係下一站港大入面講廣東話講得好準果個女仔...之後xie wei kai又黎埋....真係好笑, 佢過Morrison O camp果陣竟然係kenneth 做佢組爸, 咁包唔會比人harsh 啦

傾開計...講下自己讀乜....果度個個都係social science / art / BBA 人, 得我讀engine...Diana媽媽一聽到我話係讀電腦即刻猛話我如果番大陸發展會好有前/錢途=.=...

"我告訴你, 深圳那間xx, 幾乎只要是研究生都會招攬, 不論你是讀農業還是商業的, 你讀技術的一定沒問題, 而且待偶都很好, 年尾會有很多花紅, 又替你買樓....反正就是非常好褔利!"

比佢講到我真係有少少心思思不如黎緊暑假上去廣州住番一頭半個月, 搵到工就做, 搵唔到咪九月落番黎開學lor sosad...如果我今年grad到既話=.=

餐茶由兩點飲到六點...當中有八成時間都係kenneth hold住咁樣=.=...佢真係..太過願意, 或者話佢真係好希望同人分享佢知道既野喇....坐起佢隔離..我都...無語了....

Diana媽媽呀....佢話一見到kenneth就覺得佢係香港人, 跟住佢望住我, 諗一諗, 就話我似一個內地人..

orz x 2046

比一個mianland話我似mainland, 真係, 果種係咩滋味==.==eva起隔離話..."佢唔打扮下者XD"

orz orz orz

夜晚睇家姐睇Pearl Report, 講中學既生物堂究竟應唔應該講智慧設計論呢? 呢d疑似係宗教哲學既問題, 如果擺落一科科學入面黎教, 係咪...好似賦予左佢果種scientiftic 既意義? 呢個theory真係scientiftic?連有d科學家都話support呢個theory....哈哈...呢個問題都幾有趣, 美國有人打過官司話要禁止中學生物堂教呢個理論添..

Last Day in PCCW

今朝七點幾告士打道爆咸水管, d水浸曬入境事務署對開個巴士站, 東行線全線封閉..可惜我呢排無出門口之前睇電視呢個習慣..唔知道發生左D咁既事, 仲戇居居走左上架18P度..

去到信德中心就feel到唔對路, 塞到黎呢度既? 塞塞下, 聽到後面果個女人講電話講番上面單新聞出黎, 我再用手機上網check下..o m g..

如果我係搭其他慢車都無咁嬲, 一有站咪落車轉地鐵..或者行去地鐵站lor..偏偏18P要去到灣仔先有站, 偏偏灣仔水浸..我無得揀….

平時0748上車, 0830左右就可以落車, 比佢咁樣搞一搞法, 我0910先落車..不過無所謂啦, 反正Last Day, 我得閒到去大家樂食個早餐先番office添

番到去, Karen終於番黎坐番佢個Hello Kitty位..而我同Jason..終於都要比人掉去果個秒毛仁焉既地方..簡直係可以用曠野黎形容..好彩我至係起度坐埋最後呢一日咁多..不過Jason就慘喇..我走埋之後更加無人陪佢..

Iris見到我第一句就係話.: 你今日都係番黎hae架喇..鐘意既咪做埋IT tool request..我梗係話唔鐘意啦XDDD結果我真係成日都無做過野XDDD

1215食飯, iris請我地去銅鑼灣伊波呂食日本野..@@..日式燒牛肉@@..正!!不過堅係貴, 食果度一碟前菜, 一碗蒸水蛋, 一個味噌湯, 一個魚生飯, 一碟牛內, 要90蚊..總之就..多謝iris啦!!!

番黎繼續hae..下晝三點鐘左右開始睇wisenews..見到龍應台就黎又有新書發佈啦!..大江大海1949..上次佢起main lib 發佈親愛的安德烈..因為番公文式無去..今次..我唔容許任何野阻止我!!

睇wisenews睇左兩個幾三粒鐘..到六點鐘就正式散水啦..

偉明同why同network team D人係咁影相..我就..淨係同iris影都夠喇=.=Angela都唔知起邊..Ken今日行過見到我果陣..問一句..”咦你今日最後一日?”, “係呀”, 跟住又走左喇..Karen我又唔識=.=..都係算吧啦=.=|||

番工最後一日, 終於有屬於自己既位=.=...之前一直都係坐起Karen個位度...

......上面兩位同事, 我就唔介紹喇XDD

搭地鐵去到上環地鐵站, 一口氣買左10對襪, 打後幾年都應該唔怕無襪著..

暑假臨完之前行番次山攞番個尾彩

九徑山, 屯門以東, 同青山遙遙相望, 搭車行過屯門公路, 臨入屯門之前果段望到果個應該就係九徑山, 同青山一東一西咁將屯門夾起中間, 一路上山有唔少位可以睇到屯門全景, 到頂之後可以遠距離望到天水圍同元朗

約左九半起屯門市廣場間麥記等..我0825先上電車, 0840去到皇后街上960, 0910就去落車啦@@..真係激快, 証明我不受971/904轉西鐵呢個方法既誘惑係arm既, 今朝都唔知咩事, 電車都未見到就見到971/904..

起屯門市廣場搵左好耐先搵到間麥記..我都0938先搵到間麥記, 竟然係第3個到既人..唉唉唉唉唉唉唉唉=.=..

1030出發, 未上山先起屯門盪失路-.=|||||

起麥徑終點逆走..去到屯門徑起點, 應該行一陣就轉入上九徑山既路..不過我地全村人都miss左, 都係matthew犀利..中途截停左..研究一下個方向..又係wor, 我地行條路應該係perpendicular to 屯門既中軸線..但係行黎行去都係..parallel既?

於是行番轉頭搵路啦..搵到條方向arm既路之後, 就衝上去啦..不過搵到果條路都未必係地圖mark果條路..呢段路..正常上山既路..

直至去到屯門徑果個九十度轉彎位, 電塔下面個亭..果個時間係十二點幾..我地坐低食野..呢個時候天空有幾舊烏雲..只係叫做多雲者, 落得果幾滴雨, 但係就行雷閃電..(會出事!?)..當我地望住我既將要行上果個山既時候, 一條白光從天而降, 一秒後好似爆炸咁聲, 唔係講笑, 大家都嚇到淆曬底..唔係要行上去下化?

早排睇新聞..話北京就係有個人行長城行到五雷轟頂額頭穿左個窿再跌落山崖全身骨碎死..

諗諗下, 又轟轟轟轟多次..大家全部都走番入亭, 從長計議..

不過最後都係繼續行..九徑山, 九龍坑山既fd黎..983級無限樓梯(對於一個行緊山既人黎講, 983已經係無限大架喇..)真係行到呢..差唔多每一百級都有人起樓梯級用噴油噴左你行到第幾級..對於D體能差D既人黎講真係一種節磨黎..即係, 有D行到第200級已經想死既時候, 仲要話比佢知仲有七百幾級, 佢真係分分鐘碌番落山算..不過..我諗都無乜幾多個人行山之前會咁樣做功課法, 連幾多級都睇埋..

話時話, 九龍坑山有幾多級我都唔知..(反正我又未行過XD)

歷盡千辛萬苦終於到頂, 去到直升機坪..睇住班下莊起度研究點樣用三點定位法..睇左勁耐..

跟住就落山啦..九徑山落去..但係唔係落麥徑, 係落黃泥墩水塘..拿講真, 行完無限樓梯之後已經收左大半皮, 九徑山落去果段..完完全全咁收左我皮, 我堅信佢真係比山火燒過黎, 個山光禿禿, 全部都係沙同碎石…又上又落又上又落再上再落勁上勁落..真係呢..係純體能既較量..

行到最後真係無乜心機行=.=|||帶左1L水去全部飲曬仲要問人拎兩啖黎飲..真係..chur死左

行到黃泥墩水塘, 算係終點啦, 雖然仲要行出去大棠, 但係全平路, 得少少樓梯

大棠搭巴士出番元朗..起元朗行完山我例牌去食B仔涼粉..不過呢, 其實我對涼粉都無乜興趣, 下次都係叫B仔啫喱

食完就番歸啦..一上968就訓著左, 犀利到起西隧口自動醒番, 時間剛剛好

番樓下再去榮記食碗蠔仔粥先上樓

今朝Jason同iris做PR7..我就..擔住研究blackberry既大旗起度hae..我都就走..都廢事比野我做..

部blackberry..都..幾好玩, 隨左上網速度爭少少之外(我係咪間接拆緊我公司個招牌?)..個keyboard..細得黎又唔算好難禁, 果種size黎講算係可以接受架喇..

夜晚同黎漢中/何文津/嘍囉..又去左遊食吟嚷居酒屋..嘍囉去德國既一餐farewell飯..雖然係貴D, 成200蚊..不過真係幾好食

嘍囉, 一路逆風啦~

朝早cap圖, 係cost termination project 2nd edition既圖..最快都要下個星期一先有user comment on CT2同PR6..即係話..我跟呢兩個project黎到今日, 終於要告一段落喇..

有時間既, 就接手D 零零碎碎既task..比你揀..你會想click一個button, 然後彈個pop up window出黎比你起個calendar 上面揀日期, 定係比三個pull down menu年月日你揀? Kyle用左後者..唔知係咪user用過反應好..竟然有人打算將所有pop up window 換成pull down menu..問題係..成個system入面有過百個頁面..用notepad++ 一次過search曬n個folder唔係難事..難係難在要逐頁逐頁話比人知點樣起主頁click 入去..好彩iris幫我推左呢個task者@@..

下個..超過癮, d businessman 勁鐘意用blackberry黎check email, 咁淨係check無用架, 如果個email係徵求緊你既approval, 當然最好就即刻approve埋比人啦, 問題係blackberry既browser唔係IE唔係firefox唔係chrome唔係opera..對javascript既support有限, 為左確保佢run落唔會有問題, 要將所有client side既script變曬做server side..

轉script呢個過程真係一D都唔好玩..不過有blackberry玩下就算啦~~~~

番多兩日就走啦~

寫code, 真係無乜野好講

雖然可以詳細講下我今日寫左咩code, 但係我覺得寫呢D野比起我平時既xanga更加無聊sosad..

過多幾日就可以結束呢D生活啦..

連續三日都食左一個接近廿蚊既早餐, 健康到呢..

但係呢三個早餐都有同一個特點..一係就煎雙蛋, 一係就炒蛋, 日日咁食法真係會膽固醇過高死..

呢個密密麻麻既time table..鞋..

尋晚同人講起咩叫DDR..好簡單咁答佢話係ram既一種..唉唉, 上完北大個2401我應該有能力好精準咁講得出DDR SDRAM每一個英文字母既意思..