http-equiv="Content-Type" content="text/html; charset=utf-8"> name="ProgId" content="Word.Document"> name="Generator" content="Microsoft Word 12"> name="Originator" content="Microsoft Word 12">

呵呵, 原來redfire08係你, subscribe左我咁耐我一直都估唔到你係邊個

全日改code..

隔離Jason全日都係負責解決special character既問題..完全feel到keyboard唔夠character用, 如果可以整多幾款quote..例如special single quote, special double quote專係寫programme用咁你話幾好呢, 咁就唔駛煩啦麻..javascript又係低能既, 斷行都認唔出!?

咩nl2br? 都唔知乜鬼黎..

(其實我真係唔expect一個女programme會整粉紅色既水晶指甲..(既同時係著住一件全黑色既衫..))

今朝早真係勁唔gur, 我番工番左咁多日, 好似得兩日唔係搭18P番, 對於0750同0800黎到我樓下果架18P簡直係liu魚子醬, 有乜理由, 今日我0749落到去, 架18P已經走左架?! 我起度要嚴重抗議果位巴士司機早左1分鐘出車呀下, 咁樣既服務態度邊得架!!!

轉個頭望到5X就到, 就上左5X, 大會堂轉720P..4.4+6.5..貴到喊..雖然5X慢過18P..但係搭上720P之後, 簡直係無敵..可能搵日..18P+720P..5.2+6.5, 用11.7呢個價錢由荷蘭街去到太古城, 6個巴士站就到, 時間就得arm既話, 就算地鐵西延到黎堅尼地城都未必快得過呢個配搭

嘩唔經唔覺黎到暑假最後一個禮拜, 如果將呢個暑假同exchange period同上個暑假一齊計埋, 相信呢個period都係我人生入面空前絕後咁長既一次撻皮period, 真係可一不可再呀..

拿, 上個禮拜五搞唔掂單野真係..唔係好算關我事..

雖然我承認有部份係因我而做成sosad

今日成日除左debug之外, 就係除蟲..

無啦, 黎到最後一個禮拜(下個禮拜一我唔expect會有野做), 心態上已經開始撻皮..番工睇曬yahoo news之後唔夠喉仲要睇埋wisenews, 我係無聊到要睇wisenews..唔, 我覺得我呢個無聊活動都唔錯

靜靜雞將cost project 既spec同埋UAT user guide send左去自己hotmail, intern份report, 就靠曬佢地喇..report要寫2500字, 我淨係份spec都4700字XDDD全部都係我逐隻逐隻字打出黎架XDDD

諗到樣野想講, 話說我起電腦展買router既時候, 行到去d link個檔口, 貼曬成堆poster出黎講d router既價錢, 個個價錢隔離都有個向下既箭咀..我同膠津行到去, 膠津指住其中一個router問幾多錢, 我就用有少少寸既口脗話..果度咪寫左299 lor! 跟住比佢jip我, 然後大約係話我戇gau咁..我睇真D, 係喎, 原來有個箭咀起度, 可以講下價

不過我都無諗過要講, 同佢講我就要果個, 佢問我比cash定EPS定card, 我話cash, 佢收我290, 成交

即係呢, 如果一早留意到有個箭咀, 可能280都得..不過我又唔想為左果少少錢, 搞到好樣衰咁同人講價..呢度又唔係大陸..唔係話我多錢到唔至在果D錢, 而係..我真係唔係幾至在..

跟住同佢地去買netbook, 收貨之前嘍囉check得好清楚, 睇下個mon有無死點光點之類..哈哈, 我上年買部Sony Ericsson K770i既時候無check清楚, 拎到番屋企先發覺有粒綠色死點..不過我又覺得無乜問題喎, 反而有少少興幸呢部有死點既機落左起我手上, 如果係第二個一見到死點就要搵第二部既人..咁呢部死點機就唔知點算喇..可能會比人退番廠? 死點/死線呢D野從來都係聽人話拎去換, 唔會拎去整..實際上都唔知有無得整..一部行得走得郁得跑得既mon, 如果就係因為一個死點而比人判死刑, 你話幾慘呢..用左咁多資源整佢出黎, 到最後唔人地唔收貨..真係好浪費..

(當然我更加興幸呢粒死點無擴散開去成為死線..)

頂..今日勁唔高興lor..我只不過將個日期入面個月份由大階轉做細階..由一個自己寫既低能function轉番做php provide既date function之麻..又..我只不過想加多個pull down menu落去, 想加變下顏色者, 你駛唔駛炒曬咁款呀..做左成日, de左成日bug, 到臨放工果下大家決定用番原本乜都未做個version..由頭做過lor..

頂頂頂頂..

(其實..都唔係做左好多野者..我起後面坐到訓著左既時候..iris可以以為我係忙緊..我諗, 呢D就係撻皮既最高境界..)

放工之後同嘍囉同何文津去行電腦展..此行主要目的係買router同幫個fd買隻external harddisk者..話說我屋企果隻router都用左4/5年, 連802.11g都唔support..你話係咩年代丫..至於個external harddisk..今年入場已經買唔到160GB..至少都要買250GB..通常買緊400蚊多dd..不過比我搵到間係賣350蚊..hyundai既外置硬碟盒+segate 既餡..350蚊..是但啦..另外自己買左隻D link router..290蚊..送兩張戲飛..

嘍囉同何文津一齊買左部EEE 1005HA..$2400..呢個價錢有呢個spec, 算係幾抵啦

尋日比javascript 既variable scope fake到應一應..今日好彩識得去check一check php variable scope先做野..如果唔係又fake死..

今日做做下諗到個問題..點解我要用果D假既AJAX=.=..既然都唔需要佢asynchronous既特性..點解唔普通寫番個function就算呢..其實真係有D無鬼聊..果個根本就唔係需要asynchronous既地方..

生活好似真係一片空白咁..

其實又唔可以咁講..有時搭車諗到D野..想寫得又無得寫..過左果一下..又唔記得左啦喎..

明明係星期六, 但係起身仲早過平日番工..六點半呀..媽呀..

準時七點九去到九龍塘火車站..同Benny, Kenneth同liu搭到去上水火車站..出一出閘..再入番去..根據Benny所講, 咁樣係會慳到五蚊咁多..再入番上水站, 搵到阿Joe..等多班..上Nelson身處果班火車..六個人一齊向深圳進發

一出關就係地鐵站..真係幾鬼方便, 起羅湖過關同由尖沙咀站行去尖東站好似差唔多..雖然就起羅湖站都有車搭去東部華僑城..不過唔知點解大家都係鐘意搭下地鐵先..都好既, 我都想試下搭深圳既地鐵..果張單程票..或者叫單程銀會適合D, 真係成個銀仔咁, 不過起膠造既..出閘果下好似入銀咁入比佢, 幾得意..好似話其實唔少地方都係用緊呢個設計..

由羅湖站搭到去竹子林站..出黎搵假日專線, 終點站就係東部華僑城..仲好啦..上車可以訓一訓覺先..

都唔知搭左幾耐..去到東部華僑城總站落車..真係曬到呢..

先去搵酒店先..Joe之前打過電話問D酒店..話Full左book唔到..所以我地黎到先搵..問左一兩間酒店都話full左..真係呢..係咪多人到咁呀..差唔多行到街尾先搵到間有房既酒店..拿拿臨要左佢啦梗係..五百幾蚊一間房..計埋遲D黎到既刺身..七個人訓兩間房..每人百幾蚊啦..

起酒店放低個袋..食埋個飯就出發去華僑城喇..行去東部華僑城個入口條路話長唔長話短唔短..大大話話都有成公里咁長..平時行都無乜野..不過今日就真係曬and熱到呢..真係熱到溶左..

門票分兩種, 一種係130蚊玩一日(好似淨係包其中一個場添..), 另一種180蚊玩兩日, 通票..我地買既就係通票..

去到入閘果個位..真係..逼到喊..成軍旅行團起後面..起果種3x度高溫情況下仲要同人有身體..正確黎講係有體液接觸..omg..

終於逼到入場..接住落黎既係一堆無盡既扶手電梯..係咁上山..上到咁上下..去到第一個主題部份…大俠谷既Seafield.. town? 海菲爾小鎮..我諗係咪即係迪士尼樂園既美國大街咁上下=.=? 建築物用左某個地方既風格..只係得個睇字..都無野玩既..不過已經算係其中一個重要既景點..影左幾張相就move喇..

繼續行..開始無咁曬喇..不過就轉為打旱天雷..第一日我地原定既行程係上到去山頂既茶溪谷..然後由上面玩番落黎..去到纜車站, 佢話因為天氣關係, 所以纜車停駛..真係O鬼曬咀..咁就問有無其他汽車可以去到茶溪谷啦..個工作人員話無..於是就留起山下面搵其他野玩下..見到激流喎..去問下, 又話因為行雷, 停左..=.=||| 行多陣..見到個類似太空館既野..咪入去睇下lor..

好多太空船呀..火箭呀..之類既模型..同埋有得模擬下月球漫步..其實咪同香港個太空館一樣..行到盡頭見到話有得玩模擬升空, 感受下26重力既狀態..(救命..連個單位都無左..我估佢係想講26ms-2掛=.=..)..首先係排大半個鐘頭隊..然後入去一間房睇片..介紹下接住落黎既玩法..真係搞鬼笑, 睇睇下個mon顯示..”電腦進入待機狀態 請勿關機”..真係7到無朋友..

果艘”太空船”有12個太空艙, 每個艙裝四個人..我同阿liu同另外兩個遊客入同一個艙..開始玩喇..睇住眼前既螢幕播住火箭升空既畫面..然後感覺到個坐位開始公轉..

衰D講句, 同玩高速版旋轉木馬差唔多, 不過真係轉得好快, 真係feel到成身都重左..同埋可以坐起張好舒服凳上面..旋到咁上下..個天花打開左..同太空館個天幕差唔多..睇完一段打飛機既動畫之後..玩完..個感覺..就係..排大半個鐘隊去玩旋轉木馬..

出番黎之後呢..個天又好番啦喎..拿拿臨走去纜車站排隊..我諗..差唔多又排左大半個鐘啦..卒之都比我到上到..半山..去到個纜車終點站..又係無盡既扶手電梯..扶手電梯既盡頭..有架接駁巴士..搭埋巴士終於去到茶溪谷..

茶溪谷呢..其實呢..都係無野玩既, 不過就有好多花草咁..當行下公園咁lor..果個四季花園真係幾靚既..遠望有少少童話世界feel..即係好多唔同顏色既花一排排咁擺, 而且佔左好大地方..

行到咁上下, 刺身終於黎到join我地喇~跟住就一齊行曬成個茵特拉根小鎮..周圍影下相..行上山睇下個花鐘+教堂咁...

落番山都差唔多六點鐘..原本茵特拉根小鎮夜晚有個show既..不過唔知點解話要維護..今晚無show睇..於是想行去茶翁古鎮睇下啦..但係行左兩步之後..發覺唔對路, 兩邊D鋪頭都收曬檔..於是就搭車落番大俠谷..Seafield town 搵地方食飯啦..

果度D野好似都唔係幾抵食咁..最後揀左Pizza Hut=.=..起大陸食Pizza Hut係平D既, 叫左兩個3人餐..都食得幾飽, 每人都係七十蚊左右..食完飯之後起Seafield town入面間機鋪打左陣機=.=|||2蚊鋪太鼓11亞洲版=.=||||雖然係得兩首歌, 不過都算係好抵玩啦..

玩完之後..就要行番無盡既樓梯落去啦..上黎有扶手電梯, 落去就一定要慢慢行..好彩夜晚唔熱者..慢慢咁行我諗都差唔多行左半個鐘先番到酒店, 臨番去之前kenneth話要買個西瓜番去食..買一個唔夠仲要買兩個tim=.=..

番到酒店就拿拿臨沖涼先啦..行左成日..件衫真係臭曬..我間房沖曬涼之後隔離就話食西瓜啦..過去一齊食西瓜一齊睇烈火雄心3大結局..老實講, 自從王喜訓左入醫院之後我就無睇過..完全唔明白點解斷左腳都可以救火=.=||||個結局..又係老土到飛起果D啦..捨己救人..最後爭D起個火場浸死..呢下真係搞鬼笑..

睇完烈火就轉去睇電影台..做殺破狼..甄子丹同吳京果場打交戲真係勁好睇@@..完全唔係成龍果隻風格@@..真係兩個識功夫既人起度打@@..不過大陸播出黎既時候就cut左好鬼多鏡頭..搞到成套戲都怪怪地咁..番到屋企之後特登上youtube睇番..甄子丹大大力一棍藕落吳京個頭果下起大陸睇唔到=.=

睇埋戲..番房訓覺lu..

好彩我係同joe同liu一間房者XDDD另外果間房kenneth x 刺身 x Benny三個都係有輕微到嚴重既鼻鼾聲..加上Nelson自己訓訓下覺一轉身都會哎一哎, 真係唔知可以點訓得著XDDDD

第二朝好早就醒左..一來呢排慣左早起身..二來無山窗簾..成間房都好光..

醒下訓下..到十點幾真係起身喇..梳洗一下..退埋間房..又再去東部華僑城啦..先起大俠谷食個飯先..18蚊一個無菠蘿但係有哈蜜瓜同loan味既菠蘿雞粒炒飯..

原本係想去玩果個地心四千里先既..不過話要排成個半鐘頭隊..大家都預計到只不過動感影院之類既野..聽到呢個鐘數即刻無曬mood..落去下面個4D影院..排左大半個鐘頭隊..睇果段長15分鐘既片仲差過起北京電影博物館免費睇既40分鐘..無聊到震..個故事又無頭無尾..所謂既4D..仲加左幾個番簡泡..噴左幾下..無喇..

跟住想去玩激流..個排隊時間仲恐怖, 話要排兩個鐘, 咪搞喇, 大家都認為玩激流不如去水上樂園..於是又落番山去水上樂園玩啦

個水上樂園細到呢..一個兒童嬉水池..size好似同士美菲路果個嬉水池咁上下..馬鞍山或者斧山道果個嬉水池可能都大過佢..一個最深1.4米既唔知咩池..或者稱呼佢做一條河會好D..另加一條水滑梯, 同一個大U型滑梯..

排果條水滑梯又排左大半個鐘..今次入黎玩左咁耐呢條梯我就最滿意喇..我諗有成五六層樓咁高, 訓起張白色既膠蓆上面用黎減低friction, 一開始先轉兩個圈先, 跟住轉入一條ok斜既滑道, 再轉多個彎sir入一個大湯碗, 通常都要起個大湯碗個邊轉番兩三個圈先會轉到落大湯碗既底部, 然後跌落下面個水池..都算係ok刺激, 可惜sir落大湯碗之前條滑梯都係密封既..睇唔到sir得有幾快..如果條梯整闊D..做到開蓬咁樣..就very good 喇..起果條ok斜既滑道開始見到有光..有D螢光既線貼左起個邊度..sir落去果陣好似飛過時光隧道咁..真係搞到我嘩左出黎@@..

我好少可自己一個人既時候都會發聲架..單獨發聲既時候就代表真係ok震撼..

(隔離都無人..發聲比邊個聽者..)

Kenneth唔玩..我地六個人阿liu玩先, 起梯頂睇住佢sir到落個湯碗底既時候係頭落水先..唔好意思..真係笑左出黎=.=||||之後到Benny sir..佢都爭D係頭落水架喇..不過佢醒, 伸隻腳出黎yang住個碗黎做支點, 等個頭轉番上去先放腳再跌落水, 真係ok wor XD

玩完呢個之後..即刻排隊玩巨U形滑梯..form 4讀physics咪讀過起個U形滑梯放粒波子落去..睇下佢可以上升番去幾高..用黎証明有potential energy loss by friction..if no energy loss就會去番same height之類..今次坐住起個大水泡上面玩..起個U頂既衝落黎果下真係有D淆淆地..真係好似直sir落黎咁..不過好快就掂番地..又因為energy loss太大..衝過左U字一半之後好快就落番黎..

玩完呢兩樣野之後去番搵kenneth..果時都四點幾..玩夠..走lu..

老實講我覺得東部華僑城無乜野玩, 就算有野玩都無乜特別, 其他地方都玩過, 就算有野特別..真係排隊排太耐喇..同埋點與點之間真係相距好遠=.=..不過呢D旅行都係出黎同班fd柴娃娃咁嘻嘻哈哈, 開心下~~所以去邊都無乜所謂啦~不過洗費又好似高左少少..計埋之後食果餐小肥羊..今次用左成接近700蚊港紙呀..係五分之一個月糧=.=..

Kenneth漏左對鞋起酒店..我地起巴士站等佢番酒店問..可惜間房已經開左比另一D客人..無得入去睇下lu..搭番假日專線..去到深圳書城落車轉地鐵搭一個站去到老街..即係東門附近..搵間小肥羊黎食..大家都知道香港食小肥羊係幾咁貴同幾唔飽..所以都想趁起大陸平平地試下食..等左成個鐘先有位..

不過又真係抵要等咁耐既..個湯底真係好濃味..唔夠水既時候佢真係加番D湯落黎而唔係加水..lok完D肥牛上黎之後唔駛點豉油食都好有味..(牛有牛味!?)..不過..話曬叫做小肥羊, 果然係羊肉好食D..小肥羊既羊內都分好多種, 由最平20蚊一碟到最貴188蚊一碟都有..

唔知點解咁鬼q, 起小肥羊入面..HKU既人一邊, CU既人一邊..HKU既人飲新奇士橙汁, CU既人都係飲可樂=.=|||

食埋飯就番香港啦..十一點先去到羅湖站..七個人入面得我一個會搭到去紅磡..逐個逐個同人say goodbye最後得番自己一個, 個feel真係有D差..

今日開始柯士甸站啟用..尖東站撥歸西鐵線..原本我都諗住紅磡轉過海巴士..咁arm我去到紅磡果陣對面有班西鐵仲有一分鐘就開..咁就順便試下轉線去尖東..去到尖東忽然醒起..要先出閘..比起起紅磡出好似貴一兩蚊, 之餘仲要比8.8先過到海去金鐘, 之餘仲要比3.4先搭到巴士番堅尼地城..倒不如起紅磡搭9.3既過海巴一程番到..於是就搭番車番去紅磡=.=..真係好鬼戇居=.=..

…

最後仲有少少感想…起呢兩日入面大家延續左我地起北大既精神…不停將Nelson擺上檯..無辦法啦, 鬼叫上次我地出黎食飯佢用左個鬼咁搞笑又令人好有聯想既藉口..搞到成團人成日都要提埋另一個無出現既人, 唉唉, 真係唔好意思sosad

最後仲有少少感想之二..原本以為呢團會係毒男團..我係去到九龍塘鐵路站阿liu hi我果下先知有女仔黎@@..唔係話怕成團得一個女仔唔黎架咩sosad, 不過黎左都好, 雖然仍然中和唔到食飯時候既話題..仍然係咁..咳咳..咳咳..

: 一百蚊就可以買起Nelson既人格啦!

: 援交男!?

: 咁你肯唔肯奶我?

乜呢句真係咁難明咩sosad

尋日朝早iris問我有無去到行東坪洲..我又估唔到咁多人會留意到我果句野喎..

: 咁熱去行山, 邊有人去架! 果度都無乜樹蔭既!

: er..咁..圍住海邊行..(我既意思係會有海風)

: 咪係lor..都唔係度度有樹蔭既, 好曬架! 我之前都行過果度..

咦? 我又估唔到呢D偏遠地方都咁q撞到有人行過..

尋日食飯同jason / why / iris食..原來Jason @@.. 原來iris做左@@年..

朝早行過糖廠街..經過間OK便利店..見到通用乘車地圖出左第5版啦@@..嘩我等左幾耐丫..上次買第3版已經係06年既事..07年出果本第4版連兩鐵合併既資料都無所以無買..08年唔出..等到09年終於又出喇@@..

今日做ASJAX..真係用到曬javascript同XML, 不過係synchronous咁做=.=..晏晝寫果堆script..有個bug仔煩左我好耐..原來因為..javascript既variable scope唔似得C++ / C咁樣有block level..唔用var黎declare既話就係global variable..就係死左起呢一個點上面..唉唉

成晚都係用黎打xanga..乜Q都無做過=.=

今日番工..全日document..Cost Termination Project既specification同埋UAT user guide.. spec呢家野..其實就應該係寫code之前做好=.=..不過呢..spec還sepc code還code, 就算spec寫左..code方面做唔到既話spec寫黎都無用..我諗iris係咁既意思..所以係寫完code先寫spec=.=..

UAT user guide..唉=.=又黎cap圖..cap足成個下晝..

(d 時間用左黎打早兩日既xanga...所以今日既短D-,-,,,)

番到office, 剛剛坐低, why sms問話去唔去subway食早餐, 去啦, 佢第一日開張既時候我已經話要去食

開張左四日, 原來佢今日先第一日做早餐生意, 我諗我都算係佢頭十個早餐顧客之一啦掛..叫左個早餐B, omlet, 佢煎完蛋之後問我要唔要沙律..我果時諗應該係加唔知幾多錢要個沙律..點知佢係免費加落個包到架者..真係蝕曬..收錢果個人問我要coffee or tea..佢就真係比杯tea我, 奶都無滴..好彩可以番office pantry喪倒奶落去者XDD

我同why買, 仲要買埋偉明果份..買三個奄列, 用左差唔多20分鐘既時間..

上到去見到iris, 佢話佢今日又係起subway買早餐, 買左佢15分鐘sosad

Cost Termination Project Round 1 最終回..

將過往幾日累積落黎既bug一日之內de曬佢..Mochikit成日用到果個addCallback..我到家下都係睇唔明究竟係點用..完全唔敢改kyle既遺code lor唔該..

做左成日..終於起1805將果頁交左比user..收工..

講番尋日想講又唔記得講既野先..呢排台灣打風, 好犀利, 連海底電纜都整斷埋..香港連去台灣, 再連去新加玻同日本果堆線都受影響..上個禮拜已經聽到隔離班高層起度頭痕緊..尋日竟然要IT team既人開一頁咩disaster咩item咩report..總之就係拜阿莫拉克所賜啦..真係估唔到連打風都會影響到IT team

夜晚同陳鈺龍同膠津去左巴依食飯..

Cost termination request..改呀改呀改呀..十幾廿樣野改..iris朝早brief左一次之後..成日就係做呢堆野..做下hae下做下hae下..做到六點..做左一次個人已經溫溫dun dun咁..

越係寫呢D咁大型既野..越係feel到coding精簡既重要性..有時少少低能野如果用左多多code去做, 下個人接手既時候真係會r爆頭..code optimization..真係..又係一門學問..有時好精簡咁while () abc[x++] = pqr[y++], 係就係精簡, 不過會精到人地睇唔明..要保持readability 之餘要個execution time短..真係呢..

而家面對既user都係用緊IE..將來如果真係寫既..要同時應付到IE / firefox / Safari / Chrome / Opera..等等等等..真係..有太多學問起裏面喇..

尋晚家姐睇我xanga..見到”沾沾”..呢個term, 話唔識..

呢個係大學生既用詞丫..定係Hall既用詞呢..?

你識唔識=.=?

番工番左三十幾日者, 已經有種麻木感..麻木到連星期一同星期四都好似無乜分別咁..你話死唔死..

搞掂少少濕碎野之後, 今日全力responsexml..上晝到下晝, 花左個幾兩個鐘去解決上次起屋企失敗左既地方..即係..明明就用左responseXML, 佢死係要話果個係text/html..

Google左好耐先搵到相關既技術文章..

“responseXML is only available if the server sends back an XML document with MIME type text/xml, and not if it sends back, for instance, and HTML document.

This is quite annoying because it invalidates a / accessibility approach I’ve been considering for some time now.

Exception: Opera allows you to read out the responseXML of an HTML document.”

之前我都有諗過..點解我用php echo <?xml version=”1.0”?> 佢就會醒到知道呢份係XML文件..雖然直接打開果個php佢真係認到入面既內容係php, 但係如果係起網頁之間傳送就難講D喇..原來係要睇MIME Type..見就見得多, 但真係唔係好知咩黎..

要解決佢..有兩個方法..一個係起client side度寫 .overrideMimeType(‘text/xml’)..一個係起pesudo-server side (嘩卡卡, 呢個名係我自己諗出黎既)setHeader(‘Content-type’, ‘text/xml’);..(點解唔係MimeType?!)點知者..總之我加左setHeader之後就work左啦

起北大上完數據庫..都唔係好get到XML即係點.. 終於可以親身體驗點用xml..作為一個document黎講真係幾好用, 至少好用過JSON先..我覺得..唔需要理個次序..JSON都係適用起D小資料度..好似今日old cost item咁..一野傳成廿幾個field過黎, 用JSON淨係砌格式都砌死左..

原本iris expect我都係抄kyle寫落既code..不過..一黎我唔係好睇得明, 二黎我唔鐘意JSON, 三來我堅係想試下用responseXML, 種種誘因之下令到我今日成功左=.=V

嘩卡卡, 今日真係可以沾沾下喇XDD

今日好似擔起大旗咁..(有少少沾沾..)全日都起度改cost request既變種..cost termination...其實都係東抄西抄..依然係最簡單既部份…(咁你又沾沾?!)....到今日好似先對果二千幾行code有基本既認識..

其實點解..電車公司要開出由堅尼地城到筲箕灣既班次架呢..? 有幾多個人會真係好似我咁..搭到咁遠呀..特別係朝頭早添..搭咁耐叮叮不如訓下好過啦..十個有九個都係去到上環轉地鐵..咁果D班次既意義又何在呢..???如果話係為左比D想慳錢又捱到眼訓既乘客搭..有恆心既, 照樣會搭到上環街市轉筲箕灣既叮叮..依然係平過曬所有其他交通工具..

呢排聽到麥麥送果D車手..送到炒曬車但係麥記又無乜賠賞..唉唉, 老實講麥記都唔係幾值得支持, 去麥記食都算喇..叫麥麥送果D..真係..唉..唔好啦…叫外賣上門已經夠頹..仲要頹到叫麥記上門..真係..

早幾日上網睇有線新聞, 講到話中西區有D巴士線長期搭客不足..講親刪減班次實比區議員反對..講緊既路線係來往中環同半山既12號城巴..非繁忙時間乘客只係夠巴士坐位數既10%..路政署話cut咁D班次等少D車起路面行走, 減少空氣污染..區議員話唔好, 反而話馬鐵起好左, 681可以唔經中環..唉唉唉, 係邊個咁on 9講埋D咁既野架..

呢排聽到D中西區居民話反對地鐵起個排氣口起山道..話太過近民居..唔起地鐵又嘈無地鐵..起地鐵又嘈有排氣口..又要地鐵經過自己屋企又唔要排氣口起附近..真係諸多gi gut..針邊有兩頭利..

今日見到好鬼多茶左指甲油..茶到五顏六色既女人..唔知點解..個人對有顏色既指甲油真係一萬個厭惡..明明我都幾鐘意黑色..even係茶黑色指甲油我都會覺得個感覺係好差..茶鮮彩色指甲油果D..真係..跌到落0分=.=|||

呂大樂黎緊呢個sem起HKU開SOCI0016 Hong Kong Society..如果唔係撞左BUSI1004 Cheung B.既marketing呢..真係有D興趣去聽下..

尋晚msn同iris講話我試過用responsexml, 好似ok可以apply 落old cost item個情況度..估唔到今朝就比我試下用@@..當然我都係用番getText既方法..成功起IE 6/7/8上面work 到..可惜FireFox就fail左..原因為..FireFox要裝左plug-in先support synchronous 既AJAX..

(謎之聲: 講乜野呀..AJAX既精粹就係在於個A字, which stands for asynchronous..)

無錯…我都唔知我做果D仲算唔算AJAX..平時用AJAX, 犀利既地方就係可以一路拎資料, 一路繼續run其他野..偏偏我而家做既real time submit checking, 就一定要等佢response左我先, 我先可以決定加唔加個message落個alert度, 如果由得佢直run落去, 結果就係出左alert message先接收到個response, 而alert出黎既野就未必係我想睇既野..

所以要夾硬令到佢停起度, 等我拎左response番黎先, 先可以繼續行..

又無左個A字, 我又唔係用XML..即係無埋個X..第2個A字stands for AND, 都無左X lor..仲AND乜鬼丫..簡單D黎講我只係寫緊JS..即係javascript sosad

成朝就係做呢樣野..雖然十點幾既時候我已經做完=.=..hae下hae下..hae到十二點幾..

食完飯, 番黎做埋d documents..直接交比美國唔知邊個..有D淆底=.=|||

夜晚..同波/膠津/嘍囉食飯..多謝亞波請食飯XDDDDDDD

十點幾醒左...無乜野do...繼續試下個xmlresponse...上網睇到佢有個property叫做getResponseHeader...可以echo出黎睇下佢get番黎既野究竟係咩type, 一echo之下發現..係text/html......用php echo 出黎既xml...佢根本就唔當係xml, 而係當一個普通既string, 而我就猛用讀xml既方法去讀佢, 梗係唔得啦...

於是用getresponsetext既方法, 就get到個字番黎喇...

success!

不過依然未用到xml既強大功能...

下晝...睇電視..睇麥兜故事...

我永遠唔會睇到literature 入面..(疑似)既深層意義....有D人總係可以有無限種interpretation...而對於我黎講....就好似踏雪無痕....sosad...

無野好做...又訓左陣覺...

夜晚...打下exchange份report....minimum 3~4 pages typed in chinese...好彩可以Include photos者..如果唔係都唔知點打...

訓到十二點先起身..

食個飯..拎起philip pong叫我睇果份paper..睇睇下又唔係好難睇..份野根本就無講到個neural network係點樣砌出黎, 猛咁講d input data, 幾多層hidden nodes, 下一part就講到個result係點..

仲要懶醒拎兩個benchmark黎同自己個system比較..

“拿..你睇下, 如果你起1989年1月擺舊錢入銀行, 1990年1月拎番出黎, 你就賺左XXX%, 如果你起1989年1月1日買入, 起1990年1月1日賣出..你就蝕左幾多..但係用我地個network就唔同喇!!!!賺左咁多咁多wor!!!!”

真係當人地白痴架咩..

都唔知自己係咪真係明佢做緊乜..

睇完之後又訓覺=.=..直到食夜晚飯..

夜晚..起部機裝番XAMPP..研究下點樣用AJAX..用javascript built-in既responsexml..唔知點解砌極都砌唔掂..萬事俱備架喇, 唯一就係getElementsByTagName果句唔知錯左D乜..明明人地都係咁run架者..

會唔會有高人可以幫到我=.=

<html>

<head>

<script>

function check(str){

        if (window. )

                = new ();

        else if (window.ActiveXObject)

                = new ActiveXObject("Microsoft. ");

        var url = "responsexml.php?q="+str;

        .onreadystatechange = function(){

                if ( .readyState == 4){

                        xmlDoc = .responseXML;                    alert('abc'+xmlDoc.getElementsByTagName('Flag')[0].childNodes[0].value);

                }      

        }

        .open("GET",url,true);

        .send(null);

}

</script>

</head>

<body>

<input type = "text" name = "name" onchange = "check(this.value)" />

</body>

<html>

responsexml.php:

<?

$q=$_GET["q"];

$con = mysql_connect('localhost','root');

if (!$con) die ('Could not connect: ' . mysql_error());

mysql_select_db("test",$con);

$sql = "SELECT Flag FROM test WHERE Name = '$q'";

$result = mysql_query($sql);

$value = mysql_fetch_array($result);

echo '<?xml version="1.0" encoding="ISO-8859-1"?>';

echo "<Flag lang='en'>value['Flag']</Flag>";

mysql_close($con);

?>

一朝早番到去, 檯面上有張iris寫低既紙…

I have a solution to the problem hahahahahah~~!!

講緊尋晚check old cost item三個條件既問題..原本係分開左三個array黎裝住, 佢諗到用一個array, 儲integer, 唔同value代表唔同status, 的確係個幾唔錯既方法..

用呢個方法, 好容易就做到起onchange既時候check va ng valid, 但係最麻煩既係要起submit既時候real time check, 再即時判斷add唔add句error message去終極message度..問題又出現喇..本黎就係一call左個function, 然後就check下array入面既value..但係唔知點解個function都未做完野佢就落左下一句, check左個舊既value, 就梗係做錯啦..

咁點解onchange果度又無問題架呢? 因為果度無一個即時性既問題, 佢可以慢慢load, load完再慢慢出error message, 對於電腦黎講, 慢極都係幾毫秒既事..而run programme黎講, 幾毫秒已經可以run完一個programme..

但係..如果真係受時間影響既, 我夾硬整sleep佢, 應該無問題格? 下晝iris解釋過..如果起pop另一個window出黎, 起child window叫parent window訓覺, 的確係無問題..但係..自己叫自己訓覺..就無左個效果..完全唔明白點解會咁, 但係呢個就係事實

食飯既時候問過Jason..問佢..如果唔用MochiKit, 唔用LoadJSONDoc..點樣用java script做到real time connect去database? 答案係用responsexml, 係java built-in既野, 唔需要include另外既framework入黎..return番黎既野可以係plain text, 可以係xml..即係用緊正宗既Asynchronous Javascript and XML..AJAX!!好有興趣試下唔用Kyle既遺物..用自己既能力砌個AJAX application出黎!!

食飯既時候..阿why話今朝起廁所同iris講左兩句..話iris讚我=.=..同一個月前唔同左好多..進步得好快..云云..我心諗, 梗係格..一個月前乜都唔識..而家叫做識寫少少野, 由0到1..直情就係discontinuous, 連derivative都搵唔到..

臨放工前iris收到kyle msn..講到reference letter既問題, 我見到又梗係問埋啦..iris話會搵Anju幫我寫@@..哈哈, 呵呵, 嘿嘿, hehe

除左上面果個大問題, 今日做左好多微調, 好多slight modifications..

隔離Jason幫手de左幾個r爆頭都唔知錯乜既bug..真係好犀利, 比足夠既時間佢, 佢真係交到靚貨出黎@@..所謂既work independently ..一定就係呢個type喇@@..

七點半去到Sogo, 小學同學聚會..今日多人都爆..

我/黎漢中/猩猩/小勇/yoyo/謝穎華/Claudia/陳欣宜/Vivian/Sandia/Tim/Bobby/Carrie/馬瑋華..多人到呢@@..去左花園餐廳食飯..然後去港灣道麥記吹..睇黎大家都對溫”苗”珊..既網上傳言好有興趣..

無辦法啦, 果段傳言將我地擺埋上檯話..話佢小學就帶bra, 離曬罩搞到比同學笑..邊有者, 我地都無人知佢有無戴bra..

八月尾可能去南丫島..

朝早做既野唔難..modify下個status flow, 加幾行php就做完..

諗諗下都唔係自己勁, 真係人地寫落個structure好靚我先可以咁容易加兩句野落去寫完..真係好高flexibility

唔識用MochiKit, 今日比個addCallback玩死左..

打隻old cost item入去, 要先check下呢個code係咪真係exists, 因為唔可以等到submit果下先做, 於是就抄左Kyle寫落果堆應用緊MochiKit既function, 連去另一頁, 起果一頁connect去個database度即時check完, 再return個result番黎

Check完existing, 要check係咪比人用緊, 要check下支flag, 最後再check下呢隻item係咪真係屬於user上面揀左既公司, 連續check三樣野, 三樣都係要即時check完..

即時check, 即係唔係同步, asynchronous

用緊Javascript.. 不過無XML..因為用左JSON格, 都算係叫做Ajax?

MochiKit果個framework好明顯我之前就無用過啦..有D問題真係完全唔明白..我先check existing, 再check flag, 最後先check company, 最快return 番黎既竟然係company..明明我就係分開三個function做..但係做出黎個效果就好似分開左3條threads, parallel咁做好左, 但係..如果我唔知佢ex ng exist, 就去check佢其他野, 咁又有咩意義呢? 偏偏佢就唔等個result番黎, 見個result唔知係乜就繼續run左落去..

好啦, 以為係咁, 咁我試下起中間插個alert起度, 特登彈個alert出黎sip住佢唔比佢繼續行落去..我等左幾秒先放佢一馬, 都竟然係比company番黎先..搞到好似time independent咁..

同IRIS講話咁咁咁咁..佢就叫我起return番黎果一句先else落去..好, else完之後, 我先發現我寫錯左個else既condition, 成段錯曬..

之前都聽Kyle講過關於一D時間上既問題..見佢唔知點樣用幾下addCallback就可以叫佢停一停, 等一等….真係完全唔曉..番到屋企, 即刻上網煲下MochiKit..

http://www.permadi.com/tutorial/jsFunc/index.html

http://bitstructures.com/2007/11/javascript-method-callbacks

http://www.mail-archive.com/mochikit@googlegroups.com/msg02514.html

addCallback..真係r爆頭..

Jason跟Kyle相差很遠呢..(不是coding上..)番工準時, 今早跟我乘搭同一部lift..

(繞個圈來讚自己XDDD)

0854回到辦工室..坐低就開工..

0955準時click入portal揀科..sem 1的確是沒有了ELEC1802..仆到直一直, 沒有1802..也就不能選prob and stat..要想過另外一科代替..最後選擇..CSIS0396?!其實唔揀佢都得既..揀科3 credits既就得..但係..考慮到0396夠簡單, 為GPA著想, 都係唔好lup亂take..

今日成日就起度打document..打足全日, 上個禮拜cap落果100頁A4紙, user一個唔鐘意就要我由頭cap過, 唉~.~, 番左呢個月工, 我完全明白到..”USERS永遠是對的”呢一個道理=.=..

Semester: 1

Semester: 2

BUSI1004 Marketing

BUSI1007 Principles of management

CSIS0396 Object-oriented programming and Java

ELEC2302 Digital system design Details

ELEC3503 Fuzzy systems and neural networks

BUSI1003 Introduction to management information systems

CSIS0297 Introduction to software engineering

ELEC1802 Engineering mathematics II

ELEC2803 Engineering and society

FINA2802 Investments and portfolio analysis

ELEC2806 Integrated project - embedded systems

ELEC3802 Technical project

The curriculum comprises 180 credit-units of courses as follows:

(a)84 credit-units of Core Courses from Groups A-E.

今年take埋ELEC1802, ELEC2302, CSIS0297就夠數

(b)27 credit-units of Breadth/Depth courses comprising.

(i)at least 6 credit-units of Depth Course(s) selected from Groups A-D; and

ELEC3503, 今年take

(ii)the remaining are Breadth or Depth Courses selected from Groups A-E

CSIS0250, CSIS0278, ELEC2201, CSIS0259

(c)6 credit-units of Subject Elective course(s)

CSIS 0396

(d) Complementary Studies courses comprising (Total 36 credit-units):

(i)Engineering organization and management (3 credit-units)

以BUSI1007代替

(ii)Engineering and society (3 credit-units)

今年sem 2 take埋

(iii)Engineering economics and finance (3 credit-units)

FINA1003代替

(iv)Professional and technical written communication for engineers (3 credit-units)

Year 1 sem 2 take左

(v)Professional and technical oral communication for engineers (3 credit-units)

ECEN1907代替

(vi)Practical Chinese language course for engineering students (3 credit-units)

Year 1 sem 1 take 左

(vii)Additional eighteen credit-units of Complementary Studies courses, including at least three credit-units in Humanities and Social Sciences Studies

Waived for students in this double-degree programme

(viii)and at least 3 credit-units in Culture and Value Studies or an area of studies outside this degree curriculum as an elective ( 18 credit-units)

成堆BUSI/ECON/FINA course 頂左

(e) Integrated project -- embedded systems (9 credit-units)

今年take

(f) Technical project (12 credit-units)

今年take

(g) Workshop training (3 credit-units)

Year 1 暑假take左

(h) Industrial training (3 credit-units)

Take緊

Courses to be taken in Year 2 and 3:

Management accounting I, summer sem或者Year 4搞掂佢

Derivatives, Year 4搞掂佢

Investments and portfolio analysis, 今年搞掂佢

Case studies in corporate finance, Year 4搞掂佢

真係呢..尋日Jason黎左之後..有部新機比佢用, 好似係IBM T40? 是但啦, 總之一定勁過我用緊果部Fujitsu先..於是就我用Kyle用開部機..佢用T40, 部Fujitsu還番比人..

Kyle裝左IE 8..今日一開個php黎睇就覺得怪怪地..

style="width:140px" style="display:none"

<<起IE 7度run, 個object真係會唔見左; 但係起IE 8度 run, 個object依然出現

style ="display:none;width:140px

<<起IE 7定8都會唔見左..

真係呢..呢D又唔係叫做bug, 起遇到呢個問題之前..永遠唔會想像到唔同版本既IE會起呢D地方有分別..

繼續做呀做呀做呀..自問level有所提升..今日做既野雖然都係低能..但係已經係relatively 無咁低能架喇..

今日仲學左小小extra既野..完全利用EXCEL既format cell..

(其實我要做既野, 只不過係將幾百個唔同既英文字double quote左佢..都唔知點解自己會諗到用EXCEL黎做=.=)

朝早Iris斟左杯奶比我飲..下晝又飲左兩杯..飲到個肚起度咕碌咕碌..

煲仔飯有個特點, 慢熱, 但係保溫性能極佳, 耐左之後燶燶地仲好食

----我是分隔線----

有樣野我想講好耐, 就係太古坊等lift大堂中間果件”藝術”品, 日日番工放工都見到佢

係兩個人, 1男1女, 紙條型狀既人, 彎低身, 彎得好低, 直覺話比我知佢地彎到咁低就係因為上面果堆大廈, 當初果位藝術家都唔知係咪有心玩野, 知道件野會擺去太古坊, 特登整件咁既野出黎..(定係係整左出黎之後再等人地買..?) 總之我就覺得呢件藝術品擺起呢個地方, 好諷刺

----我是分隔線----

好, 新同事

原本以為係黎番intern既, 走去google / facebook search Jason Yeung, 指定search埋1988年既, 果然search到一個HKU學生出黎, 點知唔係果個..

而係..簽左半年contract.. position係code developer..已經出黎做左幾年野..30歲都黎緊頭啦老細..O曬咀..

但係之前又係咁話要請intern既? Intern呢?!?!??!?!??!?

繼續cost project.

Phase 1接近完成, 繼上星期既50 comments, 加埋今日係十comment, 下晝比ar ken拎去dem 比user睇..黎緊就算要再改都唔駛咁趕..接住落黎既phase 2..iris比左jason試下先, 睇黎呢個係..一個考驗!!!

我等緊睇表演.

番左整整一個月, 學左一堆低能既php/javascript, 睇番一個月前, 剛剛黎, 果個禁粒制就要消失, 禁粒制就要出番黎既task, 真係幾低能, 而家寫係寫到, 但係一D都唔靚

接手繼續改Kyle既code..真係寫得幾好睇, 真係睇得幾舒服, 完全明白當年莊家旺教所有野都寫成function既道理..

----我是分隔線----

我既直接有少少嚇親新同事, 需知道薪水乃辦公室內一大秘密, 不過無視左呢條規舉, 我同新同事開始對話之後10句之內就問佢人工幾多, 佢個樣話比我知我嚇親佢, 然後口窒窒咁話我..”乜你咁直接既..”

今日行左Time Square 對面果間人民書店, 賣店係勁多中國國情既書…之前都聽過架喇..但係又未有機會上去睇下..今日難得有一個鐘頭起銅鑼灣遊盪, 就去睇睇..

一半賣書, 一半café, 都幾貴, 不過起果個環境下睇書, 又唔駛一定要買, 收番果個價錢其實都可以接收既

主打中國國情既書..我通常都無乜興趣..因為真係唔識分熟真邊熟假..部份出版社既書個樣真係核核突突, 作者又唔知係咩人..好難令我相信佢講既野係真..仲要叫做咩咩咩秘聞咁喎..都唔知邊度驗証本書講既野..

行入少少見到成個龍應台既series..隨手拎起一本黎睇..睇左陣, 覺得真係唔得..間書店播緊既歌真係太吸引..我個腦有50%比果把女聲吸引左..睇唔到書..於是放低番本書..拎起白雙全本咩咩藝術黎睇..

睇睇下..聽到書店轉歌, 係傅佩嘉既魘..!!..原來剛剛吸引到我把聲就係傅佩嘉..真係勁好聽@@..真係要番屋企download曬佢既歌黎聽先得..

白雙全果本野..單身看II, 幾有趣, 之前睇電視講過”行為藝術”呢樣野, 睇左十萬次都唔明點解藝術家要做呢類”藝術”..今日睇睇下, 忽然覺得幾有意思..起一個陌生既地方, 不停咁上唔知去邊既巴士..一路將自己深入一個唔熟悉既地方..目的係..令自己..唔知點樣反思一下..不過連續幾次都失敗左, 因為人總係會不知不覺間帶自己去一個自己覺得安全既地方

雖然睇完都唔係好明..唔知點解又會覺得好有意思..

睇到另一段..講佢將幅街道圖同日曆結合埋一齊, 即係將幅地圖斬開30格, 每日行淨係行果格入面既地方..行熟佢, 搵野記低佢..

同樣係唔知為乜, 但係我就覺得好鬼有趣....可惜普通人唔會有咁既閒情逸致去做..人地拎埋唔知咩咩贊助..去紐約搞藝術, 就係搞咁既野..真係..

臨走前見到一本”好客之道”, 一見個書名我就諗起劉華, 對本書即刻無曬興趣..離開左間書店, 行番落街之前, 起條唐樓樓梯度見到本書既簡介, 先醒起同劉華無關..同恩客就有關係..有少少好奇..下次黎睇睇本書先..

再睇下唐樓入口, 貼左一堆間書店既介紹..大部份都係起雜誌影印出黎..都幾update, 有一堆剛剛完左既書展介紹..係鳯凰雜誌影印出黎, 主題唔係靚模, 而係果堆國情/秘聞/黨高層身世既書..因為大陸唔比賣, 所以好多內地人都會專情落黎香港買呢類型既書..

雖然香港可能無乜人睇, 香港人本身都未必好關心, 不過香港有出版自由, 令到成為中港台既一個後花園..

起間書店同唐樓門口消磨左好多時間..行出黎, 望住Time Square, 好想好似文化人咁, 用一雙勁有觀察力既眼睛, 看透呢個城市..發掘出一點點香港特色..

想者, 我係咁有文化既我就去左讀social science啦.

-----我是分隔線----

恭喜某朋友出pool成功, 得閒既話可以請食番餐出pool飯

另, 聽聞另一朋友有一隻腳已經起pool外邊, 加多兩錢肉緊出pool應該唔係問題..

唔, 出到pool唔係重點, 重點係..駛出古墓派天羅地勢網既同時候可以附以龍象般若功既攻勢, 實非常人所能, 認真係快熟過快熟通心粉..相較之下..小弟係一煲煲仔飯sosad

-----我是分隔線-----

今日有兩個活動比我揀, 一個係同下莊去大埔踩單車..一個係同Bryan/chilam/樹唱K, 我揀左後者, 我諗都係一個正確選擇..反正我果莊都無人去踩, 我一條友咁去好似怪怪地

CE既同學應該睇得出, 呢四個人入面得我唔係音樂人..於是..都唔係好溝通到=.=..搵日真係要惡補下先得=.=..唱完K去左通利聽Bryan玩結他, 隨左拜服之外, 我可以有咩反應呢~.~…玩完琴行去麥記吹水..吹到五點幾就散水..

陪chilam等埋車..都未夠六點..之後既時候就上左人民書店睇書..剛剛好消磨左果一個幾鐘頭..七點三去到Sogo..同45/46莊食飯..事緣Ringo同阿亮都係呢排生日, 咁就arm啦, 一次過食埋佢..

Matthew/我/Debby/亮/lala/Ringo/Sidney/Jacky/John/Iris/Olivia

我地莊通常都係同ringo同lala講野..同其他下莊好似無乜兩句咁, 但係又無乜計去改變呢個情況..

去Sogo對面Giodano樓上漢和食韓燒..11個人食, 要請埋ringo同阿亮, 每人埋單172..=.=…呢排一到星期五六日就好高消費..

尋日成家飲茶, 我爭住碌卡比錢, 因為..月尾, 雖然未出糧, 不過都就快, 加上阿媽生日..無理由唔比者

真係犀利..尋晚一點訓到今朝十二點..然後可以五點訓到八點..

努力想睇下philip pong send黎果份research paper..但真係無乜心機睇=.=..

唉呀..我起度做緊乜野呀..