尋日無打xanga添..唉是但啦, 反正都係番工

今日係Kyle最後一日起PCCW做野=.=..黎左咁耐佢幾乎都係負責個cost project..coding上面既野應該佢係最清楚果個..有D技術野..真係唔係普通人可以睇得明, 黎緊如果有人要負責改佢d code既話都幾大鑊..

Iris都唔想今日咁chur呀kyle..我地今日食飯由12點食到3點=.=..走到去北角食k lunch=.=||||叫埋why同偉明黎..仲有tracy..iris請曬全部人..@_@|||

下個禮拜..會有個叫Jason Yeung既人黎做野..嘿嘿, 呵呵, 哈哈

原本Kyle個fd都有報PCCW份intern..聽佢介紹過..感覺上係唔需要interview都應該請果個type..唉..寫住a-z打字既facebook game..一日就賺我一個月人工咁多既廣告費sosad..

但係..佢個fd連interview既機會都無=.=

放工之後就仆去香港站睇膠津個樂心中樂團既表演..去到既時候剛剛好玩完傳統樂曲, 開始玩新野..咩綠袖子..青花瓷..蘭亭序..情義兩心知之類..

Green sleeves..無辦法, 聽得太多次英國倫敦交響樂團既版本, 簡直係無可取代, 加上佢團人又好似唔係好熟咁=.=|||

蘭亭序…首歌本身我都麻麻..又要慢, 更加難吸引度起果度趕住去搭東涌線既人留低..

青花瓷..膠津一吹笛..塊笛膜就虧左..虧得好明顯, 吹完引子趕住換笛, 之後成首都柒曬..好明顯呀膠團長唔憤氣..encore黎多次青花瓷, 立即好左十萬倍..

同我一齊聽呢個”concert”既仲有陳鈺龍同埋龍姑娘..sosad..

七點半去到Sogo..同Benny/東方/刺身/kenneth/liu/v.siu同埋..BBA(IBGM) year 1生xie wei kai~~食飯~~~由v.siu帶路去到大坑食飯..(感覺就好似由北大行去海淀黃庄站咁..又係行左一個地鐵站既距離..)..

Xie wei kai尋日先黎到香港..受kenneth影響住左起Morrison..聽佢話..話其中一個委培去左Swire 住@@..唔知係幾樓呢..

食呢D飯..志在都係吹下無聊水者soasd..不過真係幾無聊下=.=.

食完之後去左附近一間糖水鋪食野..我地消費左一百八十幾蚊..可以有六個印花, 因為落單果個人落錯單, 我地叫五杯益力多碎冰佢淨係比左一杯我地=.=..於是送多四個印花比我地..埋單既時候..我地狗到..親佢係另一個人企起收銀機果度..拿拿臨比多次張印花卡佢..佢又mong盛盛咁..比多六個印花我地..儲夠15個..就比我地拎到張會員卡=.=||||

明明要450蚊先做到既野, 我地180蚊就做完=.=||||

食完野諗住真係番屋企啦..原本我仲肩負住送xie wei kai番morrison既使命..不過比Benny叫左去打機..XDDD於是都係比kenneth帶佢去搭車..是但啦xie wei kai咁有米..唔識搭巴士咪搭的士lor..聽Benny講話佢今日行行下街, 覺得行到成身濕曬, 就立即入鋪頭買左件二百幾蚊既衫黎換..

每年拎十五萬港幣既優材生, 洗錢方式果然係有別於大眾..

去到世貿..打左一場Mario場車..印象中, 我上次黎玩..大家都係唔知點整到online play..於是自一個on xx咁玩..之後玩左兩鋪jubeat..同阿liu玩, 一人睇住八個制=.=|||

咁就番左整整一個月工, 老實講, 如果之後既人生就好似呢一個月咁, 都真係幾悲哀..

砌layout, 砌layout, 同埋砌layout, style, style, 仲有style..

成日都係做呢D野..

果50個comments好似變到唔關我事咁=.=..

唉唉..

今日開始有得睇下年既timetable..終於可以試下砌timetable喇sosad..

0750踏上荷蘭街, 剛剛好就見到火龍隊crew起度拍緊戲..有班疑似差人由我果邊街行過對面街, 呢個shot拍左五秒都唔駛就cut左

0840就坐左入office, 我都幾有理由相信我係第一個番到去..做左13個task入面既一個..不過iris番到黎之後就叫我做第二樣野..user話要執執index page個layout..@@.. layout呢D完全唔sip及logic既野..真係唔arm幾我做..不過整得網頁, 唔識畫圖都算喇, layout都唔識砌真係唔可以..

呢個世代..砌layout..個個都用CSS..大約1998年先有CSS 2公佈出黎..CSS 3由1998年一直研究到而家2009年都仲研發緊..

div, span, class呢堆野..始終都係要學..<style>..鞋鞋鞋..

初頭連開個class出黎都唔識..kyle差唔多十點鐘先番到黎, 比佢指點左兩下先有D眉目..

佢一番到黎就比HR果邊既人叫走左..原來佢已經申請左辭職..原因好簡單者=.= d野咁悶邊arm佢做架.. 佢話Anju 已經起msn係咁問佢點解, 係咪做得唔開心之類..又問佢有無人可以介紹黎做..

我就成朝繼續砌個style shit..砌果個..只不過係1000px x 400px 咁細既table..唉唉唉, 真係失敗..咁樣砌一砌都好, 真係熟左唔少style shit既野..

Alignment..當我終於coding上砌到無問題喇..唔知點解, 起IE 7睇落就總係有D問題, 明明已經align好曬d input text同select..唔知點解input text總係要向右tun少少, 死係唔肯同select拍齊..iris叫我搞搞佢..大佬, 真係無得搞, 一去google下, 發現通街都係呢D問題, 由IE 6開始已經有人問..IE 7仍然係未解決..直到IE 8就終於fix左呢個bug..亦都有人講左點樣起IE 7點樣simulate番個效果出黎..我就無興趣研究喇..都係等D人慢慢upgrade做IE 8啦

下晝繼續砌另一個table..不過只係最簡單既table/td/tr..

砌到六點鐘..禁save果下, 呢個世界上最幸運既事..竟然發生起我身上..

話說我地不嬲都係online咁改D file, 一save完轉去IE禁F5就睇到個效果..我一save! 個notepad++ hang左..hang左都好正常, 有時個server虧虧地..係會save唔到, 不過唔緊要, 我地慣左打兩句save一之, 就算save唔到都係打番兩句者..

而今次, 犀利到呢..save完之後, 個file 變左0 byte..我再開番個file既時候入面既野真係無曬..意味住我今日成個下晝既心血都付諸東流..

呢個時候, kyle起我覺得都好奇怪, 唔明佢d code錯乜..錯到個browser乜都唔show比佢睇..甚至佢剷曬所有code..淨係打幾隻字出黎都唔得..佢right click睇下file property..發覺都係變左做0 byte..好彩佢未識個notepad++..

同iris講..佢試完之後話..可能係因為個server harddisk爆左..唔係掛? 咁易爆? 佢話呢排有另一個programmer做緊另一壇野, 講緊400 million..即係4億隻record..d檔案下下都幾GB幾GB咁..

Ok, that’s fine~ 我聽日再做過

(但係d野聽日就deadline喇..)

番工..上車既時候落小小雨, 落車既時候落大大雨..大雨到起我把遮入面落雨..大雨到我起七姊妹道行既時候停左三次..等佢細雨番D先繼續行, 雖然係停左好耐下, 都起0902番到去..

朝早..將上星期五做完既code merge 落kyle既版本度..

第二個task係..又係同group and ungroup有關..幾乎由番工第一日就同呢個task結下不解之緣..user彈番轉頭話要pull-down menu顯示既circuit要satisfy更多requirements..拿講真, 你多個requirement, 我咪起句SQL度加多個and condition..好易者, 麻煩既係要做番份document解釋比個user, 証明我已經做好左..

真係麻煩到嘔呀..cap完圖之後仲叫我寫兩句SQL出黎..show曬所有有需要改既data..一個table有幾千隻record, 要自己cross自己一次黎搵出邊D係同group, 咁樣cross一cross法就有成幾百萬隻record出左黎..乜join我都試雲曬, run 條SQL run 10分鐘都無野睇都知咩事啦下化..

搞唔掂, 都係比番iris做..之後..就輪到cost project..果50個user comment..經過上層同user既會議, 帶番落黎比iris既訊息, 再比我做..我負責做其中13個低能既enhancement / modification.. 星期三deadline..真係唔知點樣做得切=.=..

怪就怪無好好溫熟SQL先黎開工..今日起條SQL加左個%之後就run極都run唔到, 搞左我半個鐘..先發現..原來要將個=轉做LIKE..隨左話自己死蠢之外我真係諗唔到第二個形容詞

早幾日睇住kyle整個searching page既時候都聽到佢講話佢個寫法搞到人地好難debug..直情要整埋debug mode出黎..今日一見, 果然係聞名不如見面, 佢個if statement入面壇野惡到連我想echo番句SQL出黎都唔比, 真係做到我想喊, 隨口嗔左一句話..”echo出黎都唔比!”之後, iris先提我上面有個$debugmode = 0, set 左做1之後就會入debug mode..

隨左O咀之外我都無第二個反應..我真係完全唔明白JSON呢樣野係幾時可以apply出黎lor..又..比我開左個debug mode出黎, 我仍然係做唔到我想做既野..等到iris做完佢個task..過黎睇下我點..指點左我兩招之後..我都係做唔到, 我想講話我真係做到好唔憤氣lor..個php入面包含左D真係超越我理解範圍既野..真係唔知做乜Q..想查都唔知點查..

好唔gur呀!!!!!!!!

聽日我要番去衝爆果十幾個tasks呀!!!!!!!!我家下真係有團火起度lor!!!呢團火..有D怒氣, 有D衝勁, 有D野蠻, 吼~~~~~~!!!!

七點鐘, 都要走喇, 約左chemix 七半行書展..佢有贈券..我都唔弱, 我有亞波帶我免費入場, 隊都唔駛排, 仲可以同人地逆向咁行XDDDDD

起書展入面唔知點解電話收得好差, 我打比chemix打唔, 佢打比我都打唔到..等我去到快譯通搵到Debby同佢吹左半個鐘頭水, 再打電話比chemix, 總於打通左, 先發現佢都已經入左場成半個鐘=.=..差唔多九點鐘先見到佢=.=|||

我擺到明就唔係入黎買書架喇, 我行入書展果陣銀包入面得番十蚊, 仲要全部都係碎銀黎既..書展呢D活動, form 4開始年年都有行..行到都覺得無乜特別..咪即係一間大D既書店者..不過又要主打年青人..90%既書其實書局都有, 係打折打多D, 隨非話買三四本書, 如果唔係計埋入場費可能都差唔多..今次入黎咪當係同fd行下街, 反正又慳左入場費, 無所謂啦..

不過今次慘D既係連飯都未食就黎行..十點書展收檔先走..十點半出到電車路是但搵間茶餐廳食飯..chemix係咁講AOC 經=.=||||救命=.=|||

尋晚搭N368, 去到上環落車, 等5B..等等下走左入間OK嘆下冷氣先..忽然聽到後面有兩個遊客問路..拎左幅地圖..手指指咁..佢地講野細細聲..聽得唔清楚..但係答佢果個阿嬸就鬼咁大聲, 用D廣式普通話答佢地..見阿嬸用普通話..咁我梗係以為佢地係大陸人..阿嬸大大聲咁答話咁夜無車番西環..

擺到明當我流架者, 咁我用普通話解釋比遊客聽, 話仲有巴士..果個阿嬸好似唔執輸咁, 即刻跟我講話有呀有呀..遊客講番幾句xie xie就走左..

咁我順手增埋值, 都走喇, 兩個遊客就起我後面行, 諗住聽下佢地講乜..點知聽極都聽唔明..聽聽下先發覺佢地講緊日文=0=…行到去巴士站, 其中一個女人問我問題..一開口就成堆日文飛埋黎..起OK就用普通話, 對住我就用日文…你無病下化=.=..好彩隔離個男人識講英文..do you know where lis dis 呵del? 我一開口就用番普通話答佢..無辦法, 剛剛講完..但係又唔sure佢地係咪真係聽得明..於是又用番英文..頭果兩句講到我都唔知自己講乜..普通話溝英文咁..

講多陣, 終於轉番做英文台, 又發覺自己D英文lut lut cut cut咁, 唉唉唉, 真係收得皮, 即係..需然話溝通無問題, 但真係唔算合格lor..

今日原本去行山既..但係呢..呢排長期處於睡眠狀態..都係唔去喇, 我驚我自己起九龍坑山頂碌到落大埔頭咁就唔係幾好啦..決定唔去既時候都幾大爭扎..番左三個禮拜office工, 個人都無乜點郁動過, 感覺唔係幾好..

訓到十二點幾先起身..食個飯..就拎左成堆書番HKU..拎左幾本CS書..之前買落既, 擺番去學校個locker..我都唔要架喇..遲下睇下有無好心人執左佢啦..另外仲有幾本php / javascript..我完全明白自己係唔會有心機揭黎睇, 都係早D還左佢啦..另外仲有兩本逼我今日番HKU還既書..上年去北京之前借落兩本CE Physics 書..比老豆睇..比我續借左五次, 即係借左成年..續到唔比再續喇, 先局住我今日先番去還=.=

去到HKU lib..見到lo記..同佢吹兩句水..問佢起度做乜..我真係發夢都估唔到..佢答我話去溫書..=.=|||

一樓呢排發生咩事sosad?

今日出門, 先係起西寶城見到楊婉怡做緊嘉賓上台唔知做乜..番到荷蘭街..隔住塊玻璃比我見到疑似任賢齊…

話說呢幾日..火龍隊crew都會起我樓下拍戲..珍珠閣下面全部鋪而家都吉左無人要, 咁arm其中一間前身就係茶樓黎..佢地就想搵緊茶樓黎拍..怪不得早個禮拜有人去果個鋪位裝修啦..仲以為又有新野食, 點知係裝修黎拍戲..今日成日起屋企都聽過十幾次鎗聲=.=

起西寶城又撞蘇..記..丫唔係sir..丫都唔係..老師喎..(都係蘇老師呢個稱呼match番佢成個人)

剛剛去完十六旅七十週年個camp番黎..

我發覺..遠距離望到一個人咩住咁鬼大個露營背囊, 原來真係有少少好笑=.=

訓到十一點幾先起身, 起屋企食埋飯一點幾先出發..

去錦田高埔村kitty屋企..

多得臨出門口之前家姐提一提我大欖隧道有轉乘優惠計劃, 我去皇后街搭968再起欖隧口轉264M一個站就到高埔村..

我兩點半去到..入面得sally kitty同mary起度=.=..証明我遲D出門口係一個正確既做法..等到billy同matthew黎就開枱打牌..

無辦法, 怪就怪我班朋友入面比較少人打牌, 少出席牌聚..牌藝自然差咁D..連續兩鋪都係我出銃, 仲要係雙響炮, 真係唔讚自己另仔都唔得..好在後黎食番鋪自摸混一色, 有正花, 碰arm 風, 碰埋白板..最叻仔係呢次喇..之後打多陣都唔想打, 太大壓力=.=|||讓左個位比matthew算..

過多陣..亮哥同琛哥都黎埋

之後睇下戲, 玩下wii, 食下日本野..睇下香港先生選舉, 吹下水(其實我都無吹過).咁就一日..

十二點先走, 趕到264M尾班車去大欖隧道, 可惜趕唔到968尾班車, 要搭N368..32.8呀頂..仲要蝕埋個轉乘優惠比佢..早知就去到青衣搭地鐵番港島算啦唉唉唉, 呢鋪真係柒到無朋友..

即係呢, 我想話, 我份人始終都係無乜野講, 呢樣野真係變唔到..

我諗如果我係另一個type既人, 番到黎應該會係咁同朋友講起北京/其他地方既野, 而且會講到眉飛色舞, 不過我又唔係喎

起一班咁熱鬧既人入面, 都係靜靜地算啦..

臨走, 係billy講起先發覺, 原本成班人入面, 我同billy同mary先係最細果幾個..=.=

“我起個table入面append左好多個childnode wor..咁因為而家searching既條件改變左, 要show過另一D 資料出黎, 咁我就先用.innerHTML將佢裏面既野清空先啦..但係..唔知點解IE唔得而FireFox得wor

於是上網睇下..d人話係因為memory leakage..我果個table入面條條都係link黎架麻, 又有d mouseover, onclick既event, 呢D全部都係listener, 如果我清空左個innerHTML, 就會發生memory leaking, 即係呢埋listener就再搵唔番, 但係仍然存在起memory入面

IE可能係想避免呢D事發生而禁止左咁樣做, 但係FireFox就應該係識得replace佢..好啦..咁我而家咪寫個function出黎同佢逐個逐個node整走..但係咁就好慢喇, 千幾條record都要兩三秒左右先清得完..清完仲要再load另外千幾條record出黎, 等既時間太長喇..

呢篇文又話..如果先td, 後tr, 再將tr塞入table, 呢個係一個慢既做法, 快既應該係先create table, 塞tr, 再將td塞入tr..同埋..如果入面係無tags既話, 用innerText係好過用innerHTML, 因為少D解釋工作..

問題又黎喇, FireFox好似唔支援innerText..

再搵下先..

用呢堆方法, 起唔同browser清空innerHTML有唔同速度..FireFox VS Opera VS Safari..哈, D人連IE都廢事試..丫唔係, 最底有人試左..IE用左D快方法之後一D都無快到既!?”

事緣database入面有接近十萬隻record..要show出黎比user揀, 如果一次過show曬十萬隻出黎, 就蚊訓啦..所以就要做少少searching先, 但係search完都係講緊唔知幾多千隻, user係會有感覺得到既等待時間..Kyle好鬼興奮咁上網搵方法解決呢個問題..

真係嘆為觀止, 雖然知道browser係一個interpreter, 但係從來無試過咁真切咁體驗到到呢個特性, 唔同方法寫出黎既interpreter真係可以差好遠..同時由一個更加深入既角度明白到點解IE唔好用=.=..

上晝做埋d cap圖功夫, 下晝寫code, 寫左四段..

最難係起張form入面加多個field..就咁加field呢個動作, 加個<select name = “xxx”></select>就得..但係要處理埋佢D onclick event, 又識得save入database, load番出黎..起database入面load個選項..如果另一個pull-down menu有變動呢個要點變..

其實全部野kyle都做過一次, 我抄佢d code就得, 不過抄都好有難度..有d loadJSON..都唔知咩黎..不過比我大概估下估下又差唔多做得曬喎..最後請黎kyle幫我de一debug..只係其中一個地方串錯左nomenclate呢個字@@..估唔到只係一個咁小既問題@@..(原本我以為我會成個flow錯曬添..)

1805就收工@@..iris都估唔到我會咁快做得曬XDDDD

約左陳鈺龍膠津..九點半去一生食飯..有排啦..我慢慢由鰂魚涌行到銅鑼灣, 都係一個鐘唔駛..起三聯睇左陣書..特登拎番本corp fin黎睇.. Philip pong send比我果份research paper.. introduction果度有堆efficient market hypothesis.. 睇到我眼都突埋, 好彩有d corp fina 既殘餘知識起個腦度..

陳鈺龍買左部Nokia 5800..梗係拎黎玩下啦XDDD去左麥記果度用免費wifi, 速度一般者, 用慣左電腦硬係覺得佢唔夠快..拎黎聽歌睇片又真係好唔錯@@..

又睇下佢買果本香港彈起, 得六版, 版版都係識得彈起既建築紙模型, 人手制作, 真係好靚, 好有心思..抵佢賣到成二百幾蚊一本..

九半上一生, 三個人食..何文津D爛gag多到..真係頂唔順..

痴線, 0845就番到去..

偏偏今日iris同kyle一齊遲到..唔..可能尋晚iris真係做到好夜@@..事關, 今日就要present個cost-request果一頁比班user睇..

今朝成朝都同佢捉蟲..捉到差唔多十二點iris就去conference rm喇..淨低既時間..全部都係拎黎cap圖做user guide..

晏晝去大家樂..又再一次發揮su can既智慧, 買之前都係睇下燒味部同西餐部兩條隊邊條長D..一條廿個人排, 一條兩個人排, 無理由唔食燒味者..

1330番到去..訓左陣(=.=||||), 醒番既時候iris都番左黎, 話果廿幾個user都幾得整得好唔錯..no problem..

Cap 圖呀cap圖..cap左80頁A4紙..當一頁兩幅計, 我都cap左起碼160幅圖..cap到..訓著..

尋晚開始睇Neural Network既書..真係..無乜心機睇..呢排個人長期處於渴睡狀態..即係呢..叫我hae下就得, 一做正經野呢..

Saw VI trailer..我講過, 今個萬聖節, 就算單拖都好, 都要入戲院睇呢套戲

是日香港有日偏蝕..我都唔明點解好似咁多人都唔道咁..我起個office入面起碼搵到三個人唔知今日有野睇..我仲以為我起港島東, 企到三十幾樓, 會睇到啦..點知都係睇到條毛..有d同事話行去office某角落吉穿張紙再睇投影效果ok..咁睇法..我都係無乜興趣喇..

尋日整完一part 既email, 今朝整埋另一part既email..

外人, 甚至係自己, 都想象唔到自己可以有幾低能, 尋日已經做過一次, 點解今日都要花成朝先再做到=.=…

其實呢, 都知自己寫出黎既code廢..一諗到, 有朝一日(其實可能過兩日), 將會比一D神級既code所取替, 都係有少少灰心, 話曬都花左唔少心機落去..又不過, 真係無辦法, 睇一睇人地既code..唉..

早幾日做完既view mode, 搞到尋晚iris花左兩個鐘先merge番落原本段code度=.=..我D SQL寫錯左=.=..呢個就係唔熟識database既後果喇sosad, 連邊個係primary key都未搞清楚=.=..

起呢D衝project 既dealine 期, 完全感受到其他人既壓力..(好明顯我就無乜啦..正所謂..能力越小, 責任越小丫麻..你估我想咁小責任架咩..無奈我能力真係太小=.=)

下晝..改正d個email..然後寫spec..

之後iris再整一整send email果part=.=..其實我寫落果堆野都係無乜用..

臨走前又學到D野..話說其中一個field叫description..係textarea..上次已經講過關於double quote 同single quote既問題..今次仲有enter既問題..kyle用果個mochikit….某部份會將傳過黎既variable內容當plain text看待, 遇到enter既時候就麻煩喇..enter將果行code斷開左....於是..就將個n轉做<br>啦~..諗住佢呢鋪應該dim過碌遮..點知果個function鈍到..將<br />當text咁show左出黎, 唔識當佢係HTML tag..

呢下真係佩服..kyle將果個variable換左做另一樣野..將用innerHTML塞入去..於是個browser就識得將佢睇成斷行, 再塞入去, 而唔做成起code上面就斷左行..

細細個..第一樣真正自己學既電腦野..就係HTML..可惜..果時學落一堆HTML tag..而家比W3C話incorrect喇..以往..斷行, <br>咪<br> lor..而家要統一, 做野要有始有終..所以就要加番個/比佢..變成<br />..<br/>都唔得bor..因為其他野例如<p>呢D可以有d attribute架麻, 例如<p align = “centre” />一定要留一格擺attributes..

而家處於一個過度期, 舊有既tag同新tag可以兼容..視乎開頭第一句係乜..

<!DOCTYPE html PUBLIC

  "-//W3C//DTD XHTML 1.0 Transitional//EN"

  "http://www.w3.org/TR/xhtml1/DTD/xhtml1-transitional.dtd">

可以係XHTML 1.0 transitional, strict或者frameset..

又可以係HTML 4.0..之類既野..用左唔同DOCTYPE就要跟番唔同既規舉..例如起transitional 入面, <centre>可以用, 但係strict入面就無左<centre>..centre呢D同style有關既野根本就唔應該自己有個tag..

起仲develop緊既XHTML 2.0入面..HTML form無左, 取而代之既係xform..任何野都有野href呢個特性, 例如<img href = “”></img>..<a href = “”> </a>呢樣野將會永久消失..

又不過..連yahoo / google都唔係follow得咁足, D舊野可能都要等番百零二百年先有望完全消失..怪就怪舊既browser 寫得太強勁..舊既browser, 就算d HTML tag 100%錯曬, 個browser都仲識顯示可以有<table>無</table>..點都得, free到爆炸..

今日又係無鬼聊..照樣係0730起身..落去搭叮叮..去到上環都唔搭地鐵, 轉2號=.=|||心諗佢行碼頭過應該快D, 點D碼頭多人上到爆炸=.=..不過都起0902番到去..

繼尋日做左成晝view mode..今日做左成日..email..

已經有個現成既php function係用黎send email@@..我只係執番好個email既內容者..之不過..果個function又騎騎呢呢..又無乜解釋..

其實我feel到個task真係唔難, 不過我都係搞左成日..唉唉唉唉..

今日又學到D野..iris叫我睇下起description果欄打d special character 例如single quote / double quote / < / > 呢D會唔會有問題..我試過, 好似ok wor…但係起另一個description打就出事喇..

Kyle一睇就話..text同textarea唔同..text果個..係value = “ “ 咁樣黎儲..textarea就係<textarea> </textarea>咁儲, 所以text要留意quote既問題..textarea要留意既係HTML tag既問題..php已經提供左兩個functions, 叫unshlash, 同埋咩咩code..呢兩個functions會自動加D escape character落去..

又因為d variable會php同js 交叉咁用, 可能要unslash再unslash..

今日張門卡終於用得喇..番左14日工終於有得憑自己能力入門=.=

夜晚睇緊烈火雄心三既時都仲見到iris online..佢話幫我執緊尋日個view mode=.=

唉=.=..programming呢家野..真係唔通頂唔得, 相信各位undergraduate已經深明此理..不過..出黎做野又係另一個世界..唉..

早排send左email 比philip pong, 即係FYP老細..佢覆番..份paper比我, 叫我煲左佢..” It will probably take you a couple of weeks to fully understand this paper.”

Ok=.=|||

我一直對5P呢架車都好有信心, 同樣係由嘉安街轉出去, 下個站就到演藝學院, 所以就算佢係0820先起總站開出我覺得都應該無問題..

於是今日就照常0730起身, 然後去祥香園茶餐廳食個特餐..之前聽陳鈺龍提起呢間野..又上openrice睇下, 講到唔食過呢間野唔係西環人咁..咪試下lor, 平時飲奶茶都唔會點留意, 今日特登dap真D, 又真係幾OK wor

搵機會去試埋個蛋撻.

0817去到西環尾果個站, 即係總站開出黎之後第一個..

都唔知點解咁鬼唔好彩, 好似食曬所有紅燈咁樣..最唔好彩既野都發生曬, 即係..例如起燈位前面有個站, 果時係紅燈, 偏偏有另一個同樣係鬼咁多人上既巴士上緊客, 搞到5P上唔到..好喇, 等到佢上完開走左, 5P埋到去..睇住個綠燈既時間一分一秒咁過..就起臨上完客之前幾秒佢又轉番紅燈..即係等左佢兩次紅燈..唉..

好喇, 去到嘉安街都花左15分鐘..0835當架車轉出4號幹線..行左陣, 驚見車龍出現..太遲喇今日..平時081x左右18P去到信德中心上面既時候條線仲係好順..而今日, 只不過係遲左十幾廿分鐘左右, 就要開始慢駛..0850先去到入境事務處呀陰公..

落車望一望M722個牌..睇下幾時有下一班車到..呢個時候一架720P黎到..立即望一望720P個牌, 睇到我眼都花埋, 白白送走左架車..接住落黎果10分鐘都起度研究720P, 720A, 720同M722..真係好鬼複雜=.=..

原本以為由太古城行去PCCW Tower要好耐, 自從上次去過太古城食飯之後..覺得又ok喎..於是見到下一班720P黎到就衝左上去..

果然, 8分鐘就去到轉入太古城既彎位..可惜太古城入面塞緊車..塞車太古城門外既時間同行車時間都差唔多..

跑到番PCCW Tower , 都0920..唉=.=|||

今日Kyle竟然..唔番黎=.=|||| Home Office=.=|||!? 學埋Karen咁樣=.=? 堅定流架..

朝早無乜野做, 隨左打埋份specification之外, 打呢D野十分鐘就搞掂喇..原本話要cap埋未cap既圖, 但係view mode未完成, cap黎無乜意思, 於是要等iris研究下Kyle段code究竟要點改, 再黎教我改, 但係佢研究得黎, 又搞下其他野得黎, 都已經去左成朝..

呢個時間我就上wiki睇下整網頁常用既framework..咩Monchikit..咩Struts..

入U之前聽人講話咩IT呢行日新月異, 出黎仲要keep住學野..但係實際上究竟出黎仲要學D乜野呢? 都唔係好知..

入到U....寫落programme之後覺得..都係學language者, 用開一種language之後唔會成日轉架麻? 而且language之間都好相似..C++ / Java…如果再學埋Python / Ruby..基礎野都學曬, 要轉language應該唔難者?

寫落java之後覺得..有時唔係algorithm既問題, 而係熟唔熟d method既問題..

今日睇完Web Application framework.. 心諗, 所謂日新月異, 就係呢D野?

咩Mochikit, 咩JSON, 咩Struts, 咩Hibernate, 咩Spring, 咩Ruby on Rails..淨係聽過名而唔知咩黎既已經有一堆起度, 上wiki一睇, 發覺連名都未聽過既多成十幾倍..

再諗, 一個普通番緊工既programmer..會唔會真係有咁多時間去學呢D野呀..? 番工D野都做唔曬啦..我諗真係做到既人..唔會多掛..? 可能升職加薪都係睇呢D野=.=?

9 up完畢..

晏晝約左張明出黎食飯, 佢又係起附近番工..吹左成個鐘水..

下晝就做個view mode喇..聽完iris教一次之後..我仲諗住佢教我做果D野已經save低左架添, 做左一半之後, 遇到個問題, 唔知點樣將一個client side既variable pass番去比server side, 重點係又唔POST得又唔GET得, 咁即係要改一堆野啦..交番比iris改, 佢改完之後發覺run唔到, 掟番比我叫我debug先..我搞唔掂, 再比番佢..先發覺..最初既問題..

一路整到六點幾, 終於整好..

但係iris想de由kyle做成既bug, 就好似總係de唔到咁..sosad..

想趕番屋企食飯啦..跑左去太古城試下搭快車..又唔為意果度係分開左兩個站..我跑去既時候睇住架720走左..一走左就見到後面架720A..一野衝左上去, o都果下見到車費4.1..可惜果下已經o都左落去=.=..即刻落車好似柒左D..搭左兩個站先落車=.=過番對面馬路搭720..1919番到去太古城果個站..去到中環轉18P..1949我就番到屋企啦@@

朝早搭720P同夜晚搭果架720個司機都好aggressive..猛咁左穿右插..莫非新巴真係揀過先比D司機渣呢D快車=.=?

番工..番左12個工作天啦..我呢D intern仔, 做錯野都係比人話兩句, 未試過比人嚴重咁鬧過一餐..同真係出黎番工仲有好大段距離

日日都係朝九晚六(in best case)..番到屋企食埋飯都八點幾..一日之中, 真正屬於自己既生活好似就係由果八點幾開始..通常都係十二點一訓..計埋就係得果四個鐘多D..

起呢四個鐘入面, 做D乜野好呢? 唔知wor..真係唔知自己想做乜..

連做D用腦既野都唔想..(最勤力既時候..我會研讀一下Kyle寫既code架@@..不過每日限時十五分鐘咁lor..)

對住部電腦無意識咁就圍click, 有時望下電視(if開左), 有時望下隔離家姐做緊乜野, 十下十下咁就一晚, 第二日繼續呢個loop..

有時放工約左fd..出去大癲大肺一輪, 番到屋企即刻就訓覺lu, 第二日繼續呢個loop..

點解我已經預計到黎緊既人生就係咁枯燥乏味..真係出黎打工之後..我諗個情況應該會更加worse

可惜我無對D乜野特別有興趣..唉~.~

頂, 打一打風乜節目都無曬

星期六訓到十二點幾先起身..食個飯..剪個頭..四點左右同阿媽行灣仔電腦城=.=..

佢話想買部可以播歌播片睇相個mon又夠大既物體..即portable media player..

重點係大mon..如果唔係求其執部機比佢都得啦..5”都嫌細

於是..好自然就會有一個問題..咁點解唔用電腦呢..?而家好似有D 7”/8”既netbook啦..

果然係好問題, 重點係, 又要平喎..

SPEED / 愛國者都有類似既機種, 不過唔知點解又睇唔arm..

最後既solution係, 用家姐部EEE901(定1000?)咪得lor sosad

出黎灣仔..仲因為..原本小同聚係七點銅鑼灣, 不過因為打風, 取消左

打風喎, 當然要取消埋行山呢D咁鬼危險既活動喇, 於是就今日..就無野do 喇..

原本今日有得行大埔鳯園=>沙螺洞=>鶴藪=>九龍坑山=>大埔頭架麻..我都幾想見識下九龍坑山果條無限樓梯..

尋日已經完成左90%既practical skills, 今日再加上最後一part Event log..真係100%同CE Eng paper 3一樣lor, 對住一個已經差唔多整好既網頁, 聽iris介紹一次, 一路聽一路jot notes, 最後iris send番個勁簡短既大綱黎, 然後作文=.=..

話說我retake CE Eng Paper 3都拎A架..

然後就繼續debug..有D野, 真係唔錯過唔知..

<button form = “input” type = submit name = “submit”></button> << 原本係咁

之前iris話要加個confirmation 比佢, 比我轉左做

<button form = “input” type = button name = “submit” onClick = “ if (confirm(“Are you sure to submit the form?”)) && checkSubmit()) document.input.submit()”></button>..我又從來無留意過原來kyle起開form果陣有一句<form name = “input” onSubmit =” checkSubmit()”…之類既野, 又加上我完全唔知咩叫onSubmit..於是比我咁樣改一改, 個flow有少少唔同左, 於是之後D野錯曬..

見到錯左, 我都feel到係我果句有D問題架喇, 但係, 我又鬼知道原來type = “ submit”同type = “button”係會相差咁遠咩..諗住自己加番個document.input.submit()..都一樣者…

Kyle幫我de番bug之後就開始cap 圖..cap左成個上晝..

起iris去開會既時候, 走左去pantry參觀下, 見到有盒脫脂奶..任飲喎, 梗係即刻整番杯先啦..下晝食完飯番黎之後又飲左兩杯, 我終於搵到我番工既終極目標啦XDDDDD

Iris又請食飯, 帶左我地去鰂魚涌地鐵站B出口..轉角位果間日本餐廳..最平果個餐都要80蚊@_@!!!!!!跟iris食左餐..真係貴到呢..

下晝繼續cap圖..

Iris同kyle..開始係討論點整, 而唔係單向指令..=.=..

當處理到數以千計萬計既records時候, 就會發覺, 原來algorithm design同query optimization 真係好重要, 又更加當我係用緊一部Pentium III 800MHz 既機既時候..

夜晚同Benny / Joe / V. siu / liu 去旺中唱K, 貴到呢, 成126蚊..唱完再叫Nelson黎一齊去滿記食下糖水

開房既時候得4個人, v. siu起尾果個鐘先黎..原本仲諗住同話加多左位..v. siu好淡定咁話唔駛, 包無問題..v. siu把口真係勁到呢XDDD

Nelson黎到咁講抽新股..又講考CFA CFP D野..

0010離開朗豪坊, 0040就番到屋企坐低..我只係搭左最後一班905, 再轉電車, 真係快到痴線XDD

公佈左Final Year Project Topic, 我成功揀到第一個Choice:

Machine Learning: Stock Index Forecasting, 老細係Philip Pong..

唔..

尋日都打好左半份practical skills..今日再打多半份practical skills..

下晝..將幾日前我寫既code..用黎show error msg既code, merge落kyle寫緊果堆code入面..即係呢..唔熟JS係咁上下架啦.. for loop係咩我知, 但係for loop起JS入面..又有D特別D skills..鬼識咩..其實同Java都有D關係既..唉

Kyle睇左陣, 話不如..如果user miss左個field無填既, 就將佢轉成粉紅色, 提下佢..唔好淨係用alert msg咁..我睇佢做左一個example, 就將D code照抄去其他field啦..其實的確係有閃過用for loop既念頭..

整完一大輪, 佢再望下, 幾下就整左for loop出黎做完

囧rz…

夜晚同Anna同陳鈺龍起北角食飯..之後起北角碼頭吹水..睇狗..真係勁多人黎碼頭放狗@@..

究竟唔執著同放得低..意思上有咩分別?

要擁有必先懂失去怎接受?

識得某D朋友, 好執著於某D野上面..唔..唔識點講..

應該話佢好有目標, 好有志向, 定係太過壓抑自己?

係好定壞?　成王敗”扣”, 人地執著, 然後成功, 你咪話佢值得學習

人地執著, 然後失敗, 你咪話佢戇居居..

唉~.~

大廈大堂貼左張告示, 話某某娛樂公司要黎西環荷蘭街拍戲..時間係25/26/27/28號..有黎明同任賢齊@@..仲話會有大型爆破場面添@@!!!..

今日做既野..真係低能..service order竟然仲有後話..又話有D問題…明明就無問題, 張order原本就係咁既樣架啦..又話我搞錯..

跟住都係做documentation既野, 描述下個cost project係做緊乜, 十足十CE英文paper 3咁..聽iris講完一大輪野, 寫埋note sheet, 睇住個網頁黎作番篇文出黎=.,=..

Iris整個control flow既時候留番幾行code比我試下寫..唉~.~我feel到果幾行code真係好低能~.~低能到我幾分鐘都寫得好~.~

預計聽日或者後日都係咁上下架喇..等成個網頁做好之後, 我就要cap足成日圖..=.=|||

Issac夜晚上左黎=.=..話因為落雨..想上黎避一避..唔知點解, 同佢玩左場AOC=.=|||正確黎講..係家姐起隔離教佢玩..=.=|||, 一玩就玩左幾粒鐘=.=..

今日搭18P..訓著左..醒番見到第一樣野係坐我前面果位小姐拎住份AM730..揭到某一頁話咩男人無鬍鬚係一種唔知咩畸胎瘤既病徵之一@@!..仲要話病發年齡係介乎20到40@@, 仲有其他野好似都中中地..嘩唔係講笑, 睇完真係有D驚, 真係要搵日check一check..

尋日拎住阿why電話, 今日番到去唔駛戇居居起門口等..不過..入到去都係無野做, 成朝起度試Kyle整既果頁, 搵到問題=>改=>搵到問題=>改..

當然我只係負責做搵問題果個sosad

Kyle起剛剛過左個星期日生日..Iris帶左我地去間日本餐廳..請Kyle之餘請埋我食飯@_@!!嘩卡卡, 真係多謝曬, 無端端又比人請食飯, 仲要成52蚊咁X貴..我諗臨走前都要搵日同Kyle夾份請番餐先得..

今日黎左個perm既temp..terrence..黎自Poly EIE..遲D就要掉去坐起佢後面=.=..

原定計劃係今朝會de曬所有bug..可惜bug呢D野de極都唔會完..下晝番黎kyle繼續debug加少少修改..我就cap左少少圖, 只係有關於日期果一part仔..跟住就無乜野好做..三點左右發夢/訓覺到五點..iris見我咁悶..就講左一大堆野比我聽, 大概係果一頁既status既flow..點樣由new request去到saved去到submitted去到verified去到approved去到processed..

我真係無聊到呢..打篇咁既野廿分鐘就搞掂..跟住既時間無聊到同佢用word畫圖咁畫埋個flow出黎..

1824..身處連接太古坊同鰂魚涌地鐵站果條橋上面..眼見一架前往堅尼地城既叮叮就起腳下, 真係唔理危險都要跑去電車站..唔知點解..番工八日以黎, 起碼有三四日都係一落到黎就見到堅尼地城叮叮, 好彩到咁@_@, 架叮叮又要唔慢喎70分鐘送到我番屋企@@...

番到屋企上去HKU UHS (University Health Service)個網頁睇下..好似如果係經HKU clinic轉介出去既cases..都有得番黎claim錢? 唔係正到咁下話? 又順便睇下check牙同洗牙既價..夾埋都係135蚊, 呢個暑假真係搵日搞搞佢先..

星期日凌晨打機打到朝早七點先番屋企, 之後訓到死左咁樣, 起身食晏訓覺起身食飯訓覺=.=|||

http://www.youtube.com/watch?v=7B9THSLvfNQ&feature=related

阿蘭 – 心戰MV (《赤壁上集》主題曲)

http://www.youtube.com/watch?v=Yan52Gp2G5I&NR=1

阿蘭 – 大江東去MV (《赤壁下集》插曲)..順片回顧下赤壁呢套戲..唔係幾鐘意個mv東洋味咁濃..

阿蘭係一個去左日本發展既四川女仔..比我大一年幾個月@@..剛剛出左第一隻個人中文專輯..唔睇樣就咁聽聲, 有D張靚穎既感覺..睇埋樣之後..張靚穎完全唔係佢果皮@@..(會唔會係因為我已經比日本文化侵蝕左..?)

今日番工..085x就去到, 不過仲未有門卡, 無門口入, 細細力敲門又無人開比我, 明明果時iris就已經番到去=.=..下次都係敲大力D先得=.=|||

朝早做果D野..唔..雖然係低能, 不過level黎講ok適合番我呢個低能兒=.=..唉=.=, 即係呢, 都唔駛入黎做我都知自己廢, 不過而家拍埋同個神人一齊做, 呢種感覺真係特別強烈=.=..

甚至有D唔係coding既問題, 而係有無果種sense..”等user揀錯左之後, 彈個alert message出黎話比佢知揀錯左”, “咁點解唔防止個user揀錯呢? 我disable果個option咪得lor”, “係bor!!!”..呢段對話..無我份..but, 以我直觀咁諗, 我都應該會

開始研讀Kyle上個禮拜寫既千幾行code..有D function唔係聽佢解釋既話, 真係諗成世都唔會明..慢慢哽得落果d getObject(“EventType”, 0).options[getObject(“EventType”, 0).selectedIndex].value == … 即係呢, 睇唔係難, 但係一時間真係load唔到出黎..加上我連getObject都唔係好明=.=..

IE又係衰既..我較左個button onClick係call一個function..如果個function fail to return something..佢話我有問題果行係button果行, 而唔係話個function有問題..咁我呢D初心者又唔知wor..明明我就無搞過button果行, 有乜理由之前得寫完個function就唔得架呢..個function又衰喎, 寫到有D長, 都唔知邊鬼度出錯..

同Kyle同why去食飯..Kyle講左成餐飯都係佢起中大搞左果單杰野出黎=.=..

話是話, 有無人諗過要投訴HKU d prof / tutor 將改好既assignment / mid-term 就咁擺起office門口任人拎..又有無人試過起果D地方搵唔番自己既野呢=.=?

下晝..聽iris解釋完果頁既logic之後..係咁test佢..test test下..真係學到野@@.. Kyle部機用緊IE 8, 我部機用緊IE 7..有D function起IE 8用到但係IE 6/7用唔到@@..絕對唔係D咩深奧技巧..只不過係簡簡單單既<option disabled=”disabled”>abc</option>..起IE 6/7竟然行唔到!!!! 要寫script既人自己用另一個方法..simulate disable呢個功能..我而家都唔明白, 既然唔支援disabled=”disabled”, 可以點樣emulate到disabled??? 睇完段code都係唔明+.=

臨走前又起kyle身上學到少少野..見佢個php一黎就$index=floor($index)先, 明明傳入黎既index就係integer..點解仲要floor先呢? 佢解釋話係security既問題..簡而言之, 就係避免比人用SQL intrusion黎attack..仲即場示範點樣寫果句SQL@@..

又原來..用innerHTML黎當echo/document.write咁用既話, 用到一堆HTML tags既時候係會有問題, 佢會一句一句拆開咁睇, 而唔係好似document.write咁..所以就用一個string concatenate 曬所有code先, 最後先一野innerHTML += 果個string..@@..

六點幾出發去旺角..最後一次CE nite喇..之所以係最後一次, 其實都係因為我地..果屆..或者係下屆人啦..如果我地有人接莊既話..唔知會點呢, 其實Bryan都話..如果佢地早D招莊, 佢就未必會答應上另一支莊..我自己都諗..如果CEA有番咁上下有心人想上既, 我都會想上埋一份..不過..已經過去左啦..

估唔到有咁多舊生番黎, 可能都係因為30蚊就有得食一圍..真係好抵..part 2有10個代表=.=..Bryan/我/chilam/綠茶/Kong/jacky/戎生/victor/謝ming/肥仔業..坐左一檯..part 1黎得四個..part 3好似都黎左好多人..最多係graduates=.=勁多唔識既人..

食下野玩下遊戲, 我地檯推左victor出去兩次玩開口中, 不過佢次次都係出去睇, 都無玩既XDDD之後推謝ming出去又係咁

玩Bingo..佢Up左差唔多七八個number我先開始中第一個=.=…算啦=.=反正Bingo d 獎品都唔吸引, 吸引既係最後既終極抽獎

因為係最後一次喇..最後一屆CEA即係今年freshgrad果屆拎左勁多錢出黎買獎品..一個啞呤鐘, 咩幫助訓覺既野, Mario唔知乜鬼遊戲, ..最吸引都係20吋mon同埋iPod Touch@@..

食完飯..下場係..原本想番HKU用CS d lab黎打機既..但係戎生驚太夜HKU無車番屋企..所以就去左旺角D網吧打..一打就打左六個鐘@@.. Dotas.. Battlefield 1942.. CS..同chilam抽左幾場LF2 XDDD玩左陣typing of the daed..又有泡泡龍同波斯王子@@..最後無聊到起度玩百萬富翁, 出動埋google同wiki, 有乜可能拎唔到一百萬XDD

玩到五點幾差唔多六點先走, 出黎都天光lu=.=…即刻番屋企訓覺..

點都好, 下個禮拜都應該唔會見到group and ungroup / service order架喇.. Karen下禮拜都未番黎, 可以繼續佔霸佔佢個位..iris話我都會跟佢一齊同Kyle搞果個咩cost project..唔..

我有理由相信..按質量計, Kyle既作品分分鐘比呢度既staff做得仲好..技術上方面..佢用到AJAX..即係呢, 呢D近年先興起既技術, 早六七年既人唔識真係唔出奇..我覺得我起佢講比我聽AJAX係乜黎之前已經有少少認知已經ok叻仔..(拜北京既強大書城所賜)..即係..又CSS又XML..我都唔知夠唔夠quali睇佢寫出黎既野..

Group and ungroup function既javascript error..今朝神到一野就睇出佢問題起邊度, 一野比我搞掂左..@@..然後繼續改service order..由於iris成朝都去左開會..無人睇住懶左少少XDDDD起度同人msn XDDD

食飯之前將我尋晚知道要做既野都做埋..

Iris早兩日已經book定枱去食韓國野..加埋tracy同kyle..四條友去..多謝iris請食飯^^..事實係就算佢唔請都要比住先, 每人起碼要六十幾蚊..Kyle無錢, 我得果三十幾蚊=.=

今次係跟住iris一齊遲到~, 成1415先番到黎, 尋日我地打完機都係差唔多1415先番到黎XD.. Kyle食完飯番黎..收到一個中大黎既電話, 就急急腳話請假走人..

一番黎就見到Karen見我做多次group and ungroup既UATUser guide=.=..要用另一個server既cap圖..一cap, 又cap左六十幾幅..

然後將呢個server既service order抄去另一個server度..抄埋都四點..之後就等佢睇下有無問題..接住黎既兩個小時, 簡直就係連環低能事件..我以為兩個server用既included file係唔同..所以起呢個server改左included file之後, 起另一個server都會見到改變左之後既效果..咁起我改之前就睇一次原本個效果係點先, 見到個效果已經係好似我起另一個server見到既效果咁, 心諗係呢個server既版本同果個有D唔同, 於是無理到..交左上去之後佢先話我果段字錯左..咁我就起呢個server入去改一次果個file, 呢個moment我仲未知道原來兩邊係用緊同一個included file..結果改完之後呢面arm左果邊又錯番..

呢個問題真係低能低濟=.=我竟然會犯D咁低能既錯誤..真係好傷心..類似既低能錯誤, 真係多不勝數, 我覺得起呢個星期真係衝破線, 一能還有一能低..