搭上左0800黎到荷蘭街既18P…就係因為皇后像廣場對開既干諾道中既一段行車隧道有車壞左, 封左一條線, 搞到我用左差唔多成粒鐘先去到健康中街, 落車之後仲要跑去太古坊, 去到32樓, 我都係遲左5分鐘..

是日task 1, 研讀兩個department之間各職員及高層既email, 好似做緊practical skills咁=.=..不過無咁複雜, 其實都係睇最後個conclusion就知道要做乜..

公司既單係用php自動gen一個rtf出黎, 唔知邊個department話張單上面某某行唔應該咁, 呢度呢度應該要點點點..我要做既就係, 按照佢地既requirement改改個programme, 改到佢gen出黎既rtf arm佢地心水..

是日軟件為putty及vi..無野既, 學下用新野..明明成件事就好簡單, 改兩隻字, 將個table既border整走, 再改兩隻字就做完..但係呢, 首先就因為上星期同我搞email accout既人set錯左我員工number, 搞到我睇email都有麻煩, 起一部700MHz既機開outlook絕對係一件好chur既事, 歷盡千辛萬苦, 終於開到個outlook, 又好不幸咁唔知點解server死左, 要入另一個虧虧地既server, 另外呢個development server真係虧到爆炸, gen左個rtf出黎之後唔識redirect去, 要手動打條長到喊既link黎搵個rtf出黎..

亦都因為咁鬼多麻煩野, 搞到我都叫做用熟左少少vi..

試左幾好多鑊, 又漏括弧, 又將signed打錯做singed, 錯左又無提示..搵左勁耐先知起邊度錯..我feel 度我係double咁錯lor..原本係$abc=”asasdf”, 我改做$abc=”123asasdf”, 試下有無唔同啦, 事實上轉做rtf既時候string前面個數字會當左係font size, 所以如果我無試錯既話應該會見到勁大隻既字, 但係我又見唔到大大隻字wor.. iris一試就見到..我都唔知自己錯乜=.=..不過番去自己部機度再搞搞, 忽然又得左啦喎..

同Kyle, why, 偉明去食飯..行行下..竟然撞到chi lam, 即係呢, 大家都係起太古坊番工, 撞到唔出奇, 我又真係估唔到咁快就撞到..人地JP Morgan, 個個著曬恤衫..我地PCCW, 個個著曬牛仔褲sosad

食完飯..都未夠兩點番去繼續做..

歷盡七七四十九劫, 九九八十一難, 大約起下晝兩點幾既時間終於做完呢個task..90%時間都係靠自己..

之後仲有十一十一一百二十一關sosad..task 2係..將Kyle上晝做完..既group and ungroup function, 由Asia果頁抄去Americas果頁..

根據Kyle所講..原本寫group function果條友個做法好差..差在個擴展性, 搞到佢好難跟住佢黎做ungroup function..結果佢將原本個group function全部刪左再重新寫過, 又真係寫得好過人喎, 真係唔服佢唔得..佢咁勁, 下晝已經有另一D advanced task做啦~ 我做既..就係研讀改出黎既code, 然後嘗試移植去Americas度..

果幾個javascript寫成既function都唔算難明, 睇左陣就明曬..(雖然自問要好長時間先可以寫番出黎..)..問題係果D亂七八糟既php..同MySQL..一個table幾十萬個field..一條query長到媽媽聲, 真係睇到頭都爆..

..改黎改去都係有個問題..明明起grouped list入面remove左個circuit, 就應該會自動彈番上去ungrouped list入面..禁ungroup果下都無事既, 唔知點解save完之後, ungrouped list入面就唔見左個circuit..

研究到差唔多六點半, 呢個時候Kyle都差唔多完成佢個task, 走埋添喇..跟住iris接手研究下我個php有咩問題.. 研究埋Kyle段code.. ...睇佢有無錯..花多接近1.5個小時...最後發現問題唔起D code度, 而係起我地既test case度..

有資格入選grouped list既, 一定要係同company 地址, 同XX, 同YY, 同ZZ先得, 但係因為呢個係development server, 試既時候容許我地亂打company既地址..問題就出現喇, 我次次試既時候都亂打地址, 佢一save就save埋我亂打既地址, 於是立即同原本同group既circuit唔同左, 所以即刻唔侵佢玩, ungrouped list果度就無曬野..

我無錯, Kyle無錯..係社會既錯sosad

今日我七點半先放工呀..陰公..(雖然同某D人比較係小巫見大巫sosad)

拿拿臨極速番屋企, 地鐵去到上環..搭車番工, 做野都唔順, 番屋企就好順喇, 一落到地鐵站就有地鐵, 一落車就有lift搭(起上環搭lift係好重要既一件事), 一出站就見到18號, 架18號順到由上環站去到屈地街只係見到一個紅燈@@..

凌晨兩點訓到下晝一點, 我都唔明點解我可以訓覺訓咁耐..

想提升一下競爭力..想鑽研下javascript..但係又..唔知從何入手..開左各大論壇首頁既source code黎睇, 睇睇下又唔係咁難睇..睇only..叫我寫番出黎..真係老鼠拉龜..

如果唔係立定決心要整一樣野出黎(by某種language), 真係唔知點學好

之但係我份人就係衰在無乜idea..

呢排有D.. frustrated.. 起度諗自己係咪唔係食programming呢行飯既人..

以前對呢個問題..我比自己既答案係neutral, 而家開始偏向negative..

LOST..

聽日開始要同Kyle分開做野..

唔知點算好=.=||

原本打算今日同聽日都去下莊搞果個joint U camp既..天文台都預測過話今日會狂風雷暴..果然, 西貢灣仔落雨落到ba ba聲, 十一點收到lala電話叫我唔駛入去喇=.=..

尋晚有fd同我計過條數, 話大學生憑自己雙手黎交學費, 其實都唔係咁難..唔..

犀利, 比個服字你..計落, 唔係唔得, 真係要犠牲好多野lor..

成績出左幾日, 我都唔記得起度講下添..

计算机组织与体系结构 60

计算机网络概论       71

算法设计与分析       78

JAVA程序设计         0

真係..我絕對理由相信科2401係..人地施捨個合格比我..

早幾日去塘褔, 何文津帶埋支笛去, 我拎起黎吹兩吹..

講到吹笛既問題, 佢話我吹得唔夠響, 然後即席示範下應該吹到咩音量..

作為表演, 應該係要有咁響既~, 一個團得果最多兩三支笛, 要吹到成個stadium都聽得清楚, 唔響唔得..不過..我吹笛, 自娛下者, 又唔係吹比人聽, 吹咁大聲, for what?

剛剛開左saw黎隨便睇下, 睇到saw V..忽然搵到D hidden message..唔知係我懶醒定堅醒呢..當中有一段係講番Hoffman 同John既相遇, John話Hoffman有兩個choices, 一個係做佢助手, 一個係arrest佢, 不過arrest佢既話, John可以將Hoffman扮jigsaw殺人既事公告天下..於是Hoffman就有條屎Q話, 第三個choice係即刻隊林佢..John就話..

”But you’re not a true killer. That’s your dilemma. And the information I have on you is exactly where it needs to be. And it will be released in the event of my disappearance.”

Saw V開頭就有Jill Tuck去律師拎John留比佢既遺物..

“I’m leaving you a box today and its contents are of grave importance. Even though you and I don’t always see eye-to-eye on everything, I deeply believe in you, and I believe that you will know what to do with these materials.”

結合呢兩句..係咪話John既遺物就係Huffman既罪証? Jill Tuck之後就同Erickson講話阿Strahm跟踪佢..擺明砌佢生豬肉..應該係阿John既意思?

仲有..Strahm最後聽到果盒帶係咪Huffman錄既@@? 第一次睇既時候仲以為John犀利到預計到果個step..

起大學讀電腦, 唔係學programming language, 係學點樣學一種programming language

“If you cannot learn a new programming language in three months, you are NOT deserve to be a Hong Kong U student!”, P.C. Chui

老實講, 我連programming language 都學唔好啦, 遑論去學點樣去學..你睇下我科1122, 睇下我起北大take科JAVA就知道..

對於果D有無限種object / method既野..唔, 真係有D力不從心..

Document Object Model.. DOM, php……

Language上既問題都係次要, 重點係, 要能夠局部性睇明果千幾二千行既code, 然後再局部性修改..即係呢, 呢D script類既物體, 所謂睇唔明, 只係唔知果個attribute / properties係咩黎..上網google下即刻明白..幾乎唔sip及任何algorithm既問題..簡單D講句, 即係唔乜駛用腦..

但係果種programming reading skills..真係..sosad..永遠唔會明白點解阿恒可以幾分鐘之內搵到一段已經寫好左既code, 然後將佢copy and paste去一個適當既位置..我甚至連要做乜都未係好理解到=.=…

Lunch time.. team manager請食飯, 成team人黎食, karen仲未番黎, 去太古坊樓既間彩雲(?)酒樓..七個人食左七百蚊, 一檯人四男三女, kyle食完就釣魚, 同檯另一個阿叔完全無出過聲..仲有就係果個in我既男人, 姓陳, 叫Ken..(Ken Chan!?)..我齋聽..基本上都係3個女人猛咁起度講野..=.=|||

Task與task之間, 係咁聽Kyle講下佢自己D野..講下佢開左咩網站..

“而家搞緊呢個網呢, 可以將uwants呀discuss呀某D版既post集中埋一齊, 咁就唔駛分開兩個forum黎睇啦”

“呢個格仔網呢..即係一格一日廣告幾錢..前排新聞透視定星期日檔案都有提過另一個格仔網..不過果個真係垃圾..佢地收到勁貴lor..(下刪一萬字)”

佢又開左份CV比我睇…… orz orz orz orz orz orz orz orz …

好難想象一個大學生係可以憑自己既一雙手黎交大學學費..

是日三個task..

第一個task係..有個勁低能既searching..用左條勁低能既query..只係search八個位既bill number..而家要update到search到九個位既bill number..原本個方法真係ok低能..係咁Left pad個數..阿恒自己加幾句又改少少咁..search幾多個位都無問題..佢改果D其實真係好簡單..不過呢..唉..

第二個task係..有條query有D問題, update漏左一個attribute..呢個就係其實我唔係好明既task=.=..

第三個task..起一個唔係下拉式既選單入面..remove走選中左既野, 然後起個database入面改番個group_id..呢個task..”其實真係好簡單, 如果係比我由頭寫, 真係好簡單好簡單, 但係上手寫落個programme又低能喎, 有乜理由咁樣做架者, 又低效段code又長, 而家我就係唔係好諗到點樣跟住佢呢個方法黎做”

佢同iris傾左陣, 提議不如唔好鬼用果個選單..因為xxxyyyzzz…我真係聽得明佢既points架!!!不過我完全唔識implement出黎之麻..

“呢段code真係好白痴lor”, 根據非正式統計, 我今日聽左起麻五六次, 有D位係真係睇得出佢白痴既..有D位..佢改比我睇, 人地要用for-loop做既野, 佢用左一個唔知乜Q function就做完..implode? 定explode? 唉..

做第三個task果陣..Kyle比iris拉左去開會..留左我一個起度..同個選單搏鬥=.=|||唉, 真係覺得自己好lun低能..唉唉唉唉..

Iris話下個禮拜開始我同Kyle就要分開做野=.=||||都唔知點算=.=||||放工之後即刻去HKU lib借番兩本javascript既書睇睇=.=…雖然我feel到而家黎睇, 其實都無乜用架喇sosad…

七月二日 開工大吉 @ PCCW

0752落樓, 剛剛有架18P上緊客, 0826去到健康中街, 行左十幾分鐘到PCCW Tower..搭九都未到, 呢個方法唔錯, 最直接..

起PCCW Tower 底層等到九點正先上去14樓..同個reception講話係去搵32樓Tiffany..就叫我坐埋一邊..等左先上去..

計埋我, 上去32樓既有四個人..四個人分兩邊, 我同阿恒搞php+MySQL..偉明同why..搞networking..

呢個世界真係細, 偉明係我上年起mini add左既人..係HKU CE-I.. add左咁耐msn都未見過佢, 估唔到第一次見面係起PCCW Tower 14樓..真係好, d training已經完左, train完仲要時間黎番intern..

Why..係CU system engineering..

阿恒..

…………

http://evchk.wikia.com/wiki/Kyle.T

網絡大典有佢既entry..我都唔駛點介紹..佢係樂古前身Sky-C既創辦人..而家貴為樂古資訊娛樂有限公司董事..

對於佢黎講, 呢份intern既人工..真係得果雞碎咁多=.=|||

唔係玩開online game既朋友未必識..樂古係出名既online game論壇..(其實我都係早幾個月先識呢個論壇=.=)

CU CS year 2..

8年php經驗, 分分鐘仲勁過果個office 入面既人..

(謎之聲: 你有幾多php經驗呀?)

(謎之聲: 唔…我諗..我有8日php經驗…夠唔夠?)

其實..今日做左(嚴格黎講並唔係我做)3個tasks, 99%都係javascript + php.. php我已經1/10桶水, 仲要加個javascript起度..唔..

搵到Tiffany之後..坐低簽下文件, 我同阿邊坐左起karen張檯度等..先係等人拎部電腦比我地用..等左十分鐘, 獎品係Dell Inspiron 700m, 借問聲係咪咸豐年代既產物? 貼起部機上面既intel 貼紙同windows貼紙都已經甩曬色..

Iris..係我同阿恒既supervisor..建議我地同部機裝左ssh同埋Ultra-edit先..拿講真, 呢兩樣野我都只係用過幾次=.=..阿恒聽完之後就話不如用putty同notepad++, 拿講真, 呢兩樣野我只係聽過而無用過..見阿恒大力推箭..就試下啦..

PCCW有個for internal use 既database, 係草住D員工既資料..已經有個現成既網站係用黎access個database架喇..我同阿恒今日既tasks就係..幫個網站de下bug, enhance下D function..

第一個task係..就好似有個人申請左D野, 申申下想cancel番佢..呢個function原本已經有, 而家就要改到, 禁cancel button之後..識得自動show個text area出黎比人輸入reason..同埋自動轉做save button..然後再起database加個attribute叫做reason, 起另一個網頁可以view番個reason..

由頭到尾都係javascript同php既問題, 反正我唔識做又得一部機..又反正阿恒話呢D task 10分鐘就做完, 就梗係比佢做曬啦..

我feel到, 對於一個真係識javascript/php既人黎講, 呢個task聽落會好易做, 實際做落..其實都好易做, 問題只係要求有不俗既programming reading skills..睇幾個php就要知道果堆野做緊乜..

臨放飯之前先比到部tablet pc我@@..勁好玩@@係fujitsu既tablet pc..但係插左mouse / keyboard / 火牛 / mon線之後, 部tablet pc真係好鬼麻煩..平時用係平放起檯面, 咁就好難睇到個畫面, 外接左個mon之後, 唔知點解唔可以將成個mon既畫面搬過去, 一定要我延伸果去..

食飯..同iris / tracy / 恒 / 偉明 / why一齊食..太古坊附近幾條街幾乎全部都係茶餐廳, 全部都係做太古坊office既生意..求其食左個飯, 就番番去繼續做野啦..

第二個task係..有D rounding上面既問題..例如3.74, 6.78, 4.56..呢幾個數加埋再round, 同埋分別round左再加埋, 出黎個數係唔同, 要做既就係搵番相應既SQL語句出黎, 改番正佢..我完全知道要點做呀, 咪用個while loop黎逐個逐個row咁fetch個SQL query 既result, 拎番個數出黎round左先加, 講我梗係識講架, 不過唔識寫番出黎之麻..

改完programme上既問題之後, 仲要做一堆documentation..包括print screen下更改前後既畫面, 新function / 修改既description, 準備定D test cases, 寫清楚改左邊D files, 郁左邊個table....

第三個task係..有條link寫錯左, 改番arm佢..呢個task我堅係識做架, 不過我唔夠阿恒快搵到果一行出黎之麻=.=..同樣, 改完之後都係做番documentation..

三個task都係阿恒秒殺..我只係起佢秒殺完之後幫手做少少documentation..如果真係比我自己一個人做呢三個tasks..下個禮拜啦..丫唔係, 可能係下個月啦, 或者我會做好既..真係要惡補一下javascript先得..如果唔係呢兩個月我真係乜都唔駛做=.=…

另一個department既人走上黎幫我同阿恒開個email account, 唔知點解開完之後, 阿恒收到佢地既email, 但係我收唔到..後黎搞搞下..發現可能係佢打錯我個員工編號=.=..

Task同task之間都會有D 時間hae.. iris唔係成日有時間睇住我地..阿恒介紹我玩下play.typeracer.com打下打字game..

Iris預告聽日都會係同今日差唔多..下個禮拜開始可能會有大project..

準時六點放工..咁arm去到鰂魚涌A出口既時候見到有架番堅尼地城既叮叮, 梗係要搭下計下時啦, 差唔多搭左我個半鐘先番到屋企..=.=, 不過勝在夠平XDDD

我訓到十二點幾先起身..睇住嘍囉/膠津/亞波輪住黎煎野食..呢D時候如非必要我都唔會出聲/做完..通常一做/開聲就會比人串到一棟都無..亞波就係一個非常好既例子=.=..

搭番船出黎..番一番HKU先..尋日阿john打電話黎話joint U camp有helper會, 叫我去..10點鐘唔知邊度, 之後又聽debby話咩開到四點鐘..見無野做就諗住走番去睇下, 點知乜人都無..

走去312 check下email.. vincent tam覆我話佢唔起香港, 叫我比kw tse處理drop 科既野..真係麻鬼煩..

夜晚用foxy download左Saw III, Saw IV, 同2/3套Saw I..XDDDDD, 如果有人對Saw呢個series有興趣既話記住搵我wor XDDDD

是日高考放榜..不過呢D同我距離咁遠既事..都係..唔好問咁多..

And是日家姐飛去新加玻考GRE, 祝一戰功成..

(GRE呢D咁Q難考既試..真係呢..打死都唔考..)

尋日黎漢中柒完今日到我柒..

話說之前take左summer sem既BUSI0027 Management Accounting I, 因為而家可以番PCCW, 所以就上唔到, 要drop左佢啦..之前send左email去FBE問, 佢叫我寫信加supporting document..

今日去到, 佢話我呢個engine人應該去番自己home faculty 搞..佢之前起email覆我果陣以為我係FBE人先咁答..頂丫..真係柒到..

仲有小插曲一段..

起解決到個問題之前, 個reception叫我起封信上面寫番自己讀乜..

我寫左BEng(CE)/BBA(FINA)

心水清既同學應該知道FBE根本無開BBA(FINA)呢樣野, BFin或者BBA(A&F)就有..

於是個reception就覺得好奇怪, 話無BBA(FINA)呢樣野..

之但係, engine果邊開出黎既programme就係叫做double degree, BEng-BBA….然後再揀major, 我揀Finance, 咁咪即係BBA(FINA) lor..

呢件事話比大家知, 根本連HKU既人都唔知呢個係咩programme黎..

走番去engine faculty遞信..正常我想去eee office問下駛唔駛通知佢關於我有intern既野, 就收到engine faculty 既電話叫我過番去..去到..個staff同我講話要先同department講左先, 即係阿vincent tam=.=..要佢批左, faculty office先可以做野, 真係麻鬼煩..又衝番落312 send email..

等到嘍囉上完jer文堂..就落去中環碼頭..同膠津/亞波入去塘褔既渡假屋玩啦~

搭巴士其間收到hilda既電話, 佢話想叫我做joint U camp campfire mc=.=||||真係超級滴汗..呢D野都係遲D先算..

搭船入到梅窩..先食個靚飯, 再去惠康買野, 有D識煮送既人起度..唔知係好事定壞事呢..買埋勁多調味料..淨係起惠康我地都消費左三百六十幾蚊, 香草都兩支, 李錦記D醬又兩支, 仲有牛油芝士之類既野, 真係好鬼貴=.=..之後再去買下D lap lap 雜雜野, 又用多百幾蚊, 真係好高消費..最後仲要買左堆海鮮..=.=|||

好啦..終於入塘褔啦..去到渡假屋, 放低D野, 跟住就去沙灘玩啦..雖然我知果度係有沙灘, 不過我又唔多鐘意落海玩, 乜褲都無帶去XDDD, 所以我訓起個沙灘度hae下算..(順便目及下女..)

起沙灘玩左一大輪沙, 一輪你追我趕既掟沙混戰..又番去間屋度..BBQ..

一燒就燒到凌晨十二點幾..燒左咁鬼耐我都好似無乜食過野咁

燒燒下有隻貓走左入黎..我比左我地用黎包住燒金菇果張鋪滿牛油芝士汁既aluminium foil佢..佢lai得不知幾咁滋味XDDD

我終於相信nelson之前起北京講話見到隻手板咁大既蚊啦@@..今日我都見到, d腳伸開曬既話, 應該係剛剛好可以cover曬我既手心, 真係好Q大隻@@..

燒完, 沖埋涼..起渡假屋2樓開薯片同啤酒飲..果隻aishi? 生? 總之係果隻日本啤啦, 寫住”乾”?定乜? 初頭雪到仲係好凍既時候就好好飲, 後黎無咁涼喇, 就即刻飲到陣gip味出黎..係吞左落肚之後先feel到果隻..真係..飲到最後唔想飲=.=

差唔多三點幾先訓覺=.=

真係全日打機咁濟..

約左Benny 一點半到尖咀..食個飯打下機..

去新港中心下面個food court 食野..再去對面打機..

每人用左30蚊, 打爆左House of the Dead 4..再打左陣拍拍機..

出乎意料之外..果度竟然有typing of the dead 2 @@..梗係即刻打打佢啦, 用左2蚊, 由chapter 1打到chapter 3中間..唉真係失敗, 初頭仲諗住去到chapter 3大佬先會死..唉唉唉, 最衰都係D日文羅馬拼音..

之後起新港行下睇下衫睇下碟..我起大陸果果個matrix boxset..香港買要成799蚊@@!!!而且仲要無figure添..雖然我都唔志在隻figure..

五點鐘去PCCW Tower簽約..簽完兩野極速落番黎..

搭叮叮去灣仔..約左膠津/亞波/陳鈺龍出黎食飯..去左得成茶餐廳食..

(話說我做公文式果陣, 成日都食得成..)

黎漢中都真係柒左唔少下..叫常餐, 明明就有奄列+沙de牛肉面, 佢就起度問何文津要蛋定要面之類既問題..仲話自己無柒到…(其實最柒係我, 果時我無出聲但係起度點頭附和XDDD)..跟住又好大力咁拍檯話自己無柒到, 一拍就倒瀉左我杯水XDDD即刻柒左XDDDD然後個fu wu yuan黎到落單, 發覺常餐係兩樣野加埋, 即刻柒多鑊XDDDD

食到咁上下, 黎漢中走先, 去游水..我地就繼續吹水..咩都講下咁啦..

講講下唔知點解又搭船過去尖咀打機=.=|||救命呀=.=我今日差唔多打左成五十蚊機啦=.=||||打左鋪太鼓, 打左鋪jubeat..跟陳鈺龍打, Evans advanced level, 爭1000分就passed=.=..果度嘈到呢, 根本就聽唔到歌, 完全係考反應咁打=.=..

打完機去麥記坐, 吹水吹左兩粒鐘咁濟, 幾乎搭到地鐵尾班車=.=

經過連日黎既奮戰, 我今日睇完仙劍三電視劇喇..

成37集, 每集45分鐘..拖得太長喇..

好鬼多地方唔知做乜..明明話鎖妖塔已經封印左, 點解D人仲可以自出自入架..

有D剪接位好有問題, 成日飛過左一D劇情又無解釋..

原創左紫萱同長卿頭兩世既戀愛故事..

呢度真係好有問題, 長卿第三世有乜理由係由紫萱送上蜀山架..

原創左水碧同溪風既故事..

原創左龍陽同龍葵既過去..

改左紫萱既結局..

明明對於重樓黎講, 邪劍仙就係一個雜碎..電視劇就好鬼強調邪劍仙係六界以外既野, 連左天帝都比佢吹脹==.==??

最頂唔順既係, 第一集同最尾果集既神秘人..竟然係李逍遙!? 成件事都錯曬lor..仙三入面李逍遙個老豆好似先剛剛出世..仙一電視劇原創果兩塊玉佩最終係點樣架..鞋..總之就錯曬啦!

仙三我只係玩左一次, 有太多地方都唔係好記得添..

今日同班下莊去pre trip..真係橫風橫雨咁去pre trip..唉

約左十點鐘到西貢..我1020先到..算係咁啦sosad反正我都預左會有人遲到..去到西貢starbucks, 聽下chair briefing..食下麥記早餐..忽然落起大雨..我無帶遮..好彩有hilda借雨衣比我

雖然有堆人唔想去..咁..一場黎到, 無理由唔去架麻, 而且灣仔條路又唔係難行, 即係呢, 行西貢灣仔同行金鐘隔離果個灣仔都係一樣, 就算黑色暴雨都好, 行落都唔會有危險, 隨左辛苦D之外..

搭94入黃石再搭船入灣仔, 今日D車船費真係貴到呢..

入到灣仔都停左雨啦~

Pre 下treasure hunt條route..其實, 灣仔黎黎去去都係得果條路者, 行一個圈, 再行出海下就完喇..

今日好鬼多人黎..下莊隨左阿澄同jackie都有黎..加埋我, 仲有Hilda既fd, 仲有咁arm起西貢出現既sharon同佢既fd..成1x人..

行左成個下晝, 好似得ringo一個人做野咁=.=..

去到海下灣, 唔知講起D乜野, 真係講到要con Jimmy @@..Ringo 真係走去捉住佢@@..咁我無理由唔幫拖架@@..john同sidney都黎幫手..不過jimmy既反應真係太大..con唔成, 放低佢之後佢起度對天大哎..唔知係咪真係燥左..呢?

搭海下小巴, 一程出到牛池灣..同lala/ringo/iris/olivia起牛池灣鄉入面食野..牛池灣鄉..我諗都算係香港liu liu 可數既露天街市+大牌檔類物體喇..

朝早番HKU scan AL / CE cert 身份証呀, 一大堆野send去PCCW度..

開心公園棵樹要鋸啦..唉, 平時無乜留意佢, 總係要人地離開既時候先識珍惜..為左鋸呢棵樹, starbucks正門, main lib正門, 中山階都封左, 搞到要行落LE再行番上黎..好鬼麻煩..

走去soc房睇下, 下莊練緊campfire songs, Hilda 教Jimmy/Sam/John唱..真係幾有大家姐風範XDDD辛苦曬啦Hilda XDDDD, 我完全明白教jimmy/Sam唱歌係咩感受sosad sosad sosad..

同佢地一齊練下..練到十二點一點左右就去CYM食飯..食完..番黎去LG202打CS XDDDD, Hilda同fd食飯走左先, 淨番我+Jimmy+Sam+John+Ringo打左成兩個鐘CS XDDDDD

打到四點幾就出發去hkcc.. 佢地個joint U camp briefing session係起hkcc搞..

Hkcc個campus真係靚到震..真係無得彈=.=..勁多落地玻璃=.=..

我呢D唔係組爸唔係participants唔係OC乜都唔係既人, 去齋坐架者..同幫手吹下水..坐左起group 2度..識左個HKU IS year 2既人..因為真係讀唔掂programming..決定轉去polyU繼續讀..唉唉唉, programming呢家野, 真係好蝦人讀=.=.

個briefing session其實都幾廢, 資料上既野, send email都得啦, 最主要都係傾下餐單者..我又加把口落去傾下..點知成組都係頹友黎既, 餐餐都話杯面面包=.=|||有D組又好似chur得濟..整九大簋咁..聽某OC講話每組得兩個爐頭..如果真係既話, 我諗真係要杯面算數喇=.=

傾完餐單都八點半..班OC仲要傾一陣, 九點過D先去食飯, 去左hkcc附近一個商場..食飯吹水到十一點先散水..

(我連自己D莊友都未見到, 就見左班下莊先=.=||)

尋日買左仙劍三電視劇, 煲左兩集, 今日全日煲劇, 由第三集煲到第14集=.=..

頭五集都好似biohazard咁..同主線0關係..

勁唔鐘意佢介紹雪見既時候爆左響口, 話佢係神樹既..乜乜..雖然話第一次睇既人聽完都唔記得..咁早就開估, 都係唔係幾好既..

雪見/紫萱/萬玉枝真係好靚呀@@..

將龍葵同龍陽既一段發大黎寫, 唔錯, 為遊戲無提及過既部份補完..

大家都留意到藍色同紅色龍葵既唔同, 仲好, 遊戲入面呢個真係好奇怪既問題

花楹休息既時候要變做一舊薯仔真係好奇怪

晏晝收到PCCW既電話, 人工4000蚊, 番星期一至五, 朝九晚六, 做唔做?

做!

七月二日 開工大吉

朝早去PCCW interview..搭43X去到金鐘地鐵站轉地鐵..其實我起上環轉得, 中環轉又得, 諗諗下真係有D戇居左, 果個鐘數, 搭巴士梗係塞過搭地鐵..不過, 咁早去到, 無謂啦..

一路搭車一路諗, 死火啦, 連resume都無帶黎, 成個袋都係prison break / heros / band of brothers既碟..心諗, 果日line interview條友都有我resume啦, 今日應該都係佢, 應該無死掛..

番到黎香港唔知搞乜鬼, 一日會有一兩次咳到想嘔, 一踏入PCCW Tower就咳到呢..

搭lift 上14樓, 同個reception講話搵邊個邊個, 見summer intern..就填張form..再搭lift 上32樓, 搵到阿邊個邊個, 再入meeting room等個line manger..

話說當日phone interview我果個係鬼婆黎架麻..點知今日推開meeting rm入黎果個係香港男人, 一時反應唔切, 連早晨都無講到, 頂頂頂..

好彩佢電腦有我resume..例牌自我介紹下..講下讀咩科, 大學玩過乜野, 將來想做乜野….”………想起番金融呢行..er(醒起PCCW係..)或者係networking呢行既公司做下programmer啦, 咁就可以將我兩個degree既知識應用番出黎麻..(其實都係9吹者)”

“點解係networking呢?”

真係衰, 又係迫人9吹點解鐘意networking..呢D野邊有得解架..

“可唔可以講下你起HKU同PKU讀左D咩科?”

“………….起PKU度..take左database啦, OS啦, 硬件科例如signal and systems啦, 仲有..java啦, 不過我覺得呢科無乜用..”

“java無乜用? 點解?”

“er…我唔係話java無用, 我知而家好多野都係java寫出黎, 但係我果度個lecturer淨係叫我地背一大堆objects 同classes, 有D基本野反而無乜點講到..”

吹水部份係咁上下啦..

到佢講番佢間野係點情況..大概就係話..係PCCW Global旗下既一間子公司, 叫XXXX(我都唔鬼記得..)負責做乜野…”雖然話係請summer intern, 我地都expect你係獨立咁做野, 當係一個普通staff咁”

好啦好啦, 其實跟本就無問到D乜野, 個interview好鬼informal, 臨走前我先問番佢姓乜..

落番黎, 打電話比陳鈺龍叫佢落黎..佢話去北角明星飲茶=.=..

搭叮叮去到北角, 諗住起商務睇住書等佢啦..點知商務11點先開, 咁晏架..去左間碟鋪睇碟..睇睇下竟然比我發現仙劍奇俠傳3既電視劇 (of coz係翻版啦) 只售20!!!諗都唔駛諗就買左XDDDD

1200去到明星飲茶, 開始起度講..佢既前途問題..尋日佢放左GPA..唔, 雖然係有進步, 但係..唔……

食完飯, 新光對面間機鋪打左陣jubeat..拿我唔係話自己好醒, 但係真係有少少醒..成幾個月無玩, 一黎就玩之前都未玩過既advanced level, 都勉強pass到少少..玩Evans都係爭少少就pass 啦@@..完全係考反應, 我都跟唔到個beat..見到隔離有另一隻音樂game, 韓國出既都唔鬼記得叫咩名, 又起起勢咁督既game, 都幾好玩bor..

玩完之後..搭車番HKU..=.=..大家原本諗既..係去HKU既lab..打AOC=.=..

打之前, 我先去main lib借兩本講php+MySQL既書先, 今朝條友雖然無話得唔得, 但睇佢聲氣, 我覺得機會都幾大下..跟住去LG202..諗住engineering faculty D機..實有AOC架麻, 特別係呢排training緊..偏偏就係training緊, 又未到五點鐘, 都係唔敢入去..轉左去CS既lab..我記得門口個密碼已經好犀利架喇, 入到去再login果陣真係諗黎諗去都諗唔番自己個pw出黎..唉, 柒曬..

最後諗住去CYC103啦..點知連果度都用埋黎training!!!頂!!!咁即係唔駛打AOC啦=.=…

好, 搭巴士落中環碼頭再搭船過海, 今晚要去文化中心睇詹瑞文..都係要過海架喇..一過海陳鈺龍就衝左入間網吧=.=…原來樂古D人係玩開AOC 1.0?? 我仲以為度度都係玩1.0c架添..間網吧得1.0c無1.0, 結果玩唔到, 陳鈺龍上網搵番個1.0落黎, 點知成日打打下hang機=.=..一路等陳鈺龍試既時候我玩下其他..又need for speed又house of the dead 3@@..

結果最後都係玩唔到, 過左去對面機鋪打house of the dead 4 XDD 兩蚊6條命, 抵打!

去麥記食個餐(明明都咳到死..都仲要食麥記, 真係..)就去文化中心啦..原來陳鈺龍阿媽阿妹都黎=.=..

港男發”温”之港女發狂..其實對呢個topic無乜興趣, 講得太多喇..純粹係因為詹瑞文x林奕華..詹瑞文都無咁有興趣..林奕華..想知多D佢既野..

即係呢, 平時上youtube睇詹瑞文D片..係好笑既, 但係真係得啖笑..有D只係寸下人, 有D係有少少意思..不過..都係D已經重覆過n次既野..我覺得今次都唔例外, 雖然林奕華最後出黎話, 佢地想講D大家未探討過既topic..我覺得佢失敗左=.=.

得啖笑既, 我又唔覺得值得要我花咁多錢入場睇..所以話, 之後再有人叫我入場睇詹瑞文既野,都係要諗諗先

睇完, 同陳鈺龍企起海傍吹下水, 搭船搭到番中環, 起麥記繼續吹..

話題離唔係陳鈺龍既將來啦..唉..

同好多人比, 我係算比較幸運啦, 我係唔知自己想點, 不過我將來既路, 我諗大概都定左啦..

如果我係佢, 我諗, 我同佢諗既野都差唔多..

下晝做埋2401既paper reading..都算係學到野既..arithmetic / geometric / harmonic means.. physical meanings有咩分別呢..? 9寫左幾百字英文比佢..

做做下收到PCCW個電話..真係柒左..原來佢個email係今日interview咩sosad..

我同佢講話我睇錯左聽日, 咁就改左做聽日啦..10點..

Check番email, 又真係喎, 明明就係寫23號, 點解我會睇左做24號架呢=.=…23呢個數字仲要唔只出現過一次..唉唉唉, 真係呢..點解會咁唔小心架..

六點半出黎同chemix去大盛食左餐飯..不過都食唔飽, 七點半番到屋企再開多餐XDDD都唔知道今晚媽咪都起屋企, 佢話今日拎左日假..諗住我會起屋企食飯..好彩最後都有番黎食者, 如果唔係..就做左衰仔la~.~

番黎香港啦~~~

尋日下晝起BBS發左個帖, 將呢一年黎買左既教課書賣番出去..賣左套信號與系統, 數據庫同操作系統..夾埋都賺番五十蚊@@..

尋晚四點鐘訓, 六點鐘就起身, 臨走前叫醒101間房D人..今日一別, 真係不知何年何月再見..不過我又無乜唔捨得XDDD

我直接搭番黎香港, nelson同阿joe同佢黎香港玩既fd就搭去深玔再搭車黎香港..香港呢D國際航線..搞登機手續既地方都唔同D..初頭我去左內陸線果邊..見唔到我自己果個航班既資料果下真係淆曬底=.=..

去到國際航線果線, 排隊條人龍真係長到喊=.=..排到我果陣, 條友拎住我張回鄉証, 禁兩下部電腦, 好似見到D好奇怪既野咁, 芻曬眉頭咁, 嚇到我丫..我一直都覺得提早一年買既機票, 好似好唔安全咁=.=..好彩無事者..

0820登機..搞完登機手續都074x..拿拿臨出去搵番nelson同阿joe, 去KFC食番個最後的早餐..

食完就分道揚bill啦..

上機之前check回鄉証..果條友禁兩禁電腦, 咦一聲..好似頭先條友咁..嚇得我丫..又問我邊度黎, 幾時黎, 禁左一大輪先放我過去..幾驚呀..

上左機..坐左陣就訓著左…原本仲諗住開機睇下戲添..九點幾差唔多十點鐘果陣..起度派飛機餐..無病下化=.=..

十二點幾番到香港..一著陸就即刻換番香港sim卡..即刻收幾個msg..話我有幾個留言信息..打開一個黎聽, 竟然係運輸署起19/6打電話黎叫我今日去interview=.=時間係兩點半..果時都差唔多十二點半..我仲起架飛機上面=.=||||

原本諗住搭A12..去到西環果個站叫家姐接收左D行李先, 再搭多個站去到灣仔, 咁就perfect喇, 不過家姐唔係好得閒, 就搭機場快線去到中環, 叫何文津落黎同我接收行李, 再去影印埋身份証學生証..即刻仆去入境事務大樓..

去到既時間係下午兩點過D..入面已經有個人坐起度等緊..佢係HKU CS 人@@..其實我連in咩工都唔鬼知道..果時交form比EEE..都未寫係咩post..黎到真係成舊飯咁唔知咩事..好彩係in左果個CS人再in我..佢出黎即刻問下佢..原來係database..

到我入去.. 果度D人係用access...問我有無用過...

"er.....無喎" "咁, 如果而家要你用咁點算?" "咁...咳咳.... 其實microsoft D 野都好易用架者, 我拎本書屋企煲兩煲就應該無問題架喇"

"咁如果要你用其他microsoft 既野黎做....例如excel既話, 得唔得?"

"即係VBA 果D..?"

"係呀"

"(其實根本就無學過)......er....以前都學過少少既, 不過用得唔熟咁lor"

今日有成十個人in, 其他果九個入面是但一個識access都唔輪到我啦..

In完, 走去搵何文津拎番個gip, 跟住就搭番荷蘭街啦..同嘍囉膠津起綠野仙”中”食D野..跟住番屋企啦!!!!!

又一個sem, 咁就一年, 咁就exchange左一年, 又番到屋企喇~~

沖個涼, 訓個覺, 真係呢..尋晚訓得兩個鐘, 起飛機訓左兩個鐘, 食飯前訓左兩個鐘, 夾埋都係訓得六個鐘, 斷斷續續咁仲要訓得唔好..

食個飯..hae hae下..

夜晚又比人拉左出去..去西環尾間The Pier飲酒..起西環飲一杯cocktail, 平過三里屯/後海, 果度一杯都四五十蚊..星期一晚果間野有特價, 28蚊一本long island XD 不過我又唔覺得特別好飲, 飲一杯夠啦..嘍囉同膠津就飲左成兩三round@@..

不過就算係好飲都好, 我諗我都未必飲到咁多=.=|||

Last day in beijing 啦..

今日..咪又係無野做..(修正, 係有2401既功課但係唔想做)

Nelson下晝又約左人去打波食飯..搞到差唔多夜晚十二點先番黎, 我同阿joe兩條友起房..戇居居咁…係Candy起香港打左次電話番黎, 話可能漏左D野起鼓樓既酒店, 可能要我去同佢拎番黎..果時真係有D盼望, 佢真係漏左起果度, 咁就有地方去下喇sosad 不過最後佢起屋企搵番~.~…

夜晚同阿joe兩條友食西門雞翅..跟住番房繼續hae..

等到nelson番黎, 等佢執埋野..齊齊睇Night at the museum 2..普通啦, 我又唔覺得特別好睇

睇完都差唔多凌晨四點, 原本阿joe仲話想今晚通宵睇戲唔訓XDDD結果睇完一套就頂唔順訓左XDD

我聽日番黎香港啦～～～！！！！！！

凌晨四點半先睇完saw II.. nelson過去108同benny訓..我同joe就訓先啦, 刺身七點幾就要出發去上海, 佢直情唔訓添..

今日benny / vsiu / 刺身 / candy都走喇..今日開始淨番我同nelson+joe+阿liu..

阿liu自己去頤和園..我間房三條麻甩..都唔知有乜好do..去傣家食完野, 去銀行取消埋個戶口..(拎左好多錢出黎@@..)跟住又出去行下中關村廣場..行下人民大學..起人民大學入面個體育館hae左陣..跟住搭番巴士番宿=.=

夜晚原本諗住去食西門雞翅..行過暢春園食街見到新開左間呷哺呷哺(xia bu xia bu)..真係頂丫, 佢13號開張, 13-19號全場半價!!!!不過今日20號已經無左呢個優惠啦=.=..不過都ok既, 呷哺呷哺本身都幾抵食, 我地每人30蚊多D, 食左兩個幾鐘, 都幾飽..

哈哈, 好衰添, 我地無人有阿liu電話無叫到佢出黎食=.=

夜晚叫左佢過黎睇小心有牙..呢個故事教訓各位男士, 千祈唔好霸王硬上弓, 真係要記住..小心有牙!

睇完戲都凌曬兩點半=.=

今日到kenneth走啦..

晏晝去左藝園2樓食飯..點菜既方法真係好先進@@..比部PSP咁上下大既野你玩, 仲要係touch screen咁黎點菜..玩完之後交比待應就得

食完飯, 番宿hae下, 走去108睇下..kenneth同benny話想起臨走前起北大留下倩影..跟左佢地出去影相, 學一影下, 松林影下, 康博思影下, 都係影下D生活小節..

跟住又係番宿hae下..樓長真係好鬼無聊..無端端走過黎話要同我地班新疆代培, 香港交流, 香港委培生拍片, 叫曬我地去103, 拎部DV影住我地, 叫我地每人講句野=.=..果時得我同刺身起度..真係好鬼無奈..

六點鐘左右, 同刺身benny搭的士, 諗住去鼓樓西大街既珠穆朗瑪賓館食飯, vsiu同阿liu比我地先到, 去到話發覺無表演睇, 臨時轉左去刺身提議既98 buffet, 舉腳讚成啦, 上個sem食左三四次, 今個sem都未食過..

去到假日皇冠酒店底層, 見到原本餐廳個位裝修緊, 真係驚得我呢..好彩五樓仲有, 同樣係RMB98既自助餐, 唔錯啦, 不過今日無牛扒同無生蠔, 有D失望

食完番宿..十二點左右叫埋vsiu同阿liu過黎睇戲..無聊到上youku睇回魂夜=.=..睇完之後再睇左十幾分鐘既黑幫有個荷里活, 覺得唔好睇, 轉睇saw II, 一轉左之後nelson就訓覺=.= benny同阿joe去食麥記, 得番我同刺身同vsiu阿liu睇=.=

今次好似係我第6次睇saw II=.=?真係就黎睇到識背, 兩位女士都覺得, 套戲無乜野者XDDD所以各位真係唔駛咁驚睇saw II wor XDDD

睇完戲, 都四點半, 天光lu…

今日天氣好差, 成片雲起天度..望下就知今日會落雨

Eva今日走啦~~~晏晝同佢去家園二樓食埋最後一餐北大既午飯~~~

晏晝..唔想屈起宿度, 同阿liu vsiu出黎hae行..搭地鐵去到國貿, 睇下新CCTV..D水氣真係重到呢, 連對面馬路都望唔清楚..忽然又話想去三里屯, 打的去..

上次去三里屯, 淨係去左酒吧街行, 今次早少少黎, 可以行埋隔離果堆商場, 上次淨係見到好Q大間UNIQLO, 原來入面仲有好多野@@..棟棟樓都有D特色, 總之唔係就咁四四方方, 棟棟樓都好矮, 最多得果5層, 細細間咁, 幾得意

行完UNIQLO行APPLE..行下地下商場, 行下精品店, 行下光合作用書屋, 經過戲院又望下..學生睇戲最貴都係35蚊炸!!! 任何時段!!! 真係抵到爛左!!! 如果唔係阿joe download左博物館奇妙夜2(港譯: 翻生侏羅館2)既話, 我地真係入場睇戲啦@@..

夜晚去左麻辣誘惑食飯..三個送, 毛血旺(X魚), 辣涼粉, 娃娃菜煲, 拿我係攞黎衰既, 明知D送係辣既, 都仲要叫個擔擔面而唔叫白飯, 呢鋪真係夠曬麻又夠曬辣, 個擔擔面真係麻到..個毛血旺真係cumulative辣到..

唔係講笑, 真係辣到喊, 辣到我標眼水..=.=|||

食完之後, 一出去就落雨..都無乜mood行其他地方lu..番歸

夜晚原本諗住叫埋vsiu同阿liu過黎102睇博物館奇妙夜2, 但係..因為今日當席既樓長係好夜訓既樓長..結果send左比佢地睇就算, 我地102同108黎一場FINAL BATTLE!! CASTLE BLOOD!!

土耳其+中國+法蘭克VS馬雅+拜占庭+蒙古..

刺身用法蘭克好快就比人封住左..joe用中國距離戰場太遠..得我用土耳其勉強頂住=.=..面對benny既巨投攻勢, 中國又升唔到帝, 我好似200個人打600個人咁..=.=..唉..=.=..

2401期末考試

第一部份填充題，至少拎到8分…

第二部份辨析，第一題真係睇到我O曬咀..問下你..如果我話2401係一科研究hardware既科, arm定錯sosad?.. machine language同assembly language係咪一一對應..我記得上堂既時候佢當題外話咁講左兩句, 大佬, 鬼記得咩..呢部份..至少都拎到10分

第三部份名詞解釋, 正正常常…起碼都要有12分掛?

第四部份, ok I lose, 我記得..起某年某天某地, 我的確係見過點樣處理循環小數in floating point, 我認我真係唔記得左, 而且, 我都認Moore’s Law..我係學過, 但係我從來無諗過, 考試會拎佢黎計數, ok I lose, 0分(over 18分)

第五部份, ok you win, 枉我相信你係一個講口齒既教授, 你明明話過pipelining會考好多, 枉我花左咁多心血去煲熟pipelining, 煲埋wiki, 煲埋書, 而你竟然出multicycle datapath, pipelining只係值果小小既四分, ok you win.. 枉我相信你係一個會考concept, 考”甚麼是計算機體系結構”既老師, 你竟然要我背曬成個multicycle datapath入面既control signals? 呢部份19+23分, total 44分, 我有無可能拎到30分呢? 老實講, 真係五五波