大前日刺身check中大email見到PCCW請summer intern, 我見佢話send份resume去就得, 拿拿臨就send左..PCCW手腳都幾快, 前日就覆番我話processing..其實我收到佢話processing已經好開心架喇sosad..到尋日, 就再覆話想phone interview我..時間係今日1230..

尋晚已經唔係好訓得著, 臨訓著前望一望窗, 都見到就黎天光, 即係都四點幾..訓訓下自己又醒下, 刺身同nelson九點幾起身去聽索羅斯個talk..我又醒, 十點佢地出去, 我又醒=.=..跟住阿joe電話響..我又醒..好似無訓過咁=.=..

1215, 拎埋電話出去學一食堂門口行黎行去等電話..等極都等唔到..等到1245..我坐起學一門口聽住歌等..等到1330, 頂唔順, 番去同同房食飯先..食完吉野家番宿一check email, 驚見1240既時候PCCW HR send左封email黎話打唔到電話比我..

或者係我表達有問題掛sosad…

Tel(HK):

Tel(China):

意思應該係, 如果打電話果個人起香港, 就打上面果個電話, 如果打電話果個人起中國, 就打下面果個電話sosad?

總之條友就打左去我香港個電話..咁梗係搵我唔到啦..覆番佢個email, 佢話聽日1230再in過我

搞度我成日都無曬心機=.=..等interview既時間真係好難捱..

溫左陣2401, 都唔知自己係咪真係識..

六點幾果陣阿joe帶左兩個女仔黎..一個叫emily..係HKU BA..今年grad喇@@..何東既朋友..真係呢, 黎左PKU咁耐, 都無乜機會可以同人講到HKU既野..難得阿emily係44莊阿軒既中同, 又要識得阿琛@@..又知知地Swire既野@@..簡直..就有少少他鄉遇故知既感覺sosad

乜Swire比人既感覺..真係咁chur咩sosad..

102+埋果兩個女仔去何賢記食飯..另外果個女仔..犀利! 一眼就睇得出nelson平時唔係咁既人XDDDDDDD真係笑到噴飯XDDDDDDD

夜晚candy走黎請教阿刺身點樣做case..請教完之後..又叫人吹笛==.==唉=.=呢鋪都係走唔甩=.=

朝早考0250筆試..

我識答果D, 唔溫都識答

我唔識答既一半, 明明溫左..就應該識答, 不過我溫完好似無溫過咁, 所以都係唔識

我唔識答既另一半, 溫唔溫都唔識答架啦..我真係唔識用loop invariance黎prove correctness丫麻..

夠鐘停筆之後..坐我隔離果條友都..幾猖狂, 拎埋我份卷去自己個位度抄答案..

(有mainland同學抄我既答案, 簡直係一種榮耀..而且我又唔介意佢高分過我, 咪由佢抄lor XDDDD..不過佢都真係差左D..平攤分析amortized analysis有邊三種都唔識..只不過係要答aggregate / accounting / potential三個字..)

是Q但啦, 呢份卷..真係亂做都合格..20條填充題, 10條mc, 3條算法設計與分析..最後果三條出左”社會名流問題”..”田忌賽馬”..”地磚密鋪”..田忌賽馬果條佢比埋tips點做..好難做唔到架bor sosad..地磚密鋪, 經過Bryan專人指導, 加上睇過網上面既答, 要我解析佢個algorithm, 易過借火啦XDDD

晏晝去傣家食飯, 真係無乜胃口..一諗起0234個考試就反胃..quiz無左10分, lab 2無左10分, lab 1頂多9分, 功課無可能拎足20分..拿真係計maximum喇, before exam我有29分..為求合格, 我要起考試拎到31分, 即係卷面分62分(final佔50%)..由於之前D分係計多左, 我估計我卷面要有70分呢科先會合格..

好喇, 可以講下份卷..頭20分名詞解析..

CRC循環驗証碼, 隱藏節點, IP組播, 可靠傳輸, 仲有個唔記得左..

呢part都幾有信心, 隨左可靠傳輸唔知想我答乜之外, 其他full mark應該無問題

跟住10分填充題..

一般家庭用戶使用ADSL透過_________協議連上互聯網。我9答左PPPoE..

按介質形狀來分類, 區域網絡可以分為______及_______兩大類。我9答左有線同無線=.=

淨低果7分都幾有信心

到7條long question

1.      比傳播延遲, frame size, ack size, bandwidth, 計stop-and-wait既efficiency, 呢前半part無問題, 後半part問selective repeat既efficiency, 完全唔識

2.      比farthest distance in a bus, frame size, latency, bandwidth之類既野, part a計CSMA/CD要發送幾多個bit之後先detect到成唔成功, part b計CSMA, 同一個問題..我又係識一part唔識一part..

3.      Link state routing, 呢10分應該都無乜問題

4.      Ad hoc network, 淨係識答頭半條AODC algorithm, 後半條連問乜都睇唔明

5.      有個host A駁住個router A, router A經internet駁住router B, router B駁住host B, 問..當host A send一個packet比host B, 起果三個駁住既空間入面, source IP同destination IP分別係乜? 我諗我真係唔清concept, 呢條完合靠估

6.      令牌桶算法, 不枉我背左條式入去, 後半條又係連問乜都睇唔明

7.      Silly window syndrome + Clark’s solution, 10分全取

粗略估計, 呢份卷有67分..真係危過危天行呀! (危天行..係邊個? 忽然load左呢個名出黎..係咪..與敵同行其中一個奸角?)

好考完, 諗定寫求情信比個lecturer, 搏佢比番個合格我..不過呢D係後話, 當務之急係同Benny去五道口打機..

兩條友去到東側門搭車去五道口..諗住呢度打機會好平, 點知係10蚊五個銀, 打一鋪House of the Dead 4要3個銀..以香港價黎講直情就貴到喊..不過無辦法..實在忍得太耐, 太想玩, 兩條友每人前後拎左40蚊出黎..先打一次stage 1 – 3, 比果隻電鋸佬打死左之後..大家諗左陣..決定再打過, 由stage 1 打到stage 6, 打到最後個大佬, 打完佢第一條life, 第二條life打到一半, 放棄lu

打完機都六點鐘, 行下UNIQLO, 行下SONY, 搭地鐵去到北新橋站..食花家怡園..

102+benny+東方+candy+liu+eva, 9個人, total 519..我包底比左300蚊..係我第二次咁豪咁請人食飯喇@@....請得起, 請下無壞既, 大家開心下者

食完..未沖涼既男仔番宿先..其他人走去家樂褔買好多野飲同薯片..準備今晚吹水=.=..

衰在今晚個樓長好鬼夜訓..等到差唔多一點鐘先見到佢熄燈..佢一日唔訓, 班女仔都入唔到黎XDDDD

成晚吹水我都好似無出聲咁sosad..一半係因為眼訓, 一半係因為覺得好無聊..=.=一開始講下人地事非..講下無聊野, 中場未到大家已經將矛頭直指Nelson=.=..係要玩死佢咁=.=..

老實講我對呢D topic無乜興趣ZZzzzzZZZZzzz..不過我又唔係果D hold到呢D環節既野, 都係坐埋一面聽下算..

溝通, 如果加深唔到彼此認識, 又或者交流唔到任何信息, 又或者無助任何人抒發一下..
(...., 自己講msn果陣咪又係無聊....)

(...., 一路講msn一路做其他野架麻...msn唔係正職...)

(.......)

哈哈, 算啦, 要一步到位..無可能既, 諗得太多想得太遠, 大家出黎都係笑下開心下者....可憐既Nelson又比人做左成晚..(唔係唔係..根本就係佢自己整個乙水出黎比自己踩..)

又睇多次仙劍三電視劇預告片..

景天生左兩隻彊屍牙出黎..有種..crossover左外傳既感覺..

徐長hing同紫萱講..將青兒交去蜀山, 然後拎水靈珠出黎..有種前世今生crossover埋一齊既感覺..

紫萱..點睇都好, 似妖族多過似神族..

飛蓬..點睇都好, 副虧甲真係好虧

雪見..點睇都好, 100分

呢兩日都係摺起宿入面溫書..都無乜好講..

0250我覺得..過左機試之後已經可以話係安全到”步”.., 2401我諗問題唔大..

0234堅係一個問題..呢一刻都唔敢講話肯定合格, 如果炒埋..year 3 sem 2又要多6個credits=.=

問題係, BBA個degree入面, 12 credits 既inter-faculty elective...可唔可以用我engine 既科黎頂左佢呢? ..如果可以既話, 我就可以問下FBE, 比唔比我將呢12個credits擺起year 3或之前讀左佢, 而唔擺起year 4黎讀, 即係雖然我year 3或之前take唔夠57個FBE既credits, 都比我升year 4..得唔得!?

如果唔用得engine科黎頂果12個credits, 而容許我唔夠57個credits咁升year4,就即係year 4兩個sem都要overload到36個credits

如果一定要起year 3或之前take夠57個FBE credits..咁我year 3 sem 1爆到42 credits, sem 2爆到39 credits..如果唔想咁chur, 就要考慮將FYP搬去year 4黎做..其實year 4做FYP既問題係..FBE果邊好似一定要我拎左BEng個degree先可以拎BBA個degree, 呢兩個degree要分開兩年咁拎..咁我就一定要爆credits咁讀, 如果唔係就year 5 sem 1畢業..最好就比我一年拎曬兩個degree啦..咁就一天光曬

http://forum4.hkgolden.com/view.aspx?message=1730840&highlight_id=0&page=1

近排網絡興玩omegle...

上面係一個香港人同一個共青團既人既對話...

值得一睇

凌晨四點幾醒左..痕醒左=.=..d蚊喪針我兩隻腳掌=.=..好彩著左長褲jac..

0700又醒左, 一野就禁熄左個鬧鐘..跟住又訓左..好彩0714無端端又醒左jac, 如果唔係就miss左個考試啦..

074x去到機房..等到0800都未開始..問個助教係咪會補番時間, 佢話唔係..”10點之後有另一科要考試, 所以唔會補番時間..”..一路等呀等..等到0815先開考..

1.      Activity Selection Problem (equivalent to unweighted Interval Scheduling problem)

嘩!!! Bravo!!! 因為國度權柄榮耀皆歸於父!!!! 阿尼..陀佛..民主聲火不滅!!! 曾任權..仆街!!!! 你娘親!!!!! 愛國民主科學進步!!!!

係activity selection problem 呀!!! Diu你!!!! 萬歲呀!!!! 萬歲呀!!!!!!

15分鐘內抄左個merge sort落去, 加多個for-loop落去, 掂呀!! 掂呀!!! 我地Three cheers 比出卷既汪小林老師Hip Hip! Hurray!!! Hip Hip! Hurray!!!! Hip Hip! Hurray!!!! 我地Three cheers 比做到呢條問題既考生! Hip Hip! Hurray!!! Hip Hip! Hurray!!!! Hip Hip! Hurray!!!!

拿你講過!!!!六條之內做arm一條既話機試就合格架啦麻!!!係咪?! 我機試合格啦!!!!! 合格啦!!!!! (仲有下星期二既筆試呀..你等等啦..)

2.      Determine whether a 四邊形 is a convex hull.

我覺得我係應該做到呢條架喎, 佢比埋tips, 要考慮..對於每一條邊, 其他點都係起同一邊..我覺得我個algorithm係無問題架bor, 不過係都wrong answer..又唔話比我知錯咩test cases, 我自己又試極都試唔到錯咩cases..

又, 原來可以抄番自己D功課..頂丫, 我到臨尾十分鐘先識禁番自己D功課出黎, 搵番條Graham’s Scan出黎..唉, 不過搵得黎都夠鐘lu

3.      雞蛋問題..一條好有趣既dynamic programming@@..

你手上有n隻雞蛋, 面前有一棟m層高既大廈..呢n隻雞蛋既硬度都係一樣, 如果呢隻雞蛋起第第十層掟落雞會爆既, 另一隻雞蛋起第十層掟落黎都一定會爆, 如果呢隻係無爆到既, 另一隻都唔會爆..無爆到既雞蛋可以繼續用..問題係, 如果要搵出呢批雞蛋最多可以起幾層高掟落黎又唔會爛, 用optimal method, 起worst case, 要掟幾多次?

例如你有一隻雞蛋, 棟大廈係100層高, 用optimal method起worst case係要掟100次, 因為得一隻蛋, 要試就一定要由一樓試起, 一個唔好彩隻蛋硬到100層樓掟落黎都唔爆, 就要掟100次啦..(如果你一黎就起50樓掟落街, 隻蛋爆左, 你又無蛋試, 咁你點知隻蛋有幾硬淨呢?)

又, 如果你有2隻蛋, 都係100層樓..就要掟14次喇..(其實我連呢個test case都諗唔明..當然..連個algorithm都諗唔到啦..)

呢條問題好似真係好有趣ar..有無人諗到?

4.      最大和問題

我連條問題都睇唔明

5.      撲克問題

而家有好多隻牌, 例如有10隻紅心A, 10隻葵扇A, …9隻葵扇King, 同1隻Joker, 問題容許你用Joker代替其中一種牌, 問題係..最多可以砌到幾多副完整既啤牌出黎?

6.      Tomb Rider!?

你同一隻木乃伊起同一間房度, 每一round你可以行一步, 隻木乃伊可以行兩步, 間房中間有D牆起度..木乃伊每一round都會朝住你既方向行, even有牆起前面..(即係你可以醒少少, 特登fake木乃伊對住牆喪跳..不過對於programmer黎講都無分別, 反正都係breadth first search)而家比左D牆既coordinates, 人同木乃伊原本既coordinates, 問題係要你搵條route出黎

考試結束之前..我睇左一下提交情況..有兩個神人答左五題..有少數次級神人答左三四題, 淨低1/2人答左兩題, 再淨低既人入面大部份都答左1題, 有十幾廿個人..一題都答唔到..

Ok, 搞掂, 去前門23食個法國餐慶祝下先

出黎既時候見到Candy著曬suit咁..比佢嚇親, 不過原來佢唔係去既=.=

我+阿liu+V.siu三丁人..11點半先出發, 搭特4搭到傻左..

上網搵番果個menu都唔update既..所以講唔到自己食左咩餸..

一坐低已經有小食送黎..其實都唔係好知自己食左D乜, 中間果粒磨菇幾好食..左右兩邊果D都唔知咩黎XDDDD總之都係ok好食啦XDDDDD

呢度唔似意大利咁一次過既成盤面包比你, 而係拎一盤三款面包比你揀..揀左一件之後就會行開..見你食完又會行埋黎問你仲要唔要..法國D面包真係好鬼硬, 想要好有儀態咁mi開佢係無可能架lor..

Er..要比較既話, 我會話呢間法國菜既面包款少D, 同埋牛油都差D..人地意大利係檻欖油同鹽分開上架麻@@..另外仲有香草添@@..

不過, 是但啦, 我又唔係黎食面包

到個頭盤..我同v.siu都係要三文魚唔知乜乜乜乜乜, 唔記得喇, 個名太長喇..呢個頭盤係我呢餐食得最滿意既一樣@@..三文魚有90%係生既, 10%煙過咁, 加上隔離有個類似沙律醬配蛋黃定乜野, 好好好好好好好好好好好好好好好好好好好好好好好好好好好好好好好好好食呀!!!!(我呢度咁多個好字都係親手打出黎而唔係copy and paste, 可見佢真係幾咁好食)

食三文魚既時候講起話我好想去食放題..v.siu就話佢樓下附近有間食放題幾好..佢講緊果間..竟然就係一生@@! 哈哈, 估唔到, 大家都係一生既朋友XD

至於阿liu果個..由我既角度睇落, 好似食草咁=.=..|||

到main course喇..

我食個唔知乜野羊扒..普通啦..(比左RMB165+5% service charge無理由話佢唔得架者), 優點可以話佢無乜羶味, 缺點可以話佢乜味都無=.=…v.siu果個唔知咩金槍魚..阿liu食左一啖就話..”我自己起屋企蒸桂花魚都好食過佢啦” orz=.=|||唔知v.siu果下係咩感覺XDDDD阿liu果個大蝦意大利飯就真係唔錯喇@@..D飯好lim.., 個汁又好creamy好好食, 淨係食佢個飯都抵呀@@..

食食下main course..v.siu大大聲喂我後面行過既一個人..我另轉頭望下..果個人有D驚訝咁喂番一聲v.siu, 呢個時候我望到佢個樣喇, 我更加驚訝咁喂佢一聲..到佢望到我既時候..再驚訝D喂番我一聲..

咬金讀UST識v.siu唔出奇, 又, 咬金去清華exchange, 起北京見到佢都唔出奇, 不過起前面23撞到佢..又有埋v.siu起度..可見, 呢個世界真係幾咁小=.=

到最後個甜品喇..唉, 真係唔得=.=|||個朱古力泡芙..真係甜到我唔想食=.=||||v.siu果個peach..唔知乜蛋糕又真係幾鬼好食..

最後仲有五樣甜品同一堆蛋糕仔..蛋糕仔唔錯, 真係唔錯, 應該係剛剛焗出黎, 真係外脆內軟!!!@@

我地一點去到, 影埋相出黎都差唔多三點..v.siu提議去食多次文宇奶酪, 我梗係話好格XDDDD問左人點樣搭公交去..起地安門內落車, 行去南鑼鼓巷..都幾遠下..不過為左食文宇奶酪, 行幾遠都抵啦XDDDD

1602先去到, 初頭仲驚果度山左門..點知條隊短到乜咁, 奶酪雙皮奶木瓜奶乜都有@@..我一黎就要左杯木瓜奶同奶酪先..上次淨係飲左一淡唔係好夠喉..今次終於有得一杯咁飲喇@@..飲奶飲到有種食緊木瓜既感覺, 我問你試過未!!!! 真係好正好正好正好正好正好正呀!!!!! 第二次食呢度既原味奶酪..都係果種感覺, 第一啖怪怪地咁, 但係越係食落去好似會上癮咁, 而且係越食越好食@@..

v.siu食唔曬佢果杯奶酪, 倒左半杯比我, 哈哈, 多謝曬喎

食完之後唔夠喉, 再買到杯香蕉酸奶..正呀!!!! 又係咁! 食奶食到好似食緊蕉咁!!! 果種感覺真係非筆墨能夠形容(你自己中文屎就屎啦)!!!!! 明明係飲緊野, 但就有種食緊野既感覺@@!!!! 又唔會蓋過原本既酸奶味, 呢杯酸奶, 好成功呀!!!

嘩卡卡, 真係食到好鬼滿足XDDDD

再行番出去搭公交, 番到北大都六點鐘lu..今日隨左考試之外..花左七個小時黎飲飲食食XDDD真係成隻豬咁呀XDDDDDD所以夜晚都係唔食喇XDDD

今日最後一日上堂啦..朝早堂0234..走左..反正係答疑時間, 又唔係教書..

2401..最後一次上堂..教埋pipeline.. 果個咩software pipeline..真係唔係好知佢講乜..最尾果part memory..其實兩個鐘就講完既野..如果唔係一開始佢講左成個月history既話, 實有大把時間講落去..鞋..不過咁都好, 教少D考少D

最後個prof.話..北大剛剛研發到一部完整既電腦出黎, 即係成部機都係國產..唔係intel唔係NVIDIA唔係ASUS..係PKU同PKU同PKU仲有PKU..呢個月會正式放入生產線, 七月開始中規模生產..

重點係..會特價賣比信息科學技術學院既學生..RMB 1600!!!

雖然我對呢部機個spec係0認識, 不過都好有興趣@@..

唉呀, 佢話可能考完試之後搵日再約出黎dem部機比我地睇@@..頂呀..睇唔到添..

阿joe落堂番黎之後..同我地講佢上堂講64D野=.=..

一開聲就比人群插, 大概都係話阿joe比西方媒體荼毒左..雖然大陸既同學起中學上政治課既時候都係得過且過, 話就話聽完就算, 政治課既思想始終係沉澱左起個腦入面..自自然然一開聲都係講番果堆野出黎..

(讀左七年/13年宗教學校既你..有無任何宗教意識留左起個腦入面..而不自知?)

難得既係, 落堂之後有幾個同學拍阿joe膊頭, 走左去大講堂門口..傾左陣關於六四既野..果幾個同學係..會自己諗辦法睇下其他資料, 算係企起”要平反六四”呢一邊..不過一班入面就只係得果幾個人

我諗呢個都算係當代中國既縮影? 當年係北大既學生發起六四(算係啦), 而二十年後既北大學生係..鞋

夜晚頹到連出去食飯都唔想..叫左個外賣番宿食算=.=

聽住六四燭光晚會直播..睇住Introduction to Algorithms..鞋..睇睇下..都係唔睇, 聽算喇..

台上台下..哎得最大聲既係「曾任權！！你聽唔聽到呀！！！」

真係多得曾任權, 今年破紀錄有超過十五萬人出席, 仲多過1990年第一次既燭光晚會!!!!!!

忽然有種..以香港人為榮既感覺

今日六三, 好似無乜特別, 又唔係六四正日..點知好多國內大既網站都收左皮..全部都話網站維護..起mini見到有post話..可能聽日會連大學既論壇都上唔到..

於是我就去北大BBS, 三角地(即係聊天版咁上下, 總之係最多人果塊)板..平時開左VPN都入到BBS既..今日就彈出黎話不容許校外IP地址登錄BBS..好lor..cut VPN再login..

開post問”明天會唔會上不到BBS?”, 4分鐘內有5個人覆左我, 然後我個post就無聲無色咁消失左..

其中一個reply係..”你也聽說過啊?”

六點鐘同刺身去學一食飯..(佢話無錢啦喎=.=…), 六點去學一, 好正常丫, 點知一入去, 學一西部收曬, 淨番生果檔, 學一中部開淨兩檔, 學一東部淨番賣野飲果檔..真係O曬咀, 平時呢個時候應該係好多人至arm..

番宿, 又係上mini , 見到有post話..北大禁遊客內進..唔, 的確, 奧運開始進出北大都要show証件出黎, 普通人想入去都得, 要登記先..今日似乎係, 無登記就唔入得黎?

咁唔怪得學一少左咁多人食飯啦@_@..

(估下者, 唔知兩者係咪真係有關係..)

夜晚..謝惟凱無聊無野做走左黎我間房..講起佢今日見到個台灣人..起學校唔知邊度簽左個名, 於是就比人的走左去問話@@..問佢簽名做乜..果個台灣人答..我間公司同北大有好密切既合作關係架..云云, 個公安好似唔信佢, 要倒曬佢個袋D野出黎=.=

凌晨時份, 剛剛過00:00之後, 我又去三角地果塊板睇下..有人開左個post..標題係”中華人民共和國憲法”, 第13條, 話咩人民係有言論自由, XX自由, YY自由, 云云..下面第一個reply就係話..”不會連憲法也給刪了吧..?”

點知一分鐘之內個post就消失左@@..

陸陸續續有其他post出現..明明我都禁得好快架啦@@..竟然會比我連續禁左幾個post係有標題..click入去..吉左@@..板主做野真係好快手@@..跟住就見到好多”XXXX會員發言權被禁”之類既post @@..

去自己院版睇下..咁我個faculty D人都係讀電腦related既野..對網絡都幾敏感..個個都起度話校內網果個”個人訊息”, 即係facebook果個..status, 個function比人ban左..想話自己mid term得64分都唔得..XXX20週年又唔得..更甚既, 直情係連校內個acct都消失左@@..

又有人話..出post講”5月35日”(即係4/6..)都即刻消失左..

好喇..講完六四..講番自己..

今日發現0250既mock卷..

一條係房間問題, 比一層樓既floor plan你, 要你搵下呢層樓有幾多間房, 同最大果間房既面積

一條係..general knapsack..注意..我地上堂係無教過knapsack..

一條係..determine whether a point is inside / lies on / outside a polygon..

限時一小時..

鞋..我對後日既機考都無0希望..

差唔多無堂上喇, 上埋星期四晏晝兩堂2401, 就無堂喇..而家好似study leave咁..

日日摺起宿到對住D notes..真係好唔想溫=.=|||科科都係諗住緊緊合格就算=.=||||堪稱小弟最頹廢既時代…

堅持多一個星期呀!!!!!!!

夜晚同Nelson食飯既時候..真係..爛gag爆極都有..

: 刺身著T back架

: 刺身條底係灰色架

(你連刺身著條底係咩款都知!?變態架!?)

(男仔都目及, 女仔見到Nelson真係要小心D..)

(話時話, 我連我而家著緊條底係咩款都唔記得=.=)

尋日阿Joe話要我請食花家怡園..鞋..是但啦

(如果唔係上個sem刺身請過食98 Buffet既話...我可能就要諗下先XDDD)

花家怡園, 預一位50蚊既話..102+108+37樓103..12個人@@..600蚊@@..

夜晚趕住10點半之前沖涼..唔小心撞跌左支牙刷, 跌左落檯隔離條坑..

果條好多塵既坑!

(<<好似咁古龍既..? 例句..:

楚留香與陸小鳯, 在紫禁之癲決戰(氣, 你咪理啦!), 他們都在等對方的破綻..

致命的破綻!)

Ok, 我今晚同聽朝都唔刷牙lor

起北大BBS見到D無聊野…睇你估唔估到…

七尺男慘遭毒手變侏儒 痴情女真情不變仍同居

(日本動畫, 好hit架, 我諗好多男仔都有睇過)

親生父母竟成禽獸 未成年少女被迫賣身洗浴中心

(呢套戲唔講得少, 堅係好睇, 歌又好聽, 都係日本製作啦 (日本製作既動畫電影黎黎去去都係果個人整架者))

驚! 惡母殺女未逐, 奇! 屍變終成眷侶

(第一個答唔出..可以理解, 第二個答唔出, 可能你真係未睇過, 呢個都答唔出既話, 我覺得你真係好可悲, 可悲在你連一個正常既童年都無..tips係..唔係日本既..你肯定識, 而且我肯定你偷睇答案既話一定會爆粗)

呢三句, 分別描述邊三套動畫(寫到成套3級片咁添..)呢

答案見本xanga最尾

尋日比Matrix充斥住我個腦..搞到連Nelson D笑話都唔記得寫, 今日又唔係好記得添..

話說尋日起家園二樓食飯既時候..nelson提議番到香港, 十月齊齊去海洋公園哈佬喂..撩起左鬼屋呢個話題..

Benny: 你地有無去過以前荔園果間鬼屋呀? 真係好鬼無聊, 吊隻手落黎想嚇黎..唔知想點..

….唔知邊一句開始, 阿Joe同Benny又想fake Nelson喇..

: 喂你有無去過新荔園玩呀?

成檯人靜左一靜, 呢下我都比佢fake左一fake…咦? 有新荔園咩? 呢一下我唔係好sure唔敢出聲住…

Nelson: 下?

: le~搬左去啟德丫麻, 唔係你以為啟德荒廢咁耐做咩丫

呢下先firm佢係fake緊人=.=…

: 唔知喎…

: 你梗係無睇開新聞喇, 上年搬左去啦麻!!

一檯七個人, nelson比人fake緊, Benny同阿joe唱雙皇..我同刺身唔出聲..kenneth好辛苦咁忍笑..阿Tim..一直都無乜點出聲(後黎一出聲就知到佢都比人fake左)

: 真係搬左去咩?

(Benny/Joe): 係呀, 不過而家好似唔係叫荔園啦..叫荔苑

(Benny/Joe): 係咩, 乜唔係改左名做麗園咩? 你有無記錯呀?

Kenneth開始忍唔到, 笑到出聲喇..

果時我心諗, 都玩夠啦, nelson無理由仲未知比人玩緊掛..

到夜晚食餃子..nelson原本自己去左打網球, 咁arm起康博斯撞到我地..果時我地都差唔多食完..benny同kenneth又食唔曬, 趁nelson拎左盤餃子黎, 再番轉頭拎筷子既時候, 快手快腳將食唔曬既餃子夾曬去nelson果碟度..

明明nelson就係食三鮮…benny夾過去既就係豬肉芋頭..咁都食唔出sosad?

都算喇…食食下nelson仲要爆多句

: 我頭先上網check過, 都無新荔園, 你頭先呃我既

真係…忍無可忍喇…成檯人爆笑出黎…我而家諗番起都笑緊XDDDDD

今朝上0234..算係最後一堂啦, 做下總結, 一個鐘就落堂..

見有時間剩..就去左大講堂對面, 即係上次剪頭髮果間, 起北京剪多最多一次頭..今次係另一個女人同我剪..佢真係快手到呢..頭果十下都係大刀闊剪, chop chop chop好似唔見左半個頭咁..都唔知有無五分鐘就剪完個頭..又..ok wor

去隔離新華書店買盒prison break season 1比陳鈺龍..再買多本GRE句子填充..番宿, 拎番尋日收到既GRE書, 拿拿臨拎去中國郵政寄..

我話用最快既方法寄番香港..真係幾鬼貴, 1536克, 運費要RMB180, 另加5蚊保險費, 3~5天到達..好似仲快過上次寄書番去..但係明明上次我都係話要用最快既方法架啦..

下晝上0250..都知佢全堂present架喇, 不過都比比面去坐下, 慎防miss左任何tips..坐低一開機..部電腦話detect唔到個harddisk, 熄機再開過幾次都係咁, 真係嚇到我鼻哥窿都無肉..理論上而家我部機有咩軟件上既問題我都無乜所謂…裝左vista, 又裝左XP, 又裝左Ubuntu wor, 無理由三個OS一齊死架者, 就算真係死左, 咪boot from Ubuntu隻CD, 可以唔駛裝都access到harddisk入面既野, 加上有個external harddisk做backup, 病毒, 你咪搞我部機lor, 最多咪剷左佢重裝

但而家係detect唔到harddisk 喎..點算好呢!? 唔通要拆開部機黎研究!?

比佢做下system check啦..點知check check下, check到hardware有問題, 起度喪必我, 仲要係用唔同hertz既beep beep聲, beep到好似唱歌咁..頂, 就黎上堂呀大佬..

熄左部機, 反轉佢黎睇下, 發覺有個harddisk symbol, 舊野好似鬆左少少, 拍番入去

咦? 又無事啦喎

真係嚇X死..

上完兩堂, 乜tips都無放, 唯一講左, 機考變為六條, 只要做arm一條就合格

好! 我既目標就係1條!!!!!!

另, 0250同0234同一日同一個地點考, 一個係上晝8-10, 一個係下晝2-4, 日期為六月九日星期二..

跟住就到17號先有2401..2401我又唔係好驚, 我大概可以話, 過左六月9號, 就解放喇..

(黎左成個sem從來無禁錮過何來解放?)

落堂去買埋Prison Break Season 2/3, Heros Season 1 @@..

放心, 唔係我買, 幫人買者都係XDDDD

個收銀員仲私人醒多盒Bush Speeches 之類既野, 又係聽Speech學英文之類..=.=||

名偵探柯南

千與千尋 (呢個真係..最O咀=.=|||)

白雪公主

尋日買左Matrix Boxset之後…就睇左半套Matrix 3 Revolution, 睇左成套Matrix 1..夜晚搏盡溫左輪0234, 之後打AOC..再睇Animatrix..連xanga都無打到

Animatrix..表面意思唔難明, 有無咩內裏意思就…

第一段動畫..由final fantasy電影原班人馬製作, 個人真係勁真勁靚@@頭果幾分鐘都起度互界對方既衫..後面阿joe同benny行過..一睇就話係咸片=.=..雖則睇落都真係幾似..

睇到凌晨三點鐘..刺身先番黎..=.=…等我地房仲擔心佢同四個女仔既安危添XDDD

第二朝訓到差唔多一點鐘先起身..一起身就見到個sms..話噹噹網既書已經黎到..話說我尋日下晝幫家姐起噹噹網訂GRE既參考書..估唔到今日就送到黎, 效率真係超高@@..

下晝溫左陣0234..之後就開左boxset隻The root of matrix出黎睇..試圖將Matrix同各大philosophers既理論拉埋一齊..我明佢同果D理論有關既, but..真係講得唔係幾好..lor..最後仲有少少夾硬黎既感覺=.=..(Oracle VS Architect = 黑 VS 白 = 感性 VS rational = 陰 VS 陽!?)

Matrix 可以細味既地方真係太多多喇~.~

Thomas Anderson, Neo, Morpheus, Trinity, 法國佬, 法國佬個老婆, Zion呢幾個名都有佢既..典故? 有佢既意思..

有d位, 滲入左導演(定編劇?)既心思..好淡, 真係無人講都唔覺..

黎漢中托我買個Matrix Boxset比佢..XDDDD, 仲有無人想要呀XDDDD我可以寄番黎喎XDDDDD, 8蚊一公斤, 搭船番黎半個月左右, 一個boxset都無半公斤啦, 我抵諗D唔收你郵費喇

上wiki check下先發覺, 原來我係買左個Limited Ultimate Edition @@..起碼有三個人質疑過我盒野係咪翻版..我都無野好講, 唯有話, 我覺得佢係正版lor

夜晚曾海林問我個java大作業做成點..我覆番email話..我乜都無做, 我放棄..

等佢回覆番我, 就算係正式drop java喇..

Matrix Boxset 入手!!!!! RMB 160蚊炸!!!!!!! 起香港買番set咁上下既野要500蚊lor唔該

10隻DVD
The Matrix, 有兩個版本, 一個係正常戲...一個係有兩個philosophers 個comment sound track, 係一路播片一路聽住佢地個comment, 三套戲都係咁@@...
The Matrix Revisited
The Matrix Reloaded
The Matrix Reloaded Revisited
The Matrix Revolution
The Matrix Revolution Revisited
The Animatrix
The Roots of the Matrix
The Burly Man Chronicles
The Zion Archive

起香港見到個boxset既時候已經同自己make 個promise, 將來一定要買個boxset番屋企, 終於買到啦!!!!!

有D美中不足既係...無英文字幕, and焗睇簡體字幕=.=

今日..一起身已經走左0250..

兩點半去左”下一站港大”呢個活動, 係由北大同清華既委培生搞出黎..初頭諗住係介紹下HKU..等大家交流下既活動…點知..

係一個文藝匯演..

唱Because of You, 屋頂, 絲路, 我戀愛了, 水晶..

琵琶..十面埋伏..相聲..Drama..低能game..

最衰..係一開始, 個主持人點名話有我同kenneth兩個HKU既”學長”黎睇=.=|||想走都走唔到=.=|||||仲有, 學長呢個講法..真係好聽唔慣..

半時我或者會好詳細咁講下有咩表演..但係今日真係唔想講=.=||||

話就話兩點半開場..等到三點幾先開始..等到五點幾先完..

同佢地去涮羊肉..同檯15個人左右..有13個都係E&F或者A&F=.=|||淨低一個social science, 一個MBBS..真係怪不得E&F果邊D人成日嘈話有太多mainland=.=我可以想象到..起香港由form 7升上去既學生, 將會徹底地比呢班人屈機=.=..

跟左呢度規舉, 我同kenneth係比人請食飯..死火lar..番到HKU真係唔好比我見到呢班人..一次過請十幾個人食真係會破產..

另, 問下starr hall人, 乜starr hall會對local同mainland一視同仁架咩? 佢地話問過起HKU既mainland..話starr hall chur, 叫佢地唔好揀=.=|||||結果係有一大堆人揀左Swire / SKY Lee =.=|||

成日乜都無做過..

凌晨時份睇歐聯決賽..巴塞對曼聯..

開波果十分鐘..曼聯好似攻左五次門, 有四次都炒曬..跟住巴塞攻一次就入左..

入之前我地房仲討論緊..”巴塞攻門唔駛多, 佢攻得一兩次就會入……你睇, 入左喇” sosad

0245睇到0430..臨訓前見到出面都天光lu=.=..

阿joe原本話過去108果邊訓阿tim既床..不過半場休息果陣又話嫌果面好多蚊走左番黎一齊睇XDDDDD

訓到十二點幾起身..成個下晝都唔知做過D乜..好頹咁溫下0234..好似有買本習題解答者..大陸D出題方法真係呢..估你唔到..太多mc/填充題, 考埋太多窿窿lar lar野..無見過真係唔會識答..

夜晚同kenneth/benny同kenneth個fd去花家怡園食飯..再去後海酒吧..

Kenneth’s fd係LLB year 4..住Morrison..咁計落, 即係2005年Morrison重光已黎就起度住..仲要讀埋PCLL..真係超仙中既超仙=.=

全日都係溫0234同埋打castle blood=.=…

(旺旺廣告女聲傳出: 媽! 好宅呀~!)

0234真係好鬼多野溫呀..

下晝打果幾場castle blood.. kenneth同benny真係灰到呢=.=

頭三場都係比我同joe禁住黎打, 屈曬民族=.=

夜晚拎起個塤, 上網搵到青花瓷既譜, 吹落又幾好聽喎@@..

音域唔駛闊, 直情就無乜高音添….用塤既聲又幾match到果種中國風..

係衰在個調爭少少, 有D音要自己禁半窿黎就番..

多謝Bryan解答左Union既問題..所以話呢, 學左成年programming都係廢既, 一見到union就坐左起度乜都做唔到..收曬皮..

同曾海林同學講左話我起java大作業上面咩都做唔到..同埋起演示之後果日有0250機考..竟然得到如下答覆:

“不要这么说嘛，我相信你一定可以做出来的。不过，既然如此咱们就不演示了，现在大家可以好好预备最近的考试吧，等过了这劲儿，再慢慢来。”

對一個交流生有信心, 絕對係一個錯誤

佢話唔演示都好, 即係我唔駛4/6前交貨比佢..

六四之後都考試咯..考完試我都走咯…咁即係..

上BBS check左考試時間表..

算法設計與分析未出

計算機網絡概論9/6

計算機組織與體系結構17/6

Java程序設計18/6

咁樣既timetable, 仲唔係叫我drop java?

上網搵左份小放牛既譜..無聊吹下..至少唔係好難聽, 而係唔好聽者

當然都係因為小弟要求比較低先至會話唔好聽..吹番arm D大細聲而經巧叻叻..D連音, 吐音, 真係差到呢..

成日都係溫0234..鞋..都幾麻煩

咩ad hoc network, 咩multicasting..

睇完notes都唔係好明, 書又無乜點講..

黎緊星期四同星期日都行街街, 星期四凌晨..睇巴塞對曼聯!?

仙劍奇俠傳3電視劇..六月尾七月頭開始起內地各省播放..

必download!

最最最估你唔到既係, 呢套劇同金牌大風竟然拉上關係..

吳雨霏唱主題曲=.=|||||唔理佢唱得好唔好, 至少可以將仙劍引入香港先@@..如果無線(免費台)想播仙劍3既話.(雖然9成9都唔會架喇..).就一定要播左仙劍1先..(發夢中…)

仲有鄭中基唱插曲..是但啦, 希望到時起香港可以多D見到仙劍既野@@..

今日0234 lab quiz..開始之前, 都抱住一個必死想法..果然

題目係IPv6轉發實驗..上個禮拜我已經估佢第3個lab係IPv4轉發實驗..已經試過一次..雖然係乜都試唔到, 至少都有個概念先丫..聽到題目既時候仲以為會有D著數..點知睇落條題目..

又一次…structure整死左我..

IPv6既header..同IPv4既header咁上下者, 同樣係要我自己寫番IPv6個header structure出黎, 問題係, 佢比我個header structure入面有另一個address structure.., IPv6既address structure..明明就係xxxx:xxxx:xxxx:xxxx:xxxx:xxxx:xxxx:xxxx咁樣一串32個數字長既16進制數..即係4個long就可以儲起佢..但係佢比我個structure係咁..

typedef union{

    char bAddr[16];

    unsigned short wAddr[8];

    long dwAddr[4];

}ipv6_addr;

完全睇唔明, 直到我打緊xanga既呢一刻都係睇唔明..

連個address都睇唔明, 點做? 限時兩個小時, 呢D咁既programme你比兩日我都做唔曬啦..

有3個task, 一個係..check到個packet係send比自己, 就接收佢

第2個係, check下佢既destination address係乜, 然後起自己整出黎既routing table入面, 用最長匹配法, 搵出next hop既address再send過去

第3個係, 發現呢個packet既time to live已經盡喇, 或者起routing table入面搵唔到相關地址, 就return出去..

比我屈左第1個task落黎, 果個..根本乜野都唔駛做, 就咁用個sendUpper既function就可以呃到番黎..但係, 當助教細心一睇我個programme就會發現我根本乜野都無做過..隨左build左條link list當routing table用之外..

0分

尋晚send左個email比助教叫佢send番第一個programme既答案比我睇..果然係要先自己寫個IPv4既header structure出黎先做, 之後所有野都幾簡單..可惜我第一次做既時候完全無要自己寫個structure呢個概念起度, 注定我係失敗告終..做完第1個lab都學唔到呢樣野, 做第2個lab會失敗..都好正常..

呢一科我已經無左20分啦~~~計下條數, 如果考試果份卷我拎唔到70分就可以番HKU再讀過…唉…

Java收皮, 0234又收皮, 呢個sem都收左一半皮, 下晝上0250, 機考定於六月五日上午八時..考埋呢個就收左3/4皮, 遲早成個sem都收皮番HKU讀year 5..(!!!!!!!!!!!!!我一諗起year 5呢個字就打冷震!!!!!!!!!!!!!!!!!)

0250成堂都係present.. Knight’s path..究竟一隻馬要點先可以行曬成個國際象棋棋盤呢? 如果用depth first search..可以run幾萬年都run唔完..?有無咁誇呀?

穩定婚姻問題..真係吹脹, 就咁聽仲以為係D咩social science 既問題添..

跟住上2401..繼續pipeline..

唔覺唔覺, 已經黎到最後3個上學天啦~~~今日上完堂之後, 星期四端午放假, 星期五我會走早堂0250..跟住就得番下星期一四, 下星期五0250隨堂考..

唔覺唔覺就過左一個sem , 我而家仲係好似剛剛開sem咁..你話死唔死, 分分鐘呢個sem炒咁兩三科….救命呀…諗起就好恐怖…

不過番到宿依然係撻皮, 依然係乜都唔做=.=|||||

尋日起中關村圖書大廈又睇九型人格既書..我按慣例拎起黎睇第5型人..

Benny起隔離話呢D野唔準..唔準都無所謂既, 我係睇黎對號入座架者, 見到邊D描述係中既, 咪睇多兩眼, 唔中既咪飛左佢..

覺得最中既係..”第5型人有相對少的慾望, 這並不是真的因為他們少慾望, 而是因為他們不喜觀慾望, 所以當發現自己的慾望時會盡量抑壓, 甚至抑壓到自以為沒有慾望”

諗一諗, 都幾中..

“第5型人在一個群體中時, 會觀察其他人的溝通方式, 然後嘗試學習, 模仿他們”100%中, 如果我唔係學習過其他人的溝通方式, 我將會係一個啞巴..有D人就算唔識溝通, 都會口up up是但講D野, 唔經大腦都會講D野..而我係果D經過大腦都唔會講野既既人..

如果你做過九型人格測試, 結果都係第5型人, 就快D黎同我相認啦~!!等我地交流一下XDD

今日一起身都一點鐘..鬼咩..尋咩睇完反轉豬腩是王子之後仲要打多場AOC..成兩點半先訓覺..如果唔係Candy打電話黎我地房..都唔知要訓到幾點..

我+刺身+Benny+Candy+V.siu去羊大爺打邊爐..晏晝打邊爐咁heavy既? Candy同V.siu猛讚羊大爺有幾咁好食, 咁咪去試下..Joe話喉嚨痛唔去..Nelson又話無錢唔去=.=||

間野的確係唔錯, 叫一份椰菜, 一黎就黎左2斤=.=||||D大盤肉都的確係好大盤..抵食程度就..麻麻啦, 價位同南門半分利咁上下, 今日食左每人35, 但係羊大爺環境好好多~~

番到北大仲去下文化書市睇下..番到宿都4點鐘=.=..溫左陣0234..準備下聽朝早個上機測驗..唉=.=||都唔知聽日會點=.=||||剛剛先搞番清楚D最基本既野..

七點幾去Pizza Hut食..我+Joe+Benny+東方+Tim+阿liu+Eva..阿liu剛剛出黎既時候都無乜野既..個人醒左D之後又猛起度傻笑..佢同阿joe講起扮可愛(定扮低能sosad?)既時候又講起我..又liu起我條癮XDDDD

我一扮可愛呢..Joe同Benny都即刻想打我..Joe直情話我扮可愛係lou打第1位@@..小弟都覺得實置名歸既XDDDDD Eva聽左我扮幾次之後都仲係覺得好震驚XDDD

Pizza hut..每人40蚊仲有得找番1蚊@@..

番宿..Kenneth同某位(有權力/有勢力/有財力?)既(太子/老闆?)女繼1+1咁去完內蒙古, 再1+1咁去左全聚德, 兩個人梗係食唔曬一隻鴨啦..拎左番黎比我地食..一隻凍隻既鴨真係..幾難食=.=|||

今日 – 宜外遊

拿講真, 星期六呢D日子..就算我留起宿度..工作效率都唔會高..

(其實都係比個藉口自己者..唔想做Java, 唔想溫0234 lab..)

第一站 – National Arts Museum

咩話? 你連798都無乜興趣做乜會去呢D地方!?

是但啦..行下街者, 理得去邊丫..

其實起東門搭814就可以直到美術館門口, 不過Benny話唔想搭公交..去搭地鐵..行到蘇洲街, 搭到去東四, 再行兩個路口先到..

……..

媽媽：拿，比你食王老吉糖啦

Candy: 你唔駛用糖塞住我個口喇~~~~

我：嘩呢句真係唔落xanga唔得~~~

媽媽面色一沉，目露兇光，面露殺機，小弟心知不妙…猶其當時身處扶手電梯如斯危險之地，二話不說直往下衝，媽媽從後追殺上來，向我下盤猛下殺手！我心中暗想，氣門並不在小腿之上，為何媽媽只搶攻左腳！？猛然發然左腳鞋帶鬆脫，再不提起左腳恐有仆街之虞。逐以單腳跳行，卻再也避不開媽媽的殺招，幸而媽媽及時回復正常，小弟總算避過一次殺身之禍。。。

(我唔打呢D無聊野就無野好打架喇…)

媽媽真係呢..朝早坐起學一門口欄杆等佢地果陣..媽媽一黎到就想推跌我=.=|||

美術館…我真係唔知可以講乜…入面有咩美術展…算啦…鬼記得咩…

入到去見到好多人起度影相…影一幅畫都無乜問題, 但係用一部相機黎影一張相, 成件事我就覺得好…有趣, 人地係用相黎留住某一個畫面, 表達某一種意思, 然後而家我用另一部相機, 將呢張相攝入另一個鏡頭, 原本果個畫面透過兩個鏡到去到一張相上面..原本張相, 仲係咪原本張相呢? 當一張相, 成為另一張相既一部份之後, 有咩變化呢?

Eva將個頭sip左起幅風景畫上面, 然後叫Benny同佢影, 淨係影幅畫同佢個頭, 想做到..佢親歷其境既感覺..

睇到Turner既唔知咩畫展, “透視學家”.. 由佢學生時期既畫睇到佢老年既畫..學生時期好似寫實D, 老年畫既野越黎越模糊, 好似得番一團光咁..又係好有趣..如果我將幅畫當做Turner所理解到既世界..一個..臨終既人睇既世界就係咁?

上頂樓睇到有幅畫, 叫做..”受苦”? 唔記得喇, 畫中依稀有兩個人背對背企埋一齊..Benny就講起Saw既野..呢個trap..好明顯就係Saw IV最後一個trap啦XDDDD講起Saw呢個topic我又hi左, 咁arm V siu未睇又有興趣睇喎, 咁就梗係要同人分享一下我既興趣啦XDDDD