Eva生日快樂~

今日day off..好頹..又係乜野都無做到..

原本今日下晝應該係要食餐勁既黎慶祝Eva生日既..但係Joe同V siu都唔舒服..最緊要係Eva都唔舒服..東方同tim又約左個黎緊去中大exchange既人..得番七個人去何賢記食飯..Eva仲要食白粥

鞋, 真係唔好彩, 生日黎嘔..不過唔緊要, 學阿liu話齋, 當將D唔好既野嘔曬出黎

食完之後番宿勁頹廢..又係乜野都無做過..起度同人msn算=.=|||

Candy唔知點解諗到要班男仔每人送支玫瑰花比Eva..102+108+111, total 12個男仔12支花@@..

我代表102同108去買花..真係有少少odd..拎住8支玫瑰番宿..

好快去到夜晚..2115..出門口果陣無人肯拎住8支花出街..最後屈Benny拎左XDDD

去到37樓門口, 見到V siu起地下用蠟燭砌緊個心形出黎..@@..砌緊既時候已經有少少人圍觀..我地夾手夾腳點曬火之後..就有唔少人黎圍觀啦@@..

37樓係女仔樓, D情侶拍完拖, 通常都送到去女仔樓..行過見到地下有個用蠟燭砌出黎既心形都停起度望我地..果時Eva都未出黎..果D情侶..拍緊拖..起個用蠟燭砌出黎既心形前面..咁鬼浪漫..攬都算, 錫都算..你都唔好比我見到你隻手起度摷摷下丫大佬..

等到Eva黎到..111既人都未到..唔理lu..我地一人送一支花, 每人講左句祝褔語, 唱左生日歌..影埋相..吹埋蠟燭..111既人先到..=.=|||跟住就可以食蛋糕啦~~個蛋糕都好好食~~~~

真係呢..咁大個仔都未搞過D咁勁既生日party..

(咁樣睇...似唔似掇合緊Benny同Eva!?) 

可以想象到Eva呢下真係Sweet到爆炸, 102+108+111+3個同房, 成16個人同佢搞到咁大壇野@@..

我地都有少少嘈..樓上..有人掟左本書落黎..我執起黎睇..係..基礎化學教義@@..

夜晚..班女仔睇完我前排前門23既entry..又話想去食..咁我去過意大利啦麻, 咁梗係想去法國果間試下..但係班女仔又好想去意大利喎..(其實都唔知係咪既, 可能只係見到有野可以威脅我..)咁就麻煩喇..比人屈吹笛既..

深夜對話..(講到Nelson呢排成日同一個韓國妹傾計)

Nelson: 過幾日我帶佢去食狗不里飽子

。。。。。。。。。。。。。。。。。。。

Joe: 如果唔係對佢有意思都唔會帶佢去食包啦

Nelson: 都係既

都話Nelson把口好得架啦sosad..剛剛送比Eva D花..我買果8支整埋一紮..一次過包曬, UST 4子就一支支咁包..Eva收到既時候問..點解你地果D無包佢地果D有包既? Nelson就企起佢隔離..真係平時都唔覺得佢有咁醒..呢個情況下..真係諗唔到點兜..點知Nelson諗都唔駛諗就答..

佢地果D有刺呀, 我地果D無刺所以唔駛包住

Orz, Nelson, 你嬴左

事實証明朝早一盒酸奶, 勝過益生源腸潤茶(普通話: 不要太瘦啊~)

牙膏用完, 今朝拎埋牙刷去廁所都無刷牙, 感覺上唔用牙膏同無刷無分別..

去二教上0234之前, 去銀行禁禁錢, 跟住入去博實, 原本係想買牙膏既..不過入到去又唔記得自己想買乜野..因為今朝無刷牙, 個口乾乾地, 想買野飲, 原本想買一包價值1.6既(220g)三元酸奶..但係剛剛禁完錢, 用100蚊去買1.6既野好似唔係幾好..呢度D人..找多個毫子比你都嫌麻煩, 仲要佢找成98.4比我..於是買支450g既蒙牛BB冠益乳黃桃酸奶, 價值8RMB..

一路上堂一路飲, 一路諗住, 咁早飲酸奶, 究竟會唔會土or呢(唔係唔識打個or字, 而係忽然間覺得or字有D唔好睇, 唔想打出黎)

0234教Quality of Service & Multimedia..講左一堆Streaming既技術基礎..感覺上, 0234學既野都好虛無飄渺, 好多野都係得個名, 得極少量解釋..都明白, 唔係佢唔想講, 而係一講就好技術性既野, 講黎都聽唔明..

番到宿..去家園一樓食飯, 食食下, 果然有種萬馬奔騰, 有種黃河之水天上來, 有種雖千萬人吾往矣(九唔搭八..純粹食佢聽落好有氣勢)..的感覺, 飯都未食完就衝番宿進行大嗚大放運動, 將所有毒草引曬出黎徹底剷除

根住上去高登煲下孔明(某高登巴打)寫果個真人改篇故事..其實都係中五開始講下讀書crossover愛情既故事..睇落覺得真係幾好睇, 睇左成粒鐘=.=..

跟住去上0250..頂丫..叫左3個人上黎present..悶到喊..成堂都無教過書..

不過呢..好彩上個禮拜走左堂..上個禮拜五應該有講今日係全部present..如果我知道既話今日就唔會黎..如果唔黎就唔知點溫書lu~.~

機考, 3個小時, 做9題..痴X線..平時我3個鐘都做唔到1題, Frankly speaking, 如果我起機考做到一條咁多既話, 我覺得已經係超額再超額完成, 頒個獎比我都唔夠lor..佢按排名黎比分..如果我有足夠強既動員能力既話, 我一定會叫全班人都唔好做=.=|||

機考比我地成本書帶入去睇..鞋..咁又有咩用丫..我最多咪抄埋個Merge Sort既implementation落去..落手落機要我寫programme..隨非你條問題係抄acm judge架者..如果唔係, 只要唔比我開msn, 我都唔會做到..

呢科真係唔應該叫做算法設計與分析..應該叫做算法設計實踐與分析lor..

重點考算法分析和証明

E.g. 証明貪心性質

E.g. 証明最優子結構

E.g. 算法正確性..循環不變量..歸納法..

E.g. 遞歸式証明推導..主方法, 遞歸數方法..點

E.g. 比個算法你, 分析下佢

選擇填空, 判斷題..簡單概念, 推導..

最大流上機..priority queue後既topic只考選擇填空..

遞歸求解, 分治, 貪心, 動態規劃重點..比較多concept..

E.g. 回朔法(back tracking)必要條件是________。

E.g. 有幾種隨機算法, 每種算法都有D點..例如Monte Carlo係一定有解, 但唔一定arm.. Sherwood一定有解, 而且一定arm

番到宿, 乜都唔想做..hae到食餃子..

排隊買餃子既時候..望下身後個電視..

Joe: 做緊Spiderman喎@@..

(十秒後)

Nelson: 做緊Spiderman喎@@..

(大佬..好難唔笑wor..簡直就係北京南站麥記既翻版)

坐低..食餃子..

Nelson: Spiderman 3最後個女主角會死

Joe: ….真係?

Nelson: 真架

Joe: ……..你有無記錯呀? Spiderman 3同Batman 2個女主角都係同一個人, Batman入面個女主角就真係死左..不過呢..其實我都無睇過Spiderman 3

Nelson: (有D淆)………..真係死左呢, 我都無睇過Batman 2

Joe+我: (好辛苦咁忍笑)……..上個sem我地成間房一齊睇架喎

Nelson: (比人challenge到喇)咦..係喎..

Joe: 你係咪撈亂左呀..

Nelson: ………………………..係呢, Spiderman 3個女主角真係會死架呢

Joe: 同你賭一餐餃子丫拿

Nelson: 好呀

(上wiki check左, spiderman 3女主角最後應該無死到..)

(又係上wiki check, spiderman 3同batman 2個女主角根本就唔同人..)

食完餃子去上中東關係..之前上過兩次, 都唔錯..今堂講阿富汗/塔利班政權..又學左野

番宿打castle blood..102 VS 108, 塞爾特+匈奴 VS 阿茲特克+薩拉森..

見到咁既民族搭配, 好難唔覺得自己輸梗..又不過..打左粒幾鐘佢都未殺得死我地..老實講, 我唔明點解我地撐到咁耐都唔輸=.=..

IBM, Google, Oracle, NVIDIA, Microsoft都黎過北大搞talk..對象就係一班讀緊計算機既學生..似乎請唔少intern / graduates. (唔知點解, 我永遠都係起呢D talk完左之後先知佢發生過..)..HKU..亞洲第一又點者..隨左Google同Microsoft之外好似未聽過其他公司有黎過..

起BBS信科版入面..見到佢地貼之前singing contest既片出黎..

其中一個..好似係faculty入面既star黎..唱既歌..係..仙劍四既主題曲=.=|||

聽個現場版好矇..之後見到個錄音版..D聲靚到呢@@..(注意, 唔係話果條友把聲靚..而係話錄出黎既聲好似CD聲咁..)

迴夢遊仙

芳魂散 故人遠 十年流光彈指間

星斗轉 風雲亂 江湖起波瀾

落英繁 劍影寒 試問誰解天機幻

踏青山 浴紅蓮 攜手並肩

九霄遙望 心隨雁字長 平蕪盡處是歸鄉

紅葉曉霜 柔情寄詩行 錦箋猶存殘香

卷珠簾 咽管弦 一盞飲盡前世緣

倚斜闌 永掛念 當時初相見

雪漫天 惜華年 悄隱清淚強歡顏

幽夢斷 別亦難 惟盼來生 伴君前

迢迢路遠 長夜心未暖 流熒幾回度城關

秋水暗穿 紅塵朱顏換 問伊可思舊緣

魂飛苦 關山長 庭燎之光夜未央

念去樓 桃花鄉 夜夜思憶長

蘭舟蕩 水一方 一曲幽歌成絕唱

一別兩 三秋霜 四季空守 五更望

雖然我唔係幾識中文, 睇落首詞..好似好靚咁@@..

去青島旅行果陣..同東方入去到海軍博物館..

佢忽然指住一個用黎dem海軍服裝既公仔..問有無人玩過仙劍四, 我梗係第一個撲出黎話玩過啦..佢問我覺得果個公仔似唔似..adskjf;asjkdfl (後面果堆我其實唔係好聽得明=.=)..果個公仔..講真, 起東方問我之前..我已經覺得佢有少少似韓凌莎-.-||||

估唔到東方都爆左仙四幾次..(輸左添, 我淨係爆過1次..)

喂呢排暑假, 有無人得閒得濟起屋企無野做, 無既我番黎香港之後借隻仙劍過你玩下, 仙三仙四任借..(仙一斷估無人玩..新仙劍XP版我都無..仙二唔玩都擺..)

今日..溫左成日0234..打左兩場castle blood..

Diu丫..法蘭克D擲斧兵, 真係廢廢地..

呢排忽然覺得讀書好麻煩..好唔想讀..好想快D番香港=.=

距離我番黎香港..仲有35日炸!!

有個蛋糕, 上面有三粒士多啤梨, 計埋自己總共有三個人, 你係渣刀果個..你知道三個人都想食士多啤梨, 你知道三個人都唔可以蝕底, 切出黎果三件蛋糕都要一樣size (PS. 只可以切三刀, 切三個sector出黎, 而且唔可以切親個士多啤梨)…而家我話左比你知呢個蛋糕既半徑, 同埋三粒士多啤梨既coordinate, taking centre of 蛋糕as origin.. 問題係..究竟有無切法可以滿足曬三個人呢?

尋晚驚見0250出左作業7-計算幾何學, 打開黎睇下, 一條係求凸包面積, 一條係上面果條..凸包面積..今日同佢糾纏左3個鐘, 起一個我都唔係好知自己做緊乜既情況下解決左..只係implement番個Graham Scan出黎..

跟住上網抄埋條蛋糕問題..

(有朋友提供左一個solution: 拎開三粒士多啤梨先, 然後切三份蛋糕出黎, 再起每份蛋糕上面擺番粒士多啤梨........................果然係好方法!!!)

好似用左一半MP咁..做完之後乜都唔想做..

六點左右出左去個文化書市睇下..上BBS見到話今日係本學期最後一次…

出面真係大風到呢..睇電視睇沙漠咪會見到D風吹起D沙..

即係火舞黃沙D fd..起北大入面都會見到=.=

最後都係無買到任何書..原本想買本software engineering / computer security既..

諗諗下, 唔知點解都係無買到..

去食餃子.. 跟住打左場castle blood..

刺身去完聽音樂會番黎..又打左場castle blood..

夜晚改一改個Java IDE..唉..Eclipse同Net Beans都唔識用..

唉..都唔知可以點算..

Copied from wikipedia
In computational geometry, it is common to use the term "convex hull" for the boundary of the minimal convex set containing a given non-empty finite set of points in the plane. Unless the points are collinear, the convex hull in this sense is a simple closed polygonal chain.

簡單D黎講, 凸包=convex hull....即係我比左一堆點你, 要你畫個多邊形出黎, 係剛剛好包住曬所有點既..果個多邊形就係凸包=convex hull喇

/*
凸包面積

問題
給出平面上n個點的座標，請求出這些點對應的凸包的面積。

輸入
第一行是一個正整數n(1<=n<=10000)
接下來n行，每行兩個整數，表示一個點的座標。

輸出
輸出凸包的面積，保留到小數點後3位。
 
Sample input
3
0 0
1 0
1 1

Sample output
0.500
*/

#include<iostream>
#include<cmath>
#include<stack>

using namespace std;

struct node{
       double x, y, angle;
};

node * table;
stack<node> mystack;

void merge(node* a, int p, int q, int r, node* buffer){
    int pi = p, qi = q, bi = 0;
    while (pi < q || qi < r)
    if (pi >= q || qi < r && a[qi].angle < a[pi].angle){
        buffer[bi] = a[qi];
        ++bi, ++qi;
    } else {
        buffer[bi] = a[pi];
        ++bi, ++pi;
    }
    copy(buffer, buffer + bi, a + p);
}

void msort(node a[], int i, int j, node buffer[]){
    if (j-i <= 1) return;
    int m = (i + j)/2;
    msort(a, i, m, buffer);
    msort(a, m, j, buffer);
    merge(a, i, m, j, buffer);
}

void msort_wrapper(node a[], int asize){
    node * buffer = new node[asize];
    msort(a, 0, asize, buffer);
    delete [] buffer;
}

// This function is used to check if (p1-p2) is in the clockwise direction
// of (p3-p2)
bool cross(node t1, node t2, node t3){
     if ((t3.x-t2.x)*(t1.y-t2.y)-(t3.y-t2.y)*(t1.x-t2.x) > 0) return true;
     else return false;
}

bool check(int i){
     node temp1 = mystack.top();
     mystack.pop();
     node temp2 = mystack.top();
     mystack.push(temp1);
     return cross(temp1,temp2,table[i]);
}

int main(){
    int n;
    cin >> n;
    table = new node[n];
    double minx = 100; double miny = 100;
    int mark = 0;
    for (int i = 0; i < n; i++){
        cin >> table[i].x >> table[i].y;
        if (table[i].y < miny){
            miny = table[i].y;
            minx = table[i].x;
            mark = i;
        }
        else if (table[i].y == miny && table[i].x < minx){
             minx = table[i].x;
             mark = i;
        }
    }
    // swap the point with least y-coordiate with the first point.
    node temp;
    temp.x = table[0].x; temp.y = table[0].y;
    table[0].x = table[mark].x; table[0].y = table[mark].y; table[0].angle = -100;
    table[mark].x = temp.x; table[mark].y = temp.y;
   
    // calculate the polar angle, and sort them
    for (int i = 1; i < n; i++){
        table[i].angle = atan((table[i].y-table[0].y)/(table[i].x-table[0].x))*180/3.141592654;
        if (table[i].angle < 0) table[i].angle += 180;
    }
    msort_wrapper(table,n);
  
    // remove the points with same polar angle
    node * temptable = new node[n];
    temptable[0].x = table[0].x;
    temptable[0].y = table[0].y;
    temptable[0].angle = table[0].angle;
    int j = 0;
    // j is pointing to the last element of temptable
    for (int i = 1; i < n; i++){
        if (table[i].angle != temptable[j].angle){
            j++;
            temptable[j].x = table[i].x;
            temptable[j].y = table[i].y;
            temptable[j].angle = table[i].angle;
        }
        if (table[i].angle == temptable[j].angle){
            if (table[i].x > temptable[j].x || table[i].y > temptable[j].y){
                temptable[j].x = table[i].x;
                temptable[j].y = table[i].y;
                temptable[j].angle = table[i].angle;
            }
        }
    }
    table = temptable;
    n = j+1;
    // Start of Graham Scan
    mystack.push(table[0]);
    mystack.push(table[1]);
    mystack.push(table[2]);
   
    for (int i = 3; i < n; i++){
        while(check(i)) mystack.pop();
        mystack.push(table[i]);
    }   
    node * newtable = new node [mystack.size()];
    int k = mystack.size();
    for (int i = 0; i < k; i++){
        node temp = mystack.top();
        mystack.pop();
        newtable[i].x = temp.x;
        newtable[i].y = temp.y;
        newtable[i].angle = temp.angle;
    }
    // Find the area of the convex hull by determinants
    double area = 0;
    for (int i = 0; i < k-1; i++)
        area = area + newtable[i].x * newtable[i+1].y;
    for (int i = 1; i < k; i++)
        area = area - newtable[i].x * newtable[i-1].y;
    area = area + newtable[k-1].x * newtable[0].y - newtable[0].x * newtable[k-1].y;
    cout.precision(3);
    cout.setf(ios::fixed);
    cout << -area/2;
}

尋晚..好搏盡咁抄個低能指數爆燈既JAVA IDE落黎..之後..好搏盡咁溫0250@@..因為今朝八點堂0250有一半時間會拎黎present..即係得番一個鐘係上堂..我又唔想為左果一個鐘..咁早起身去上堂..於是就諗住睇定computational geometry先..如果睇得明就唔上..竟然比我睇明左wor@@..

嘩卡卡, 咁今日就可以訓到十點半啦~~

十一點同刺身Benny出發去前門廿三

http://www.qianmen23.com/

上個禮拜佢地已經去左食法國餐..我因為2401 mid term唔去得..今之去食意大利菜..其實仲好啦, 根據上次探路既經驗, 我對意大利菜有興趣多D..應該咁講..其實法國定意大利..我都唔識架喇..不過意大利果間餐廳..由服務到裝潢..我都比較鐘意..(雖然法國果間先係最大果間..)

搭特4搭左成粒幾鐘先去到前門..

Starter

Home made fettuccine with meast ragout Bolognese Style

自制意式寛面配以波倫亞風味肉醬

Main

Beef tagliata, served with a selection of grilled vegetables

煎澳洲和牛牛排肉配焗混合蔬菜

Dessert

Macedonia marinated with martini, served with green apple sorbet

馬其頓糖漬鮮水果配馬天尼及青蘋果冰霜

200RMB

三道菜套餐200元

Enjoy with a glass of house win: 240RMB

240元包括一杯葡萄酒

Starter

Spaghetti… fresh tomatoes sauce, clams and bottarga

三色意大利面配鮮番茄汁, 牡蠣及烟熏金槍卵

Main

Steamed seabream fillet, fresh tomatoes sauce and basil

蒸金頭鯛魚配以新鮮蕃茄汁及羅勒

Dessert

Cheese cake Amalfi style: honey, pears and ricotta cheese

阿馬爾菲式芝士蛋糕: 蜂蜜, 梨及乳清芝士

160RMB

三道菜套餐160元

Enjoy with a glass of house win: 200RMB

200元包括一杯葡萄酒

拿, 原本我就想要平D果個魚餐既..好明顯, 刺身同Benny都係咁諗..都大家發覺..三個人都係叫同一個餐既時候..無乜變化又唔係幾好, 刺身就話..不如果個人叫和牛啦..

好lor..佢咁樣出到聲, 其實都係叫我要和牛者..

咁..其實我原本都想食和牛XDDDD(咁人地咁大個仔都未食過丫麻..), 好啦, 就我要和牛啦..

另外我地每人都要左一杯紅酒..揀酒呢D野..其實大家都唔係好識揀..就是但揀左支..揀完之後個waiter斟左少少比刺身試..問下o ng ok..飲紅酒既方法..應該係先搖一搖..再聞一聞, 先飲..如果係我既話..好可能一野就飲左佢=.=|||

首先係黎杯白色細細杯..睇落都唔知咩黎..我仲起度諗點解唔比隻細spoon我..都唔知點”筆”黎食..隔左陣佢遞左盤面包上黎..果杯白色野係芝士..用黎點面包食..盤面包真係ok多, 係有好多種唔同既面包..有D面包咬落去, 入面係紅紅地色, 問下個waiter..佢話呢個係蕃茄味既面包@@..面包前面仲有三樣野點, 檻欖油, 粗鹽同香草..真係唔係Benny解釋都唔知..檻欖油同粗鹽加埋就即係牛油..因為有D人唔鐘意食咸既牛油..所以D鹽就分開擺..至於個香草..我就覺得..普通啦, 好似有少少草腥味..係有種好特別既香味既, 不過我又唔係特別buy

面包起呢餐入面好重要..因為基本我地就係靠面包飽..黎得呢D咁高級既餐廳, 講真都唔expect係靠個主菜架啦..主食先係食飽果樣野..主菜只係最好食果樣者..

個面包食左七成之後..就上前菜啦..我果個肉醬寛面..放低起枱果下..覺得好普通..遞左過隔離比Benny試下先..佢夾左一條之後..我身邊忽然多左個waiter企起度..等緊我咁..我拎番碟內醬寛面番黎..佢舉起左一大舊芝士..真係好Q大舊@@..起碼兩個拳頭咁大@@..仲有塊阿媽用黎整蘿葡糕, 批蘿葡蓉果塊版, 起我面寛面上面批芝士落去@@..

諗住佢批幾下就算架啦..點知佢批左ok耐下..批到成碟面都鋪曬芝士@@..批到咁上下之後問我夠唔夠..我話..”可以再多一點”XDDDDD跟住佢又批左一大輪, 批到只見芝士不見肉醬XDDDD好highhhhhhh arrrrrrrrrrrrrrrr XDDDD!!!!

終於批完, 叉一條入口..@_@||||d芝士好淡味, 不過咁大量既芝士..點都食到D味既..肉醬意粉黎講..一放入口, 比到哈爾濱露西亞既肉醬感覺, 不過今次杰D, 而且少左香草味, 係以往食開既內醬風格, 而且係最高級果種@@..

我都試左一啖佢地個海鮮意大利面..都好好食呀@@..有種幾強既蒜香..一條面都足夠feel到佢有幾好食@@

果杯紅酒..都係果句啦..我唔識飲, 紅酒..咪紅酒lor..我覺得..比支20蚊既..同比支2000蚊既我, 都唔會分得出..所以都係唔comment咁多..

再等多陣, 上主菜啦@@..澳洲和牛@@..唔記得問佢係咩級添..是但啦, 食左先講..

唔..有少少韌..(黃麗梅上身!)好有牛味! 快速燒熟左既外層將裏面既肉汁緊緊鎖住, 牛肉表面好sparse咁放左一粒粒ok濃味既調味料, 同果種牛肉味出奇咁夾@@咩叫做”用黎吊味”, 呢一刻我完全明白!! 牛肉邊緣有少少筋同肥膏, 肥瘦度100%適中@@每一舊都可以比到你牛肉既肥膏享受, 但係又唔會覺得太膩..食多左幾舊, 吉舊隔離既配菜..燒蕃茄燒磨菇燒唔知乜野, 好似係同塊牛肉一齊燒, 每一舊都蔬菜都有少少牛肉汁, 淡淡既牛肉味, 當係用黎清一清個口, 等食下一舊牛肉既時候又可以感受番果種咁..(黃麗梅又上身!)咁突出既牛肉味, 清得黎又唔會好似飲水果清法@@..

(吹左好大段添=.=)

跟住試左一啖佢地碟魚..(黃麗梅又上身!)果然係魚有魚味!! 果個汁好特別, 蕃茄汁..好似加左檸檬落去..一放入口, 一種強烈既檸檬酸味鋪天蓋地而黎..正當開始覺得頂唔順既時候..酸味退去(退得非常之係時候!)..隨之而黎既係近檸檬皮既苦..呢種苦味稍縱即逝..再黎既, 就係魚既鮮味@@..如果蘸汁既份量適中既話..每一啖都可以重新體驗..(黃麗梅召喚!)魚味arrrrr!!!

最後仲有個sorbet..呢個冰霜..好似略嫌酸左D..下面有好多好多果粒...有桃, 有菠蘿, 有士多啤梨, 有青/紅蘋果..幾好~

試左一啖佢地個cheese cake..對於一個情有獨鐘於奶類製品既人黎講..我係比較鐘意佢地個cake lor=.=..

咁就食左240蚊..仲要加1, 即係264..堪稱我單餐最高消費, 不過, 係值既..米芝蓮二星級喎, 264蚊人仔, 計埋匯價都唔過300港紙, 起香港300蚊邊度食到米芝蓮呀..

花左太多字黎講..今日其餘時間..就唔講咁多啦..

今日好努力咁溫JAVA..溫左好耐..好耐..好耐..

北京貴族蒲點平民化 前門23號 重新定位抗海嘯

 (明報)2009年2月9日 星期一 05:05

【明報專訊】被譽為北京最高貴飲食場所的「前門23號」（Legation Quarter），自去年中開業，吸引了許多達官貴人光顧，時尚雜誌Vogue曾在這裏舉辦星光熠熠的千人派對，奢華二字幾乎成了它的代名詞。但在金融海嘯襲擊下，北京高檔消費場所無一不受影響，前門23號董事長李景漢接受專訪時，便為這地方重新定位，強調歡迎普通年輕人進來花二三十元喝咖啡、賞書畫、看文化表演，享受這裏低調而輕鬆的氣氛。

布魯宮（Maison Boulud）法國餐廳是米芝蓮二星級名廚Daniel Boulud去年5月開設，是前門23號的生招牌，人均消費400元（人民幣，下同）以上，李景漢在布魯宮2樓接受訪問，下樓時指着大廳牆上的巨型畫布和天花板垂下來的雕木吊燈說，這不是鍍金畫框壁畫，也不是水晶吊燈，四周沒有貼金的裝飾，這些裝修佈置是低調的高雅，這就是「前門23號」的形象定位。

米芝蓮星級餐廳價格相宜

三樂（Sadler）意式餐廳同樣是米芝蓮二星級名店Claudio Sadler開設的，也是「前門23號」的另一生招牌，其餐廳佈局以簡約自然為主，大量的天然光令餐室溫暖舒服，總經理Gian Luca Fusetto向記者遞上菜單，三道菜的商務午餐不過160元，加一杯紅酒，總共也只是200元，比城中五星級酒店的價格更有競爭力，這在金融海嘯以前是難以想像的。

投資超過3億元人民幣的「前門23號」要重新包裝定位，抵擋經濟不景的寒流，有過上海「外灘3號」結合現代藝術與高檔餐飲的成功經驗，李景漢給出的答案還是藝術，包括視覺藝術和文藝表演，「前門23號」東側靠近大門入口已有一個畫廊，展出當代中國畫家的作品，李景漢計劃在畫廊旁開一個書廊，擺售文化書籍，讓年輕人可以邊看書邊喝咖啡。至於中心區域的大草坪，從春天開始會每天安排音樂表演，平日是較輕鬆的爵士樂，周末黃昏可能是小交響樂團，還有地庫的大型劇場，會請名導演來跟觀眾交流影劇心得，或請名作家演講。李景漢說﹕「你可以穿阿曼尼來吃正宗法國餐，也可以穿牛仔褲來喝啤酒聽音樂，隨意消磨一個晚上。」

“話時話, 我記得當你叫你做越南殺手係因為你當時個look瘦瘦地又有少少 mussle, 令我覺得你好似少年賭神入面陳小春個龍五，所以先爆左呢個名出黎”

幾日前同肥堯同學既一次msn..我終於知道”越南殺手”呢個名既真正來源!!上次我講既解釋只係我自己既版本..肥堯同學睇到我post出xanga既解釋之後..起msn同講番佢既諗法..真係..多謝指正@@

尋晚刺身起度研究..番香港之前去一去上海蘇杭黃山果頭..因為佢有fd起交通大學..d行李可以暫時寄存起果度先..呢個trip認真吸引呀喂..可惜我差唔多成一年前已經買好左1年來回機票, 22/6就番香港..鞋, 都係算啦, 無謂咁頻撲..我想番香港既感覺都越黎越強烈..

呢排唔知點解..起阿Joe既鬧鐘響之前就會醒左..佢日日都係上十點韓文堂..九點幾就鬧鐘響..早過佢既話..即係..差唔多九點就醒左=.=

起身做埋2401 lab 1 report..加多幾句廢話落去就交去啦..

晏晝去何賢記食飯..

Nelson連續三晚都無番宿訓..有兩晚去左yoyoyo..尋晚又走左去清華訓=.=

食完飯番黎繼續睇TCP..本書講既野, 比起上堂聽到既野, 深入好多, 深入到我諗佢考試都唔會出..偏偏功課就問到相關既問題..雖然我最後都係會抄答案架喇..為左唔好比自己咁撻皮..都係睇一睇書先做..

上堂之前去左機房..諗住試下尋晚寫好既IPv4轉發實驗..個routing table撻皮到用一條低能linked list就做完=.=|||上網抄個decimal to binary既function落黎, 再用低能for loop..搵出longest matched network number..

點知佢未開果條題目個server, 淨係可以睇..無得做..

上2401..講pipeline..好似幾簡單咁, 記得幾種hazards既成因同解決辦法應該就無問題啦? 淨低兩個topic..memory同I/O, 兩個topic都同操作系統有D關係, 我又唔係幾驚, 隨左個lab 2之外..可以話2401已經安全到土步喇..

呢排我都係坐起果個唔知係咪黎sit堂既阿叔隔離..佢好鬼鐘意liu人吹水..助教又liu, prof又liu..今日佢問佟副教授..問佢..其實讀呢科, 隨左做CPU係咪無乜出路..對就業好似無乜幫助..

佟話..呢度係大學..要教大學應該教既野, 就業唔係佢要concern既問題..計算機組織與體系結構呢科對就業可能真係無乜用, 但係, so what? 連計算機既組成係點樣都唔知, 你有資格話自己係計算機系畢業咩? 如果係為左出黎打工既, 我地淨係教寫programme就得啦..咁要大學黎做咩者, 要職業學院咪得lor..

我心諗, HKU既CSIS 0231 Computer Architecture並唔係CS人既core, 咁CS人可唔可以話自己係計算機系畢業呢? 淨係教寫programme就得? 我諗..香港有好多undergraduate都可能係咁諗..discrete math / 0250果D科讀黎真係唔practical, 不過作為一間大學..點都係要教..大學..最基本既功能都係傳授知識..specific d講係有助於將來做研究既知識..(再精細D, 係做咩研究呢?)

上Java..坐番去曾海林隔離..大家討論到..究竟Java大作業點算呢?..

一組四個人,

我唔駛講啦, 我一開始就諗住做free rider, 反正..都唔知點樣可以幾個人夾份寫programme..諗住..你地寫完programme之後, 我搏盡寫份report比你又點話丫..

一個係..大四級既女生, 我只係見過佢一次咁多多..曾海林話佢大四級..作業好繁重, 靠佢唔過..

一個係..楊坤..上個sem一齊做過操作系統project..組長黎添..但係..起Java堂上面..都好耐無見過佢啦..

仲有就曾海林啦..

呢鋪真係有D擔心, 呢個Java 大作業佔成50%, 呢個大作業衰左既話, 我連試都可以慳番唔考喇..

唔通真係..由得佢..番去take 0396A算!?

如果唔係有個識既人坐起隔離, 我諗我今堂坐坐下都會走左架喇..不過..而家咪起度打xanga lor..

同佢傾下計, 聽到佢講..獨學而無友, 則孤陋寡聞..真係講得好arm..呢一年黎都係一個人讀書, 好似讀黎讀去都無乜學到野咁..缺乏同同學既交流, 真係爭好遠好遠..

落堂之後又見到場坤bor..三條友一齊去農園食飯..講左少少個大作業點做好..叫我做編輯果part wor..好lor..

番到宿..開個Net Beans黎用..用用下真係用唔掂..javax.swing.filechooser..點用丫大佬..呢度真係好興分開教同做既野..我都唔覺佢上堂有講過java swing既野..AWT就講左鬼咁耐..書又無乜講swing既野wor..點呀大佬..

做做下, 頂丫, 徒手寫code(慳D啦你, 拎本書出黎抄code者)

全部用AWT寫左個menu bar..可以讀寫文件, 可以compile可以run java programme既一個programme..聽落好似好勁咁, 其實全部有得抄番黎=.=|||

屌, 真係唔知點做好..

佢比兩個月時間我地做..我地到臨尾兩個禮拜多D先黎做..真係..滴曬汗..

今日已經係五月十四日, 仲有大概一個月..就考完試, 可以番香港啦..今個sem既時間真係過得好快好快好快..(梗係啦, 歡樂既時光過得特別快..呢個sem去咁多旅行..)

今日..搏盡的很絕對

起身食個飯之後就狂衝2401 lab 1..其實真係好鬼無聊

只不過係將sim-profile生成既指令數據做成一個histogram..就搞掂..我都懶得同佢寫長篇大論既analysis..交到貨比佢就算, 反而係用左好大篇幅去寫我做partition, 裝linux, 搵apt-get既用法, 改sources.list, 呢壇野..反正佢話任何想寫既野都可以寫落去..哈哈, 就寫左一大堆廢話比佢

做完lab 1即刻睇下上年個lab 2係咩黎..

真係好癲..

自己設計一套ISA, 自己畫埋data path..為既係完成insertion sort..

齋做呢三樣野唔難..根住就黎料喇..

自己修改sim-profile呢個programme, 令到佢理解到你自創既instruction, 然後用你修改完既sim-profile去run自己寫既programme.. run之前要先將machine programme轉成1010101010串先..

最難係修改sim-profile果part..完全唔知想點..呢兩日我send email去助教度問問題..佢都唔覆我既..好想放棄呢個lab..

唔得掂啦..呢個sem放棄得太多野, 太撻皮..立即打開0234 lab 3睇睇先..唔知點解今日再睇又好似唔係咁難..不過我都唔expect我會做到架喇..但至少都寫少少野, 交下lab report先啦..

一路做到食夜晚飯都無停過..食完飯(正確黎講係食完餃子)之後番宿嘗試做埋0234個lab 3..聽朝拎去機房試下先..

跟住就繼續打埋青島既xanga..同埋upload相..

越黎越相真金白銀買個xanga account番黎添@@..話曬都花左咁多心血起度..

北大發生罕見單車意外 港交流生墮地受傷

【本報訊】　今日是汶川大地震一周年紀念，一名在北京大學交流一年的香港大學學生，與友人出席汶川地震紀念活動後乘單車回宿，其間發生離奇單車意外，後座港大學生張X軒墮地受傷。

晚上大約九時，張姓學生乘座李X方駕駛的單車後座，途經北京大學33號樓外馬路。當時路面只有數部單車，而且距離李同學座駕甚遠。當時張X軒正好說到日前中文大學發生一宗嚴重單車意外，後座乘客被抛出車外重傷危殆，之後李同學正常扭軚以保持平衡，張同學突然失去平衡墮地受傷，擦傷手臂。途人為之側目，有路過同學聲稱聽到有人恥笑該倒地學生之平衡能力奇差。

事發時張同學以側坐形式坐於後輪上的鐵板，事後張同學表示他習慣以夾單車形式坐，但因感到大脾內則受壓，所以今天轉以另一方式，雙腿均放在單車左邊。有學者表示其實放左同一邊的坐法較為安全，因為當發生事故時，後座乘客用手一撐，很容易撐起身體然後雙腳落地，落車時間比起夾單車式短。被問及這宗單車意外的可能成因時，學者表示過往從來沒有同類型的意外，難以估計成因。

事發後沒有救護員到場，張同學自行檢查後無礙，自行回宿。

（其實我實用文唔應該得個E仔lor..突然之間咁樣覺得=.=）

今日day off..九點幾阿Tim過黎拎番塊拍..我起身望一望..見到阿Joe仲係著住拖鞋..鞋..果時我就應該諗到, 其實未到十二點, 唔駛咁早起身住..

落床之後見到九點鐘都呆左一呆, 拎起本Computer Networks煲一煲..煲下TCP..真係幾鬼難下, 煲左粒幾鐘都唔係好明..

去家園二樓食個飯番黎..成個下晝起度做2401個lab..其實只係統計一下一個programme入面有幾多條浮點ALU運算, 整數ALU運算, 轉移等指令..真正麻煩既係要將佢個programme output出黎既數據轉換成一個易編輯既格式..

六點半同東方去百周年紀念講堂睇汶川大地震既紀錄片..大陸拍出黎既, 其實都大概估到會係點架喇..都係讚頌下溫家寶胡錦濤有幾快去到災場, 解放軍同志願者有幾辛苦, 受災人民有幾堅強..起適當時候放下催淚彈..放到成場人都好似鼻塞塞咁..播完之後仲請左套片既製作人上黎講野..不過我地無聽到..番宿lu..

尋日有樣野唔記得講..上2401果陣, 我又坐番起果個阿叔隔離..原本以為佢只係街外人黎sit下堂, 點知上次mid term果陣見到佢黎考試..真係唔知佢係做乜=.=..

同佢吹吹下水, 佢忽然指住一個學生話..: 他去過香港大學交流呢! 望下果個同學..

一睇就知佢係80年代溝死女既type啦..

同佢傾下計, 佢上年去左HKU exchange, CS department..呢兩個都唔係重點..重點係佢住起Swire Hall, 2樓@@!!!!頂丫, 點解我無見過佢架, 如果我有見過佢既話我揀科就唔駛咁頭痕, 做功課就唔駛無source, 做project唔怕無pro-mate…啦!!!佢仲要有同我一齊take計算機網絡添lor..頂呀..頂呀..佢起實驗二deadline前一個鐘先出現..邊救得切丫…頂呀頂呀..

都咪話唔驚H1N1..今日確診果宗四川個案..個男人起5月9日去過北京機場..(好彩我係5月8日去青島者, 如果唔係咪lar野?), 同果個男人搭過同一班機黎北京既人, 有大部份都係朝陽區同海淀區既人..

北京大學就係海淀區入面=.=……如果同一班機入面有人中招既話..嘿嘿..

有樣野想講好耐不過一直都唔記得講..上個禮拜有次起理教dong失路既時候, 驚見一間apple lab..驟眼睇, 起碼有30部MAC機起入面@@..

十點上0234..原本想早少少起身, 做埋作業先..但係..好明顯我係起唔到身..

今日繼續TCP..同擁塞管理..都幾難, 唔係好知佢講乜..

Break果陣佢問我地有無邊個未做好個實習二, 在場人士, 計埋我, 總共有四隻手舉起左..

番宿..去吉野家食個飯..跟住去上0250..

叫左金庸黎講lecture@@..

講下者, 我果班有個同學叫做金庸..上台講generating function..

原本都想聽下佢講野既, 但係佢個powerpoint d字真係太細, 細到我都係望番自己部notebook算喇..之後果堂用黎教computational geometry.. 竟然係用到vector既cross product=0=? Computational geometry..係近期疑似簡單既topic..

其實0250都差唔多教曬..講完計算幾何學就爭NPC..如果唔係佢用左差唔多一個月既時間叫人上去present…佢真係可以將成本MIT書教曬lor..

繼續衝2401..講multicycle 既control signal..畫左D finite state machine出黎..再講下microprogramming既野..

Microprogramming..唔..感覺上好似差唔多將programming既流程串埋一齊

由一個用high level language, 經過compiling之後變成assembly language, 再變成microprogramming, 變成一串串signal放出去..好似睇通左programming呢個過程咁..

其實都仲爭中間compiling果一part..鞋

番宿..做下2401個實習一, 一D..其實一粒鐘之內就可以做好既野, 我花左成晚既時間去做..=.=..有唔多唔少都係因為唔熟悉linux command所致=.=

夜晚阿liu走黎我地房露台出面..為既係我地房既清泉免費洗衣卡, 同埋為阿joe帶黎一支京都念慈奄..隔住個比鐵絲網仲要硬既”窗”黎交換物品, 真係好有鐵窗邊緣既感覺。。＝。＝

六點鐘就起身..其實真係早得濟, 去青島班機0850先至開..我地差唔多六點半就出發, 0715已經去到機場=.=||||

呢次旅行一行十一人..

我, Joe, 刺身, Benny, 東方, Kenneth, Tim, Edmond, Donald, Jo, Crystal..

Edmond同Donald就係同Peter同Dennis同房既人..

Peter同Dennis就係..呢個sem拎住獎學金黎既HKU人..

Jo同Crystal就..我都唔明, 點解今個sem會有咁多女仔走左去清華架..HKU呢個sem好似有三個女仔去左清華..即係..去清華唔係問題..BA/BSocSci去清華..會唔會有D奇怪=.=?

Donald同Edmond架的係去左清華載埋兩個女仔先..所以我地七個人先去機場..東方航空果個..(負責check-in果D人叫咩名話=.=?)都kai kai地既..話唔可以七個人一齊check-in..東方就真係好聽話咁走左去另一個櫃位自己check-in..淨低六個人去左另一個櫃位搞..搞到東方要自己一個坐=.=..

Check-in之後去左機場最底果層間KFC食個餐先..食完就等到Edmond Donald架車啦..

東方比人地既第一印象就係..: 我打親你呀!!

我打親你 = 我打柒你

我din死你 = 我掟死你

好堅 = 好驚

好lin = 好靚

其實東方都幾有潛質學火星文@@..巧京京, 同好堅, 都差唔多者@@..京同驚起普通話係同一個讀音..(原來火星文係源於普通話@@)

有D字, mainland總係讀緊都讀唔準..因為普通話入面從來無出現過果D音..

唔知點解班機delay左陣, 九點幾先起飛..

去到青島流亭國際機場之後..除左我, Tim, Edmond之外, 其他人都去左市區先..留低我地三個起度等Donald..因為佢買唔到我地搭果班機既機票..要等一個鐘搭下一班機黎..

三條友走左入KFC hae..(又係KFC!? 係lor..大陸既KFC多到就好似香港既麥記咁..)吹下水, 又唔覺過左好耐就等到Donald..四條友搭機場大巴..Donald就唔好彩lor..無位坐..

機場大巴咁arm就有個站起格林豪泰門口..一落車就望到..Benny起門口影緊相..入去發覺佢地仲起度搞緊拎房既野..佢地係先去左火車站買番北京果程既車票再黎酒店..雖然我係搭遲一個鐘班車黎都追得上=.=..

網上book房真係麻鬼煩, 有好多估你唔到既問題發生..搞左好耐先settle左..最大問題係..阿joe起天津開果張格林豪泰既卡..竟然無record=.=???

終於開到房...入到去放低野就出番黎開始行街街啦~~~

青島..作為一個沿城市, 空氣真係比起北京天津西安都好十萬倍

第一站係棧橋..東方講左好多次..我地都以為係戰橋..直至望到個牌..因為戰同棧起普通話係同音=.=..

棧橋呢家野..其實我睇唔出同西環碼頭有咩分別..隨左長D之外..橋盡頭有個小塔, 要比四蚊入場費..踩佢都傻..坐起碼頭邊喪影相..望番入去..個感覺就好似搭緊天星望番香港果邊咁..我想象到如果我係內陸城市長大既人, 應該會覺得好amazing..但可惜我唔係=.=..

臨走前..驚見有個小妹妹坐起一個角落度..我都唔係特登望佢做緊乜, 只係咁arm另轉頭對眼掃到..

我望到佢屙緊屎..仲要係比我望到佢舊屎跌落地果下..(真係動感到呢..)..我真係即刻diu出黎..大佬..果度旅遊景點黎架=.=||||勁多人行黎行去..雖然佢果度真係幾隱蔽..唉..都唔知佢隔離個阿媽係點諗=.=|||

起棧橋上面搵間船公司, 叫佢用快艇載我地去海底世界..我覺得呢個快艇唔係一般既快艇..而係一架, 真係開得好快好快既快艇=.=..十一個人起快艇上面we嘩鬼叫左一陣就話去到..

海底世界..鞋..去過香港既海洋公園, 再去過哈爾濱既極地館..真係好難令我對呢個館有咩特別既感覺..咪就係有一大堆海洋生物既標本..有堆魚好似平時起街市買送都會見到..係當黎上下bio堂..睇下唔同品種..咁..

入面仲有個類似海洋劇場既野..潛水員係入面lead住一班魚游黎游去..做法不過係拎住一盒果堆魚特別鐘意食既野, 果堆魚就會自動游埋黎..衰D講句, 只不過係將平時餵魚既過程show埋比我地睇..

原本可以買通票, 睇埋極地生物同埋唔知咩館既..但係..正如頭先咁講, 都去過極地館lor..仲睇唔夠極地生物咩..

跟住去左海底世界附近果個小漁山..呢個景點..我諗同香港太平山咁上下啦..雖然香港既景我係睇慣左..我依然覺得香港既景係靚D=.=..呢個AAAA級景點收左15蚊入場費, 算係比錢係去坐下啦..影左輪kai相..

咁arm撞到團康泰旅行團黎到..走埋去聽下個導遊講野..有好多野真係唔聽唔知..上面有個同蒲松0有關既亭..個導遊講到八仙過海其中姓張果個叫乜既時候我插左咀..”張果老”..果個導遊又好似無乜野咁, “arm喇”..

跟住我走左去撩個領隊姐姐講野=.=..睇下佢地既行程..青島濟南泰山五天..青島好似玩左一兩日就走..其實..都係既, 青島, 真係無乜野玩..今次黎青島, 當係當行下街咁者..

落山之後..途經康有為故居..不過都唔開放既, 得個石碑起門口..

之後去左青島既第一海水浴場..比3秒時間你估下咩叫海水浴場..

3..

2..

1..

係沙灘..

按照東方原定既計劃, 應該係去八大關既..但係大家起山上面望到遠處有個旋轉餐廳..大家(其實係咪?)都想去睇下..於是就落左沙灘..再慢慢行去..

個沙灘..有得玩下水上單車..同平時見到果D唔係好同..呢隻好似坐到好高咁玩..

…..

好想r D野講下, 但係真係r唔到, 個沙灘真係無乜特別..最多話佢幾乾淨..喇

男士可以參考下呢個養生寶典..我起沙灘入面個公廁搵到=.=

去到間酒店, 先發現kenneth唔見左=.=|||等左好耐, 終於見到佢出現..原來佢起沙灘度掛住寫字..寫埋D”Soc Sci Soc 仝人過3”之類既野..寫到比我地賣甩左sosad..

果間旋轉餐廳..150幾蚊, 食自助餐, 睇過佢D食物, 覺得雖然係好食, 但真係唔係幾抵lor..於是又落番黎..起酒店大廳休息陣..就搭的士去五四廣場..

五四廣場..咪即係天安門廣場D fd..有個巨大紅色雕索起中間..完全唔知佢想表達D乜..反而係下面既小攤檔更加吸引..果度好興一個小遊戲..用沙塞滿七個汽水罐, 然後疊高佢做兩層, 比你用個籃球射佢, 要起個波落地前撞lun個罐..玩一次要2蚊, 如果撞lum一個罐, 就有2蚊獎金, 已經回本..佢set到咁大獎, 可見呢個game一D都唔易玩..阿Tim玩左三次, 都係得個吉..

又係影左陣相..就去食飯啦..東方導遊話..青島有條閩江街, 食海鮮ok出名..由五四廣場行去都唔係遠..就行啦..

因為起兩個女仔無跟我地去五四廣場, 去左酒店拎衫..我同東方kenneth刺身Edmond就起閩江街街頭間解放軍401醫院等番佢地..Benny Joe Tim就去探下路, 睇下有咩餐廳好食先..

好彩去探路既唔係我..佢地話行曬成條街都唔覺得有乜好食..直到轉入去雲霄路先搵到D似樣D既餐廳..我果邊等齊人之後就搭的士去啦XDDD

搵左間..我都唔記得叫咩名..總之係食海鮮架啦..好似D有錢佬咁, 企去個魚框到揀魚揀蝦揀蟹咁@@..我地哎左兩條魚, 一條紅燒一條清蒸..一碟蟶子..兩碟蝦, 一碟蒜蓉一碟白灼..仲叫左兩個竹桶飯, 西蘭花, 幾碟肉咁..

一定要讚一讚佢碟蟶子, 即係呢, 雖然我唔係食蟶子食得多, 我都食得出佢應該係好鮮好鮮既果種, 而且難得既係一粒沙都無, 真係無沙..而且出黎碟野又唔會得番D殼..在場唔抗拒海鮮既人都幾乎一致認為蟶子真係最值得一讚既菜..不過D蝦就爭D..如果係起一間唔係食新鮮海產既餐廳既話, 其實都算合格架啦..條魚就..我對紅燒呢個做法一直都唔係咁buy..食新鮮海產最好都係保留番佢原有既鮮味, 落得太多調味料既話..駛乜要新鮮海產者..至於清蒸果條..普通啦..

成餐飯大家都食得好滿意@@..而且又係每人50蚊左右就埋單, 食到成檯都係, 真係超級滿足

阿Jo似乎係蒲開/飲開既人..食食下飯提起飲啤酒呢個問題..即係呢, 黎青島話飲啤酒唔係問題..起度研究青島定燕京好飲D..青島既普通啤同青島既純生啤有咩分別就..在場睇黎都無乜邊個搭到咀..

食完飯之後..Joe/Benny/東方/Kenneth就話番酒店先..其他人就周圍行下..話睇下有無酒吧..

其實係有既..我見到間..起店外完全睇唔到入面既情況..得部電視..播緊D鋼管舞..唔, 得, 行得..

大家真係出黎得個行字..行左一條街之後都係搭的士番酒店..

青島既格林豪泰..比起呼和浩特既格林豪泰真係爭左幾皮..呢度個廁所真係呢..有D核突呀下, 而且仲比我見到佢用緊既熱水爐..同我起蒙古包見到果個熱水爐係同一個type=.=|||淨係要等40分鐘先煲好水果種..

仲有..我地間房起一樓..仲要係對住中山路..有人起街行過, 唔駛好大聲講野我都可以聽得ok清楚..天一光就比街外人嘈醒左..

第二日既行程..係嶗山..(通常第一次聽都以為..”盧山真面目”既盧山?)..唔係三山五嶽之一..我就話行開山..呢個節目都ok, 其他人唔知點睇喇..東方講到黎青島一定要黎下呢個山咁, 咁咪黎下

起酒店包起左個團, 10個人霸曬成架VAN仔..鞋..又比個導遊帶左去天后宮..又要入廟拜神, 又求籤又解籤..解籤佬講既野我都識講啦..曬鬼曬D時間..之後又帶我地去咩珍珠廠..我地真係入去..去一去廁所就出番黎=.=||

嶗山..係道教名山之一, 山上面有八個門, 分別叫做離震巽坎艮坤乾兌門..即係八掛..蒲松齡丘處機都係嶗山既fd..

好似華山咁, 去到山腳要轉搭嶗山旅遊專車, 再轉搭索道上山..索道..我諗都差唔多帶到上頂, 落車行左半個鐘多D就到頂lu..果半個鐘幾乎全部都係樓梯, 都咪話唔chur..

一路個導遊猛咁話”果舊石係咪好似有人拜緊神呢”, “呢舊石又好似一個BB wor”, “果舊石好似狗”, “呢舊石好似美女”, “呢舊石好似老人家”, “果舊石好似雀仔”..嘩大佬, 我真係無你咁好想象力..

嶗山..條路係個loop黎, 第一個門係離門, 過左之後轉右就到巽門, 之後順序係震門, 艮間, 坎門, 乾門, 兌門, 坤門, 最後番番去離門..導遊帶我地行到去巽門之後, 上頂睇一睇, 影一影相, 之後導遊就話唔會跟住我地行..千叮萬噣話索道三點半就收皮..三點鐘一定要落索道云云..

起嶗山頂影下相, 行下果條..淆底橋..真係有D淆底, 如果條橋斷左..就..真係連條屍都搵唔番啦..山頂果個位真係大風到喊..

我/刺身/東方/Tim/Edmond/Donald都算係肯行既人, 加上我帶頭起前面一路爆..刺激起大家行山既意欲, 於是六個人就路係咁向前衝..至於Benny同Joe就..行左陣之後都唔知佢地起邊..Jo同Crystal就更加..

一行六人, 先行過左震門, 牡鵑坡, 再過神仙洞, 去到艮門, 繼續衝左去太乙泉..其實我feel到如果我地keep住果個速度繼續行, 係可以圍住嶗山巨峰兜個圈, 但係又無任何通訊設施聯絡到阿joe/benny..唉..真係唔好彩, kenneth今日留起酒店做paper, joe留左佢部電話比佢..如果唔係呢..我實行雲成個山..

沿途有唔少石刻睇..例如道德經上下篇..total八十一章..又有老子定乜子既既乜乜乜乜圖..算啦..我都唔識架喇..

太乙泉果個位..見到有班行山客起度沖茶飲..D泉水..一望就知唔飲得啦, 泉底有勁多1蚊銀起度..流落個泉度既水就或者飲得落口既..東方試飲左啖, 好冰凍, 隨此之外都無乜comment..

由太乙泉番去, 行左條分叉路, 睇下丹爐峰係咩樣..點知行極都行唔完..最後都係放棄左呢個峰..去到牡鵑坡..見到joe同benny坐左起條樓梯度等我地番黎..Crystal同jo就坐起震門都未過既地方=.=..

兩點半左右去番索道起點..途中見到一件事..好想講下..

有個阿媽同阿仔抹完鼻..就收番埋..

仔: 比我掉左佢啦

媽: 呢度邊有垃圾桶者

仔: (指住山邊)(燥底)呢度咪有lor!

媽: 邊有呀

仔: (唔理阿媽)拎黎啦! (一野搶左, 然後隨手掟左落山)

媽: 你咁做, 唔文明呀!

個細路..睇落去都係七八歲左右..平時隨手掉垃圾都還好, 夾硬起人地手上搶過黎再隨手掉, 好似睇唔過眼人地要搵到垃圾桶先掉垃圾…真係可嘆..呢個世代既內地兒童係接受緊咩教育?!

兩點半都未到就番到索道起點, 個導遊好似有D驚訝我地點解咁快就落番黎..之後阿導遊掛住同唔知咩人吹水..吹到..連我到上吊車都唔知..爭D就懶低左個導遊起山上面sosad sosad sosad..

落山之後..又比佢帶左去一個品茶既地方..我feel到, 我地十個人好無奈既同時, 果兩個沖茶既人都有D無奈..我地擺明就唔會買茶, 但係佢都係要沖比我地飲, 又要循例咁介紹下D茶….飲完四杯茶之後, 即刻走番出黎..之後又比佢帶左去間買乾貨既地方..麻鬼煩..

叫個導遊車我地去個有飯食既地方, 就sa yo na na喇..

劈柴院..我地黎得都幾係時候, 剛剛四月中先開放, 係一個剛修輯好既市集..入面真係好多野食..我地揀左間日本拉面..十個人都係要骨湯拉面, 再叫D金菇肥牛卷, 幾碟壽司..都食得幾飽幾滿足..

食完之後無人記得阿tim去左廁所, 個個走曬出黎, 就黎轉番出中山路先醒起阿Tim唔見左..番轉頭搵佢又搵唔到…電話又打唔通…結果我地以搵阿Tim既名義, 又走左入劈柴院睇下..”阿Tim會唔會起入面呢? 不如我地入去睇下lor~”=.=|||

番番酒店..阿Tim一早起入面等緊我地啦..

五點幾番到去..咁早起身行完山個人有D支力..攤左上床..訓左一粒鐘多D..夜晚七點繼續行街..

剛剛食完個拉面, 一D都唔肚餓, 但係留左起酒店成日既kenneth就係時候去食飯啦..我地去左啤酒街..聽落以為係蘭桂坊既朋友..點知去到, 其實都係食飯既地方..行左陣, 是但揀左間..我都唔知叫左幾多碟送..總之上左檯既就得3碟

一碟係炒蟶子..尋日食完100分既蟶子今日想食多次..

點知..大失所望..就算唔係因為尋日比左100分, 有個咁強烈既對比, 呢碟蟶子最多都係得20分..學阿tim話齋, 用門牙咬落去試一試, 已經聽到食薯片既聲..成舊擺落口, 我都唔知自己係食緊沙定係食緊蟶子..

另一碟係扇貝..乜都唔駛講, 下面幅圖有家有眼睇..

第三碟係蜆..沙就無喇..空殼同唔開口既蜆有一堆..kenneth同東方另外叫左D烤肉串, 佢D羊肉串真係大串到呢..連個五毫子都大過佢, 咬落去..un到唔知點咁..仲要收3蚊一串..

食到呢個時候, 我地決定唔要之後既送..佢就炒緊未上都算喇..比埋錢佢..唔食喇..d食物真係差到呢..

出黎之後..joe話肚餓, 同kenneth去搵野食..淨低9個人去左另一間餐廳..淨係飲啤酒同猜梅..我地叫左3 jar啤酒..除番開每人都係1/3一jar..其實, 好少者..1 jar 8蚊都幾抵飲..

玩完圍梅玩蒙羅麗莎再玩大波細波再玩做動作再玩朱古力波彈彈波..

我係舉起一隻手指..Crystal係摸鼻, Jo係扮牛角, Edmond係用手圈住對眼, 東方係兩隻手擺起頭後面, 刺身係交叉手, Tim係雙手整個三角形, Benny係左手托頭..

東方真係..隨左圍梅之外好似無一隻識玩咁..就算教完佢, 通常都玩到錯曬=.=||||大波細波佢好似未arm過..做動作就做死我果個..但係次次都係用手指指住我, 而唔起舉起=.=|||救命..如果真係去酒吧玩, 東方一定係最快比人隊lum果個..

玩到十一點左右..返歸..

第二日九點鐘出發, 先去麥記食個早餐, 跟住打的去海軍博物館..

個博物館分為幾個部份, 第一part係睇下中國既海軍史先..都幾頹下, 幾乎全部都係黃gum gum既圖片, 加少少說明落去..然後睇下建國以黎水軍制服既變化..

第二part係上去一艘退役軍艦同一艘退役潛水艇參觀下..呢D參觀, 如果無導賞員lead住, 其實真係完全唔知做乜, 起軍艦見到個炮台, 都唔知邊part打邊part..落到潛水艇又係, 勁多唔知有乜野用既零件, 睇完好似乜都無睇到咁..

最後一part係睇下退役既陸地軍具同戰機之類..衰D講句, 果度只不過係個擺放得比較整齊既垃圾場..斷估係軍方用完唔要既垃圾就擺起果度..連看更都無個, 由得我地走曬入欄入面跳埋上架飛機度..完全無人理我地=.=||||

跟住搭的去奧運場館..青島係奧運風帆比賽舉行地點..

老實講..又係無野好睇=.=..北京既奧運場館都起碼叫做有個鳥巢同水立方..去到一個海上比賽中心..咪就係睇個海lor..連入黎望下個海都要收我10蚊入場費, 呢下真係呢..我去睇鳥巢同水立方都唔駛啦..睇個海反而要?

而且入面仲有好多個地盤起度..似乎係改建緊做一個海上活動中心掛..總之就有一半地方都係地盤黎=,=||||行到去個海邊睇下..唔, 又係衰D講句..同我起東龍島望出去又有乜野分別呢…

沿住條堤壩, 行到盡頭個燈塔度影下相..果度插曬咁多個有參加奧運既國家既國旗..一路行一路聽下刺身講邊支旗係邊個國旗..真係超強=.=好似無旗難到佢咁=.=|||

講起地理知識豐富..起海軍博物館入面有幅勁大既世界地圖, 我諗比A0仲要大多大倍果隻啦..大家行埋去指指點點..”丫..新加玻起邊呢?”, “馬爾代夫又起邊呢?”, “巴勒斯坦同巴基斯坦又起邊呢”..如果比少少時間我, 我諗我都會搵到出黎, 但係..同行既朋友, 似乎係一指就指得出起邊度..=.=|||

離開奧運中心..kenneth同東方話去八大關睇下..八大關, 尋日搭車去嶗山既時候都經過, 係由八條長城關名黎命名既街道, 例如居庸關路咁..尋日睇過黎, 一睇就知係天津五大道既朋友..去睇建築物..其實由海軍博物出黎果陣, 我地仲有少少意欲去八大關既..同個司機一講話去八大關..佢即刻話果度無野睇, 叫我地唔駛去=.=|||…但係kenneth同東方好似都係好有興趣咁..於是就分開行啦..

淨低既人去啤酒廠參觀..所謂既啤酒廠..係咪就係啤酒街果個啤酒博物館? 我地去到發覺要50蚊入場費, 好似唔係好抵咁..(其實邊有話抵唔抵丫, 尋日海底世界都睇左90蚊啦..根本就係無興趣睇), 起個門口裝左兩下, 又出番黎, 去入面酒啤街街頭既天幕城食飯..

幾乎行到盡頭先轉入一間餐廳, 其實都係是但揀者, 又比我地揀左間幾唔錯架喎@@叫做天幕食府..一入去果下..比到種天津養生軒既感覺我@@..我都唔知食左咩送, 總之就碟碟都幾好味啦~~