1825就走左
行去四季下面搭621去麗港公園落車

麗港公園都唔錯，幾大，又唔會話11點山門

穿麗港公園行去偉業街
對果間海面既中個石化加油站有D興趣，想知果條路既盡頭去唔去到海邊
行行下又比狗吠，好彩有網欄住

一路行去茶果嶺道，果個碼頭先係此行目的

門口有塊擋風板，好似舊式大屋門口有塊野擋煞咁

起旁邊ok窄既入口轉入去
真係眼前一亮

剛剛入去果下真係呆左
真係難以置信
起維港兩邊，竟然仲有咁大dat空地
分分鐘大過一個正規足球場
最正係180度維港景色，加上今日天氣幾好，無煙霞無霧

一個足球場咁大既地方都無燈，只靠維港對岸射過黎既燈
真係起果度做乜都得 

不過呢個咁正既地方唔會空置咁耐
而家有短暫既空置時間係因為原有既回收商比人趕走曬
遲D正苦會收埋dat地起呢樣果樣...

2008年1月先有第一份HTML5既draft出台
小弟2009年7月就玩HTML5...都算係好update架喇 

Asynchronous Module Definition
2011年3月開始起Twitter傳黎傳去, 先由commonJS / node.js完成
小弟今日就機會接觸呢個concept...都算update喇...

以往javascript都比人睇少，真係求其當佢係一種script, 做到自已想做既野就算
所以Crookford Douglas都話Javascript is the most misunderstood language 

當HTML5越黎越紅，browser運算能力越黎越強
依靠Javascript做既野都越黎越多
programmer要manage呢種language，都要有好似manage其他language既concept
其中一樣係modularize？一味<script src = "abc.js" /><script src = "abc2.js" />
所有野都global, 無左closure包住好易撞
好在小弟一路接觸既project都無咁龐大，無呢個問題
到小弟知道有呢個potential problem既時候問題已經解決左!

AMD對javascript起modularize黎講好重要
但更重要既係programmer要改變以往對javascript既睇法

＝＝＝

以為IBM既產品好勁啦...
點知搞隻websphere都搞左成日...都搞唔起，最後仲証實左隻websphere certified
死左都算喇，仲搞到我遲左去GTP唱K function =.=

===

真係多謝hack入popvote.hk班hacker
多得你地激發起唔知多左幾多香港人出黎投票 

「兩年前你話過，如果兩年後都無女朋友一定叫雞！」

古有十串雞皮...今有九個手卷...

「成個地盤無人講粗口」
「你唔係人？」

「仆你個街好撚大壓力呀！」

「呢餐我唔請喇...遲D我請Grand Hyatt啦」 

膠津／中／龍／Andy Ng

同陳鈺龍睇The Artists...

賈寶玉 Awakening

睇唔明
如果重點係經歴完一次，帶住頓悟再黎經歴一次既分別
唔知第一次係點，點知今次有咩唔同左？

明知大家呃佢娶既係寶釵
點知揭開布，見到黛玉
本來可以改寫紅樓夢，最終都無咁做

其實你我這美夢 氣數早已盡
重來也是無用

重來也是無用...

「如果我尋晚知你黎，我一定會用大紅花轎接你！」
明明你就知道，點解再黎一次，你沒有這樣做？

重來也是無用...

黛玉成日拎住本書繞場一周
補孔雀裘補到成地紅色膠紙
都睇唔明

四五個演員同時飾演一個角色
初頭有D唔明...後黎發現，同神探有異曲同工之妙
一個人有幾面，索性就用幾個演員黎演

解花籤
我都唔係好記得各個角色既下場
睇到果度...其實都係明唔曬...
唯有...睇完之後諗番轉頭... 

丫，仲有王宛芝都有黎一齊睇

同埋...以搞笑程度黎講
全場最爆既係...湘雲拎住本八掛雜誌出黎：「今期講陳奕迅同何韻詩渣胸打茄輪wor！」

點解http://dl.google.com/eclipse/plugin/3.7 呢條link咁慢...
初頭以為公司network 廢，點知番屋企裝都係咁
等勁耐，等到timeout 又Bad Gateway...
唔知想點=.=

＝＝＝

Extjs VS Ext GWT 

簡直係web programmer 同console programmer既對決
兩個都試玩左陣

前年玩jQuery已經覺得好犀利
玩埋Extjs之後覺得...jQuery簡直就小巫見大巫...
不過jQuery勝在夠light weight

Ext GWT... Java programmer is a web programmer...
得啦，server side有servlet, client side有GWT
Java玩曬啦咁

而家...
C++既STL, Java既Spring Hibernate 我都唔識
反而Javascript library就識幾個=.= 

行社49莊春茗

多人到呢...
37歐陽 左輝 38大飛 43阿金 Terry 4 44Sally Kitty Mary Foggy 45 West Matthew 46 Ringo Lala Hilda Iris Jimmy John Jacky 47 Terry Sasa Viola Benny Doris Owen Henry 48 Yankee Abby 菁 Jenny 人仔 Clement 樂 Thomas Kathy 49全莊，仲有Timothy

今年開創左個傳統, 新莊chair 要去曬每一檯天才表演一下...
Brian起47莊果枱跳舞xDDD
48要佢地扮卡通人物
46就衰D喇..chok定啤酒等佢地黎，又要某C字頭既女莊友夾送比John食...可惜爛左尾

呢個傳統要繼續落去呀！！如果唔係點吸引老鬼番黎xD! 

post undergraduate 最後一個sem... 

BUSI1001 Business Law B-
是Q但啦...我都求Q其做既...次次都差唔多最低分咁都有B-...

BUSI0009 Business Policy
我上堂係0 contribution, exam又係求Q其, 咁都有B

BUSI0081 Advanced Business Communication B+
我英文咁差都有B+...大家真係要認住Grace...呢個mainland instructor真係勁好人，上佢堂勁easy...完全無壓力

FINA0303 Case studies of corporate finance B+
WHAT THE FUCK?! 呢條友點比分架！！！有乜可能比B＋咁高grade我？！如果我搏盡多少少寫多幾次summary咪A-都有得我拎！？頂！！你知唔知你搞到我勁唔好意思lor, free ride左咁多份case已經於心有愧架啦，你仲要B＋我！？點解你唔比個C＋我得我良心好過D！！！！

FINA0304 Advanced Corporate Finance B
唔...呢個...咩course黎...? 我幾時take架... 教咩架...? 咦點解我B左既...? 

BUSI全B達成
CSIS太多course起北大讀左=.=...
原來我ECON都唔係咁差者，得一個C＋
小弟縱橫ELEC十餘個courses, 就只係敗起1614手上，不過都仲有個B＋
如果我唔係major Finance...搞到有咩多條C...我會唔會有first hon?

btw, BBA個hon都出左...2nd low... 

上次去雷公田農場鮮奶公司講過...真係要帶阿媽黎飲下奶...

今日做到喇，阿媽無端端話得閒不如搵山行下
8點半起身，九點前出門口搭荃灣小巴...0920己經去到荃灣=.=轉80上川龍飲個早茶先出發

荃錦自然教育徑＝＞甲龍林徑

尋晚上網研究多次，先發現...原來甲龍林徑同甲龍古道係兩條唔同既路黎=.=
雖然頭果3分1重疊...
林徑係西邊，古道係東道...沿古道行先見到甲龍澗...
林徑係長少少不過一出就係農場鮮奶公司

兩老堅持認為蒙牛初初打入香港市場既出品先係最好飲

呢度既奶可能同當時既蒙牛比仲係爭少少，不過...已經唔係市面買到既鮮奶既level啦...

行完山...夜晚再番hku繼續AGM... 

同chemix出黎食飯...原木諗住食譚仔，不過佢初五啓市...
結果去左對面既文華冰廳食
呢D冰廳買少見少呀...真係要支持下 

多謝曬你袋韓國手信～

食完周街行下，吹下水，入機鋪打下gundam seed destiny

去麥記坐下...

難得網友都keep到咁耐! 

夜晚出黎同街坊食飯

「頂佢地又唔踩...好想踩單車呀...好想踩單車呀..好想踩單車呀...」
「咦我聽日都有班fd去踩單車wor, 你原本諗住踩邊？」
「東涌到迪士尼」
「咦我班fd又係wor，哈哈，可惜...（下刪一百字）唔帶得你去」

「如果係呀邊個，佢實會照帶出黎啦，『氣！如果係乜乜乜乜！我仲會唔會物物物物呀！』」

太耐無同街坊食過飯，耐到我都唔記得原來我同過街坊食飯

西寧街...即係沙倉個球場真係唔錯

「diu...呢舊屎好難食呀...又臭，又爛，又lum bed bed...點食呀...」
「咁...你食得屎，唔係臭就爛架啦，無得怨架wor」
黑面

「diu...呢舊屎好難食呀...又臭，又爛，又lum bed bed...點食呀...」
「咁...咪搵下有無第二D野食lor...」
「你唔明架啦～」
diu, 呢D同係咪都「唔係」左先差唔多難頂

「嘩呢隻燒鵝真係皮脆肉滑呀！」
「唔係～～～！！！（拖長狀）佢炭火燒烤左咁耐，而且係人手燒烤唔係機整，梗係好食啦」
diu咁你唔係乜春者 

大年初一。拜年

一路都唔係好搞得清楚D親戚關係。今年因為D特別原因去多幾個親戚屋企，呢個問題更加嚴重=.=...入到去全家我都好似未見過=.=...

今年除左多左利是之外，拜左咁多年...我感覺到既係...

年老。體弱。多病。衰老。衰弱

呢排去醫院去得多，又見得多老人家，有少少刺激我諗下50年之後既問題...

搭旺角小巴到東方街轉270A去粉嶺＝＞搭76K去新田公路邊既豪宅＝＞搭村巴去元朗＝＞搭268C去畢架山花園轉86入番沙田

等極都無269D先出此下策ja...

沙田＝＞元朗＝＞中環＝＞沙田

將來我既生活會唔會都係咁呢... 

Stay hungry stay foolish
好多人都聽過

弊既係，好多人明明唔明，都以為自己明
又或者
真係明左，以為自己實踐緊，其實乜野都無做到

唔明，又或者唔做，都唔係最大問題
最大問題係，明明自己唔係，又真心以為自己係

越多呢D諗法，越係唔敢話自已真係明
亦形成左D諗法...有D不屑claim自已真係明既人 

＝＝＝＝＝

一個人既睇法係源自社會，周邊既人...所謂「我」既睇法，可能係「受過ABCDEF君影響下產生出黎」既睇法
所以我唔敢講呢個係「我」既睇法 

genetically determined以外，strictly speaking都唔算係「我」，呢個「我」，所包既野真係好少 

如果我＝A+B+C+D+E+...+我
用一個recursive既方法黎定義，最終...「我」只會係epsilon>0, 其他factors先會係dominating factors

稱呢個結果為「我」，其實只係方便稱呼者

我明白（？）呢個道理，但現實對答既時候總係有D障礙

＝＝＝＝＝

「你做人有無底線？」
「無架。」

「我」無底線，係因為...所有人原本都無自已既觀念。所有野都係外界貫輸

「我」有底線，係因為...有D天生既factors令我selectively咁accept左某D觀念
其實都算係「我」啦 。

＝＝＝＝＝

「讀咁多書都讀到你咁」

真係不得不同自已講一句：人類總是犯相同的錯誤

＝＝＝＝＝

Maxwell犀利在乜野？犀利在用4條equations，結合electric field同magnetic field
一班粒子物理學家咁辛苦搵Higgs Bosons出黎，為左乜野？為左建立standard model黎backup unified field theory
就係science話比我知，唔應該滿足於發現，或者解釋一個現象；而要用一條theory, 一條equation或者一條Law去解釋N個現象

天生buy reductionism, 所以讀math/phy/chem先會咁得心應手
讀多D phy/math, 又reinforce番我呢個personality

Jan 17
下晝同陳鈺龍出黎食tea
好耐無見

聽佢講搵工聽左成個下晝

朋友，又唔同左

Jan 18
又一次起勁過橋lift位比victor見到我同女朋友一齊@_@
victor你係得既

同48莊食韓燒
食到有D肚屙=.=...

一路食一路睇無線既“換樂無窮”...
胡杏兒喊都算喇，仲要扮曬AV誘惑李思捷...
成間漢洋苑既食客都...wawa聲...

Jan 19
dinner with 46莊@旺角Dream Cafe

"你呢排有無咩好做？“
”無呀...起屋企上下網" 

Jan 20
[招魂中]膠津...番黎lor...

遊食吟嚷居酒屋with 嘍囉/黎漢中
以往都係4個人一齊，呢排少左一個...

估唔到日本清酒都幾勁...

飲完酒之後兩位講野都open D

覆致兔書
「自嘲」用高登用語黎講即係「戴定頭盔」，明知對方會恥笑自已為某某，或有利益衝突，所以搶先一步笑左自已先。先打自已三十大板，然後刻意突出自已既傷口，對方就唔好意思再針對呢個傷口。不停強調對方為狼粉，最後自嘲一句小學雞，並不能夠洗脫自已真心小學雞既嫌疑。沈生會唔會真係高登得濟？

http://yiyeguan.blogspot.com/2012/01/blog-post_12.html

http://commentshk.blogspot.com/2012/01/blog-post_15.html

http://yiyeguan.blogspot.com/2012/01/blog-post_16.html

有D九唔搭八式既回覆，原來唔淨止師奶對話出現...思考模式既分歧真係好難收窄，特別係筆戰期間，要寫成篇文出黎人地先知get錯，會唔會太唔efficient

分期，是最好的
：我都唔明...點解你會爭卡數
：唉呀，我邊好似你咁有錢，下下用cash買野呀

我無回應。我覺得對方言下之意係明明而家唔夠錢都要買左先。但係根據我既理解，對方...應該都唔係咁窮困既人。

係咪真係會有人明明唔夠錢買，都要碌卡分期買？如果投資有方，有辨法令rate of return > interest of installment或 risk free rate (for the case of 0% installment interest), 咁分期係好事黎既。但係對果D只識擺錢起果個只有0.001厘息戶口既人，除非有絕對既必要...都係乖乖地認左佢，自已控制唔到購物或消費既慾望啦。

明目張膽咁宣傳「分期，shi zui hao de」，除非係樓盤...否則...「我接受唔到lor」

boot
今年雨季來臨之前我要買對防水既鞋出街...

xanga
剛剛比左USD4，upgrade xanga account to premium...對番港紙30蚊左右啦...為乜？為左一次過backup曬成個xanga...

呢度日漸荒廢啦...拿我唔係唔出post, 係少左public post咁者... 

相機
Canon發佈左G1X...果然堅持唔出無反
其實係arm架wor...而家唔識影相既人拎起部無反，覺得影出黎既相好靚...唔通係因為有得換鏡頭咩？有幾多人買左無反之後真係會換鏡？唔換鏡既話咁買無反既意義係咩？
小弟認為無反既重點在於大sensor, 曾經係機王既G12都只係1/1.7" CCD...而家G1X 1.5" CMOS, 仲大過Olympus既EP-3, 差D拍得住NEX-5N, 論畫質應該唔差過無反; 論size...除非用pan記X鏡黎比，一般無反裝鏡頭之後應該都大過G1X; 論art filter...玩味的確係差左，但art filter的確重要性唔大...G1X有HDR同ND仲實用D啦

不過呢...價錢就真係一個問題...

朋友出pool
聖誕期間...友人起兩星期內出pool=>入pool=>再出pool
真係令人嘖嘖稱奇(well...呢個詞語好似正面左D)
最有趣(well..都係正面左D)既係分手既理由...: 我都未出過招！唔得！我要分手！等我再追過你先得！

聽佢講完，有D想話佢唔成熟
不過呢...通常聽到呢句既人都會challenge番人地「你好成熟咩」之類
都係唔講喇

最後今晚
曾經有位朋友以成熟自居
呢排同佢傾計...佢都認同呢個年紀真係無乜資格話自已／人地成唔成熟
應該係一個進步

曾經覺得呢位朋友有D大男人
不過呢排見佢怕比女朋友話
“唔好咁夜食糖水得唔得呀...女朋友會話我架”
實在係有D驚訝

“趁伴侶還不可介意　最後一擊放肆
願你記得　吹水到日出的那老日子 ”
原來我地己經miss左呢個機會

婚禮
忽然覺得中化既問題有D意思

一心：我覺得一場婚禮洗乜搞咁多野丫，簡簡單單咪幾好，傳統習俗又過大禮又拜四角又新床鋪又乜又物又筵開幾十席...浪費金錢時間，如果婚宴食翅既話就仲唔環保添...計我話，就咁去教堂行禮，搞個小酒會邀請少少朋友親戚就得啦
家寶：咁又唔係咁講呀...呢D儀式係對新人既一種祝褔，每個儀式都有佢既意思；喜慶日子梗係要邀請親朋戚友黎慶祝，當係一個比大家聚首既機會；現代講求環保，唔食翅其實可以採其他名貴食材...

試評論傳統婚宴文化與簡約婚禮理念想是否有分別？過大禮／上頭等習俗是否過時？

家姐
家姐又番番美國喇...話就話佢番左黎半個月...不過我完全唔覺=.=

洗牙
入大學第一日我己經話要善用HKU資源，一定要搵日去洗下牙
點知等到year 5先至的起心肝去洗
有支野伸入口猛咁挖既感覺同埋制造出黎既聲音真係令人有D不安

原來小弟得一隻智慧齒出左少少，其他三隻仍然起牙肉入面...
求神拜佛果三隻牙永遠都唔好出黎 

畢業禮
無論係成間U既，定係Faculty of Engineering既畢業禮...
我都係頹到飛起
雖然Faculty既畢業禮有得上台，我照樣牛仔褲+converse...
數雲全場，計埋我自已，只係得3個人夠膽牛仔褲上台 

原來我行山同去畢業禮都係同一個裝束

天與地
全城熱講天與地...TVB又全套upload上mytv...咁咪睇下
政治抽水既台詞其實唔難作，頭條新聞成日都有架啦，難得佢肯放呢D對白入電視劇者
最值得欣賞既應該係平行世界之間既對話互相穿插，有個complement既作用又同時推進兩個世界既劇情
有趣有趣

電話
Sony起CES發佈左Xperia S
高登仔挑剔佢用高通單核扮雙春...源於果粒asynchronous既dual core
我又唔係好介意computational power, 抵唔抵用似乎緊要D
仲有無得插卡...老老實實...睇咩睇到32GB都唔夠用ar...? mkv都擺到幾個啦...

無得換電呢個可能先係問題...

尋晚3有人打電話黎問我想唔想upgrad個plan做$93無限上網...
都幾吸引...
okok你唔好hi我話$51 400MB 都夠用定係$7x用電訊數碼好過啦...
我個plan 9月先完...我唔想有段時間要用兩個號碼lor.. 

呢個價錢，計落同出機plan個價都差唔多，勝在唔洗簽24個月約咁長
下年9月又可以自由身轉其他台...
Xperia S講左12Q1香港有售架ma...好唔好upgrade左個plan先？

喂喂喂唔好hi我話點解唔等Galaxy SIII先...
Galaxy SII 既耗電量大家有眼睇架啦...正常人唔做工程師既話部機一定捱唔到一日
傳聞話Galaxy SIII仲要Quad Core...舊電係咪2000mAh先?

HTC有無新機發佈呀...無既話我應該9衝呢部Sony強勢回歸之作架啦...

眼鏡
電話相機都未買...我都估我唔到我竟然買眼鏡先
今日行過高登(眼鏡鋪ar唔該)488框＋680鏡

小弟小四開始戴淺藍色隋圓形膠框眼鏡...圓碌碌盡顯小學雞本色
小六換左一次鏡
Form 2換鏡，順便換做藍色隋圓形金屬框
Form 6又一次換鏡，順便換做方形半框
Year 2某一晚起北大沖涼果陣...個框斷左=.=...我都唔記得左起北京（定番黎香港？）換左個咩框
exchange完番黎香港之後某日個框又斷左=.=...再換成而家戴緊個框

上次換框果陣店員己經話我塊鏡好花而且崩左...塊鏡由Form 6用到而家啦...都六至七年...
但係戴上眼之後其實又唔覺有咩問題...
之但係塊鏡又真係花得濟，花到人地都望到...咁而家又得閒...咪換埋lor...

之前換眼鏡都係換D cheap野...都係六百蚊左右？
都知原來D鏡係咁鬼貴...

下次大家見到我...如果覺得新鏡好睇既就讚下啦
如果覺得唔好睇既... ... ... ... 做人有時唔洗咁坦白既... 

影畢業相with 46莊

lala11點要送機...
真係犀利，咁快就見家長

約左46莊12點東涌等...不過大家都係例遲既...

先起food republic食個pepper lunch
然後搭地鐵番去迪士尼，再行去迪欣湖

可惜lala四半要番去尖咀...

迪欣湖唔算大，不過行行影影我地都搞左三個鐘咁濟...

ringo快D upload相！！！

可惜Sam哥影完相之後就走...而阿澄係夜晚先到...始終做唔到真正齊莊

夜晚廟街食煲仔飯＠興記(悄悄話：又來了)

再去尖咀海邊影grad 相

48莊既唱K活動...其實只係得3個48莊既人=.=

Yankee / Kelvin / 菁 / terry / sidney / West

話就話約11點...等到11半都只得我同yankee =.=...

佐敦neway...個吉烈炸蠔飯真係難食到呢...

12點唱到4點
3點57分，仲唱緊死性不改
有人提議不如安全D，早少少cut歌落下一首狂串樂基兒
點知點落cut歌制之際，螢幕早己顯示“歡迎下次光臨”，無得唱狂串樂基兒之餘仲蝕左半首死性不改xDDD

大家有閒情逸致到行九龍公園...睇雀...

五點半有48莊既放題@銅鑼灣松屋...
well...小弟真係去曬45/46/48莊既聖誕假期function...

食完之後，齊齊陪yankee去citysuper用300蚊cash coupon
再去許留山意圖屈Kelvin請出pool 糖水... 

CEians活動

早上既唱K活動只有我/bryan/victor同chilam =.=
早起的鳥兒有蟲吃
早起的CEian有Bryan車搭

唱完K之後搭Bryan車番HKU...打Dota影grad相

.NET無開，去左 312 打Dota
打左兩場我果邊都係輸既=.=.... 我用vengeful spirit用得太差啦...

夜晚得番七個人食飯...

KC點解好似多野講左咁多既? 

真係多謝各位朋友關心

講完Merry Christmas之後
一個覆我落左訂未
一個覆我有無擺鬆弛熊入去聖誕禮物
今日某同學一見，都係問我落左訂未

連續三日，都有人問我呢個問題=.=
想點=.= 

45莊2011年聖誕活動

debby / west / matthew / sharon / tiffany / 浩賢 / kitty / 後join 亮哥

唔只一個人話過我好遲鈍
不過再遲鈍既我都覺得...今日...好...難以理解...

約十二點半大圍站等...等到1點都只係得我同debby同matthew =.=

浩賢黎食一食飯就走左..

：大埔交車，六個人，幾錢？
：八十蚊
即走
：喂你平時踩開幾錢呀？
Debby真係誠實得有D過份：三十蚊

老闆頭也不回

原本單車鋪既鋪位，變成一間間賣盛世既地產代理

：不如去又一城溜冰啦

 果時先兩點幾，所以要起又一城行陣街先

有matthew陪住都算唔係好悶=.=

各位莊友其實都唔係好識溜冰，唔知點解都係咁興致勃勃咁玩
六點玩到八點，等佢清半個鐘場，再落場玩多9個字

玩到隻腳損曬，真係痛到有D難玩落去＝。＝

原本話近近地，食溜冰場上面間板前算
講講下去左旺角食黑夜壽司
每人都係一百三十幾蚊，幾抵

食完之後，起雅蘭中心門口比人抽水抽左45分鐘....隨左傻笑，小弟真係無第二個反應...

家姐今日番左黎 

講下呢排考試

Dec 17 Business Policy Final Exam

呢個course既lecturer做chief invigilator...
印度人果然係無時間觀念
九半既exam佢係九半先開門比我地入去=.=

20條mc, 果然係唔駛用腦又唔乜洗溫書既
1條case, 估你唔到竟然係video game industry...睇一篇新聞之後回答以下三條問題

1. What is the strategy of Nintendo in Wii?
2. Using the concepts discussed in class, analyze the competitive environment of Wii, and describe the future of it.
3. Why Microsoft launched XBox360? What is the effect of Playstation on Microsoft?

頭兩條都係篇新聞有提過既野，唔難...
最尾呢條幾有趣，係靠平時留意先識答..不過我都唔係吹左好多...
playstation面世之前，複雜既game都要起電腦先玩到...playstation出現令到professional gamer唔需要成日upgrade 電腦黎玩最新遊戲，間接影響左Windows既sales...
呢個關係，我諗...唔係打開機既女仔真係未必諗到...而篇文又無好explicitly提到...
不過我吹水吹到唔知講咩好...老屈話呢排Battlefield 3一出，個個forum都討論咩spec既機先satisfy到黎証明new game同upgrade 電腦既關係=.=

Dec 20 Advanced Corporate Finance Final Exam

呢個course...教既topic係好既
可惜D lecture notes全部都係examples, 係problem based既教學方法，但呢個course 應該係重theory架麻...
睇番豪哥send比我兩年前既notes，呢個course有教Ito' Lemma...唔算好深入咁教左少少stochastic calculus
呢個course咁多stat人take, A&F既人九成九比人屈機死啦...好可能係咁所以evaluate到無左呢課
搞到個course既重點去左information asymmetry...但係唔用real analysis既方法教
只會流於一D簡單兼低能既例子，睇完都唔會好深刻理解到theory既重點

mid term 份卷話左比我地知，prof. wong出卷就係得四條數...
一個course 9個chatpers...即係我貼題出邊幾課者...

1. real option analysis
2. pricing of convertible bonds
3. information asymmetry and capital structure
4. information asymmetry and capital structure

之前讀過FINA0301 Derivatives, 再讀埋呢個course, 我依然唔係好明白risk neutral probability...
連implied riskless rate都唔識計，我都枉稱為一個major Finance既學生lor...第1題完全唔識做

用binomial tree同risk neutral probability 既方法計bond price, 係幾有趣，明左個concept之後完全無難度
後面兩條都係低能野...偏偏就佔最多分...

考埋Advanced Corporate Finance...小弟全職學生既生涯...終於完結喇...
遲D打番篇回顧，review番過去四年半既生活先得 

=p

番hku 溫business policy...
老老實實，呢個course 比ECEN起教英文文面更有用

My mother is a female.

My mother, who gave birth to me (and my sister) after marrying with my father, having the female sex organs, is defined socially as well as biologically (by Darwin in 18th century in the Evolution theory) as, a female.

呢d elaborate既方法, 邊度搵...(就算犯左輕微既definition loop都無人會理...one having a female sex organ is a female呢句真係比阿媽係女人更阿媽係女人，如果唔理she-male既話)

最難學既一種soft skill係...講左一大輪野，連聽果個都以為自已學左好多野，其實只有一個重點（甚至無）

呢種skill...連唐唐都未有啦

夜晚十點半先同嘍囉黎漢中起石塘咀熟食中心食飯

嘍囉...小心身體...

"唔好食糖水啦，驚你有糖尿病呀；都係去酒吧啦，最多唔駛你飲野喇“

樓下間Bar Pacific 終於開左