June 17, 2010

• 今日番工都係無野做...成朝除左睇新聞之外, 就係打下面果篇xanga, 打左成五千幾字呀...我都覺得自己short short 地...打到下晝都會耐唔耐開黎修改下...

  朝早收到個電話...哦@_@!?
  Lunch收到個消息, 下...
  下晝打番個電話...唉=__=...

  晏晝manager過黎同我同solon傾左陣, 話係時候要分工喇, 一個人負責做cap相果個plug-in, 一個人就繼續做原本果個...

  我揀左做原本果個...因為寫新果個plug-in要用virtual box...我部機慢到癲...點做呀...

  Manager話server side個api仲要等下先有, 因為上頭好似仲有野想改...所以仲未比得我住=__=

  所以今日都係無野做

  今日提早少少走左番屋企1757就走, 因為要睇曾特首同余若薇既辯論

  其實賽前估計都係好似德國VS袋鼠 4:0架喇...又, 賽前預計特首會起臨辯論前一兩日出招, 但係又無wor...無聲無息咁黎到辯論呢一日...所以會估特首係留有一手, 起辯論既時候出

  點知通通都唔係, 特首係以不變應萬變, 繼續”普及而平等”, 繼續”2017可普選立法會2020可以普選行政長官”, 呢d野, 我聽過10萬次, 你唔厭我都厭啦...

  余若薇真係好champ
  “邊有一個推銷員推銷一個過左期既產品比顧客, 推銷唔到仲話個顧客做得唔arm? 今時今日咁既服務態度唔得架”
  個closing仲正, “我寧願原地踏步都唔想行差踏錯”, 講到最尾, 仲話”我相信香港人”, 想動之以情, 講到眼濕濕咁...如果呢個係中化oral既話, 比硬9分佢

  反觀特手, 所謂既招數係咩呢
  將余若薇打造成激進派...”余議員既同路人”點點點點...比余若薇睇穿左, 特手既攻勢可謂毫無殺傷力...不過咁講, 特首目的都唔應該係要勝過余若薇d乜野, 因為佢根本就無咁既希望

  特首唯一可以做既, 係起呢場辯論入面, 說服到香港人, 佢既方案係好既...好明顯佢就做唔到啦...或者話, 如果佢做到既...佢都一早做左啦

  今日既特首同平時既特首完全無分別, 面對尖銳問題時候淨係識得迴避, 反觀余若薇已經prep好曬, 如果比人問著五區公投既時候要點答...我知佢係背過黎, 不過唔緊要, 因為特首連背野都差過人, 頻頻睇貓紙...寫起貓紙上面既稿已經唔係寫得好, 有時佢仲要講到口窒窒...

  賽果一目了然, 就好似下面張相咁

  

  • 10:49 am
  • Comments Off