November 14, 2011
-
今日PPAA又請左嘉賓黎講外傭問題
謝偉俊余若薇陳唔知乜野李卓人各人既取態其實唔駛聽都好清楚
今日最有趣既係, 余若薇今日講野既取態會係點
公民黨輸左區議會選舉之前梁家傑公開反對大量外傭湧港
話說選舉前果次外傭問題forum我都有聽, 梁家傑當時強調"有50萬外傭會因此而獲得居港權"係一個假議題雖然佢無講, 果時我既感覺係
一: 佢唔想評論一個唔存在既議題...如果唔係會令人以為呢個係真議題
"我真係好唔想外星人入侵地球呀"
"係呀好驚呀, 唔知外星人會唔會殺曬地球人呢?"雖然外星人無真係入侵地球, 但...如果成條街既人都驚緊外星人入侵地球既話...慢慢d人就真係會以為外星人會入侵地球
二: 懶係站起道德高地, 唔就呢個議題表態, 可以理解成唔反對, "我地只係基於法律原則make decision, 而唔係受現實環境而影響", 先唔好理合唔合理, 聽落去就係好有stance
區選慘敗之後梁家傑無得唔死死氣咁出黎, 話反對外傭湧入香港
呢度反映出兩樣野
1. 公民黨無能力令香港人接受"有50萬外傭湧入香港"係假議題
2. 香港人既智慧不足以判斷葉劉/謝偉俊/工聯會定係李卓人/公民黨arm拿, 小弟係撐公民黨既, 因為根據我睇到既野, 公民黨講既野係有evidence, 葉劉一味話入境處無能力把關...但係我睇唔到有咩support (如果睇緊呢篇文既你搵到野support 葉劉既argument, 請share)...而且法院最近一次司法覆核既判決話左, even個菲傭同佢家鄉已經斷絕關係都好, 都唔足以support該菲傭就會以香港作為永久居住地...
我就覺得, 人地可以斷六親咁留起香港, 咁你比個居港權佢都唔係咁過份者下化....所以起現有既法例下, 就算比外傭申請, 都係比我想象中strict, 獲批既個案都係微乎其微
(講得太遠添...講番今日)
余若薇提到...呢d程序/入境處既權力問題, 政府無理由唔知, 葉劉作為前入境處處長更加應該清楚
因為係區議會前夕, 可能係想以此打擊公民黨well, 其實呢個可能性都幾大...不過就算係咁, 公民黨亦不見得可以逃避負責
一味話比人抹黑, 抹黑左你唔識澄清架咩...?講到外傭居港對香港既影響, 余若薇擺重點去"大量外傭", "究竟幾多量先係大量?"
呢種講法...比梁家傑兩個禮拜前退左一步, 梁家傑既話應該係不屑討論呢個問題...
余若薇既講法好似係..."係啦係會有外傭黎香港啦, 但係有幾多先"謝偉俊話...開放申請權之後, 香港就淨番一個"漁網"去阻止佢地獲得居港權
李卓人ok激動咁回應話"明明果度係鋼門, 你就話佢係漁網"到底入境處既把關, 係鋼門定係漁網, 我覺得討論既mainpoint之一, 可惜之後無人follow落去
轉去討論釋法對香港既影響一個老掉牙既問題...釋法有咩唔好處...
Recent Comments