無聊click進46莊的gmail...無意間看到一個去貝澳度假屋的function...我好似唔係好關事, 不過又跟埋去XD

十一點幾去到東薈城...同lala/澄/Sam/Jimmy/大佬/jacky起Taste買野食...買買下有個阿叔建議我地去街市買...會平D...於是買到平桶水既情況下轉戰富東街市...買到咁上下...又轉番去Tase買肥牛買出前一丁買碗碗碟碟...

出前一丁都幾慘, 明明叫做出前一丁, 但係香港人慣左統稱即食面做公仔面...或者話...出前一丁同公仔面夾埋都係叫做公仔面...而壽桃牌就叫番壽桃牌, 褔字面叫番褔字面...偏偏就係出前一丁會比人叫埋做公仔面...

如果出前一丁係無公仔面咁好食既話...咁叫都無所謂...反而益左出前一丁...但係...明明出前一丁係好食過公仔面...咁既情況下仲要叫佢做公仔面就真係...唔係幾好lor我覺得...

太多人話買公仔面既時候, 隻手其實係伸向緊出前一丁, 都幾confusing

所以我提議正名...以後大家心入面諗住出前一丁既時候, 都係講番丁面啦

買完野之後...搭3M去貝澳...

大佬間度假屋就起之前去黎漢中間度假屋既附近...

一個普通六百尺單位...

入左黎之後就再無出過去...鋤Dee=>打牌=>三國殺=>Monopoly Deal=>三國殺+飛行棋=>打邊爐=>三國殺=>食糖水=>Monopoly Deal=>pictionary=>sharing session?!=>打牌+訓覺=>早餐

黎黎去去都係果幾樣野

Lala鋤Dee輸果鋪, 其實都幾無奈, 真係爛牌...輸都好正常...不過個大懲罰就真係罰得重左D...繼lala起麥當奴與jimmy十指緊扣...今日lala同jimmy再來一個...

打到黎呢度我停左一陣, 真係唔係好諗到用咩詞語好...

投懷送抱? 我唔想下次去行社function比人打死...

愛的抱抱? Jimmy或者係...果一刻lala應該想殺人多D sosad

熊抱? 以jimmy高大既身形...

用咩字好呢...?

我諗到喇!!!

果一刻jimmy應該覺得好滿足

果一刻lala應該覺得好想死..

.

一個係正面一個係負面, 相同既係, 大家既感情都係咁強烈...所以...我用呢四個字:

深情相擁!!!

我成日都話每個人心入面都有一座brokeback mountain...隨左lala之外, jacky都中左招...梳化上依偎在jimmy身旁...jimmy腰抱jacky...雙雙望向屋外...(展望美好明天!?)

相都影左唔少, 不過...當然呢D相...係受到咀咒...會被永遠封印...擅自解封印者...如同打開Pandora’s Box一樣...一切後果自負...

Jimmy真係慘...比人用黎做大懲罰既道具sosad

(謎之聲: 咪走呀你! 你自己咪又係同jimmy抱過!! 點解你一個字都唔提架!!!)

好興香咩呢D野...咁想提既你咪幫我寫埋起度留comment lor XDD

到打牌...在場有唔少人都唔識打...大佬教阿澄, jacky教jimmy...我教lala...阿sam孤軍作戰...

因作教學用途...番數不切下限...只求食糊不求做牌...打左僅僅一圈之後就收檔...

John黎到之後就開始玩三國殺啦...上年我臨離開北大之前都聽說過呢個card game...不過素來唔玩呢D野...當年召喚王/pokemon/數碼暴龍既card game通通唔識...呢個真係我第一個接觸既card game...

太多牌要學...個個武將有自己特技, 有n隻錦囊, y樣武器, z樣combination...d中文又唔係寫得咁好...成檯都係初學者...下下都要john慢慢解釋...第一鋪真係玩左超耐...

第一鋪真係印象最深刻...Sam做主公...我做忠臣...飾演華佗...話說呢個遊戲入面只有主公既身份係公開...Sam唔知我係忠臣...亦唔信我係忠臣...鬥到最後得番Sam, 我同埋jacky呢個反賊...jacky係咁話自己先係忠臣, 叫Sam殺我...初頭無憑無據的確係好難信我先係忠臣...但係黎到遊戲末段, 邊個係內奸已經知道左...如果我係反賊既話無理由仲會幫主公架麻!!!我已經幫阿sam補血架啦!!佢都仲係唔信我, 要殺我lor 頂!!!! 燥呀!!!!!!!

學完一種新card game之後又想學下另一個遊戲...Monopoly Deal...之前未玩過, 同lala跟住jacky一team咁玩...麻麻啦, 可能未feel到呢個遊戲好玩之處起邊...而家只係識曬規距...但係...技術有待改善

又玩一鋪三國殺...我係內奸...繼續做華佗...起反賊死曬之前竟然出手殺主公...認真柒左...由於派錯牌既關係...sidney既角色另人好混亂...又話得一個忠臣...turn out好似有兩個?

跟住仍然係三國殺...反賊...呢鋪無乜印象...

之後hilda都黎到啦...佢果邊開一檯三國殺...另一邊我同john/jakcy/lala玩飛行棋=___=真係好有童真既遊戲...我真係未聽過隻棋臨到終點之前, 可以選擇唔去終點, 而直衝過對面終點再行前兩步踢走人=___=...lala用呢個方法踢走左jacky做就我既勝XDDDD利

Hilda入黎果下真係好搞笑...一入黎指住我大哎”baleno黑色長袖恤衫”sosad

證明我個xanga都係有少少人...有時...sometimes會黎睇下既sosad

跟住就等食野啦...辛苦曬大佬同阿澄準備曬所有食物~~~

其實我地都買唔夠野食黎...肥牛食左兩round已經食完=___=...

所以話...預算食物既份量真係一種學問...真係好難掌握...

食完之後...又係三國殺...(Oh my god...)呢鋪好多人玩, Hilda+sidney做主公...真係勁唔好彩lor...只不過係一round...計埋我在內既四個反賊已經成功弒君XDD

三國殺完之後...又係三國殺...(救命...是日第五鋪...)...呢鋪真係超癲...由lala同阿澄話走開始玩...應該係十點半左右...? 玩到大概點幾鐘!!!!又係hilda做主公...坐起佢兩邊既sidney同埋我都係忠臣...一路捨身護主...sidney連命都唔要殺左jacky呢個反賊...我同hilda合力做低埋jimmy...淨係大佬同阿sam向hilda猛烈進攻...身為內奸既阿john同我多次營救hilda...但係玩到點半鐘...大家都真係玩到唔想玩...我已經無能力救hilda喇...阿john又話唔想玩...結果比阿sam呢個反賊成功左...(其實阿john係有桃架!!! 佢有能力救hilda!!! 係佢唔救者!!! 我地無輸到!!)

多謝曬Anson同埋CKT既糖水~~~好好食~~~~~~

三國殺之後...仍然係三國殺...老實講...之前果鋪太chur...我真係唔想玩...飾演反賊, 完全無心機玩, 我地幾個反賊都開宗明義咁直接攻擊主公...結果好快比hilda呢個周瑜神逐個擊破...sosad...

終於唔玩三國殺...再玩monopoly deal...開始眼訓...無乜心機玩....玩得好差...比d大財團lung斷左個市場...更加無心機玩...

唔知點樣又轉左玩pictionary...hilda出左十幾題...有幾題我覺得我都幾屈機...唔知點解一野諗到=.=...爛屎/草泥馬/一樓一鳯...

夢遺落在草原上, 月經常掛在天上...

呢對聯好似係上網見過...但真係印象唔深...點諗到ar sosad

不舉/陽萎...hilda你出既題目真係=____=...互相呼應番電視做緊既天生一對=.=

痴膠花/正茂里...真係唔知可以點畫sosad

有人問...輸左駛唔駛有大懲罰...我問一句...你玩過咩大懲罰丫? Hilda接住一句不如個個講下玩過咩勁既大懲罰丫...

“sharing session”開始

其實都唔知share左D乜野...

“你諗住同你女朋友幾時結婚?”

“你阿爸阿媽知唔知道佢存在?”

“佢阿爸阿媽知唔知道你存在?”

“幾多歲生仔好?”

share一下睇開日本定係歐美地區既AV

share一下"中出", "素人" 點解

"阿sam你有無目標呀?" "所有女仔都係我既目標"

"阿john你同阿芳芳點呀?" "無呀...咪都係普通朋友..."

"sidney你起北京有無艷遇呀?" "無呀...無呀..."

"jimmy有無目標呀?" "有呀...大佬lor"

"隨左大佬之外呢....?" "er....Lala lor..."

我覺得已經夠總結到個”sharing session”...我聽到訓著咁濟=___=

Share完之後...又係打牌...其實係有精神玩既...不過無謂咁chur啦...企起隔離睇下佢地玩算...凌晨呢場係3番起糊...要花心機砌牌咁傷神...更加唔玩XD

我凌晨5點半訓到朝早七點...一起身就有出前一丁食, 多謝曬各46莊既莊友XD我好似乜都無幫過手咁你地就執好曬D野...

辛苦曬大佬洗埋D碗碗碟碟...

Hilda話要早D出番去...sam同jimmy又話跟住走...我同sidney同john又跟住走埋...八點鐘未到已經企起貝澳新圍村出面個巴士站等車...10點鐘之前我已經訓左上屋企張床度...XD

訓到五點幾六點先起身...完全miss曬膠津起創紀之城2期果個show, sor呀XD

呢兩日...都係0 work done...

隨左去分流, 印州塘, 塔門, 東坪洲之外...又諗到多個地方想去...其實兩年前已經去過...不過呢兩日經過又諗番起...

去二東山睇日出(呢個唔係重點)...住爛頭營!!! 好想試下住爛頭營呀!!!

起山頂上面大風到...明明身邊就間屋...但係...唔入得!!! 果種咁感覺係幾咁惡劣...

越諗越覺得...如果下次要睇日出, 一定要住一住果D營, 又唔係貴...完全諗唔到有咩理由唔入去...

朋友, 一睇就知你有take FINA2802 I/J啦, 拍硬檔, 幫幫手check下我有無做錯丫

朋友T 說:

 你唔鐘意講廢話但係你接受到聽廢話?

₠ 西．underpants．塵．越南 說:

 自問係一個唔錯既listener

朋友T 說:

 唔錯既listener 唔一定等於你鐘意聽既wor但係 

₠ 西．underpants．塵．越南 說:

 我好多野都無所謂既

朋友T 說:

 哦! 即係你會是但聽下之後唔記得, 自己又唔講, 而你唔當呢一段對話係溝通?

₠ 西．underpants．塵．越南 說:

 幾中point

朋友T 說:

 你果然有一個好science 既腦.

 好事來既

₠ 西．underpants．塵．越南 說:

 唔係lor

 咁樣有D難溝女

朋友T 說:

 你呢d人唔係溝普通女既ma

₠ 西．underpants．塵．越南 說:

 汗.........

 咁我arm溝咩女, 有無介紹

朋友T 說:

 唔係! 正確d來講, 你地呢d人係唔會冇啦啦出手溝女

₠ 西．underpants．塵．越南 說:

 咁你都睇得出@_@?

朋友T 說:

 你咁別於平常, 冇介紹wor 

₠ 西．underpants．塵．越南 說:

 =________=

朋友T 說:

 覺得ja. 你呢d 另類既朋友, 係難明d又cool d又通常唔知你地唸乜做乜

₠ 西．underpants．塵．越南 說:

 有D想將呢個comment擺上xanga比人睇

朋友T 說:

 可能有好多人有同感 XDDD

₠ 西．underpants．塵．越南 說:

 好, 就抄上去試下

有同感既朋友可以留一留comment=__=

是日xanga筆鋒一轉, 吹到了另一種風格

友人從紐西蘭回港度歲...吹笛認識的, 隨了膠津, 陳富彬, 還有他, 杜國熙

要不是炒了兩科的話...比我細一年的他今天應該畢業了=___=

吹笛朋友, 談論的還是圍繞著膠津的中樂團...

或者...溝女...是男人之間永遠說不完的話題...

說說笑笑...太不認真的話題我總是沒甚興趣...

無助互相了解, 認識, 增廣見聞(某程度上八掛消息亦算增廣見聞...這裏的定義...很寬闊的了)...或抒發感受的說話...統稱廢話

...其實我對溝通的內容...有一定要求的

小弟甚少說廢話...

聽廢話...也無妨

在IFC...見到有中樂小組表演...

膠津明天會到世紀之城6期出show...當然很有興趣看看同行的水平如何

應該是學校樂團? 有這樣的水準其實已經很不錯...

心裏有不少想法...但總是不能有效率地 清晰地表達出來

還是要等該方面的專家代小弟說出心底話

:我覺得...當年吹笛最癲峰之際...應該勉強及得上台上面那位

:...技術可以, 但音色及不上

一語中的

音樂...可能真的比programming更難...programming的能力...我相信有70%是天生的...

但...音樂上的technique神...perfect pitch...只可說一句, 命裏有時終需有, 命裏無時莫強求

從家姐手上接過一本perception的書, 是psychology的其中一個入門course...說到perfect pitch的問題...提到一個theory...可能所有人剛出世的時候都有perfect pitch...但係成長期間經歷了unlearn process...於是長大便失去了...

Sosad...

忽然心血來潮想去買一件衣服...特地拜訪了西寶城內的Baleno...

閒時經過千百萬次卻從沒進內一次...

不久已經鎖定目標...瞬間攜同貨物出門...

花費158元添置一件黑色長袖恤衫...

凌晨零時左右...見到老豆搵左條鎖匙出黎...開佢果邊度門, 但係開極都開唔到

果時候媽咪起房入面, 佢起入面開極都開唔度...

其實我地無鎖門, 只係度門山埋左之後, 點扭個門柄, 都轉唔郁入面粒的

所以老豆點用鎖匙扭都好似無乜用

呢幾日都係公眾假期...都唔知邊度搵開鎖佬...如果我地解決唔到個鎖既話...分分鐘要爆門

我果邊個門鎖同阿媽果邊個門鎖係同一款...所以就同老豆一齊研究下...

究竟點樣拆開個鎖...唔知點解老豆好似真係乜野都識...

首先, 要用一支野督住圓碌碌果個手柄後面既窿...慢慢扭下搖下chok下將圓碌碌果個野chok出黎

跟住...就要giu開cum住鏍絲釘個蓋...原來giu開佢都有竅門架wor, 鎖入面有個類似萬字夾形狀既野突出黎, 唔知點樣tic住果個cum...要giu開個蓋, 就要先搵野禁一禁佢突出黎果個位...然後先sip野入去條lar度giu開佢...

得媽咪一個起房入面...要做到以上既工作真係唔容易...同埋又要話到比佢知個窿起邊度...所以我地即刻影左輯相...print埋出黎話比佢知個D窿既位置起邊...

搞左好耐, 卒之giu開左個蓋, chok左個手柄出黎...跟住就要用鏍絲批扭開個鎖喇...問題黎喇...鏍絲批wor...點樣傳到入房比佢呢? 之前pass比佢既工具都係細細支細細塊, 起門底條lar sip入去...鏍絲批大大支...sip唔到wor...

於是, 我地用拎左支long衫竹入黎, 用橡筋綁住支鏍絲批起個頭度...然後起廚房伸過去佢間房既窗...

卒之拆開左個鎖, 直情成個鎖拎左出黎...但係都開唔到門

用黎tick住度門果粒的仍然留左起入面...粒的唔知比D咩kick住左...kick得好實...

比老豆用個鉗...鉗左佢成20分鐘...終於鉗到佢出黎...

整個拯救行動歷時一個多小時...行動直至凌晨一點半結束

繼續拜年...

合久必分。分久...同另一個合

原來某親戚發生左D咁既事...真係...

三代同堂睇落好幸褔...原來都係有D原因既...

有親戚好耐無見過...原來已經分開左喇...

有”親戚”出現到而家都無見過...原來係...唔係好見得人既?

上一次見到果個好聰明既細路已經係06年既事

做人都係唔好渴求咁多野好

我只想 身體健康

已經足夠喇

不過呢...太少渴求...做人真係無乜動力

同埋...都幾麻煩...例如今日有人問我...: 做乜唔帶埋女朋友黎拜年呀?

。。。。。。。。。。。。。

家姐

真係好犀利, 果種互相明白既程度

唔係話一齊生活左20年就培養到出黎

佢講野...成日講到一半就會比我截停...

因為我覺得我已經get到佢想講乜野, 我有99%都get得中

做人都好似...佢起中大或者我起Swire/北京既時候...都係好少msn

唔會主動撩人講野係一個common characteristic

但係坐埋一齊既時候自自然然就會有野講

我同佢既同步率真係高到無朋友

不過...ai ai ai...黎緊有幾年會見唔到佢啦

年初一, 祝大家虎年行好運

拜年, 按照慣例, 先入粉嶺去舅公屋企...然後去沙田伯娘...有少少唔同既係...今年起沙田食埋晚飯先番屋企...

我讀電腦+金融 VS 我讀認知科學

認知科學...

相信大家都唔認知呢科係咩黎...英文係Cognitive Science

曾經有獨立既JUPAS code既...不過而家已經收左皮...

成為Faculty of Social Science既second major...

講太多都無謂, 反正唔係三言兩語就可以解釋到呢科讀乜...

所以...用三言兩語解釋左比親戚聽之後...

大家依然唔明...個topic通常就會end左

電腦+金融

幾易明丫

電腦丫麻, 我識丫, 用下windows, 用下photoshop

金融, 有錢途wor, 有無買下股票咁呀

然後個topic會繼續落去...繼續起一D唔係好關事既野

年年都會面對同樣既情況...不過今年比較好...問完我之後好似都無乜續問

國家大事

馬鼎盛劉銳紹劉少奇陳良宇左派右派文化大革命普選劉江華曾蔭權梁家傑李柱銘紅線女上山下鄉工聯會陳婉閒葉劉淑儀陳方安生毛澤東江青民建聯長毛劉曉波譚作人...

其實呢....都唔係完全搭唔到嗲........唔係佢話佢地似維園阿伯, 而係, 個個都大聲到死, 大家既偉論都滔滔不絕...而且無特定topic...純粹係分享式咁講下自己睇新聞睇過D乜...或者附帶少少親身經歷....起果個場合真係唔多想講野...

如果講野純粹係話比人知...你曾經起果個場合存在過...就算啦...

而且...果D場合一講野...好容易就會比人定形左你既派系...

我又唔多想係咁

三代同堂

能夠阿婆阿媽阿女三代同堂開開心心咁傾計, 真係幾幸褔...

我同大我兩輩既親戚通常都無乜計傾...

佢地在生既時候...最多都係一個月見一兩次...甚至一年一次...

屋企好似真係未試過有老人家住起度...

好難想象係咩感覺...如果係忽然間加入黎一齊住...可能我會覺得煩

但係如果係一齊長大既話...雖然都有可能覺得煩=___=...

不過都想知道係點

合久必分

雖然感情路上我係近乎0個經驗...

見得太多離離合合...真係...睇都睇麻木...

同埋都幾打擊...

誰人又相信一世一生這膚淺對白...

與情人齊眉白髮問誰可保證...

叔叔舅父

每年拜年...去到人地屋企...都要研究一下...

究竟佢係我邊個...我係佢邊個...

邊個係我舅父, 好易認...但係我係邊個舅父呢sosad?

小朋友A: 叔叔~~~

=_______=

年年我都係咁樣講...我都係20歲左無幾耐者...

有無咁快做人阿叔....

漫畫孔子/孟子/莊子/X子...

其實早起一個禮拜之前已經起書局發現...呢套書重出番喇

博益兩年前係汁左粒...博益死都唔肯放番版權出黎, 要D書同陪佢葬...

當時係有好多人鬧博益咁樣做太狗...

蔡志忠既漫畫X子系列應該都係受害者之一

而家竟然重見江湖...而且...重係一本過, 將所有X子輯錄曬做一本, 正呀!

(痴線...你又唔會睇...有幾正...)

模仿下友人既xanga

Starbuck Venti Steamed Milk

話說之前幫B君做左1122既assignment...

為左報答番我...

就買左杯starbucks 既venti Steamed Milk...

嘩卡卡, 我從來未飲過starbuck venti size既野XD

之前我都飲過starbucks其他分店既steamed milk...都幾好飲

但係HKU呢杯...唔知點解真係好似用奶粉開出黎咁既味...

Map Library

黎到Year 3 Sem 2, 落左莊足足一年之後先發現

原來HKU有呢個Library

原來呢個Library有齊曬HM20C既地圖...

而且連套都無, Library內置影印機

影印真係超方便...

呢個library, 我覺得一定要一代傳一代咁話比行社以後咁多莊知lor

如果行社早D有莊員讀geog咪好lor sosad

通識教育系列：燃夢。言夢：膠津特別篇

Engine math 2 tutorial都走埋...為既係去CYM302幫膠津撐下場

膠津講果D野...我都聽過9成啦...

今日出席既...起碼有一半都係(前)Swire Hallmate...加個(前)字起度...

係count埋我者...susu/lo記/tracy/斌輝/阿豆/ryan...

由北京番黎之後我都無見過咁多hallmate...

不過算啦=.=...我好似連拜拜都無同佢講就走左...好似有D衰...

馬丁。李, Tanya。陳, 夢熊。劉...五區公投？！

我去到果陣都差唔多完喇...

幾乎個個人問既問題都係針對住劉夢熊...

我聽到既第一個係問佢...

話解釋每一個字都要睇番當時既背景, 先去interpret個意思...

”起義”呢個詞語起五區公投呢個運動入面...係無流血, 無衝突事件既...

不停針對”起義就即係會流血”係唔arm既...

仲話自己影印左篇文, 解釋起義起呢件事上面既解釋, 希望阿劉生睇一睇...

仲即刻交左篇文上台比佢

果一下真係全場拍手...不過劉生個態度都幾強硬...

“呢位同學, 請你番去查下詞海, 詞源, 查下起義呢個詞點解, 先番黎搵我討論”

跟住又有另一位同學問左一個我想問既問題...

“你成日話五區公投唔合憲唔合法, 我想問下係唔合邊一條法?”

劉夢熊exactly答乜我唔係好記得...總之佢就話...

”憲法無寫既野, 你就唔做得”

李柱銘即刻開聲話...

”你呢套講法咪即係好似譚惠珠起城市論壇講既野咁...

果時謝志鋒都即刻反駁話: 憲法夠無話比我起度做主持咯”

“起政治上...呢個問題有D唔同...憲法夠無寫話你唔可以叫香港做香港共和國啦, 唔通你可以咁叫咩? 要知道, 民主, 自由, 都係起一定既框架下面既...”

“香港大學法律系XXX教授寫過文話, 五區公投無唔合法, 只係唔合乎憲法精神, 請問你點睇?”

“我認同丫, 係無唔合法...但真係唔合乎憲法精神”

全場嘩然...

“你同先又話五區總辭變相公投係唔合法, 但係你又認同XXX教授既睇法, 咁即係點?”

其實劉夢熊真係柒左架喇...

之前聽佢一路既落答都好對題, 唯獨係呢條...

佢學左D香港高官咁帶你遊花園...講完=無講...

“如果今日可以因為呢件事公投, 唔通聽日又可以話為左釋放劉曉波而搞一次公投, 後日又可以話平反六四公投, 次次都拎億五出黎比你地咁玩法咩?”

Reginababy

以後見到葉劉淑儀都會叫佢做reginababy...

佢選舉果時用果條片真係令我印象好深刻

Wtf請佢起engineering and society講下野...

估唔到reginababy又幾熟悉IT界wor...

連Moore’s Law都識, 中興華偉佢又識...

有人問佢點解政府唔肯投放資源落IT/ICT...佢既答案係..

.”Actually, our government does not want to invest in anything, other than infrastructure... They only brought in Disneyland to us... which is losing money now...”

指甲油

一聽到條問題, 我真係有諗過...

透明色既指甲油...同指甲色既指甲油...

清淡D既人....如果要用...我第一時間會諗到呢兩隻色...

但係...我有少少驚講出黎都比人笑

透明既...搽黎做乜?

指甲色既...搽黎做乜?

點知...真係有呢兩隻色既指甲油sosad

訓到十一點起身...番去上derivatives tutorial...去一去廁所, 上埋software engineering...

根本就未訓覺...上左兩個鐘堂幾乎都係睡眠狀態...

唔夠訓真係會做好多柒事...例如, 上完SE之後同Bryan行樓梯落IP lab...行樓梯行到興起, 諗住一野踢開度門...CYC既門我已經開過幾千次, 明明我知道係拉既都踢左埋去...Bryan起隔離睇到O曬咀...

之後入IP lab...我係咪o都, 唔知點解都o都唔入...錯左三次之後終於發現, 原來自己唔係o都緊IP lab既門...而係隔離laser lab=___=

同埋呢, 眼訓得濟真係會唔記得食飯...明明我原本諗住上完SE去食少少野先既...但係一跟住bryan落lab就唔記得左...

好彩3點鐘有個機會比我出番黎=___=

話說之前幫B君做左1122既assignment...為左報答番我...就買左杯starbucks 既venti Steamed Milk...嘩卡卡, 我從來未飲過starbuck venti size既野XD

起starbucks坐左陣...同A君B君吹下水...又去下map library參觀下...

原來...map library有齊曬HM20C既地圖!!!! 下莊(丫唔係, 係下下莊)要影印地圖既話, 應該要去map lib lor!!!! 套都唔駛拆, 而且應該好新!!!

點解我落莊咁耐先發現呢個地方架!!!!

“死啦, 落左莊之後唔想去pre-trip添....唔想去一個地方兩次...”

“拿! 你都明白呢種感覺呢!!!”

番去IP lab...開始做LCD display果part 既VHDL code先...我只係想試下整到成個畫面紅色...code係寫好喇, 不過唔work...預左架啦...搵日再番去執執佢...

行下三聯...

次次行果陣都覺得有D書好吸引, 想起呢度講下...但係一講就太長...所以都係skip左先...

夜晚打左兩鋪DotA...其中一鋪仲要係...6 VS 6=__=...d animation多到我lag機=.=

過幾日又要見philip pong啦...救命...

真係好唔想做野=___=八點正起身, 坐起張床上面坐左半個鐘先落黎=___=行到勁慢咁番學校...再勁慢咁食個早餐...九點半先食完=___=由起身到食完早餐竟然花左1個半小時...shit...

然後review一下bryan份SHL question...就開始做J.P. M既numeric reasoning test...

我覺得我都係唔係幾arm做呢D test...

今次出曬X咁做呢個test...而且做曬preparation, 準備下次再做都繼續出X...

得, 呢D野都係唔講咁多

上Investment...其實...讀左咁耐finance...都唔明, 點解, 投資越分散, risk就越低, 點解兩隻asset既correlation coefficient無論係1定-1都好, 個risk只會細左, 唔會大左...上堂問過下Alex... “it is a fact”=.=...

同埋...plot 果條mean S.D. curve...簡直就係低能, 竟然要係咁試, 即係呢...係咁試都算喇...之前讀corp fin, 計IRR果D野...人手用bisection method試都仲話得...而家...竟然話要用excel等佢用solver做=___=

如果一早教用Lagrange multipliers黎做optimization...咪幾好lor...不過又會嫌太深...

唔食飯...落IP lab...做埋未做完既verbal reasoning test...

唉...原本係”there is increase anxiety...”, 問你”people are more concern...”咁係true定can not tell=.=?

唉...都係報下者=____=

人工雖然話near 30,000...都要有咁大個頭先戴到咁大頂帽架sosad

又走左engine math 2

上software engineering...仲抽象過初初學derivatives果陣...上堂lost果個程度同1614有得揮=____=

落.NET打兩鋪DotA...然後就去Ramblers’ Club, HKUSU, Session 2009-2010既AGM!

收到個SMS話六點鐘去pizza box幫手拎pizza....諗住佢地都無咁準時...六點半先去UG114, 點知...又齊人咁濟啦wor, 而且d pizza都到齊曬

咁早黎都係至在食下pizza架者...果然都係得我一個...non-46/47莊既人...

同佢地一齊食埋pizza....等到差唔多七點半...黎到既人有

我/Queena/Matthew/亮/Sharon/Billy...

另外仲有41莊既Albert...同埋??莊既Jasmine 歐同學...

Debby因為要化身Debby Gaga出席

呢一晚只係過左兩個function, 由頭開始數, 分別係山藝一級同埋釣魚翁...

Camp既內容...唔講喇...反正呢D野唔應該係由我黎記低...

十一點幾完...

番到屋企...我都唔記得自己做左D乜野...搞下搞下搞到兩點幾都未訓....跟住仲要開左上年AGM既xanga黎睇, 同某下莊討論下...AGM完左之後既sharing session...

差唔多四點先訓覺=___=!!!真係未死過

...第二朝既AGM...寫11點開始, 都預左會delay架喇...好彩delay一個鐘都開得到...Sally/Crystal/阿四/Debby/我...

承接尋日既AGM...今日camp到第3個function...石澗...

講到有某U既同學黎同我地一齊行...Jimmy起evaluation果度都有提過...經過Debby同Sally就住呢個point詳細詢問過之後....Sally開左第一炮:

「如果去番果日再黎過，你地莊可唔可以試下再介紹一下自己？」

犀利...我就問唔到D咁有質素既問題...

逼到要Ringo10秒內gen左個introduction出黎...最死既係...Ringo唔記得介紹番行社...好彩都有|a|a補番底...結果都係比Debby燥燥地咁插左一輪=___=

(以上呢段係我即場打既所以會詳細左D=.=)

另外我都問左Jimmy一個問題... 「我見你個proposed rundown同actual rundown幾乎係一模一樣, 隨左係一兩隻字既唔同之外, 老實講我睇落就覺得你係copy and paste喇, 當然我都唔排除你地既time control真係做得好好, 呢個我唔知喇...你可唔可以解釋下? 如果係真係做得好time control, 可唔可以講下點解咁好？」

其實我問得比較差, 一黎比較mild, 二黎, 我咁問法, 隨非佢真係大無畏, 如果唔係好難認話係copy and paste...結果佢選擇話自己真係time control得好

講真...搵鬼信咩...

根住應該到joint U camp...不過阿澄唔起度...咁應該到I day啦...但係jacky又唔起度...咁就到O camp啦? 而家咁少人, 不如遲D先問啦...RM呢D重頭戲都係等多人D先啦...

所以一野飛左去...夜行鳯凰山...然後到蒲台島...

我平都無野講...鳯凰山無去...更加無野講...係Matthew問左好耐...關於搭車既問題...

蒲台島就...其實我想問下...點解行左成程我都唔覺得有任何mass briefing出現過...不過, 唉, 算啦, 我都唔係harsh人

番去I day, 到joint U camp, 到O camp, 到RM... camp埋呢四個function, 已經係晚上11點幾...

Joint U camp, O camp果陣都有D 43莊既老鬼起度camp...

一路都係由Ringo做主席既...去到O camp就轉比Lala做主席, 去到RM就轉比阿澄做主席...其實呢三個人都係唔係好識議事守則...即係呢...一個問題兩個續問...呢D野起今晚從來無follow過...連鎚都無個...阿澄連D莊友姓乜都未搞清楚...真係有少少O咀...

Camp joint u camp果陣...d 時間我用黎upload 97張相上photobucket=.=...準備publish 我篇華東七日既xanga...

Camp到RM係暫停左一陣...因為要傾下接住落黎應該camp咩好...聞說Sally同Queena同Crystal研究完佢地份Fin Report之後, 覺得有好多野要改, 索性唔camp佢喇

完曬起AGM booklet見到既report之後...就到轉莊camp同招莊...以往都唔會camp埋呢兩樣野...不過今年轉莊camp真係有D問題既...所以要當AOB講埋...

真係完曬function之後...就到sec位喇, 有阿4, 亮哥同高同學起度...steward好似問左兩三個鐘先完=__=跟住到pub sec...又係高同學出口既時候...由steward開始都係我做主席...一路做主席一路處理下篇xanga...我呢個主席都幾唔盡責=___=

Camp曬成支46莊, 已經係2月7日, 凌晨五點幾...完左舊莊, 就開始camp新莊既year plan...

一路camp到差唔多八點...我又比番Lala做主席...camp完新莊year plan第一個function...刀上行人之後...八點放早餐break...

老鬼們起凌晨四點幾都through Queena叫左麥麥送...唔肚餓...所以八點鐘...我/Debby/四/Queena都去左UG114入面間房訓...唔知點解SU出面既梳化都搬曬入去=.=...

45分鐘之後佢地番黎繼續campaign...見我地訓左就無叫醒我地...由得我地繼續訓...好彩者...

不過前後都係訓得1hr45min...10點醒番又出去繼續campaign...剛剛問完蕪澗道...到大澳function...

之後既時間我都好似用黎繼續篇華東七日既xanga...相同字都搞掂曬...但係呢...都係比lala/debby/ringo proofread下先好D既...ringo要問問題...就算啦...lala同debby睇過無問題...終於post到出黎喇...去完旅行差唔多成個月先出版...真係千辛萬苦ar....

原本想抄埋去facebook...但係一有相就好鬼麻煩...所以...都係無整到...

Post起xanga果個版本呢...雖然已經有2萬8千幾字...但都係忽略左好多唔出得街既野...尤以深夜sharing為甚...所以而家諗緊...好唔好整多個秘密版, 淨係share番比團友算...

Public左之後...debby又拉埋阿金, Sally果D黎睇...拿, Sally同阿金講既野先係人講架麻...

Sally: “嘩呢張相影到阿西好型wor!!!”

阿金: “嘩Debby乜你呢張相咁似mainland既! 睇下頂帽...同件羽絨, 加上你紅bok bok既面! 真係成個mainland咁樣!”

一路去到camp steward果陣我先再出下聲...問下佢地如果拎住200蚊入書展會買咩地圖呢D問題...

Chair, IV, EV呢D位...我都唔識問啦...

Hon sec最尾先問番...係viola做...要camp一位mainland同學真係第一次...好彩有去左半年清華既阿John問佢...不過viola話佢可以用番廣東話問...簡直就對阿John既普通話水平一種極大恥辱XDDD

Ringo真係好唔熟果D議會守則...

成日都話...AGM完左之後既sharing session先係重頭戲...唔留起度聽既人真係蝕左...

開場之前...我繼續講笑咁問...”你估...邊個係第一個喊丫拿?”

Debby + Sally: “我覺得佢地無人會喊lor”

阿金: “我做莊我做莊!!”

呵呵, 哈哈, 我梗係唔信無人喊啦...有iris起度我覺得我真係唔會輸XDDD好似賭馬咁, 如果要買埋位置...咁會係邊個呢? 呢個真係難D...

先係...Sally / Debby / Billy / 阿四 comment下佢地AGM既情況...真係跟唔足d規則...然後叫佢地講下AGM應該係點...

我對呢條問題無乜興趣...老實講我認同AGM呢件事有少少係形式化左...事情已經過去, 問咁多都好無謂...雖然同新莊講左十萬次要聽野...但係, 未真係搞過, 就算講左個main point比佢聽...都未必feel到啦...事實就係新莊起AGM會撻皮, 最多得幾個人真係聽緊...有時D野唔駛問咁多, details未必真係咁重要, 重點問番可以pass到比下莊既experience就得...甚至索性唔駛續問, 問一條問題, 然後即刻comment比新莊聽我覺得係最好既做法...

(我認我都有問廢話...sor呀...T_T...)

議事規則...都係形式黎者...成件事係咪真係需要咁serious? 問d有point既問題, 比d誠意去答, 唔好fu衍人, 唔好為左唔駛比人鬧而答d冠冕堂皇既回應, 新莊專心聽...These are all the essential points...other then these... I do not care...做得足呢D野...我理得你係圍圈圈上堂既形式...

(不過呢, 要做得足, 可能真係要有議事規則黎附助下既...呢個...我唔知喇...人真係好犯賤...無框架既話真係會亂咁黎...)

(我最興就係講廢話架啦...”我唔排除任何事既可能性” XDDD)

(我既意見同主流老鬼既意見有D唔同, 可能係因為我未能夠真切咁認識到AGM既真諦啦...)

阿四叫每個人講下覺得自己做得最好同最差係乜野...得幾個人答左...而且都只係答到最差...答到最好果陣...個個都要諗一諗...然後pass左比下一個人...之後無答番添...

問到覺得上莊有d咩痛苦既時候...

Hilda果part...應當事人要求唔post出街

(我鐘意你起gmail留果句: 雖然有少少遺憾，但係我地要做到無悔!!!!!!!)

That’s very true... 有遺憾唔緊要...千祈唔好悔

有無人可以講下點解會4點半就要走呢個問題? Sit Counter已經係最易做既野黎架啦wor...

「因為我屋企人都番好早...我太夜番去既話對佢地係好大影響...所以我成日開會都話要早D走...我唔明點解, 點解次次開完會食飯都要落西環食唔可以落SU can食...真係唔知點解...有D人可以唔黎開會...可以唔黎pre trip...」

「其實剛剛講果個係我黎既...我認我下半年真係少左黎開會, 少左去pre-trip...咁係因為...上半年搞個joint U camp真係搞到好辛苦...晚晚都要同佢地傾D details位...搞完個轉莊camp之後...我就有少少想quit 莊...果時有D fd知道我GPA之後就話...『我有個中大fd, CGPA過3...都無HSBC offer!』...我知道我兼顧唔到住hall上莊讀書...我又起度諗, 我仲留起度...會有咩有呢? 最多都係做下組媽, 同埋負責講普通話...我諗左兩個禮拜, 覺得, 真係不如開EGM, 等我比人鬧...然後quit莊好過喇...但係...佢地話...多一個人留起度好D...雖然我初初係企得好硬話要quit...但係都...」

（西按：想入HSBC? 過3梗係唔夠啦...minimum requirement寫明GPA>=3.2先會考慮下...GPA只係stage 1...後面仲有千千萬萬個stages...我淨係見過報technology analyst既人都知道...d人係非一般既勁...而且E&F既人應該報trader / private wealth management 果邊...競爭更加大添...）

「搞RM果陣...我唔想咁chur d 莊友...而且聽過上年sharing...聽到45莊話佢地果時得番幾個人pre-trip...我覺得咁樣pre法...不如唔好pre lor...點知...對莊友好左...就搞到個function咁樣樣...」

呢個時候Sally忍唔住講番幾句話...佢果莊既人, 會為左d function搞到反曬面...但係...呢支莊就同佢地莊完全相反...為左莊友...衰左function...

「(講緊轉莊camp)果個時候...又要準備Mock camp, AGM booklet, 同埋informal trip...所以先無問佢地傾多野...」

Billy又要comment一兩句...其實, 上年轉莊camp果陣, 你已經係拎得最多野果個人, 今年轉莊camp又好似係你搞曬咁...有無進步過?

「其實我覺得我做IV...跟D野真係跟得唔足...我覺得Ringo好似係半個IV咁...幫我做埋...」

阿四有點名問過sidney同john...覺得去exchange...呢件事點...

Sor...兩位...一黎到呢條問題...真係最容易liu起我沉澱左既感覺...同埋你地講野又細聲...我真係無乜留意到你地講乜...

不如你地逐個逐個莊友講下佢有咩好丫

「Hilda真係好做得野...佢唔只對我地要求高, 對自己要求都好高」

「其實Jimmy真係幾好架, 我起msn同佢講野都幾正常, 係面對面講野先唔知點解會咁白痴...我仲記得行澗完左之後...佢起gmail寫左篇野, 果次係我第一次jimmy坦白自己」

「Sidney真係好多鬼主意, 可以幫我慳到好多時間」

「其實我都唔係好識photoshop果D野...好多野都係iris做番...」

「雖然我同佢都係pub sec, 但係佢係我最遲熟果個lor...我係去到六月先有佢電話...我好記得AJ臨dead之前果晚, 成支莊得番我同陳玠彤同佢online...後黎陳玠彤都off埋...得番我同佢好努力咁執...」

「我做野其實真係好唔小心...有好多野都係olivia同我執番」

「我覺得Jacky真係好好lor...雖然佢平時係會遲到...但係起我真係需要幫忙果陣...好需要人既時候...係佢幫我lor... Plan RM 條route...其實我都唔識, 條線其實係我同佢去圖書館睇書搵出黎...佢肯由荃灣出黎...同我兩個人咁搵...」

「我覺得iris真係好重要...上莊初期呢...jimmy同sam...同支莊都係比較...detach...（全場笑～）我唔識講中文丫麻!...可能係iris果種溝通方式比較適合佢地...所以拉番佢地埋支莊」

「其實lala做IV真係做得好好lor, 係多得佢搞咁多function, 食下飯行下街咁, 我地莊既relation先會咁close」

「果時我同jimmy一齊搞石澗...係同佢最close既時候...就係果時認識到jimmy既另一面...」

「John真係好純...我講D好唔好笑既野...明明全場都無人笑...唔知點解就係得佢會笑」

「阿John打牌好慢, 上次同佢打牌, 站長黎既!」

「阿Sam好鐘意搏比人鬧架lor...有時D野明明自己有做又要話無做...」

「我會咁樣講...其實係因為我中學發生左d事...係咩事我唔想講喇...我覺得, 有時D野...做左唔駛話比人聽既...」

阿四例牌最後問既一條問題

「呢條問題, 唔駛答我, 自己諗下得喇, 『有無後悔過上莊』?」

即刻有人爭住答:

「我記得有莊友講過...『上莊係我入到大學之後做得最正確既一件事！』...我都好認同！」

其實, 我都好認同

我覺得今年個sharing session...前面有少少時間用黎講番AGM, 轉莊果D野...同埋問番一堆莊既問題...搞到真正share既時間好似反而少左...最後聽番逐個逐個莊友comment下有咩好先係最好聽架麻!

一路聽住最尾呢個sharing session...其實我都諗左好多野...特別係問到john同sideny去左exchange果陣...

(如果, 你係行社任何一莊既莊員, 真係強烈建議你睇下我xanga, 2009_02_06。行社45莊AGM XDDD, 同今年一樣輯錄左臨尾sharing session...不過我比較自我, 記得既通常都係同自己有關果D XD)

我D莊友...隨左feel到我搏盡出席曬所有活動之外...唔知仲feel到乜呢?

當年頭四個活動...山藝一, 唔知點解我果組得我一個ex-co...蚺蛇尖, PIC唔需要落組, 乘風航...唔知點解我果組又係得我一個ex-co...係I-Day有真正起on-day合作過...之後O camp我都走左喇...(我i-Day真係有搏盡哎架!!! 不過我覺得哎左咁耐好似都無乜用咁...而且仲比人捉到我踩出界...D人痴線架lor...企埋一二角伏我仲要影我相=___=)

因為上得半年莊...上年AGM既時候我都有諗過...去完exchange番黎要繼續搏盡行社當係一點補賞...45.5莊呢個...我隨手起msn寫左一晚, 估唔到會有人記得...不過呢...45.5同46始終係有D距離...極其量我都係好似起45莊咁...去曬所有有得去既function lor...不過46莊果D我都無去曬...

47莊既人呀, 如果想去exchange, 記得揀sem 2去呀...

(咁點解你自己又唔sem 2去呀?)

唉唉唉, 其實覺得自己上左莊...唔係好耐...呢D organizing 既sense都係無乜...就算比我再幫手搞活動都未必幫到d咩手...開會既時候...同我起AGM一樣...真係...好少發言=___=就算係有去到46莊pre-trip...不見得有幾有建設性...同我講既一樣, 我真係只係黎跟行...可以話...人多D, 會令到大家感覺好D, 同有人支持佢地...實質幫到既, 都唔係幾多

47莊呀, 黎緊呢年你地可能莊友同莊友之間會有磨擦, 有拗giu, 可能會有想撻想quit既念頭... 上莊, 可能係會令你失去左其他野, 例如GPA (問下45莊debby就知), 例如錢(我出錢印既45莊AGM booklet仲未拎番錢), 甚至係exchange offer, 但係, 如果你能夠全情投入, 支莊能夠比到你既滿足感, 真係非筆墨所能形容..., 能夠捱過mock camp同campaign, 係你地邁向精彩大學生活既第一步~!黎緊既一年, 我等住參加你地既活動丫~~~~!

(47莊既人唔好比我呃到, 我平時唔係講呢D煽動人心說話既人...)

(46莊既人一定起度諗緊...嘩, 呢個係咪阿西黎架)

(45莊既人應該諗緊...阿西究竟係搵邊個同佢作架呢? 作到咁好文彩既?)

(自我comment: 呢番說話有D似住hall既人講既野=.=)

有一種再落莊既感覺

痴住佢地果陣...有時會有少少仲上緊莊既感覺(謎之聲: 收皮啦你...你估你真係45.5莊咩)=__=今日佢地都落莊喇...學ringo講下英文...搞到我都有種detach既感覺sosad

AGM完果陣...有少少感慨...第3次AGM喇...心諗下年自己再黎既時候已經無投票權...忽然醒起...我果莊既莊友第一次發言時候...

“多謝主席, 我係香港大學XXX學院主修YYY FINAL YEAR, 行社45莊(post name), Z同學”

唯獨是我同Debby係

“多謝主席, 我係香港大學XXX學院主修YYY Part 3, 行社45莊(post name), Z同學”

Part 3同Final Year 既分別係...Part 3有Part 4, Final Year 無Part 4...

下年Part 4既我仲有投票權...OTZ...

我仲未去投票...學生會週年大選...

頭先一路沖涼一路諗...我選個學生會出黎, 唔會係用黎翻舊帳掛? 對我地可以有咩幫助? Beauty care week? 盤菜宴? 老實講我唔想我1年交140蚊學生會會費...係用黎搞盤菜宴lor...我相信比起搞盤菜宴, 應該有更多有意義既事可以做下...

講講下...好似想投反對票添=__=

又走左engine math 2...上左兩堂derivative...教到forward and futures喇...

期貨...仲難過期權...

唉...呢排, 真係乜野都唔想做

HKIA: 你覺得我地個機場服務有咩可以改善既地方?

CUHK GIS: Please comment on the 五區總辭(in English) in English.

--------------------------------------

Derivative 衍生工具

衍生工具係咩黎架呢? 就係一D金融產品, 佢既價格係depends on 一D underlying asset... underlying asset可以係好多野, 股票, 指數, 甚至係粟米, 原油都得...

大致上可以分為四種

Forward contracts 期貨, 即係甲方同乙方之間簽一份合約, 定明甲方可以起若干時間後, 用若干價錢購買某asset

例如, 我係一個粟米農夫, 你係生產商...正常情況下呢, 粟米都係5蚊1公斤既...但係作為農夫既我, 怕佢會跌低過5蚊wor...跌低太低咁我賺咩呀? 作為生產商, 又驚未來粟米價格會升, 咁雙方就可以簽定一份forward contracts, 定明3個月後我一定要用5蚊1公近呢個價格黎賣比你...

如果3個月後, 粟米價格真係升左既話, 農夫都一定要用5蚊呢個價賣比生產商...呢個時候生產商就有賺喇, 因為佢可以用一個高D既價錢將呢D粟米賣番出去...蝕底既...當然係農夫啦...

第二種叫call options 認購期權, 如果甲方向乙方買入一張認購期權, 咁甲方就可以起一定時間內, 用一個指定價格從乙方購入underlying asset, 留意呢個只係一種權利, 唔係obligation...即係甲方買又得, 唔買又得

例如我向股票行買入一個認購期權, 起一定時間內, 可以用2.00呢個價(稱為strike price, 行駛價)買入PCCW既股票...起呢個期權既到期日, 如果PCCW既股票係高過2.00既話, 咁我梗係行駛呢個期權啦, 因為我可以用2.00呢個價買PCCW既股票番黎, 然後即刻用一個高過2.00既價格買番出去...個差額就係我既profit喇

咁如果PCCW低過2.00咁點算呢? 咁我唔買lor, 走lor

咁你會問, 嘩, 咁筍既事都有既? 咁我咪賺梗? 咁點解會有人賣call options比我?

係架, 係賺梗架...但係要留意, 呢個認購期權係要用錢買番黎既, strike price越低呢個call option越貴, 梗係啦, strike price 越低, 你行駛呢個期權既機會越大, 賺既亦都越多wor....賣call options既人都唔係低能既, 佢地會用Black-Scholes formula計過條數先, 先決定一個call option應該用幾多錢賣出去